Elkarrizketa
TURISMOAREN ARRAKASTA BALIOKO IRIZPIDEEKAZ NEURTU BEHAR DA ETA EZ BOLUMENEKO IRIZPIDEEKAZ JONATHAN B. TOURTELLOT Society-ko Jomugen Kudeaketa Zentroko zuzendaria Tourtellot-ek Geoturismo kontzeptua sortu dau eta Geoturismoko Gutunaren sortzailea da. Azken hau, mundu guztiko jomuga ezberdinen talde batek hartutako kudeaketa irizpideen bilduma da. Kazetaria, editorea, hizlaria eta kontsultaria. National Geographic Society-ko Jomugen Kudeaketa Zentroa zuzentzen dau. Zentro honen helburuak munduko gune enblematikoak babestea, modu inteligentean kudeatutako turismoaren alde egin eta jomugei aholkularitza eskeintzea dira. Bere ibilbidean, hiru hamarkadetan, “National Geographic Books” eta “National Geographic Traveler” aldizkarien editore nagusia izan da, geografia, ingurugiroa, bidaiak eta zientziari buruz idatziz.
12 urdaibai
magazine
J
onathan B. Tourtellot National Geographic Society-ko Jomugen Kudeaketa Zentroko zuzendaria alkarrizketatu dogu. Bera Geoturismoaren definizioa eta Geoturismoaren Gutunaren sortzailea da. Turismo jasangarria eta integratzailea, lurralde bateko sektore guztiek bat egiten daben zeharkako jarduera lez ulertuta. Turismo horrek sektore guztien artean banatzen dauz etekinak, turista “bidaiaria” bilakatuz.
UM: Zeintzuk dira gaur egun turismoko erronkak mundu-mailan? JT: Masifikazioa, aldaketa klimatikoa eta erabakiak hartzeko orduan turismoa salerosketa industriala eta diruko transakzinoa bezala estimatzen dauen pentsaera bat. Azken honek ez dauz kontutan hartzen jomugen kalidadea eta izaera, turismoak honen esku dagoen arren.