Thawhlehnachungchangazirbingna:7-20Aprilchhunghian MajorBrendaAllen,SalvationArmyofficer,Canadamiziahhmang hianThawhlehnachungchangathilropuitaktakteIzirhoangu
THAWHTANNI 7 April
TIRHKOHTE THILTIH 13:13-34
THUTIAM KAIHTHAWH HLENCHHUAH CHU
‘‘Tin, ani chu a sawn bo hnu khan an lal atan Davida a siam ta a; Pathianin chumi thu chu hriattirin… Chumi thlahte zingah chuan Pathianin, thutiam ang zelin, Israel ho hnenah
Chhandamtu Isua a rawn thlen a.’ ’ (vv 22-23)
Hmeichhe naupang mai ka nih lai chuan, kartin thulh lovin
Brownie thutiam hi ka chham thin a. Ka lo upat deuh hnu chuan chu ka thutiam chham chu ka lo chham diklo thin a ni tih ka hre ta a. ‘Ka ram leh Lalnu venhim hi ka tihtur a ni’ tiin ka lo chham thin a, amaherawhchu, ‘Pathian leh ka ram leh Lalnu tan’ tihtur a lo ni zawk a. ‘Lalnu venhim’ chu thutiam, ka hriatthiam theihloh leh puitlin harsa ka tih chu a ni.
Pathian hian a thutiam hlen turin a kut a phar a ngai lova. 2
Chronicles 6:14-15 ah chuan, ‘Aw Lalpa, Israel-te Pathian, lei leh vanah nangmah ang reng Pathian an awm lo, an thinlung zawng zawnga I kawng zawhtu I chhiahhlawhte chungah chuan thuthlung hlenin I khawngaih thin a, I chhiahhlawh ka pa Davida hnena I thutiam chu I hlen a, a ni, vawiinah hian I kaa I lo sawi tawh chu I kutin I hlawhtlin tir ta a,’ tih ziak a ni. Isua thawhlehna ni Easter a lo thlen hian Pathian thutiam ropui ber, a sawi leh a hlen chiang tak chu fiah takin min hrilh nawn thin. A fapa, min chhandam tura khawvela alo tirh kha, a thutiam ropui ber leh a thutiama a din nghehzia lantirtu a ni. Pathian chuan min chhandam turin Isua a rawn tir si a.
The Salvation Army Hlabu no. 893 ah chuan Pathian thutiamte hi a rinawmzia kan hmu a. Sam 145:13 ah chuan, ‘I ram chu chatuan ram tur a ni a, I thuneihna chu chhuan awm chhung zawngin a awm reng ang’, tih ziak a ni.
Tirhkoh Paula, a tira Pathian hnawla dodaltu chuan Pathian hnena in lamletin thlarau thianghlim a chang ta a, tihian a sawi,
‘Pathian thutiamte chu eng zat pawh nise, amahah chuan ‘A ni’ tih chu a awm si a; chutichuan, amah vang pawhin ‘Amen’ tih chu a awm a ni, keimahni avanga Pathian ropuina turin,’ tiin.
Kan nunah hianharsatna tam tak a thleng fo a,chhimbal zamang maiin, rawng chi hrang hrangin a lo inthlak a, mittui a ko chhuak fo thin. He chhimbal hian Pathian ropuizia leh min awmpui nasat ziate, a thutiama a rinawmzia te min hriatchhuahtir thin.
Vawiin hian Pathian hmaa thutiam vawn tur I nei em? Kan thih hnu, thlana min zalh hnu pawh a, a thutiam hlen thin chuan engtik lai mahin a mite chungah a thutiam hi a hlenlo dawn lova, a nghet reng dawn a ni.
*Brownie thutiam: Robert Brownie (1550-1633)-in England kohhran inkaihhruaina dana thuthlung/thutiam a lo siam an chham thin a ni.
THAWHLEHNI 8 APRIL
LUKA 19:28-40
HALLELUIAH KAI THO R’U!
‘Zirtirtu, I zirtirte hi zilh rawh,” an ti a. Ani erawh chuan, “Ka hrilh a che u, hengte hi an ngawih reng chuan lungte tal an au chhuak tur a ni,” a ti a, a chhang’ (vv 39-40)
‘Thlipui karah pawh in puanzarte ti pharh ula, chawisang rawh u.’
Pathian fak leh chawimawiin, heng thute hi sawiin kan awrawlte kan chhuah fo. Amaherawhchu heng thute hian eng tak nge an sawi? Heng hla thute hian eng tak nge chawisang turin min tih? A hla chang hmasa ber chuan, ‘Halleluiah chawisang rawh u’ tiin a ziak a.
Lal Isua chawimawia a awm ni hmasa ber, ‘Tumkau ni’ ah khan a zirtirte chuan an tumkaute kengin ‘Halleluiah’ tiin amah an fak a. A awmzia chu ‘Lalpa chu fakin awm rawh se’ tihna a ni. Lal Isua chu he khawvel Lal a ni tih an hria a, an fak chak a, an fakna awrawlte chu khap daih zawh rual a nilo. A ruala kawng zawhin, ‘Lalpa hminga lo kal chu fakin awm rawh se’ tiin an au ruala. (Luka 13:35)
‘Halleluiah! Lalpa chu fakin awm rawh se’ tia kan aw kan chhuah hian thudik kan au chhuahpui a ni. Theologian kan tih mai, Pathian thu zir mi J.I Packer chuan a lehkhabu ziah ‘Pathian hriatna’ tih bu ah chuan, ‘Pathian chungchang kan hriatna hi engtinnge Pathian hriatnaah kan chantir theih ang?’ tiin zawhna a siama. A chhanna chu, ‘Thil harsa a nilo, awlsam te, amaherawhchu phutlet ngah deuh mai a ni. Pathian thu tak leh nung kan zir a, fianriala Pathian nen in pawl a, tawngtai leh Pathian faknaa chhunzawmin a ni,’ a ti.
Pathian chungchangah hian eng thutak hian nge ‘Halleluiah, Lalpa chu fakin awm rawh se’ tiin Pathian fak tir thin che? Kar engemawzatliamtaah khan hla thu pakhat, ‘Isuanmin hmangaih’ tih hi, ti danglamin, ‘Isua in min hria a, min hmangaih a ni’ tiin
3|Page
an dah a. Rei tak chhung chu he thu hi ngaihtuahin ka hun ka hmang nghe nghe. Hei hi a ni, thudik tak chu- min hriat avanga min hmangaihna vang ngei hi a ni, ‘Halleluiah! Lalpa chu fakin awm rawh se’ min tih tir thin chu.
Heng tawngkam thenkhatte hian thudik puanchhuahnaah a pui che in, Lalpa fakin I zai thei ang:
‘Isuan min hria, amah chu ka hmangaih, Van atangin leiah a lo chhuk a, Ka sualna leh atna zawng zawng min lak kian sakin Amah fak lo theiloin min siam a ni Aman min hriat vangin.’
‘Englai pawhin Lalpa chu ka fak anga; Amah fakna chu ka kaah a chhuak fo vang.’ Sam 34:1
NILAINI 9 APRIL
LUKA 23:23-34
KE PAKHAT CHU CHAWISANG (KAI THO) LA, A LEHLAM
PAWH
CHUTIANG ZELIN
Tin, an hruai bo laiin Simona, Kurini khuaa mi, ram lam ata lo kal an man a, Isua hnung lama pu turin a chungah kraws chu an nghat a. (v 26)
Isua Kraws pu tura Simona an man a, thupek a hmuh ni kha, thil thlengturaa ngaihtuahphaklohlehbeiseilohberaniha rinawm.
Isua put lai Kraws chu lak sawn niin Simona koki ah chuan nghahin a awm a, Simona chuan chu Kraws rit tak chu harsa takin a dinpui a, a ke lehlam pen chhuak hmasa in, a tahtawl tein
Isua chu Golgotha lam pan chuan a zui ta a.
A chang chuan ‘Aw’ kan hre thin. Isua Kraws pu tura kohna aw ri.
Isua chuan amah zui tute chu mahni inphat chunga Kraws pu a zuiturin a ko thin (Matthaia 16:24). Kawng awlsam kalsana, inpumpek turin min phut a ni. He kohna hi hautakin, harsa hle mahse, kan ke khai kang a, a hniakhnung zui zel turin chona ropui tak min pe a ni.
Isua Kraws put hi thil awlsam a nilo. Hausakna leh hlawhtlinna, hlimna leh hriselna lam umtu Kristian tan chuan nun in let thawk a ni.
Ka pa chuan Parkinson’s natna a vei a. A tan chuan vawi khat ke pen pawh a beih fe a ngai thin. A ke in lei a han rah chiah hian a thluakin a ke pen dan tur a kawhhmuh a tul thin. A kohna ngaithla a, harsatna kara Isua hnung zui tur chuan thawhrimna nena kan beih a ngai a ni. Thenkhat chuan thianghlimna nen Isua hi kan zui a ngai a ni an ti thin. Kraws pu chunga rinawm taka Isua zui chu thianghlimna kawng a ni.
Isua hian a ko che a, a kohna aw pawh i hrelo a ni thei e. Beisei loh leh inrinloh ber chang pawhin min ko fo thin. Vawiinah hian zawitein a ko che a ni mahna, i ke khai sanga, pen khat chauh
5|Page
pawh pen chhuak turin. A tahtawl tein pen chhuak ngam la, tichuan he thu hi au chhuahpui chungin hmalam pan zel ang che, ‘Tu pawh a nun humhim duh apiangin a chan anga; tu pawh keimahavanganunchanapianginahumhimang’(Matthaia16:25)
NINGANI 10 APRIL
LUKA 22:14-20, 39-44
NO CHAWISAN
‘Ka Pa, rem i tih chuan he no hi ka hnen ata la sawn rawh; nimahse keia thu nilovin, nangma thu thu ni zawk rawh se,” a ti a. (v 42)
Lal Isua khan a rawngbawlna zinkawngah khan chaw hlui kha mi chi hrang hrang, a zirtirte, pawn lam ni, nawhchizuar, sakhaw hruaitute leh chhungkaw hrang hrangte nen dawhkan khatah a kilpui fo hlawm a.
He khawvela hnam hrang hrangte hian chaw hlui kilho ngaihhlut bik an neih apiang hian no an chawi kang ho thin a, entirnan Dutch ho chuan “hriselna atan,” Polish ho chuan “kum za atan,” Korean ho chuan “no ti ruak la,” Hebrai ho chuan “nunna atan,” tiin chaw hlui an kilhonaah malsawmna atan tiin an no theuh an chawi kang theuh thin. “Kan Nunna” atan tia kan no theuh kan chawisan hian keimahni nun theuh leh midangte nena kan nun ho na kan neih chu Pathian atanga kan dawn a ni tih hriain lawmna kan lantir thin a ni.
Gethsemane huanah khan Lal Isua ngei khan a chanpual a no ngei chu A Pa hnenah khan lakbo sak turin a ngen a nih kha. Chu a no chuan eng ang taka lungngaihna thuahthip nge a ken tel tih chiang takin a hre ngei si a. He khawvela sualna zawng zawng leh chu hnathawh zungzam zawng zawng chu a phur ngei dawn tih a hria a ni. A thlan thisen ang hiala lo far chungin A pa hnenah “Ka Pa, rem i tih chuan he no hi ka hnen ata la sawn rawh; nimahse keia thu nilovin, nangma thu thu ni zawk rawh se,” a ti a. Hetiang hian keimahni chanpual, kan no hi laksawn sak turin Pathian hnenah kan thlen ve tawh thin em?
Lal Isua chuan a no a chanpual ngei chu Pathian duhzawng a ni tih hria in, leh A Pa Pathian chuan a awmpui reng ngei zia a hria a. A no chu chawi kangin leh a chanpual tur ngei chu hlen turin
7|Page
A Pa Pathian hnenah chuan a hlan a. Chumi a amah ngeiin a no ngei a chawisan avang chuan vana vantirhkoh chu a mah tiharh turin Isua hnenah chuan a rawn inlar a (Lk 22:43).
Chu a chanpual a no a chawi kanna chuan chhandamna, saltang chhuahna, ropuina leh famkimna mi zawng zawngah a thlen a. A no a chanpual a in na chuan khawtlang tha zawk leh thar zawk mi zawng zawngin lungrualna neia no an chawi kan za theihna khawtlang a dinna ta a ni.
Kristian khawtlang Lal Isua a din chhuah ngei chu harsatna, manganna leh buaina hmuna midangte tana hlimna leh lawmna paw chhuaktu khawtlang a lo ni ngei zawk a. Beidawnna hmuna beiseina inpek tawnna khawtlang zawk chu, chu no ah chuan lo awm zawk a ni. Vawiin ah hian “Nunna,” atan tiin midangte no chawisan sak theuh turin inpui tawn theuh ang u.
ZIRTAWPNI 11 APRIL
JOHANA 18:1-11
THO RAWH!
‘Khandaih kha a paiah khung rawh!’ (v 11)
Lal Isua man tur a sipaite an lo kal khan Petera chuan amah ngei chu Isua kianga lo awm a, lo dang let turin inpeih hle in a inhria
a. Chu inpeih nia a inhriatna chuan mihring kuta siam ngei khandaih chu la chhuakin bawih Malka beng chu a sahthlak sak
a. Mahsela, chutia Petera buai taka a awm lai chuan Isua erawh chu hamhaihna awmlo leh phili buaina pakhat neilo tih hriat tak leh rilru fim tak pu a ni tih hrait tak chuan Malka beng chu a tihdam sak nghal a.
Petera Olive tlang ngeia a khandaih a lek hma darker hian Isua ngei chuan engtinnge kan indona neih chu hmachhawn tur tih uluk takin a lo zirtir a. Thingthia tawngtai chung chuan A Pa Pathian duhzawng puitlinna tur atan an inbei a. Chu inbeihna famkimna zawk erawh chu khawvel thimna ata eng a hruai turin a ni. Petera leh zirtir dangte tui taka an mutthilh lai chuan Isua erawh chu thingthia tawngtai chungin chu a chanpuala tla indona chu a lo hmachhawn mek a, a thlan thisen ang in a far a. Isuan, anmuhilavahmuhchuanthothuaiulatawngtairawhuthlemnaa in luh lohna turin tiin a hrilh hlawm a, mutthilh hian enge tangkainaa neihtiin antihturan ralthuammamawh ber tawngtai an lo hlam chhiah chu pawi a ti hle a ni.
Engtinnge kan nitin nun hmanah hian kan indona hi kan hmachhawn ve thin le? Eng ang ralthuam nge kan din chhuah pui thin le? Mahni siam chawp hmanrua hi mawi takin kan hmang chhuak fo thin. Kan lungawilohna, kan lawm lohna, kan ngaihtuahna fel hlel fo te, tawngkam mawilo te leh tharum ngei te kan lek fo. Mumallo tak leh nghet lo takin Petera ang hian kan indona kan hmachhawn fo thin a, chung ang hmanga kan indona kan hmachhawn hian rah tha lo tak a chhuah fo zawk thin. Lal
9|Page
Isuan Petera hnenah „khandaih kha a paiah khung rawh,“ tia zilhna aw kha a chhak chhuah hian Zakaria hnena Pathian inpuanaa“chakna niloin, thiltihtheihna ni hek lovin; ka thlarau zawk in le,“ tih nun kha hre nawn fo turin min beisei a ni. He thlarau zawk hi a ni kraws leh thlan ruakin min pek zawk chu.
Indona a lo thlen dawnin Isua chu urhsun takin tawngtaina nen a inbuatsaih a, a Pa vana mi hnenaha inkawl tir a. A zirtirte hnenah “Tho rawh u, I kal ang u, mi mantir tu tur pawh a lo hnaih tak hi,” tiin a sawi a, chu indona chu hmachhawn turin a pa kiangah a in tuk luhna chuan a inpeih tir a ni.
He khawvel ah emaw kan nun ah ngei pawh a ni a, indona khirhkhan tak leh harsa tak kan la hmachhawn ngei ang; chung ang hunah chuan mahni ralthuam che lek mai lovin, tawngtaina nen Pathian lamah kan thawh chhuah a tul zawk a ni. Heng harsatna hmunah hian Kan Pa Vana mi hnenah khian in tu lut zel turin „Tho rawh,“ tia min kohna hi ngaithla a hre thei tura tawngtaina nena indona kan beih a tul fo.
INRINNI 12 APRIL
MATTHAIA 27:27-37
SIPAI RUAL KAI THO RAWH.
Ka Pa, anni hi ngaidan rawh; an thiltih hi an hre lo a nih hi, (Luka 23:34)
Lal Isua Kraws-a khenbeh chungchang ah khan Sipaite kha an buai hle tih a hriat theih a, Isua chu Sipaite chuan an hruai a, an din hual a, an thuam an phelh sak a, a kut ding lamah tiang an ken tir a, anchhia an lawh a, an beng a, an hnek a, chutichuan khenbeh turin an hruai ta kha a ni a, chumi hnuah a thawmhnaw te pawh chu thum vawrin an insem ta zel a.
Sipaite chuan titur a tih an nih angin an hna chanpual an hlen mai a. Suamhmang leh hel hmang an diriam dan leh an thunun dan pangngaiin Isua chungah pawh khan Sipaite chuan an ti mai a, anni chuan an nitin hna chu rinawm takin an ti ah an inngai maithei a, mahsela an hriat loh lai tak zawk chu thu zawm nia an inhriat lai khan Lal Isua khengbettu an ni tlat zawk a ni.
Kan nitin nunah hian keini pawh hian Isua Krista Sipai nihna nei reng chung hian khawtlang nihphung leh kalphung reng avang hian kan lo peng bo ve ang tih hi a hlauhawm hle a ni. Khang sipai
Isua khengbetute ang ve tho khan nitin nihphung khawvel kalphung diktaka zawm chung si hian Lal Isua khengbettu kan ni ve thei reng a ni tih hi hriat a tul hle mai.
Sipaiin a nun hun pumpuia a tih chu amah hruaitu leh a hotu thu a zawm famkimna hi a ni a; ringtu Krista sipai tia inpe tan chuan kan hotu Isua Krista thu hi kan zawm famkim a tul tak meuh meuh a ni. Pathian ngei chu sipai za hotu niin, a sipaite kan nih angin rinawm takin a thu kan ngaihthlak hi a tul a ni. Ti hian tawngtai ila:
Aw Pathian i Sipaite kai tho la
He khawvel ram dap tur hian i sipai khawm la, Aw Pathian i sipaite kai tho la
I lalna puang darh turin le hi chhandamna thu tlangaupui turin, Aw Pathian i ropuina hi lantir a a awm theih nan
Sipaite u tho rawh u tia min koh hian min kohna chhan chu peng bo lo tur leh kan nitin khawvel nun kalphung ang zawm lo turin.
PathianLalramchuatakanunchhuahpuianihtheihnaturinkan hruaitu Isua aw hi kan ngaihthlak uluk a ngai hle a ni. Pathian ropuina lan chhuah tir turin nitin nunphung leh kaldan phung pangngai pel a, krista sipai kan nihna anga kan thawh chhuah a tul tak meuh a ni.
Kan za hian Pathian ngaihdamna Isua avanga chang vek kan ni a, chu nagihdamna chu kan lo penbo san tawh naah khan a ni.
CHAWLHNI 13 APRIL (PALM SUNDAY)
MATTHEW 27:39-46
I HMEL LANTIR RAWH
Isua kan rinna siamtu leh tifamkimtu lam chu enin, kan hmaa intlansiakna tur awmah hian chhel takin i tlan zel ang u. Ani chuan a hmaa hlimna awm avang chuan, mualphona chu ngainepin kraws chu a tuar a, Pathian lalthutphah ding lamah khian a han thu ta a. (Hebrai 12:2)
Corrie Ten Boom-i chanchin hian rinna chak zawk min siam sak. Indopui II-na hu lai khan amah leh a chhungte chu man niin tan inah dah an ni. Chhuah zalen a nih hnuah, thu sawi thinin, a rinna chu heti ang hian a tlangaupui thin:
Khawvel lam in thlir chuan, in lungngai ang a. Khawvel chhung in thlir chuan, in rilru a hah ang.
Pathian lam in en erawh chuan, chawlhna in hmu ang.
Mipuiin kraws-ah Isua an hmuh khan, tisa in Pathian an enin an thlir a ni a. Isua lam hawiin, amah tipmualpho zual turin nasa takin an diriam zui a. Isua Krista khan a enlet ve ang em? tih hi ka ngaihtuah.
Kan zah hian emaw zahna kan tawn chang hian miin min lo thlir emawminhmuhkanduhlova,pumpelhkanduhthin.Mitemitah tak kan en ngai lo. Pathian meuh pawh pumpeh ila kan duh hial ang. Amahah (Isua-ah) chuan Pathian felna kan lo nih theihna turin, sual reng reng hre lo chu Pathianin keimahni avangin sualah a siam a. (2 Kor. 5: 21). Isuan kan sualte phurin, kan zahnate min lakkian sak a, kan hmel kan pholan a kan lantir ve theihna turin zalenna min pe; chu pawh Isuan min enna kan lo dawn sawn a, ka do let ve theihna turin. Hmaichhana Chhandamtu hmel hmu a, kan han en ve thei tur mai pawh hi
13|Page
thilpek Pathianin min pek a ni. Ani chuan min hawisan ngai lovang.
Inlarnaah chuan, Johana chuan Isua lam hawiin ti hian a sawi a, “A hmel chu ni sat vanglai tak ang a ni” (Thupuan 1:16). Kohhran chau, tuar mek leh Pathiana chawlhna mamawh tak hnenah chuan mipuite zinga kal thin Isua chanchin a ziak a, thim chhun entir theitu;anmahnihriaa hmangaihtu;thilzawng zawngchunga roreltu ropui; “Kei hi a bul leh a tawp ka ni” ti tu chanchin chu.
Isuahianahnenlamhawiturinlehkanhmelamalamahawiturin min duh a, min lo lawm em em a ni. He dinhmun hian chawlhna min pe bawk.
I mit Isua lamah len rawh
A hmel ropui tak chu en la Tichuan khawvel thilte chu mak tak maiin a fiah tawh lovang A ropuina leh khawngaihna engah chuan
Helen Howarth Lemmel (SASB 445)
THAWHTANNI 14 APRIL
MATTHEW 27:45-54
I MIT LEN RAWH
Tin, chawfak hun achin behliang mum hun thlengin khawvel a lo thim ta vek a (v 45)
April ni 8, 2024 khan Siamtuin a duan thangvan sang lam enin mipui sang tam tak mit chu a fu thup mai a, a chhan chu minute 4 leh second 28 chhung khawvel a thim vang a ni. Thla chuan Ni leh Khawvel inkarah tak awmhmun remin, khawvel in Ni eng a hmu tur chu a lo dang chat a. He awklem thleng hian khawvel mipui maktaduai 45 vel chu a nghawng niin an sawi. Mi tam takin tarmit dum anleia, achhan chu awklem thil thlen laitak hihmuh an duh vangin. He thilthleng hmutute chuan mak an tih zia hahipin an sawi a nih kha. Pathian enkawlna kut chu a thil siamah mumal leh awmze nei takin a thawk reng thin!
Ngawi teh u, Lal Isuan a nun a thlah dawn darkar a, a thawk hnuhnun ber laia khawvel tuamtu thim chungchang kha i ngaihtuahtehangu.SiamtuPathianropuikutchuanhnaathawk a nih kha. Thim hnenah chuan a ka a ang a. Thim chhah takin khawvel a tuam vel laia, mi engzatin nge Lal Isua tuarna kim tin mai kha thlir a mit len tih kha han ngaihtuah teh u.
Thilsiamte hi an ropui a ni. A Siamtu Pathian lo ropui tur zia hi!
Sam 19: 1-2 ah ti hian a inziak: ‘Vante khian Pathian ropuizia chu a hriattir a; Boruak zau tak khian a kutchhuak chu a lantir thin a. Chhun hian chhun hnenah thu a sawi chhawng zel a, zan hian zan hnenah hriatna a lan chhawntir zel a’.
Keini hi kraws bula awm anga inchanin, darkar 3 chhung khawvel thim tur kha i ngaihtuah teh ang. Kan mitte lenin thim chuan Pathian kut-thilsiam chunga hna thawk mek chu kan hmu ve ngei ang, chu mai bakah chuan thim chhuizawh rual loh, hriatthiam
15|Page
rual loh Lal Isuan i tan leh ka tan leh khawvel diklohna, sual, zahna, kehchhe mek leh thihna thlenga a phurh tel chu kan hmu ngei bawk ang.
Nilenga mit Isua hnena lentute chuan thim chu enin, sipai za hotu tap au thawm chuan an theihnghilh tawh loh tur thil a hriatfiah tir ngei ang, ‘He mi hi Pathian fapa ngei chu a lo ni’ (v 54) tih hi.
Pathian kut thiltithei chu thilsiamah hian a la inrawlh zel reng a. Vante khian tu nge a nih an puang chhunzawm zel a. Vawiinah hian tawngtai rawh; mi tu emaw talin thisiam kal tlanga Pathian an lo hriat theih nan leh Sipai za hotu anga thil thar-‘He mi hi
Pathian fapa ngei a ni’tih puangtu an lo nih ve ngei theihna turin.
THAWHLEHNI 15 APRIL
MATTHEW 27:45-46
ZAWHNA KAIHTHAWH HUN
Tin, chawfak hun achin behliang mun hun thlengin khawvel a lo thim ta vek a. Tin, behliang mun hun lai vel chuan Isua chu aw ring takin, "Eloi, eloi, lama sabakthani?" tiin a au chhuak a, (chu chu, "Ka Pathian, ka Pathian, engah nge mi kalsan?" tihna a ni) (vv 45-46)
Engtik lai emawni khan keimah ahzawhna tam tak a lo lut a, nitin
Pathianhnenah ka thlen thin.Ka zawhna chhanna hmuhbeiseiin, Bible keu chungin Pathian hnenah ti hian ka thlen a, 'Lalpa ka zawhna chhanna ka mamawh ani' tiin. Joba lehkhabu ka chhiar ta a, kei ang bawk a zawhna nei Joba ang khan, Lalpa he khawvel
hi i hre reng a mahse tinge natna te, tawrhna, hreawmna te leh rorelna dik lo a awm reng si tiin. Chutia dawhthei taka ka ngaihtuah lai chuan, Lalpan chhanna he thu hmang hian min pe a: 'Mipa takin i puan veng la, thu ka zawt ang chia, mi hrilh ang che' tiin (Joba 38:3).
Pathianin Joba zawhna a zawh ang bawk khan keimaha ka awm laiin Pathian hnen atangin zawhna ka dawng ve ta ani.
• 'Leilung ka nghahchhan ka phum lai khan khawiah nge i awm?' (38:4)
• 'Lei khuhna tikianga, Mi suaksualte thing chhuak turin' (38:12)
• 'I finna avangin mu chu a thlawk chhovin, Chhim lamah thla a zar em ni?' (39:26)
Pathianin Joba kha zawhna 70 lai a zawt a. Kei chuan chung zawhna chhana chu ka hre hauh lo mai tiin ka in chhang a, ka
Isua kha kross a khenbeh a nih lai khan Apa vana mi hnenah zawhna siamin: 'Engah nge mi kalsan? " tiin. He zawhna lungchhiatthlak tak mai leh kalsan, hnutchhiah nih hreawm dan tur hi kan ngaihtuah ngam lo zawk ani. Heta engahnge mi kalsan, tih a kalsan nih lai tak ngaihtuah phak ngam pawh a ni lo, Isua Kristan nang leh kei, khawvel min chhandamnan a hetiang a kalsan a nih tak hi a va rapthlak em.
A chang chuan kan nunah hian Pathianin min kalsan ta angah te kan ngai thin. Isua, Apa vana mi pawhin kalsan a chuan keini mirhingte hi 'In rilru putzia chu tangka ngainatna tel lo ni rawh se; in thil neih chhun chungahte chuan lungawi rawh u; amah ngeiin, "Engtik ah mah ka thlahthlam tawp lo vang chia, kal pawh ka kalsan tawp lo vang che," a ti si a (Hebrai 13:5).
KanLalpaPathian hiankanthinlung a zawhna tam tak hi a hnena kan thlen theihnan a inhawng reng a. Rinna thang mek chuan amah kan rin tlat theihna turin. 'Tichuan, i hming hretute chuan an ring ang che; Nang zawngin LALPA, nangmah zawngtute chu i kalsan ngai si lo' (Psalm 9:10).
Ngun taka ngaihtuah chhunzawm atan:
Lalpa ka zawhna che chhang la; I hnen lo ah khawnge ka kal ang? Thlarau thianghlimin min hrilh la, Ka tan van leh Chhandamtu awm chu.
Anne Shepherd (SASB 172 v 4)
18|Page rinna in min ti kal a amahah chuan ka rinna ka nghat tlat a ni tiin.
NILAINI 16 APRIL
JOHN 19:28-30
TUIHAL LAIA CHHANNA LO THLENG
Ni sat vanglai tak chuan Isua chu kross ah khai kanin a awm a. Ni chu a sat em avangin Isua a ni tih pawh a hriat loh hial a ni.
Tawrhna nasa tak a tawrh avangin, amah pawh a chau hle. Hemi a thil thleng hi han mitthla ta la, kei ang bawkin i mittui a ko chhuak ngei ngei ang.
Chumi hnuah chuan Isuan thil engkim tunah a kim tawh tih a hria a, Pathian Lehkha Thu kha a thlen nan, "Ka tui a hal e, " a ti a (Johana 19:28).
Tisa taka hreawmna kan tawrh hian, kan tuihal thin. 'Ka tuihal' tih hi mihringten a kan tuihalna hrang hrang puanchhuahna a ni.
Kan tuihalna nasa tak lo awm chhan pawh kan hre lo fo.
Isua khan 'ka tuihal' tih chhanna a hmu a. Pathian Lehkha Thu ah chuan heti hian a inziak, chutah chuan bel pakhat uain thura khat an hung a; chutichuan, sponj pakhat chu uain thurah chiah khatin, husop tiangah an tar a, a hmuiah an han thlen a (Johana 19:29). Ka thinlung chuan he thu hi a tuihalna chhana atan a chauthubarawh mai ani.
Khawvel hian kan tuihalna tih rehna tur tam tak min chhawp a. A then chu lungngaihna mai min thlen tu a ni fo. Tuihalna tih thumal awmze dang ni awm ni thei te chu chaklohna, atthlakna, hmantlak loh, lungngaihthlak, leh chhiatna nasa tak te an ni.
19|Page
Mihring kan nihnaa kan zawhna chhanna kan hmuh te hi a beidawnthlak em em a ni.
Isua Krista chuan kan mihring nihnaa kan chakna te leh kan tuihalna tak chu a hria a. Chuvangin he kan tuihalna chhana tur hi min hnutchhiah sak ani.
Vawiin ah hian i tuihal em? Kan zingah hian tu emaw in sawi chhuak ngam si lovin a rukin 'Ka tuihal' ani i ti thin em?
Isua aw chuan heti hian a sawi:
Ka pe a che u
Tuihalte chu lo kal ula
Nunna tui chu lo in rawh u
Lo kal la, in ta che, tichuan i lo nung ang
Isua hnenah nunna tui ka in a, Ka dam ta, ka tuihalna te chu a reh a, ka thlarau a chawl ta.
Horatius Bonar (SASB 424 v 2)
NINGANI 17 APRIL
GALATIANS 2:19-21
KRAWS KHAIKAN
Krista hnenah khenbehin ka awm ta; nimahsela, ka nung a ni; keimah erawh chu ka ni tawh lo, Krista chu keimahah a nung zawk a ni..,(v 20).
A kilhna tuboh thawm a reh ta
Thisen nasa tak a far.
Thing inkawkalh kross chu.
Kross chu khaikhanin a awm a.
Taksa chau tak mai chu.
'Khenbehin a awm dawn ta' tiin.
(Chawl detin han ngaihtuah la)
Lu te inthingin.
Chhaihnawmnaah aw
Leh thawm chuan
'Juda te Lal'
Khenbeha chu tiin.
Thute chuan.
'Hlim rawh u, Isua chu Lal a ni!' tiin.
Zai ri te chuan.
'Lal Chungnungbera chu!'
Thinlung te chuan thusawiin
'Lalte lal, ropui ber'
Ban te chunglam a pharin
'Kan Lal i ni' tiin
Hmui te inpuangin
A hming chu
Chawimawina a ni.
(Chawl detin han ngaihtuah la)
Krista rual a khenbeh?
(Chawl detin han ngaihtuah la)
Krista rual a Khenbeh kan ni
Mahni a nung ka ni tawh lo
Krista keimah ah a nung
Tho leh nun chu
Ka nei ta
Kan rinna vangin
Min hmangaihtu Amah chu.
Kan tan a nun a pe ta.
Krista rual a khenbeh?
'Ka nun hi, i tan ka pe e
I hnenah ka hlan e Lalpa'.
AMEN
(Chawl detin han ngaihtuah la)
GOOD FRIDAY 18 APRIL
MATTHEW 26:31-35
AW CHHUAH
'Pain mi pêk apiang ka hnênah an lo kal ang a, ka hnêna lo kal tawh phawt chu ka hnawt chhuak lo vang' (Johana 6:37)
Isua hnungzuitu kan nihnaah hian, a hnenah kan duh leh mamawh kan thlen fo thin amah kan rinna avangin. 'Ka thei ang.. ' tiin kan sawi a, amah kan rinna leh Pathian a nihnaah. The Salvation Army tana sipai tha tak ni tura Raldona thutiam kan la thin, 'Pathian Lehkhabu Thuthlung Thar leh Thuthlung hlui hi Pathianthawkkhumapekanitihkanringa.Helaithua'Katiam/ ka ring e ' tiin thuthiam point 10 in a chhunzawm a ni. Nau hlan emaw inneihna ceremony ah reng reng 'Ka/Kan tiam e' tiin kan sawi thin. Isua hnungzuitute leh amah ringtute chuan Ka tiam e tih hi kan tih thin dan reng a ni.
Isua kha hreawm tak leh lungngaihna ruam hmun a pan tur kha darkar tlemte chauhin a dang tawh a. A zirtir Petera chuan a aw chhuahin, huaisen takin 'Ka tiam e' tiin Isua hnenah a intiam thu kan hria.
"An zain i chung thuah lungni lovin awm mah sela, kei zawng lungni lovin ka awm tawp lo vang" tiin a chhang a (chang 33).
"I thihnaah chuan thi ve dawn mah ila phat tawp lo vang che, " a ti a. Chutiang bawk chuan zirtirte zawng zawng chuan an ti ta theuh va. (chang 35).
Petera leh a zirtirten an tih ang bawk hian keini pawh hian 'Ka ti ang' tikn kan aw kan chhuah fo.
Petera'n 'Ka ti ang' a tih kha phatsannain a zui nghal tih kan hria a, vawikhat mai ni lovin vawithum lai Isua kha a phat a ni.
Lal Davida ngei pawh khan 'Ka ti ang' a tih hnu lawkah Pathian laka a hmasial zia a inhrechhuak anih kha. 'Ka hahchawl lo vang a, mutmu ka tuah hek lo vang; Lalpa hmun tur ka zawn chhuah hma loh chuan' (Sam 132:4-5).
I nunah emaw i thil tawn tawh atangin 'Ka ti ang' i tih si tih hlawhtlin si loh i nei ve ngai em?
Kan hlawhchhamna chu engpawh nise, Isuain 'Ka ti ang' ti a min tiam kha tih engmahin a tih danglam theih loh zia kan hmu. 'Ka hnêna lo kal tawh phawt chu ka hnawt chhuak lo vang' tiin (Johana 6:37).
Good Friday ni a lo thlen hian, he thu 'Ka ti ang' tih hi Ama tana kan rinawmna leh thu kan tiam te chu hlawhchham thin mahse, a ngaihdamna chuan engkim min siamthat sak leh thin a ni (Ephesi 1:7).
INRINNI 19 APRIL
JOHN 11:1-44
INPUANNA AW-RAWL
'Lung hi chawi sawn rawh u' (chang 39)
A thia Lazara farnu Marthi chuan Isuan 'Lung hi la sawn rawh u' a tih chuan, ani chuan '... Lalpa, tunah zawng a uih tawh ang; a thihnanilia ni tawhsia," atia(chang39).NimahselaIsuachuan chu lam chu a ngaihtuah ve hauh lo mai, a ni chuan a nunna thu chauh chu a ngaihtuah a ni. Isuan chuan 'Aw ring takin, "Lazar lo chhuak rawh!" tiin (chang 43).
Thil nung reng reng an thih hnu hian, rimchhia a lo chhuak vat thin. Hemi nen a khaikhin theih tur Pathian Lehkha Thu ah ka hmuh chu, keini mihring te pawh hi Isua Krista kan tawn hma chuanmithimaikanniakeimahniatanginthilrimchhiaachhuak a ni (Ephesi 2:1). Nimahsela Krista Isua chuan 'Lung hi la sawn rawhu'atia,kanLalpaPathianakhawngaihnarenruallohchuan keini thi tawh te chu 'Krista rualin min tinung ve a' (Ephesi 2:5). Mintinungmainilovin,Kristaahchuanrimtuiahkanlonitabawk a ni. 'Pathian rim kan lo nam ve thei ta a. Isua Kristaa chhandamna chang tawh te chuan Ama laka bo te lakah chuan rimtui tak kan lo nei ta a ni' (2 Korinth 2:12).
Kan sualna te ngaihdam vek nimahse, kan nunnah hian sualna chuan bu a khuar ve reng bawk a. Thil hlui tawh te chuan kan nun rawn chawk buai tumin min zam reng thin. Amaherawhchu
hetah chiah hian Lalpa'n min ngaihdamna chu ringtute rinna kawnga thil pawimawh em em a ni.
Zirtir Petera khan Isua vawikhat a phat a. Inthiamlohna nasa takin a tuam nghal a nih kha. A thil tih sual hriaiin a tap zawih zawih tih kan hmu (Matthaia 26:75). Lal Davida chuan a thil tih sualah ngaihdam a dil thu kan hmu: 'Aw Pathian, i ngilneih em avangin mi khawngaih la; I lainatna nasat avangin ka bawhchhiatnate hi thai bo vang che. Ka khawlohnate hi mi sil faisak var la, ka sual hi mi tlen faisak ang che' tiin (Sam 51:1-2).
'Kan sual thupha kan chawi chuan, kan sualte ngaidam tur leh kan fel lohna zawng zawng tleng fai turin, amah chu a rinawmin a fel a ni' (1 Johana 1:9).
Vawiin ah hian Pathian tan rimtui tak i chhuah vek ang u.
EASTER SUNDAY 20 APRIL
LUKE 24:1-12
RINNA NUNG NEIA KAIHTHAWH
Tin, Krista kha kaihthawhin a awm loh chuan in rin chu eng mah lo a ni ang a (1 Korinth 15:17)
1 Korinth 15:12-20 kan chhiar chuan 'kaihthawh' tih hi vawi 9 kan hmu a. Vawi 9 lai anih chu! Helai Pathian Thu hi ngun tak leh uluk taka chhiar turin ka sawm che u a ni.
Kaihthawh tih hi hun kal tawh sawina a ni a, a thleng tawh tihna pawh a ni. Isua Krista chu kaihthawh a ni tawh tihna a ni.
Isua hnungzuitu ringtute tan a ni pawimawh tak mai thleng turin kan inbuatsaih mek lai hian, amah ringlotute tan chuan hriatthiam phak rual a ni kher lo thei. Kristian te nunna pawimawh tak mai kan rinna nghahchhana ber chu Isua thihna atanga kaihthawh hi a ni a. Krista kha kaihthawhin a awm loh chuan kan rin chu eng mah lo a ni ang a, tiin Pathian Lehkha Thu ah kan hmu a (1 Korinth 15:17). Helai Bible chang a eng mah lo tih hi dictionary kan en chuan 'tangkaina nei lo' emaw 'thil awmze nei lo hulhual' tihna a nei thei awm e.
Isua Krista kaihthawhna a nih chiah khan, kan rinna chu a nung reng a tun hun ah a awm a ni. Paul a khan rinna nung reng kha a ngai pawimawh em em a, Thessalonika mite hnena a chah, 'in rinna chu nasa taka thang lianin' (2 Thessalonians 1:3). Rinna hi eng mah lo mai a ni lova. A thang lian zel tur a ni a, Pathian Lal ram min thlentu tur a ni!
Kum engemaw kal ta khan, Mississauga Temple Canada a officer ka nih laiin, temple enkawltu Jack a chuan Africa mi voilet plant min pe a. Plant ka ngaina in ka tuipui tih a hriat avangin hlim takin min pe a, rei tak ti nung ngei turin min chah nghe nghe a ni. A nun ngei theih nan nasa takin ka buaipui a mahse awmzia a awm ta lo a ni.
Rinna hi awmze awm lo a ni lova. A nih dan tur ang ngeiin a thang zel thin zawk a ni. Tho leh Isua a kan rinna chuan, 'Krista hnenah khenbehinkaawmta;nimahsela, kanungani;keimaherawhchu ka ni tawh lo, Krista chu keimahah a nung zawk a ni; tin, tunah tisaa ka nung hi rinnaa nung ka ni - Pathian Fapa, mi hmangaiha ka aia inpetu rinnaah chuan' (Galatia 2:20).
Isua chu kaihthawh a ni a, chumi avang chuan keini pawh kaihthawh niin nun thar kan lo nei ta a ni. Amah nen chuan: 'Kan Lalpa Isua Krista Pathian leh Pa chu fakin awm rawh se! Ani chuan a khawngaihna nasa tak ang zelin, mitthi zing ata Isua Krista thawhlehna avanginbeiseina nung hmu turin min hring leh a' (1 Petera 1:3).
Easter lo thleng tur atana kan rinna nena kan inbuatsaihnaah hian, tho leh Isua Krista in a sawi hmasak ber thu hi ka hnutchhiah duh che u a ni: 'In chungah thlamuanna awm rawh se' (Luka 24:36). A tawp ber atan chuan, 'Isua Krista hi a tho leh ngei a ni tih hi i hre reng ang u'.
Mizo tawnga lettute:
1. Naom Lalhriatpuii
2. F.Lalchhandama
3. Capt.Vanlalhriata
4. CVL Awmpuizeli
