VËLLAZNIMI I GJAKOVËS
Vëllaznimi gjithnjë kuqezi Për historikun e Vëllaznimit më së miri do të na rrëfejë pionieri i hendbollit gjakovar, prof. Ismail Berisha, i cili tani e gjashtë dekada është ende aktiv, dhe njeriu i cili frymon me hendbollin gjakovar. Përmes një dialogu në vazhdim do të kuptoni më shumë për Vëllaznimin dhe hendbolllin gjakovar. 1. Cilët janë themeluesit e Klubit të hendbollit Vëllaznimi? Ismail Berisha: “Në pushimet verore të vitit shkollor 1954 - 1955 në poligonin sportiv të gjimnazit “Hajdar Dushi”, të tubuar spontanisht, një grup entuziastësh të hendbollit zhvilluan një ndeshje mes dy grupeve me moshë dhe forca të pabarabarta. Loja ka filluar pa gjyqtar, prandaj edhe shumë shpejt përfundoi, për të mos ndodhur ndonjë incident i papritur. Grupi, që e organizoi këtë takim, përbëhej nga dy studentë të kulturës fizike, Ismail Berisha dhe Shemsedin Deva, disa nxënës të gjimnazit “Hajdar Dushi”, si: Skënder Stublla, Avni Ferizi, Fatmir Rizvanolli, Rexhep Vula dhe disa nxënës të shkollës normale të Prishtinës, nga Gjakova: Nesim Vala, Bedri Kabashi, Naser Kabashi, etj. Në këtë grup ishte edhe Danjoll Grezda. Andaj, lirisht mund të them se nismëtarë të parë të themelimit të klubit të hendbollit Vëllaznimi janë: profesor Ismail Berisha, Shemsedin Deva, Danjoll Grezda, me shumë shokë të tjerë nga Gjakova”. 2. Cilat janë rezultatet e klubit hendbollistik Vëllaznimi gjatë viteve 1948 -2005? Ismail Berisha: “Klubi i hendbollit Vëllaznimi për këtë periudhë ka bërë gara në shumë liga të ish-Federatës jugosllave, andaj rezultatet jepen në dy kuptime; për kohën kur ka bërë gara në ligën e Kosovës dhe për kohën kur ka bërë gara nëpër liga të ndryshme të ish-Federatës jugosllave”. Periudha 1955-1959 ka kaluar pa gara në sistem lige, andaj edhe nuk janë edhe aq interesante rezultatet e arritura në ndeshje miqësore, turne, etj. Kampionati i parë zyrtar në hendboll të vogël ka filluar në vitin 1959-
210
1960. Prej vitit 1960 deri në vitin 19901991 Vëllaznimi ka qenë 9 herë kampion i Kosovës, 3 herë fitues i kupës dhe 6 herë ka marrë pjesë për hyrje në rang më të lartë të hendbollit ish-jugosllav. Vëllaznimi kampion ishte në stinorët: 1961-1962, 1962-1963, 1968-1969, 19701971, 1976-1977, 1978-1979, 1982-1983, 1984-1985 dhe në stinorin 1987-1988. Ndërsa kupën e ka fituar në vitin 1962, në vitin 1963 ka arritur deri në të tetën e finales dhe në sezonin 1995-1996. Vëllaznimi në kualifikime ka marrë pjesë në vitin 1962, 1963, 1970, 1979, 1983 dhe në vitin 1985, por pa sukses. Turneu i parë është mbajtur në vitin 1962 në Gjakovë, ku kanë marrë pjesë: Vëllaznimi i Gjakovës, Cërvenka e Vojvodinës, Sinxheliqi i Beogradit dhe Slloga e Uzhiçka Pozhegës. Rezultatet e Vëllaznimit në këtë turne ishin: Vëllaznimi - Cërvenka 19:32, Vëllaznimi - Singjiliqi 12:12 dhe Vëllaznimi - Slloga 19-17. Pra, në këtë turne Vëllaznimi zuri vendin e tretë dhe nuk u kualifikua për një rang më të lartë garash. Në vitin 1963 në kualifikimet për një rang më të lartë Vëllaznimi u takua në dy ndeshje me Hajduk Velkon e Negotinit. Në Gjakovë Vëllaznimi- Hajduku 19:19, para tre mijë shikuesve. Në Negotin, Hajduku - Vëllaznimi 26:15 (1523). Vëllaznimi këtë ndeshje e zhvilloi i përforcuar me Faruk Begollin (portier), Ruzhdi Kolshin nga Prizreni dhe një hendbollist i kombësisë serbe. Pjesën e parë Vëllaznimi ishte ekip shumë i dobët, ndërsa në pjesën e dytë ishte ekip i barabartë me Hajdukun. Vëllaznimi për këtë periudhë ka bërë gara 14 vjet në ligat e ndryshme të ish-Jugosllavisë, me përjashtim të një rasti (1977-1978). Vëllaznimi nuk ka rënë nga asnjë rang i garave, por ndërrimet e shpeshta të sistemit të garave në hendbollin ish-jugosllav kanë bërë që skuadra të bëjë gara në disa rangje. Në stinorët 1964 - 1965, 1965 – 1966 dhe 1966 - 1967 Vëllaznimi ishte anëtar i Ligës së Serbisë - Grupi i Jugut. Në këtë grup qëndroi