Eksamensboost 20.-24. november
PROGRAM Måndag
Onsdag
08.30-10.00: Frukost på biblioteket 10.00-12.00: Drop-in samtalar 13.00–16.00: Pausekroken 13.30-15.30: Kan du slå Rubix-kuberoboten? 14.00-17.00: Ta ordet kurs 16.00–17.00: Mindfulness
08.30-10.00: Frukost på biblioteket 10.00-12.00: Drop in samtalar 13.00–16.00: Pausekroken 13.30–15.30: HVO meisterskap i Beat Saber 16.00–17.00: Mindfulness 17.00-19.00: Mat og prat
Tysdag
Torsdag
08.30-10.00: Frukost på biblioteket 10.00-12.00: Drop in samtalar 11.30–14.00: Rettleiingsskranken 13.00–16.00: Pausekroken 13.30-15.30: Fotokonkurranse 360-bilde. 16.00–17.00: Yoga
08.30-10.00: Frukost på biblioteket 10.00-12.00: Drop-in samtalar 11.30–14.00: Rettleiingsskranken 13.00–16.00: Pausekroken 13.30–14.10: Konsert med Sølvguttene 13.30–15.30: Kan du desarmere ei bombe? 16.00–17.00: Yoga 16.15-18.30: Tekst og tanke
Fredag 13.30-15.30: Sphero-race 18:00: Skriv for liv v/Amnesty
* Pauseaktivitetar på biblioteket kvar dag 07.00-24.00!
Frukost i biblioteket
Velkomen til ein god start på dagen med gratis frukost i biblioteket. Vi byr på yoghurt, musli, frukt og kaffe og ein fin stad du kan sitte aleine eller i lag med eksamensførebuingane dine.
Måndag-Torsdag 08.30-10.00 Biblioteket GRATIS
Pausekroken Lag deg di beste og mest chille pause! Visste du at å ta gode pauser er noko av det luraste du kan gjere i eksamenstida? Lag deg ei god pause i pausekroken i kantina. Vi har gratis snacks, drikke og avslappande aktivitetar og muligheit for ein hyggeleg samtale. Kom aleine, eller saman med andre. Bli så lenge du treng, kom og gå som du vil! Her er du og all prokrastinering hjarteleg velkomen!
Måndag-torsdag 13.00-16.00 BK kantina, nedre del GRATIS
Ta ordet kurs med VR Synest du det er vanskeleg å snakke framfor andre? Gruar du deg lenge før ein presentasjon? Blir du stressa og nervøs før munnleg eksamen? Då er dette kurset for deg! Kurset er lagt opp slik at du sjølv har moglegheit til å velje kor mykje du vil utfordre deg. Vi vil gjerne hjelpe deg til å få kontroll på sveitte hender og spente nervar med gode tips, praktiske øvingar og heimeoppgåver. Kurset går over fire gonger og har plass til 10 deltakarar. Det blir gratis middag etter kvar kursøkt! Sjå meir informasjon om kurset på sivolda.no
Måndag 20.11 og onsdag 22.11 14.00-17.00 GRATIS
Yoga I desse yogatimene skal vi jobbe med å opne og tøye område av kroppen som vert stive av stress, stillesitting og eksamenslesing; skuldre, nakke og hofter. Alle kan vere med, om du har gjort mykje eller lite yoga frå før. Ta på klede du kan bevege deg i. Alt av utstyr kan du låne. Anne Natvig er yogalærar med utdanning i vinyasa, yin og restorative yoga frå Oslo Yoga.
Tysdag 21.11 16-17 Torsdag 23.11 16-17 Rom: SAA 225 GRATIS
Rettleiingsskranken Her kan du få hjelp med litteratursøk og kjeldebruk (APA). Vi gir også enklare oppgåvehjelp. Du er velkomen med både små og store spørsmål. Det er berre å stikke innom i opningstida, du treng ikkje avtale tid. Rettleiingsskranken finn du i 1. etasje i biblioteket.
Tysdag 21.11 Torsdag 23. 11 Kl. 11.30–14.00 Fyrste etasje på biblioteket GRATIS
Mindfulness
Mindfulnesskurs med mindful yoga med instruktør Line Katrin Moe. Dette er ein time der ein kan få pulsen ned og lande og få med nokre mindfullness-tips på vegen.
Måndag 20.11 kl 16-17 Onsdag 22.11 kl 16-17 Rom SAA 225 GRATIS
Mat og prat Vi møtast i kantina på BK og et gratis middag, og har ein hyggeleg prat saman. På borda ligg det samtalekort med tema og spørsmål som kan vere fint å samtale om. På menyen står taco og sjølvsagt med vegansk alternativ. Det er begrensa plassar, først til mølla
😊
Meny: Taco Onsdag 22.11 17.00-19.00 BK Kantina GRATIS
Tekst og tanke Bli med på Tekst og tanke, der vi brukar lesemetoden samlesing/shared reading og blir kjent med god litteratur og gode menneske! Denne gongen les og undrar vi oss over ei Twitternovelle og eit Instagramdikt. Tekst og tanke er eit tverrfagleg studentvelferdstilbod ved Høgskulen i Volda. Det er utvikla av studenthumanist Lone E. Knutsen, Elin Gundersen ved biblioteket og Guro K. Gjøsdal ved Nynorsksenteret. Arrangørane møtast i ein intensjon om dialog, helse og demokrati gjennom god litteratur. For kva skjer når ei god lesing av samlesing/shared reading finn stad? Forsking i satsinga viser til ei kjensle av sanningar og eksistensiell helse, der tryggleik, likeverd, tilhøyrsle, velvære og undring står høgt. Tekst og tanke er humaniora i aksjon!
Torsdag 23.11 16.15-18.30 – Lesestund med gratis pizza i BK Kantina GRATIS
Sphero-race Styr ei Sphero-kule gjennom ei løype inne på biblioteket. Du styrer kula med ein iPad. Raskaste tid gjennom løypa vert "The Spherohero".
Bonusoppgåve: Bli med på minimum 4 av 5 aktivitetar på Læringsverkstaden denne veka og bli med i trekkinga av middag på Rokken for to.
Fredag 24.11 13.30-15.30 Læringsverkstaden, BK 171 GRATIS
Beat Saber turnering HVO- meisterskap i Beat Saber! Beat Saber er eit VR-spel der du skal "slå" deg gjennom ei musikalsk løype med to lyssablar. Dette har blitt eit av dei mest populære VRspela. Læringsverkstaden inviterer til HVO-meisterskap i Beat Saber. Bonusoppgåve: Bli med på minimum 4 av 5 aktivitetar på Læringsverkstaden denne veka og bli med i trekkinga av middag på Rokken for to.
Onsdag 22.11 13.30-15.30 Læringsverkstaden, BK 171 GRATIS
Desarmer ei bombe Klarer du å desarmere ei bombe? Ta med deg ein venn og prøv denne utfordringa på Læringsverkstaden. Dette spelet krev god kommunikasjon og samhandling. Bonusoppgåve: Bli med på minimum 4 av 5 aktivitetar på Læringsverkstaden denne veka og bli med i trekkinga av middag på Rokken for to.
Torsdag 23.11 13.30-15.30 Læringsverkstaden, BK 171 GRATIS
Rubix-kuberobot
Klarer du å løyse Rubix-kube raskare enn roboten vår? Læringsverkstaden har laga ein Rubix-kuberobot som løyser Rubixkube. Det blir ein liten premie til alle som klarer å løyse den fortare enn roboten vår. Bli med på minimum 4 av 5 aktivitetar på Læringsverkstaden denne veka og bli med i trekkinga av middag på Rokken for to.
Måndag 20.11 13.30-15.30 Læringsverkstaden, BK 171 GRATIS
Fotokonkurranse Eit 360-kamera kan ta bilete i 360 grader og dette gir mange kreative moglegheiter. Kom innom Læringsverkstaden og lån eit 360 kamera, ta eit bilete og bli med i konkurransen om det beste 360biletet av campus. Bonusoppgåve: Bli med på minimum 4 av 5 aktivitetar på Læringsverkstaden denne veka og bli med i trekkinga av middag på Rokken for to.
Tysdag 21.11 13.30-15.30 Læringsverkstaden, BK 171 GRATIS
Skriv for liv Bli med å gjere verda meir rettferdig. Bruk di røyst til å stå opp for dei som straffast for å nytte si! I november og desember kvart år viser me solidaritet og skaper merksemd kring situasjonen til menneske som er offer for alvorlege brot på sine menneskerettar. Me skriv brev til myndigheitene og ber dei om å forverre situasjonen. Dette kan inkludere å be om at uskuldige mennesker som er fengsla skal bli slippe fri, eller at tortur og diskriminering skal bli stoppa. Til fleire mennesker som engasjerer seg i sakene til menneska me kjempar for, til større sjanse har me for at våre røyster blir høyrt! «Skriv For Liv» er eit viktig arrangement frå Amnesty International. Folk frå heile verda kjem saman for å skrive brev som hjelper folk som er behandla urettferdig. Bli med i årets største brevskrivingdugnad, det blir både julestemning og kjekke samtalar. Sjåast me der?
Fredag 24.11 Kl 18.00 BK Kantina GRATIS
Pauseaktivitetar Treng du ei lita pause? I biblioteket finn du mellom anna sudoku, puslespel, aktivitetshefte, fargelegging med meir. Det er berre å kome innom for eit lite avbrekk.
Kvar dag Kl. 07.00–24.00 GRATIS
Drop-in samtaler Treng du nokon å snakke med om stress og angst knytt til eksamen, eller kanskje noko anna som opptek deg i livet ditt akkurat no? Då kan du ta ein post-it lapp frå vår “Drop-in plakat” som står utanfor Studentsørvis på BK. På post-it-lappen står tid og stad for samtalen, og kven du vil treffe til samtale. Vi har tid og lyst til å møte deg! Sjå nettsida til HVO om studentvelferd for meir info om samtaletilboda.
Måndag- Torsdag Kl. 10.00–12.00 GRATIS