Yanyan Komiks Issue 21

Mga mahal kong munting Muntinlupeño, magulang, at mga guro,

Mula pa noon, layunin natin na ang bawat bata sa Muntinlupa, ay nagaaral, lumaking malusog, at mayroong magandang asal.

Sa isyo na ito, binibigyang diin ang kahalagahan ng mabuting asal sa mga batang Muntinlupeño tulad ninyo. Kaya naman, basahin ninyong mabuti ang kuwento nina Munti at Jimboy at iba pang laman ng komiks na ‘to dahil siguradong may matututunan kayo.

Makikita n’yo rin dito ang ilang mga programa ng lokal na pamahalaan. Halimbawa nito ang Womb to Work Program kung saan sinusuportahan ang mga kabataan sa iba’t-ibang yugto ng kanilang buhay - mula bago ipanganak hanggang sa magkatrabaho.

Ang paalala ko sa mga batang magbabasa ng komiks na ‘to - mahalin ninyo ang ating bansa at ang Muntinlupa, sumunod sa mga magulang, mga titser, at batas, pangalagaan ang kalusugan at mga sarili, at mag-aral nang mabuti.

Sa mga magulang at mga guro, pagtulungan natin ang pagsiguro sa magandang kinabukasan ng ating mga kabataan.

Mayor Ruffy B. Biazon

Ang inyong Kuya Ruffy

ANO ANG WOMB TO WORK PROGRAM?

Ang Womb to Work Program ay naglalayon na tiyaking may malusog na pangangatawan at maayos na mental na kalusugan, may akses sa edukasyon at may mabuting asal ang bawat Batang Muntinlupeño sa pamamagitan ng mga serbisyo ng lungsod ng Muntinlupa. Ang layunin ng Womb to Work

ay:

• Siguraduhing mabigyan ng serbisyo ang mga batang nangangailangan sa pamamagitan ng iisang database

• Magkaroon ng malinaw na target ang bawat ahensya sa pamamagitan ng mga indicators at participatory feedback mechanism

• Magkaroon ng kolaborasyon ang lokal na pamahalaan, CSO, NGOs at business sector

• Gumawa ng advocacy campaign para sa pag-unlad ng mga bata

BAHAGI NG WOMB TO WORK PROGRAM

UNANG BAHAGI

Gabay Pangkalusugan (Pagbubuntis hanggang 2 taong gulang o FIRST 1,000 DAYS)

STAGE 1: Pagbubuntis

STAGE 2: 0 hanggang 6 na buwan gulang

STAGE 3: 7 na buwan hanggang 2 taon gulang

IKALAWANG BAHAGI

Gabay Pagpapakatao (2 taong gulang hanggang Grade 6)

STAGE 4: 2 hanggang 4 na taong gulang

STAGE 5: 5 taong gulang hanggang Grade 6

IKATLONG BAHAGI

Gabay Panghanapbuhay (Junior High School gulang hanggang employment)

STAGE 6: Junior High School

STAGE 7: Senior High School

STAGE 8: Employment

PAALALA SA MGA BUNTIS AT BAGONG INA

Ang paghahanda sa kinabukasan na pinapangarap para sa inyong mga anak ay sa pamamagitan ng pagrehistro sa Womb to Work Program at pagsagawa ng mga sumusunod:

• Siguraduhing magpa-check-up sa health center sa panahon ng pagbubuntis

• Panganganak sa opisyal na health facility

• Pagpapabakuna at pagpapa-check-up ng sanggol

• Pagdalo sa oryentasyon ng Family Planning

• Pagdalo sa mga pagsasanay at oryentasyon na handog ng Womb to Work na programa

SINO ANG MAAARING MAGPAREHISTRO SA PROGRAMA SA UNANG BAHAGI?

BUNTIS AT BAGONG PANGANAK MGA BATA

• Lahat ng nais magfill-up ng form

• Nakatira sa ‘di sariling paninirahan

• Kabuuang kita ay nasa o mas mababa sa minimum wage

• Kakulangan sa akses sa kalusugan at nutrisyon na serbisyo

• Solo parent

• May malubhang karamdaman ang miyembro ng pamilya

• Nutritionally at risk

• Katutubo, magsasaka, at mangingisda

• Nakatira sa ‘di sariling paninirahan

• Kakulangan sa akses sa kalusugan at nutrisyon na serbisyo

• Solo parent

• May malubhang karamdaman ang miyembro ng pamilya

• Nutritionally at risk

• Katutubo, magsasaka, at mangingisda

• Ulila, inabandona, at pinabayaang mga bata

• May kapansanan

• Hindi pumapasok sa paaralan

Kaagapay ng mga buntis at bagong ina sa Womb to Work ang mga momshies patrol sa komunidad!

Ako ay iyong Momshies Patrol! Handang tulungan ang mga pamilya upang masigurado ang maayos na kalusugan, akses sa edukasyon at mabuting asal sa mga komunidad sa Muntinlupa. Nanay, tatay, bata ako ang iyong kaagapay!

R18

Ang Responsible 18 o R18 ng Muntinlupa City na nasa ikatlong bahagi ng Womb to Work Program ay ang kauna-unahan at natatanging selebrasyon sa Pilipinas para sa mga kabataang edad 18 o magiging 18 pa lamang na ginaganap tuwing buwan ng Pebrero. Sa ginanap na selebrasyon ng R18 ngayong 2023, mahigit 5,000 kabataan ang dumalo ng oryentasyon sa karapatan at responsibilidad ng mga kabataang edad 18, usaping tungkol career guidance, isyu ng teenage pregnancy at concert para sa mga kabataan kasama ang bandang Mayonnaise!

MUNTINLUPA READERS BOOK CLUB

Ang Pilipinas ay isa sa may pinakamababang marka sa reading comprehension sa ginanap na Program for International Student Assessment kalahok ang iba-ibang bansa noong 2022. Bilang tugon, sinimulan ng City Government ng Muntinlupa ang Muntinlupa Readers Book (MRB) Club upang umikot sa mga komunidad at tutukan ang pagkakaroon ng kultura ng pagbabasa sa Muntinlupa at pagpapaunlad ng karunungang bumasa ng mga Muntinlupeño. Ang MRB Club ay isa sa mga inisyatibo ng ikalawang bahagi ng Womb to Work Program na ginaganap tuwing Sabado sa iba-ibang barangay sa Muntinlupa. Ang mga dadalo ay makakatanggap ng MY Points na bahagi ng programang Make Your City Proud (MYCP). Maaari ring magvolunteer sa MYCP upang maging storyteller. Ang MRB Club ay bahagi ng Womb to Work Program. Para magvolunteer, iscan ang QR code o magtungo sa Explore Muntinlupa page.

GABAY PANGHANAPBUHAY I-SHARE KAY NANAY AT TATAY!

Magkakaroon na ng Gabay Panghanapbuhay na ikatlong bahagi ng Womb To Work Program ang Muntinlupa! Ilan sa mga serbisyong dapat abangan ay ang sumusunod:

- Muntinlupa Job Portal para sa bawat Muntinlupeño

- Regular na Career Guidance Sessions sa mga estudyante at magulang

- Immersions sa mga businesses at iba-iba pang mga industriya

- Mga kurso at trainings angkop sa nais na trabaho ng estudyanteng Muntinlupeño

- At marami pang iba...

Abangan!

MYCP:

Ang Make Your City Proud o MYCP ay programang para sa mga boluntaryo ng Muntinlupa na may puso para sa bayanihan sa komunidad. Sa MYCP, ang bawat boluntaryong gawain ay may katumbas na Munting Yakap (MY) points na maaaring ipalit sa bigas, itlog, manok at mga voucher mula sa Jollibee, Max’s, Pancake House at marami pang iba.

Ang bawat points ay may katumbas na voucher mula sa iba’t-ibang kompanyang sumusuporta sa MYCP, ito ang katumbas ng points na iyong makukuha:

Para mag-register, i-scan ang QR code na ito:

Mula kay Dra. Carleen Sedilla

Tips Kung Paano Sa Bahay MAPAPABASA ang mga BATA

Magkaroon ng takdang-araw at oras upang magbasa nang magkasama ang mga miyembro ng pamilya.

Pumili ng isang babasahing batay sa interes at kakayahan ng mga bata. Mas mabuti kung malapit sa kaniyang karanasan bilang bata.

Pag-usapan ang nilalaman o detalye ng binasang babasahin. Magbigay ng sariling repleksyon o reaksyon sa binasa at ang kabuluhan nito sa kanilang buhay.

Sikaping magkaroon ng talaan ng mga natapos na babasahin upang maging inspirasyon sa patuloy na pagbabasa.

At higit sa lahat, mapananatili ang kawilihan sa pagbabasa ng mga bata kung nararamdaman nila na pinahahalagahan din ng kaniyang mga magulang (o mga kasama sa bahay) ang pagbabasa.