Qaamarngupuummat

”Oqaluffimmi naneruummik ikitsigaanni, taava misiginartarpoq soorlu tassa Guuti nammineerluni najuuttoq. Inuit aamma oqaluffiliartarput naneruummik ikitsiartorlutik. Tarnivut assorsuaq qajannarput, taamaakkaluartoq Guutimi tuppallersaatissatsinnik nakussassaatissatsinnillu aallersinnaasarpugut. Uannit isigalugu aamma eqeersagaaneq inummut ima isumaqarsinnaavoq nutaaliortitsisuulluni, taamaasillunilu inuup oqaluffiliarusussusaanut iluaqutaalluarsinnaalluni.” Oqaatsit Kaaleeraq Svanep pimoorusserpalaaqisup annippai. Taassuma suliarisartagaasa ilagaat illoqarfiup radioatigut naalagiarnernik aallakaatitsisarneq, Kaaleeraq aamma ilagiit siunnersuisuinut ilaasortaavoq, qalipaasarluni inunnillu oqaloqateqarneq nuannarisuullugu. ”Qanittukkut arlalinnik imminut toquttoqarpoq, arlalinnik nalinginnaasumik toqusoqarluni ipisoqarlunilu. Tamanna artornaqaaq, nalunngilarali radiokkut nalagiartitsisarnerit inunnut iluaqutaaqisut. Piffissami tassani inuppassuit aallakaatitsinerit ”radio tuppallersaammik” taagorpaat.

Oqquiffik

Kaaleeqqap ingammik oqaluffiup inunnut susassaqarfittut isigineqalernissaa pingaartippaa. Oqaluffik ukioq 1965-imi sananeqarpoq umiatullu pusingasutut isikkoqarluni, tassa ataa oqquiffissaqqittuulluni.

”Kikkut tamarmik oqaluffik oqquiffigisinnaavaat, uagut aamma taama isigineqalernissaa naleqquttutut isigaarput. Qaammatit qulingiluat Aasianni kaperlannerata nalaanni assut qaammanermik amigaateqartarpugut, erniinnarli oqaluffiup isuani qaammaneq takussaalerumaarpoq. Qullernik ikumasussanik ikkussuititsiniarpugut, taakkulu illoqarfiup ilarujussuanit takuneqarsinnaassapput. Guuti qaammaqqutaavoq.

Marlunngornikkut unnukkut aamma oqaluffik iserfigineqarsinnaavoq, tassanilu naneruummik ikitsisoqarsinnaallunilu qinusoqarsinnaavoq, maqaasisiamut aamma inuulluaqqussummik allattoqarsinnaalluni. Unnukkuttaaq oqaluffimmi tussiartoqartarpoq, tamannalu aamma ornigarneqarluartarpoq. Ilunngunartumik alianaatsumillu uum- attortarpaa mammik attuisumik nipilersortoqartarpoq, tassami ilaquttamik toqusoqarsimatillugu nipilersornerup iloq qaamanilersortutut ittarpaa. Tamanna assorsuaq attortinnarsinnaasarpoq.”

Oqaluffiup eqeersimaartup aallartissimasaasa ilagaat qerititsivik, inuit qaammat naallugu nerisassanut akissaqanngitsut tassunga nerisassanik akeqanngitsunik aallersinnaasarput. Piumassutsimik ikiuukkusuttut nerisassanik tunissuteqartarput. ”Inoqatinut ikiuunneq ajunngitsuliorneruvoq, tamanna minnerunngitsumik ilaqutariit akissaatikitsut meeraannut illuaqutaavoq. Aamma naalagiartoqarnerani ikiuuttarpugut Utoqqaallu Illuannut utoqqaat pulaartarlugit, ilaanneeriarluta aamma toqusimasumik annissilersut peqatigalugit tussiaqataasarluta. Suliap taassuma qanoq ingerlanneqartarnera ilisimavara aamma ajoqip tatigigaanga nalunngilara. Tamanna qujamasuutigaara.”

Inuusuttut soqutiginninnerat

Inuusuttut aamma oqaluffimmukartarput. Apeqqutissarpassuit uppernermut, ataatarpu-

”Ilassineq uummammik matoqqasumik mmaasinnaavoq,”Kaaleeraq Svane taamak isumaqarpoq. /

”En hilsen kan åbne et lukket hjerte,” mener Kaaleeraq Svane.