BREYTA LEIKNUM MEÐ ÞVÍ AÐ SETJA

Kvenfyrirmyndir Forgrunn

Hulda Mýrdal og Þórunn María Kærnested eru frumkvöðlar sem opnuðu knattspyrnuverslunina Heimavöllinn með það að markmiði að auka fjölbreytileika í knattspyrnuíþróttinni með því að kynna kvenkyns fyrirmyndir fyrir ungum knattspyrnuiðkendum.

Ferðalag hennar hófst árið 2018 þegar Hulda og Mist Rúnarsdóttur stofnuðu hlaðvarpsþáttinn heimavöllinn: “Árið 2018 er ég mikið að hlusta á hlaðvörp um fótboltann og fannst sérstakt að það væri ekki eitt einasta hlaðvarp um knattspyrnu kvenna í boði. Ég hafði samband við Mist Rúnarsdóttur þar sem ég vissi að hún hafi fjallað um fótbolta í mörg ár á Fótbolti.net. Við ákváðum að hittast í nóvember 2018 og prófa að taka upp einn þátt og ákváðum að nafnið yrði Heimavöllurinn. Þegar Heimavöllurinn var stofnaður var markmiðið að breyta leiknum og auka umræðu um knattspyrnu kvenna - Heimavöllurinn átti upphaflega einungis að vera hlaðvarpsþáttur.

Mér hefði aldrei grunað hvað hefur gerst mikið á þessum fjórum árum. Ég hef séð að það er hægt að breyta hlutunum sem hafa alltaf verið eins”. Hlaðvarpið og samfélagsmiðlar hlaðvarpsins hlutu á skömmum tíma gífurlega góð viðbrögð, fólk vildi sífellt meira efni þannig að það sem maður hafði heyrt áður af áhugaleysi átti augljóslega ekki við rök að styðjast.

“Með því að leggja meiri vinnu í verkefnið jókst stöðugt áhuginn. Mér fannst mjög mikilvægt að stelpur á öllum aldri upplifðu að sviðsljósið væri þeirra og þess vegna höfum við mætt á yngri flokkamótin síðustu ár. Það er ótrúlega gaman. Árið 2019 var ég að taka viðtöl á Símamótinu og spyrja ungar fótboltastelpur út í fyrirmyndir. Mér brá svolítið hversu fáar stelpur nefndu knattspyrnukonu þrátt fyrir að íslenskar knattspyrnukonur hefðu verið að ná svakalega góðum árangri víða um Evrópu. Þær virtust bara ekki vita af þeim, “ segir Hulda. “Ég hugsaði mikið hvað væri hægt að gera og hvernig væri hægt að gera fyrirmyndirnar sýnilegri fyrir fótboltastelpur. Vorið 2020 vinnur Sara Björk Gunnarsdóttir Meistaradeildina með Lyon í fyrsta skipti og þá fór ég að fá spurningar frá foreldrum um hvar væri hægt að fá Lyon treyju merkta Gunnarsdóttir. Þegar ég fer svo á sumarmótin 2020 koma mikið af foreldrum til mín og segja að þau séu orðin þreytt á því að fótboltastelpurnar þeirra geti hvergi speglað sig í fyrirmyndum í fótboltabúðum. Það var svo skrítið. Ég var búin að upplifa að fara á mótin og sá hversu margar stelpur elskuðu fótbolta. Það var gríðarlegur fjöldi. Og það voru knattspyrnukonur sem voru að standa sig frábærlega um allan heim - af hverju voru þær ekki gerðar sýnilegar fyrir fótboltakrökkum?”

“Ég opnaði vefverslunina heimavöllurinn.is í lok árs 2020 og markmiðið var að gera fjölbreyttari fyrirmyndir sýnilegri þannig að krakkar vissu af því að það væri hægt að vera fótboltastjarna þegar þú ert #dóttir. Það voru enginn plaköt til af íslenskum knattspyrnukonum og við ákváðum að breyta því. Við fengum bestu knattspyrnukonur landsins í myndatöku og hönnuðum plaköt með hvatningarorðum frá þeim. Markmiðið var að fleiri krakkar myndu þekkja þær og vissu af þeim.”

Í nóvember 2022 opnuðu Hulda og Þórunn verslun í Faxafeni sem býður upp á treyjur og fótboltavörur. „Okkur fannst mikilvægt að það væri til fótboltabúð, sem væri með treyjur og fótboltavörur, þar sem fólk gæti fengið innblástur og sótt sér þekkingu um allar þær mögnuðu íþróttakonur sem stunda þessa frábæru íþrótt. Auglýsingar, verslanir og fjölmiðlar geta haft gríðarleg áhrif - þar verða fyrirmyndir til og til að eignast fyrirmynd verður þú að vita af henni. Þú getur ekki átt fyrirmynd sem þú hefur aldrei séð.“ Þegar samtali okkar er að ljúka, deilir Hulda framtíðarsýn sinni. " Algengasta spurningin sem við fáum er “Er þetta bara búð fyrir stelpur?”. Ég efast um að aðrar fótboltabúðir fái spurninguna “Er þetta bara búð fyrir stráka?” þó að það séu fótboltamenn á veggjunum.

Konur sem spila knattspyrnu eru ekki bara fyrirmyndir fyrir stelpur - þær eru magnaðar fyrirmyndir fyrir alla fótboltakrakka. Þetta er allt saman fótbolti og okkur langaði að stækka leikinn. Við viljum sýna krökkum að það eru til allskonar fyrirmyndir. Við erum að merkja fullt af treyjum Mbappe og Messi og það er frábært enda eru þeir geggjaðir leikmenn sem við elskum. Á sama tíma höfum við sýnt krökkum að það er eðlilegt og töff að merkja treyjur með nafninu á Sveindísi Jane - auðvitað - hún spilaði úrslitaleik Meistaradeildarinnar!”

Heimavöllurinn er að breyta leiknum, með því að fagna og upphefja kvenkyns fyrirmyndum í íþróttum.

A Er Gaman A Vinna A

G Um Verkum Me Skemmtilegu F Lki

Samf Laginu Eyjum Til Fr Dr Ttar

Magnús Bragason eða Magga Braga eins og hann er kallaður þekkja allir í Eyjum og eflaust mjög margir þess fyrir utan. Maggi sem er fyrrum hótelhaldari er einnig þekktur fyrir það að starfa mikið fyrir íþróttahreyfinguna í Vestmannaeyjum. Honum verður seint þakkað fyrir óeigingjarn starf þegar kemur að íþróttum og byrjaði þessi áhugi hans á því snemma. Maggi fór aðeins yfir það með okkur hvernig þetta allt byrjaði.

Íþróttir hafa alltaf verið stór partur af minni fjölskyldu Maggi segir að íþróttir hafi alltaf skipað stóran sess í hans fjölskyldu. Foreldrar hans störfuðu mikið fyrir íþróttahreyfinguna og þeir bræðurnir hafi fylgt þeim fast á eftir. Maggi var sjálfur mikið að dæma í fótbolta en einmitt þar kynntist hann Lárusi Jakobssyni og urðu þeir góðir vinir. Þeir félagar ásamt Jóa í Laufási og fleiri góðum mönnum dæmdu leiki hjá yngri flokkum á árunum eftir 1980. Maggi var einn af forsprökkum íþróttamótanna hér í Eyjum og kom það til þegar hann var ráðinn til starfa hjá Íþróttafélaginu Þór 1989. Hann segir að á þessum tíma voru Eyjamenn nýbúnir að eignast Þórs og Týsvöllinn og Lalli (Lárus Jakobsson) byrjaði með Tommamótið stuttu áður og Þórurum langaði að gera eitthvað svipað. Stelpur voru að fá áhuga á að æfa fótbolta og voru þau í Eyjum framarlega í þeirri uppbyggingu. Bæði félögin héldu úti æfingum fyrir þær. Maggi segir að það hafi síðan komið beiðni frá Val og Stjörnunni um að fá að koma með sín stúlknalið í æfingaferð til Eyja. Þær hafi verið fengnar til að koma um sömu helgi og var sett upp fjögurra liða mót. Sólveig Adólfsdóttir var með honum að vinna við þetta æfingamót og sagði

Maggi að það hafi gengið það vel að ákveðið var að halda mót fyrir stelpur árið 1990 og var það skírt Pæjumótið.

Margar áskoranir

Maggi segir að helstu áskoranir sem skipuleggjendur hafi staðið fyrir þegar undirbúningur fyrir svona mót á þessum tíma hafi klárlega verið internetið og samskiptin. Pæjumótið sló strax í gegn og þátttakendum fjölgaði ár frá ári. Það var ekki sjálfgefið. Hann og Dollý skiptust á að hringja í félögin, komast að því hvort þau væru með kvennafótbolta og þá hver væri þjálfari. Maggi telur að Pæjumótið hafi haft áhrif á ört vaxandi áhuga stúlkna á fótbolta.

Á þeim tíma sem fótboltamótin voru að byrja voru tvö lið í Eyjum, Þór og Týr sem síðan árið 1996 sameinuðust í ÍBV íþróttafélag. Þrátt fyrir að bærinn hafi oft skipst í tvær fylkingar eftir því með hvoru liðinu var haldið með segir Maggi að það hafi verið ótrúlega gott hvað félögin unnu vel saman að uppbyggingu mótanna beggja. Þau gerðu m.a. samkomulag um að lána hvorum öðrum knattspyrnuvellina. Hann segir einnig að það hafi alltaf verið hlúð vel að Pæjumótinu. Einar Friðþjófsson tók við af þeim og nú sér Sigríður Inga Kristmannsdóttir um það. Maggi segir þau hafa gert það vel og finnst þau hafa tekið margar góðar og réttar ákvarðanir t.d. að hafa mótið bara fyrir 5.flokk. Að lokum segir Maggi að þrátt fyrir að það fari mikill tími og mikil vinna í að undirbúa svona stór mót þá sé það algjörlega þess virði. ,,Það er gaman að vinna að góðum verkum með skemmtilegu fólki samfélaginu í Eyjum til frádráttar“.

Rakel Dal A R Insd Ttir

Eva Smundsd Ttir

Hefur þú komið áður til Vestmannaeyja ef já hvenær? Já, ég hef komið þrisvar áður. Tvisvar til að keppa í fótbolta og einusinni með fjölskyldunni minni.

Hver er uppáhaldsleikmaðurinn þinn í íslenska landsliðinu? Karólína Lea.

Númer hvað spilar þú og er einhver ástæða fyrir þeirri tölu? 27. Uppáhaldsleikmaðurinn minn er

Darwin Nunez og það er númerið hans.

Hvaða stöðu finnst þér skemmtilegast að spila? Vinstri kant.

Hvað er uppáhalds liðið þitt í enska boltanum? Liverpool.

Rebecca Ann Ramsay

Hefur þú komið áður til Vestmannaeyja ef já hvenær? Já ég hef komið tvisvar sinnum áður til Vestmannaeyja. Einu sinni með ömmu og svo á pæjumótið í fyrra.

Hver er uppáhalds leikmaðurinn þinn í íslenska landsliðinu? Það er Sveindís Jane, því mér finnst hún svo góður liðsfélagi og leikmaður.

Númer hvað spilar þú og er einhver ástæða fyrir þeirri tölu?

Ég spila númer 15 og mér fannst það bara flott tala. Hvaða stöðu finnst þér skemmtilegast að spila?

Mér finnst skemmtilegast að spila í vörninni.

Hvað er uppáhalds liðið þitt í enska boltanum? Arsenal.

Karen Sif Halld Rsd Ttir

Hefur þú komið áður til Vestmannaeyja ef já hvenær? Já ég hef komið áður til Eyja, á pæjumót og til að keppa.

Hver er uppáhalds leikmaðurinn þinn í íslenska landsliðinu? Sveindís Jane og Ingibjörg

Sigurðardóttir

Númer hvað spilar þú og er einhver ástæða fyrir þeirri tölu? Númer 3 eða 10, núna gekk ég úthlutað númer 3 og var númer 10 útaf pabba og Messi.

Hvaða stöðu finnst þér skemmtilegast að spila? Frammi.

Hvað er uppáhalds liðið þitt í enska boltanum? Manchester United.

Hefur þú komið áður til Vestmannaeyja ef já hvenær? Nei ég hef aldrei komið áður.

Hver er uppáhalds leikmaðurinn þinn í íslenska landsliðinu? Sveindís Jane.

Númer hvað spilar þú og er einhver ástæða fyrir þeirri tölu? Númer 17, ég þurfti að velja mér oddatölu númer og langaði að vera númer 7 en það var ekki laust þannig að 17 varð fyrir valinu.

Hvaða stöðu finnst þér skemmtilegast að spila?

Miðju þar sem ég spila oftast.

Hvað er uppáhalds liðið þitt í enska boltanum?

Í enska er það Liverpool en PSG er mitt uppáhalds lið.

Ing Lfur Gu Ni Rnason

Hjartans þakkir til allra sem veittu okkur stuðning vegna fráfalls elsku Ingó okkar. Sérstakar þakkir til þeirra sem veittu aðstoð við jarðaför og erfidrykkju.

Þökkum fyrir fallegar kveðjur og hlýhug.

Kærleikskveðjur til ykkar allra

Eva Lísa Ingólfsdóttir Bjarki Hrafn Ingvarsson

Óliver Nói Ingólfsson

Sara Dís Ingólfsdóttir

Árni Gunnar Gunnarsson

Setjum upp & prentum sálmaskrár

Hafðu samband við okkur á netfangið: leturstofan@leturstofan.is eða í síma 481-1161.

Hjartans þakkir til allra sem sýndu okkur hlýhug, stuðning og vináttu við andlát og útför ástkærar eiginkonu minnar, móður, stjúpmóður, tengdamóður og ömmu,

Petr Nu Sigur Ard Ttur

Fyrir hönd fjölskyldunnar

Fundir eru sem hér segir: Sunnudaga kl. 11.00 Miðvikudaga kl 20.30

AL-ANON

Þriðjudaga kl. 20.30 NÝLIÐAR VELKOMNIR

Passamyndir

Fasteignaljósmyndun

Bókið tíma á facebook.com/thoreyljosmyndari eða á netfangi thoreyhh19@gmail.com

Opnunartímar:

Mánudagur 13.00 - 17.30

Þriðjudagur - 13.00 til 17.30

Miðvikudagur - 13.00 til 17.30

Fimmtudagur - 13.00 til 17.30

Föstudagur - 13.00 til 17.30

Laugardagur - 12.00 til 15.00

Sunnudagur - lokað