Editorial
Thlarau bo te Isua hnena hruai Sipai Pawl lo din chhan ber chu kan hriat angin Tharau bo te Isua ke bula hruai hi a ni awm e. William Bootha khan a tirah Pawl/Kohhran din a tum hauh lo. Kha tih hun lai, William Bootha Methodist Pastor a nih lai khan; Kohhrante chuan thlarau bo te ngaihsakna an nei lem lo niin a lang a. Mi rethei leh chhumchhia tan kha chuan Kohhranah khan inkhawm ringawt pawh a ngam awm loh ni khan a lang a. Zu leh ruihhlo bawiha tang, nawhchizuar leh mi awm herh deuh te tan phei chuan Kohhran kha chu han belh ngam chi pawh a nih hmel loh a ni. Khanglai hun London thim chhah in a tuam lai tak mai khan Pastor William Bootha chuan a Pastor puite leh a kohhran puite vei hauh loh kha a vei ta tlat mai. Kawtthlera mi vak mai mai, zu leh ruihhlovin a tihbuai te, misual awm tha duh lo leh hmeichhe awm khawlote leh mi chanhaite hmangaihna khan amah a tuam ta tlat mai a nih kha. A kohhran puite leh a Pastor puite ngaimawh khawpin khang hote hnenah khan rawng a bawl ta a, a tawpah phei chuan lohtheih lovin Kohhran an chhuahsan a lo tul ta. A nupui chuan a pasal a thlawp tlat bawk. Mite ngaih chuan mi a, Pastor awm tha duh lo nih pawh a hlawh mahna. Mahse, Pathianin a tirhna chu huaisen taka kalpuiin, hmuhsitna. ti elna, tihduhdahna leh sawichhiatna tinreng tuarin retheihna nasa tak nen he Salvation Army Kohhran liantak hi a lo piangchhuak ta a ni. Sipai pawlin a tumber chu Evangelism a ni a. Tunlai hunah hian hanin thlir ta ila; Corps/Society te hian enge kan tum ber? Member ngah ngawt nge kan tum thlarau bote chhandam? Sipai Pawl hi a langsara lan ropui viau nge kan tum a, thlarau bo te Isua hnena hruai tura thawh hi? A William Boothate nupa khan hetianga Pawl ropui din hi an hmathlir a ni hran lo, an tum ber chu Isua ke bula mi te hruai leh mi harsate, tanpui ngaite tanpuia hnathawh tawp kha a ni mai. Solomona chuan Lal a nih dawn khan Pathian hnena a dil chu "A mi te tana rorel thiamna leh finna a ni "mahse, hauhsakna leh ropuina chu nasa takin Pathianin a pek belh ta. Lal Isua'n "A ram leh a felna chu zawng hmasa ula; chung zawng zawng chu a pek belhchhah ang che u" a ti. Thlarau bo te Isua hnena hruai hi kan tum ber lo ni zel rawh se. A dang chu Lalpa'n min pek belhchhah zel ang.
Sipai Tlangau
July 2020
1
I LAM KAN LO HAWI E 2Chronicles 20:12
SIPAI TLANGAU JULY 2020
William Booth Khawvel pumpui tana nun petu chu ~ Commissioner Lalthanngura Aizawl Temple Corps
A CHHUNGA THU AWMTE Editorial..... 1. William Booth khawvel pumpui tana nun.......... 2 Commissioner Lalthanngura 2. Kum 155 ah pawh Army a la ni reng.............. 4 Commissioner Lalkiamlova 3. Kan ngaihtuah chiang ngai em?....................... 6 Siama Khiangte, Zotuitlang Corps 4. The Maiden Tribute... chhunzawmna.............. 7 Jean Ralte, IT Coordinator 5. COVID-19 hrileng (hriat tur pawimawh)......... 9 6. Outreach Mission..........................................11 Major Lalsangpuii
J
uly thla, kum 2020 chu kan lo thleng leh ta reng mai a, July thla kan lo thlen hian The Salvation Army hmuchhuaktu William Booth-a chu kan hrechhuak veng veng mai a, mi zawng zawng chhandam tur a thawhna ropui tak avang hian a fakawmin a chhuanawm hle a ni. 1. William Booth-a chuan Chhandamna Sipai Pawl hi July 2, 1865 kumah khan a lo hmuchhuak a, rim tak leh a inpek zawhna nena a thawhrim hnuin, a hun lai chuan, General-ah kum 47 a thawh hnuin, ram hrang hrang 58-ah Chhandamna Sipai Pawl hi a darh hman a ni. Tunah hian khawvel ram hrangah, ram hrang 131-ah a lo darh ta a, sipai ringawt pawh mi 11,54,122 kan lo tling ta a ni.
7. Official Gazette..............................................12 8. News............................................................13 9. Ropuinaa kaisang..........................................17
3. William Booth-a lo pianthar dan: Evangelist Isaak Marsden-a thusawi a ngaihthlak atangin, kum 15 a lo tlin khan 1844-ah a lo piangthar ta a ni. Hetih lai hian Pathian thlarau thianghlim chu Van atanga lo tla in, tek tla ang main a thinlung chhung chu a rawn deng sawk mai a ni. Hetia a thinlung a rawn den dawt hnuah hian nasa takin a lo danglam ta a ni. Khawvel pumpui
(for private circulation only)
Sipai Tlangau
2. An nupaa an pian kum te chu: (1) William Booth-a hi April 10, 1829-ah a lo piang a. (2) Catherine Booth-I, a nupui hi 17 January, 1829 ah a piang a ni.
July 2020
2
chhandam tur atana nun petu ka ni, a ti ta hial a ni. 4. A nupui, Catherine Booth-I lo pianthar dan: Zankhat chu, William Booth-a hian Binfield House Church-ah Pathian thu a sawi a, " Hei hi Krista tak, khawvel chhandam tu chu a ni" (Johana 4:42) tih thu hi a sawi a, he inkhawmna-ah hian Catherine Booth-I leh a nu Sarah Milward Mumford-I pawh an inkhawm ve a, chu chu 1852 kum kha a ni a, William Bootha thusawi chuan an thinlung a hneh hle mai a, an lo piangthar ta a ni. Mr Rabits pawh a piangthar a ni. 5. William Booth-a Baptisma chan kum: April 12, 1829 kumah khan Saint Mary Church, Anglican Churh Biakin-ah. South London Nottingham-ah a chang a ni. 6. April 2, 1852-ah chuan Mr Rabits a inah Good Friday ni ah chuan, Mr. Rabits-a hian an inah thingpui in turin a sawm a, an thingpui inhona ah chuan, William Booth-a thusawi a ngaihthlaknaa a nupui chu a piangthar ta a ni. 7. William Booth-a leh Catherine Booth-I te nun in hip tawn chu: Pathian khawngaihna a zarah, William Booth-a leh Catherine chu, Mr. Rabits-a inah an han in hmu leh thei hlawl mai chu, Catherine Booth chuan awmngaihna pawh ka hre lo, ka khur dawt dawt mai a ni, a ti a. William Booth-a ve thung erawh chuan, hemi ni hian, ka kut vawt tak chuan a ban ka han vuan a, ka bingbilet zo ta vak mai a ni, a ti ve thung a, an han in en dun chu, nidang anglo takin an thinlungah an in hmangaih tawnna chu a riak ta reng mai a ni e. Mangtha le, ka han tia, chu nula hlu tak mai chu nakin lawka ka nupui chu a lo ni a. 8. William Booth-a leh Catherine Booth-I chu kum 23 an lo tlin chuan inneih an lo duh ta a, 3
June 16, 1855 kumah khan, Congregational Stockwel, New Chapel Hall-ah an lo innnei ta a ni. Rev. David Thomas-a inneih tir a ni. 9. Khawvel pumpui a hmangaih zia mai chu: (1) Kei ka thil tum ber chu mite thlarau chhandamna hi a ni. (2) Thlarau tan kal la, a chhe ber tan pawh kal rawh. (3) Ka ban hian khawvel pumpui hi a kuangkuah a, ka thinlung hi a chhandamna ah a in nghat a ni. (4) Midangte chhandam turin, Isua Krista tan chuan chak tak leh hlim takin, kawlkil tawp thleng pawhin ka kal zel ang. (5) Thlarau tam zawk Isua Krsita hnenah ka hruai thei ang tih ka ngaihtuah chuan, Rulpuiludina ka ke a kut khuangben pawh ka zir zel ang. Heng a thusawi 5-te atang ringawt pawh hian khawvel pumpui Chhandamna tura tana a thawh dan tur chu a hriat theih a ni. 10. Midangte: 1895 kum atang khan a tum dan chu kan lo hre thei ta, khawvel pumpui chhandam tura hriattheih ta a, midangte thlarau bo tur hi a vei ta em em a ni. 11. Beihrual Evangelical Campaign a siam tan: (1)1893-1895 kumah khan, Chhandamna tawp theilo, beihrual a siam a, Chhandamna tuithuk leh hmangaih zau tih hi a phuah ta a ni.. (2) 1884-1885 kumah, Thianghlimna beihrual a siam leh, heng a beihrual siamte hi a hlawhtling hlawm hle a ni. I Timothea 2:4 ah Pathian, (Ani) khuan mi zawng zawng chhhandamna awm ah leh thutak hriaa duh a ni. 12. William Booth-a a kaisang ta: William Booth-a chuan a thih dawn hnaihah chuan he thu hi a sawi a, zahngaihna dawhkan hi an engthil pawh lo dah dawn ula, ka rilrua ka vei thin ber zahngaihna dawhkan hi, ka kuang
Sipai Tlangau
July
2020
kuang ah chuan in rawn dah dawn nia tiin a sawi a. Hnehna changin a thi ta riai riai a, he hla hi a chang tawp ber ka han ziak lang a, William Booth-a hian a thih hma in he hla chang 4 hi a phuah a:Hna ka thawh zawh hnuin, Vanah ka kal ang Hnehna ka ta, hnehna ka ta Unau leh thianten Vanah min lawm ang Hnehna ka ta, hnehna ka ta Lalpa ropui chu Vanah ka hmu ang Mi thianghlim lawrin van dar an vua ang Hnehna ka ta, hnehna ka ta
An nupa, Catherine Booth-I nena an hmelma tur chu ramhuai (Devil) hia a nia, hei hi an dam chhunga sual huat, setana an tih, Devil, Ramhuai an tih mai hnathawh, mihringte te buaitu hi an huat ber chu a ni. Ramhuai leh keichu kan inrem thei lo, Ka hua a, a ni pawhin min hua, tih hla an sa thin. (The Devil and me, we can't agree, I hate him and he hates me) Kum 83 leh thla 4 leh ni 10 a dam hnuin 20 August 1912 kumah khan ropuina ah a kaisang ta. Abney Park Cemetery ngaw reh ruih maiah chuan an phum ta a ni.
Kum 155-ah pawh Army a la ni reng (Founder’s Day article) ~ Commissioner Lalkiamlova
W
illiam Booth-an Salvation Army a din chuah atanga kum 155-na a lo ni ta. Kohhran dangte ang bawkin heng kum chhung hian harsatna tam tak a tawk ve. Khawvel huap leh ram hrang hrangah kawng hrang hrangin harsatna a awm. Mahse vawiin ni thleng hian ram hrang 131 laiah Krista chhandamna chanchin tha hrilin a kal zel. Khawvel Krista tana buatsaih chu a thupui a la ni reng a. Khawvela harsatna chi hrang hrang thlengte chu Krista eng chhiatna remchangah thiam takin a hmang zel. Harsatna leh chhiatna thleng tawh danga an tih ang bawkin Coronavirusin khawvel a tuam hlup hlupna karah pawh Officer leh sipaiten an nun thapin rawngbawlna an kalpui reng. William Booth-an ava chhuang dawn em! Heng hripui kara rawngbawlna hi 'nun thap rawngbawlna' Lal Isua hnung zuina dik tak a ni tih kan hria. Mahse Pathian ring tlat chungin an pen chhuak. International Headquarters chuan Office pui tur chi hrang hrang kalpuiin Kenya West Chief ber chu khar mahse mamawhtute tanpuina atan Secretary Lieutenant Colonel Moris Vincent Cafe 101 leh Gallery 101 chu an hawng a. chuan "coronavirus hri a darh zau zel loh nana South West London-a International College for kan tih ve theihna ang angah Army chuan sawrkar a thawhpui tlat dawn" a ti. South Africa Officers pawh hawn a ni bawk. Territorial Emergency Co-ordinator Major Africa: Africa-a Army awmna ram zawng Heather Rossouw chuan "salvation army chuan zawngah chuan salvation army-in theih tawpin hri kai dan chanchin leh inven dante mipui sawrkar an tanpui a. Mipuite hnenah inven dan hnenah hriattirin mi harsate tan nitin ei tur an sem reng a ni" a ti. Sipai Tlangau
July 2020
4
America and Caribbean: Bahamas-a salvation army-te chuan sawrkar hnenah khum 70 leh sanitiser te, examination gloves te, hmai tuamna te, invenna kawr te leh hmanraw pawimawh chi hrang hrang an hlan. Ram pum inkharkhip kalpui a nih tak thulhah Nassau salvation army factory chu chhuat tihfaina hmanrua (mop) tam zawk siam chhuak thei turin a inbuatsaih mek. An chaw thlawn semna pawh mipui ten kal chhuak kher lova an dawn theihna turin anmahni in tukverh atanga pe mai turin an inbuatsaih bawk. America ram pumpuiah army chu mite mamawh apiang pe thei turin an inbuatsaih a. Los Angeles-ah chuan LA Unified School District nen tang kawpin naupang riltamte hnenah chaw an pe a. Portland-ah chuan army in pakhat chu an chenna bial hrisel lo zawkte tan buatsaih a ni a. America ram chhunga kan in leh lote chu mite mamawh awm thut thei lo pe thei zel turin an in ring vek a ni. Fort Worth, Texas-ah pawh army chuan khaw chhunga covid-19 kai awlsam tur mite zawn chhuah hna a thawk mek bawk a ni. Europe: Denmark ramah chuan hna tam tak chu tihtawp a nih avangin ukil mamawhte tan savation army-in mi harsa zawk ten a thlawna an hman theih tur ruahman a ni a. Copenhagena community centre erawh chu hri inkaichhawn hlauhawmna hmun a nih avangin khar a ni a. A awm mek 60 te chu mi mal malin chaw pek an ni. Chutiang chuan Nkskov social centre-ah pawh food package pek an ni. Rome-ah chuan dawr leh mamawh lei theihna zawng zawng khar a nih avangin sawrkar nen thawk dunin mi harsa zawkten chaw an nghei loh nan salvation army-in nasa takin an thawk. Switzerland-ah pawh nitin mamawh supply khar a nihna hmunah dawrneitute tanpuiin an sem thin bawk. Norway-ah chuan mi tam takin sumdawnna khar a ni dawn tih hriain an lo chhekkhawma, hei hian army-in tanpuina a dawn thinte nasa takin a tihniam a, mahse Sipai Exercise Cold Response in chaw sem tur tam tak Tromso-a
5
salvation army an pe hlauh a, hna an thawh theih phah. Lieutenant Ida Amelie Mayes chuan Tromso Norwegian TV chanel NRK hnenah mi rethei tam tak banka pawisa nei lo, an fridge ruak tawhte chanchin hi a hrilh a ni. South Asia: Bangladsh command chuan Covid-19 clinic an buatsaih a. International Emergency Service team in India Central leh South Western territory te hnenah tanpuina pein hri leng laka hriat tur pawimawhte leaflet leh banner-te siamin an thehdarh. Western territory pawhin an hospital leh staff te chu hri leng danna atana thawk thei turin an buataih bawk. South Pacific and East Asia: Australia-ah chuan Salvation army chu quarantine hmuna awmte hnena chaw sem turin ngen a ni a. Melbourn-ah chuan Australian Grand Prix chu cancel thut a nih avangin Atlantic group-in an lo inbuatsaih tawhna chu salvation army-in mi harsa te a tanpui nan an pe a. Major Brendan Nottle chuan tanpuina hna an thawh chu "ropui tak a ni" a ti. Hongkong salvation army chuan thla hnih lai kal ta atang khan mi harsate tlawh chhuakin kut tihfaina te, hmai tuamna te, ei turte an sem bawk. Taiwan-ah chuan Hongkong ang bawkin mi harsate nasa takin an tanpui a, Regional Commander Major David Kinsey chuan "eng ang harsatnaah pawh Army hi kan hnungtawlh ngai dawn lo, kohhran kan nih anga kan tih tur kan zawng chhuak zel dawn" a ti. Japan ramah chuan harsatna chu rawngbawlna remchang atana chantir dan an ngaihtuah a, an Medical Officer Major Peter White chuan "kan awmna hmun in ang lo mahse thlen phak loh nei lo turin kan thawk a ni" a ti. William Booth-a atanga kum 155 lai a nih hnuah pawh Army chu Army a la ni reng. Harsatna chi hrang hrang lo thleng te hi mipuite rawngbawlsakna remchangah a la hmang zel. A hminga tuivawt no khat kan sen pawh a thlawn dawn lo tih kan hria.
Sipai Tlangau
July
2020
Kan hnam, mizote/zofate hi kan ngaihtuah chiang ngai em? ~ Siama Khiangte, Zotuitlang Corps
K
hawvela, hnam zawng zawng te hi, Pathian siam vek kan ni a, ramri khamsak kan ni a, awmna tur leh huamchin nei a, khawsa in, ram leh hnam kan lo nei thin a ni. Mizo te pawh kan hnam tobul kan han chhui thin a, kan chhui thui lutuk lem lo khawp mai a, kum 500 em pawh hi, chiang fek fawk hian kan inchhui hlei thei lo a nih hi. Maktak maiin, Pathian in, Zofate chu min rawn zawng chhuak ta hlawl mai a, kum reilo te chhungin Chanchin tha chuan, min fan chhuak a, Zofa te chuan, khawi hmun ah pawh, Isua Krista chu Lal leh Chhandamtu ah kan pawm ta vek mai a ni. Tin, Pathian malsawmna pawh kan chang nasa khawp mai, tisa ah leh thlarau ah pawh, Zofate aia, hnamdangte Pathian in mal a sawm bikna hi chhut keuh keuh mah ila, kan hre tam in ka ring lo, hmanni lawka thawmhnaw pawh, hak tur nei mumal lo kan nih zia te pawh hriat phak vek a la ni, tunah chuan, Aizawl leh thingtlang khawi hmun mai pawh, kan incheina a san tawh zia te hi a va mak em!! Lirthei motor ah te, in leh lo ah te, zirna a kan san dan te, a tam lutuk kan hmasawn na leh changkan chak dan hi, a mak a ni ringawt mai a ni. A hnam anga Pathian kan buaipui dan hi ngaihtuah ila, kan thiltih engkim mai ah hian, Kristian kan nih hnu hi chuan, kan hun leh programme hrang hrang ah te; zin dawn in, Chawei dawn in, mut dawn in, Pass lawm ah, Birth day lawmna ah, thihna ah, engkim kan tihna ah hian, Pathian tel tura sawm lo hi kan awm ngai miah lo, ti ila kan sawi sual awm lo e.. Nimahsela, kan ti leh daih anga, heti khawpa Pathian malsawmna dawng a, min enkawlna leh awmpuina kan dawn nasat viau lai hian, mal minsawm tu; "Pathian" kan theihnghilh fo mai a, a malsawmna kan dawn ah kan buai a, Pathian chu ka (mouth) chauhin kan buaipui a, kan thinlung hian a buaipui ta lo khawp mai, damchhung khawsak lungkham na in kan buai nileng zankhua a, mahse, heti chung Sipai Tlangau
July 2020
chung pawh hian, min zawng chhuak tu Pathian chuan, min kalsan ngai silo. Pathian tan hian, kan tenawm in, kan bawlhhlawh a, kan sual in, khawlohna tinreng in kan khat hi a ni ringawt mai a, mahse, mak tak tak in, min humhim a, min awmpui tlat si!!! Nguntakin ngaihtuah ila, kan hnam ah hian, Pathian hian thil tum lian tak a nei ani lo maw?? tunlai thil awmzia kan hmu in, kan hria a, hun hnuhnung, Lalpa lokal lehna hun a hnai tih chu, Pathian thlarau ah thuk em em lo tan pawh hai theih a ni ta lo. Kan thalai tamtak ten, inlarna te an hmu a, indo thuthang te kan hre chamchi a, hri lah chuan, mak lutuk tak mai in khawvel a tlakbuak mek bawk a nih hi. Hei bak hlauhawm lothleng tur( warning) hi a awm dawn chuan gem ni le? Chuvangin, hun hnuhnung ah hian, ZOFATE hi khawvel leh thil siam zawng zawng te hnen a chanchin tha(Isua krista thihna leh thawh lehna, chumi a vanga khawngaihna a chhandam kan nihna thu; Kross thu chu..) hrilh darh a, puang chhuak a, Isua krista kross chu khawvel mithmuh a chawisang tura Pathian in a bik tak a a zawnchhuah leh koh leh thlan te kan ni tih hi kan pawm a va hun tawh em!! pawm lo mah ila, pawm duh lo pawh hian, kan la hre dawn tho tho ni pawh hian thil awmdan hian a lantir zel chu a nih hi. 6
Atawp ber ah chuan, Pathian hmangaihna thu puang chhuak tur leh Isua Krista kross chawisang tur chuan, amah Isua'n min zirtir anga, "Hmangaihna" atanga bul kan tan leh a ngai a ni. Thuthlung thar hun a, Pathian thupek thar chu; "keiman ka hmangaih che- u ang bawk hian, lo in Hmangaih tawn rawh u"; (Johana 15:12) tih hi a ni e. Chhungkua ah tan in,
thenawm khawveng te hmangaih na nei ila, kan inhmangaih tawn hian, Isua zirtir te kan ni dawn a ni. Isua zirtir ten hun hnuhnung ah hian, khawngaihna chanchin tha hi kan puang chhuak tur a ni. Zofate, Inhmangaih tawn a, khawvel pumpui a Isua krista Kross chawisang turin Pathian in mal minsawm vek rawh se..??????
The
MAIDEN TRIBUTE OF MODERN BABYLON Part 2 chhunzawmna.. Jean Ralte IET IT Coordinator
L
ondon-a criminal court Old Bailey-ah Bramwell, Jarrett leh Stead-a te chu dan lo anga a nu leh pate hnen atang leh an phallo chung Eliza Armstrong-i laksaktuah puhin kum 1885 favangah an chungthu rel a ni ta. Rorelna hnaihah chuan mi tawrawt rual an pungkhawm a, mi pangngai chinte lahin mipat-hmeichhiatna lama sumdawnna dodal inti chungin Sipai Pawl hmalak dan erawh an thlawp duh si lo. An hmalak dan Sipai Pawlin lo thlawp velo ngawt turin engtinmah hma an la ve der bawk si lo. General William Booth-a chuan, 'An chungthu ngaihtuaha awm chu mite seh thin sihal hrem aia hmelma an awm avanga ui lo bauh thinte hrem ang ani. Hmeichhia tleirawlte paltlang thil rapthlak tak laihlana awmte khuahkhirh tur hian engemawtal tih awm tak a ni si a‌kei mi thawng ber chu an hrehawmna leh tawrhna nasa takte hi a ni zawk asin!', tiin thubuai siamtute lakah demna thu hriam takin a phuhchhuak hial a ni. Stead-a te thlavang hauh turin Archbishop of Canterbury pawh a lo tel ngei a, amaherawhchu thu a sawi ve phalsak a ni ta lo. Khawtlangin an do rawn takah chuan Stead-a'n anmahni pui tura kaichhan alo sawm sa te chu an tangkai ta lo. Jarrett-i tan a tawrh hlelhawm lehzual a, Armstrong thubuaia a tel vena piah lamah, inzuarturte zawngkhawm tu hna a lo thawh tawhna chinlehin a awm si a. Kum khat awrh Sipai Pawl zawma nunthar zawh ve tan chauh a ni a, nawhchizawrhna khawvelah hmelhriat tam tak a la nei si a, thenkhat humhim a tumna lamah dawtte pawh a sawi phah hial a ni. An chunga rorelna inlumlet dan chu 7
lungchhiatthlak leh hriatthiam har tak a ni. An dikna tanchhan tura an thusawite lah anmahni thiamloh chantir tura kawihher a ni thul. Jarretti phei chu rilru phili taka siam a ni, Florence Booth-i phei chuan, 'Attorney General hian kawng tinrengin a chhaih kual a ni', a ti hial. An ukil rawih Charles Russell-a chuan theihtawp chhuahin Jarrett-i tan darkar hnih zet a ngen sakna chuan court-a awm zawng zawng, Judge chenin an mittui a kaihchhuah sak hial a ni. A tawpah chuan Jarrett-i chu thla-ruk, Stead-a thla-thum tang tura an chungthu rel a ni a, Bramwell-a erawh chhuah zalen a ni hram a ni. W.T.Stead-a hian April 1912-a Titanic lawnglian pil ruala a nunkawng a zawh tawp hma zawng
Sipai Tlangau
July
2020
kha chu a lungin tan champhaah, a lungin tan kawr a ha ziah thin a, chhinchhiahna ropui takah a ngai a ni. Rebecca Jarrett-i pawh kum 87 thleng a dam a, a damchhung zawng hian London-a hmeichhia humsual daite tanpuiin a in hmang ral thak a ni. Kum engemzawzat hnuah Pi Armstrong-i chu Eliza Armstrong-i hringtu nu diktak a ni lo tih hriatchhuah a ni a. Bramwell Booth-a chuan a lehkhabu Echoes & Memories-ah, a hunlai khan he thu hi hriatchhuah lo ni sela chu roreltute thutlukna kha a danglam ngei a rin thu a sawi. Tichuan, Bramwell-a chu Salvation Army General niin, kum 1929 a thih hma lawk thlengin he dinhmun hi a chelh a ni. A boral hma hian, hmeichhiate puitlin hun kum bithliah tihsan ani chu hnehna ropui tak anih piah lamah, a hnua hekna an tawh avanga rorelna an paltlang kha Sipai Pawl hnathawh tlangzarhna hmanrua tha tak nia a hriat thu tihian a ziak: Rorelna kha Army tan thil tha tak a ni. Mite'n min hriat lar phah a, mibo leh chanhaite khaichhuahna kawngah, hmahruaitu dinhmunah thawklehkhatah min dah a ni. Mi thiltithei takte'n min hmelmak phah mahsela rei a daih lova, kan nghawngkawl min bah puitu tur tam tak min siam saka, chung mite nen chuan tun thlengin inkungkaihna tha kan neih phah a ni. He thil danglam tak kan paltlang avang hian hmeichhia humsual daite tana kan rawngbawlna zau taka hawnsak kan ni.
Sipai Tlangau
July 2020
He Maiden Tribute campaign hi thil hlauhthawnawm leh theh lar nasat em em bawk si a ni a. Sipai huaisen tlemte chauh hmalakna chuan ram pumhuap khawih pha danglamna a thlen a, hmeichhe naupang tam tak hnehchhiaha an awmna tur tidanglamin kawng thar a sial sak a ni. Stead, Jarrett leh Bramwell te inpekna leh tumruhna a ngaihsanawm hle, mihring hmanga sumdawnna (human trafficking) do tura lo penchhuakin, an hunlaia dan lo anga sumdawnna an do ngam. Mipuite'n an bengkhawm theihna turin thil hlauhawm leh hmingchhiatthlak tak an tawn tlang a, siam that ngai em em, vantlangin a hlamchhiah si chu sutenin a awm phah ta a ni. Tunlai hunah hian, khawvel hmun hrang hrangah, mihring hmanga sumdawnna hi a la bo lo tih kan hre theuh awm e. Catherine Boothi chuan, 'kan hmalam hun tieng tur chuan, kan tun hun hi kan thawn-harh/ chawhbuai a ngai', a lo ti a. Danglamna thlen tur chuan dodalna leh sawiselna kan hmachhawn ngam a ngai a, mihring hmanga sumdawnna hluar em emna khawvelah hian pen chhuaka dodal tur kan ni. Salvationist mi hrat khawkheng, mitlemte te'n an lo tan tawh chhunzawm zel hi kan kova nghah a ni tih i hre thar leh ang u. Dolet tura theihna neilo, phuarbeh tlatte chhuah zalena, an dikna lanchhuah tir turin, I penchhuak ang u khai!
8
COVID-19 Mipui a a darh lohna tur atana kan zawm tlan leh hriat tur te 1) 2)
1. "
" 2. " " 3.
"
INKAICHHAWN THEIH DAN LANGSAR TE: Direct transmission - in khuh khum, in hahchhiau khum, in tawng per khum te an ni. Indirect transmission - Covid-19 vei chil per, chhuat, bang leh vawnbanahte a lo kai a, chu chu kutin kan khawih a, kan hnar, ka leh mit vel kan khawihin kan taksaah a lut thei bawk. INVENNA ATANA KAN TIH TUR TE: Facemask(Hmai tuamna): In atanga chhuah dawn apiangin Facemask hman ngei ngei tur a ni. Disposable Facemask kan hmang anih chuan hman zawh hnuah bawlhhlawh bawmah paih tur. Hman nawn theih chi kan hmang anih pawhin fai taka sukfai hnuah chauh hman tur. Mask hman tawh hnu hi natna hrik pai anga ngaih tur ani a, hman nawn a him lo. Kut sil: Hmundang atanga ina kan haw in thildang kan khawih leh tih hma in kut fai takin kan sil tur a ni. Pawn kan chhuahna hmunah Tui leh sahbawn a awm remchan chuan Alcohol based hand sanitizer, 70% alcohol tal awmna hmangin kutsil thin tur. Social distancing: Midang nen kan indawr in, 1 meter-a inhlatah awm tur a ni. Inkuah leh kuta in chibai loh tur. Loh theih loha chhuah a ngaihna hmunah Task force leh duty dang awm kher lohna hmun pawh nise, Social distancing zawm a, kan bul a mite nen meter khat aia inhnaiah tumah awm loh tur.
"
COVID-19 CHUNGCHANGA TIH TUR Sahbawn leh tui emaw alcohol-based hand sanitizer-in I kut sil fo ang che. Khuh leh hahchhiau in tissue paper emaw I ban thlepin (kiu zawnah) i ka hup ang che. Tissue paper hi paih nghal tur. Mipui pun khawmna hmunah kal lo hram ang che.
" "
COVID-19 CHUNGCHANGA TIH LOH TUR Khawsik, khuh,hritlang neih laiin midang bulah awm loh tur. I kutin I mit, hnar leh ka khawih loh tur. Vantlang hmunah chil leh khak chhak loh tur a ni.
" "
9
Sipai Tlangau
July
2020
" " " "
"
"
¢ ¢ ¢ ¢ ¢ ¢ ¢ ¢ ¢ ¢ ¢
Puipunna huai hawt loh tur, Tin, puipunnaah kal loh bawk tur. Tumah inlengah sawm loh tur a ni a, A tul viau a nih loh chuan midang inah pawh len loh tur a ni. Facemask hman hnute bawlhhlawh bawmah paih ngei ngei tur a ni. Hmundangah paih mai mai loh tur. Gloves hi hriselna lama thawk tute hman tur a ni a, mipuiin sumdawnna hmunah te, zing insawizawina leh hmundangah hman a ngailo.
COVID-19 LAKAH FIMKHUR HLE ILA, HLEIHLUAKA HLAUHNA ERAWH PUMPELH ANG U Hriat chian lohna avanga tul lo thlenga hlauhna (irrational fear) hian hleihluak taka chet duhna (irrational behavior) a thlen thei a, chu chuan harsatna tam tak a hring thei a ni tih kan hriat tel a ngai. Hlauh luattukna leh hriatchian tawk lohna avanga tul lem lo thlenga chet palh erawh a awm thei a, hei hian harsatna tam tak a thlen thei. Fimkhurna dikhlel deuh thenkhat, tih loh atana tha tarlang ila Covid-19 damlo bula va khawsa ni si lo, Mizoram chhung khawdanga an zin vang ringawta lo quarantine. Covid-19 vei mitthi, mahni venga phum phal loh Chhan tha tak awm lova mahni venga Quarantine Centre emaw Covid enkawlna dah phal loh Sorkarin a khap ni silo, zin pangngai, mahni khua/venga motor tlan tlang phal loh Disinfectant hmanga mihring phuh(spray) Covid-19 dona lama thawktute thinhrik leh hlauh Covid-19 vei hmuhchhuah thar an awm avanga hmun dang daiha chi-ai taka hmalak rum rum Mipui punkhawmna ni silo, mimal feh leh ram riah khap te Kan in bulhnaia Quarantine centre a awm avanga COVID-19 kan kai dawn tlata inhriatna. Tukverh hawn avanga Corona virus inchhunga lo lut tura ngaihna. Kuang zawntuten full PPE (personal protective equipment)hak tul tlata hriatna. Zawhchian duh neite tan englaipawhin heng numberah te hian biak theih a ni e. Helpline 24x7 102(toll free) 0389-2323336/2322336/2318336
Sipai Tlangau
July 2020
10
Outreach Mission Department ~ Major Lalsangpuii
1) 2) 3) 4) 5) 6) 7) 8) 9) 10) 11)
Missionary Chawm Belh Chawmtu
Chawm tan hun
Tripura District Nl. Lalnunchuangi, Behliangchhip Corps Nl. Lalremdiki, Behliangchhip Corps Dr. Zairemthiama, Behliangchhip Corps Behliangchhip Corps LOM Behliangchhip Corps Men's Fellowship Behliangchhip Corps Prayer Ministry Behliangchhip Corps Missionary Board Behliangchhip Corps Home League Behliangchhip Corps SAY Phuldungsei Corps Home League Lalsipaia, Phuldungsei Corps
January 2020 January 2020 January 2020(chawm belhna) January 2020 January 2020 January 2020(chawm belhna) January 2020(chawm belhna) January 2020(chawm belhna) January 2020(chawm belhna) January 2020(chawm belhna) January 2020 (chawm belhna)
Chawmna zat
6) 7) 8) 9)
Central South Division Hlimen Corps Home League March 2020 Lungpho Corps Home League February 2020(chawm belhna) Pu VL Rema & fly Baktawng Corps February 2020 Pu R. Lalchhanhima & fly Baktawng CorpsFebruary 2020 Pu Parzuala & Pu F. Lalhmachhuana (inchawm tawm) Baktawng Corps from February 2020 Baktawng YP Corps February 2020(chawm belhna) Baktawng Corps SAY February 2020(chawm belhna) Champhai Vengthlang YP Corps February 2020(chawm belhna) Champhai Vengthlang Corps February 2020(chawm belhna)
1) 2) 3) 4) 5) 6)
Central North Division Pu Biakvela, Durtlang North Corps January 2020(chawm belhna) Durtlang North Corps SAY January 2020 Durtlang North Corps Men's Fellowship January 2020 Tuidam Corps January 2020(chawm belhna) Tuidam Corps SAY January 2020(chawm belhna) Pu F.Lalrammawia, Armed veng ‘S’ Corps January 2020
1) 2) 3) 4) 5)
11
Sipai Tlangau
Rs. 1000 Rs. 1000 Rs. 1000 Rs. 1000 Rs. 1000 Rs. 1000 Rs. 1000 Rs. 1000 Rs. 1000 Rs. 500 Rs. 1000 Rs. 1000 Rs. 1000 Rs. 1000 Rs. 1000 Rs. 1000 Rs. 1000 Rs. 1000 Rs. 1000 Rs. 3000 Rs. 1000 Rs. 1000 Rs. 1000 Rs. 3000 Rs. 1000 Rs. 1000
July
2020
Official Gazette 1. Maj Lalrinpuia Hrahsel, CO Central Bial Central South Division chu Divisional Youth Secretary Central South Division atana ruat a ni. Farewell Meeting : September 27, 2020. Effective Date : October 1, 2020. Welcome Meeting : October 4, 2020. Additional Appointment : Maj Lalrinpuia Hrahsel DYS chu Additional Appointment atan Executive Officer for Territorial Staff Songster and Territorial Staff Band pek a ni bawk. 2. Maj Lalrinsangi CO Central Bial Central South Division chu Divisional Corps Cadet Officer (DCCO) CSD atana ruat a ni. Farewell Meeting : September 27, 2020. Effective Date. : October 1, 2020. Welcome Meeting : October 4, 2020. 3. Maj K Lalbiaknungi Receptionist THQ chu IET Territorial Prayer Warrior atana ruat a ni a, he ruat na thar hi July 1, 2020 atangin a ni ang. 4. Capt David Lalthazuala leh Capt Lalhmingthamawii CO Lamka Bial Eastern Division chu *CO Central Bial Central South Division atana ruat an ni. He ruatna thar hi October 1, 2020 atangin a ni ang. 5. Additional Appointment Capt Timothy Lalhlimpuia LO Kolkata chu Assistant Territorial Internal Auditor IET atan a ruat a ni. 6. Lieut. Malsawmzuali CO Singat Bial Eastern Division chu CO Lamka Bial atana ruat a ni a, he ruatna thar hi Otober 1, 2020 atangin a ni ang. TERRITORIAL COMMANDER
Sipai Tlangau
July 2020
12
thleng thin te hi a ni a, a bik takin inchhungkhura tawrhna thleng hi ngaihven tham a tling tak meuh a ni," a ti.
News International Headquarters General te nupa in Interview an hmachhawn A bik taka video a interview an hmachhawnnaah General Brian Peddle leh a nupui Commr. Rosalie Peddle, Wold President of W omen's Ministries chuan tlang tak duhthawh takin Salvation Army in CoVid-19 Lockdown avanga chona awm leh tih tur rawn inchhawp chhuakte an sawi a. Hemi bakah Salvation Army tan "kalphung pangngai" thar lo awm thei tur sawi chhuahna an nei bawk. General Private Secretary Major David Williamson in hmun him leh social distancing tha tak kenkawhna hnuaia General-te nupa London-a a interview-naah hian General chuan Lockdown avanga IHQ chhuahsan ngai ta chungchanga a rilru put hmangte a tarlang a. Lockdown awm tur chungchanga chiangkuang taka engmah hriat theih a nih loh dante tlang taka sawiin chutihrual chuan thilpek petute'n malsawmna an thlen chu a hriatpui thu a sawi a. Hruaitu a thlak takte leh tuna hruaitu ni mekte'n sum leh pai an lo enkawl danah an ngaihsan awm a tih zia leh a dah chungnun ziate sawi chhuakin Salvation Army chuan "Thla engemawzat mai pawh ni lo, kum hial pawh ni thei khawpa sum semchhuah turah harsatna awm lo turin hma lak a lo ni," a ti. Internet hmanga in lam atanga hnathawk tura kalphung thlak danglam chuan a hring a hrana awm khawm kher lo a khawvel pum huapa Salvation Army in tluang taka hna a thawh theih nana IHQ in puihna a dawn dan te sawi chhuakin, Commissioner Rosalie chuan,"Ka thlakhlelh ber chuan IHQ chhungkua a ni," tiin a rilrua a vei reng thin, tun Covid-19 hrilengin a rawn tur thar lehte sawiin, "Tun huna sal anga inchhawrnate, mihring a sumdawnnate, naupangte himnate leh inchhungkhura tawrhna 13
Sipai Tlangau
"Hrileng hian tumah zahpah a nei lo," tih an sawi thin chungchang sawiin General chuan khawvel ram hmundanga 'ventilator' tih pawh an la hriat ngai lohna leh PPE-te chu hmuh tur pawh a awm lohna hmunte ngaihtuah chuan chona a lian hle a a hriat thu a sawi a. General chuan Salvation Army officer-te, sipaite, volunteer-te a mi chhawrte'n Covid-19 dona'n a remhriatna an hmante fakin entirna te a sawi chhuak a. Salvation Army-n khawvel pum huap anga internet kaltlanga Pathian chawimawina a buatsaih dan kawngah "Chanchinthaa mi huaisente thil tih vang chauh a ni," a ti a. "Khawvel pum hmuh theih tura camera hmaa han inpho chhuah hi huaisen hle a ngai a ni," a ti. "Salvation Army hun kal tawh zawng zawng nena khaikhinin tun dinhmunah hian thlarau lama khawvel hmuh a kan lan chhuahna a nasa zawk daihin ka ring a. Hei hi a chhan ber chu technology kaltlangin kan Biakin te a rawn inkhawm miah lo tur mi tam tak kan pawh theih vang a ni... technology hman tangkai atanga chhut chuan Salvation Army hi tunah hian a awmna tur takah a awm a, hemi avang hian Pathian chungah pawh ka hgle a ni," General chuan a ti. "Normal" kan hriat lo danglam chho tur chungchangah General chuan, "Hetia Covid-19 vanga kan han chawlh lailawk takah chuan hun remchang - tuna rawng kan bawl dan kan han belh takte hengte hi hun lo kal zel turah engtinnge kan vawnnun zel ang tih te ngaihtuahna hun remchang kan nei a ni," a ti. Ram hrang hrang sawrkar thawhhona chungchang sawi langin General chuan, "Mamawhte phuhruk turin tuna aia nasa zawk hian thil tih ho a theih ang em? Covid-19 avanga thawhhona tha a awm theih chuan kal zelin khawvela chhumchhie tam tak awm July
2020
chungchangte hi kan sawi ho thei ang em? Naupang thi hnem lutuk te?" ti a zawhna siamin, "Tun aia tha zawkin thil ka ti thei a ni," a ti. Tun hma a\ang tawh a Salvation Army laka thatna chhuah duh vak lo khawvel sawrkarte chungchang pawh sawiin General hian, "Kan hnathawhte an hmu a, an hlut ngei ang a, ka ti thei ngei tih pawh an hria ang; chuvangin hrileng avanga heng sawrkarte'n tanpui tura min rawn ngennate hi kan hmang tangkai thiam tur a ni," a ti. Commissioner Rosalie chuan he minute 35 interview tih tawp nan hian hai theih rual loh leh thinlung chhungril tak tak atangin khawvel puma Salvation Army member-te hnenah lawmthu a sawi a. General pawhin thutawp a sawinaah lawmthu sawiin ti hian Salvationist zawng zawng hnenah chona a siam a: "Ka ngaihdan chuan... tunhma zawng aiin tan kan la zual sauh sauh tur a ni - khawvel pawhin tuna aia nasaa tan kan lak hi a mamawh a ni - pawn lam hawi chhuak Sipai Pawl ni turin. Fawmkhawm Kohhran hi hmangaih ula, nuam ti rawh u. Ama'rawhchu malsawmnaah chuan kan tirh chhuah, pawn lam kan hawina a ni tih hria ang che u. Saw lama mamawhna a awm chuan, chumi lam chu kan hawi ang, khu lama mamawhna a awm chuan chumi lam chu kan hawi ang. Pathianin a din chhuah Salvation Army nihphung hi malsawm rawh se." tiin.
tlaipuarna atan te leh vantlang hmasawnna tur atan te ke a pen mek lai hian a duh ber chu hmangaihna nena mitin kuangkuah hi a ni ber fo. Corona virus vanga harsatna an tawrh hma daih atang tawhin USA mi cheng hmun ruka thena hmuh khat (1/6) te hi chu retheih harsatna tuartu an ni ve tho va. Covid 19 avanga harsatna an hmachhawn mek lai hian Salvation Army chuan a ram mi cheng mataduai 6.5 te tan eitur a pe a ni. Mi 20 zel ei theih tur awmna chawfun (pack) maktaduai 1.8 lai a semral tawh bawk. Hetihlai mek hian thlamuang taka zanlam hun an hman theihna tur atan mihring maktaduai chuang mut theihna tur a buatsaih a, rilru leh thlarau lam nun hmasawnna leh thanlenna tur atan sawipuina hi mihring nuai 6 chuang tan kalpui reng a ni bawk a ni. USA rama State tam tak ah he hripui beihna a hmatawngte hmang tangkaiin naupang enkawlna tha takin kalpui a ni a, New York khawpuiah phei chuan lockdown ( inkharkhip) hun hi awmze nei leh tangkai zawk a an hman theih nan thalaite tan ennawm leh thlir tur program tha tak tak buatsaihin Day Camp hmanrua tha tak tak chhawpchhuahsak an ni bawk a ni.
The Salvation army IHQ hmalknain khawvel pumpui covid-19 avanga harsatna tawkte tanpui a ni.
Covid19 hripui beihna atana a hnathawhna kawngah Salvatin Army hian pawl leh Company lian tak tak te puihna a dawng nasa em em a. Car siamchhuaktu Company lian tak Toyata phei chuan Atlanta, Chicago, Detroit, Los Angeles, New Orleans leh New York rama Salvation Army te hnathawhna atan $700,000 lai a pe nghe nghe a ni. Airlink nen pawh thawhdunna tha tak neiin thawktu leh Volunteer te hman tur in Facemask 150,000 an pe bawk a ni.
Covid-19 hripui avanga Chhandamna Sipai Pawl hmalakna leh hnathawhte a\ang ngawt pawh hian mamawhtute tan nasa takin rawngbawlna a kalpui \hin tih hairual a ni awm lo ve. Amaherawhchu mamawhtu leh mamawhna dan azirin a chetlak dan erawh a danglam thin a ni. Mi tam tham zawk te
Evanston, Illinois ram a sumdawng pakhat Ryerson Lundy chuan Salvation Army te chaw semna a hman tur atan an dawra Ngun (bracelet) hralhna sum atanga a hlep zawng zawng a hlan mauh mai bawk. Ryerson-i nu leh pa Thackston Lundy leh Christy te hian an fanu duhthusam Pakhat Hripui tuartute tanpuina chu
Sipai Tlangau
July 2020
14
remhre takin hetiang hian remruatna an siamsak a ni.
Quarantine mek te hnenah chaw , eitur leh mamawh chi hrang hrang a pe bawk a ni.
Evanston Corps tan malsawmna nasa tak ni in hetiang thilpek hlu tak avang hian Capt Mary Kim chuan an lawmthu a sawi nghe nghe.
South East Asia hmun hrang hrang ah Salvation Army ten tanpuina leh chhawmdawl hna hi nasa takin an kalpui reng bawk a. Manila leh Quezon, Phillipines a Salvation Army te chuan Villamor Golf Club leh International Airport a tangkhang, mahni awmna hmuna haw tum te tan mutbu leh mamawh chi hrang hrang bak ah eitur pack 550 lai an sem ral tawh a ni.
Coca- cola Company te pawh an bang bik hauh lo. Turks leh Caicos Thliarkar a Salvation Army te rawngbawlna atan an tangkai hle a ni. Caribbean Thliarkar a Agencies te nen tang hovin eitur sem hna an thawk a, chumai ni lovin thianghlimna leh faina kawng ah pawh an thawhhlawk hle a ni. Hripui leng avanga Chhungkua leh mimal harsatna tuartute chu heng an thilpek chaw, tui thianghlim leh faina atana hmanraw tangkai tak tak te avang hian an lawm hle a ni. Antiqua khua a Hill Valley Farms ten a mamawhte ta tur atana Artui 80 dozens Salvation Army te hnena a pek chu chu an thawhpui Lions Club of Antiqua leh Khawchhung Organization thenkhatte nena tanghovin an sem chhuak bawk a ni. Netherland ah pawh Sawrkar nen tum bulbal fel tak neiin thawhhona tha tak neih a ni a. Hetianga midang te nena thawhhona hian rah duhawm tak chhuah zelin chenna in nei lo te tana chenna in $ Maktaduai 200 senga sak turin hmachhawp a dah ta rup mai le. Chumi piah lamah kum 2022 a mi 20000 lenna tur atan hmathlir a nei zui bawk. Dutch Society hnen atanga a dawn hygiene kits te chu chenna in nei lo te hnenah a semchhuak chur chur bawk a ni. Heng mai bakah hian Tech Company te nen an thawhhona azarah naupang leh tleirawl ten online hmanga lehkha an zir ve theihna tur atan a thlawni Tablets an sem bawk a ni. Thailand rama Salvation Army te chuan Royal Thai Army te hriatpuina in Covid19 tuartute chhawmdawlna leh Sipaite tanpui hna ngawrh takin a thawk a, Chiang Mai khawpui a 15
Rikrum thila hmalakna tur atana Project kalpuitu The Salvation Army International Emergency Services Team , London, UK chuan khawvel hmun hrang hrangah mi maktaduai 2 te hnena eitur sem hna hi a kalpui mek zel a. Hei hi Territtory hrang hrang te puihna leh mimal leh pawlhote inpekna vang liau liau a ni. The UPS leh FedEx Foundations ten Territory hrang hrang ah tanpuina hna thawk turin Project 30 dawn lai mai an kalpui thu hi The Salvation Army's World Service Office, Alexandria, Virginia chuan a sawi lang a ni. Monrovia , Liberia ram ah pawh mipui ten hrileng laka an himna tur dan siamsak an nih piahlamah an damkhawchhuahna tur atan sum leh pai thawh chhuah an mamawh tho zia te ataka hmuhpui ni in heng mi te tan hian rawngbawlna kalpui a ni. An himna tur atana tha taka an tawmim theih nan an nitin mamawh ei leh in tur te, an invawn thianghlim reng theihna tur hmanrua tui bucket te chenin mi 3200 chuang hnenah sem a ni. Hetiang tho hian Sabatia , Gusii leh Sondu te chenna Kakamega, Kenya ah te pawh hmalak zel a ni a. Mi. 1500 chuqng hnenah mamawh leh eitur chi hrang hrang sem a ni bawk. Maj Chris Mulryne, The Salvation Army's International Emergency Services Project and Finance Administrator chuan a lawmzia thu hetiang hian a puang chhuak a ni.
Sipai Tlangau
July
2020
" Kan la hmachhawn ngai hauh loh leh kan la hriat ngai loh hripui leng avanga kan rawngbawlna a min puitu leh min tanpuitu te avangin kan va lawm tehlul em! He hrileng hian mipa, hmeichhia leh naupang a thliar hrang si lo, an vai hian beisei tur dang nei chuang lo te an ni e. An tan a thawh hi tihmakmawh kan kova innghat a ni e. Sum leh pai, tha leh zung senga min puitu te hnenah lawmthu ka sawi tak meuh
a ni. IHQ Communications International Headquarters.
India Eastern Territory Report LIRNGHING TUAR TE TAN SALVATION ARMY CHE CHHUAK Mizoram chhunga tun hnaia lirnghing thleng vanga khaw thenkhatin harsatna an tawh mek chungchangah The Salvation Army India Eastern Territory, Territorial Headquarter chuan heng harsatna tuar te tan hian Dt. 25th June, 2020 khan Khawbung Disaster Management Committee Chairman leh V.C.P ni bawk, Pu F. Lalriana hnenah Puan In(Tent) 18 leh Rs. 10,000/- an hlan a, Samthang V.C.P hnenah Puan In 5 bakah Zokhawthar V.C.P hnenah Puan In 2 an hlan bawk. Khawbung khua te lirnghing an tawrhna te thlamuan tur leh an dinhmun va hriatpui tur hian Territorial Commander Commissioner Lalzamlova bakah Property Secy., Social Secy. Territorial Youth Secy. Central South Divisional Commander leh Youth Secy. te a hmunah an riakin, Commissioner Lalzamlova T.C hian khawtlang tana \awng\ai sakna a nei. Khawbung V.C.P leh Disaster Management Committee Chairman ni bawk Pu F. Lalriana chuan Salvation Army ten an mamawh tak Puan In an rawn pek mai bakah an mahni an ngaihsak
Sipai Tlangau
July 2020
zia lantir nana an rawn riah chilh avang chuan lawmthu a sawi bawk a ni. IET a Division/District hrang hrangte leh Corps/Society te chuan a theih ang angin Lockdown avanga harsatna tuar, khuarel chhiatna leh tanpui ngaite tanpuiin ke an penchhuak a ni. Southern Division June 24, 2020 nilaini zingkar khan Bangladesh ramri dep a awm, hmanni lawka ding thar Lamthai II Society(Tablabagh) te chuan, Tlabung VLTF te hnenah an theih tawk leh an neih ang angte ?anpuina an hlan ani. Lunglei Distirict-a Covid Care Center awmna Gov't College Lunglei College Veng Lungleiah ah, June 24, 2020 Nilai ni khan, Lunglei Bazar Corps SAY te chuan, Commanding Officer Major Richard VL Nghaka remruatna in Covid Care Center-a awm mekte leh thawktute eitur in chawhmeh Arsa kan tui tak mai an pe a, he hunah hian thawktu ten lo dawngsawngin lawmthu an lo sawi ani.
16
Ropuinaa kaisang
MAJOR BIAKSAWNI (1931 -2020) Major Biaksawni hi Pu.Bulliana(L)leh Tlangngenthangi(L) te fa 7(Pasarih) zinga a upa atanga a pathumna ni turin kum 1931 khan North Hlimen khuaah a lo piang a. Unau hmeichhia 3 leh Mipa 4 an ni a. Naupangte a nih laiin a nu in a boralsan avangin nau awm chungin School a kal thin a ni. An retheih em avang leh a nu in a boralsan bawk avangin pawl thum thleng chauh lehkha a zir ta a. 1952 kum khan a Hranglianchhunga(L) nen North Hlimenah inneiin, fa paruk an nei a. Mipa4 leh hmeichhia 2 an ni a. An fa te hi mipa - 4 an boral tawh a. Tunah hian Rohmingliani Tuikual South leh R.Lalawmpuii Zemabawk te chu a dam awmchhun an ni tawh. Biaksawni hi Sipai Pawl rawngbawlnnah hian a tui chhovin, naupangte a nih lai atangin YP ah te a inkhawm thin a, chuta tang chuan Sipai Pawlah a inpe ta a. A pasal nena an inneih hnu hian, a pasal Hranglianchhunga hi zirtirtu hna nghet thawk tawh a ni a. Chumi hnuah Forest Guard leh Salvation Officer dil kawpin a tling ve ve a; mahse, Pathian rawngbawl chu thlang ta zawkin 1961 han Salvation Army Officer Training turin an lut ta a, an Session hming chu " Servant of Christ" tih a ni. May ni 22, 1963ah Commission an ni a. Corps an awm tawhna te : Bilkhawthlir Corps, S.Hlimen Corps, Mamit Corps, Boldaboldi-III Corps, Zemabawk Corps leh Central Corps te
17
an ni. Ni,15/ Feb.1995 ah an lo Retired ta a, an chawlh hnu hian Zemabawk Corpsah an lawi zui ta a ni. Major Hranglianchhunga nena rawngbawlna neia Corps hrang hranga an thawh lai hian Bakin leh Quarters sak hna an thawk deuh zel a, an thawkrimin an taima dun hle a ni. Major Biaksawni hi thlarau mi tak niin, a chhangchhiat lai pawh khan zanlaiah te nau paw chungin khawlaiah Pathian thu a hril thin a ni. A phak tawkah thu leh hla lamah pawh a tui hle a. Hla 2 a phuah a, pakhat zawk chu L.O.M hla niin, pa khat chu " Krista kan remna" tih a ni. Kum 2005 atangin Blood Sugar a nei tih hriat chhuah a ni a. Kum 2016 atang khan Damdawiin a lut ve ta zeuh zeuh a. Kum 2018 November khan thlakhat vel Damdawina a awm hnu in a khumbet chho ta a. Dt.09/Jan/2020 khan LRM Hospitalah dah luh a ni a. Hmasawn chho ve zel tura beisei laiin, January, ni-29/ 2020 khan Ropuinaah a kaisang ta a ni. A vuina inkhawm hi Zemabawk Corps Biakin ah neih a ni a. He hunah hian Lt.Colonel Zothnamawia SPA in inkhawm a kaihruai a. Chhungkaw aiawhin Pi.R.Lalawmpuiin thu a sawi a. A chanchin tawi Lt.Colonel Lalhriatpuia SBA in a sawi a. Commissioner Lalzamlova Territorial Commanderin Thlamuanna thuchah a sawi thung. Thlanmualah Major.R.Lalnunngila C.O. hun a hmang bawk a ni.
Sipai Tlangau
July
2020