ОТЧЕТ НА ГРАДОНАЧАЛНИКОТ НА ОПШТИНА РАДОВИШ by Radovis

ОТЧЕТ ЗА РЕАЛИЗИРАНИТЕ ДЕЛА НА ГРАДОНАЧАЛНИКОТ НА ОПШТИНА РАДОВИШ, САШКО НИКОЛОВ ВО ПРВИТЕ 365 ДЕНА ОД МАНДАТОТ

365/ДЕЛА ОПШТИНА РАДОВИШ

Отчет за реализираните дела на градоначалникот на општина Радовиш, Сашко Николов во првите 365 дена од мандатот

Општина Радовиш

www.radovis.gov.mk

Општина Радовиш

www.radovis.gov.mk

Почитувани сограѓани! Пред Вас понудивме програма со конкретни проекти во кои е преточена нашата визија и нашите идеи како планираме да ја развиваме oпштината Радовиш. Ветивме дека нема да потклекнеме пред искушенијата и предизвиците. Ветивме дека ќе работиме неуморно за да го исполниме она за што ни ја дадовте довербата. Да се биде градоначалник на општината Радовиш не претставува само чест, туку претставува и голема обврска која бара многу пожртвувана и напорна работа. Во изминатиов период работевме совесно и одговорно, со еден нов начин на дејствување и желба да овозможиме и да обезбедиме подобар и поквалитетен живот на нашите сограѓани. Општината Радовиш стана сервис на граѓаните, како предуслов за успешно остварување и решавање на проблемите, во функција на континуирано креирање услови за одржлив развој на локалната заедница, како и создавање услови за поквалитетен и подобар живот на граѓаните. За сето она што е ветено и остварено, на најтранспарентен начин ние полагаме отчет пред Вас, граѓаните. Овие проекти што ги реализиравме со безрезервна поддршка од Советот на општина Радовиш, пред сè, се за доброто на радовишани и на општината Радовиш. Горди сме на постигнатото, но сè уште имаме уште многу идеи и иницијативи кои ќе ги оствариме со Ваша помош. Тоа се проекти што ги ветивме и за кои напорно ќе работиме за да ги оствариме. Освен ветените проекти во програмата, остануваме посветени и на секојдневните проблеми со кои се соочуваат граѓаните на нашата општина, затоа што и тоа е дел од нашата обврска и одговорност кон општината и кон граѓаните на општината Радовиш. Со почит, градоначалник на општина Радовиш, САШКО НИКОЛОВ

www.radovis.gov.mk

Општина Радовиш

РЕКОНСТРУКЦИИ И ИЗГРАДБА НА ПАТИШТА Реконструкција на локален пат ул. „Плачковица“ на патниот правец R 528 Во соработка со Владата на Република Македонија беше завршен проектот за реконструкција на ул. „Плачковица“ - R 528 (ул. „Коџа Баир“), во должина од 860 метри. Оваа инвестиција во вредност од 14 милиони денари беше финансирана од Јавното претпријатие за државни патишта на Република Македонија, а изведувач беше фирмата „Гранит“.

Општина Радовиш

www.radovis.gov.mk

Проект за подобрување на патната инфраструктура

Реализиран е проектот за подобрување на патната инфраструктура во општината Радовиш во вредност од 10.5 милиони денари, со што беа санирани и асфалтирани 12 000 метри асфалт, стариот слој целосно беше отстранет со гребење, а потоа асфалтиран дел од булеварот „Александар Македонски“ и улицата „Илија Алексов“.

www.radovis.gov.mk

Општина Радовиш

Поврзување на делницата од с.Покрајчево до с.Злеово Општината Радовиш во соработка со Владата на Република Македонија ја заврши изградбата на патот Покрајчево-Злеово во должина од 3 километри, со што ставен е во функција регионалниот пат Радовиш-ПодарешПокрајчево-Злеово.

Реконструкција на локалниот пат М-6 - с. Јаргулица Во соработка со Владата на Република Македонија беше завршена реконструкцијата на локалниот пат М-6 - с. Јаргулица, кој е во должина од 2.059 метри. Средствата во вредност од 10,4 милиони денари беа обезбедени од Јавното претпријатие за државни патишта. Реконструкција на локалниот пат за с.Штурово Во соработка со Владата на Република Македонија реконструиран е локалниот пат за селото Штурово во должина од 322 метри. Инвестицијата е вредна 2 милиони денари обезбедени од Јавното претпријатие за државни патишта.

Општина Радовиш

www.radovis.gov.mk

Реконструкција на локален пат с.Калугерица - с.Подареш Во тек е реализацијата на проектот за реконструкција на локалниот пат с.Калугерица - с.Подареш во должина од 4 км. Инвестицијата е вредна 39 милиони денари, во соработка со Владата на Република Македонија. Реконструкција на локален пат за с.Смиљанци Во соработка со Владата на Република Македонија во тек е проектот за реконструкција на локалниот пат за селото Смиљанци во должина од 1.846 метри. Инвестицијата е вредна 8.9 милиони денари. Изградба на локални улици и патишта во должина од најмалку 10 км Ќе продолжи практиката на обезбедување средства од буџетот на општината Радовиш за асфалтирање на улици и тротоари на територијата на општината во зависност од потребите на урбаните и месните заедници. Во тек е изработка на проектна документација за асфалтирање и пробивање на 17 улици.

www.radovis.gov.mk

Општина Радовиш

Проект „Полски пат“ Значително се олесни пристапот на земјоделците до обработливите површини со изградба и санирање на повеќе полски патчиња низ населените места: Ораовица, Воиславци, Подареш, Калуѓерица и Сулдурци, а во наредниот период ќе се продолжи и низ другите населени места во општината.

Обновување на хоризонталната сигнализација во Радовиш За зголемување на безбедноста во сообраќајот, а пред сè зголемување на безбедноста на пешаците, општина Радовиш со овој зафат ги обнови пешачките премини, хоризонталната патна сигнализација и банкините на тротоарите со нови бои во централното градско подрачје.

Општина Радовиш

www.radovis.gov.mk

Поплочување на тротоари со бекатон-плочки на подлога дробеник Во тек е обновувањето и реконструкцијата на оштетените тротоари со бекатон-плочки низ централното градско подрачје и дел од улиците „22-ри Октомври“, „Кеј 8-ми Септември“ и др. За оваа инвестиција општината обезбеди 3 милиони денари од сопствениот буџет.

Обележување на улиците со нови табли за името на улиците и броеви на куќите

Изградба на пешачка патека во с.Ораовица - Во тек е изработка на проектна документација за изградба на пешачка патека во с.Ораовица. Регулирање на дол во УБ26 - Во тек е изработката на проектна документација за регулирање на дол во УБ 26. Инвестиција вредна 5.5 милиони денари. www.radovis.gov.mk

Општина Радовиш

ИНФРАСТРУКТУРА

Завршена е изградбата на трите нови моста на Ињевска, Ораовичка и Радовишка Река. Инвестицијата е во вредност од 22 милиони денари.

Со цел решавање на сообраќајниот метеж на влезот во Радовиш, завршена е изградбата на новиот кружен тек на булевар „Александар Македонски“. За оваа инвестиција општината издвои 3 милиони денари од сопствениот буџет, а изведувач на работите беше фирмата „Алфа Инженеринг“.

НОВ КРУЖЕН ТЕК НА ВЛЕЗОТ ВО РАДОВИШ Општина Радовиш

www.radovis.gov.mk

Рушење на бесправно изградени објекти на територијата на општина Радовиш Општината Радовиш обезбеди 500 000 денари од локалниот буџет за рушење на бесправно изградени објекти на територијата на Радовиш. Вакви акции општината ќе спроведува во континуитет и во наредниот период сите што ќе го прекршуваат Законот за градење ќе бидат максимално санкционирани.

www.radovis.gov.mk

Општина Радовиш

Проект „Сала за Советот на општина Радовиш“ Со проектот „Сала на советот на општина Радовиш“, Радовиш доби современа конгресна сала, комплетно ентериерно преуредена со комплетна мултимедијална техничка опрема.

Општина Радовиш

www.radovis.gov.mk

Инвестицијата е во вредност од 2 453 910 денари, обезбедени од буџетот на општина Радовиш.

www.radovis.gov.mk

Општина Радовиш

Хортикултурното уредување на централниот дел од „Александар Македонски“

булеварот

Булеварот „Александар Македонски“ доби нов современ изглед, за кој општината Радовиш обезбеди 6 039 629 денари од сопствениот буџет.

Реконструкција на улично осветлување Основна цел на проектот е подобрување на квалитетот на живеење на граѓаните со подобрување на јавното осветлување како општо добро. Општината Радовиш континуирано го одржува и го надградува уличното осветлување. Општина Радовиш

www.radovis.gov.mk

Реконструкција на градското шеталиште Беше одржана јавна презентација и изложба за идејно решение за реконструкција на плоштадот „Св. Спасо Радвишки“. Во тек е изработка на основен проект.

Измена и дополнување на генерален урбанистички план (ГУП) за општина Радовиш Во тек е измената и дополнувањето на генералниот урбанистички план за општина Радовиш.

www.radovis.gov.mk

Општина Радовиш

Детални

урбанистички планови за сите и за планината Плачковица

населени

места

Во сорботка со АФПЗРР во тек е на изработка на детални урбанистички планови за ридско-планинските села во општина Радовиш за населените места: Аликоч, Коџалија, Калаузлија, Калугерица, Злеово, Бучим, Тополница, Парналија, Смиланци и за планината Плачковица. Веќе се завршени набавките за изработка ревизија и картирање на Урбанистички план за с.Калугерица, измена и допуна на Дуп за УБ 25 и Урбанистички план за вон населено место Долна Рудина во Општина Радовиш и набавка за изработка, ревизија и картирање на Урбанистички планови за 8 населени места (с.Злеово; с.Смиљанци; с.Аликоч; с.Коџалија; с.Калаузлија; с.Бучим; с.Тополница и с.Парналија) во Општина Радовиш, изработките ќе ги спроведува „Нима Ар” од Скопје и најмногу за 6 месеци треба да се готови плановите. Претходно беше спроведена набавка за с. Воиславци и Раклиш - „Ин пума” веќе ги изработува, а за с. Сулдурци треба да го изработи „Дизајн Центар Инжинеринг” а додека за с.Ораовица и УБ10 веќе се изработени и се во постапка на спроведување.

Општина Радовиш

www.radovis.gov.mk

ЗДРАВСТВО Општина Радовиш во континуитет спроведува реформи за подобрување и унапредување на квалитетот на здравствената заштита на граѓаните на Република Македонија. Во соработка со Владата на Република Македонија , ќе продолжиме континуирано да го унапредуваме системот на здравствена заштита, со што ќе се овозможи корисниците на здравствените услуги да бидат задоволни, а нивните проблеми брзо и ефикасно решени. За постигнување на оваа цел продолжуваме да инвестираме во модернизација на инфраструктурата преку реализација на проекти за реконструкција, доградба и адаптација на Јавните здравствени установи, како и обезбедување услови за стручно усовршување на здравствените работници и здравствени соработници од Здравствениот дом Радовиш.

www.radovis.gov.mk

Општина Радовиш

Подобрени условите за работа на персоналот во ЈЗУ „Здравствен дом“ Радовиш и овозможени квалитетни здравствени услуги за граѓаните од нашата општина. Завршена е реконструкцијата и адаптацијата на зградата за специјалистички дејности со поставување на нова столарија и сончеви колектори.

Општина Радовиш

www.radovis.gov.mk

„Здравствениот дом“ покрај добро опремени и уредени простории, сега и со финансиски заштеди во делот на енергетската ефикасност.

Општина Радовиш инвестираше 13.5 милиони денари во опрема и подобрување на условите во ЈЗУ „Здравствен дом“ Радовиш

www.radovis.gov.mk

Општина Радовиш

ЕХО 3Д апарат – донација за Здравствен дом Радовиш Беше дониран современ ЕХО 3Д апарат со средства во вредност од 1.7 милиони денари обезбедени од буџетот на општина Радовиш.

Бесплатни здравствени превентивни прегледи и донација на вакцини против сезонски грип Беа организирани бесплатни здравствени прегледи и донирани вакцини против сезонскиот грип за пензионерите од Ораовица и Ињево.

Општина Радовиш

www.radovis.gov.mk

СПОРТ И МЛАДИ МУЛТИФУНКЦИОНАЛНО СПОРТСКО ИГРАЛИШТЕ ВО СЕКОЕ НАСЕЛЕНО МЕСТО ВО ОПШТИНА РАДОВИШ Изградени се четири мултифункционални спортски игралишта во населените места: Јаргулица, Злеово, Калуѓерица и Воиславци. Изведувач на работите за изградба на спортското игралиште во с.Јаргулица беше фирмата „Стојменов“ од Кочани, а за останатите спортски игралишта изведувач на работите беше фирмата „Бино“ од Радовиш.

Мултифункционално спортскo игралиште во с. Јаргулица

Инвестицијата на проектот е 12 941 370 денари, средства од буџетот на општина Радовиш www.radovis.gov.mk

Општина Радовиш

Мултифункционално спортскo игралиште во с. Злеово

Мултифункционално спортскo игралиште во с. Воиславци Општина Радовиш

www.radovis.gov.mk

Мултифункционално спортскo игралиште во с. Калуѓерица

www.radovis.gov.mk

Општина Радовиш

Изградба на фудбалско игралиште со трибини во дворот на СОУ „Коста Сусинов“ во Радовиш За да се обезбедат соодветни услови за тренинг и рекреација на младите, општината Радовиш со средства од сопствениот буџет во висина од 8 милиони денари учествуваше во изградбата на фудбалското игралиште со трибини во дворот на СОУ „Коста Сусинов“.

ОПШТИНА РАДОВИШ ЗА ОВАА ИНВЕСТИЦИЈА ОДВОИ 8 МИЛИОНИ ДЕНАРИ, И 2.4 МИЛИОНИ ДЕНАРИ СРЕДСТВА ОД СОУ „КОСТА СУСИНОВ“ РАДОВИШ

Општина Радовиш

www.radovis.gov.mk

Изградба на повеќенаменско спортско игралиште во ООУ „Никола Карев“ во Радовиш Со цел развој на масовниот спорт и спортот за сите, во соработка со Владата на Република Македонија и Агенцијата за млади и спорт, во завршна фаза е изградбата на спортскиот терен во дворот на ООУ „Никола Карев“, кој ќе биде со големина од 1250 м2, со фудбалски терен и два терени за кошарка. Ова повеќенаменско игралиште ќе биде ставено на располагање на сите граѓани за спортување, рекреирање и за натпреварување. Игралиштето ќе може да се користи деноноќно и ќе биде место за собирање и дружење на младите генерации, како и основа за создавање на здрава младина и одлична превентива од пороците на модерното живеење. Вредноста на инвестицијата е 7 милиони денари, а градежните работи ги изведуваше фирмата „Жикол“ од Струмица.

www.radovis.gov.mk

Општина Радовиш

ОПШТИНА РАДОВИШ www.radovis.gov.mk

Општина Радовиш

www.radovis.gov.mk

Општина Радовиш

Реконструкција на Градскиот стадион Во завршна фаза е реконструкцијата на Градскиот стадион. Со овој зафат се реконструирани соблекувалните, старите оградни ѕидови и трибините, а се врши и надградба на постојното помошно асфалтно игралиште. Овој проект се реализира заедно со Рудникот Бучим кој инвестира 25 000 евра.

Овој проект ја чинеше општината 4 757 607 денари, а изведувач на работите е ГП „Техника“.

Општина Радовиш

www.radovis.gov.mk

Подршка на спортски манифестации и настани Успешно беа реализирани повеќе спортски манифестации како: Првомајски трки 2013, Отворените забавни фудбалски школи, Open Fun 2013, Меѓународен турнир во стрелачки мети, Меѓународен турнир во спортски риболов, Меморијален турнир „Ињево 2013“, Велоспедска тура низ Македонија, Државното првенство во Дуатлон, Твојот предизвик-Tриатлон, Кинолошката изложба, Маратон во планински велосипедизам, Државното првенство во борење за кадети, Државно првенство во Џудо, Меморијален турнир во борење „Калајџиев“, Турнир „Streetball 2013“, Манифестација „Недела на спортот“, Манифестација „Златен гонг 2013“ и др..

www.radovis.gov.mk

Општина Радовиш

Поддршка на Ракометниот клуб Радовиш и Борачкиот клуб БучимРадовиш Со средства од буџетот на општина Радовиш, во висина од 5.3 милиони денари беа поддржани сите спортски клубови во општината. Најголемиот успех го остварија борачите на БК Бучим-Радовиш со освојување на Шампионската титула во 2013 година како и ракометарите на РК Радовиш кои од оваа сезона се натпреваруваат во највисокиот ранг „Супер лигата на Македонија“ и со успех го завршија Есенски дел во лигата.

Општина Радовиш

www.radovis.gov.mk

Проект „Општинска фудбалска лига“ Започна со функционирање Општинската фудбалска лига во која учествуваат 6 екипи од општина Радовиш. Истата е во техничка организација на Општинскиот фудбалски сојуз, а за нејзина успешна реализација општина Радовиш одвои 180 000 денари.

www.radovis.gov.mk

Општина Радовиш

Шестоноемвриски турнир во мал фудбал Успешно беше реализиран традиционалниот турнир во мал фудбал по повод празникот на градот: „Шестоноемврискиот турнир во мал фудбал“ за кој општина Радовиш одвои 300 000 денари.

Општина Радовиш

www.radovis.gov.mk

Изградени две детски катчиња во УЗ Јавор и во дворот на ЈОУДГ „Ацо Караманов“ Беа изградени две детски катчиња во урбаната заедница „Јавор“-паркот „Липа“ и детското катче во дворот на ЈОУДГ „Ацо Караманов“ со детски реквизити и помошна урбана опрема. За паркот „Липа“ беа доделени 940 000 денари, а за детското катче во дворот на ЈОУДГ „Ацо Караманов“ 1 530 000 денари, средства од буџетот на општина Радовиш.

www.radovis.gov.mk

Општина Радовиш

Реконструкција на детски парк „Марди“ Веќе пуштен во употреба новиот детски парк „Марди“ кој е комплетно опремен со современи детски реквизити и урбана опрема.

Општина Радовиш

www.radovis.gov.mk

Хортикултурно и партерно доуредување на делот пред тениските терени во Радовиш Тениските терени што ги изградивме со поддршка на Владата на Република Македонија, ги финализиравме со хортикултурно и партерно доуредување пред терените. Инвестицијата е вредна 559 413 денари обезбедени од буџетот на општина Радовиш.

www.radovis.gov.mk

Општина Радовиш

Поддршка за младите таленти од Радовиш Општината обезбедува поддршка во школување и усовршување на млади таленти од Радовиш, како и стипендии за млади таленти со постигнати меѓународни резултати во различни области. Беа доделени награди за сите ученици-спортисти кои постигнаа успеси на спортски план на Училишната олимпијада, натпреварите во атлетика и други спортски натпревари во Македонија, за кои општината обезбеди 338 000 денари од сопствениот буџет.

Општина Радовиш

www.radovis.gov.mk

Проект „Училишни лиги“ Со цел за поттикнување на младите фудбалери во општина Радовиш, во соработка со Општинскиот сојуз на училишен спорт, општина Радовиш започна со реализација на „Општинската училишна лига во фудбал” . Во неа учествуваат 5 основни училишта од општина Радовиш и 1 основно училиште од општина Конче. Задоволството е преголемо по завршувањето на Есенскиот дел. За реализација на оваа лига општина Радовиш одвои 120 000 денари.

Проект „Триатлонот како спорт“ Во соработка со „Триатлон федерацијата на Македонија” и Триатлон клубот „АНА-ДА” беше спроведен проект за промоција на „Триатлонот како спорт” каде што беа опфатени 180 деца од 7-11 години, а финалниот резултат беше „Државното првенство и Трката во Дуатлон” кој се одржа во Радовиш. Општина Радовиш беше покровител на овој проект.

www.radovis.gov.mk

Општина Радовиш

ОБРАЗОВАНИЕ

Поддршка на учениците кои го започнуваат образовниот процес На стартот на учебната 2013/14 беше обезбеден комплет училиштен прибор за 264 првачиња во сите 5 основни училишта во општината.

Општина Радовиш

www.radovis.gov.mk

Донација на опрема за предметот Физичко и здравствено образование во основните училишта Во основните училишта беше донирана опрема наменета за предметот Физичко и здравствено образование. Опремата се состои од голем број спортски реквизити како: одбојкарски топки, шаховски табли, домино-сетови, фудбалски топки, ракометарски топки, кошаркарски топки, маси за пинг-понг, дигитална камера и други елементи што ќе ги користат учениците во нивните училишта по предметот Физичко и здравствено образование. Оваа опрема беше донирана од општината Радовиш во соработка со Министерството за образование и наука и со Агенцијата за млади и спорт.

www.radovis.gov.mk

Општина Радовиш

Проект „Општината ги стипендира најдобрите” За прв пат од минатата година беа доделени 16 стипендии на талентирани ученици од основното и средното образование. Општината Радовиш обезбеди 369 000 денари од сопствениот буџет со цел да ги поттикне најдобрите ученици.

Наградени најдобрите просветни работници На иницијатива на градоначалникот г-дин. Сашко Николов за прв пат од минатата година, на денот на просветните работници „Св. Кирил и Методиј“ беа доделени награди и признанија на најдобрите просветни работници од општината.

Општина Радовиш

www.radovis.gov.mk

КУЛТУРА Фолклорен фестивал „Велигденски средби“ во с. Ораовица Традиционално на празникот Велигден ги продолживме Велигденските средби во с.Ораовица со фестивалот „Велигденски средби“, на кој колоритот на носиите и македонската песна ги означија овие празнични денови. Општината го поддржа фестивалот со 50.000 денари.

Меѓународниот детски фолклорен фестивал „Оро весело“ Почитувајќи ги старите верски традиции, празниците да се слават со песна и со оро, општината Радовиш со детскиот фолклорен фестивал „Оро весело“ го прослави празникот „Св.Троица“ во Радовиш. Фестивалот беше поддржан со 80.000 денари од буџетот на општината.

Фестивал на изворен фолклор „Гајда“ во с. Ињево Традицијата на негување на народниот изворен мелос ја продолживме преку одржување на овој фестивал во селото Ињево, на кој наши гости беа фолклорни друштва од Македонија и од странство. Фестивалот беше поддржан со 60.000 денари од буџетот на општината. www.radovis.gov.mk

Општина Радовиш

Манифестација ,,Св. Спасо Радовишки“ Во чест на патронот и заштитникот на градот „Св.Спасо Радовишки“, општината во соработка со здружението на граѓани „Св. Спасо Радовишки“ и ЦК „Ацо Караманов“ достоинствено го одбележа празникот на градот.

За оваа манифестација беа одвоени 1.3 милиони денари од буџетот на локалната самоуправа.

Општина Радовиш

www.radovis.gov.mk

Во рамките на прославата, покрај останата програмска содржина, беше организиран спектакуларен концерт на храватската музичка ѕвезда Тони Цетински.

www.radovis.gov.mk

Општина Радовиш

Манифестација „САМУН ЕМ ТАТЛИЈА“

Општина Радовиш

www.radovis.gov.mk

За прв пат на задоволство на сите граѓани од општината Радовиш беше успешно организирана манифестацијата „Самун ем татлија“, ексклузивно збиднување за кое општината потроши 1.2 милиони денари.

www.radovis.gov.mk

Општина Радовиш

Најмасовниот собир на пензионери од цела Македонија во с.Ораовица Радовиш беше домаќин на повеќе од 6500 пензионери од цела Македонија на манастирот „Св. Георги“ во с.Ораовица. Пензионерите со оро и песна ја овековечија оваа досега најголема средба во државата.

Опремена просторијата на пензионерите во с.Ораовица Општината отстапи на користење простории на пензионерите во с.Ораовица каде ќе имаат можност да се дружат, да разговараат и да поминуваат дел од денот.

Проект „Реконструкција и адаптација на Културниот дом во с.Ораовица во Културен центар за деца, млади и пензионери“ Во тек е реализацијата на проектот за реконструкција и адаптација на Културниот дом во с.Ораовица во Културен дом за деца, млади и пензионери, во соработка со Агенцијата за финансиска подршка на земјоделството и руралниот развој. Инвестиција во вредност од 10.9 милиони денари. Општина Радовиш

www.radovis.gov.mk

Достојно одбележан празникот на градот „6-ти Ноември“ Со богата програма беше прославен празникот на градот „6-ти Ноември“, Денот на ослободувањето на Радовиш.

www.radovis.gov.mk

Општина Радовиш

„Караманови поетски средби“ во Радовиш Одржани се традиционалните „Караманови поетски средби“ со странски и домашни поети, на кои се одржаа литературни читања и се додели наградата „Караманов“.Беа обезбедени 250 000 денари од општината.

Изложба „Радовиш преку објективот“ За прв пат, а по повод празникот на градот „6-ти Ноември“, општина Радовиш објави конкурс за избор на најдобра фотографија на тема „Радовиш преку објективот“ на овој конкурс пристигнаа голем број на фотографии, каде што три беа наградени на организираната изложба од пристигнати фотографии. Сите фотографии би се користеле за промоција на општина Радовиш во каталози, брошури, разгледници и др.

Општина Радовиш

www.radovis.gov.mk

КОМУНАЛНИ РАБОТИ

Донација за комуналното претпријатие ЈП „Плаваја“ Со средства од буџетот на општината Радовиш беше донирана опрема на ЈП „Плаваја“. Беа набавени три косачки за одржување на хортикултурното уредување во општината, а со инвестиција од 3 милиони денари беа набавени и два камиони за собирање на смет.

www.radovis.gov.mk

Општина Радовиш

Формирана Комунално-редарска служба Со ангажирањето на комуналните редари дивите депонии ќе станат минато, а значително ќе се подобри и комуналната хигиена во градот. За таа цел по подолг период формирана е Комунално-редарска служба со двајца вработени, за која се набавени униформи за вработените и два скутери во вредност од 209 560 денари.

Чистење на канафки, канали и пропусти и поправка на банкини на асфалтирани локални патишта Инвестицијата е во вредност од 835 000 денари, обезбедени од буџетот на општината Радовиш. Дератизација,дезинфекција и дезинсекција на градот Извршена е дератизација, дезинфекција и дезинсекција на целата територија на општината Радовиш. Собирање, згрижување и кастрација на кучиња и мачки скитници Извршени се повеќе акции за собирање, згрижување и кастрација на кучиња и мачки скитници на територијата на Радовиш.

Општина Радовиш

www.radovis.gov.mk

Проект Подобрување на водоснабдувањето со поддршка од Владата и KФВ-банка Проектот се спроведува во две фази; првата фаза за намалување на загубите во водоснабдителниот систем, а втората фаза за подобрување на снабдувањето со вода на граѓаните. Инвестицијата е вредна 354 155 евра.

Довршување на канализациските системи Во тек е изработка на проекти за изградба и довршување на канализациските мрежи во: - с.Воиславци – инвестиција вредна 238 800 евра во соработка со Владата на Република Македонија; - с.Подареш – инвестиција вредна 19 милиони денари во соработка со Владата на Република Македонија; - УБ9 и УБ9Б – инвестиција вредна 164 133 евра во соработка со Владата на Република Македонија; - УБ 26 – инвестиција вредна 5 милиони денари обезбедени од буџетот на ЕЛС; - с.Јаргулица – во соработка со Владата на Република Македонија; - с.Раклиш – инвестиција вредна 1.4 милиони денари обезбедени од буџетот на општината Радовиш; - с.Ињево – во соработка со Владата на Република Македонија; - с.Калугерица – инвестиција вредна 25 милиони денари обезбедени од Светската банка.

www.radovis.gov.mk

Општина Радовиш

Советот на општина Радовиш донесе одл

ОПШТИНА РАДОВИШ ДО

Новиот грб и знаме на општина Радовиш е добиено од културно-историското наследство на Радо Општина Радовиш

www.radovis.gov.mk

лука за промена на општинските симболи

ОБИ НОВ ГРБ И ЗНАМЕ

ото идејно решение од конкурсот што произлегуваат овиш, а е во склоп на хералдичките правила. www.radovis.gov.mk

Општина Радовиш

ТУРИЗАМ

Проект „Културна и туристичка промоција на општина Радовиш преку поддршка на алтернативните форми на туризам“ Во завршна фаза е реализацијата на проектот Партерно уредување на манастирскиот комплекс „Св. Георги“ во с.Ораовица. Локалитетот „Ораовичко манастирче“ претставува вековно традиционално собиралиште на луѓето од овој крај. Со него се поврзани многу легенди, митови, верски обичаи и настани. Преку реализацијата на овој проект се доуредува амбиенталната инфраструктура. Ќе бидат поставени два нови летниковци, ќе се изврши дополнително бекатонско партерно уредување и ќе биде поставена нова урбана опрема, со што наскоро жителите и посетителите на општината ќе можат да уживаат во убавините на овој комплекс и во неговиот нов лик. Проектот се реализира преку Центарот за регионален развој на Југоисточниот регион, а општината одвои 1.2 милиони денари од сопствениот буџет.

Општина Радовиш

www.radovis.gov.mk

Проект „Планина за сите“ Поставени се 100-тина патокази и 25 информативни табли како дел од проектот „Планина за сите“, инициран од Велосипедскиот клуб „Свиок“. Со овие патеки ќе се зголеми посетеноста на планинските предели во нашата општина и ќе се подобрат условите за рекреација на граѓаните. Средствата за овој проект во висина од 440 000 денари беа обезбедени од буџетот на општината преку повикот за распределба на средства по јавен оглас за избор на проекти од јавен интерес.

Поставување на патокази и инфо-табли во Радовиш Бидејќи од интерес на општината е посетителите на Радовиш, кои еднаш престојувале кај нас да изразат желба за повторно да ја посетат нашата општина, од исклучително значење е првиот впечаток што ќе го добијат за неа. Лесното движење низ градот, но и низ останатите места за посетителите е наш приоритет. Затоа поставивме патокази и информативни табли на територијата на општината.

www.radovis.gov.mk

Општина Радовиш

Изработка на урбанистичка планска документација за изградба на туристички капацитети на планина Плачковица Во тек е изработка на урбанистичка планска документација за изградба на туристички капацитети на планината Плачковица . За овој проект општината обезбеди 211 000 денари од сопствениот буџет.

Брошура со водич и карта на Општина Радовиш Освен тоа што за туристичка промоција на општината ќе се користат напредните информатички технологии, во тек е и подготовка на брошура со водич и карта на општината Радовиш. Во истата ќе бидат означени позначајните културни настани, туристичките локалитети, сместувачките капацитети и капацитетите за исхрана, како и останатите манифестации што се одржуваат во нашата општина, а можат да бидат привлечни за туристите.

Општина Радовиш

www.radovis.gov.mk

БЕЗБЕДНОСТ И ПРОТИВПОЖАРНА ЗАШТИТА Донација за ТППЕ Радовиш Набавена е опрема од комплет на униформи и заштитни чизми според највисоките светски стандарди на заштитна противпожарна опрема, а исто така се одобрени средства за замена на кровната конструкција на Пожарникарскиот дом.

Наградени најдобрите пожарникари Од изминатата година, на денот на пожарникарите „20-ти Мај“, се воведе пракса да се прогласуваат и наградуваат најдобрите пожарникари.

www.radovis.gov.mk

Општина Радовиш

Заштита од пожари Со цел заштита од пожари преземени се повеќе активности како: инсталирање и ставање во функција на опремата за гаснење пожари во општината и другите админстративни служби, формирање на тело за заштитен противпожарен појас околу општината и сл.

Мониторинг на Систем за техничка заштита од кражби и напад Со цел зголемување на безбедноста во училиштата, општина Радовиш го реализираше проектот - Набавка и мониторинг на Систем за техничка заштита од кражби и напад на ЈОУДГ „Ацо Караманов“,ООУ „Крсте П. Мисирков“, ООУ „Никола Карев“ и СОУ „Коста Сусинов“, проект за кој од сопствениот буџет оддвои 802 400 денари.

Усвојување на стратегија и план за заштита и спасување Усвоена е Стратегијата и планот за заштита и спасување. Со оваа стратегија на системски начин ќе се уреди начинот на постапување на надлежните лица и граѓаните на општината Радовиш во услови на справување со кризни состојби. Согласно со стратегијата изработен е и план за координирање на стратегии за управување со шумски пожари во рамките на постојните структури. Развиена е стратегија за превенција, мониторинг, детекција, гаснење на шумските пожари, јавно учество и едукација на населението за потребата од активно вклучување во превенцијата, но и во спасувањето од пожари и други природни катастрофи. Патролно обезбедување со мобилна интервентна патрола Патролно обезбедување со мобилна интервентна патрола на објекти во општината. Општина Радовиш

www.radovis.gov.mk

ЖИВОТНА СРЕДИНА Акција „Чист и зелен Радовиш“ За оваа акција што ја спроведуваме повеќе пати во годината, општината Радовиш обезбеди саден материјал за пошумување и транспорт на граѓаните до околните места одредени за пошумување, како и потребна механизација за чистење на речните корита. Општината обезбеди 60 000 денри од сопствениот буџет.

Проект „Нула толеранција за дивите депонии во Радовиш“ и чистење на локалните депонии На иницијатива на градоначалникот на општината Радовиш, Сашко Николов, беа спроведени акции за чистење на дивите депонии. Граѓаните се вклучија во акциите со доброволна работа, а покрај нив како соработници во акцијата активно учествуваа ЗГ „Младински свет“, ЈП „Плаваја“, „Алфа инжинеринг“, „Бино ДООЕЛ“, „Градба Т“ и „Техника“.

www.radovis.gov.mk

Општина Радовиш

ЛОКАЛЕН ЕКОНОМСКИ РАЗВОЈ Технолошко-развојна индустриска зона „Радовиш“ За поттикнување на економскиот развој и промоција на Република Македонија како бизнис-дестинација за етаблирани странски компании во општината Радовиш, со поддршка на Владата на Република Македонија започната е процедурата за отворање на Технолошко-развојна индустриска зона „Радовиш“. Во завршна фаза е експропријацијата на приватното земјиште.

Индустриска зона „Долно Рудино“ Во тек е изработка на УП за зоните надвор од населените места. Со интензивирање на активностите во оваа сфера се очекува да се отворат нови работни места за граѓаните на општината Радовиш. За овој проект општината предвидува 300 000 денари од сопствениот буџет.

Општина Радовиш

www.radovis.gov.mk

Меѓународна промоција на општинското стопанство Остварени се голем број билатерални средби со градоначалниците од збратимените и пријателските општини: Велика Плана од Србија, Чока од Војводина - Србија, Селџук од Турција и Серез од Грција. Исто така остварена е и работна посета во Чешка и Словачка со претставници на министерствата за локална самоуправа и животна средина и други 25 градоначалници од Македонија.

Во наредниот период општината Радовиш ќе продолжи да се фокусира на проширувањето на соработката со други општини, со особен акцент на економската соработка, презентирање на можностите што ги нуди општината Радовиш за странските инвеститори и за пласирање на сопственото производство на нивните пазари.

www.radovis.gov.mk

Општина Радовиш

Вицепремиерот за економски прашања Владимир Пешевски беше во работна посета на Радовиш, каде што оствари средби со градоначалникот на општина Радовиш, вработените од Подрачните единици за земјоделие и со инспекторите за труд и пазарниот инспектор. Во фокусот на овие средби беа тековните инвестициски активности кои се случуваат и за оние што допрва треба да се реализираат во општина Радовиш.

Државниот Советник во МЗШВ Перица Ивановски, како и претставници од ЕУ со координаторот Оливие Мас од програмата за земјоделски и рурален развој во посета на општина Радовиш. Целта на оваа посета е можноста да се имплементира проектот за консолидација на земјиштето, како и да се започнат други мерки и проекти кои ќе бидат во корист и полза на земјоделците во општина Радовиш.

Заменик министерот Зоран Коњаноски оствари работна посета на општина Радовиш, каде што имаше средба со градоначалникот Сашко Николов, преработувачките фабрики и земјоделците низ населените места во општината. Општина Радовиш

www.radovis.gov.mk

Вицепремиерот Зоран Ставревски на средба со бизнисмените од Радовиш Вицепремиерот и министер за финансии при Владата на Република Македонија - Зоран Ставревски беше во работна посета на општина Радовиш каде што на организираната работна средба од страна на градоначалникот оствари средба со стопанствениците од Радовишкиот бизнис сектор, со цел запознавање со проблемите и предизвиците за подобрување на бизнис климата во Радовиш.

Министерот за здравство Никола Тодоров во посета на Здравствениот дом во Радовиш по повод завршувањето на градежните работи и пуштање во употреба нова медицинска опрема.

Министерот Тодоров гостин и учесник во акцијата „Ден на дрвото 2013“

www.radovis.gov.mk

Општина Радовиш

Премиерот Никола Груевски со министрите од Владата на Република Македонија на отворена трибина во Радовиш На трибината беа отворени повеќе теми за разговор и упатени голем број на прашања од страна на граѓаните на општина Радовиш до Премиерот Никола Груевски, министрите во Владата на Република Македонија, како и до Градоначалникот на општина Радовиш Сашко Николов, а исто така тие беа запознаени од страна на Премиерот Никола Груевски за инвистициските планови и реформи кои се предвидени за општина Радовиш и во целост за Република Македонија.

Инаку оваа граѓанска трибина беше во рамките на агендата за директна комуникација со граѓаните на Република Македонија на премиерот Никола Груевски заедно со министрите од Владата, како и општинското раководство предводени од градоначалникот Сашко Николов.

Општина Радовиш

www.radovis.gov.mk

Отворени средби со граѓаните на општина Радовиш Бевме, сме и ќе бидеме во постојана комуникација со Вас. Вложен е огромен напор да се излезе во пресрет на приоритетните општински потреби. Но, тука не застануваме, сакаме да внесеме што поголема демократија и свежина во локалното одлучување. Денес во нашата општина е отфрлен стереотипниот начин на одлучување во канцеларии и кабинети. Локалните претставници се секојдневно на терен, меѓу Вас, граѓаните на отворени средби по урбаните заедници и населените места во општината Радовиш. На овие средби граѓаните имаат можност да учествуваат во креирањето на програмата за урбанистичките инфраструктурни активности, кои ќе бидат во наредниот период опфатени и реализирани во општината Радовиш, исто така имаат можност да дадат идеи и сугестии, како и да го запознаат градоначалникот со проблемите со кои се соочуваат.

Средби со жителите од населените места Ораовица и Подареш

www.radovis.gov.mk

Општина Радовиш

Средби со жителите од населените места Злеово, Покрајчево и Јаргулица

Средби со жителите на Раклиш

Општина Радовиш

www.radovis.gov.mk

Средби со жителите од населените места Калуѓерица и Сулдурци

Средби со жителите од населеното место Дамјан

www.radovis.gov.mk

Општина Радовиш

Средби со жителите од населеното место Ињево

Средби со жителите од населеното место Воиславци

Средби со жителите од населените места Коџалија и Аликоч

Општина Радовиш

www.radovis.gov.mk

Средби со жителите на градот Радовиш

Средби со жителите од населените места Тополница и Бучим

www.radovis.gov.mk

Општина Радовиш

СОЦИЈАЛА Проект за општинско-корисна работа Општината Радовиш ја спроведува оваа програма во соработка со УНДП, Центарот за социјални работи, Aгенцијата за вработување, ОО на Црвениот крст од Радовиш и ЈЗУ Здравствен дом Радовиш. Од страна на општината ангажирани се три лица, поделени во три тимови кои заедно со волонтерите од овие институции вршат теренски посети на крајните корисници. Теренската работа со корисниците во овој проект има за цел приближување до загрозените целни групи. За разлика од сите други пристапи, целокупната активност се одвива надвор од институциите, т.е. во нивните домови каде што тие се чувствуваат сигурно и заштитено, а истите се посетуваат еднаш неделно со различно времетраење на посетата.

Општина Радовиш

www.radovis.gov.mk

Донација на дневниот центар „Порака“ и „Здружението на инвалиди на трудот“ од Радовиш. Со цел да одговориме на потребите на нашите граѓани за подобрување на квалитетот на живеење, градоначалникот на општина Радовиш донираше персонален компјутер на „Здружението на инвалиди на трудот“. На штитениците од дневниот центар „Порака“, градоначалникот на општина Радовиш им подари справа за вежбање Орбитрек за нивната фискултурна сала.

Хуманитарна акција „Божиќна трпеза“ Под покровителство на градоначалникот на општина Радовиш по петти пат беше организирана хуманитарната акција „Божиќна трпеза“, во организација на ОЖ „Женска акција“ од Радовиш во соработка со ОО на „Црвен крст“ Радовиш и ОЖ „Деница“.

www.radovis.gov.mk

Општина Радовиш

Хуманитарната акција „Донација на прехрамбени пакети на социјално загрозени семејства“ по повод големиот христијански празник Божиќ Организирани се повеќе хуманитарни акции на кои основната цел беше мобилизирање на духот на заедништво, толеранција и да се разбуди желбата за грижа кон другиот и потребата за делење и подарување. Реализирана хуманитарната акција „Донација на прехрамбени пакети на социјално загрозени семејства“ по повод големиот христијански празник Божиќ а во соработка со невладиниот и бизнис секторот од општината.

Организирани се исто така и други хуманитарни акции со кои беше укажано мало внимание на социјално ранливите категории во населените места с.Подареш и с.Покрајчево, преку донации на прехрамбени пакети, облека и школски прибор за најмалите. Општина Радовиш

www.radovis.gov.mk

Хуманитарна акција за помош на младите од социјално загрозени семејства Општината Радовиш континуирано организира хуманитарни акции за помош на социјално загрозените семејства.

Општината во соработка со ОО на Црвениот крст од Радовиш ја помага изградбата на домот на семејството Ѓоргиеви од Радовиш, кое остана без својата куќа во пожарот пред две години. За оваа цел општината одвои 100 000 денари од сопствениот буџет.

Пристапни рампи за инвалидните лица Со цел да се надмине хендикепот и да се овозможи достапна средина за лицата со посебни потреби во сите сфери на општественото живеење, во тек е изработка на проектна документација за реализација на проектот за пристапни рампи за инвалидните лица. www.radovis.gov.mk

Општина Радовиш

ЗЕМЈОДЕЛСТВО И РУРАЛЕН РАЗВОЈ Група мерки - Информиран и образован земјоделец Во општината Радовиш се применуваат група мерки за подобрување на знаењето и квалификациите на земјоделските производители преку трибини за добри земјоделски практики и поддршка за искористување на ИПАРД-средствата.

Проект Осовременување на сточарското производство Општината постојано се залага за осовременување на сточарското производство со организирање на трибини и форуми на оваа тема.

Општина Радовиш

www.radovis.gov.mk

Радовиш оваа нова година блесна со сиот свој сјај, со осветлувањето за време на новогодишните и божиќните празници

www.radovis.gov.mk

Општина Радовиш

www.radovis.gov.mk

Почитувани сограѓани, Иако поголемиот дел од ветеното успеавме да го сработиме со голема поддршка на Советот на општина Радовиш, беа реализирани и бројни проекти што не беа ветени во нашата предизборна програма, но пред нас остануваат уште многу предизвици. Со гордост можам да истакнам дека чекориме по патот на просперитетот. Сепак, никогаш не треба да се запре со амбициите. Напротив, во текот на секојдневните ангажмани секогаш излегуваат нови идеи и проекти. Нашиот пристап е јасен. Имаме енергија и храброст да преземеме нови предизвици, решеност и волја да истраеме пред тешкотиите и знаење да понудиме решенија, така што развојот на општината заеднички го продолжуваме понатаму. Со почит, Вашиот градоначалник на општина Радовиш

www.radovis.gov.mk

Општина Радовиш

„Св. Георѓи“ - Ораовица

Општина Радовиш

www.radovis.gov.mk

Општина Радовиш

ОТЧЕТ ЗА РЕАЛИЗИРАНИТЕ ДЕЛА НА ГРАДОНАЧАЛНИКОТ НА ОПШТИНА РАДОВИШ, САШКО НИКОЛОВ ВО ПРВИТЕ 365 ДЕ

www.radovis.gov.mk

Општина Радовиш