Cherita pasal Pengadang

CHERITA pasal

Dikeluarka dan disadung ulih Discovery House Distributors Sdn. Bhd. www.dhdmalaysia.com

Pengadang RS423

Bup Orang Kristian =

EDITOR:

Chia Poh Fang, Amos Khan, Khan Hui Neon, Leslie Koh REKA BENTUK & TUSUN ISI BUP:

Felix Xu GAMBAR KULIT & ISI:

Shutterstock.com BUP ASAL: A Story of Hope

© 2018 Our Daily Bread Ministries. Semua hak cipta dijaga.

Dichelak di Malaysia.

Enti nadai disebut, Ayat Bup Kudus diambi ari Bup Kudus baru © 1996 The Bible Society of Malaysia.

CHERITA pasal

Pengadang

ENTI SEMA

Naka meh pemanah enti sema dunya tu chukup menyana. Enti sema nadai penyai, nadai penyakit tauka nadai penusah bebadi ngenyit.

Enti sema kitai tau diau likun magang, nadai bisi penyerekang dalam ruang bilik, sekalika dalam pendiau orang ti enggau kitai begulai.

Enti sema kitai nadai pengirau ka utai dipakai, ka gari enggau ka endor alai ngenduh, tauka pasal pengelenyau pengawa enggau pengulih nyara pengidup diri sebilik.

Tang, dunya tu jauh ari ti chukup menyana.

Mayuh amai utai ti enda betul ngelingi kitai.

Sekeda penanggul nya endang bisi ari asal, lalu iya ti bukai nya digaga kitai mensia empu. Kitai tu diau dalam dunya ti beserekang serta charut, lalu tiap hari kitai tebachaka berita pasal perang, pemerinsa, jenayah, penyakit, penusah bebadi ngenyit, enggau ekonomi ti merusut.

2

CHERITA PASAL PENGADANG

KITAI DIAU DALAM DUNYA TI BESEREKANG ENGGAU BEPENYARUT, TIAP HARI KITAI TEBACHA KA BERITA PASAL PERANG, PEMERINSA, JENAYAH, PENYAKIT, PENUSAH NGENYIT ENGGAU EKONOMI MERUSUT.

Mayuh mega kitai betempuh enggau penusah dalam pengidup. Sekeda kitai betempuh enggau putus kaul, ditinggang penyakit tauka bisi utai diinginka. Pia mega, sekeda kitai ngembuan tanggungpengawa ti berat enggau nanggung mayuh macham utai ti bukai. Maya tu meh kitai tau belamatika: Nama meh utai ti salah pasal dunya tu? Nama kabuah pengidup tu balat bendar ngenusah? Lapa pengidup aku enda ulih nyamai agi?

Taja pia kitai nemu pengidup tu tau lebih manah.

Kitai tepedaka pemanah utai ti menyana ngelingi kitai. Kitai bisi macha pasal pemaik, lalu ninga orang ti bisi pengelantang serta nadai penusah dalam pengidup, tauka kitai kala ngasaika berekat ti bakanya. Tu ngasuh kitai balat enda puas ati laban pengidup tu tau lebih manah, tang pengamai pemanah tu enda baka nya.

Engka tu meh kabuah nuan ngambi bup mit tu.

Ka pengujung ia ila, utai ti dipeguna samua kitai

Ka pengujung ia ila, utai ti dipeguna samua kitai nya pengadang.

nya pengadang: Pengadang ti muka jalai kitai keluar ari penusah, pengadang ti mutarka pemar pengidup, enggau pengadang ti nuju ngagai pengidup ti lebih manah.

NGIGA PENGADANG

Ulih kami bekunsi enggau nuan utai ti udah nyaup kami nyaut sekeda ari tanya tu, tanya ti udah meri kami pengadang? Nuan tau enda ibuh nerima tiap iti utai ti disebut kami—kami semina dekaka nuan meri kami awak dua tiga minit, macha enggau belamatika utai ti deka dikunsika kami. Penudi iya, semina nuan siku aja ulih meri pemutus sekalika utai ti dikunsi kami nya bisi reti ba nuan empu, taja pen kami sigi pechaya ia endang deka mai insur ti nyelai dalam pengidup nuan.

Ng ig a Pen g a da n g

3

Dulu tadi kitai bisi nanya diri pasal nama utai ti enda ngena ba dunya tu. Mayuh orang pechaya, tiap iti utai ti nyadi sigi deka pulai buruk repuk magang ari empa pengelama. Tu engka nyadi nitihka penemu ti madahka langit enggau dunya tu digaga ketegal utai ti nyadi ti dikumbai Big Bang, lalu asil ari nya kitai mensia nyadi nengah proses evolusyen, iya nya penemu pasal asal utai ti nyadi. Sekeda orang mega pechaya lebuh dunya tu digaga oleh kuasa Petara tauka kuasa ti besai, dunya tu dilakka nentuka kuing ya mai diri.

Bup Kudus, ti alai orang Kristian ngelempaika pengarap, bisi meri penerang ti nyelai. Bup nya madahka Allah Taala nya siku aja, lalu Iya ngaga langit enggau dunya serta enggau samua utai ti idup, nyengkaum bansa mensia. Tang tu ukai pengujung cherita Bup Kudus pasal Allah Taala ti pengaga samua utai. Allah Taala ti ngaga semua utai mega deka bisi kaul enggau mensia: Udah Iya ngaga mensia, Iya agi deka ngaitka diri enggau 4

CHERITA PASAL PENGADANG

BUP KUDUS MADAHKA KITAI, ALLAH TAALA NYA SIKU AJA, LALU IYA NYA MEH TI NGAGA LANGIT ENGGAU DUNYA, ENGGAU SAMUA UTAI IDUP, NYENGKAUM MENSIA.

mensia lalu deka ibuh serta ngemata enggau nyaga sida. Iya nganjung siku lelaki enggau siku indu ti keterubah—Adam seduai Awa—diau di kebun ti manah ti bisi mayuh utai manah ti tau dipakai seduai, lalu seduai diasuh Iya bejalai peneka ati diau dia, lalu Allah Taala mega selalu betemu serta bejaku enggau seduai.

Nama kabuah? Laban Allah Taala ti pengaga kitai dekaka kitai bisi kaul pengrindu enggau Iya. Baka apai-indai ti bisi anak mit, sida semampai dekaka pengelantang begulai enggau anak sida. Allah Taala sigi rindu bendar enti kitai semampai ngulai Iya. Nya meh kabuah iya ngaga kitai mensia bisi perasai awakka kitai tau ngasai dalam runding enggau pengingin ati ti ulih rindu enggau dikerinduka—baka perangai pendiau Allah Taala empu. Dikena kitai meri pengerindu enggau bebendar, kitai patut ngereja pengawa ti ngena. Nya alai, Allah Taala ngaga lelaki enggau indu ngambika bisi ngembuan

runding ti tau ngereja utai ti nunjukka ulah ti manah serta ngena, laban nya ngayanka pendiau asal Allah Taala empu ti endang manah, kudus serta betul.

Laban Allah Taala tu endang sigi manah, dunya ti digaga iya pen manah. Maya nya mensia sigi endang bisi kaul ti manah enggau Allah Taala serta enggau diri sama diri, lalu nadai pengirau ka diri tau sakit tauka mati.

Udah nya samua utai nyadi salah magang.

Ng ig a Pen g a da n g

5

NGELALA DOSA

Apai-indai ti manah sigi dekaka bala anak sida rinduka sida, ukai ketegal nya endang pengawa sida ti anak, tauka sida dipejal rinduka apai-indai.

Kaul ti patut antara apai-indai enggau bala anak rinduka pangan diri nya sigi begantung ba pilih mensia siku-siku. Mayuh jalai sida tau ngayanka pengrindu sida ngagai pangan diri: apai-indai ngayanka pengerindu ngagai bala anak ari sida iya ti ngintu, nyaga enggau seruran ngibun enggau ibuhka anak sida, lalu bala anak sida malas pengerindu apai-indai nengah sida ti ngasi tauka ngereja utai ti ngenyenangka ati apaiindai.

Nya meh baka kaul ti dikedekaka Allah Taala ari kitai. Leboh Iya ngaga Adam seduai Awa, Iya ngirika dalam seduai penemu oleh mikir utai ti manah, tang ia ke lebih agi nya Iya meri seduai milih pemutus ati diri sekalika seduai deka rinduka Iya tauka enggai. Allah Taala dekaka 6

CHERITA PASAL PENGADANG

seduai milih kediri rindu ka Iya. Dalam kebun ti alai seduai diau, pilih tu ditentuka ngena sepun kayu. Adam seduai Awa udah ditangkan, ianya seduai tau makai buah ari samua Allah Taala kayu bukai tang ukai ari sepun dekaka seduai kayu ti udah dipadahka Allah milih kediri Taala, laban nya tau ngasuh rindu ka Iya. seduai ngaga pilih deka ngasi tauka enggai ngasika Allah Taala.

Enda memukai seduai milih enda ngasika Allah Taala ti pengaga dunya. Seduai ngereja siti utai ti enda diasuh Allah Taala - makai buah ari pun kayu siti. (Buah nya dipelabaka buah epal, tang Bup Kudus enda nengala nyebut nya). Allah Taala udah nangkan seduai, enti seduai makai buah nya, seduai deka mati. Tang seduai enda ngasika Iya. Ketegal nya, Adam seduai Awa udah mai dosa ka dalam dunya.

Reti dosa tu “enda nyelinting tanda�—enda nyelinting pematut atur Allah Taala ti menyana.

Lebuh Adam seduai Awa meruan ngasika Allah Taala, nya sigi utai ti ngerinduka Iya. Tang lebuh seduai milih enda ngasika Iya ketegal ti udah makai buah ti ditagang, seduai patut disingkirka Lebuh seduai milih ari kuasa Allah Taala. Tang enda ngasika Iya iya ke balat bendar ti ketegal ti udah pulaika penyai, pengawa makai buah ti seduai tu ukai semina ditagang, seduai ninggang seduai empu patut disingkirka aja, tang mega ngelekai ari kuasa Allah ngagai semua peturun Taala. raban mensia. Kategal tu semua anak seduai deka nitihka peranggai seduai ti ngelaban, ianya ngereja samua utai nitihka peneka diri-ukai nitihka pematut atur ari Allah Taala. Berengkah ari nya, mensia lalu belabuh ngereja ulah ti jai serta salah, laban sida nadai pengingin deka betanggung jawapka utai ti udah dikerja.

Ketegal tu, baka anak ti udah enda ngasi, ti seruran ngelaban lalu ngejangka diri ari apaiindai, mensia mega belabuh ngerusak kaul ti menyana enggau Allah Taala serta enggau pangan diri. Sida mansang jauh sejauh ari Allah Taala. Taja pen Allah Taala mengkang deka rinduka sida, sida enggai semak enggau Iya. Saritu mega kitai meda pengamai pasal kaul kitai ti udah putus enggau Allah Taala serta enggau diri sama diri. Ari ti ngayan ke pengrindu, pengelikun, enggau pechaya, kitai nyau ngasaika penakut, pengeringat, pengeransi, enggau bedendam. Kitai tepedaka mensia ti balat ngelaban Allah Taala ngena kuasa ketuai tauka autoriti sida (pemesai pangkat sida dalam pengawa), lalu mensia majak begedi serta ngemediska pangan diri.

Siti agi utai ti nyadi ketegal dosa ari pengawa ti makai buah ti enda di suruh pakai, ianya pemati.

Allah Taala udah nangkan Adam seduai Awa, enti Ng ela la Dos a

7

seduai makai buah ari sepun kayu ti enda disuruh, seduai deka mati. Nama kabuah? Laban Allah Taala nemu, lebuh seduai ngelaban Iya, seduai tentu deka ngerusakka kaul begulai enggau Iya, lalu ngejangka diri ari Allah Taala, ti pun pengidup meruan. Enda nyalah-nyalah, sida nya baka plug ke udah dichabut ari soket elektrik–putus sambung ari pun kuasa elektrik, lalu nadai kuasa agi.

Pemati ti baka tu sama ngujungka pemati ba semengat, tubuh enggau ba roh. Laban tubuh kitai udah kena dosa, tubuh tu nyadi enda agi menyana lalu ngujungka iya rusak lalu mati.

Tang laban kitai mensia nya utai idup ti bisi pengidup roh, kitai bisi semengat–lalu semengat tu deka beserara ari Allah Taala selama lama ia. Ari kitai ti ngelaban enggau bedosa, kitai udah enda ulih agi datai ngimbai Allah Taala ti kudus serta lurus. Baka Allah Taala ti udah nyekat Adam seduai Awa ketegal pilih 8

CHERITA PASAL PENGADANG

Siti agi utai ti nyadi ketegal dosa ari pengawa ti makai buah ti enda di suruh pakai, ianya pemati.

PENGIDUP KITAI BAKA TI ENDA TEMU TUNGGA AGI ENGGAU NADAI RETI LABAN KITAI UDAH BESERARA ARI PUN PENGIDUP TI BENDAR.

seduai ti udah enda ngasika Iya dalam kebun Eden, kitai mega deka disekat ketegal dosa ti udah dikerja kitai. Samua tu undang-undang tauka adat ti udah ditetapka Allah Taala ngagai mensia.

Ari kaul kitai ti udah putus baka tu, ia tau ngeruga pengidup kitai diatu. Baka orang ti udah lenyau kitai ngasaika diri udah nadai guna enggau nadai daya. Mayuh kitai neresa pengidup baka ti nadai pengadang. Taja pen kitai baka ti enda berasai nemu kabuah kitai ti nadai utai disadang agi, tang jauh dalam lubuk ati kitai, kitai ngasaika diri endang udah lenyau—ketegal ti udah limpang ari Allah Taala. Pengidup kitai baka ti enda temu tungga agi enggau nadai reti laban kitai udah beserara ari pun pengidup ti bendar.

Tu meh utai ti enda ngena ba dunya kamaya hari tu. Allah Taala udah ngaga utai menyana, tang Adam seduai Awa milih dosa, lalu ketegal tu seduai beserara enggau Allah Taala serta Ng ela la Dos a

9

betanggung jawapka kerja enggau peranggai seduai. Kamaya hari tu pen kitai ngereja utai ti sama, besangkalka Allah Taala serta ngemaruhka atur manah Iya ti menyana, ti deka mai kitai nerima balas ketegal dosa ti dikerja. Bup Kudus bisi nyimpulka tu enggau jaku pandak. “Laban samua mensia bela udah bepenyalah lalu jauh ngejang ari mulia Allah Taala”, lalu “ upah dosa iya nya pemati belama ia” (Roma 3:23; 6:23).

Kati reti tu kitai semua deka mati embis lengis pia? Kati bisi utai bukai ti tau dikerja kitai?

NGEMETULKA PENANGGUL Kenyau ari mensia udah ngejang ari Allah Taala, kitai udah nguji deka ngemetulka penanggul ti nyadi ketegal dosa enggau utai ti nyadi ari dosa. Kitai nguji deka nagang penyakit enggau nangguhka pemati ngena penemu sains enggau ubat. Kitai nguji ngaga mensia ngembuan pendiau ti manah ti ngasuh sida nitihka undangundang lalu ngajar sida ngagai perangai ti nitihka Adat. Kitai mega nguji deka nagang penyarut enggau perang serta negapka pengelikun enggau penyarakup antara orang ti beserimbai pendiau enggau kitai, tauka antara raban bansa. Kitai mega nguji ngurangka penyalah lalu ngereja kerja ti manah serta nitihka adat bepengarap.

Tang baka ti dipeda kita, kitai enda tentu mujur.

Kitai lalu enda ulih nyekat penyakit enggau pemati, pia mega enda ulih nagang orang ngereja

10

CHERITA PASAL PENGADANG

penyalah enggau beperang. Mayuh kitai agi begelut ngiga reti pengidup ti bendar. Kitai baka orang ti udah lenyau, begigaka pengerindu enggau pengelikun.

Nama kabuah? Laban ba pengujung ia ati kitai mayuh pengurang. Kitai enda ulih ngereja utai ti ngena enggau menyana belama, taja pen kitai Ku kitai deka enggau bebendar nguji. nyadi manah Ku kitai deka nyadi manah tang kitai bisi tang kitai bisi asai utai bukai asai utai bukai narit kitai narit kitai ngereja penyai. ngereja Kadang-kadang lebih mudah penyai. kitai deka ringat enggau bedendam bebanding enggau deka meri pengampun enggau penyabar. Asai ti senang agi kitai nitihka peneka hati ti dikenuluka ari utai bukai.

Bakani utai tu tau nyadi? Tu nyadi laban kuasa dosa ti nagang, indah enda baka orang ti gian

dadah. Iya merintah kitai lalu ngansak kitai mengkang ngereja penyalah, taja pen kitai berasai enggai. Dosa tu ti nyungkak kitai, mai kitai tusah deka ngereja utai ti ngena tang mudah agi deka ngereja utai ti salah. Kitai lanchat agi ngelaban Allah Taala ari ti deka ngasika iya.

Enti baka nya, bakani kitai ulih ngubah ati kitai?

Bakani kitai tau pulai dalam pengelurus ngagai Allah Taala laban dosa agi seruran nagang kitai ngereja utai manah? Kitai enda ulih ngereja nya enggau pengering kitai empu. Tang Allah Taala ulih ngereja tu.

Kebuah ia ulih laban Iya ti ngaga enggau nguasa samua utai. Semina Allah Taala siku aja ti ulih madamka samua dosa kitai lalu nuchi serta ngerarika samua bekau abi dosa, ngambika kitai ulih bebaik enggau iya lalu diau dalam penuh pengelikun. Semina Allah Taala siku aja ti ulih mai ati kitai pulai baru, ngambika kitai enda agi Ng emetu lk a Pen a n g g u l

11

dikuasa dosa enggau pemati. Taja pen Allah Taala nya ulih, tang kati Iya deka?

Siti utai ti manah ti ngejutka ati: Allah Taala deka mai kitai diau lurus enggau Iya. Taja pen mensia udah enda ngasika Allah Taala, tang Iya agi deka nerima mensia pulai ngagai Iya. Bandingka pengrindu Allah Taala enggau penyiru apai-indai? Allah Taala tu mega baka apai-indai laban iya enda nemu badu rinduka anak sida taja pen anak nya udah lari lalu enda agi ngaku apaiindai. Laban Allah Taala ti amat udu bepengasih, iya mudah deka ngampun serta nerima kitai pulai ngagai peluk-sengkauk iya.

Tang kitai bisi penanggul mimit: Allah Taala ti kudus serta lurus enda nutup mata ngagai dosa kitai lalu nyebut, “Anang ingatka nya agi, nadai ngawa nya.� Allah Taala enda ngelepaska dosa kitai pia aja baka dosa nya ti enda kala nyadi.

Allah Taala enda mudah ngelamun dosa kitai, laban iya enggai besangkalka asal iya empu ti 12

CHERITA PASAL PENGADANG

endang manah serta kudus.

Tu meh atur ti udah ditentuka Allah Taala: Iya deka nyelamatka kitai ari kuasa tanggam dosa, tang Iya enda ngerarika ukum ti patut diterima ketegal pengawa enggau perangai kitai. Allah Taala tu udah meri jalai dikena iya mansutka kitai ari tanggam dosa nya.

JESUS KRISTUS MATI NGARIKA KITAI AWAKKA KITAI DIKELAUNGKA ARI UKUM PEMATI.

DIKELAUNG KA ARI PEMATI

Ukum ti deka diterima kitai nya baka mayar utang kitai enggau Allah Taala ketegal dosa kitai.

(Ke bendar, reti ia lebih dalam ari tu, tang tu semina dikena kitai nerangka ia aja). Laban kitai tu ari asal endang bedosa; lalu utang tu kelalu besai dibayar kitai.

Tang Allah Taala udah nyediaka jalai. Laban adat begunaka mensia mayar utang ketegal dosa, iya mega begunaka orang bukai mayar utang nya ngarika kitai; orang nya mesti orang bukai ti nadai bisi utang; iya nya orang ti nadai kala bisi dosa.

Tu meh gaya utai ti bendar udah nyadi. Allah Taala udah nganjung anak Iya empu, Jesus Kristus mayar utang tu. Iya udah mati ngarika kitai awakka kitai dikelaungka ari ukum pemati.

Kira 2,000 taun ti udah, Jesus udah datai ngagai Dik ela u n g Ka Ar i Pema ti

13

dunya tu nyadi mensia. Iya udah diregang– nerima ukum ti sebaka enggau ukum ti diberi ngagai orang ti salah–udah nya iya mati lalu dikubur.

Piring tu udah tentu ulih nyelamatka kitai, laban Jesus tu endang Allah Taala enggau mensia. Laban iya Anak Allah Taala, iya endang manah serta menyana, lalu iya empu nadai dosa. Pia mega, laban iya ti mati baka mensia, iya ngarika samua kitai nerima ukum dosa. Bup Kudus nyebut tu pasal Jesus: “Tang Kristus udah nebus kitai ari jaku sumpah ti dibai Adat, oleh Iya kena tinggang sumpah kategal kitai” (Galatia 3:13).

Laban Jesus udah mati, reti nya Iya enda ngerarika diri ari ukum ketegal dosa - ia nya pemati. Bakani iya nyelamatka kitai ari sumpah tauka ari ukum Adat?

Tiga hari udah Jesus mati, Iya angkat idup baru, udah ayan ngagai beratus iku saksi sebedau 14

CHERITA PASAL PENGADANG

Iya niki pulai ka serga. Pengangkat Jesus nya ngayanka Iya udah ngalahka ukum dosa: laban dosa tu mai pemati ngagai mensia, tang diatu Jesus udah ngalahka pemati. Tu ngayanka pemati Iya ti ngarika kitai udah diterima Allah Taala.

“Bakani utai tu oleh nulung aku?” Ku nuan nanya diri. Bup Kudus madah ngagai kitai, enti kitai nerima pengampun ti diberi Jesus nengah kitai ti arapka Iya nya udah mati ngarika kitai, dosa kitai deka diampun, ngambika kitai bebaik enggau Allah Taala. Laban kitai enda agi dikumbai salah, kitai tentu lantang enggau menyana bekaul enggau Allah Taala - baka ti endang dikedekaka Iya kenyau ari mula kelia.

Kaul kitai enggau Allah Taala deka meruan belama ia. Nadai utai agi ulih nyerara kitai ari Allah Taala–indah pemati deh enda ulih.

Tu meh pengadang ti deka diempu kitai enti kitai arap, ianya Jesus datai ka dunya, mati, enggau

angkat idup baru, lalu kitai nitih serta ngaku Iya nya Tuhan enggau Penyelamat. Bup Kudus bisi nyebut, “Laban Allah Taala udah balat rinduka dunya nya kabuah Iya meri Anak tunggal Iya, awakka genap iku orang ti arapka Iya enda mati, tang tau bulih pengidup ti meruan” (John 3:16).

NERIMA PEMERI ALLAH TAALA

Jesus Kristus tu ukai semina Allah Taala ti manah enggau bepengerindu, tang Iya mega Allah Taala ti amat udu bepengasih. Reti nya kitai nadai begunaka utai bukai lebuh kitai nerima pemeri Anak Allah Taala ngagai pengampun dosa kitai.

Nuan enda ibuh begunaka “pemanah” tauka meli penyelamat nya ngena chara ngereja pengawa manah penapat-inat; nuan semina bepanggai aja ba Allah Taala ti deka nyelamatka nuan. Utai ti patut dikerja nuan, nyerahka diri ngagai Allah Taala, ianya nuan udah bedosa lalu begunaka pengampun; lalu arapka Jesus ti udah datai mati nganti nuan awakka nuan nya nyadi lurus di mua Allah Taala; lalu nitihka Iya nyadi Tuhan enggau Penyelamat nuan. Mudah baka nya aja.

Pikirka oleh nuan, penyalamat ari Allah Taala nya pemeri (gift) : Iya diberi ngagai nuan enggau Ner ima Pemer i Alla h T a a la

15

nadai kondisyen tang nuan patut ngaku Allah Taala ti meri nya, udah nya titihka atur ti tau dikena nuan nerima ia.

Bub Kudus nyebut: “Enti kita ngaku enggau mulut kita, Jesus endang Tuhan, lalu arap enggau hati kita, Allah Taala udah ngangkatka Iya ari mati, kita deka bulih pengidup ti baru” (Rome 10:9).–

16

CHERITA PASAL PENGADANG

JESUS TI UDAH DATAI MATI NGANTI NUAN AWAKKA NUAN NYA NYADI LURUS DI MUA ALLAH TAALA; LALU NITIHKA IYA NYADI TUHAN ENGGAU PENYELAMAT NUAN.

KETERUBAH, NUAN DEKA NERIMA PENGAMPUN ALLAH TAALA KA DOSA NUAN.

NAMA RETI TU BA NUAN Sebedau nuan bepikir deka nerima pemeri ari Allah Taala ti mai selamat, nuan engka bisi nanya: Nama penyadi udah tu?

Lebuh nuan nguingka diri ngagai Jesus, bisi utai ti manah nyadi.

Keterubah, nuan deka nerima pengampun Allah Taala ka dosa nuan. Nengah pengawa Iya ti mayar utang dosa nuan, Jesus mai nuan bebaik enggau Allah Taala, ngambika nuan diterima Iya enggau penuh. Iya besemaya ngambu nuan nyadi anak Iya, lalu nuan tau datai kediri dampih Iya, baka Adam seduai Awa ti di kebun Eden dulu kelia. Baka anak ti tetap dikerinduka apai-indai, nuan mega deka diau likun nemu Allah Taala nya rinduka nuan, enda ngira sapa nuan, tauka nama utai ti udah dikerja nuan dulu suba, enggau penimpang ulah nuan, laban pemati Jesus udah mayar samua utang dosa nuan. Pia mega, Iya Na ma Reti T u Ba Nu a n

17

deka nulong nuan ngubah jalai pengidup lama nuan, awakka nuan tau diau nitihka jalai Iya ti kudus.

Kaul nuan enggau Allah Taala deka meruan baka nya belama­—dataika maya nuan mati. Reti nya, nuan enda agi takut ka pemati. Pemati nuan ba tubuh nuan kediatu deka dibai terus berimbai enggau Allah Taala—ngagai tempat ti chukup menyana.

Reti nya nuan Bup Kudus mega bisi madah ngagai kitai ianya Jesus deka datai baru. Maya nya ila, tubuh segenda kitai tu deka diangkat, baka iya empu suba, lalu deka digaga oleh Allah Taala nyadi menyana. Iya besamaya deka nyelamatka, ukai semina semengat kitai, tang seluruh pengidup kitai.

18

CHERITA PASAL PENGADANG

deka bisi pengadang.

Nuan nadai agi ngembuan pengidup ti nadai pengujung tauka nadai guna.

Pemendar ia, kaul kitai enggau Allah Taala endang udah berengkah diatu, maya kitai ti idup tu.

Nyadi Kristian tu ukai reti nya penusah nuan lalu lenyau magang tekalanya. Nuan agi mengkang deka betempuh tauka begelut enggau mayuh penguji dalam pengidup nuan tiap hari di dunya ti dibalut dosa tu. Tang diatu pengidup nuan udah berubah: Nuan udah ulih betempuh enggau semua penanggul tu ulih tulung Allah Taala, laban Iya udah besamaya diau enggau nuan, idup dalam ati nuan. Nuan ulih datai ngagai Iya minta tulung sebarang maya enggau endur, lalu Iya deka nyereta nuan dalam pejalai pengidup nuan, ti alai Iya deka meransang, ngeringka, nangkan enggau nulong nuan awakka nuan nyadi orang ti nitih serta ti dikedekaka iya. Nuan diatu oleh bepanggai ba Allah Taala ti ngaga dunya lalu Iya mega endang mengkang nguasa semua utai ti nyadi.

Reti nya nuan deka bisi pengadang. Nuan nadai agi ngembuan pengidup ti nadai pengujung tauka nadai guna, laban pengidup nuan diatu tejamin lalu nuan deka nuju samaya ti endur nuan bulih pengidup ti meruan sepengudah pemati tubuh segenda nuan tu.

Na ma Reti T u Ba Nu a n

19

NGAMBI PENGAWA KETERUBAH

20

CHERITA PASAL PENGADANG

>

Kati nuan udah besedia deka nitihka Jesus?

Enti nuan udah sedia, tama nuan ngagai endur ti sunyi ti alai nuan oleh madah kediri ngagai Allah Taala, ianya nuan deka nerima pemeri Iya ti ngampun nuan nengah nuan ti arapka Jesus nya Anak Iya ti udah matika nuan datas kayu regang lalu udah angkat idup baru, lalu nuan sedia nerima Iya nyadika Tuhan enggau Penyelamat nuan. Allah Taala tu selalu deka ningaka kitai, nuan semina bejaku ngagai Iya baka Iya ti betunga mua enggau nuan. Enti ulih giga nuan siku pangan Kristian awakka bisi besampi enggau nuan lalu nyadika saksi nuan.

Dibaruh tu leka sampi ti tau meri teladan ngiring nuan besampi ; ia ti beguna nya ati nuan—enggau pengelurus ati nuan ti bendar—laban nya utai ti pemadu ia dikedekaka Allah Taala.

Allah Taala, aku nemu, aku tu udah bedosa ngelaban nuan.

Aku arapka Jesus nya Anak Nuan, Iya ti udah mati datas kayu regang mayar samua ukum dosa aku, Iya udah angkat idup baru ari mati lalu tu nanda Iya amai udah mayar ukum dosa aku.

Diatu aku nerima pemeri nuan ti ngampun dosa aku serta meri aku pengidup meruan.

Aku nerima Jesus nya pemeri nuan ti nyadi ke Penyelamat aku, lalu aku deka nitihka iya.

Ng a mbi Pen g a wa Keter u ba h

21

PENGAWA NANGKANKA TU >

22

CHERITA PASAL PENGADANG

Udah tembu nuan nyebut sampi ti di atas nya, nuan patut ngepunka pengidup baru bekaul enggau Allah Taala lalu tumbuh mansang dalam kaul nya. Kami merambuka nuan ngereja pengawa baka ti di baruh tu: Enti nuan mengkang bepikir sekalika nuan deka arapka Jesus, anang irau. Kami meransang nuan ngiga mayuh agi penemu pasal Allah Taala enggau Jesus, awakka nuan berasai nyamai ati enggau pemutus nuan. Pia mega nuan tau ngereja pengawa ti di baruh tu, awakka oleh nulung nuan nemu lebih agi pasal Allah Taala.

Berengkah Nemu Besampi. Nuan ti udah nyadi anak Allah Taala, tau berandau enggau Iya sebarang maya. Iya semampai deka ninga, lalu Iya rindu deka berandau enggau nuan. Nuan tau madah enggau iya pasal penusah, penakut tauka utai dipeguna, lalu nuan mega tau bekunsika pengirau enggau pengaga nuan. Atur awak alai nuan tau berandau enggau Allah Taala tiap hari, udah nya baru nuan majak semak enggau iya.

Berengkah Macha Bup Kudus. Bup Kudus tu berita Allah Taala ngagai dunya, lalu iya ngembuan samua utai ti diasuh Allah Taala temu kitai, nyengkaum pasal penyelamat enggau gaya Iya dekaka kitai idup nyadi anembiak Iya ti udah diampun. Nuan mega tau begunaka tulung pasal chara macha enggau meretika Bup Kudus. Betanya ari orang Kristian tauka gerija, bakani chara berengkah macha Bup Kudus.

Berengkah Datai Ka Gerija. Reti nyadi orang Kristian, nuan tau begulai enggau raban sida ti udah arap ti sama pengarap enggau pengadang dalam Jesus, laban nya tau ngasuh nuan teperansang begulai enggau sida, pia mega nuan sama tau meransang sida lebuh nyembah Allah Taala lalu belajar bebendar agi pasal Iya. Samua kitai tu orang bedosa ti udah diampun, bejalai sama nengah jalai pengarap nya enggau Jesus. Nya alai, uji datai ngulai raban gerija. Tanya pangan ti sama Kristian awakka iya tau mai nuan datai ngagai gerija.

Pen g a wa Na n g k a n k a T u

23

Ingin lebih mengenal Tuhan?

Bacalah firman-Nya dengan bantuan renungan Pedoman Harian.

Pilihlah media yang sesuai bagi anda.

CETAKAN

E-MEL

APLIKASI

Dijual pada harga sudsidi.

Menerima e-mel secara harian.

Our Daily Bread/Pedoman Harian di Android & iOS.

JOHOR: No. 7, Jalan Seroja 41, Taman Johor Jaya, 81100 Johor Bahru, Johor.

(07) 353 1718 (07) 353 4439 012-3371718 orders@dhdmalaysia.com SABAH: Seminari Teologi Sabah, Tingkat 2, Bangunan Pentadbiran, 26, Jln Pinggir, Off Jln Istana, 88400 Kota Kinabalu, Sabah.

(088) 212912

http://pedomanharian.org/pengedar-bahan-bahan/

pedoman.harian/

pedomanharian.org