Карпошанецот Тео со бројни награди на велосипедски трки
ИДНИОТ ВЕЛОСИПЕДИСТ НА „ТУР ДЕ ФРАНС“ Одличниот осмоодделенец, Тео Вронделиев, од ООУ „Вера Циривири Трена“, од своите шест години активно вози велосипед. Интензивно, веќе три години, Тео професионално се занимава со велосипедизам, учествувајќи на голем број на велосипедски трки, на кои освоил голем број награди. Карпошанецот Тео е победник на Државното ридско првенство „Кривогаштани- Крушево“ во категорија до петнаесет години, освојувајќи го златниот медал. Тео се закитува со сребрениот медал на Државното првенство хронометар „Ваташка меморија“, и исто така го освојува второто место на турнирот „Трофеј Илинден“ организиран од Општината Илинден со организација со Велосипедската федерација на Македонија. Тео Вронделиев е член на велосипедскиот клуб „Мадал бал“. Од каде се роди љубовта кон велосипедизмот? -Активно почнав да возам велосипед од моите шест години. Може да се каже, дека еден наш семеен пријател ми ја всади љубовта кон велосипедизмот, но, како минуваа годините, јас се повеќе активно и професинално почнав да се занимавам со велосипедизмот. Ако на почетокот стануваше збор за детско хоби, денес можам да истакнам дека велосипедизмот е моја љубов, а во иднина и професија.
28
КАРПОШ УРБАН • БРОЈ 59 • ЈУЛИ 2017 • ОПШТИНА КАРПОШ