26
L’amour, l’amour, toujours l’amour... Eu quería a aquela rapaza que me dixo que non. Tiña o pelo marrón como os ollos e a cor. Eu quería estar con ela, pero... ela comigo non! RAÚL FREIRE, 2º B ESO
Había unha vez unha rapaza chamada Noa e un rapaz chamado Mar. Coñecéronse en verán e fixeron moita amizade, pero a Noa gustáballe Mar e ... a Mar... Pois a Mar, non. Pero Noa decidiuse e pediulle saír. Mar díxolle que si para non facerlle dano. Aínda que ao final fíxollo, era mellor que lle tivese dito NON. Noa, coas ganas que tiña de estar con el, lanzouse nos seus brazos e ... Mar, enfadado, rodeouna coas súas ondas e... Noa afogou. DIEGO PÉREZ, 2º B ESO
Agora lede unha carta de amor Amor: doume conta de que a vida é moi fermosa sempre e cando teñamos a alguén ao noso lado, sobre todo cando temos unha persoa pendente de nós, sinceira, que non minte, que cun bico nos leve ao ceo e que un aloumiño seu nos faga sentir que somos especiais. Unha persoa que cunha palabra nos faga sentir bolboretas no estómago, con quen o noso corazón latexe rápido... Pero que non sexa unha nube que leve o vento, unha palabra escrita na auga que corre, nin un sentimento que esquezamos en segundos. O amor é tan inmenso como o sol, tan eterno como a beleza dos solpores. Cando temos amor, as penas vanse e as tristezas vólvense alegrías, todo é marabilloso. Moitas persoas din que isto non existe pero eu creo que ese sentimento é real, verdadeiro, algo que comparten dúas persoas, a loucura de amar e ser amado... poder dicir: QUÉROTE! e que outra persoa che responda o mesmo. TAMARA TENREIRO, 2º B ESO
AMOR... PODE SER ALGO PRECIOSO OU ALGO HORRIBLE. Se outra persoa sente o mesmo, podes acadar a felicidade, pero... se, polo contrario, esa persoa non sente nada por ti... a dor que sentes é MORTAL. BRAIS LÓPEZ, 3º ESO A