Rorelna
RORELNA DIK NUNPUI TURA KAIHHRUAINA LEH CHONA TURA ZIRLAI LAKKHAWM
NI 1 na
A huho in kan tha zawk
BIBLECHANG: Rom 12:9-16
‘Hmangaihna chu vervekna tel lovin ni rawh se. Sual lam chu hua ula, tha lam chu pawm tlat rawh u. Unaute hmangaih kawngah chuan hmangaih takin inlainat tawn theuh rawh u; chawimawi kawngah chuan induhsak tawn theuh ula;...mi thianghlimte tlakchhamnaah chhawmdawl ula; mikhualte lawmin awm fo ula.’ (Rom 12:9-10, 13)
Chhiar belh tur: Rom 12:1-2; 1 Korinth 3:8-11
ZIR CHIANNA: Rom 12:9-16 hian midangte nen inrem tak cheng ho turin min fuih a. Pathian chibai bukna inthawina nung atan nun pum inhlan turin, Rome khuaa kohhran hote chu Tirhkoh Paula hian he lehkhathawnah hian a fuih a ni.
Kohhran hmasate -malsawmna inhlan tawn a, inlawm tawn a, in tawrhpui tawn turin leh inrem taka chengho tura- a zirtirna hian, keini pawhin kan inhuhona hmanga Pathian kan chawimawi theih dan kawng min kawhhmuh a ni. Thinlung siam thara awmna aangin hetianga khawvel tih dan ang mai nilova nun leh in hmangaihna hi a lo awm an a, chu chuan kan rinna chhungril ber chu chetzia a tarlangin, Isua a ên chhuahtir ta a ni.
Isua chuan thu chauha hril mai ni lovin, a nitin nun dan hmangiin Pathian leh midangte hmangaih dan tur min zirtir a. Isua zuitu kan nih angin keini pawhin, Pathian ropui nan he hmangaihna chi hi tuh a, thima hute hnenah siamtharna thlen turin Nitin kan nunpui tur leh mawhphurna kan nei a ni.
A taka hmangaihna nun chhuahpuina hi thlarauva khat liam nun chu a ni.
NITIN NUNPUI TUR: He Pathian thua kan inpawlna tawite hian, kan hma kar lo awm turah, nitin Pathian hmangaihna tarlang turin Nitin kan nunpui tur leh duh thlan tur min chhawp sak a. Chhiar tura inruahmanna aiin, hlen chhuak tura inruahmanna hi kan hlawkpui zawk ngeiin a rinawm! He kawng hi mahni chauha zawh tur kan ni lova. A huho hian kan chak fe zawk thin a nih kha! Isua ngei pawh kha a zirtirte nen an thawk hova, inhuhona tha pawimawh zia min zirtir a, tin, Paula hian a lehkhathawn ah hian inhuhona chungchang chiang takin min hrilh bawk. Kan hna hmasa tur chu kan thiante emaw, thawhpuite emaw biak pawh a, dikna leh felna zawng turin, thurual puiah kan sawm ang.
In dawm tawna tawngtaiin, Pathian finna ngaichang chungin che chhuak ila. Pathianin a hna thawhpui atan min kawprem thlap tih hre reng chungin, kan ke pen leh thutlukna tinreng min hruai turin Amah i sawm ang u. Kan chak lohna ah a chakna chu tih famkimin a awm a. Tanpui vartu hnai renga chuan dik tak leh rinawm taka nung turin min thuam rawh se.
TAWNGTAINA: He Pathian pawlna hian tawngtaina hun tha min hawn sak a.Dikna kan um mek lai hian, kan chet velna apiangah Pathian tel vena hrefiah turin thlarau lama thawk lak dan zir ila. Thawk lak tawngtai hi thil harsa lo tak a ni a, thawk kan lak rual zelin, englai pawhin, khawi hmunah pawh kan tih reng theih thil a ni.
SENG LUH TUR: Rorelna diklo hi thil vei awm tak a ni.
PEK CHHUAH TUR: I kawng ka zawh mek lai hian min pui mawlh ang che.
I thawk lak rualin dikna thua Pathian thinlung
seng lut la, a tha zawnga danglamna thlen tura I intiamna nen thaw
chhuak leh ang che.
ENGAGED
NI 2 na
Tlanna atana Pathian remruatna
BIBLECHANG: Matthaia 1:1-17
‘...Jakoba'n Josefa, Mari pasal chu a hring a; chu mi Mari lakah chuan Isua
Krista an tih hi a lo piang ta a.’ (Matthaia 1:16)
Chhiar belh tur: Luka 1:46-56
ZIR CHIANNA: Pathian lehkhathu a thlahtu bul chhuina kan hmuh thin hi a thui diah duah viau hian a lang thin a, mahse thutak ril tak min phawrh chhuah sak leh thin. Matthaia 1 hian Isua tlanna hna thawh lo lan nan chhuan hrang hrang lo kal chho zela Pathian rorelna ropui tak a tarlang chiang hle a.
Hetah hian hmeichhe panga tarlan ve an ni a: Isua nu Mari te, Tamari, Rahabi, Ruthi leh Besebi (Uria nupui tia dah a ni tlangpui) te an tel ve a.
Mipa hming langte ang bawkin rem takin an hming hi a lo inbilh tel ve a ni.
Hun harsa leh mi ngaihsak loh nihna te pawh lo kal peltute an ni a.
Chutichung pawhin, an lo hlen chhuah tawhte avang ni lovin, anmahni kal tlanga Pathianin a hlen chhuah tur thil awm avang zawka thlan an ni a.
Luka 1:46-46 ah hian, Messia lo lan tur thu a hriatin, Marin khawngaihtu
Pathian chu ‘mi te zawkte khai chhuaktu’ leh ‘riltamte chu thil taka ti puar a, hausate chu kut ruaka kalbotir tu’ tiin a fak a ni.
He khawngaihna thuk tak hi a phu tawk ngaihsakna hmu lo, an phatsan Tamari chanchinahte, Rahabi nun hluiah te, ram dang mi a nihnaa Ruthi dinhmunah te, Bethsebi nun khawngaihthlak tak leh Mari thuawihna ah te chiang taka hmuh theihin a a awm a ni. Heng hmeichhiate chanchin hian, Pathianin Isua Krista hmanga tlanna ropui min thawhsakna hi Israelte chauh nilo, tiam chin awm lova khawvel pum tan a nih zawk zia a tarlang chiang hle. Tichuan, Chungnungbera hming chuannaah te chuan an hming chu chhinchhiahin a lo awm ta.
NITIN NUNPUI TUR: Tamari te, Rahabi te, Ruthi te, Bethsebi leh Mari chanchinte hian, kan sulhnu leh nun hluite hi kan hma hun hriltu an ni ber lova, Pathian chauhin min chhandam thei a ni tih an hrilhfiah a.
Kan nunhlui leh chawr chhuahna piah lam daihah hian, mi tinte hian hlutna leh pawimawhna bik tak, ngaihlutawm tak leh inthlei bikna awm miah lova kan in thlir sak zawk tur thil a awm a. Mitinte inlungrual leh hlim taka kan khawsak hona khawtlang nun nuam kan siam thei a ni.
Hetianga rilru zau taka inhuhona nghet kan siamna tur atan hian, mi in ang lo tak takte pawhin thinlung inhawng taka an rilru leh an chanchin, an tawnhriat tinreng an sawi theihna hun kan siam thei a. Chutianga kan inpawlhonaah chuan inhriatthiam tawnna leh dawhtheihna te kan ngaih pawimawh a, ngaihhlut an ni tih an inhriatna tur boruak zangkhai kan siam a tul fo thin.
In khawtlangah, en kan leh hriat hlawh lo zawkte zawng chhuak la, ngaihsakna leh thil phalna lantirin nan -chawhmeh in suahte, thil pekte, in tanpui tawn leh in len pawh tawnin- in puibawm ula, midangte hlutna leh pawimawhna inhrilh tawn tum reng fo ang che u.
TAWNGTAINA: Aw Lalpa, en kan leh hliam tuarte nun chu I tlanna duhawm tak nen a suih zawm tlat a. Kan nuhlui ten kan hma hun a hril lo tih hriatna nen I remruatna ring ngam turin min pui ang che, Isua Krista avanga I khawngaihna kan chan ang takin, midangte tan khawngaihnaa kan luanchhuah ve ngei theih nan.
SENG LUH TUR: Hmangaiha min tlanna avangin kan lawmna lo sang zel se.
PEK CHHUAH TUR: Pathian tanpuina in midangte hnenah ui lovin sem chhuak zel ila.
NI 3 na
Chanhaite hmu thintu Pathian
BIBLECHANG: Genesis 16
‘A hnena thusawitu LALPA hmingah chuan, “El-roi” (“Nang hi hmu theitu
Pathian I ni”) tiin a vuah a, “Min hmutu chu ka hmu ve ta a nih hi” a ti a’ (Genesis 16:13)
Chhiar belh tur: Sam 34:17-18
ZIRCHIANNA: Hagari chanchin hian Pathianin nek chepte a ngaihsak zia min hrilh nawn leh thin a. Sal, a piin a tihduhdah leh a hnawl Hagari hian vantlamh zingah pawimawhna a nei lova, dikna leh sawi ve theihna chanvo a nei hek lo
A nun beidawnthlak tak avanga thlalera a tlan bo hial lai khan a nunah Pathian a rawn inlar ve thung a. Pathian chuan a hmu a, a bia a, khawngaihna a chantir a, El-roi -Hnutheitu Pathian- tiin a rawn in puang ta a ni.
Hagari tan hian Pathian nena intawhna hi beisei phak loh thil, a tan liau liau ni si, khawngaihna, a natna leh a hlutna hriatpuina ni bawk si a ni. A beisei leh hriat phak loh thlengin Pathian chu Hagari tan a awm reng a, a nunin a tawnhriat atang ngeiin Pathian chu tunge a nih a hriat a, a hming a vuah theihna turin a ti harh thar leh a, “Min hmutu chu ka hmu ve ta a nih hi” a ti ta hial a nih kha.
An khawvela a dinhmun, a natna leh duhthlanna chhete chauh neitu a nihna khan Pathianin a ngaihsakna tur a tih kiam sak lova. Mi dawrawm leh chak lote hmuh khan thin khawvelah hian, mi hriat hlawh phak lote chu Pathian chuan a hmu a, a ngaihsak a, an mamawh phuhru turin an lam a hawi reng tih Hagari chanchin hian a nemnghet a ni.
NITIN NUNPUI TUR: Engemaw kawng takin, mite hnawl leh nek chep nia inhriatna hi mi tam takin an nitin nuna an buan leh hmachhawn reng a ni a. Pathian nen inpawlna hun neih a, hetiang anga mahni inhriatna hi khawi kilah emaw kan lo nei ve reng a nih phei chuan Pathian hnena in phawrh a, a kuta innghat turin amah nena inpawlna, tawngtai hun hman hi a pawimawh thin hle a ni. Midangte tanpui thei tur chuan Pathian hmangaihna kan hriatfiah hmasak hi a pawimawh takzeta a ni.
Kil tina nek chep leh hnawl an awm lo thei, chutiang hunah chuan an dinhmun hriatthiampui turin ngaihtuahna sengin, kawng kan dap thei. Biakin a lo lawi hote zingah, mi inthlahrung tak, mite zinga tel ve mai harsat deuhte pawh an lo awm thei e. Chutiang mite chu kawm ngeih a, ti tlangneltu ah kan tang thei a. Thenawm khawvenga thalai dinhmun derthawng zawka awmte chuan kaihruaitu an mamawh em tihte pawh kan zawt thei a. Hmeichhe rahbi tleute enkawlna hmun I lo hriat hlauh chuan, tlawmngaiin kan inpe thei a, an mamawh phuhru turin thil pek kan hlan thei bawk.
Dinhmun khirh leh harsa berah pawh, hhnawl leh ensante hmutheitu Pathian rawng kan bawl a, a ni chuan a hmangaihna pe chhuaktu ni thei turin min ti chak thei a ni.
TAWNGTAINA: Aw Lalpa, kan nunin harsatna a tawh laiin nang chuan min hria a, hmangaih kan ni tih min hriattir a. I hmangaihna tawp lo lantir a, i khawngaihna ban nen ban pha vek turin, mite hmuh loh leh enkan nia inhriate min hiattir ang che.
SENG LUH TUR: Mi chaklote hnen lamah Pathian thinlung a awm tlat a.
PEK CHHUAH TUR: Khawngaih turin kan thlarau mitte lo fiah zel rawh se.
NI 4 na
Inpumpekna thuk tak chu
BIBLE CHANG: Ruthi 1
‘Tin, Ruthi chuan, "Nangmah then tûr leh nangmah zui lova haw leh tûr chuan min thlem lo hram hram rawh: i kalna apiangah ka kal ang a; i riahna apianga ka riak ang a, i chite chu ka chite an ni ang a, i Pathian chu ka Pathian a ni ang.’ (Ruthi 1:16)
Chhiar belh tur: Thufingte 17:17
ZIR CHIANNA:Hmeithai, la valai tak Ruthi, a pi Naomi zui zel tum ruh tlat kan hmu a. Ruthi hi an khua leh a chipuite hnen lamah kir lehin, nun bul a tan tha leh thei a -mahse inpekna thuk tak neih tirtu hi kan ngaihtuah ngai em?
Sarsatna namen lo kara Naomin Pathian a rinna nghet tak a hmuh bakah, mahni indah thaa Orpi nen a ngaihsakna a hmuh khan a hneh hle pawh a ni thei a. Ruthi khan a nuna midang han hloh leh kha a tuar zo dawnin a hre lote pawh a ni thei bawk. Ruthi rinawm tlat nachhan rin dan hrang hrang awm thei zingah, Naomin rinna nghet tak a vawn tlatna leh a chet chhuahpuina hi a ni ngei ang. Ruthi hian Naomi Pathian chu a Pathian a ni ve thei ngei a ni tih a ring nget hle a ni.
An biak Pathian hre chiang a, a rawng bawl tlattu, an nun, an tawngkam leh an cheziate a an rinna tarlangtu -Naomi ang- Pathian hnaih tlata, amah ngaichangtu, amah hriat chianna leh a finna zawnga, midangte ngaihsak taka dawm thin mi tam tak kan hre mai thei. Chutiang mite chuan Naomin Ruthi nun a siam ang mai khan, an rinna avangin an kianga mite nun pawh an siam tha tel thin a ni.
Ruthi thutlukna leh a inpekna thuk tak hian a huaisenna leh a lainatna ngah zia a ti lang a. A lusunna inhnehtir mai lovin, Naomi hnemtu leh thlamuantu nih a duh a, an hringnun thawnthu lungchhiatthlak tak chu a tha zawnga her danglamtu ah a tang ta a ni.
NITIN NUNPUI TUR: Eng emaw kawng talin hruaitu nihna dinhmun chelhtu kan ni vek mai.
Naomi ang hian, kan hriat lem lo lai pawha min lo thlir rengtu hi an lo awm reng thin a. Kan entawn tur mi tha, mimal taka min kaihruaia thurawn min petu, thinlung taka min ngaihsak tak taktu neih hi a hluin a pawimawh hle. Hetiang anga kaihruaitu che hi I la nei lo a nih chuan, Pathian hnenah nangma tana tha tur mi dil ang che. Ruthi kha Naomi kianga cheng, a nun leh chezia engkim hre pawhtu a ni tih hre reng ila, hetiang deuh hian midang ten pawh taka min hnaih a, kan hnen atanga an zir theih nan te pawh kan lo in hawn ve a ngai bawk thin.
Ruthi ang hian midangte ngaihsaktu kan ni thei a. Mi dangte nen kan inkungkaihna ah, thinlung taka kan hun leh ngaihsakna kan lantir theihna turin ngaihtuahna kan seng thei a ni. Mipui vantlang tan kan thiamna kan hman chhuah theih nan, kan thiamna leh hriatna ti hmasawn turin engtin nge tan kan la theih ang? Entirnan, Pathian thu hriatna lama hma kan sawn theih nan chuan Bible zir hona leh sawi hona hmunah te pawh kan tel thei a ni.
Naomi ang leh Ruthi anga min ngaihsaktu, kan theihna min hriatpuitu leh kawng tinrenga kan kianga awm tur kan mamawh rualin, engtin nge midangte tan an Naomi leh an Ruthi I nih ve theih ang le?
TAWNGTAINA: Lalpa, dai ngai loh ram thlenga rinna nget tak vuan tura hmangaihna thuk tak leh rinawm taka inpumpek, Ruthi thinlung ang kha min pe la. Midangte tan, an Naomi ni a, kan kiang ami ten nagmah an lo hmuh theihna tur atana rinna nun tak neitu ni turin min pui ang che
SENG LUH TUR: Pathian chu hun khirh leh hun ralmuangah a pangngai reng a.
PEK CHHUAH TUR: Pathian kan hmangaihna chu lo nghet deuh deuh rawh se
NI 5 na
Hnam dangte kuangkuah in
BIBLECHANG: Ruthi 2
‘Tin, buhto zawng tûra a thawh leh chuan, Boaza chuan a tlangvâlte hnênah, "Buhphal zinga mite pawh hi char zel sela, hau suh ang che u. Tin, a tela mite pawh, pawh chuahsak ula, hnutchiah zel ula, chhar sela, hau suh u," tiin thu a pe a.’ (Ruthi 2:15-16)
Chhiar belh tur: Leviticus 19:9-10
ZIR CHIANNA: Ruthi lehkhabu hian Pathian hmangaihna tawp lo, min zawng zawng huap, mikhualte pawh lawma kuangkuah thin a nih zia a takin a tarlang a
Ruthi, Moab nu hian Naomi zui thlangin, a Pathian chu a Pathiana biak ve a duh a, Israel ram -Moeab mite rin lohna leh enhniamna chuan mikhual chan va chang a ni. Ruthi chu a rinawmna leh huaisenna chuan mi bik a nih tir a, Pathianin tute mai pawh hi a remruatna thianghlim takah chuan a telh vek thei a ni tih kan hmu thei bawk a ni.
Boaza kal tlang hian Pathianin Ruthi leh Naomi mamawh a phuhru a. Ruthi’n buhto a zawn hian, Pathianin chanhai leh rethei zawkte leh, mikhual leh ramdang mite tan lama dan a lo siam tawh rah chu a seng bawk a ni (Lev 19:9-10). An beisei aia nasa daihin Boaza hian Ruthi lakah thil phalna lantir mah se, a chet dan hi erawh a rilru lak sak leh hneh a tum vang lam chu a ni hauh thunglo a ni.
Ruthi hunlaia buhto zawn hi hna hautak ve tak mai a ni a, Boaza’n buhphal a hnutchhiah sakna hian a hahthlak lai zawng zawngah a awl ta vek tihna a ni lova, inthliar bikna awm hauh lova hna a thawh theih nan, a sahimna tur a ngaihtuahsakna a lantir zawk a ni. Hei hian Pathianin mi dawrawm zawkte a ngaihsak zia leh, ringtute pawhin chutiang thinlung pua mamawhtute ngaihsak ve tura min duhna a ti lang chiang hle a ni.
Ruthi, hnam dang/mikhual ve mai kha Isua thlahtute zinga a tel ve ta mai te hian
Pathianin chhandamna hna a thawhna turah hnam zawng zawngte a huap zia leh Lal Isuan mi zawng zawng a huap zawh zia a ti lang a ni
NITIN NUNPUI TUR: Ruthi bu hian Pathian hmangaihna, mikhual leh pawn lam mi pawh hmangaih thin kha entawn ve turin chona min siam nasa hle a. Mikhual leh hnam dangte pawh lo lawm a, ti tlangnel tur leh, Pathianin khawngaihna a lantir angin khawngaihna leh ngaihhlutna nena dawngsawng thin turin min fuih a ni:
1. Pem khawmte, ral tlan leh pawnlang riaua inhriate tan tawngtai la. Hmun tharah nun thar an sual mek lai hian, Pathian malsawmna dil sakin an tan tan hruaitu lo ni ang che.
2. Mikhual lakah I thatna puntir deuh deuh la. Thenawm velah leh thawhpuite zingah mikhula chanchang hnam dang an awm chuan chaw eiah te sawmin ti tlangnel la. Thinlung taka inpawhna nghet tak hian in hungbikna kulh a thiat a, inhriatthiamna a siam thin.
3. Raltlan leh pem khawmte tanpuiin, an tan hun insiam ve fo la. I thiamna leh theihnate chu tawng zirtir nan leh an insiamrem chhunga tanpui turin I hmang tangkai thei bawk ang.
TAWNGTAINA: Lalpa, midangte I hmuhdan ang taka ngaihluin, hmangaihin, an tana tum fel tak I neih sak anga ka thlir ve theih nan min pui la. Khual riaua in hriate ka hriatthiam a, ka chetzia tin rengah I felna leh I khawngaihnate entawn a, hnam dangte tan ka khawngaihna ban tih sei a nih fo theih nan min tanpui ang che.
SENG LUH TUR: Pathian tan chuan mikhual an awm ve lova.
PEK CHHUAH TUR: Kan bante chu mikhualte tan tih seiin, thinlungte pawh tih zau lo ni rawh se
NI 6 na Ngaihsakna thil pek
BIBLECHANG: Ruthi 3 and 4
‘Tin, Boaza chuan pate leh mipui zawng zawng leh Kiliona leh Mahlona thil neih zawng zawng Naomi hnêna mi ka lei tih hretute in ni a. Tin, chu chauh chu ni lovin..Moab hmeichhia Ruthi, Mahlona nupui chu ka nupui atân ka lei a..’ (Ruthi 4:9-10)
Chhiar belh tur: Deuteronomy 10:17-18
ZIR CHIANNA: Ruthi bu tawp dan hian bung 1-na a Ruthi leh Naomi tahna leh, an chan chau tak chu hlimna in a thlaksak a.
Bung 3 ah hian Naomi leh Ruthi ten Boaza’n an dinhmunte a lo hriat theih nan ruahmanna an siam thu kan hmu a. A lunsun thuamte hlipin Boaza hnenah inneih a inpeih tih entir nan a kal a ni.
Boaza hian Ruthi chu hmeichhe nungchang mawi tak a ni tih a hmu ang bawk hian a ni pawh hi pa zahawm tak a ni ve bawk a. Ruthi’n sahimna a zawn zawng zawgte chu a nihna tur ang takin a hmuh tur thu a tiam a, a dinhmun derthawng tak karah a zahawmna a hmuh tel sak tlat a ni.
Naomi ram a lei leh, Ruthi nupuia a neihna hian a rin phak piah lamah Boaza hi a hruai a. An fapa, Obeda chu Lal Davida pu niin, Isua thlahtu bulte zinga mi an lo ni ta reng a ni. Boaza lainatna lantir hian, khawngaihna leh thil phalna hian thui tak sawhkhawk a nei a ni tih a entir. Boaza thatna hian kum za tam a daih a, Ruthi leh Naomi te bakah mi tam tak nun a nghawng a ni.
Ruthi lehkhabu hian Pathian khawngaihna in thil a thlak danglam hneh zia leh zangkhua a bungbuttir theih zia a ti lang chiang hle a ni. Naomin Pathianin a lakah a hmai a thup ta ni hiala a inhriatna hi Isua tlanna chanchin avang zawk chuan thawnthu bung pakhat ve ang lek a lo ni ta a ni.
NITIN NUNPUI TUR: Naomi leh Ruthi te pitu tana Boaza thatna hi thil phalna satliah mai a ni lova, khawngaihna lantir a, zahawmna inhraitpui tawnna nen in ngaihsak dan tur zirlai ropui tak min pe zawk a ni. Midangte tanpui theihna hun remchang kan neih hian, puih an ngaihna lai chiah kan ngaihtuah nge, an hlutna leh zahawmna kan hmu tel thin zawk?
School, hna thawhna hmun hrang hrangah hming tarlan chiam ngai lova a duh apiangin nitin khawsakna mamawh chi hrang hrang thil pek an vawm khawm theihna tur remchang, khawtlang mamawh ang zela thil chi hrang hrang -mahni invawnfaina lam thilte leh thawmhnaw lum atanga sikul mamawh thlenga- an pek theihna tur, ‘Khawtlang ngaihsakna bawm’ siam thei ila. Mi tu emawin an duh loh thil chhia an rawn dahna hmun ang maia kan siam lohna turin, thil pek tinrengte chu uluk takin lo chinfel nghal zel ni bawk se. Fak hlawh duhnaa thil tih nilo turin a dawngtu duhthlanna dah pawimawh sak chungin, a rukte a hlan ni mai se.
Mahni kal chhuak a an in ngeiah kan hlan a ni emaw, a thawnin kan thawn a nih pawhin, ngaihsakna thinlung tak tak lantirin anmahni be pawp ila. An mamawh nia kan rin pe mai lovin, an mamawh tak hriat tumin inhawng takin kawm ila. Mamawh chawp thil in tih sakna satliah mai ni lova, hun lo kal zel turah kan indawm kan theihna hun leh infuih chakna hun remchang atan hman tum tlat bawk ila. .
TAWNGTAINA: Lalpa, I hmangaih-lainatna avangin kan chanchin lungchhiatthlak tak chu chanchin lawmawm takin min thlak sak a. Khawngaihna leh thil phalna nen ke pen turin min pui ang che. Kan thil tih leh chet zia, kan awmdan engkimah hian I thinglung duh zawngte chu lo lang chhuak se, kan hmuh leh hriat theih piah lam thlengin nghawng thui tak lo nei zui rawh se.
SENG LUH TUR: Lalpa hmangaihnain thil tha min pekte kan nunah senglut ila
PEK CHHUAH TUR: Khawngaih thil thlawn pekte chu ngainep lovin pe chhuak ila
NI 7 na Rilrua retheite chu an eng a thawl e
Biblechang: Matthaia 5:1-6
‘Rilrua retheite chu an eng a thawl e, vanram an ta a ni si a.’ (Matthaia 5:3)
Chhiar belh tur: 2 Korinth 12:9-10
PATHIAN CHIBAI BUKNA: He bible chang lar tak, tlang chunga Isua thu sawi hian, mihring ten thlarau lama pachhiatna kan neih theih zia a pho lang chiang hle a.
Helai thu hi sum lam harsatna leh kan dinhmun derthawng tak kan nihna anga hriat mai a awl viau laiin, hmuh theih, khawih theiha kan thil neih lam aiin, thlarau lama kan hriselna tur lam a kawk zawk a ni
IMitinte nihna tak tak, Isua mamawhtu kan nihna a ti lang a. Kan nun kawng tinrengah hian a hruaina leh a khawngaihnaa innghat ve mai kan ni a. Isua hausak ren rual loh chang tura kan thlarau pachhiat zia hrefiahtu nih hi a vanneih thlakin, chakna min pe a, kawng min kawhhmuhtu a ni thin.
Isua chenchilhna tello chuan, kan theihna sang ber pawh hian s daih rei tak tak lo. Mahse, Isua chakna ringtute chuan an theihna piah lamah thiltihtheihna ropui tak nen midangte nun nghawng pha kawpa thuam an ni thin. Pathianin a chaknaa min thuam hian kan theihna a ti pung a ni satliah lova, kan thinlung min siam thar sak a, kan rinna min tih huai sak a, huai taka thutak puang turin thlarau thianghlimin min thuam thin.
ZIR CHIANNA: Kan thlarau pachhiatna kan inpawm a, Pathian hmaa kan puan hian, Pathian Lal ram a lo thlen theihna turin dawhhleng kan rem tihna a ni a. “Tin, ani chuan ka hnenah, “Ka khawngaihna i tan a tawk e; ka thiltihtheihna hi chak lohnaah asin tihfamkimin a awm ni.”’ (2 Korinth 12:9)
• Thlarau lamah ruak riau a I inhriat laiin, Pathian awmpuina thar tak I dawn chang a awm em?
• Khawilai takah khan nge Pathiana hruainaa inpumpek lova, nangma chakna ringa I pen thin le? Inpumpekna chuan khawiah nge a hruai theih ang che le?
• A chhun khahna chang turin i nun peng tin rengah, thlarauva i rah chin hrethiam tura Pathian hruaina che leh a kohna che a awm em? He thil hrethiam tur hian tawngtai fovang che.
IN ENLETNA: ‘Chak taka ke pen hi thlarau lama kan hmelma lian tak a ni” tiin, American philosopher, Dallas Willard chuan a sawi a.
Vawiin ah hian, Nitin kan nunpui tur tulte chawlhsan hlekin, i tih duhna leh a pawimawhna chhut neuh neuh chungin tlem han nghak det la. I thil tihah a rah chhuah, hlawkna i tel tur nge I ngaihtuah a, ngunthluk taka ngaihtuahna sengin I tihdan tur uluk takin I duang tih in enfiah ang che.
Hmanhmawh lovin, Pathian mamawhtu kan nih zia inhre rengin, Amah nena lendun hi nuam lo ti zel ang che.
TAWNGTAINA: Aw Lalpa, chawlh hlekna hun leh inbihchianna hun hlu min pek avangin kan lawm e. I awmpuina chang turin I tan hun ka insiam fo theih nan min pui la, ka awmna hmuna danglamna thlen tuma hma ka lak meknaah hian I kutah ka inhlan e.
Thlarau lama ka pachhiatna zawng zawng ah min kuangkuah la, ka thil tih leh ka kaa thu chhuak tinrengte hian I hmangaihna puang chhuak se, ka nundan zawng zawngte hian I thiltihtheihnaa min hruaina tarlang rawh se. Amen.
TUNCHAWLHKARAINENFIAHNATUR:
Kar kalta chhunga dik taka nun I thlanna kawng hrang hrangte han ngaihtuah let la. Chutianga ke I penna atanga tawnhriat te chu han ngaihtuah kir teh le
• Tutenge I tawn a, an chanchin leh an awmdan i la hre reng thei em?
• In inkawmna te hian I nunah eng angin chona a siam sak che a, eng ang takin nge ngawng ah neih?
• Heng I thi tihte hi I nitin nunphung pangngaiah I chhawm lut thei ang em?
NI 8 na Finna, Rinna Leh Innghahna
BIBLECHANG: Roreltute 4
‘Tin, chung lai chuan zâwlnei Bebori, Lalpidotha nupuiin Israelte ro a rêl a. Ephraim tlâng rama Rama leh Bethel khaw inkara Debor tum thing hnuaiah a awm thin a: tin, Israela thlahte chu a hnênah an ro reltir tûrin an kal thin’ (Roreltute 4:4-5)
Chhiar belh tur: Isaia 41:10; 1 Thessalonika 5:12-18
ZIR CHIANNA: Roreltute 4 a Debori chanchin, zawlnei leh roreltu ni bawk hian finna leh rinna chungchang a sawifiah a. A mite chuan an ringtawkin a hming pawh a thang a ni.
Kanaan mite awpna hnuaia Israel a awm chhung hian, Pathian kohna chhangin huaisen takin hnamte chu dikna leh hnehna kawngah a hruai a. Fing takin, sipai hotu Baraka chu sipaite hruaia hmelma bei turin a fuih chak a. Pathian thutiam beiseia ring tlat turin a fuih a, Pathian a rinna hi hruaitu a nih theihna bul chu a ni.
Baraka khan amah chauh a ral beih a duh loh chungchangah khan Debori nuna thil chhinchhiah talak tak mai kan hmu a. He a chanchin ngaihawm tak hian, hruaitu nihna hautak leh pawimawh tak a tarlang a. Hruaitu mawhphurhna chu eiseina sang tak neia kan tih hlawhtlin theih lam aiin, thlarauva puitlinna nena tih hlawhtlin chi a nim ah zawk a. Chhiahhlawh nihna kan neih hmasak hnuah, Pathian tanpuinaa kan hmaa chona hnehna a ni zawk a.
Debori chanchin hian Pathianin Pathianin min thuam chak theih zia leh, kan tan chauh nilo, kan kiang amite pawhin chu thitihtheihna chu an tem ve theih zia a tarlang a ni. Huaisenna, finna, rinna leh Pathiana thutiama innghahna tak tak nei tura koh kan ni
NITIN NUNPUI TUR: In hruaitute lakah engang beiseina nge I neih le? Engtiang chiahin nge an tan tawngtaina I neih ve thin?
Hruaitu nihna hi tlar hmaa dinna a ni satliah lova, hun harsa leh khirh karah pawh rinna neia pen chhuah hram hramna a ni mah zawk a. Chuvangin, hruaitute tana bang lova tawngtai hi kan tih makmawh a ni tih 1 Thes 4 hian min hrilh a ni.
Khawtlangl eh ram hruaitute tana tawngtai inpawl hona hunte huaihawtin, thutlukna siam harsa tak tak karah tawngtaiin anmahni lo tanpui ve char char ang che u. Anmahni mimala hmuh a harsat pawhin kan ngaihsakna leh tawngtaisakna thute pawh kan thawn thei bawk a ni.
Tawngtai inpawlhona hunah chuan, finnate, remnate, huaisennate, inpumkhatnate, infuihna thute, chaknate, tawrhchhelnate, beiseinate, chakna thar leh ngaihtuah thiamnate, hriselante, chhungkaw nun atante, dawhtheihna leh thuhnuairawlhna nei turin kan tawngtawi thei ang. Aheng tawngtai thupuite hi kan zawm ve duh a nih chuan, Praying for Leaders guide hi kan hmang tangkai ve thei ang.
Debori’n Baraka chu hnehna chang ngei tura indona hmachhawn tura a fuih kal ang hian, midangte fuih chaka dawm kang turin dinpui tlattu kan ni thei a ni.
TAWNGTAINA: Aw Lalpa, Debori anga huaisenna leh finna chu min pe la, nan I thutiamte chu ringa thuhuairawlhna, khawngaihna leh in ring tawk taka ka hruai theih nan.
SENG LUH TUR: Lalpa finna a thuam duhna kan thinlungah lo lian se. PEK CHHUAH TUR: Rinna nen rawngbawlaah midangte hruai zel turin.
NI 9 na Tih chakna leh fuih chakna
BIBLECHANG: Estheri 4
‘Tun hun anga i ngawih mai mai chuan hmun danga Judate tan nang leh i pa chhûngte chu kan boral ang; lal nihna i lo chan hi hetih hun atân ngei hian a ni dawn lawm ni?" va ti tûrin a tir a ’ (Estheri 4:14)
Chhiar belh tur: Sam 27
ZIR CHIANNA: Estheri bu ah hian Pathian hming a lang miah lova, chuti chung chuan a awmpuina chu beisei lawk loh thil thleng hrang hrangah te khan a lang chiang hle thung a, he lehkhabu ah hian Juda mi 2, Estheri leh a pami Mordekaia chanchin kan hmu a ni
Hetih hunlai hian ngaihtuah lawk lem loha an lalin thil a tih thut thin avangte leh, a khawnbawlte rinawm loh avangin mite an phawklek a, chutianga an nun a ngheh loh em em karah chuan rin loh deuhin Estheri chu thuneihna leh thiltihtheihna nei thei dinhmunah chawisanin a awm a.
“Lal nihna i lo chan hi hetih hun atân ngei hian a lo ni reng thei asin, tunge hria?” (Kan mizo Bible lehlinah hian ‘tunge hria’ tih lai tak hi a awm lem lo), tih thu hi Estheri hnena Mordekaia zawhna lar tak mai a ni a. Hetih lai vel tak hi chuan Estheri hian a Nitin kan nunpui tur a hlen chhuah theih nan fuih chak a mamawh hle ngei ang. Modekaia zawhnaa ‘..tunge hria’ tih lai tak hian engkim hria, khawikipa awm Pathian min kawhhmuh a, Estheri chu khawvel dana lal nihna changtu mai ni lovin, chung lam ruatna thianghlima ruat a nihzia a tarlang tel a ni. Estheri chhanna, “…ka boral leh ka boral mai ang” a tih hian, hun khirh ber pawh hmachhawn thei tura tih chak a nih zia a nemnghet chiang hle bawk a ni.
Estheri’n Nitin kan nunpui tur hmabak ko tak a neih tluk zet hian, amah lo thlawp tlattu leh lo fuih chaktu nihna chanvo Mordekaia’n a chan hi a pawimawh dan a in ang reng a ni. Mordekaia tawngkam hian Esther chu a ti huaisen sauh a, Mordekaian Estheri a thawhpuina a lantir tlatna hian, kil hrang hrang atanga kan aw chhuah theuhte hian dikna leh felna Pathian Lalram lo thlenna turin hna an thawk thei tih a tarlang bawk
NITIN NUNPUI TUR: Pu Bena thufing sawi, “Thiltihtheihna nasa tak chuan mawhphurhna lian zawk a keng tel” tih maite khan, Peter Parker-a chu spiderman ni ngam turin huaisenna a pe a
Milem thawnthua a changtupa te hi rinhlelh chang leh derthawn chang nei an ni ve tho thin a, chutiang hunah chuan an kiangah fuihtu tha, danglamna thlen tura an chakna leh mi bik an nihna hrilh nawn tur an lo lang vat thin.
Hetiang deuh chiah hi Estheri hun tawnah pawh hian kan hmu thei a. Lal nihna a chan khan a mite an boral lohna tura engemaw tak titheitu, mi bik dinhmunah a dintir a, Mordekaia thu finthlak tak kha Estheri tan tih chak a ngaih lai taka a mamawh fuihna thu tha tak a ni bawk.
Estheri ang hian min ngaichangtu mipui emaw, thiltihtheihna leh thuneihna engemaw tak kan nei ve lo a ni mai thei e, nimahsela kan kiang maiah hian thu tha dawnsawn mamawh tak tak an awm thei a ni. Mordekaia dinhmunah in dintir ang la, fuih chak leh kaihhruai mamawhte tan thurawn petu I ni thei ang em? In thenawm khawvengah an theihna hre hre chhuak a, koh an nihna chhang thei tura fuih chaktu mamawh an awm phawt chuan fuih chaktu ni thei turin inbuatsaih ang che.
TAWNGTAINA: Aw Lalpa, tum fel tak neiin min siam a, huaisen taka pen chhuak turin min kova. Thu dik tanna ka ang ngam turin min ti chak la. Rorelna dik I kenkawhna hmarua ka nih ve theih nan.
SENG LUH TUR: Lalpa hmangaiha min tichak thintu chuan min chhuk khat se.
PEK CHHUAH TUR: Midangte tichaktu ni turin min pui rawh se.
NI 10 na Thuawihna huaisen
BIBLECHANG: Estheri 5, 7 and 8
‘Tin, Estheri chuan, "Ka thil dil leh ka thil ngen chu, lal mittlung ka nih a, ka thil dil chu lalin pêk rem a tihzâwng a nih a, ka thil ngen chu tih rem a tih zawng a nih chuan, lal leh Hamana chuan ka ruai buatsaih chu ei tûrin lo kal sela, lal tih aang chuan naktukah hian ka ti mai ang," a ti a, a chhâng a .’ (Estheri 7:3)
ZIR CHIANNA: Estheri chanchinah hian thuawihna huaisen thlak tak mai kan hmu a. Thutlukna khirh tak siam tur a nei a: Thih huama lal hmuh emaw, a mite thah chimih an nih laia ngawih reng emaw a ni. Lalnu ni mah se, lal ber thupek ang lova thil ti thei lo kha, a mite tana nun hlan hial huamtu hruaitu ropuiah a inthlak dawrh a. Bung 5 ah hian, fing tak leh huaisen taka Estheri chet dan chhuah dan kan hmu a, a thihna thlen thei hmachhawnin lal Ahasuera chu sawm lohin a hmu a.
Zaidam leh fing taka lal dawrin, lalpa chu Hamana nen a ruai theh kilpui turin a sawm a. Hetianga fimkhur taka ruahmanna fel tak nen a chet chhuahna hian pawngpaw basa ngama che bawrh bawrh a nih lohzia leh, fing taka Pathian hun tiama innghat chunga thil ti a nih zawk zia a tarlang a ni.
A chanchinah hian Pathian tanpuina kut -hmuh theih ni silo- in rorelna dik a thlentir dan leh, Juda-te a humhimna dan siam chhuah a nih tak thu kan hmu a. Mordekaia pawh rin phak loh, mi pawimawh tak dinhmuna a kaisan tak chanchinte hian, Pathianin chhandam theih zia leh, thil zawng zawng pawh ti letling thawk thei a nihzia a ti lang chiang hle a ni.
Estheri chanchin hian, dinhmun hlawhthawmawm takah din ngai pawh ni dawn se, huaisen taka rorelna dik chu tana din tlat a pawimawh zia a ti lang a. A huaisenna hian zam miah lova Nitin kan nunpui tur hmachhawn thei tur chuan, ruahmanna fel takte, dawhtheihna leh
Pathian hruainaa intukluh kan mamawhzia a ti lang a ni
NITIN NUNPUI TUR: Estheri chanchin hian rorelna dik a awm theihna atan mi nawlpui ngaihdan thluk lohva thiltih ngam leh hlauhawm kara pen chhuak tura huaisenna a chawivul a. A hnuaiah hian nitina I tih ve theih tur thil tarlan a ni a.
1.Rorelna dik a awm theih nan i ka ang fo la. Estheri ang khan, midangte tan, a bik takin mahni sahimna ngaihtuah thei lote tan, I din chhuah theihna hun remchang bawhpelh suh. Hei hian thiante thlawp emaw, mamawhna huna awareness program siam emaw te a huam thei ang.
2.Estheri hian ruahmanna fel tak siamin hnampum huapa chawnghei hun biatsaihin, a chet chhuah hmain Pathian hruaina dilin an tawngtai a (Estheri 4:16). Thil pawimawh tak hmachhawn tur leh sawi chhuah tur I neih changin Pathian kaihhruaina dilin tawngtaina nen inbuatsaih hmasak han zir teh.
3.I chhehvel amite tan eng ni la, I dinhmun hrechiangin -I hnathawhna hmunah emaw, inchhungah emaw, thenawm khawvengah- Pathianin a hun nachhan che hre rengin, a tha zawnga mi hnehtu nih tum ang che.
TAWNGTAINA: Lalpa, rorelna dik a awm theih nana I remruatna nghak thei turin, finna leh huaisenna in min thuam la. Hlauhna karah pawh hmangaihna leh rinnaa huaisen taka nung turin min pui ang che.
SENG LUH TUR: Englai pawha huaisenna Pathian thlarau awmpuina kan nunah lo thleng se.
PEK CHHUAH TUR: Hlauhna thlarau nilovin thitihtheihna thlarau kan nunah lo lang tam se.
NI 11na Inphalna namai lo tak chu
BIBLECHANG: Joshua 2:1-16
‘“Chutichuan tukverhah hruizenin an thlak thla ta a: a in chu khawpui kulh tlanga awm a ni si a, kulh chungah chuan a awm a ni. Tin, a hnenah chuan ,”Tlang lam panin kal tawh u khai, chutichuan a umtute che u khan an hmu hlauh dah ang che u; tin, chutah chuan ni thum va biru ang che u; a rawn umtu che u an kir leh hma loh chuan : chu mi zawh ah erawh chuan in kal leh dawn nia” (Joshua 2:15-16)
Chhiar belh tur : Sam 46
ZIR CHIANNA: Joshua 2:1-16 ah hian Rahabi chanchin kan hmu a. Jericho khua a nawhchizuar ni in, nawhchizuar dang te anglo takin a nun atang hian Pathian chu kan rin leh beisei piah lama min thawhsak thin tu a nih zia kan hre thei a ni.
Rahabi thiltih ropui tak chu- Israel mi a ni hauhlo chungin Joshua’n ram enthla tura a tirh mi pahnih te a lo humhim a , a ngaihsakin an chungah that a lo chhuah a ni. Israel te Pathian chanchin leh a mite a hruai dan lo hria in chung a thil hriat te chuan amah ah nghawng nasa tak a nei a. Chuvangin lalin Israel mi a mikhual te awmna a zawh pawhin khua ata an chhuak leh tawh a ni ti in dawt a lo hrilh hial a nih kha.
An lal meuh dawt thu hrilh a, ramdang mi a mikhual te humhim duhna a nei tlat mai hi a mihring phurna satliah ngawt zawng ni thei in a lang lo a ni. Tihtakzetna rilru pu mi a nih zia a lang chiang hle mai. Thil dik leh tha nun pui tur leh chang turin a hlimpui leh nuamtih zawng a thlauhthla ngam a ni. Joshua Pathian chanchin a hriat ringawt pawhin a nun a ti danglam a, a thinlung a hlan a, lei leh van Pathian a ni ti in a hming a chhal a ni.
NITIN KAN NUNPUI TUR: Kan Corps a nu pakhat chuan inkhawm hi nuam a ti thei em em mai a. A tawng duhin a hlim thei em em mai bawk a. Ni khat chu hliam tuar pem neng nung chungin a rawn inkhawm a, a chhan kan han zawh chuan a pasal zurui in a sawisa a lo ni a.
He nu hian a mamawh chu biak lumlam satliah leh eitur ilo pek a ni lova, a himna tur atan tanpui a mamawh ber a ni. Tichuan, amah leh a fate an him theih nan kan tang hova, a pasal pawh insiamthatna hmun (Rehabilitation Centre) ah dah luh a ni ta a ni.
Kan kawng zawh te hi a awlsam reng vek lova, natna leh hlauhawm ten min chim fo thin a ni. Chung harsatna te chuan rinna nung leh chak zawk kan neih theih nan nasa takin min pui thin thung a ni. Heng zawhna te hi han inzawt chin teh : Ka phurna leh thatho ve thin na kha khawnge a awm tak le ? Nun kehsawm te tan ke ka la pen zel em ?. Kan khawtlang tan thahnemngaihna thinlung ka la pu reng em?
Kan khawtlang tan a ni emaw mimal an ni emaw, hmangaih leh tuamdam mamawh ngawih ngawih, thlamuan leh hriatthiam mamawh te tan hian engtiangin nge chet kan lak ve ti in han ngaihtuah chhunzawm ta ila.
TAWNGTAINA: Lalpa, hlauhna phenah pawh i tan thawk zel thei turin rinna nung min neih tir ang che. Ka tawrhna leh channa tur pawh ni se, i laka ka mawhphurhna te hlen zel thei turin min pui ang che.
SENG LUH TUR: Ka in humhimna Lalpa, ka rinna ti chak ang che.
PEKCHHUAH TUR: Hmangaihna nen thatho takin ka thawk ang.
“Engkawngahngekarinna huaisenhianminhruai?”
NI 12 na Hliam te tuam damin
BIBLECHANG: Joshua 6:22-25
‘Tin, enthlatu tlangvalte chu an va lut a. Rahabi nen, a nu nen, a nutate nen, a neih zawng zawngte nen chuan an va hruai chhuak a, a laichin unaute zawng zawng pawh an va hruai chhuak a; Israelho riahhmun pawn lamah an awmtir ta a.’ (Joshua 6:23)
Chhiar belh tur: Mathaia 1:1-6
ZIR CHIANNA: Rahabi chanchin hi Rinna avanga humhimna in nun danglam nasa tak a thlen zia tarlanna tha tak a ni. A nun kehchhe tawh laka damna a chan theih nan ama nun thapin chet a thawh a. Israel ten Jeriko an lak pawhin amah mai ni lo a chhungte nen humhimin an awm a ni.
Tanpuitu ngei tanpui let a nihna hian midangte tana rawng kan bawlna ah pawh malsawmna tam tak kan beisei phak hauh loh thil a lo thleng thin tih a ti lang chiang hle a ni. Khawngaih rawngbawl hna midangte tan a thawh chu amah vekin a rah a seng leh a , a rinna chuan a nun a humhim mai ni lovin a nun siamthat nan leh nun zahawm a neih nan kawng a hawnsak zawk a ni.
Tunlai huna hliam tuamdam hna kan thawh dan a danglam tawh a ni mai thei e, mahse, Rahabi nun atang a zirlai kan neih erawh a la pangngai reng a ni. Taksa, rilru leh thlarau damna mamawh te tan kan penchhuak tur a ni dawn lawm ni ? Kan mihringpui , min mamawh em em tu te tan hian engtiangin nge kohna i chhan zel dawn le?
Rahabi khawngaihna nun mawi tak mai in a hrinchhuah Bible a kan hmuh chu Mathaia ziak ah khan ani a, Lal Isua thlahtu te zingah a hming kan hmu a ni. Ruthi Lehkhabu ah pawh a fapa Boaza khan a nu ang chiahin Ruthi te nufa lakah khawngaihna a lantir zia kan hmu leh bawk a ni. Rahabi nun hian mihring nunah Pathian zah leh chawimawia a awm chuan nun danglam leh tha zawk neih a theih zia a ti langchiang hle a ni.
NITIN KAN NUNPUI TUR: Engemaw lai atang tawh khan Leilawn hnuaia khawsa thin chhungkaw pakhat tan rawngbawksakna ka nei thin a. Hna thawh mumal an nei lova, eitur an tlachham thin bawk . An fate dinhmun a derthawng lehzual lehzual em em a , misualin an rukbo mai pawh hlauhawm tak a ni . Chutiang a thlen loh nan theihtawp ka chhuahpui a, midangte nen indawr dan te thlengin ka zirtir thin a, faina chungchang pawh uluk takin hrilh an ngai a ni.
Nitin an hmai ka phih sak a, an kut leh ke te ka sil sak bawk a. Pher ah thu in Pathian biak hona te kan nehpui thin , an fate nen pawh kan ti ti ho nasa thin khawp mai. He hla tawi hi ka zirtir a.” Zahna leh fakna te Pathian hnena chho chuan, lei mite malsawmna a thlen thin. Pathian ropui a ni a, min hmangaih em em a ni” He hla ka zirtir lai hian heti zawng hian ka ngaihtuah chhunzawm ta a. Heng ang pawimawhna em em na nei lo mihring, miten engahmah an ngaih lem loh, humhimna mamawh, leilawn hnuaia khawsa thin ho tan hian malsawmna hi enge maw ni ber dawn le ti in ka ngaihtuah ani. Engtiangin nge an tan malsawmna thlentu kan nih theih ang ti in ka ngaihtuah zui ta a.
Heng ka mi tawn ang ho te hmun him zawka an chen ve theih nan puitu kan ni thei a ni. Rang taka chet thawh ngaih chang pawh a awm ngei ang le. Chawpchilh a chenna kan buatsaih sak thei loh pawhin kawhhmuhtu, hmalatu kan ni thei vek a ni.
Chutiang bawkin riru lama tanpui ngai te tan puitu i ni thei a ni. A chang chuan kan insit a, pehhel dan kan zawng fo thin a ni mai thei e. Mal ngawih ngawih te tan thian i ni thei a, i ti ti pui thei a, an nun ruak leh khawhar hnemtu i ni thei a nia. Hmabak nun nuam an neih nan phurna nasa tak siamsaktu ah i tang dawn lawm ni?
TAWNGTAINA: Lalpa, nun kehchhia te hnen thleng turin min pui ang che. Malawmna tam tak min vur avanga lawmthu sawi fo turin min pui ang che. Chenna In nei lo ten chenna tur in an neih theih nan tanpui thei turin min pui la, an tan thiantha nih ka duh e.
SENG LUH TUR: Lalpa, midangte humhim tu atan hmanrua ah min hmang ang che..
PEKCHHUAH TUR: Lalpa, i hmangaihna chuan min luang tlang rawh se.
NI 13 na Thil tha atan tanghovin
BIBLECHANG: Numbers 27:1-11
‘Tin, Mosian an thu chu Lalpa hmaah a thlen a. Tin, Lalpa chuan Mosia a bia a, Zelophehada fanute chuan an tidik a ni: an pa unaute zingah chanvo i siam ngei tur a ni a, an pa chanvo chu i pe tur a ni.”’ (Numbers 27:5-7)
Chhiar belh tur: Sam 67
ZIR CHIANNA: Heng hunlai hian Israel te zingah hmeichhia te dinhmun a chau hle mai a, an pa emaw an pasal te emaw bungrua ang leka ngaihna a lian hle a ni. An ramah ngei pawh dikna chanvo an nei lo ti in a sawi theih hial awm e. Zelophehada fanu pangate pawh hian Israel fate dan hmanlai chu huaisen takin an rawn hmachhawn ta a ni.
Fing leh inngaitlawm taka rawn penchhuakin an hnam kalphung tha lo tak chu an rawn do let a. Fapa nei lova thi ta an Pa chanvo pe ve turin Mosia hnenah an dil a ni. Thil dil awm ni pawha lang lo leh thil la awm ngai lo chu an dil ta mauh mai si a. Mosia’n Pathian hnen ah an thu chu thlenin hmeichhia te chanvo neih ve theih dan tur thil thar duanchhuah a lo ni ta a ni.
Ramtiam pana an kal mek lai hian Israel fate hian hmeichhia te laka an dan leh hrai chauh pawh ni lo tih danglam an nei nual a. An dan hman lai tha lo siamthat a nih theih nan huaisen takin hmeichhia an rawn penchhuak a, Pathian remtih zawng ni in an kalphung an thlak danglam phah ta a ni. Hei hian Pathian mizia leh nungchang a tarlang chiang hle mai a, dik taka rorel thin a nihna mizia kan hmu thei.
NITIN KAN NUNPUI TUR: Zelophehada fanu te thiltih atang hian khawtlanga dikna leh intluktlanna hlut zia kan hrechiang thei ngei ang. An dinhmun leh chanvo an thlirin rorelna tha ni thei in an hre lova, penchhuakin an do ngam a ni. Hetiang a an beihna hian harsatna karah pawh thil tha zawk tur a nih phawt chuan huaisenna nen penchhuak ve tur kan nih zia a ti lang chiang hle .
ENGAGED
Hmeichhiate hamthatna tur atan Pathian rorelna dik chu an beisei tlat a. He an chanchin danglam tak atang hian keini hmeichhia te pawh hian kan khawtlang ah te, kan hnathawhna hmun ah te leh Kohhran ah te pawh rorelna dik a awm theih nan tih theih kan nei a, kan dinchhuah ve a tul a ni tih kan ngaihtuah thiam ngei ang.
Tunlai hun ah hian eng dinhmun a ding nge kan nih kan ngaihtuah thiam theuh in a rinawm. Tih ve tur ka nei em?
Rorelna dik leh fel zawk a awm theih nan penchhuak tur kan ni a, ngaihtuahna fim tak nei chungin leh nghawng a neih theih dan tur ngaihtuah chunga kan penchhuah erawh a ngai a ni. Tin, tanrual hi chakna a ni tih hre chungin a huhova hmalak hi a sawt tih kan hriat tel a pawimawh hle bawk.
Hmuchhuaktu nupui Catherine Booth-i'n hetiang hian thu tha tak min hnutchhiah a:
“Khawvel ah hian i tan chauhva nung thei i ni lo, Midangte tan nung tura siam i ni. Khawvel hian beisei in a thlir reng che” ti in.
TAWNGTAINA: Khawvelah hian tangruala i Lalram tan thawk tur kan nihna min hriat nawn tir leh avangin Lalpa lawmthu ka hrilh a che. Thlarau thianghlim hruai na nen lungrual taka hmeichhia te hmathatna leh dikna chanvo atan ke pen thei turin finna min pe ang che.
SENG LUH TUR: Lalpa, i dikin i tha a ni.
PEKCHHUAH TUR: Ka nun hian i rorelna fel zia leh dik zia tarlang rawh se.
NI 14 na Thinlunga thianghlim te an engthawl
BIBLECHANG: Mathaia 5:7-12
‘Thinlunga thianghlim te chu an eng a thawl e; Pathian an la hmu dawn si a..’ (Mathaia 5:8)
Chhiar belh tur: Sam 51; Philippi 4:8
PATHIAN CHIBAI BUKNA: Sam No 51 kan chhiar chuan tihtak zetin
Davida a tawngtai tih kan hmu a . “ Aw Pathian , keimahah hian thinlung thianghlim tak siam la” ti in thianghlimna kawngah siamthar a mamawh tak zet zia Pathian hnenah a thlen a ni. Tirhkoh Pawla pawhin Philipi 4: 8 a kan hmuh ang hian a dik apiang te, a zahawm apiang te, a fel apiang te, a thangmawi apiang te, a duhawm apiang ten ngun taka ngaihtuah turin a fuih bawk a. Mathaia 5:8 ah thinlunga thianghlimte an engthawl thu Lal Isuan a lo sawi bawk a ni.
He malsawmna thu hi Tlang chunga Lal Isuan a sawi kha a ni a. Thinlung thianghlim chu dik leh fel taka Pathian nen inzawmna nung neih hi a ni kan ti thei ang. Nun hlui kalsan a, thinlung ngaihtuahna sual te nen lam hawisan leh mahni indahthatthat vekna nun a ni. Thinlunga thianghlimna chuan Pathian lam chauh a thlir in midangte tan nun a hlan thin .
Pathian an la hmu dawn tih thutiam hi a ril hle mai. Pathian thatna leh hmangaihna in kan nun a chenchilh tlatna hi hi a ni a. Chumai a la ni lo, chatuan atana a hruaina leh awmpuina hi a malsawmna hlu tak chu a ni e.
Thinlung thianghlim han tih hian tha famkim vek tihna a ni ber lova, Pathian thianghlimna nunpui zui zelna a ni zawk a ni. Amah nen inzawm reng tura kan sawmna te leh kan ngaihtuahna zawng zawng pawh a hruai theih tura in tukluhna a ni.
REFLECT: Lal Davida’n “ Aw, lalpa, keimah hian thinlung thianghlim tak siam la” a tih ang khan keini pawh hian Thinlung thianghlim neih a pawimawh zia leh a hlawkna te ngun takin i ngaihtuah teh ang.
Thinlung thianghlim chu enge ni a kan hriat ? Thinlung thianghlim pu thei tur ah kan inngai em le?
Thinlung thianghlim nei turin eng ang takin nge i lo beih tawh thin? Midangte nen inlaichinna tha zawk nei turin a pui che em?
Englai ber ah hian nge ka nun in Pathian siamtharna, dintharna leh chenpuina a mamawh ni a kan hriat ?
IN ENLET NAN: Rilru hahdam takin Philipi 4:8 hmang hian
Pathain pawlna nei ila.
Thil duhawm leh tha, fak phu ngawih ngawih i tih te kha i rilru in han ngaihtuah la, mahni hmasialna leh i rilru kuai peng thei laka inthiar fihlimin Pathian thatna hma ah han ding chhin teh.
Hetiang ang taka i awm a nih chuan i phnone i off ngei in ka ring a, hmun thawl nuam , thinlung inhawng tak chunga Pathian i pawl theihna tur hmun i pan duh ngei in a rinawm.
Han ngaihtuah vang vang la, thinlung thianghlimna chu beih vak lam ni lovin in tukluhna a nih zia i hre fiah thei ang. Phurrit leh lungngaihna in a tlakbuak che chuan i phur Lalpa hnenah nghat la, a lo chhawk che in a lo siamthar ngei ang che.
TAWNGTAINA: I thilsiam ropui tak kaltlang a thianghlimna leh lawmna min pek te avangin Lalpa lawmthu ka hrilh a che. Vawiin a min chenchilhna leh pawlna danglam tak avang pawh hian ka lawm e.
TUN CHAWLHKAR ATAN KAN IN ENFIAH NA TUR: Kar hmasa hun chhung zawng a dikna leh rorelna fel a awm theih nan i inpekna leh i hnathawh han chhui kir chhin la, i nitin hun hman dan han chhui kir teh?
•Imitawntelehininbiakdanteilahretheiem?
•Ininkawmnachuanngaituahnatharasiamsakcheem?
•Inunphungaherdanglamin,hmalakzuiineiem?
NI 15 na Midangte rin ngamna
BIBLECHANG: Johana 2:1-11
‘Tin, a nuin rawngbawltute hnenah, “ In hnena a sawi apiang chu ti zel ang che u ,” a ti a.( Johana 2:5)
Chhiar belh tur: Thufingte 3:5-6
ZIR CHIANNA: I inrin tawk loh lai pawhin mi ten an ring em em thin che em? Hetianga midang ten min rin ngamna hian chakna min pe thin a ni.
Mari khan Isua kha a pian hma atang tawh khan tunge a nih a hria a, Pathian fapa a ni tih a pawm thlap a ni. A thiltihtheihna a lanchhuah hma hauh atangin thiltitheihna neitu a ni tih a ring daih tawh bawk a.
Chhiahhlawh ho te hnen ah khan “In hnena a sawi apiang chu ti zel ang che u” ti in a lo hrilh daih tawh a nih kha.
He thu hian Mi dang rin ngamna hi fuihtu tha tak a nih zia a ti lang chiang hle mai. Pathian min siam chhan hrechiang a zawm turin leh ti hlawhtling turin chakna nasa tak min pe a ni.
Eng thil nge lo thleng zel dawn tih ngaihtuah hauh lovin chhiahhlawh te khan Isua thu an awih nghal thlap a, an rin ngamna khan tui Uain a chanzia hmu tu a nih tir ta hlauh bawk a ni. A tirtu an rin avangin tuibelah tui an ti khat a, thilmak a lo thleng ta a nih kha.Mari leh chhiahhlawh ten Isua an ring ngam ang khan keini pawh hian midang ten Pathian kohna an tih hlawhtlin theih nan ring ngam a fuih kaltu kan ni thei a ni.
NITIN KAN NUNPUI TUR: I thiamna leh theihna hriatsak tu che leh ti pung a, hmalam pan zel tura fuih thin tu che kha han ngaihtuah vang vang la. Chu chuan eng ang takin nge i nun a nghawng a, rinna nghet nei tura a tanpui che? He khawvel zinkawng i zawh mek lai a a enkawlna leh hruaina i chan zawng zawng te avang hian lawmthu i hrilh nasa thin hian arinawmani.
In khawtlang hruaitu, mi tangkai leh inpe tak tak te kha i rilru in han ngaihtuah leh la. Ram tan, khawtlang tan theihtawp an chhuah thin a nih kha. An thawhhona leh inpekna tha tawkin i hria em? An nih tur ang an thlengphakinihriaem?
“Min pui rawh, Lalpa, midangtefuihtunitheiturin...”
In khawtlang mamawh ni a i hriat han ngaihtuah leh vang vang la. In Corps ah te, i hnathawhna hmun te leh i thian kawm thin te pawh han ngaihtuah thleng la, Tute nge taima leh rim taka thawk thin i hmu thiam mai ang. An nih tur ang ni phak lo leh rah beh an awm in i hria em?
Pathian hnenah hetiang hian tawngtai in dil ila-
• Taimatakarawngbawlturlehthlaraubosengkhawmturin.
• KanramlehkhawtlangahPathianLalramdinanihzeltheih nanaPathiahtihmihruaitukanhmuhthiamtheihnan.
• Midangtefuihphura,nawrkaltulehannihnaanga hrethiamtunitheiturin.
TAWNGTAINA: Mi dangte fuih a , tanpuitu ni thei turin Lalpa min pui ang che. Ka tawngka chhuak te midang tan chakna leh phurna petu ni turin mal min sawmsak ang che.
SENG LUH TUR: Lalpa, keimaha theihna te hi min hmuhsak ang che.
RAHCHHUAH TUR: Ka rinna leh theihna te hi i hmangaihna lantirna atan hmang turin.
NI 16 na Dik taka tih leh chanchintha puandarh
BIBLECHANG: Johana 4:1-30
‘“Ka thil tih apiang min hrilh zeltu mi pakhat a awm a, lo kal ula, en teh u; Krista a ni thei em? a ti a"’ (Johana 4:29)
Chhiar belh tur: Sam 139:1-18
ZIRCHIANNA: Pathian in kan thiltih zawng zawng a hriat fai vek avang in eng ang ngaihtuahna nge i lo neih ve tawh thin le?
Min hriatchian em avang hian Pathian hnena in leihbuak kher kher ngai lo ang hrim hian ngaihtuahna a neih theih mai thei a. Kawng thenkhat ah chuan engkima min hre fai vek tu hnena intukluh nawm zia leh him zia kan hriat phah bawk a ni.
Johana bung 4 thu ah hian Lal Isua leh Samari hmeichhia pakhat an inkawmna kan hmu a. Chu hmeichhia chu a nungchang avanga zahna tam tak hmachhawn mek tu a ni. A hun kal tawh zawng zawng Isuan a hre vek a ni tih a hriat khan mak a ti hle mai a. Mahse, a hriatchian em em na chuan Lal Isua kiangah ngampa takin a awm tir a, thinlung inpawh takin an ti ti theih phah a ni. A zirtir te rawn kir leh hma khan an nghahfak Messia a nih thu Isuan a hrilh khan lawm em em in khawchhungah a kal a, midangte a hrilh ve nghal a , Amah hmu ve turin a sawm hlawm a ni .
Nun hlui chhui tlak loh nei te tan pawh Lal Isua nen inzawmna tha kan neih tawh hnu chuan phurrit a bova, kan nungchang tha lo avanga kan zahna zawng zawng pawh chhawkin kan awm thin a ni.
Isua leh Samari hmeichhia inkawmna chanchin hi thui tak tarlan a ni lem lova. Isua hmu ve tura midang a sawmte hian an va hmu ta em? Engtin nge an awm chhunzawm zel tak ? tih zawhna tam tak erawh kan riru ah a riak in a rinawm e.
NITIN KAN NUNPUI TUR: Kan zahawmna kan hlauh tawh hi chuan kan nih tur ang kan ni phak tawh thin lova, Pathian hnena kan duhzawngthlennakawngahpawhmintitimtuanifothin.
He khawvel hmuntin ah ruihhlo avanga harsatna tawk mi tam tak an awm a. Chung harsatna tawk te chu chhanchhuah an nih theih nan tlawmngaia hmala tu tam tak an awm ve bawk a. Zah phurlo ruihhlo bawiha tang te tan hian chhanchhuah hna thawk tu te hian lei rualrem rah ve theihna hun tha an siamsak a ni. An harsatna leh manganna sawichhuah nan an in hawng a, an ngaithla a, tanpui turin an penchhuak thin a ni.
Hetiang rawngbawlna thleng phak lo Kohhran hi a awm theih dawn em ni ?
Inpawh tlang taka awm hi Pathian min duh dan a ni a, kan nihna ang anga amah pan tur hian min sawm reng a ni. Pathian kan hnaih pauh leh kan nun a zalen zawk a lo ni. Samari hmeichhia ang hian kan kiang vela mi te hnena a hmangaihna chanchin hril tur a koh kan ni.
Lal Isua hian Samari hmeichhia nunhlui leh zahpuiawmna lai te hi a hmuhhmaih hauh lo va.Khawngaiha kuangkuahin a nihna dik tak nen a lo dawngsawng zawk a ni. Hetiang hian kan Kohhran hian hmangaiha tuamhlawm ngai te kan lo kuangkuah ve thin em le?
TAWNGTAINA: Aw Lalpa, engkima min hrechiang tu, min awmpuina leh chenchilhna avang hian ka va lawm tak em !. Ka nun tawmkailo min hliahkhuh avangin ka lawm e. Ka kiang ami te hnen ah i hmangaihna thu puangchhuak zel turin min tanpui ang che.
SENG LUH TUR: Lalpa thatna ka hril zel ang.
RAHCHHUAH TUR: Midang te hlimna leh zalenna atan thawk turin.
NI 17 na Khawngaihna mak tak chu
BIBLECHANG: Johana 8:1-11
‘Tin, Isua a thova, a hnenah, “Hmeichhia, khawiah nge an awm tak? Tuman thiam loh an chantir na che nge?”a ti a. Tin, ani chuan , “ Lalpa, tuman mi chantir lo ve,” a ti a.
Tin Isuan, “Kei pawhin thiam loh ka chantir lo va che; kal la, tun hnuah tisual leh tawh suh,” a ti
a.’ (Johana 8:10-11)
Chhiar belh tur: Mika 6:8
ZIR CHIANNA: Johana bung 8: 1-11 inkar ah hian khawngaihna nasa leh danglam tak chanchin kan hmu a. Lehkhaziaktu te leh Pharisai ten Isua fiah tumin an rawn pan a, Lal Isuan an chapona lo phet thla in tlawm takin a lo hmachhawn a ni.
Inngaitlawm takin leh inphahhnuai tak chungin a finna ril tak hmangin an intih ropuina leh thuneihna te a phehthlak sak a ni.
Hmeichhe uire lai an man chu dan ang a hrem ngei an duh a. Mosia dan chungchang te sawiin a ngaihdan an zawt a. Amaherawhchu , Isuan, “ In zinga sual nei lo apiangin amah chu lungin deng hmasa rawh se” ti in a chhang a ni. Chutah zet chuan mahni fel intihna atanga paihthlak ni in an relhru chhuak zo ta vek a nih kha.
Hetianga Isuan a tih hian hmeichia hi a humhim satliah a ni lova, harsatna tawktu te tan a felna famkim chu a takin a lantir zawk a ni. Sual a hmuh hmaih lova, khawngaihna thuk tak nen ‘ kal la, tun hnuah tisual leh tawh suh’ tiin sim turin a hrilh a ni.
Helai a Isua chetdan hi ngaihtuah mai chuan a letling hu a hriat theih a ni. Dan awmsa lekkawh a, rorelna hmachhawn tir mai awm tak tih rilru kan lo pu mai thei e. Amaherawhchu, Pathian Lalram tehna ah chuan a hnuhnung berte pawh hmasa berah an la awm ang tih a nih kha. Inngaitlawm takin khawvelin a pek theih loh thil tha a rawn thlen a ni.
NITIN KAN NUNPUI TUR: He thawnthu ah hian rorelna dik hmu pha lo te tana lainatna leh khawngaihna tawp nei lo tarlan in a awm a. Hmeichhe tam tak he khawvel leh kan khawtlanga an dikna chanvo dalsak an nih theih zia a rawn hai lang chiang hle mai.
Bible thu kan chhiar atang hian mihring nun hi inngaihtlawmna leh khawngaihna nen dikna atan ding nghet tur kan ni tih kan hre thei . Isua a inphah hnuai ang hian keini pawh khawngaihna nen midangte kuangkuah tur kan ni. Chona awm thei thil pahnih hetiang hian han sawi dawn ila , a pakhatna ah chuan mahni nihna hriatchianna hi a ni. Midang thiamlohna hmu in kut kan lek khum mai thin em? Midang aia dik zawk in kan in hre tlat thin em? Ngun takin i nihna han thlir let la, dikna vawng nung turin Pathian hruaina beisei rawh le.
A pahnihna ah chuan che chhuak turin kohna hi a ni. Eng hun ah nge zahngaihna lanchhuah tir i mamawh thin ? A chang chuan i laka mawilo taka che thin te leh tawngkhum thin tute lak ah a ni mai thei e. Pathian Lalram tehna atang chuan khawngaihna ah thiamloh chantirna a awm lova, tlawmna chu kan chakna hnar a lo ni tawh zawk thin a ni. Hetiang ti tur atan sawmna kan hmuh hi a chiang tawk hle mai; hmangaih ngam ula, inngaihtlawm ula, in chetzia ah Pathian khawngaihna lantir rawh u.
TAWNGTAINA: Lalpa, chaklo te tan chakna i ni a. Mahni a ding ngamlo te tan pen chhuak thei turin finna min pe ang che. Rorelna dik a awm theih nan tang ngam turin min pui la, i khawngaihna in min chelh reng ang che.
SENG LUH TUR: Zahngaihna Pathian, min thlahthlam suh ang che.
PEKCHHUAH TUR: I khawngaihna avangin ka thlamuang thin.
NI 18 na Kan engto thil, kan ngaih pawimawh te
BIBLECHANG: Luka 10:38-42
‘Tin, Lalpan, Marthi, Marthi, thil tam tak i ngaihtuah a, i buai a nih hi: thil pakhat chauh a pawimawh e; Marin chan tha chu a thlang a, chu chu laksak tur a ni lo ve,” a ti a, a chhang a.’ (Luka 10:41-42)
Chhiar belh tur: 1 Korinth 13:1-3
ZIR CHIANNA: Lal Isuan Mari le Marthi te a tlawh chungchang ah hian kan nunphung leh thiltih duh zawng kan engto zia chungchang kan hmu thei a. Marthi kha eirawngbawlin a buai a, chutih mek laiin Mari erawh Isua bula awmin a thusawi a ngaithla thung a ni.
Lal Isuan ringtu ten a kan ngaih pawimawh tur dik tak a sawichhuak nghe nghe a ni. Thinlung leh tihtak zetna tel lova rawngbawl hian awmzia a nei dawn em ni? Hetiang thinlung pu kan nih loh chuan rawngbawlna nung tak kalpui theih a ni lova, a zirtir leh hnungzuitu nih a ngai a ni.
Catherine Booth khan hetiang hian a sawi a: “Pathian hian kan phaktawka a rawngbawlna te hi a pawm vek a, A fapa Isua Krista ang tur leh a hnungzui turin min duh a ni. Hetianga kan awm a nih phawt chuan Khawvel ti nghing tu kan ni ngei ang” ti in.
Kan thlakhleh zawng leh nuam tih zawng tih hi thil sual a ni lova, chutiangin rawngbawlna kawnga inhman hi a tha tak zet zawk a ni. Amaherawhchu thlarau thianghlim hruaina ang zel a hun leh hmun thliar hran thiam erawh a tul fo thin. Tirhkoh Paula pawhin I Korinth 13: 3 ah Hmangaihna tel lova sum leh pai senral leh mahni nunna hial thap pawhin awmzia a neih loh thu min lo hrilh a ni.
Chutiang chiah chuan kan tihthat ni a kan hriat te pawh Lal Isua nen inpawlna tak tak atanga chhuak a nih loh chuan awmzia a nei lo a ni. Marthi’n eirawng a lo bawl hi a tha lo a ni hranpa lova, mahse, an hun tawng mek atan hian Mari thiltih hi thil pawimawh hmasa leh tha zawk chu a ni. Chuvangin Rawngbawlna kawngah pawh hian a inbuktawk leh thlarau thianghlim zai ngai chung zel a ke kan pen a pawimawh tak zet zet a ni. Kan phaktawk te a kan pen ve hram hramna chuan midang tan nun danglamna a thlen anga, rawngbawlna nung leh hlawk zawk kan lo kalpui thei dawn a ni.
NITIN KAN NUNPUI TUR: “Eng rawlbawlna nge ka thawh a, engvanga thawk nge kan nih?” tih hi keimahni theuh in zawt ila.
Nitin a rawng kan bawl ve thinna te han chhuikir ila. Upa chaklo zawk tanpui te, Counselling te, Damlo tlawh leh kan thin te, midang tawngtaipuina te leh thil dang dang pawh a ni thei e. Heng rawngbawlna thawk thei tura phurna leh thatho na min siam thin tu enge ni a kan hriat?.Mari Isua kianga a awm ang hian keini pawh hian a ke bulah thu in kan chanchin kan hrilh anga, hlawk zawka a hnungzuitu nih dan tur te nen lam kan zawt thei a ni lawm ni? Hetiang taka a hnena kan khawsak chuan rawngbawlna hlawk zawk kan kalpui thei ngei ang.
Midangte nena inlaichinna tha leh inpawhna thuk zawk nei tur pawhin tan kan lak a ngai thin. Pathian pawlna leh awmpuina kan chan nasat zia thiante nen a han sawitlan te hi a nuam thin hle mai a, thlarau nun pawh a chawm thin a ni. Hun tha leh thawl chauh kan ngaihchan chuan rawngbawlna atan hun kan nei thei lo thin a, chuvangin kan hun kan siamrem thiam a, ngaih pawimawh tur kan thlanfel thiam a pawimawh em em bawk.
TAWNGTAINA: Lalpa, ka buaina zawng zawng dah tha vek a i kianga cheng thei turin min pui ang che. I kiang ah ka thlamuang thin a, Ka thinlung duh leh thlakhlelh chu nangmah chauh i ni e.
SENG LUH TUR: Ka nun hahchawlhna leh ka innghahna i ni e.
PEKCHHUAH TUR: Duhthlanna tha leh dik hmang thei turin min pui ang che.
“Inzirtawnturinkan inhawnangai. ”
19 Luangchhuak tura thawkrimin
BIBLE CHANG: Marka 14:1-9
‘Tin, Bethani khua a phar Simona inah chuan a awm laia chaw a kil laiin hmeichhe pakhat alabasta bawma spikenard hriak rimtui to tak kengin a lo kal a, a bawm chu a tikeh a, a lu ah a leih a. Nimahsela thenkhat chu an thinur ta hlawm a, “ Eng atan nge hriak rimtui hi a tihboral mai mai ni? He hriak hi duli zathum aia tam zawka hralh a, mi retheite hnena pek theih a ni sia,”an ti a. Tichuan a chungah chuan an phunnawi ta a.’ (Marka 14:3-5)
Chhiar belh tur: Johana 12:1-8
ZIR CHIANNA: Marka 4: 1-9 leh Johana 12:1-8 thu atang hian thahnemngai taka rawngbawlna hlut zia Mari’n Isua hriak rimtui a chulh atang hian kan hmu thei awm e. A thiltih hi a hleihluak deuh mah mah a ni kan ti mai thei, mahse, thinlung leh tihtakzet a rawngbawlna nun kan hmu a ni.
Beisei loh thil Isua chunga thleng hi sawizui hlawh tak tur a ni ang tih a lang reng mai a. Heti tak mai a hriak man to Mari’n a lo chulh mai hi a hmu tu tan pawh mak tih loh rual a ni lo a ni.
Mipui te khan hetiang hriak man to hi hralh zawk sela, mirethei te tanpui nan hmang zawk se tiin a thiltih hi mak an ti hle a. Isuan lo khapin a tan thil tha a tihsak a nih zia a hrilh a. Khawvel zawng zawng ah khawiah pawh
Chanchin Tha an hrilh na apiangah he hmeichhe thiltih pawh hi amah hriatreng nan an sawi ve zel tawh tur thu a sawi a ni.
Hriak rimtui man to tak mai rimin pindan chhung a luahkhah hneh dan tur te kan ngaihtuah thiam in a rinawm e. Engpawhnise, hmangaihna leh duhsakna lantirna vek a ni . A hnu reilo te ah Isua man in a awm a, nasa taka sawisak leh hrehawm a tawrhlai khan kha hriak rimtui rim kha amah ah a la cham mai thei a ni. Kross rit tak, amah an khenbehna tur ngei a put lai pawh khan Mari inpekna thuk tak khan a thinlung a la luah ngei ang.
NITIN KAN NUNPUI TUR: Rimtui hmang khan Mari leh Isua kha an in chawimawi tawn a ni. Mari’n a thian leh zirtirtu Isua kha a theihna zawng zawng lantirin rimtui hmangin a lo chawimawi a. Chutiang bawkin Lal Isua hnen atang khan chawimawina a hmu let ve bawk a. Mi ten mak ti taka an lo sawisel lai khan tibuai lo turin a lo khap a, ‘Ka tan a ti a ni e’, a lo ti a ni.
Marka 14: 6,9 a Lal Isua chhanna kan hmuh atang hian hmangaihna lantir nan hian thil uiawm engmah a awm lo tih kan hrethiam thei ang. Mari ang mai hian thil tha ti ni a kan inhriat laia midang sawisel kan hlawh hlauh chang te a awm thin em? Mari ang hian a hlutna ( man zat) ngaihtuah lovin pe la, hmangaihna lanchhuahtir mai rawh.
Marka bung 14 thu atang hian in enlet ila : 1.He thu hian rawngbawlna hlut zia engtiangin nge a tarlan ?
2.Engtiang takin nge Lal Isua i lo hmangaih ve? I neih hlu i pe phal em? Sum leh pai , i hunte i hlan tam tawk em?
3.Midang sawiselna leh hriatthiamlohna kar ah ringtu i nihna engtiangin nge i tih lan thin?
4.Mari hi mi rinawm , hmangaihna ngah tak ti a hriat zui zel a ni a. Engtiang a hriatzui nge i duh ve le?
TAWNGTAINA: Lalpa , nang hmangaih turin min pui la, chutiangin midang pawh hmangaih thei turin min tanpui ang che. Ka thil neih te ui lova i tan pek min zirtir la, midang thlir lova i duhdah chauh hmu thiam turin min tanpui ang che.
SENG LUH TUR: Lalpa, ka tan i tha a ni.
PEKCHHUAH TUR: Ka hmangaihna ka hlan a che.
NI 20 na Kan rinna inrochun: Hemi chungchanga kan tel ve dan?
BIBLE CHANG: Hebrai 11 and 12:1-3
‘Tin, rinna hi thil beiseite awm ngeia hriatna, thil hmuh lohte hriatfiahna a ni. Chu miah chuan upahote khan fak an hlawh si a. Rinnain a ni khawvelte hi Pathian thua siam a ni tih kan hriat ni, chutichuan thil hmuh theihte thil lang theitea siam a ni lo.’ (Hebrai 12:1-2)
ZIR CHIANNA: Hebrai bung 11 ah hian Thuthlung hlui hunlai a rinna a dingnghet leh fak lo hlawh tawh te chanchin kan hmu a. Fa a neih tur thu Sari’n a hriat khan nuihza hle mahse chi ropui tak thlahtu a lo ni ta mai a. Hagari pawh kha thlalera lungngai leh baihvai taka a awmlai khan amah hmuh hmaih hauh lo tu Pathian nen an intawng a. Ramdang mi Rahabi pawh Pathian mi a lo ni ve ta.
Heng hmeichhia te hi Hebrai bung 12 a chhumpui nasa tak ang thlirtu te a tih zing ami kha an ni a. An chanchin atang hian rinna chu famkimna ni lovin, inhlanna leh beisei tlatna a nih zia leh kan rochan hlu tak a nih zia kan hre thei a ni.
Heng thu te hi kan tuipui ve thin em le? Pathian tlanna hnathawh hian tawp ni a nei lova, englai pawhin chumi chang tur chuan sawm kan ni reng zawk a ni. Rahabi’n enthlatute a lo tanpui avangin amah pawh humhim a ni a, Hagari khan a mangan lai in Pathian awmpuina a chang a, Sari Pathian thutiam tih famkimna hmanrua a ni ang khan keini pawh chutiang bawkin rinna hi nunpui a vawng nung reng tur kan ni.
NITIN KAN NUNPUI TUR: He zirlai kaltlang hian Pathian chenchilh mi huai kal hmasa te chanchin tam tak kan lo hre thar leh ta a. Kan hringnun zinkawng kan zawh mek ah hian hun leh ni lo in her danglam zel ah Krista thawhlehna khan kan nun ah danglamna nasa tak a rawn thlen a ni.
Pathian miten eng ang takin nge hmangaihna an lo lanchhuahtir a, an rinna leh ngilneihna te hmanga danglamna an lo thlen tawh kan hriatchian a an hniakhnung zui tur kan ni.
Heng kan zir tak ang thil hi tawnhriat i nei ve tawh em? Tun ang dinhmun i thlen theih nana mi tangkai leh i kianga ding tlat thin te kha i rilru in han ngaihtuah vang vang la. Lawmthu i la hrilh miah lo a nih chuan i lawmzia leh i tan an pawimawh zia hrilh ngei ang che.
Heng kan zirlai a hmeichhia te ang ah han inchan la, enge i dinhmun ni ve ang tih han ngaihtuah teh? Tu ten nge Pathiana rinna nghat mi ni in sawi thin che? Eng ang chona thar hmachhawn tur in nge Lalpan tun hun ah hian a buatsaih che?
TAWNGTAINA: Lalpa, nangmah chauh thlir chunga he intlansiakna hi ka hlen theih nan min pui ang che. Rinna a pasaltha te hniakhnung zuia thuawihna nen i tan rinawm turin chakna min pe ang che.
SENG LUH TUR : Chhumpui nasa tak ang thlirtu te hual vel ka ni.
PEKCHHUAH TUR: I awmnghenga awm tlat ka duh e.
“ ...rinnaa nung tura koh kan ni.
NI 21 na Midang tan engchhuak rawh
BIBLE CHANG: Matthaia 5:13-16
‘Chutiang bawkin in eng chu mi mit hmuhin eng rawh se, chutichuan in thil tih thatte an hmu ang a, in Pa vana mi an chawimawi thei ang.’ (Matthaia 5:16)
Chhiar belh tur: Matthaia 6:1-4
PATHIAN BIAKNA: Dikna nunchhuahpui a nih theih nan zirlai engemaw zat kan lo zir tawh a. Kan nun phung leh khawsakzia te nena inmil lem lo te pawh a awm nual mai thei e.
Zirlai hnuhnung ber kan zir mek lai hian Krista kan enna leh chumi chu keimahni atanga engchhuak tur a nih thu pawimawh tak kan zirho dawn a ni. Eugene H. Peterson chuan “ Khawvel hian Pathian duhdan a hriat theihna tur atan hmanraw pawimawh tak i ni a, i kutah a innghat e” a lo ti a.Mathaia 5: 13-14 a kan hmuh ang hian Pathian nihna ze mawi tak lanchhuahtir tu tur kan ni a ni
ZIR CHIANNA: Pathian thu kan chhiar tak atang khian midangte fuihtu leh nawr kal tur kan nih zia kan hmu thei a. Midangte lak atang hian fakna nge sawichhiatna kan dawn thin ? Mihring te chawimawi nge Pathian chawimawi na kan beisei? Pathian ropuina leh chawimawina atan nge kan mihring ropuina atan kan tih thin?
I Khawngaihna mit kaltlangin Lalpan ropuina a chang thin I tanpui thin avangin Lalpan ropuina a chang thin I thenawm te laka i thatchhuah avangin Lalpan ropuina a chang thin.
IN ENLET NA: Pathian nen in lendun mek lai hian hmangaihna avanga midangte tan rawngbawlsak theihna hun tha i neih zawng zawng kha han ngaihtuah teh le ?
I thiltih tlawm tak te avanga lawmthu hrilh i lo tawn tawh leh fak i lo hlawh tawh zawng zawng te pawh kha han ngaihtuah let bawk la, Ropuina leh chawimawina zawng zawng Lalpa hlan let vek ang che. Sam 16:2 a kan hmuh ang hian ‘ Nangmah lo chu thatna reng reng ka nei lo ve”.
Hetiang zawnga ngaihtuahna i sen hnu ah chuan Pathian fakna hla thinlung takin i ngaithla thei anga, Pathian chu fakin i chawimawi lo thei lovang. Mathaia 5:1-6 hi han chhiar nawn leh la, hlimna a khatin midangte tan lo engchhuak ang che.
TAWNGTAINA: Lalpa , i hming thianghlim ti ropui a, i hmangaihna hrilh turin i enna chuan min kaltlang rawh se. Mite khawngaih rawngbawl sak turin min pui la, i hming ti ropuitu atan min buatsaih ang che . Amen.
KAR TINA INZAWH LET TUR: Nitin a kan hun hman thlirletin eng ti atana koh nge kan nih lo in zawt ta ila?
• Imitawnteilahretheiem?Anchanchinanhrilhchekhailahrerengem?
Ininkawmlaiaanawmdanteilamitthlatheiem?
• Heithiltawnhianengtianginngenangmahahnghawnganeih?
• Hengkaltlangaitawnhriatteatakinihmangchhuaktheiem?
LIST OF CONTRIBUTORS
International Women’s Ministries
Members of the ISJC Women’s Group
•
INTERNATIONAL WOMEN'S MINISTRIES
