ACTIVIDADES BIBLIOTECA/ CENTRO DE DOCUMENTACIÓN
n Horario: de martes a venres, de 11.00 a 14.00 e de 16.00 a 20.00 n Acceso gratuíto pola entrada posterior do museo, rúa Progreso n Consta de 32 postos de lectura, 8 equipos informáticos , servicio wi-fi e dúas salas anexas de audiovisuais. n Servizo de lectura en sala, non hai préstamo domiciliario n Acceso web ao catálogo bibliográfico a través de www.marcovigo.com
No seu segundo ano de existencia, a Biblioteca/Centro de documentación do MARCO tense consolidando como servizo, aprendendo das necesidades e expectativas dos nosos usuarios, e tentando ser un vehículo de transmisión de coñecementos da arte dos nosos días e moi especialmente das actividades expositivas do museo. Este ano cómpre salientar a crecente aceptación dos servizos dixitais: o aumento na demanda dos boletíns electrónicos e, a partir de novembro, a incorporación de potentes equipos informáticos á altura dos requirimentos técnicos da investigación artística mediante recursos en liña. A biblioteca tradicional xa convive coa dixital, e proximamente seremos testemuñas da expansión desta última sen que deixe de existir a primeira. Como resumo das actividades da biblioteca cómpre distinguir dous ámbitos de actuación, un interno como centro de documentación e outro externo, como biblioteca.
MUSEO DE ARTE CONTEMPORÁNEA DE VIGO MARCO | 79