ISSUE NO.10 (2018 SUMMER EDITION)
曼言
自介（ahem）。 我叫Alan，男，19歲，讀 Accounting and Finance，今屆ManPASS嘅President。身 高剛剛好沒有180，體重就不多說了，總之就是一塊 BMI 超標的肥美小 鮮肉（吐）。平素除了食玩訓，還喜歡唱歌、玩 drama、煮飯（例如 indomie ）等等。有正經一些的嗜好嗎，你問；也有，舉例說做童軍、留意中外時 事、做社區服務。 我們全名是 The University of Manchester Hong Kong Public Affairs and Social Services Society。不用管，太長了，反正就是有兩個重點：Public Affairs 和 Social Services。PA 指時政。當初還小的時候就覺得時政挺悶的，總覺事不 關己；人大了，就明白社會實在有太多環環相扣的地方，影響著自己的 現在與未來。ManPASS 有一些有關社會及中外政治議題的workshop和活 動，好讓我們遠赴英國時仍不忘與香港，社會，甚至世界繫縛著（嘩）。 SS 顧名思義，就是社會服務。當童軍當了七年多，每一年做 service，也 會接觸到不同低下階層的人士。我到過大坑探訪獨居長者，到過 南昌街為露宿者派飯，到過廣西探訪孤兒院。而結論是，世上實 在有太多比我們欠運氣的人（哭）。在香港地做「香港仔」 ，物質富裕，家裡負擔得起送我們負笈英國。你隨便問問 旁邊的人這刻想要甚麼，答案或許會是電話電腦電結 他電甚麼的。其他人呢？或許他們只是想要身體健 康，要三餐溫飽，或者簡簡單單一個家庭。這些 對我們來說必然的東西，對別人來說也許不然 （再哭）。ManPASS 一年有幾次 charity sale，暑 假和寒假分別在香港會有社區服務，讓我們當 學生的也能為社會盡一份綿力（笑）。 【曼言】系列是我們的拙作，第一篇就是一份 簡單的曼城攻略，希望能幫你解答有關新生活 的疑難。在 UoM 你們會參加我們 PA 和 SS 的 活動（會架可？？？！！？！），認識一大群 新朋友，幫助你適應英國生活。而你的第一群 摯友。。。希望是我們吧！ 歡迎來到 UoM 和 ManPASS 的大家庭（哈）！ -Alan 2
目錄 About ManPASS............4 過往活動...........................6 入U攻略...........................8 曼城速成班................10 住宿...................................12 吃喝...................................14 玩樂...................................18 時事專題.......................20 來年預告......................24 贊助....................................26
3
曼徹斯特公共事務暨社會服務學會(MANPASS)於2012年成立，是 英國曼徹斯特大學屬下的學生團體之一。我們希望增加同學對 亞洲及世界各地時政的關注度，以及透過義工服務，鼓勵同學 多參與社區活動。
學會使命
學會目標及使命為增加學員對以下的認識： 1. 香港及中國內地的宏觀經濟發展，尤其著墨於兩地正在 加 緊的政經交流與合作； 2. 《基本法》底下「一國兩制」及「高度自治」概念的歷史背 景及現階段發展； 3. 香港的社會狀況和針對不同界別之政策，包括：環境保護、 教育、勞工、出入境、交通、醫療與公共衛生、社會福利及城市規 劃。
HKPASS
香港公共事務暨社會服務學會(HKPASS)在英國知名大學當中擁 有廣大的網絡，包括劍橋大學、倫敦經濟及政治科學學院、華威 大學等等，為在英留學的香港學生提供學術交流的渠道。
4
President Alan Tsang Accounting and Finance
Volunteering Director Dickson Yu Civil Engineering
Finance and Administrative Director Hillary Hui External Vice President
Civil Engineering (Enterprise)
Gabriel Ho Accounting and Finance
Public Relations Director Thomas Man Electrical and Electronic Engineering
Internal Vice President Joseph Ting Biomedical Science
Events Director Pianka Lam Psychology
5
過往活動
6
7
入U攻略
入U要準備D咩? 肺結核測試 (Tuberculosis Test) 去英國前第一樣野要做就係”照肺”,大家唔洗驚住唔係俾人鬧:D,而係 去做肺結核測試。大家一定要去英國內政部核准的診所進行測試。以 下呢4間就係診所嘅contact: 聯合醫務保健中心(香港) 香港中環德輔道中 71 號永安集團大廈 1401 室 電話 : (852) 39508888 九龍尖沙嘴東麼地道62號永安廣場10樓07室 電話 : (852) 39508888 聯合醫務保健中心(佐敦) 九龍佐敦彌敦道238號15樓 電話 : (852) 39508888 卓健醫療 - 惠豐中心 九龍旺角彌敦道664號惠豐中心8樓 電話 : 8200 8825
去測試之前最好打電話查詢預約先，而做測試前就帶passport同埋幾百 蚊作為測試費用。測試結果大約一個星期就可以有。
Visa事項 照完肺，就可以網上預約申請英國visa，記得係揀Tier 4 (student)嘅visa 完成預約後,就帶齊錢(around hkd2000)，passport，網上簽證申請表並簽 名，肺結核測試證書，bank statement，CAS letter，個人照等等一切所需 嘅文件，所有文件最好有齊正副本，先好去簽證申請中心： Room 1502 Leighton Centre 77 Leighton Road Causeway Bay Hong Kong (MTR Exit A) 香港銅鑼灣禮頓道77號禮頓中心 1502 室(港鐵銅鑼灣站A出口) 辦工時間： 星期一到星期五，假日除外： 提交簽證申請需要預約 領取簽證結果時間從8.00到15.00 而visa則可以揀普通證同快證 普通證一般需要幾個工作天至14個工作天不等 快證就需要多付數百元，但係會優先安排處理
8
機票事項 處理完Visa後就可以買機票，而機就越早 買越平，小編平時就搭開Emirates，UK留學 生有Student fare，可以將Baggage allowance upgrade到45KG，而回程就可以免費改期， 不過要注意嘅係呢個優惠只限由香港出 發英國嘅來回機票。 而各位家長唔想子女轉機，舟車勞頓的 話，可以買Cathay Pacific嘅direct flight機 票，會由香港機場直飛去Manchester嘅機 場，需時大約11-12小時。
Police registration 點算好? 首先你要係my manchester嘅my learning到 預約,個appointment會同你講需要帶咩嘅文 件,poli reg嘅地點,£37嘅手續費(記係要用卡 俾,唔接受現金),同埋有一張form要填寫,記 住係預約當日帶個張已填寫嘅form同埋 passport,按時去到完成手續就搞掂喇！
Bank account點樣開? 首先你要去學校嘅student service centre 拎一張school letter同埋去銀行到book appointment,帶passport,school letter,地址證明, 去到預約嘅時間辦理手續就可以開一個 Bank account同埋申請 credit/debit card.
9
曼城速成班 Deansgate and Castlefield:
都係有好多好正嘅餐廳 呀，不過幾乎全部嘅餐廳 都係西餐，去到英國點可 以成日都食中餐，咁同你 留係香港有咩分別呢？同 埋有條細橋同河係附近， 睇下夜景都唔錯架。
Deansgate Spinningfield
City Center
Albert Square
Chinatown
Albert Square: 有一個大嘅
Castlefield
噴水池同埋教堂。係附近 又有更多好餐廳，同埋都 好近 China Town呀！
交通: 係曼徹斯特最主要嘅交通工具有幾種，包括：
巴士 (Bus) : 同學如果住得離學校比較遠，可以購買一個一年任搭 嘅bus pass，購買嘅地點有好多, 有某D Hall 會有售票處，或者 Student Union 都可以買到。如果只係想一程或者一日嘅巴士，可以上到巴士 同司機講你要去邊，或者講要 One Day Ticket 再比錢就可以啦。 火車 (Train): 如果大家想去其他嘅城市參觀下, 最方便快捷嘅方法 一定係坐火車。如果去 Liverpool 或者 Leeds 大概需時一個鐘, 去 London 大概需時兩個半鐘。 小建議： 下載兩個 App（Trainline, National Rail） 可以查詢班次同價錢。
電車 (Metrolink) :
價錢會比巴士貴少少，但係可以去到嘅地方比 較多，尤其係曼市外圍嘅地區，好似 Altrincham，Bury，Didsbury 等等。
長途巴士 (Coach) : 如果大家覺得搭火車比較貴，但係又好想出 去遠少少嘅城市行下嘅話，Coach 無疑係你嘅最佳選擇。佢嘅車飛比 較平，但係相對坐嘅時間就比較耐，就好似去 London 要大約五個鐘。 單車: 如果唔想行但係又唔想搭車，可以租共享單車，曼徹斯特嘅馬 路上都有單車專用線，唔駛擔心安全嘅問題。 你對腳:
做下運動，行番學校，對身體同你嘅荷包都好呀！同埋曼 市D路好靚好舒服，唔經唔覺行左九個字都唔覺架！一落機點算好?
10
Northern Quarter: 成個 Area 有形形色色嘅小店，咖啡室， 仲有一個比較出名嘅室內市 場（Afflecks），餐廳質素都唔 錯。
Northern Quarter China Town: 一個麻雀雖小， 五臟俱全嘅中國城。同學仔可 以係入面搵到大量嘅亞洲餐 廳同埋亞洲超市，如果你地有 Foodsick， 或者好懶唔想自己 煮，都可以去 China Town 買外 賣。係某D中國嘅大型節日，例 如農曆新年，都會舉行大型嘅 慶祝活動。
Picadilly
由機場去到宿舍嘅方法有幾個:
火車(Train): 出左機場後, 去對面嘅火車站搭火車, 去到售票處嘅 時候買去 Manchester Piccadilly 或者 Manchester Oxford Road 嘅火車飛就 可以去到市中心啦。搭火車係一個比較平嘅方法， 價錢大概係 £4-8 ， 但係對於第一次黎曼大嘅你地，小編就唔太推介呢個方法， 始終 人生路不熟。 的士(Taxi):
可以直接搭機場出面嘅黑的士， 呢個會係最貴嘅方 法。小編係到建議大家可以係尼之前係電話下載 Gett App 或者 Uber App， 攞完行李就可以經呢兩個App訂車番住所。 Uber 嘅價錢通常會 比較平， 但係都會有例外嘅時候， 所以都係建議兩個 App 都下載左 先， 到時候再作比較。
巴士(Bus): 係機場有大量嘅巴士可以去到唔同嘅地方。以下嘅網頁 可以比你地去參考，價錢大概係 £2-£3 一程：http://www.manchesterairport.co.uk/getting-to-and-from/by-bus/ 想去校區可以搭43號巴士，但係車程就比較耐，繁忙時間要兩個鐘先 到Main campus。
11
住宿
係Manchester住宿大致上有三樣選擇，分別有school hall，private hall，private house 同 apartment。讀ENGINEERING嘅各位同學要注意嘅就係，你地係被 流放嘅一群，返學嘅Building會係North campus，所以租樓時揀M1區會比 較方便返學。
學生宿舍： 大部分都係UoM的新生， Welcome Week 會有迎新活動價錢比較相宜， 有些宿舍（catered halls）也提供早晚餐，唔使自己煮（星期六日除 外）周不時會搞一些活動比學生互動一下 有些宿舍比較舊，設施唔係好完善一旦派到較遠嘅hall，出入會冇咁方 便（尤其是Fallowfield campus） School hall就可以去UoM嘅E-Accommodation到apply: http://www.accommodation.manchester.ac.uk/
Private Hall: Private hall就有Liberty Heights, Parkway Gate, Vita, Piccadilly Point, Nick Everton , Liberty Living等等。 由連鎖公司經營，質素有保證，亦唔駛擔心保安問題有些hall係新起 的，設施都好新淨大部分private hall 都係位於大街旁，交通非常方便視 乎價錢，提供的服務也比較多 價錢相對學校宿舍比較貴有機會同其他學校嘅學生住同一個flat，可 能同其他宿友不會太熟
Private house 同 apartment: Private house 同 apartment 就需要搵agent,自行租，通常租約都係12個 月，但係可以問landlord可否租10個月。不過小編就唔太建議大家第一年 就租樓住，始終人生路不熟，同埋水電煤單要自己handle。 第一年，好多同學都會揀住學校宿舍。如果咁唔好彩，你唔中意學校 派比你間hall，以下有幾間幾靚嘅private hall可以比你地睇下架！
12
Parkway Gate (50 Chester Street, M15 6JH) 離大街Oxford Road大概兩分鐘步行距離。非 常近市中心，步行至學校大概需時10-15分 鐘。獨立洗手間，與3-4人共用廚房。能夠使 用clubhouse裡所有設施，當中包括桌球臺(pool table)。 價錢：£159-189/week
IQ Wilmslow Park (211 Hatherage Road, Rusholme, M13 0JQ) 10分鐘內可以步行到大部分學校課室。距離市區有 一段距離。宿舍裡仲有好多設施比學生使用。好多來 自其他國家的學生也會選擇呢到！ Gold-Platinum Ensuite 擁有獨立的洗手間同埋共用廚 房。Cubhouse，裡面有不同娛樂設施，讓學生有一個舒 適的社交環境。同時亦設有健身房。 價錢：£173-180/week
Vita Student Manchester Circle Square (Oxford Road, Manchester City Centre, M1 7ED) 近學校，近市中心，十分豪華舒適，也十分安全。樓 下就是大街，房間也很寬敞, 還有多種服務提供。 有人定時為你打掃，平日提供打包早餐。房間裡設 有自己的洗手間，電視以及廚房。在地下就有一個 龐大的social hub 給學生認識其他住客。 價錢： £250 onwards/week
Liberty Height (1 Great Marlborough Street, M1 5NR) 非常近市中心，同時離學校也不是太遠，附近 有超市供學生買日常用品以及食物。 獨立洗手間以及共用廚房。擁有健身房和social area 給學生一個機會認識其他住客。 價錢：£164 onwards/week
13
吃喝
昇龍 (Shoryu)
突然之間好想食拉麵但係又唔知去邊，咁就要拜訪 呢間位於city嘅日本餐廳啦。雖然冇得比你揀麵嘅軟 硬度，亦都冇得比你揀湯嘅濃度，但係佢擁有令人 食極都唔會厭嘅魔力，係manchester首屈一指嘅拉麵 店。
Ban di bul
點樣可以係manchester 都感受到韓國嘅文化，就係 黎食呢間位於city centre 同china town 之間嘅韓式 餐廳。 除左有經典嘅韓國美食之外，仲有得食韓燒 添，仲等？快啲約埋班friend一齊去食啦！
Five guys
係英國仲食McDonald’s 同Burger King？不了。黎到外國 點都要試下Five Guys。佢有任揀toppings 嘅hot dog 同 hamburger ，仲有任揀口味嘅milkshake，拼砌出一個獨 一無二專屬自己嘅happy meal。 （PS 餐廳提供免費花生任拎唔嬲 :D）
Nando’s
係屋企”食雞”？不如出黎食真正嘅雞啦！呢間無處 不在嘅連鎖店出名食燒雞，你可以選擇唔同嘅辣 度，野飲仲可以無限咁添。
Babylon
溫書溫到凌晨但係好肚餓點算好？唔想食m記嘅你 可以黎呢間炸雞店。啲雞雖然冇kfc咁好食，但係佢 嘅價錢係kfc嘅一半，係價廉物美嘅宵夜。
Red Chilli
以京川菜為主嘅餐廳，野食稱得上中上嘅水平，而 且勝在位置方便，係放左學之後唔想出city又好想坐 定定係到食飯嘅必選餐廳。
14
Tai Pan
掛住香港嘅點心？咁就黎試下Tai pan 啦。價錢公 道，食物都有一定嘅水準。位置仲要係Uni附近，方便 到爆。樓下仲有南校區最大嘅中超------ 永興隆，食 飽飽之後就可以落樓下shopping，一舉兩得！
Archies
有好多人都話呢間嘅burger好邪惡，想知道究竟有 幾邪惡，一於搵日去試下啦。而且佢仲有超過20種 milkshake嘅口味比你揀，實有一款啱哂你。
Pearl City
想一路食點心一路唱K？想食大排檔腸粉？凌晨個 陣個肚打鼓咁啱又想中餐？Pearl City 一次過滿足 哂你三個願望。
The New Emperor
餐廳食物味道正宗，價錢合理，下午茶時段仲有 discount。如果你好掛住香港嘅美食，只要去一去china town食呢間港式茶樓，所有homesick瞬間KO哂。
Wasabi
迴轉壽司去邊度食好，可以選擇試下位於china town 嘅wasabi。雖然冇元氣咁高汁，但係可以暫時舒緩你 對壽司嘅慾望。樓上仲有豆腐花，綿綿冰，waffle等 等港式甜品比你揀，完全唔洗擔心係外國食唔到甜 品。
Try Thai
食泰國野來來去去都係咖哩同pad thai，覺得一啲新 意都冇？咁就去試下呢間餐廳嘅菠蘿蓋炒飯啦。不 過佢嘅份量同口味未必啱所有人，建議大家抱住試 下嘅心態會比較好。
15
吃喝 Thaikhun
呢間係一定唔可以去食嘅餐廳，因為如果你食左第 一次之後你就會上癮食第二次，佢啲咖哩真係好好 好味，芒果糯米飯都唔錯，中意食泰國野嘅你仲唔 快啲去感受啲泰國風情 。
Tokyo Season
中意食日本野又唔想行太遠嘅朋友仔最適合黎呢 到食，佢係位於china town嘅地下餐廳，性價比較高， 而且有榻榻米座位，非常有特色。
Chaology
身為抹茶控嘅你千其唔好錯過呢間日式茶館。抹茶 甜品種類豐富，但係因為店舖較細，去之前最好預 早幾日book位，想就咁sit-in嘅話等到2046都可能未到 你。
Moose Coffee
次次去次次都冇位，可想而知呢間餐廳係幾好食。 野食種類超級多，係有選擇困難症嘅人嘅天敵。（ 推介All day breakfast 同waffle ）
Home Sweet Home
即使有兩間分店都好，兩間都離campus幾遠，但係 最緊要係口味地道食材新鮮。特別要提一提佢嘅 pancake 有pizza 咁大，而且milkshake 會偏甜，嗌個陣 要小心啲。
Chimaek
如果你想食韓式炸雞，就只可以黎呢間餐廳啦。聽 聞佢啲炸雞係即叫即做，非常新鮮同野味。除左食 炸雞之外，呢到仲可以食部隊鍋，係餐廳嘅招牌。
16
漢朝
想有特色咁打邊爐？試下manchester 唯一一間五宮 格火鍋啦。佢離north campus 極近，樓下仲有得唱k， 係north campus 番學嘅同學仔快啲call埋班friend一齊 開爐啦。
川府家宴
想有智慧咁打邊爐嘅話，一於黎川府家宴打。你可 以揀兩種湯底，野食任叫，而且野飲仲可以無限添 飲，只需每人18磅，你話抵唔抵呢？
Chatime / ICFT (I Come From Taiwan) / Happy Lemon
三間都係賣珍珠奶茶，三間都各有特色，Chatime 係英國連鎖珍珠奶 茶店，品質有一定嘅保證。ICFT除了有珍珠奶茶賣之外，仲有芋圓賣 添。Happy lemon就特別啲，可以將珍珠換做芋圓，變成芋圓奶茶，而且 賣嘅cheese cake味道都唔錯。
想足不出戶咁食盡天下，外賣可以幫到你。 即刻download deliveroo, UberEats, 或者BigFoodie 等等外賣平台啦。WeChat都係唔錯嘅外賣 平台，以下係一啲外賣嘅WeChat ID： - 圓塘外賣 ID: life883997 - 阿一部落 ID: theonetribe8 - Mr.Yum ID:TinTin_8_8_ - 曼城根據地 ID:manchengjianbing
17
玩樂 K2
學生哥通頂溫習考完試或者趕完功課，都會希望去 輕鬆一下慰勞自己。相信普遍香港學生都中鐘意去 唱k，唔好以為黎到英國會無得唱啊，china town嘅k2 有最受大家歡迎同最新嘅廣東、國語同英文歌，保 證你同班frd玩樂而忘返！
Jump Ninja Trampoline Park
唔鐘意坐定定？好想趁假期郁下，唔想㗰哂啲時 間？好動嘅你又會唔會對跳彈床有興趣呢？Jump Ninja Trampoline Park 有一系列嘅特色玩意同埋活動， 例如跳彈床放題、仲有Nothern west Manchester特制嘅 高科技互動牆，可以一邊攀住特製嘅小石牆一邊玩 下小遊戲，與你嘅朋友battle一番！
Planet Ice Altrincham
空閒時候唔想齋行city centre咁寡的話，呢個活動應 該會適合喜歡新鮮感又好動嘅你。Planet Ice Altrincham只要喺Manchester市中心，搭30分鐘Metrolink就可 以到達Altrincham站。而且溜冰場附近有商場以及幾 間食肆，等你玩到餓餓地就可以食埋飯，再閒逛一 下，未嘗唔係一個探索Manchester嘅好形式。
Go karting
如果你鍾意一啲好刺激嘅活動但係係香港較為罕 有,你一定要試下去玩 go-karting !!!! 依個活動可以係 安全嘅情況下滿足你嘅賽車欲。加上佢玩一次嘅價 錢唔係特別貴，所以記住去玩啦!
Breakout Manchester
平時鍾意鬥智鬥力嘅你，一定會有興趣去玩曼城 入面嘅room escape（唔係香港先有得玩!!!) Breakout Manchester 有唔同形式同唔同難度比大家選擇，不 論你係鍾意向高難度挑戰抑或想同班朋友共享歡 樂時光，都一定會好開心
18
Primark
一個價廉物美嘅大型英國版H&M！
vue
放假悶悶地又唔想去太遠的話，可以約埋班friend一 齊去睇戲，chill 住enjoy屬於你自己嘅週末！
Northern Quarter- Afflecks
鐘唔鐘意千奇百怪嘅首飾同衣服？貪靚想穿耳洞？ 只要從大學區搭15分鐘車程就可滿足到你嘅願 望！
IKEA
覺得Arndale裏面嘅傢俬店唔夠喉？我哋黎緊9月中嘅 freshers week會舉辦Ikea trip，到時記得黎啦！！！
Trafford Centre
地點較為偏遠但係絕對值得一去嘅超大型商場，有 學生最愛嘅Muji無印良品，比Arndale更大更多元化。
Arndale
位於市中心嘅大型商場，裏面嘅店鋪種類繁多，無 論你係想買餸煮飯，新居入伙買傢俬，又或者同啲 朋友仔shopping買靚衫，都可以一次過喺呢度搞掂！
19
社會時事
土地問題 香港地寸金赤土，樓價非人所能負擔。有學者推算，一個中等收入家 庭要不吃不喝16年，方可儲夠錢圓置業夢，樓價負擔比率冠絕全球。 特首林鄭月娥上任僅兩個月就成立「土地供應專責小組」，並且在四 月啟動公眾諮詢，發動所謂「土地大辯論」。專責小組討論了十多種 土地供應方案，包括收回高球場、填海、在郊野公園邊陲建屋等等。早 前，林鄭公開表態支持填海建屋，其他官員亦開腔支持，被指是架空 專責小組。筆者今天會集中討論其中五個方案。 收回高球場 對於收回高球場與否，社會早已有不同聲音。粉嶺高球場佔地172公 頃，相等於荃灣的面積。官方估計可建單位有4600到1.32萬伙。高球場 並佔用了一大片平地，而基於它只是為數約二千人使用的遊樂設施， 幾年下來的民間聲音都普遍支持收回高球場建屋。而且香港並不乏 高球場，對公眾開放的有滘西洲，私人的也有深水灣，因此有人認為 粉嶺高球場並非必需保留。但即使如此，政府在決定收回與否仍存在 困難，因為這類型的私人體育會確實對體育普及化、精英化、盛事化 等等發展有著貢獻。而且討論是否需要覓地重置高球設施以釋放用 地，亦需用上一段時間。 填海 填海對現有市區建設和綠化環境無疑是影響最低的一個方案。在維 港外填海，面積可達大約400至490公頃，估計可建單位有19.1萬到34 萬伙。填海方案無需收回私人土地及安置居民，對現有土地用途影響 較少。此外，填海能創造大片新土地，為新社區的規劃提供較大彈性， 應付因人口問題而不斷變化的社會需求。對於填海最不滿的一群莫 過於環保團體，因為現有大部分可填海區鄰近生態敏感區，對生態業 界一直引以為傲的生物多樣性造成不可修補的創傷。空氣污染，噪音 等亦是填海過程中無可避免會衍生的問題。
20
郊野公園邊陲建屋 方案主要牽涉位於大欖及沙田水泉澳的郊野公園範圍，面積大約40 公頃，可建單位7500伙。40公頃相等於香港郊野公園範圍僅0.1%，而且 現階段並未能確定是否所有郊野公園範圍都有同樣的生態價值，因 此支持者認為在有關範圍建屋是對生態影響較低的一個建屋方案。 但是捨棄郊野公園範圍建屋並未有前車之鑑，有人認為這會為將來 更大規模縮小香港綠色地帶立下壞先例。「昔日鳥語花香，如今塵土 飛揚」——這畫面簡直令環保人士聞者顫慄。保育界對本方案的激烈 反對，絕對可以想像。 棕地 棕地泛指新界一些因農業活動衰落而改作其他用途的前農地。面積 大約540公頃，估計可建單位大約有17.9萬到35.6萬伙。現有一大片棕 地容下了包括露天貯物、物流運作、回收場、鄉郊工場等等難以在市區 有運作空間的產業。發展棕地對保育造成的影響會較低。雖然棕地往 往須連同夾雜其中的農地、寮屋、魚塘等一併發展，但整體而言較容 易在不涉及生態敏感地帶的情況下提供可發展土地。但棕地分佈較 為零散，即使發展，規劃格局亦未必理想。而且重置棕地作業者將會 推高這些行業的營運成本，政府在發展棕地前必須考慮這些問題。 公私營機構合作 公私營機構合作發展農地，面積可達1000公頃，可建單位約13.8萬到 27.3萬伙。私營機構，例如發展商一直擁有建築方面專長，某程度上可 以幫助政府紓解建設資助房屋的壓力。同時亦可以釋放未被善用的 私人土地，同時顧及政府和發展商的利益。這方案引起公眾迴響，主 要基於做法透明度低，因而產生對「官商勾結」的疑慮。而且收回私 人土地時，需要引用《收回土地條例》，一旦運用方案就必須進一步 諮詢法律意見，發展所需時間值得關注。 山多地少的香港，一直久受土地短缺問題困擾。生活空間擠迫、社區 設施不足、營商成本高企，香港各類用地不足的問題，已經成為大眾 最關心的其中一個議題。政府諮詢期即將完結，大家不妨到「土地供 應專責小組」網站留下你的看法：https://landforhongkong.hk/tc/index.php - Alan Tsang
21
社會時事 七月十七日，香港民族黨召集人陳浩天收到香港警察的通知書，指民 族黨煽動顛覆，建議保安局局長行使《社團條例》第八條，以保障國 家安全為由禁止該黨運作。當日下午，保安局局長李家超即就事件會 見記者，表示香港市民享有結社自由，但不是沒有限制，而是可以根 據法律，為了國家安全、公共秩序、保障他人權利自由等等而作出禁 止。 取締民族黨事件牽涉層面廣闊，包括基本法賦予港人的言論自由、結 社自由、政治取向自由等等。筆者整合了兩份有關本次事件的報道， 以供大家研閱。 東方日報：《民族黨言行分裂國家 譚惠珠指有法理依據取締》 。。。基本法委員會副主任譚惠珠今日在一個電視台節目指出，因為該 黨召集人陳浩天曾主張不惜以武力來達到成立「香港國」，警方有合 理的理由及足夠法理依據，運用《社團條例》取締該黨。
22
譚稱：「第一，他有言行，不只言論；第二，他為了這件事，不單公開 呼籲，亦去到學校呼籲、組織、派單張；第三，他亦有到外國或外地或 境外的一些同類對中國不友善的組織有聯繫。」她認為在這情況下， 不需要等到他們分裂國家後才採取行動，指「不是真真正正拿着一支 槍去打你中國政府或香港政府，才叫做危害國家。。。」 被問及取締香港民族黨是否中央要求特區政府殺一儆百時，她表示 看不到有此情況，強調中央早已表明對港獨「零容忍」。。。既然出現 了威脅國家安全及香港公共社會秩序的情況，特區政府現有法例可 以處理的話，政府就應該處理。 蘋果日報：《保安局首引社團例滅民族黨 掀封殺異見者序幕》 警方昨突以維護國家安全理由，首引《社團條例》第八條，全面禁止 提倡港獨的政黨香港民族黨運作。。。民主派人士認為，政府取締民族 黨只是特首林鄭月娥應北京要求，掀起其上任後封殺異見者序幕。。。 支聯會秘書李卓人認為，今次只是打壓異見團體開始。不只是個別事 件，因為中共、港府口中「國家安全」定義，「唔係用香港人定義，而 係大陸定義，佢話乜嘢係國家安全都得」，於是中共、港府就可以將 所謂「國家安全」的「紅線」不斷延伸，支聯會「冇得唔憂慮會被封 禁」。。。 香港眾志主席林朗彥指，若然與外國政治團體有聯繫也會中招，相信 不少香港的政團都有危機，之前有成員被DQ的香港眾志亦非常高危， 相信亦代表香港結社自由的完結。。。 「方向」與「生果」就同一事件，看法兩極，報導手法亦因而有所不 同。有謂「公說公有理，婆說婆有理」，很多時候正反雙方的理據皆是 合乎情理，分岐只在於價值觀。看新聞時，因為抱著預設立場的緣故， 讀者很容易忽略另一派的看法，犯下了解片面，以偏概全之誤。筆者 尤其鼓勵在接觸如這次事件般，容易令人「歸邊」且具爭議性的新聞 時，多消化不同報章專欄的觀點。所謂「真理越辯越明」，不斷思辯， 才能豐富自己的立場，令自己的一套「真理」得以矗矗而立。 - Alan Tsang
23
來年預告 August: 18/8 A Level Clearing fair 20/8 Pre-departure 23/8 Orientation day + Orientation dinner September: 8/9 Social service event: 明哥派飯 IKEA trip Open Sem Dinner / Lunch: Yum Cha 中秋dinner October: PA forum Bubble day Sub-committee recruitment November: winter ball public speaking Cambridge quiz December: Xmas social service event February: Chinese New Year dinner LSE (London school of Economics) forum PA (public affairs) forum March: Detective Game!!! Charity sale York conference
24
英國公衆假期
溫馨提示：v夏令時間 簡單D黎講，英國應該係時區+0 ，但因為有個British Summer Time （英國夏令時間），所以每年夏 天，英國都要將時間較快一個小 時，變成了+1。每年三月最後一 個星期日夜晚，你部手機顯示嘅 時間會神奇地從00 :59直接變做 02:00。哩個就係夏令時間嘅變化 啦。
25
Sponsors
26
27
文：
Alan Tsang Gabriel Ho Joseph Ting Dickson Yu Hillary Hui Pianka Lam
編/設：
Thomas Man
28