PAGINA 14
DIAMARS 11 FEBRUARI 2014
DIARIO
Parlamentario Donny Rasmijn di AVP
Evelyn Wever Croes ta haci expresionnan iresponsabel encuanto situacion di Westin Hotel y ta purba polarisa e situacion atrobe ORANJESTAD (AAN): Promer cu situacion di Westin Hotel a worde discuti y debati riba dje siman pasa diaranson, e trahadornan di dicho hotel tabata sinti nan mes insigur y no tabata sa kico nan derecho ta. Despues cu den un reunion publico Parlamento a vota unanime riba un mocion traha pa fraccion di MEP y AVP, e trahadornan a sintinan mes hopi mihor sabiendo cu Parlamento di Aruba a para fuerte nan tras door di urgi Gobierno di Aruba pa e.o. lo siguiente: (*) E doño nobo mester cumpli cu articulo 1615 db-dc segun nos codigo di penal y tuma e hotel over cu tur su “lusten en lasten” sin manda hende cas. (*) Pa no otorga permiso pa trece trahador for di exterior pa traha den construccion di e hotel. (*) Pa no otorga permiso pa trece trahador for di exterior pa traha den operacion di e hotel ora cu construccion keda cla. “Nos tur ta corda con RIU, na 2006, a priminti ex-trahadornan di Aruba Grand Hotel trabao despues di construccion y cu Gobierno di e tempo ey a dunanan permiso pa trece minimo 250 trahador for di exterior pa traha den construccion. Y despues cu e hotel a keda, tabata tin alrededor di 200 trahador cu a haya permiso pa traha eynan. E biaha aki e cos aki NO por pasa”, Rasmijn ta bisa. Na Aruba varios hotel a yega di worde cumpra of a bay den un periodo di construccion y nan a duna e trahadornan oportunidad pa traha durante di construccion di e hotel y despues nan a traha back den e hotel despues cu el a keda cla. Den e caso aki e abogado di e doño nobo a expresa cu nan no por garantisa ningun hende trabao ni durante di construccion ni despues cu e hotel keda cla. Esaki a worde tuma como un hecho di mala fe pasobra nan mester di trahador durante di construccion y despues ora cu e hotel bay back den operacion. Durante di e reunion siman pasa, dos mocion a worde presenta den Parlamento, uno di fraccion di AVP y presenta pa Sr. Donny Rasmijn y uno pa fraccion di MEP presenta pa Sr. Ady Thijsen. Bao iniciativa di Sr. Glenbert Croes y Sr. Rene Herde, a dicidi pa laga e dos mocionnan presenta cay y presenta un mocion hunto cu henter Parlamento lo bay di acuerdo cune. E modus operandi aki a worde elogia pa tur hende y e trahadornan di Westin a sintinan mes protegi pa nan representantenan den Parlamento. Awor Señora Evelyna WeverCroes ta purba polarisa e situacion atrobe door di bisa cu AVP a presenta un mocion swak y esun di MEP tabata fuerte y cu esun final a carga e tono di MEP. “Evelyn su capacidad pa bruha tera ta bay hopi leu. E no ta worry cu
nada. Basta e por haci politica”, Rasmijn ta bisa. Ademas di esey Evelyna a bisa cu fraccion di MEP a logra pa Gobierno baha e belasting cu esunnan cu tuma e pakete mester paga di 25% pa 15%, locual cu ni a worde discuti riba dje. Cu e expresion aki MEP ta para tras di e doño nobo cu kier paga menos cu ta posibel
y ta contra pais Aruba. Ora un compania ta manda hende cas, pueblo di Aruba tambe ta perde placa pasobra pe un periodo e placa di belasting y di seguronan social no ta bay drenta caha di Gobierno. Y e peor ta cu e doño ta bay paga menos na e trahadornan. Por ehempel, si e belasting ta 25% anto e doño ta
paga 100 mil Florin, finalmente e trahador ta haya 75 mil Florin den man. Awor si ta 15% ta bay paga na belasting, e doño ta paga solamente 88.235 Florin enbes di 100 mil. E trahador ta haya mesun placa pero e doño di trabao ta gana mientras cu pueblo di Aruba ta perde casi 12 mil Florin. “Pa un lider di un
partido, abogado y academico, un profesional riba tereno di belasting y cu un dia kier bira prome minister di nos pais, Evelyn Wever Croes ta expresando su mes iresponsabel encuanto situacion di Westin Hotel y ta back-up e doño nobo enbes di back-up pueblo di Aruba”, Rasmijn ta reitera.
URATACA CENTER
Special di awe:
Parmesan Chicken, Spagetti, Salada & Roasted Potato
Diamars 11 Februari 2014 - Edicion-8 Vol.19326
Sta. Cruz #110 Tel: 585-9500 Fax:585-0951 - E-mail: solodipueblo@gmail.com
1.50
PosIbel AlIANzA cu ANDIN lo No tA Por NADA, Pero tIN uN PrIjs? Por tA setAr??
Afl. 10.00 (di 12 pa 3pm) Tel: 585-5212
AVP a fada di Dowers y awor kier sak’e elegantemente como minister di husticia pa director di hospital
Polis a kita tur obheto for di caminda publico
No ta permiti pa instala nada riba ruta di carnaval AINDA
setAr cu su jingle, t-shirtnan di carnaval y otro gadgetnan
Accidente frontal den bocht seroe Patrishi Alcohol a hunga un rol grandi
Diamars Februari 11 2014
Pagina 14
Charla “Informa bo mes” pa tur enfermero y trahadornan di botica
E app di SETAR hopi usa pa keda “up to date” cu loke ta pasando den Carnaval 60!
R e c i e n t e m e n t e Medicosmetics Aruba N.V. hunto cu Seven Seas y Abbot Nutrition a organiza un simposio pa enfermero, cu tabata tin e titulo “Informa bo mes” na Renaissance Convention Center. E simposio tabata parti riba 2 dia, unda cu e prome dia tabata solamente pa e clientey trahadornan di botica, unda cu e orador invita, dr. Soto, a papia ampliamente riba e maleza EPOC. Tin 2 forma principal di EPOC: bronkitis cronico, cu ta implica un tosamente prologa cu verkoud y e otro ta enfisema cu ta implica e destruccion di e pulmonnan cu tempo. EPOC ta un di e enfermednan mas comun di pulmon cu ta causa dificultad pa hala rosea. E otro dia, tabata tin 4 dokter como orador invita y a parti e dia den 4 charla; Cuido di herida, presenta pa dr. Deulis Salazar Coello, cirugano – COPD y nutricion presenta pa dr. Esther Soto, dokter di pulmon – Demencia presenta pa dr. Rafael
Gonzalez, neurologo – Venezueze Insuficiente presenta pa dr. Eugene De Zwart-Storm, dermatologo. Esaki tabata specialmente pa personal di hospital, Wit Gele Kruis y tur enfermero. Ambos dia tabata bon atendi, unda cu a conta cu presencia di 50 hende, cu a participa activamente. Medicosmetics Aruba N.V. ta di opion cu como un compania cu ta trata cu salud general di nos hendenan, ta importante pa sigui brinda e charlanan informativo aki na tur esnan cu ta traha den un sector di enfermeria en general. Asina aki nan ta haya oportunidad pa keda na altura di tur loke ta pasando den e mundo complica di medicina y ta contribui na un mihor servicio di cuido di salud na nan pacientnan. Medicosmetics Aruba N.V. ta gradici un y tur cu a participa y tambe e oradornan cu percura pa hinca un tremendo presentacion di nan topico y area profesional.
Cu e inicio di Carnaval 60, SETAR cu hopi orguyo a anuncia di ta un biaha mas e sponsor oficial di Aruba su Carnaval. SETAR e biaha aki a bin cu e promer aplicacion di Aruba su Carnaval pa "smartphones"’. E SETAR Carnaval app ta obtenibel actualmente pa celularnan iPhone y Android. Cu e aplicacion aki ya varios cliente tanto local y bishitantenan internacional ta kedando informa di cada actividad di Carnaval, votacion di reina of musico, check-ins via Foursquare y ta share via Social Media den e app y mucho mas. Actualmente clientenan por scan e
barcode di e Carnaval app y ta ricibi un link pa download e app. SETAR ta pidi pa esnan cu tin actividadnan of eventonan Carnavalesco planea y ta desea di wordo inclui den e schedule pa e Carnaval app oficial por manda un
email pa carnavalapp@ setar.aw SETAR ta desea Aruba henter un feliz temporada di Carnaval 60. Cu hopi orguyo ban celebra Aruba su cultura y Aruba su dushi Carnaval sanamente.
Diamars Februari 11 2014
Pa esnan cu ta den exterior Caiso & Soca Monarch 2014 PPV ta obtenibel Online!
Pa esnan cu ta biba den exterior y kier disfruta di un di eventonan mas grandi di Carnaval di Aruba, esta e Caiso & Soca Monarch 2014 via Pay Per View por haci nan pedido caba “online” riba website di SETAR. Cliente por order e PPV di Caiso & Monarch 2014 online. E prijs ta $55.00 y por paga cu credit card. Pa aplica mester bay riba website di SETAR www.setar.aw click riba e icon di Caiso & Soca Monarch PPV na e banda drechi di e pagina web y sigui instruccion. Specialmente pa esnan cu ta biba den exterior y tin gana di disfruta di e festival y show di e Caiso & Soca Monarch 2014 di
Pagina 15
Donacion di crucero MS Zuiderdam
Aruba su Carnaval 60 por haci esaki for di unda cu nan ta via Internet. Pa e clientenan local cu tin SETAR Cable Services, por cumpra PPV pa e Caiso & Soca Monarch 2014 cu ta obtenibel via Cable Digital na canalnan 112 y 333 HD. Clientenan interesa den e pakete aki por pasa cualkier Teleshop di SETAR, SETAR Store of yama 525-1700 pa aplica. Lo cubri henter e evento cu ta tuma lugar durante 3 anochi di pre-final, dianan 11, 12 y 13 di Februari 2014 y e anochi final ta diasabra dia 15 di Februari, 2014 na Carnaval Village na San Nicolas. Pa mas informacion por bishita www.setar.aw
PUEBLO A H HAÑA SU PEN BEK
Pa kualkier informacion solodipueblo@gmail.com of
☎ 585-9500
Durante e ultimo dos siman, Cruz Cora Aruba por a yuda varios instancia y centro na Aruba cu corchon. Esaki tabata posibel door di donacion di e crucero “MS Zuiderdam” di Holland America Line. E crucero aki sa e necesidad cu tin den centronan di rehabilitacion y tambe famianan na Aruba y a prefera di haci un gesto asina ora baha e corchonan di barco. Cu colaboracion di agente pa e crucero Armada Port Agency y tambe Ecotech a transporta e corchonnan pa Cruz Cora na Dakota. Na mes momento, Cruz Cora a yama diferente instancia y centro pa bin busca corchon. Den nomber di tur esnan cu a ricibi corchon, Cruz Cora Aruba kier gradici Holland America Line pa e bunita gesto aki.
Diamars Februari 11 2014
Baba Herde ta defende empleado di hotel y su casa Luci ta defende doño di trabao Falta di moral?
Pagina 3
AVP a fada di Dowers y awor kier sak’e elegantemente como minister di husticia pa director di hospital Tur cos ta mustra cu tin un desaroyo politico den cushina ta cushinando. Ta trata aki di Minister di Husticia, Arthur Dowers, cu porfin partido AVP ta poniendo pia abao cu e no por sigui como Minister di Husticia, pasobra su maneho ta zwak. Bao di Minister Dowers criminalidad a apodera di Husticia unda cu polisnan
Hopi hende a keda asombra riba e noticia cu a sali, unda ta mustra un falta di moralidad. Baba Herde di un banda kier sali na defensa di empleadonan di Westin, pero di otro banda den su mes cas y riba su mes cama, su señora ta na defensa di doño di hotel. Un falta di moralidad total, pasobra sea bo ta cu e empleadoann of contra nan. Cu ki cara Baba lo kier
bisa A, ora su casa ta bisa B? Pa colmo ta su propio casa a manda un carta pa saca e parlamentarionan di Westin bisando cu nan no ta welcome riba e tereno di hotel. Ta mescos cu e proyecto di Vader Piet, ora a bin sali na cla cu ta Luci Herde tabata e directora di e compania pa traha molina di biento. Cosnan straño cu ta pasa tin vez.
Central di Brandweer y Post Siera a scapa cayanan di San Nicolas di un candela Dialuna mainta un ciudadano a mira hopi huma ta saliendo di un edificio. Central di Brandweer ta manda un Unidad di Brandweer, pero na yegada no a mira nada. E Unidad di Brandweer a cuminza regresa base bek. Sinembargo e Central di Brandweer a persisti pa asina busca mas informacion y a bolbe manda e unidad na e sitio. Enberdad for di un edificio di dos piso por a mira huma ta sali. Brandweer a bay check na e sitio y a bin encontra weya na candela mientras un dama cu ta den e cas a pega soño. Central di Brandweer y Post Siera a scapa e señora su bida como tambe un scenario desastroso den cayanan di San Nicolas.
mes tin miedo di atende cierto yamadanan, pasobra nan sa cu tin gruponan cu ta arma pisa. Bao di Minister Dowers Aruba a conoce mas derame di sanger den criminalidad cu nunca antes. Na Juli 2013 tabata tin 4 morto den un luna di crimen. Awor tin tur indicacion cu kier acomoda Dowers como director di hospital
pa lague bay dedica na un ramo di cual el’a sali for di dje, esta PAAZ. E rumornan ta circulando fuertemente, pero ya caba e fanaticonan di Dowers y principalmente su coordinadornan a cuminza zapatea cu nan lo no acepta esaki. E oranan nos dilanti lo waak ta ki cambio lo bini den arena politico aki na Aruba.
Posibel alianza cu Andin lo no ta por nada, pero tin un prijs? Por ta SETAR?? Partido AVP ta buscando un alianza cu Andin Bikker cual ta un movecion cu hopi hende ta mirando cu preocupacion. Un partido cu tin 13 asiento y 29 politico riba lista cu a haya 13 asiento, di berdad tin mester di 1 asiento y di Andin Bikker? Hopi speculacion ta bayendo rond cu Gobierno
di AVP lo mester 2/3 parte pa asina por logra haya un mega hypotheek riba cabez di SETAR. Pa esaki mester cambia statuut pa asina pone e accionnan di SETAR como garantia pa prestamo di placa cual na final lo por te hasta termina den venta di e compania di telefon. Hopi ta puntra: Ta pesey e persistencia pa amplia di 13 pa 14? Un
partido di 29 politico cu un cantidad di consehero cu 33 mil votador no tin ni un persona pa ocupa e posicion di minister di husticia? Esnan cu tin e conocemento politico ta waak algo mas leu tras di e movecion of pensamento aki. Lo mester duna tempo, tempo pa waak ta kico tin tras di e pensamento aki.
Diamars Februari 11 2014
Pagina 9
SETAR cu su Jingle, T-shirtnan di Carnaval y otro gadgetnan ta engrandece e ambiente di Carnaval 60
SETAR durante varios actividad di Carnaval 60 a sa di trece ambiente cu su diferente gadgetnan. Entre otro SETAR a trece t-shirtnan colorido, e jingle cu a pega na varios radioemisora, e Caiso Monarch Pay Per View cu ta permiti localnan y Arubianonan bibando den exterior goza tambe di e actividad, kaarchinan prepaid cu lo bira collectors item y cu varios otro articulonan popular, manera e klapersnan nobo den estilo di un klauw y e “I like SETAR” mascot. E t-shirtnan di SETAR: E t-shirtnan di SETAR den un color blauw ta refleha nos bandera asina honrando nos pais Aruba y por mira nan presente na casi tur evento di Carnaval 60. Hopi ta esnan cu a cambia e flanel di SETAR na nan smaak y a converti’e den un trahe den cual nan ta presenta nan baile, of nan apoyo pa nan candidato/a of nan artista mas favorito of gewoon pa acudi na un of otro actividad carnavalesco. E diseño ta di Urvin Robert cu ta den forma di un homber den su bodypiece e ta ancra e 60 aña di nos Carnaval cual ta un expresion di nos cultura unda tur parti artistico ta bini hunto di e diseñador, e poëta, musico, artista, compositor, cosedor, artesania, baile, etc. Su man ariba dobla ta significa cu e Carnavalnan den pasado. E man
dilanti cu ta indica e futuro di nos Carnaval. E colornan colorido ta mustra con vibrante y explosivo nos Carnaval ta. Jingle special di SETAR pa Carnaval 60: SETAR den celebracion di Carnaval 60 a presenta un Jingle di SETAR pa Carnaval 60 tremendo cu e banda popular Youth Extreme a produci cu ta pasando na varios radio - emisora durante e Carnaval 60. Caiso & Soca Monarch Pay Per View: SETAR ta recorda e televidente tambe cu e Caiso & Soca Monarch Pay Per View ta obtenibel caba tambe na tur Teleshop y SETAR Store. Kaarchi specialmente pa Carnaval 60: SETAR pa conmemora Carnaval 60 y pa laga e keda graba den historia, a bin cu 1 kaarchi di telefon prepaid specialmente pa Carnaval 60 na balor di Afl. 15,-- cu mesun diseño cu tin riba e t-shirt di Carnaval di SETAR. Durante e festival di Tumba cu a pasa, por a mira e presencia di SETAR hunto cu e otro sponsornan di Aruba su Carnaval 60 treciendo un ambiente fenomenal pa un y tur presente. Aki algun potret na unda por mira presentacion di hobennan riba stage den e flanelnan di SETAR re-diseña y e ambiente cu e gadgetnan di SETAR ta crea.