Studeanttaválggat
2024/25
Válgaáviisa
Evttohusat válggaide
Dán válgaáviissas oainnat geat leat evttohuvvon stivrraide ja lávdegottiide.
Dás beasat lohkkat evttohusaid birra mii galggašii leat ávkin dutnje go galggat jienastit válggain.
Jienasteapmi dáhpáhuvvá elektrovnnalaččat, liŋka boahtá studeanttaid e-bostii
Jienasteapmi :
Sámi University of Applied Sciences
Sámi Allaskuvlla Stivrra evttohusat:
Mun lean Ánne Márgget Lásse Lásse Nils Ailo (Nils Ailo L. Anti) ja lean Kárášjogas eret.
Mun lean 28 jagi boaris ja bearašolmmoš. Mun lean 3.jagi oahpaheaddjestudeantta (5-10).
Váttis dadjat manne mu jienastit, go dieđán earát leat maid seamma buorre jus vel buoret kandidáhtan. Jus válljejuvvošin stivrii, de ovttasráđiin nuppi studeanttaáirasiin oažžubehtet nana ja čielga oaivilat mas vuolggasadji lea mis studeanttain. Go mii studeanttat leat vuolggasadji, de mearkkaša ahte studeanttaáirasiidda galgá leat álkit buktit jurdagiid ja mii muđui guoská studeanttadillái.
• Buorre ja oadjebas studeantabiras.
• Hárjehallamiid oktavuođas ii galgga buktit vuorjašumi, muhto ávkkálaš vásáhusat. Orrut gávpogis hárjehallama oktavuođas lea viessoláiggu divron ollu, ja váikko doarjja veahkeha, de lea hárjehallan lossat čađahit nie mo otne lea. Dát vuorjašupmi ferte geahpeduvvot.
• Sámegiella lea gollegiella. Dan bisuhit ja fievrridit buohkaide geat dáhtošit.
Boasta-Mihkkala Aile / Aile Hætta Karlsen
5. jagi studeanta Sámi vuođđoskuvlaoahpaheaddjeoahpu 5-10 masteris. Guovdageainnus eret.
Munnje lea dehálaš ahte studeanttaid jietna gullo dain orgánain gos lea vejolaš ovdanbuktit iežamet áššiid. Sihke buoriid ja unnit buriid beliid lea ávkkálaš loktet ovdan.
Mun beroštan studeanttaid oahppobirrasis, ahte galgá leat buorre sihke fysalaččat ja psyhkalaččat.
Mun oaivvildan ahte jus lea buorre oahppobiras, dat váikkuha positiivvalaččat studeantta ollislaš loaktimii.
Sámi Allaskuvlla Stivrra evttohusat:
Mun lean Máhte Ánddá Niillasa Dina, Dina Nilsdatter Somby, Kárášjogas eret. Mun lean viđát jagis oahpaheaddjeoahpus.
Mun háliidan ahte Sámi Allaskuvla galggašii láhčit studeanttaide dili nu bures ahte áidna mii váikkuha studeremii lea studeantta iežas studerennávccat. Lean vásihan máŋga ášši studeredettiin mat leat čuohcan mu studeremii, ja háliidivččen geahččalit stivrrain ovddidit áššiid buoridandihte hástalusaid mat leat min skuvllas
Mun lean Heikka Lemeha Odd Heikka ja Luhkkár Lemet Elle Ellen Iŋggá Oddbjørge, Oddbjørg Hætta Sara. Lean 49 jahkásaš guovdageaidnulaš gii lean orron máŋgga báikkis Sámis ovdalgo fas máhccen ruovttubáikái 2008:s.
Mun lean boazoealáhus bacheloroahpu studeanta ja barggan oahpaheaddjin Sámi joatkkaskuvllas ja boazodoalloskuvllas. Ovdal dan bargen journalistan NRK Sámis. Lean náitalan Niillasiin ja munnos leat oktiibuot 5 máná. Niillas bargá bohccuiguin ja dat dahká ahte boazoealáhus lea stuora oassi min eallimis. Lean álgán dán ohppui go dat lea mávssolaš iežan barggus, ja maiddái dan dihte go beroštan olu ealáhusas, gielas ja árbevirolaš máhtus.
Mun háliidivččen leat mielde ovdánahttime Sámi allaskuvlla dan dihte go mun anán skuvlla nu máilmmi dehálaš ásahussan! Sápmi dárbbaša allaskuvlla ja sin geat doppe juogo válbmejit oahpu, dahje váldet oasi iežaset oahpus. Stivrras áiggun čuollat studeanttaid beali, go studeanttat leat allaskuvlii mávssolaččamusat. Munnje lea dehálaš ahte Sámi allaskuvla galgá leat Sámi deháleamos oahppoásahus, ja ahte fállá oahpuid min sápmelaččaid iežamet eavttuiguin.
Mu váibmoáššit Sámi allaskuvlla studeantan leat kvalitehta, oahppanbiras ja Sámi ovdáneapmi.
Sámi Allaskuvlla Stivrra evttohusat:
Hei, jeg heter Ina Madelen Raanes, jeg er ei blid jente på 22 år, og jeg kommer fra Trondheim. Jeg er utdannet barneog ungdomsarbeider, og tar for tiden
SAAL studiene her ved Sami allaskuvvla.
Jeg ønsker å bidra til utvikling og medvirke i saker som er viktige for oss studenter her ved samisk høyskole, og håper at jeg kan være en av stemmene på vegne av mine medstudenter.
Min hjertesak er å bidra til at studentens stemme skal bli hørt i saker som angår oss og vår hverdag.
Slik at vi skal kunne få et best mulig skole -og studentmiljø ved høyskolen.
Sámi Allaskuvlla Stivrra evttohusat:
Mun lean Jaana Talvikki
Pekkala, 35-jahkásaš, Roavvenjárggas eret.
Dál lean orron
Guovdageainnus juo 3 jagi ja 2 mánu. Lean
čađahan bachelor-oahpu sámegielas ja sámi
girjjálašvuođas, ja dál lean váldime masteroahpu.
Studeanttastivrra evttohusat:
Mu namma lea Kristoffer Máhtte Niillas Lalla Nygård ja mun lean 26 jagi boaris. Mun orun Guovdageainnus ja mun lean Málavuomis ja Hønefossas eret. Mun studeren duoji (DUO 1004 ja DUO 1005).
Munnje lea dehálaš ahte studeanttat guldaluvvojit ja ahte sii sáhttet boahtit mu lusa dakkáriiguin maid háliidit dahje jurddašit iežaset ja eará studeanttaid ovddas. Sii sáhttet luohttit dasa ahte mun válddán ášši duođalaččat ja sii dovdet ahte sii guldaluvvojit!
Mu váibmoáššit leat studeantaeahkedat ja sosiála aktivitehtat.
Mun háliidan ahte mis galget leat studeantaeahkedat unnimusat guktii mánus. Mun háliidan ahte studeanttat buktet rávvagiid dasa maid ieža háliidit bargat studeantaeahkediin ja mus leat iešge máŋga jurdaga gárvásat somás studeantaeahkediidda!
Lean Eira Máhte Lemeha Máhte Lemet Máhtte ja lean 23 jahkásaš.
Studeren oahpaheaddjeoahpu njealját jagis ja orun juste dál Kárášjogas.
Áiggun lágidit doaimmaid nugo dolastallamiid, tuvrraid, filbmaeahkediid, speallamiid ja eará doaimmaid máid studeanttat evttohit dahje háliidit.
Studeanttain geain lea miella ja hállu, galggaše beassat lágidit juoidá stivrra doarjaga čađa. Háliidan veahkehit studeanttaid geain leat gažaldagat dahje makkárge hástalusat.
Mu váibmoáššit leat studeanttaid mielváikkuheapmi, doaimmaid lágideapmi, ja vel sihke sámi identitehta ja giela ovddideapmi ja čalmmusteapmi.
Studeanttastivrra evttohusat:
SSO- stivrra evttohusat:
SSO- stivrra evttohusat:
Bures, Mu namma lea Pia-Maria Labba, mon lean 29 jagi boaris ja lean Badje- Sohpparis eret. Mon váccán njealját jagi vuođđoskuvlaoahpaheaddjeoahpus ja háliidan searvat Sámi allaskuvlla stivrii dan dihte go háliidan leahkit mielde váikkuheame studeanttaid dili, Sámi allaskuvllas
Dutkan ja oahppostivrra (DOS) evttohusat:
Mun lean Heikka Lemeha Odd Heikka ja Luhkkár Lemet Elle Ellen Iŋggá Oddbjørge, Oddbjørg
Hætta Sara. Lean 49 jahkásaš guovdageaidnulaš gii lean orron máŋgga báikkis Sámis ovdalgo fas máhccen ruovttubáikái 2008:s.
Mun lean boazoealáhus bacheloroahpu studeanta ja barggan oahpaheaddjin Sámi joatkkaskuvllas ja boazodoalloskuvllas. Ovdal dan bargen journalistan NRK Sámis. Lean náitalan Niillasiin ja munnos leat oktiibuot 5 máná. Niillas bargá bohccuiguin ja dat dahká ahte boazoealáhus lea stuora oassi min eallimis. Lean álgán dán ohppui go dat lea mávssolaš iežan barggus, ja maiddái dan dihte go beroštan olu ealáhusas, gielas ja árbevirolaš máhtus.
Mun háliidivččen leat mielde ovdánahttime Sámi allaskuvlla dan dihte go mun anán skuvlla nu máilmmi dehálaš ásahussan! Sápmi dárbbaša allaskuvlla ja sin geat doppe juogo válbmejit oahpu, dahje váldet oasi iežaset oahpus. Stivrras áiggun čuollat studeanttaid beali, go studeanttat leat allaskuvlii mávssolaččamusat. Munnje lea dehálaš ahte Sámi allaskuvla galgá leat Sámi deháleamos oahppoásahus, ja ahte fállá oahpuid min sápmelaččaid iežamet eavttuiguin.
Mu váibmoáššit Sámi allaskuvlla studeantan leat kvalitehta, oahppanbiras ja Sámi ovdáneapmi.
Dutkan ja oahppostivrra (DOS) evttohusat:
Oahppobiraslávdegotti evttohusat:
Sisaváldinlávdegotti evttohusat:
Váiddalávdegotti evttohusat:
Dohkálašvuođalávdegotti evttohusat:
Válgastivrra evttohusat:
Stivrrat ja lávdegottit :
Stivvrat ja lávdegottit :
