Leadership A Yau 11 Ga Afrilu 2018

11.4.18

AyAU Laraba

LEADERSHIP Don Allah Da Kishin Qasa

JARIDAR HAUSA MAI FITOWA KULLUM TA FARKO A NIJERIYA

www.leadershipayau.com Leadership A Yau

11 Ga Afrilu, 2018 (24 Ga Rajab, 1439)

LeadershipAyau

No: 122

N150

Karatun Jabu: An Fara Tantance Digiri 40,000 Na Qasashen Waje Daga Bello Hamza

Gwamnatin tarayya ta kafa kwamitin mutum 16 ta hannun ma’aikatan ilimi domin tantance takardar shaidan karatu na matakin digiri guda 40,000 da ‘yan Nijeriya da suka yi karatu a qasashen waje suka karvo.

Ministan ilimi Adamu Adamu ya ce, tantance digirin ya na da

matuqar mahimmanci saboda a gano takardun digiri na bogi da aka shigo da su daga bara gurbin jami’oi marasa inganci a wasu qasashen Afirika da sauran qasashen duniya.

Adamu ya yi wannna sanarwar ce a taro na musamman na “National Standard Committee on Evaluation and Accreditation of Foreign Qualifications” inda ya qara da cewa, binciken farko ya nuna akwai

takardar shaidan kamamla karatun jami’a fiye da 40,000 dake a hannun ‘yan Nijeriya dake aiki wasu manyan makarantun qasar nan ko kuma suna aiki a wasu ma’aikatun gwamnati.

Ya ce, ma’aikatar ilimi ta gano cewa, yawancin waxannan digirin bogin sun fito ne daga qasashe irin su jumhoriyar Benin da togo da Cameroon. “A kwai matuqar buqatar tantance takardun shaidan karatun

da suka fito daga qasashen waje domin tabbatar da sahihancinsu da matsayin da za a xora su a cikin gida” “Shawarwarin da wannna kwamitin zai bayar yana da matuqar mahimmanci domin shi ne zai tattabar da ingancin takardun shaida karatun da aka karvo daga makaratun qasashen waje”

Dubu 960,000 Ministocin Nijeriya Ke Amsa Duk Wata

>Ci gaba a shafi na 2

4

—Amaechi Yadda Na Samu Miliyan 100 A Mutum 50 Da Na Sace -Muritala Daga Bello Hamza

Daga hagu zuwa dama: Sakataren din-din-din na Babban Birnin Tarayya, Chinyeaka Ohaa; Ministan Yaxa Labarai da Al’adu, Alhaji Lai Mohammed; Ministan Babban Birnin Tarayya, Mallam Mohammed Musa Bello tare da Ministar din-din-din ta Ma’aikatar Yaxa Labarai da Al’adu, Grace Isu-Gekpe jiya yayin wata ziyarar sada zumunci da Ministan Yaxa Labarai ya kai ofishin Ministan Babban birnin Tarayyar

Rundunar ‘yan Sandan Nijeriya Reshen Jihar Edo ta gabatar da wani qasurgumin mai garkuwa da jama’a, Muritala Umaru, wanda a baya ya sha zuwa kurkuku saboda wannan muguwar sana’a.

Wanda ake zargi xin ya bayyana cewa tawagarsa ta samu adadin kuxi har naira miliyan 100 a sakamakon wannan xanyen aiki na garkuwa da mutane.

Bayan an damqe shi, an same shi da bindigar AK47 wacce ke xauke da lambar rajista da kuma harsaisai.

Ya bayyana cewa, ya fara garkuwa da mutane ne tun bayan shekaru huxu da suka gabata a garin Okenne dake Jihar Kogi.

>Ci gaba a shafi na 2

An Daqile Yunqurin Fasa MTN Ya Biya Rabin Naira Bilyan 330 Da Aka Ci Tarar Sa Cibiyar Mai A Delta > Shafi na 2

> Shafi na 4

2 LABARAI

A Yau

Laraba 11 Ga Afrilu, 2018 (24 Ga Rajab, 1439)

Karatun Jabu: An Fara Tantance Digiri 40,000 Na Qasashen Waje

Wakilinmu ya gano cewa, ‘yan kwamitin 16 sun fito ne daga yankuna siyasa 6 na qasar nan. Haka kuma ma’aikatar ta sanar da hukunta mutum 20 da aka samu da laifin amfani da takadun shaidan karatu na bogi da kuma satar sa hannun wasu ma’aikatan ma’aikatar ilimi ta qasa.

Darakta a ma’aikatar

ilimin Misis Justina Ibe, ce ta bayyana wa kwamintin haka, ta kuma ce, tuni a ka miqa mutanen ga hukumar ICPC domin gurfanar da su a gaban hukuma.

Ibe ta qara da cewa, “A tsakanin shekarar 2015 zuwa 2017, an kama mutum fiye da 20 an kuma miqa su ga hukumar ICPC

•Ministan Ilimi na Nijeriya, Malam Adamu Adamu

da ‘yan sanda, laifin da aka kama su da shi kuwa shi ne amfan da takardar shaidan karatu na jabu da gabatar da shaidan karatu na jabu da kuma satar sa hannun manyan ma’aikatan ma’aikatar ilimi ta tarayya, tuni kuma kotu ta xaure daya daga cikinsu shekara 7 a gidan yari.

Ya Za Ma Wajibi ’Yan Nijeriya Su Rungumi Yin Rigakafi -Minista Daga Umar A Hunkuyi

Gwamnatin tarayya ta bukaci ‘yan Nijeriya da su xauki al’adan yi wa kansu rigakafi daga cutuka kafin bayyanan cutukan domin kare kawukan su daga cutukan, domin hakan zai magance yawan kuxaxen da za a kashe wajen yin maganin cutukan.

Qaramin Ministan Lafiya, Osagie Ehanire, ne ya yi wannan kiran a lokacin wata ganawar da ya yi da manema labarai ranar Litinin a Abuja, domin bukin ranar lafiya ta duniya wacce ake yi ranar 7 ga watan Afrilu.

Mista Ehanire, ya ce, ya kamata ‘yan Nijeriya su fara tunani sosai kan hanyoyin yin rigakafi da suka haxa da yin allurori a kai- a kai, domin yin rigakafin kamuwa da cutukan, wanda hakan ya fi sauqi bisa neman maganin cutukan idan sun auku.

Da yake magana kan taken taron na bana na, ‘Universal Health Coverage: everyone, everywhere,’ Ministan cewa ya yi, duk da yake gwamnati nabakin iyawanta wajen cimma manufar ta UHC, amma

yana sane da cewa, manufar ba za ta samu ba duk da tanadin da aka yi wa sashen na lafiya a halin yanzun.

Ministan ya ce, bincike ya nu na cewa, a duk Naira xayan da za a kashe wajen yin rigakafin, tabbas an yi tsimin Naira 16 ne, na maganin ciwukan da za a yi.

“Hakan ya nu na ba qaramin tsimi za a yi ba, idan muka yi qoqari rigakafin ya kai kashi 80 , hakan zai magance abubuwa ma su yawa.

“Hakan ya nu na, mutum zai yi tsimin

Naira 11 da zai kashe kan cutukan, gwamnati kuma za ta yi tsimin Naira 4.

Hakan ya sanya muke neman cikakken haxin kan al’umman qasa wajen yin allurar rigakafin da za mu yi wa kowa da kowa a qasarnan,” in ji Ministan.

Ministan ya ce, domin ganin an cimma wannan manufan ne, gwamnatin tarayya ta farfaxo da dukkanin qananan cibiyoyin lafiya na qasarnan.

“Tsaftataccen ruwa, Tsaftan kanta, lura da lafiya kai da cin abinci mai lafiya suna

da mahimmanci sosai, matuqar ka kula da duk waxannan kuma ka yi rigakafi, ka kori aqalla kashi 60 na cutukan da ke cikin qasarnan ne.

Daraktan hukumar ta lafiya a wannan qasar, Wondi Alemu, a jawabin sa kira ya yi ga gwamnatin tarayya da duk wani da ya damu da lamarin lafiya a qasarnan da su tabbatar da ganin an cimma manufar ta UHC a qasarnan.

Ya ce, ya kamata ‘yan Nijeriya su sami wadataccen ayyukan kula da lafiyan.

’Yan Sanda Sun Hana Yunqurin Fasa Cibiyar Mai A Delta Daga Umar A Hunkuyi

‘Yan Sanda a Jihar Delta sun ceci tashar raba Mai ta, ‘Chevron Escravos Flow Station,’ daga abin da zai kai ga fasawa da lalata ta, idan da wani bam mai nauyin kilogram 2 da aka xaura

mata ya fashe.

A cewar Kwamishinan ‘Yan Sandan na Jihar ta Delta, Muhammad Alhaji Mustafa, shirin fasa tashar man da bam ya watse ne a sa’ilin da suka sami wani tabbataccen bayani kan hakan.

A cewar Kwamishinan, wasu vatagari ne suka dasa abin da ake zato da bam xin ne, a tashar ta, Chevron Escravos Flow Station.

“Sashen qwararrun masu warware bamabamai na rundunar mu, ne muka aika wajen

inda suka gano na’urar mai iya fashewa mai nauyin kilogram 2 da kuma wata waya mai tsawon mita 13 da aka liqa ta a jikin bututun da ke tura man.

“Sun gano cewa, abubuwan masu fashewa ne, wanda aka

dasa su a a hanyar da man ke wucewa, domin varnata na’urar man wanda hakan zai kuma iya janyo varna mai yawa a wajen.

Ya qara da cewa, rundunar na ci gaba da gudanar da bincike kan lamarin.

Yin Amfani Da Na’urorin Zamani A Wajen Zave, Ba Gudu Ba Ja Da Baya – Yakubu Daga Umar A Hunkuyi

ta kudancin Afrika, (ECFSADC), tare da goyon Shugaban Hukumar Zave bayan cibiyar taimakawa mai zaman kanta na qasa, zave ta qasashen Turai, (INEC), Farfesa Mahmood (ECES), qarqashin cibiyar Yakubu, a jiya ya ce, yin taimakawa Dimokuraxiyya amfani da sabbin dubarun a Nijeriya ta qasashen zamani a wajen zave abu Turai, (SDGN), suka ne da ya sami gindin zama shirya a Abuja, Yakubu ya a Afrika. ce, tabbas ba gudu ba ja da Ya faxi hakan ne sa’ilin baya wajen shirya zavukan da yake magana wajen da sabbin na’urorin na wani shiri da hukumar zamani. na shi, INEC, da kuma “Ko ma dai ya ya ne, yin hukumar shirya zavuka ta zave da sabbin dubarun shiyyar qasashen Afrika zamani ya sami gindin ta yamma, (ECONEC) da zama, amfani da shi xin hukumar shirya zavuka kuma yana da yawa. Sannan

kuma tabbas, dukkanin qasashen da ke halartan wannan taron, suna amfani da sabbin hanyoyin ne na zamani a matakai mabambanta domin su bunqasa harkokin zaven na su, sakamakon kuma da ake samu ya danganta ne daga qasa zuwa qasa.”

“Duk da haka, ana yin wannan taron ne na masu shirya zavukan da kuma qwararru domin a qarawa juna ilimi. Ya na da kyau mu shirya wajen yin zavin hanyoyin da suka dace marasa tsada

na sabbin dubarun na zamani, waxanda za su sanya mutane su sami natsuwa da hanyoyin da aka gudanar da zavukan, su kuma kiyaye tsarkin shi kan shi zaven.”

“A cikin kwanukan nan uku, za a gabatar da maqaloli ne a kuma tattauna a sassa 11 cikin zama 8 da kuma wasu lokuta 3 na musamman.

Wannan zaman ya sami matsayi babba, domin kuwa wani fitacce ne, wanda ya aiwatar da bajinta daban-daban wajen

shiya zavukan zai buxe wannan taron da jawabi.

Ku taya ni yin maraba da Shugaban hukumar shirya zave mai zaman kanta ta qasar Kenya, Mista Wafula Chebukati.

“Wannan taro na Abuja, wani gangami ne na musamman a yunqurin da muke yi bakixaya na qara zurfafa wajen amfani da sabbin dubarun na zamani don gudanar da zavuka masu inganci da kuma tabbatar da bin hanyoyin Dimokuraxiyya,” in ji Yakubu.

A Yau Laraba 11 Ga Afrilu, 2018 (24 Ga Rajab, 1439)

Ra’ayinmu

3

Ya Kamata A Rufe Gidajen Man Da Ke Kan Iyakokinmu

A

daidai lokacin da qarancin man Fetur ya addabi qasarnan da kuma fitintunun da hakan ya haifar, mutane kaxan ne suka yi qyashin muqamin Shugabancin kamfanin mai na qasa, NNPC, wanda aka baiwa, Dakta Maikanti Baru, duk kuwa da morewar da ake tunanin akwai ta a cikin wannan muqamin. ‘Yan Nijeriya fatan su ita ce, su sami hanya mai sauqi ta samun man na Fetur, don haka suke tsammanin wannan sabon shugaban da aka naxawa kamfanin man zai yi wata akara-dabara ne kawai, sai a ga komai ya yalwata.

Don haka sai matsi ya yi yawa a kansa, kowa na jiran sa da ya fito ya yi bayanin inda matsalar take.

Ba wanda yake sha’awar jin wahalar da kamfanin ke sha wajen ganin ya wadatar da man a cikin qasa. Milyoyin lita ne na man ake sayowa daga waje a kullum, amma duk da hakan wahalar man ake yi, mafi yawa ta hanyar zagon qasa, ga waxanda suke son tsiyata tattalin arzikinmu domin biyan bukatun kansu. A kodayaushe, kamfanin na mai qoqari yake na fahimtar da al’umma kan ainihin yadda matsalar take, kamar ta yadda wasu ke karkatar da man da kuma munanan ayyukan masu yin fasaqwarin man.

Amma akwai matsala guda babba wacce take yin tarnaqi a kan qoqarin da kamfanin man ke yi na wadata qasa da albarkatun man na Fetur. Wannan matsala kuwa ita ce, ta yawaitan gidajen sayar da man na fetur a kan iyakokin qasarmu, wanda hakan ke qara taimakawa masu fasa qwarin man wajen karkatar da man namu zuwa qasashen maqwabta, da nufin samun riba mai gwavi. Wasu na iya cewa, ai gina gidajen man a kan iyakoki hanya ce ta kasuwanci wanda kuma kila a ce ba ta da wata matsala.

Idan har da a ce, ana yin hakan da nufi ne na qwarai ba da manufar karya tattalin arzikinmu ba ta hanyar karkatar da albarkatun man namu zuwa qasashen maqwabta, to da sai mu ce lallai hakan ba laifi ne ba, hanya ce ta neman abinci. To tabbas, mafiya yawa ba hakan ne manufar su ba, suna gina su ne kawai da nufin yin fasaqwarin man zuwa qasashen qetare. Ma’anar fasaqwari shi ne, shigarwa ko shigowa da duk wani kaya zuwa cikin wata qasa a asirce kasantuwar qasar da ake shiga ko

fita da kayan ba ta halasta hakan ba, ko kuma ana yin hakan ne da nufin kaucewa biyan harajin da aka xorawa kayan. A dukkanin al’ummu na qwarai kamar Nijeriya, masu aikata hakan ana masu laqabi ne da munafukai masu laifin karya tattalin arzikin qasa.

Waxanda ma suka fi su haxarin sune, waxanda a kan baiwa albarkatun man da nufin su kai su wurare na musamman, amma

sai su kauce su bi ta varauniyar hanya su karkatar da su zuwa iren waxannan gidajen man na kan iyakokinmu, daga nan kuma sai a fice da kayan wajen qasarnan.

Suna cin haramtacciyar riba, kamfanin NNPC kuma na karvan zargi. Gaskiyan lamarin shine, kusan dukkanin iren waxannan gidajen man, duk ‘yan Nijeriya ne ke mallakan su. Abin haushin ma shi ne, ba wahalar su a wajen

EDITA Sulaiman Bala Idris

MATAIMAKIN SHUGABA (NA MUSAMMAN) Christian Ochiama

MATAIMAKIN EDITA Bello Hamza

DARAKTAN SASHE Mubarak Umar

RUKUNIN KAMFANONIN LEADERSHIP SHUGABA Sam Nda-Isaiah

BABBAN MANAJAN DARAKTA Abdul Gombe BABBAN MANAJAN DARAKTAN KADARORI David Chinda MANYAN DARAKTOCIN KAMFANI Dele Fanimo Felicia Ogbonlaiye DARAKTAN KULA DA MA’AIKATA Solomon Nda-Isaiah DARAKTAN KULA DA KADARORIN KAMFANI Zipporah D. Tanko MANYAN MANAJOJI Ibrahim Halilu Femi Adekunle Ebriku John

manufarmu

LEADERSHIP A Yau jarida ce da ake bugawa a Abuja.

Ta yi tsayuwar daka wajen tabbatar da shugabanci da wakilci nagari. Jaridar za ta ci gaba da kare muradun al’umma, ba kare ra’ayi da muradun mahukuntanta kaxai ba.

Da waxannan qudirorin ne muke fatan jama’a za su xora mu kan Mizani.

Haka kuma duk ra’ayoyin masu karatu da muke bugawa, ba manufar kamfanin LEADERSHIP ba ne, ra’ayin masu karatun ne.

Sai dai, ba za mu tava mantawa da dalilin wanzuwarmu a doron qasa ba, wato: Don Allah Da Kishin Qasa!

samar da man nan na fetur da aka yi.

Suna zaune, NNPC, na yi masu aiki. A kullum kamfanin na cikin shan suka da zargi, yana ta faxi tashin ganin ya fita kunya, amma su varayin na man, suna gefe suna ta dariyar su. Kullum suna kan hanyar zuwa Banki domin ajiyar maqudan kuxaxen da suka tara ta hanyar haram.

Wannan shi ya sanya a namu fahimtar muke ganin jami’an tsaro su na da mahimmiyar rawar da za su taka a bisa qoqarin da kamfanin na NNPC ke yi na ganin ya wadata qasarmu da albarkatun man, ya kuma toshe waxancan hanyoyin da varayin man ke bi suna karkatar da man namu. Kamfanin yana yin aikin shi, wajen baiwa ‘yan kasuwa albarkatun man domin su sayarwa al’umma. Sai dai abin takaicin shi ne, da yawan ‘yan kasuwan suna cikin ‘yan ta’addan da ke sayarwa da gidajen man na kan iyakokinmu da man da ake ba su Kamfanin na NNPC, ya san ire-iren su, sai dai a irin wannan lokacin ba yanda shi a kan kansa zai iya yi da su. Cikin halin rashin kunya kuma, iren waxannan ma su aikata hakan ne za ka ji sun fito suna kururuwar sam su ba sa cikin masu aikata hakan. Su za ka ji su na kukan janye tallafi da kuma tsadan canjin dala da makamantan hakan, da nufin qara tsawwalawa kamfanin na NNPC, da kuma al’umman Nijeriya, domin biyan bukatan kansu. Mu a wannan jaridar muna ganin sam bai kamata a ce iren waxannan marasa imanin sun fi qarfin doka ba. Akwai bukatar da mu yi nu ni da cewa, mafiya yawan hanyoyin da ake bi wajen karkatar da albarkatun man namu, duk ta hanyar mota ne.

Wanda hakan ke nufin za a iya lura da su, a kuma iya yin maganin su, mun tabbata jami’an tsaro da ke aiki da kamfanin na NNPC za su iya gano su tare da yin maganin su. Sai dai kuma idan akwai wani abin ne na daban, ko kuma akwai wasu bayanan da al’umma ba su sani ba, muna bayar da shawarar ya kamata gwamnati ta fara kulle ire-iren waxannan gidajen sayar da man na bogi da ke kan iyakokinmu. Muna ganin hakan zai taimaka wajen hana yawaitar fasaqwarin man namu da ake yi zuwa qasashen qetare. Wanda hakan zai sauqaqa mana wahalar man namu da kuma muke fama da ita.

4 LABARAI

A Yau

Laraba 11 Ga Afrilu, 2018 (24 Ga Rajab 1439)

Dubu 960,000 Ministocin Nijeriya Ke Amsa Duk Wata –Amaechi Daga Sulaiman Bala Idris, Abuja

Ministan Sufuri, Rotimi Amaechi ya bayyana cewa a duk wata naira dubu 960,000 ake biyanshi albashi, banda dubu 360 da ake basu na hayan gida.

Amaechi ya bayyana hakan ne jiya a wurin qaddamar da littafin tarihin marigayi tsohon ministan qasashen waje, Mathew Mbu, wanda aka yi wa take da ‘Dignity In Service’.

A cikin jawabinsa yayin da aka buqaci ya zo ya qaddamar da littafin, Ministan ya ce, “Tunda kowa ma na faxin nawa ake biyansa albashi duk wata, nima bari na faxi nawa albashin a matsayina na minister. Duk wata ana biyana albashin Naira dubu 960,000. Wannan kuma har da kuxin hayan gida, sannan daga ragowar nake biyan albashin muqarrabai na.”

Idan dai ba a manta ba, a kwanakin baya Sanatan Kaduna ta Arewa a majalisar dattawa, Sanata Shehu Sani ya bayyana cewa ana biyan

Sanatoci albashin naira miliyan 13.5 duk wata.

Yayin da yake magana dangane da halayyar wanda aka rubuta littafin dominsa, xansa marigayin kuma mawallafin littafin, Sanata Mathew Mbu Jnr. ya qalubalanci ‘yan Nijeriya da su riqa zaven mutanen kirki a madafun ikon qasa, domin wannan ne kaxai hanya mai vullewa wurin magance matsalolin Nijeriya.

Shi ma a nasa jawabin a wurin qaddamarwar, Rabaran Kekong Bisong ya ce, irin nasarorin da tsohon ministan ya samu a rayuwarsa samfuri ne ga matasa masu tasowa.

Ya ce; “Ambasada Mbu ya bauta wa qasar nan da shauqi, kuma irin nasarorin da ya samu a rayuwa ya kamata su zama samfuri ga matasa masu tasowa.

“A yau muna tunawa da shi ne saboda irin dattako da nagartarsa. Ba maha’inci mutum bane a lokacinsa.” inji Rabaran xin

•Minista Amaechi

Oyegun Zai Ci Gaba Da Zama Shugaban APC Matuqar Ba A Yi Babban Taro Ba Daga Bello Hamza

Kwamitin zartaswar jam’iyyar APC ta amince da dokar cewa, shugabanin jam’iyyar na yanzu su ci gaba da jagorancin jam’iyar har na shekara xaya matuqar ba a yi taron jam’iyyar na qasa ba. wannan shawarar da aka zartas ranar Litinin da rana a babban sakatariyar jam’iyyar ta qasa dake Abuja na iya bayar da daman ganin shugaban jam’iyyar John Odigie-Oyegun ya kasance a matsayinsa har bayan zavuvvukar da za a gudanar a shekarar 2019.

“In aka samu wani dalilin kasa cika umurnin dokar jam’iyya dana dokokin qasa na gudanar da zavuvvuka to sai u koma matsayar kwamitin zartasawar mu a shawarar da suka bayar ranar 27 ga watan Fabrairu 2018, wannan matsaya nasu kuma yana da madogara na musamman a dokokinmu a irin wannan lokacin” Davies Ibiamu-Ikanya, shugaban jam’iyyar APC na jihar Ribas ne ya gabatar da qudurin inda gwamnan jihar Binuwai Samuel Ortom ya goyi bayan qudurin yayin da ‘yan kwamitin zartasawr

suka amince dashi gaba xayansu.

Har yanzu ba a iya fahintar rashin jin masu qalubalantar wanan tsarin ba duk kuwa da daga dukkan alamu waannan ya taimaka wa Mista OdigieOyegun a qoqarin da yake yi na tazarce.

Mista Odigie-Oyegun tare da wasu ‘yan majalisar zartaswar sun nemi a qara musu wa’adin shugabanci saboda rikice-rikicen daya addabi wasu reshen jam’iyyar na wasu jihohi. Sun kuma nuna cewa, yin zave a wasu jihohin zai qara rura wutan rikicin da yake a wasu jihohi

abin da kuma zai iya qara kawo wa jam’iyyar matsalolin da zasu iya rusa ta.

Wannan shawara ta ranar 27 ga watan Fabrairu ya samu cikas bayan da shugaba Muhammadu Buhari ya janye goyon bayansa ga tsarin, inda ya nuna amincewar sa ga yin zave a dukkan faxin qasar nan. Shugaban qasar ya yi imanin cewar yin zave zai yi matuqar taimakon jam’iyyar daga faxa wa rikice rikicen shari’a kafin da kuma bayan zaven gama gari dake tafe.

Mutane na ganin koma baya da shugaban qasar

ya yi a kan goyon bayan tazarce kamar miqa wuya be ga Bola Tinubu tsohon gwamnan jihar Legasa kuma jigo a jam’iyyar APC wanda ya daxe yana neman ganin bayan Mista Odigie-Oyegun a shugabancin jam’iyyar.

Amman wannan shawarar na nuna kamar an sake dawo da shawarar yin zave ga shugaban jam’iyyar Mista Odigie-Oyegun.

Sauran shawarar da aka yanke sun haxa da “ba hukumar INEC wa’adin kwanaki 21 da shari’a ta aiyana na sanarwar zaven da za a gudanar”

MTN Ya Biya Rabin Naira Bilyan 330 Da Aka Ci Tarar Sa Daga Umar A Hunkuyi

Hukumar sadarwa ta qasa, (NCC), ta ce, Kamfan MTN ya biya Naira bilyan 165 cikin Naira bilyan 330 da aka ci tarar sa kan gazawar da kamfanin ya yi na kulle layukan sa marasa cikakkiyar rajista da wasu ke amfani da su.

Shugaban hukumar ta sadarwa, Umar Xanbatta, ne ya ambata hakan ranar Litinin a Abuja, lokacin da Shugaban rukunin kamfanin na MTN a Nijeriya, Pascal Dozie, ya ziyarci Hukumar.

A watan Oktoba 2015 ne, hukumar da ke lura da kamfanonin sadarwan, ta

qaqaba wa kamfanin na MTN Nijeriya, harajin kan gazawar da ya yi na bin dokokin gwamnati na toshe duk layukan da ba su da rajista.

Hakanan, an jibga wa kamfanin na MTN, wannan tarar ne don qin da ya yi na toshe kimanin layuka milyan 5.1 da ake amfani da su a kan ta, da ba a yi rajistar su ta hanyar da ta dace ba a daidai wa’adin yin hakan da gwamnati ta ba ta.

Bayan da kamfanin na MTN ya yi ta roqo da magiya ne, gami da sa bakin ban haqurin da gwamnatin Afrika ta kudu ta yi, aka rage harajin zuwa Naira bilyan 330.

A can baya dai, kamfanin na MTN ya bukaci ne da a ba shi damar ya fara biyan Naira bilyan 50, ya kuma biya sauran Naira bilyan 280 xin a wasu lokutan shida daban-daban, kamar yadda aka shirya a yarjejeniyar da aka cimma tsakanin sa da hukumar sadarwar.

“Ina farin cikin sanar da ku cewa, yarjejeniyar da muka yi da kamfanin MTN, kan yaushe da kuma yadda zai biya tarar da aka xora masa, kamfanin na MTN, ya yi aiki da ita.

“A watan da ya wuce na Maris, mun karvi takardar Cak na Naira bilyan 55 daga kamfanin na MTN, a matsayin

wani sashe na tarar da muka yi masa.

“Wanda hakan ya kawo jimlar abin da kamfanin na MTN ya biya ya zuwa yanzun, Naira bilyan 165 kimanin rabi kenan.

“Wannan kuxaxe ne masu yawa, sam kamfanin bai sava qa’ida ba, sun kuma biya kuxaxen ne kamar yanda muka shirya yarjejeniya da su,” in ji shi.

A cewar Xanbatta, an ci kamfanin na MTN tarar ne domin a nu na wa kowa cewa, ba fa za su yi abin da duk suke so ne ba, tilas ne su bi qa’idojin da gwamnati ta ba su.

Shugaban hukumar

sadarwan ya ce, hukumar za ta ci gaba da yin aiki tare da kamfanin na MTN, kasantuwar irin babbar gudmmawar da yake baiwa tattalin arzikin qasannan.

Tun da farko, shugaban kamfanin na MTN, cewa ya yi, Nijeriya tana xaya daga cikin babban kasuwan da kamfanin na su na MTN ke ci, sun kuma kawo ziyarar ne domin su qara xinke zumuntan da ke tsakanin kamfanin da hukumar ta NCC. Mista Dozie, ya roqi hukumar ta NCC, da ta yi ma su qarin gwanjo burgamin ta na yanar gizo ta yadda zai qara havaka tattalin arzikin Nijeriya.

LABARAI 5

A Yau Laraba 11 Ga Afrilu, 2018 (23 Ga Rajab, 1439)

Gwamnatin Tarayya Za Ta Kammala Ayyukan Cibiyoyin Raba Wutar Lantarki 190 -Fashola Daga Umar A Hunkuyi

Gwamnatin tarayya tana gab da qaddamar da cibiyoyin Tarawa da raba lantarki 190, a daidai lokacin da Ministan Lantarki, ayyuka da gidaje, Mista Babatunde Fashola, ya umurci kamfanonin raba hasken lantarkin, (DisCos), da su kyautata ayyukan na su.

Fashola, ya bayyana hakan ne a lokacin da yake bayanin inda aikin ya kwana, a ganawar wata na 26 na masu haqqin samarwa da raba hasken lantarin da aka yi a cibiyar lantarkin da ke Ohiya, ta Umuahiya, Jihar Abiya, ranar Litinin.

Ya ce, wasu ‘yan Nijeriyan sun shaida da hakan a fili, “Domin suna yin tsimin kuxaxen da suke kashewa a baya wajen sayen Man disel xin da suke zubawa a Janareton su, a yanzun na ‘yan awanni kaxan ne suke amfani da janaretocin na su, domin sukan sami

lantarkin fiye da a baya.”

“Nan da ‘yan makonni kaxan ne kamfanin samar da lantarkin na qasa, TCN, zai qaddamar da wasu daga cikin cibiyoyin lantarkin da aka kammala su, wasun su kuma suna gab da kammaluwa,” in ji Fasholan, ya ma qara da cewa, babban injin raba lantarkin mai qarfin 40MV, da ke qaramar tashar lantarkin ta Umuahiyan mai qarfin, 60MVA, a shirye take domin qaddamarwa yau xin nan.

Dangane da kamfanin lantarkin na sashen Neja Delta kuwa, (Niger Delta Power Holding Company (NDPHC), ya ce a yanzun haka akwai ayyuka sama da 100 da suke matakai dabandaban na kammalawa.

Ya ce, “A cikin ‘yan makwanni da watanni kaxan ma su zuwa ne, za su fita domin qaddamar da waxannana ayyukan.

Ayyukan za su taimakawa kamfanonin raba hasken

•Fashola

lantarkin wajen inganta hasken lantarkin da suke rabawa, don haka ina kira ga su kamfanonin raba lantarkin da su karvi ayyukan da zaran an qaddamar da su domin su yi amfani da su yadda ya dace.

Ya kuma shawarci kamfanonin raba lantarkin

da su qara qaimi wajen sauraron koke-koken masu hulxa da su su kuma share masu hawayen su, ta hanyar gyara ayyukan na su domin ma’aikatar na shi tana samun koke-koke masu yawa daga masu amfani da hasken lantarkin.

Ya ce, “Ku tura

ma’aikatanku waje, ku sanya su su riqa duba layukan da injunan raba lantarkin da ma sauran kayan aikin na ku sosai.

“Ku sanya su su riqa ziyartan abokanin hulxan ku suna tambayan su ko suna da wata matsala. Ku sanya su su riqa kulawa da duk wata matsala kafin ta yi qarfi, ku kuma riqa sanar da abokanan hulxan ku za ku xauke lantarkin a duk lokacin da bukatar hakan ta ta so, ku kuma shaida masu a sarari ko na tsawan sa’a nawa ne za ku dawo ma su da lantarkin,” In ji Fashola.

Duk da yake shi kansa Minista Fashola, ya nu na hakan aiki ne mai wahala, amma ya bayar da tabbacin cewa ya san za su iya aikin da ya xora ma su xin, “Ina da tabbacin za ku iya hakan, ina kuma jira a cikin shauqi tare da sauran ‘yan Nijeriya, in ga kun fara hakan, domin ku tabbatar da zaton da nake da shi a kanku.”

Gwamnatin Tarayya Ta Damu Da Kashe ’Yan Nijeriya Da Ake Yawan Yi A Ingila Daga Bello Hamza

Gwamnatin tarayya ta bayyana damuwar ta a kan yawan kashe-kashen ‘yan qasar nan da ake yi a qasa Ingila a ‘yan kwanakin nan.

Mataimakiya na musamman ga shugaban qasa a kan harkokin ‘yan Nijeriya dake qasashen waje Misis Abike Dabiri-Erewa, ta bayyana haka ta hannun

matamakin na musamman a kan harkokin watsa labarai Abdur-Rahman Balogun, a Abuja. Misis Dabiri-Erewa ta kuma shawarci ‘yan Nijeriya su yi taka tsantsan wajen gudanar da harkokinsu a waxanan qasashen.

Ta ce, “Qaruwar kashekashen baqaqen fata musamman ‘yan asalin Nijeriya a Landa abin tashin hankali ne qwarai da gaske,

an samu bayanin cewar fiye da baqaqe 50 aka dava wa wuqa ko aka harbe su kai tsaye a kashin farko na shekarar 2018 a Landan kawai.”

Mataimakiya ga shugaban qasar ta ce, ‘yan Nijeriya da aka kashe a wanna zangon a Birtaniya sun haxa da Oluwadamilola Odeyingbo xan shekara 18 da Taofeek Lamidi xan shekara 20 da

kuma Harry Uzoka xan shekara 25.

Sauran sun haxa da Rotimi Oshinbajo xan shekara 26 da Fola Odubiyi mai shekara 18 da Niyi Shode xan shekara 24 da kuma Kelvin Odunuyi mai shekara 19 da Abraham Badru xan shekara 26 da kuma Israel Ogunsola mai shekara 18, da sauran wasu dab a a bayar da bayanin aukuwar ta’addacin daya

faru a kansu ba.

A makon daya gabata ne Misis Dabiri-Erewa ta rubura wa ofoshin jakadancin Birtaniya wasiqa inda ta buqaci gwamnati Ingila ta gudanar da cikakken bincike a kan kashe-kashen da aka yi a kuma yi adalci.

Daga nan ta shawarci ‘yan Nijeriya dasu ci gaba da kasancewa jakadu na gari a duk inda suke su kuma zama

Dokar Ajiye Makamai: Rundunar ’Yan Sanda Ta Baje Bindigogi 425 Da Ta Kama Daga Umar A Hunkuyi

Rundunar ‘Yan Sanda ta baje bindigogi 425 da ta kama, a qoqarin da rundunar ke yi na raba qasannan da makaman da mutane suka mallake su ba bisa qa’ida ba.

Kakakin rundunar, ACP Jimoh Moshod, ne ya nu nawa manema labarai bindigogin a Shalkwatar rundunar da ke Abuja, ranar Litinin.

Ya ce, rundunonin haxin gwiwa na rundunar ‘yan sandan ne ta kamo

makaman da suka haxa da; Manyan bindigogin samfurin GPMG, guda biyu, AK 47 guda 114, SMG guda 8, da kuma wasu kalan bindigogin daban-daban guda 301.

Ya kuma ce, Shugaban ‘yan sandan na qasa, Ibrahim Idris, ya tsawaita wa’adin da ya bayar tun da farko da kwanaki 21 daga ranar Litinin, 9 ga watan Afrilu zuwa 30 ga watan na Afrilu 2018.

Ya ce, an yi qarin ne bisa

qarewar wa’adin kwanaki 21 da rundunar ta bayar, inda ta umurci duk masu riqe da makaman ba bisa qa’ida ba, su miqa wa rundunar makaman a bisa raxin kansu.

Ya ce, an yi hakan ne kan yadda mutane suka karva wa umurnin da rundunar ta ba su, don haka rundunar ta karvawa neman da al’umman wasu Jihohin suka yi na ta qara ma su wa’adin.

Ya qara da cewa, ana kuma

yin hakan ne domin ganin an tabbatar da yin aiki da dokar nan da ta haramta mallakan makaman, don haka ake qoqarin karve dukkanin makaman da kuma hana a mallake su ba bisa qa’ida ba.

Kakakin ya ce, hakan zai baiwa rundunar daman magance yawan rikicin da ake samu a tsakanin Makiyaya da Manoma, masu garkuwa da mutane, masu satan shanu, ‘yan ta’adda da sauran su.

Ya kuma yi kira ga al’umma

da su kai rahoton duk wanda suka gani yana mallakan makaman ba bisa qa’ida ba ga sashen rundunar na musamman.

Moshood, ya bayar da lambobin wayan da za a iya tuntuvar rundunar kamar haka: Sashen DIG, 08037025670; Sashen O/C IGP, 08032451594; Sashen O/C IGP, Special Tactical Squad, 08036783383, da kuma Sashen O/C IGP Intelligence Response Team, 09098049333.

6 LABARAI

A Yau Laraba 11 Ga Afrilu, 2018 (24 Ga Rajab, 1439)

Garkuwa: Yadda Na Samu Miliyan 100 A Mutum 50 Da Na Sace –Muritala Sannan kuma ya ce, da hannunsa a mafi yawan garkuwar da aka aikata a yankunan Jihar Edo. Muritala ya ce, ya mallaki garken shanu, sannan tawagarsa akwai aqalla bindigun AK47 guda 10 a hannunsu wanda suke harkar garkuwa da su.

Ya kuma fallasa cewa, wani mutum ne wanda suke kira da ‘Chief’ shi ne yake ba su jadawalin sunayen waxanda za su yi garkuwa da su.

Riqaqqen mai garkuwa da mutanen ya ce, ya haxa Naira Miliyan 10 daga mutum xaya daya ya yi garkuwa da shi duk kuwa daya yi alkawarin haxa kai da ‘yansanda.

A kan abubuwan daya

auku da mutanen da suka faxa hannunsa, ya ce, maigidansa ne ke da alhakin kashe duk wanda bai bayar da haxin kai ba.

“An haife ni ne a garin Lakwaja ina da mata ina kuma zaune a garin Auchi, ina harkar garkuwa da mutane ne, na yi shekara huxu ina wannan harkar na garkuwa da mutane. Na fara ne a garin Lakwaja, ya zuwa yanzu na yi garkuwa da mutum fiye da 50. Muna kama su ne yayin da suke cikin tafiya a hanyoyinmu.

A kwai wani mutum daya ke yi mana cinnen waxanda ya kamata mu yi garkuwa dasu. A harkar da na yi ta qarshe na karvi Naira Miliyan 3. Maigida na ne ke kashe mutane, lallai mun

kashe mutane da yawan gaske, muna kuma gudanar da wannan aikin manu na garkuwa da mutane ne a tsakanin Auchi da Ekpoma da Okenne da sauran wurare.

Kwamishinan ‘yansanda na jihar Babatunde Kokumo, ya kwatanta mai garkuwa da mutane da wanda yin kama da Fulani Makiyaya.

“Mutumin ya daxe yana shiga da fitowa daga gidan yari, yana kuma harkar garkuwa da mutane ne a jihar Edo da sauran wasu jihohi, ya sha yin garkuwa da mutane a Edo, ma’aikacin gidan yarin da yi garkuwa da shi kwanaki ya gane shi” Haka kuma wani Walda da aka ceto ranar Litinin

daga hannun masu garkuwa da mutane a garin Afuze a qaramar hukumar Owan East, Mista Idirisu Mohammed, ya gane wani Makiyayi mai suna Abubakar Ilyasu a matsayin xaya daga cikin waxanda suka yi garkuwa da shi.

Mista Idirisu ya ce, Abubakar ya aika wasu daga cikin waxanda suka yi garkuwa da shi su je su saya masa abinci a cikin gari a lokacin suna can cikin qungurmi daji, kafin su dawo ne aka samu nasarar ceto shi daga hannunsu.

A cewarsa, “Shekaru na 51, ina sana’ar aikin gona da walda, a dai ai lokacin da nake tafiya da ma’aikata zuwa gona domin su yi mani aiki, a hanyar Warrake

kusa da Afuze, sai kawai naga wasu Makiyaya sun fito daga cikin daji, suna xauke da bindiga, nan take suka karve wayoyin hannumu bayan sun yi mana xan karen duka da adda sannan suka tafi dani cikin daji. ‘Yan banga ne tare da ‘yansanda suka ceto ni. Da ganin ‘yansanda da ‘yan bangan sai suka ranta a na kare suka bar ni bayan da aka fara harbe harbe.

“Wannan da aka kama shi ne ya je ya sayo mana abinci, yana dawo wa ya haxu da jami’an tsaron suka kama shi tare da abiunci daya sayo” Abubakar ya ce, ya bar shanayen sa ne don zuwa sayo abinci a lokacin da aka kama shi.

Gwamnatin Tarayya Ta Samar Da Sabbin Dokoki A Kan Ta’addanci Daga Bello Hamza

Ministan Sarai’ar Tarayyar Nijeriya (AGF), Abubakar Malami (SAN) ya sanar da kafa sabbin dokoki domin fuskantar yaqi da ta’addanci a qasar nan.

Minista Malami ya ce sabon dokar mai suna “Terrorism Prohibition and

Prevention Bill” zai maye gurbi dokar da ake amfani da shi a halin yanzu na “Terrorism Prevention Act, 2011 (amended in 2013)”.

Ya yi wannan bayanin ne a taron yanki mai taken ‘Prison Intelligence in a Counterterrorism Context’ da aka gudanar a Abuja ranar Litinin, ya qara da

cewa, in majalisar tarayya ta zartas da dokar, za a samu yanayin da zai haifar da haxin kai a tsakanin jami’an tsaron qasa dabandaban domin samun sauqin fuskantar yaqi da ta’addanci a cikin sauqi.

Malami, wanda darakta mai gabatar da qara na qasa (DPP) ya wakilta ya ce,

sabon dokar ya qara buxa ma’anar ta’addanci da masu samar wa ta’addanci kuxaxe da horon daya kamata a yi wa ‘yan ta’adda da masu samar musu da kuxi.

Ya kuma nuna godiyarsa ga hukumar “International Institute of Justice and Rule of Law (IIJ)” ta qasar Malta da gwamnatin qasar

Amurka da Jamus da Ingila da Switzerland da Tarayyar Turai a bisa haxin kai da suke ba gwamnatin tarayya wajen bunqasa sashin shari’a, ya kuma qara jaddada qoqarin gwamnatin tarayya na kawo sauyi a gidan yari da kuma tsugunar da ‘yan ta’adda.

Mai Talla Shi Ke Da Riba:

LEADERSHIP A YAU Ta Shirya Tsaf!

Kamar yadda kowa ya sani ne, wannan jarida mai albarka, LEADERSHIP A YAU ta kafa tarihi wajen zama jaridar Hausa da ta fara fitowa a kullum. Wannan fara fitowa a kullum yana da alfanu masu yawan gaske, gare mu Kamfanin LEADERSHIP da ku masu karatu, musamman masu sana’o’i manya da qanana.

Wannan ne ya sa muke farin cikin shaida wa masu karatunmu cewa mun shirya tsaf domin tallafa wa kasuwancinku, ta hanyar tallata maku shi zuwa inda ba ku zata ba. Domin a halin yanzu mu kanmu da muke buga wannan jarida ba za mu iya bayyana iya inda ta ke shiga ba.

Muna da tsare-tasare da dama don talla ku da hajojinku, inda muka fitar da tsarin ‘IYA KUXINKA IYA SHAGALINKA.’ Wato akwai cikakken shafi, akwai rabi, akwai kwata, akwai kuma daidai iyaka abin da mutum ke so a sanya masa. Wanda a wannan shafin muna so masu sana’o’i, musamman manyan dillalai su tallata hajojinsu, su qananan ’yan kasuwa akwai

nasu tsarin.

A wani tsarin ma da muke da shi, akwai yanayin da mutum zai tallata hajarsa, sannan ya tallata kansa, inda za a sanya hoton shagonsa, hotonsa da kuma taqaitaccen tarihinsa, kuma wannan duk a kuxi kaxan. Maza ku kasance cikin kashi na farko na masu cin moriyar wannan shiri.

Ina ’yan Canji, dillalan yaduka, masu kayan masarufi, mayan da qananan ’yan tireda, dillalan magunguna, masu kamfoni da masana’antu, dillalan hatsi, dillalan mota, masu sayar finafinai da dai sauran masu sana’o’i, ga dama ta samu.

A tuntuvemu a lambarmu ta 08148507210, 07036666850, 08039216372, 07037934034, 08032875238 da 08038011382: email leadershipayau@gmail.com. Ko kuma a tuntuvi wakilanmu na jihohi don qarin bayani.

A Yau Laraba 11 Ga Afrilu, 2018 (24 Ga Rajab, 1439)

Burinmu Shi Ne Mu Sauqaqa Muku

Ba a chaj in kuxin on ka cire d i j a h c a a B saqonnin watin waya kuxi daga ak na wasu banku

Da zaran an buxe asusu da mu, za a morewa rashin chaji idan mutum ya cire kuxi a akwatin wasu bankuna, haka kuma ba za a riqa cire kuxin saqonnin waya ba.

Domin cimma nasara a hada-hadar banki, ka yi mu’amala da bankin Sun Trust a Yau Ziyarci: www.suntrustng.com

TALLA 7

8 TALLA

A Yau

Laraba 11 Ga Afrilu, 2018 (24 Ga Rajab, 1439)

Domin Qarin Bayani A Tuntuvi: • Mubarak Umar – 0703 6905 380 •Sulaiman Bala Idris –0703 6666 850

A Yau Laraba 11 Ga Afrilu, 2018 (24 Ga Rajab, 1439)

TALLA 9

Gaba dai! Gaba dai “Super Eagles”

Bankin Zenith na taya ‘yan qwallon Nijeriya “Super Eagles”, murna sakamakon nasarar da suka samu ta kai wa gasar Cin Kofin Duniya wanda za a gudanar a qasar Rasha.

10 LABARAI

A Yau

Laraba 11 Ga Afrilu, 2018 (24 Ga Rajab, 1439)

Albashi Ma Fi Qaranci:

NUC Ta Gabatar Da Sabbin Bukatu Da Suka Dace Da Yanayin Tattalin Arzikin Qasa Daga Umar A Hunkuyi

Gamayyar qungiyoyin qwadago sun gabatar da sabbin bukatu na neman yin qarin albashi mai tsoka ga ma’aikatan qasarnan, wanda zai dace da halin da tattalin arzikin qasarnan ke ciki a halin yanzu, ga kwamitocin nan uku na gwamnatin tarayya.

Babban Sakataren qungiyar qwadago ta qasa, NLC, Peter Ozo-Eson, ne ya bayyana

hakan cikin wata tattaunawa da ya yi da manema labarai ranar Litinin a Abuja.

Kamfanin dillancin labarai na qasa, ya hakaito bukatar da qungiyar qwadagon ta gabatar shekaru biyu da suka shuxe na neman qarancin albashi na 56,000, ga ma’aikatan qasannan.

Peter Ozo-Eson, ya ce, sun gabatar wa da kwamitocin uku bukatar sabon albashi ma fi qarancin ne a zaman da suka

yi da kwamitocin ranar 27 ga watan Maris 2018.

A cewar shi, tun kusan shekaru biyu kenan muka xauki matsaya, lokacin da muka gabatar wa da gwamnati bukatar na mu.

“Amma a lokacin da muka sami kiran da kwamitocin na gwamnatin tarayya suka yi na cewa duk waxanda abin ya shafa su gabatar da bukatun na su.

“A wajen amsawa bukatar na

su, sai muka yi amfani da halin da tattalin arziki ke ciki wajen gabatar da sabbin bukatun na mu. Duk abin da muka gabatar ma su, mu ka kuma bukata daga gare su, sakamako ne na binciken da muka yi.

“Mun yi binciken ne ta hanyar amfani da halin da tattalin arzikin qasarnan ke ciki a yanzun, wanda hakan ya nu na mana wani abu na daban.

“Za mu tsaya ne kan abin

da ke cikin takardar da muka gabatar wa Kwamitocin, wanda ba abu ne da ya kamata mu shelanta wa mutane ba,” in ji shi.

Ya kuma ce, sabbin bukatun na su na haxin gwiwa ne a tsakanin qungiyoyin qwadagon, NLC, da qungiyar leburorin ‘yan kasuwa, TUC. “Mun rigaya mun gabatar ma su da sabbin bukatun na mu, mun kuma ba su duk hujjojin da muka dogara da su.

• Ministan yaxa labarai da al’adu, Lai Mohammed tare da Ministan Babban Birnin Tarayya, Abuja Malam Mohammed Musa Bello jiya yayin wata ziyarar sada zumunci da Ministan Yaxa Labarai ya kai ofishin Ministan Babban birnin Tarayyar

Ayyana Takarar Buhari: Shugabannin Jam’iyyun Adawa Za Su Yi Taron Gaggawa Daga Idris Aliyu Daudawa

Shugabannin wasu jam’iyyun siyasar waxanda aka yi ma rajista ranar Litinin ce a Abuja suka bayyana cewar, shugaban qasa Muhammadu Buhari, yana da dama ya sake neman tsayawa takara, a sake zaven shi a shekarar 2019 idan yana buqata.

Shugabannin shaiwa kamfanin dillancin Labarai na Nijeriya (NAN)cewar ba wani abin laifine ba, idan shugaban qasa ya nuna sha’awar sa ta sake tsayawa takara, a zaven 2019.

Shugaban jam’iyyar National Unity Party,(NUP) Perry Okpara ya bayyana cewar abu ne mai qyau shugaban qasa Buhari ya sanar da niyyar sa , ta tsayawa takara. ‘’Kamar yadda nake

shugaba na jam’iyyun haxa ka, zan kira taron qasa na shugabannin jam’iyyu, domin mu tattauna, dangane da halin da ake ciki, daga nan kuma mu san ko wane irin mataki zamu xauka’’.

Shima shuggaban jam’iyyar Accord Party Muhammadu Nalado cewa yayi Buhari ya yi abin da ya dace, saboda ya nuna aniyar shi ta tsayawa takara, saboda ai tsarin mulki ya bashi damar yin hakan.

Y a ci gaba da cewa ‘’Buhari shi ne shugaban qasar da yake kan gado yanzu, shi ya wakilci jamn’iyyar APC lokacin zaven shugaban qasa na 2015, ya kuma samu nasara, don haka yana da dama ta sake tsayawa, neman karo na biyu.

Tsarin mulkin Najeriyaya ba shi dama, nani da wani haufi dangane da hakan’’.

Da aka tambaye shi ko

yana da qyau ya sake neman a sake zaven shi, duk kuwa da yake da shawarar da shugabannin siyasa suka ba shi, Mr Nalado wanda shi ne shugaban kwamitin mai bada shawarwari tsakanin’jam’iyyu (IPAC), cewa ya yi, bayyana niyyar shugaban qasa ba wani abin laifi bane.

Y qara da cewar ‘’A siyasa babu wani abin da ake kira xari bisa xari, saboda kuwa wasu zasu goyi bayan mutun, wasu kuma ba zasu goyi bayan shi ba’’ Mr Nalado ya ce Muhammadu Buhari shi ne ,mai neman a tsayar da shi matsayin xan takara , har sai lokacin da ita jam’iyyar APC ta yarda da hakanan. ‘’Shugaban qasa na jam’iyyar Democratic Peoples Party (DPP) Garson Benson

ya bayyana cewar ’’Buhari yana da da damar tsayawa takara, kamar ko wane xan Nijeriya.’’

Mr Benson ya ce Buhari yana ‘yancin ya sake tsayawa takara, amma kuma maganar ko wanene, zai kasance xan takarar jam’iyyar APC, da kuma wanda zai sake kasancewa shugaban qasa, wannan al’amari ne na ‘yan Nijeriya, waxanda zasu raba gardamar haka ta hanyar yin zave’’ Ya qara jaddada cewar ‘’ Ni dai a wurina Buhari ya cancanci ya sake tsayawa takara, saboda ai yayi aiki da yawa waxanda zasu sa’yan Nijeriya su sake zavar shi, yanzu ya rage ne ga jam’iyyar APC, komta sake tsayar da shinxan takarar ta. ‘’Mu da sauran jam’iyyu zamu tsayar da namu ‘yan

takarar ga ‘yan Nijeriya waxanda su ne zasu daidaita yadda abin zai kasance, idan ‘yan qasa suka ce, ya cancanci a sake zaven shi, ba wata matsala ai wannan ba wani abu bane’’.

Benson duk da haka ya bayyana cewar babban muhimminala’amari shi ne a bar zaven shekara ta 2019, ya kasance ba wani katsalandan.

Jami’iyyar PDP cewa tayi al’amarin bayyanar Mr Buhari tsayawa takara a zango na biyu, wannan al’amarin cikin gida ne wanda ya shafi jam’iyyar APC .

Bayanin jam’iyyar wanda sakataren hulxa da jama’anta ya sa ma hannu Kola Olobondiyan, ya bayyana cewar maganar bayyanawar sake tsayawa takarar 2019, ya nuna ke nan yana daga cikin ‘yan takarar da za su tsaya.

LABARAI 11

A Yau Laraba 11 Ga Afrilu, 2018 (24 Ga Rajab, 1439)

Jami’ar Wudil Ta Sa Hannu Dan Inganta Harkar Noma

Daga Ibrahim Muhammad, Kano

Jami’ar kimiyya da fasaha ta Wudil ta shiga wata yarjejeniya da wani kamfanin fasahar aikin gona na qasar Sin dan ciyar da aikin gona gaba a jami’ar.

Mataimakin shugaban jami’ar Farfesa Shehu Musa Alhaji ya bayyana haka a lokacin da yake sanya hannu a

yarjejeniyar a Kano.

Ya ce a yanzu haka jami’ar tana shirye-shiryen samun wani katafaren gona dan fara gudanarda aikin gona.

Mataimakin Shugaban jami’ar Kimiyya da fasaha ta Wudil Shehin malamin yace irin wannan haxin gwiwa na ciki da wajen qasarnan abune da yake buqatar kuxi mai yawa dan samawa matasa

aiki a fannin harkar noma na zamani.

A nasa jawabin shugaban kanfanin da akayi yarjejeniyar yace sun sami qasar kano me karvar shuke-shuke ne iri daban-daban dan haka nema za suyi aiki tareda jami’ar kimiyya da fasahar ta Wudil har tsawon ma’adin shekaru Biyu dan gudanarda aikin gona na zamani.

2019: Buhari Zai Samu Kuri’u Sama da Miliyan 80 A Nijeriya –Sarkin Baka Daga Khalid Idris Doya, Bauchi

Wani matashi a jihar Bauchi mai suna Nasiru Umar Gwallaga ya bayyana cewar ko yanzu a sake kaxa gangar siyasa Buhari zai sake lashe zaven Nijeriya domin kyawawar manufofin da yake da su wa Nijeriya.

Nasiru ya bayyana hakan ne a hirarsa da wakilinmu a Bauchi sa’ilin da ke nuna murnarsa da jin labarin cewar Buhari ya ayyana cewar zai sake fitowa neman kujerar shugabantar Nijeriya a karo na biyu a zaven 2019 da ke tafe.

Nasiru wanda kuma shi ne shugaban matasa na jam’iyyar APC reshen jihar Bauchi ya kuma bayyana cewar a harsashensa yana ganin cewar a zaven 2019 Buhari zai samu kuri’u sama da miliyan tamanin wanda ‘yan Nijeriya za su ununu su zavesa domin sun ga aiyukansa a qasa.

Nasiru wanda ake masa lakabi da Nasiru A-KasaA-Tsare na Baba Buhari ya kuma bayyana cewar matuqar Buharin ya sake samun zarafin shugabanci a Nijeriya hakan zai bashi damar kammala aiyukan da ya faru na gina qasar Nijeriya.

Ta bakinsa, “Maganar gaskiya ni na fi kowa murna da farin ciki, meye sa > daman wannan ranar muke ta jira, ga shi Allah ya kawo mana ita.

Ranar 9 ga watan 4 shekara ta 2018 shugaban Nijeriya, Muhammadu Buhari ya bayar a rubuce ya kuma ayyana wa duniya cewar zai sake tsayawa takara a zaven 2019, na fi kowa murna kasantuwar yadda muke na gaba-gaba wajen raya al’amuran da suka shafi shugaba Buhari,” A cewar Shi. A-Kasa-A-Tsare, ya kuma bayyana cewar ya so ne ya shirya gangamin gangankon jama’a domin nuna murna da wannan ranar da shugaban ya ayyana neman zave a karo na biyu, sai da kuma a bisa halin da yake ciki na matarsa tana kwance a gadon jinya ne ya sanya bai iya jagorantar

wani taron gangamin jama’a ba; amma ya shelanta cewar murnarsa ba ta iya misaltuwa.

Nasiru Gwallaga ya kuma yi imanin cewar shugaban Buhari zai sake samun kuri’u fiye ma da yadda ya samu a baya na zaven 2015, har ma yake tutiya da cewar Buhari zai samu kuri’i miliyoyi “Aqalla ba a qasaru ba kuri’un da shugaban Nijeriya Buhari zai samu a zaven 2019, bar na maka kiyasi wanda a matsayinmu na matasa masu duba siyasa a Kudu da Arewa, yanzu haka shugaba Buhari zai samu kuri’u sama da miliyan tamanin a Nijeriya, saboda kowa a Nijeriya yanzu hankalinsa ya koma kan Buhari domin an lura da tsarinsa, ya kuma zo da tsarin gyara Nijeriya da kawo doka da oda a tsakanin jama’a, wannan dalilin ne ya sanya jama’a ke maraba da shi a karo na biyu, domin hakan ne kawai zai bayar da dama aiyukan da ya faru ya samu ya ci gaba har ma ya qara da wasu a kai,” In ji Nasiru.

•Gwallaga

Dangane da masu sukar Buharin kuwa, ya bayyana cewar masu sukarsa sun kasu kashi biyu ne da masu kashi a kasarsu ko kuma masu neman a xauko a raba, inda kashi na biyu kuma suka kasance ‘yan adawa, ya kuma bayyana cewar masu adawa da Buhari daga PDP baa bun damuwa bane, domin daman babu yadda za a yi a kwace abu a hanun mutum a hanasa kuka, sai kuma ya ce dukkanin wani dan APC da ke qorafi da gwamnatin Buhari to ba mai gaskiya bane.

Daga nan ne kuma ya sha alwashin cewar Buhari zai sake lashe zaven Nijeriya a karo na biyu da kuri’u masu dumbin yawa, ya kuma buqaci ‘yan Nijeriya da su fito su yi tururuwar sake zaven Buhari a zaven 2019 domin haqa ta kai ga cimma ruwa.

A shekaran jiya ne dai Buharin ya fito ya ayyana buqatarsa na tsayawa takara a zaven 2019 da ke tafi, wanda jama’a suka fara tunanin wanda za su kara da Buharin a zaven da ke harararmu.

•Farfesa Shehu Musa Alhaji

Azumtar Rajab Ko Wasu Kwanaki Cikinsa Na Wajabta Samun Yaddar Allah -Sheik Abdulgaffar Kabara Daga Mustapha Ibrahim, Kano

Sheikh Abdulgaffar Nasiru Kabara ya bayyana cewa watan Rajab, yana daga cikin watanni huxu a shekara masu alfarma wanda aka bayyana matsayinsu dalladalla a Hadisi.

Kamar haka Rajab, watan Allah ne, Sha’aban na Annabi (S) ne, Ramadan na Al’umma ne, don haka waxannan suna daga cikin watanni huxu masu alfarma da aka faxa a hadisi wanda idan aka xau watan Rajab shi kaxai wata ne da Azumtarsa dukkaninsa ko kuma wasu kwanaki na cikinsa da nufin Ibada da neman yardar Allah na wajabta ma Bawan Allah da ya yi Ibada Kalisan Lillahi, ma’ana don Allah na wajafta masa samun Aljanna da samun yardar Ubangiji.

Shehin ya qara da cewa babu wata rana da aka hana Musulmi ya yi zzumi idan ban da ranar Idin qaramar Sallah da Babba. Don haka Azumi ga shi nan nau’i-nau’i a cikin Hadisai daban-daban.

“Akwai Azumi na Ranar 13, 14, 15 a kowanne wata da ake yi da Niyyar Ibada kuma Allah ya bada Lada haka akwai na Alhamis da Litinin shi ma Nau’i ne na Azumin Ibada haka kuma akwai Azumin Alhamis Juma’a akwai Azumin Asabar da Lahadi ga kuma Azumin Annabi Dauda Alaihissalam

wanda Azumi ne wanda ake yin sa yau, gobe kuma a sha ruwa.

“Wwanda hadisi ingantacce ya tabbatar da cewa azumin da ya fi kowanne azumi shi ne azumin Annabi Dauda Alaihissalam kamar yadda ya zo a Hadisi. Don haka babu wani dalili na cewa ba a azumtar watan Rajab a fahimtarmu.”inji shi Haka kuma ya bayyana watan Rajab a matsayin wata mai xumbin albarka da falala mai yawa a cikinsa wanda wata ne da aka yi Isra’i da Mi’iraj a cikinsa, kuma abu ne sananne ga al’ummar Musulmai cewa Manzo na azumtar ranakun litinin wacce ita ce ranar da aka haife shi. Haka kuma yana azumtar ranar Alhamis domin Rana ce da ake karvar ayyukan bayin Allah a cikinta. Haka kuma ya bayyana cewa Watan Rajab ya na da ma’anar cewa Rajab ma’anar sa Rahama ne kuma an hana Yaqi a cikin sa akwai kuma Aljannar da take da Ruwan Sanyi ya fi Nono fari ya fi zuma zaqi wanda an ce, wata Aljannar ce da ake kira Rajab a taqaice da Rajab na da ma’anoni daban daban wajan fassara ma’anar shi bayan kasancewar sa wata ne xaya daga cikin watan ni Huxu masu alfarma cikin wata 12 da ake dasu a shekara da ake dasu wajan Allah wato wata 12 a shekara ta Musulunci.

12 LABARAI

A Yau

Laraba 11 Ga Afrilu, 2018 (24 Ga Rajab, 1439)

Sabon Digiri A Harkar Fim Da Muka Qirqiro Zai Amfani Matasa –NOUN Daga Bello Hamza

Shugaban jami’ar Nijeriya da ake gudanar da karatu daga gida “National Open University of Nigeria (NOUN)” Farfesa Abdalla uba Adamu ya ce, sabon digiri a fannin harkar finafinai da jama’ar ta qirqiro zai fi amfanar matasa masu kammala karatun sakandari fiye da gogaggun ‘yan fin da suke cikin harkar tsumdum.

Farfesa Adamu, ya ce, kwanan nan ne hukumar kula da jami’o’i NUC ta amince da ci gaba da gabatar da kwas xin wanda babban burinsa shi ne qarfafa yin finafinan dake xaukaka al’adunmu na cikin gida koma bayan waxanda ke xaukaka al’adun turawa da mayar da namu baya.

A wata tattaunawar da ya yi da sashin Hausa na muryar Amurka, ya ta’allaqa rashin ci gaban a zo a gani na finafinan Nollywood dana Kannywood, wannan abin ne yasa muka qiqirro da wannan digirin muna kuma fatan zai yi magani wannan matsalar a ‘yan shekaru masu zuwa.

Daya ke amsa tambayar ko wani abu ya qarfafasu na qirqiro da wannan kwas, Farfesa Adamu ya ce, “Cikin abin daya qarfafa mu shi ne, wani lokaci muna tafiyetafiye qasashen duniya domin ganin yadda wasu qasashe suke xaukar finafinanmu na Hausa, amma gaskiyar dai shi ne mutane da yawa basu

xaukan finafinan mu da wani mahimmanci.

“A kwai wani taro da jami’ar Illinois ta Amurka ta shirya, a taron an yi itifakin cewar, bai kamata a samu wani abu wai shi Nollywood ko Kannywood ba, duk wani fim daya fito daga Afrika a rinqa kiransa Nollywood kawai.

Nan take na xaga hannu na ce ban yarda ba domin kuwa mu a yanki Arewacin Nijeriya muna gabatar da finafinai ne masu matuqar banbanci da waxanda ake yi a Nollywood babu abin daya haxa namu da nasu a fannin al’adu da sauransu.

“Saboda haka in har muka yarda da cewar mun koma cikin Nollywood, shi ke nan dukkan al’adunmu da addininmu zasu vace ke nan ba wanda zai riqa ganinsu, wannan shi ya bani tsoro a kan harkar finafinan Hausa, duk inda kaje ka yi magana a kan finafinan Hausa sai su dinga sukar rashin kyawun xauka da rashin kyan tsarin finafinan” Farfesa Adamu ya qara da cewa, a kwai lokutta da yawa da malamai masu koyar da Hausa a jami’oin qasashen waje fuskantar qalubale daga xalibansu a kan rashin cukakken alqiblar finafinan hausa musamman rashin tsayuwa a kan al’ada da harshen bahaushe wajen shirya finafinan” “A kwai wata jami’ar dake koyar da Hausa a qasar iran,

wataqila saboda su ‘yan shi’a ne suke son su qara sanin Hausar, a nan ma sun yi tir da finafinanmu saboda rashin kyansu, waxanan na gada cikin abubuwan dake sa mutane suna watsi da finafinanmu, abin dariya sai ka ga mutanen mu a Qofar Wanbai da Kasuwar Bata suna ta yabon finafinanmu tare da tunanin sun fi na ko’ina kyau” “A kan haka ne muka yi shawarar fuskantar lamarin ta mahangar ilimi, muka tambayi kanmu yadda ake gudanar da abubuwan, daga nan ne muka yi shawarar koya wa mutanenmu abubuwan daya kamata su sani a domin inganta finafinanmu ta yadda zasu iya shiga bukuwan finafinan na duniya, wannan shi ne abin daya qarfafamu wajen qirqiro da wannan kwas xin” Farfesa Adamu, ya muka yi bayanin dalilin da NOUN take fatan samun masu sha’awar shiga makaranta daga matasa fiye da qwararru a Nollywood ko Kannywood.

“Mun riga mun bayar da sanarwar qa’idojin da ake buqata na fara wannan karatun, amma kamar yadda na faxa, hanqoronmu sune yara ‘yan matakin qaramar sakandare masu shirin shiga babbar sakandare, da farko dai baka buqatar yin jarabawar JAMB ko kuma sai ka yi Post UME kafin ka shigo jami’ar mu.

•Shugaban Jam’iyyar PDP ta qasa, Uche Seondus

“Waxanda suka gaji da neman gurbin karatu a jami’oinmu suka kasa samu, su zo su yi karatun yin fin kawai, ko ba komai sana’a ce kuma hanyar tallata al’adunmu zuwa wurare

daban-daban.

“Ta yaya zamu riqa shauqin finafinan Indiya? mai zai hana in an kai namu fin xin Indiya suma su rinqa rubibin finafinan, ai muma muna da labaru masu ban sha’awa da ilimantarwa’

Wasu ’Yan PDP Sun Yi Tir Da Furta Sanata Bala A Matsayin Xan Takarar Gwamna A Bauchi Daga Muazu Hardawa, Bauchi

Wasu magoya bayan jam’iyyar PDP a Jihar Bauchi sun nuna rashin gamsuwa da iqirarin shugabannin jam’iyyar PDP na Jihar Bauchi game da wani bayani da suka fitar a cikin jaridu na bayyana cewa sun amince da bayar da takarar gwamnan Jihar Bauchi na jam’iyyar PDP wa tsohon Ministan Abuja Sanata Bala Mohammed Kauran Bauchi.

Alhaji Maijama’a Mohammed Yariman Bununu a madadin masu ruwa da tsaki a cikin PDP shi ne ya bayyana haka a lokacin da ya jagoranci wata tawagar magoya bayan jam’iyyar zuwa cibiyar ‘yan jarida da ke Bauchi inda suka bayyana rashin jin daxi game da matsayar da shugabannin PDP na Jihar Bauchi suka xauka game da fitar da sunan xan takara alhali ba wakilai da ake qira deligate suka zave shiba. Bayan haka kuma ya bayyana cewa lokaci bai yi ba da za a iya bayyana sunan wani a matsayin xan takara

don yin haka ya ci karo da doka.

Maijama’a Mohammed Bununu ya qara da cewa ganin irin abin da ya samu jam’iyyar PDP a baya inda aka tafka kurakurai har ta kai ga an faxi a zavuvvuka masu yawa, shi ne ya sa yanzu duk wani abu da suka hango zai kawo cikas wa jam’iyyar dole su kauce masa don ganin sun dawo da martabar magoya bayan jam’iyyar PDP da kuma jam’iyyar da kan ta har a samu nasara a yayin zavuka masu zuwa na shekarar 2019 su samu damar kawar da jam’iyya mai mulki kamar yadda aka musu a baya.

Ya ce a kwanakin baya akwai waxanda suka qira kan su gamayyar PDP sune suka yi wannan iqirarin da ya bayyana a matsayin kuskure a daidai lokacin da suke son xinke varakar da suka fiskanta a lokacin yaqin neman zave na shekara ta 2015, lamarin da ya jawo faxuwar PDP a Nijeriya.

Ya bayyana cewa a daidai

wannan lokaci basa son wani ya yi katsalandan wa jam’iyyar wajen yin abin da ya sava da doka ko abin da zai iya fusata wasu magoya baya har su koma ga zavar wani da ba shi suke so ba.

Don haka Alhaji Maijama’a Mohammed ya bayyana cewa sun tuntuvi shugabannin jam’iyyar PDP a lokacin da wannan jarida ta fito amma ba su musanta wannan rubutu ba. Don haka suke son ganin an tabbatar da adalci a cikin jam’iyyar don a samu ci gaba har su kai ga dawo da matsayin su. Ganin fito da wannan bayani daga bakin shugabanni shi ya sa suka himmatu wajen ganin an samu gyara a dukkan mazava 323 da ke jihar Bauchi don abi doka da ka’idar da jam’iyyar ta shirya a halin yanzu da nufin dawo da martabar PDP a Jihar Bauchi har a kai ga dawo da matsayinta a Nijeriya ta hanyar tabbatar da adalci da gyara kuskuren da aka yi a baya.

•Farfesa Abdallah Uba Adamu

LABARAI 13

A Yau Laraba 11 Ga Afrilu, 2018 (24 Ga Rajab, 1439)

An Shawarci Manoman Qaramar Hukumar Giwa Daga Idris Umar, Zariya

Shugaban qungiyar manoma ta qasa reshen qaramar hukumar Giwa ta jihar Kaduna Alhaji Sani Wada mai Auduga ya buqaci manoma dasu haxa kansu tare da kafa qananan qungiyoyi domin su sami anfana da tsarin tallafi dake fitowa daga gwamnati.

Alhaji Sani Mai Auduga ya yi wannan kiran ne a yayin da yake tattaunawa da wakilinmu a ofishinsa dake garin Giwa kwanakin baya.

Ya qara da cewa, gwamnatin maigirma shugaban qasa Muhammadu Buhari ta yi tanadin tsarin tallafawa manoma amma sai in manoma sun haxa kansu tare da kafa qungiyoyi zasu iya samun cikakken amfanin tsarin, “Bayan anfana da tallafi da zai

fito daga vangaren gwamnati, kafa qungiya zai kuma qara fahintar juna a tsakanin manoma, ta haka ne kuma zasu kare mutunci sana’ar su ta noma” inji shi.

Daga nan ya nuna matuqar farin cikinsa ga tsare tsaren da gwamnan jihar Kaduna Malam Nasir El-rufai yake yi wa harkar noma a jihar, “Domin kuwa gwamnatin jihar Kaduna ba samar mana da issashen takin zamani da saura kayayyakin noma domin sauqaqa wa manoma harkokinsu, a saboda haka muke buqatar gwamnati ta maimaita mana irin wannan qoqarin a wannan shekarar, hakan zai tabbatar da samun amfanin gona da yawa, hakan kuma zai farantawa manoman jihar Kaduna rai qwarai da gaske” Inji shi.

Daga qarshe ya yi kira ga

‘ya’yan qungiyar na qaramar hukumar dasu haxa kansu su qara dunqule wa wuri domin amfana da aiyukan da shugaban qaramar hukumar Giwa ke gudanarwa na ci gaban al’umma ya kuma buqaci shugaban qaramar hukumar daya qara inganta hanyoyin da aka yi amfani dasu wajen raba taki a shekarar da ya gabata domin kaucewa faxa wa hannun bara gurbi waxanda suke yin gaba gaba wajen karvan taki amma ba harkar noman suke yi ba.

Alhaji Sani Mai Auduga ya kuma buqaci manoma dasu yi tattalin zaman lafiya tsakaninsu da abokan zamansu makiyaya su kuma kai rahoton duk wani mutum ko gungun mutane da basu yarda da harkokinsu ba ga ofishin jami’an tsaro mafi kusa.

•Alhaji Sani Wada mai Auduga

’Yan Sanda Sun Hallaka ‘Yan Fashi Uku A Bauchi Daga Khalid Idris Doya, Bauchi

A jiya ne rundunar ‘yan sandan jihar Bauchi ta shelanta cewar ta samu nasarar kashe wasu mambobin qungiyar ‘yan fashi da makami haxe da dakile shirinsu na kai wa jama’a hari.

DSP Kamar Datti Abubakar jami’in hulxa da jama’a na rundunar ‘yan sandan jihar Bauchi shi ne ya bayyana hakan a hirarsa da manema labaru a shalkwatansu da ke Bauchi.

Ya ci gaba da cewa, hallaka ‘yan fashi na zuwa ne a bisa samun rahoton da ke cewa ‘yan fashin sun gama kimtsa kai wa gungun jama’a mummunar hari, inda ya bayyana cewar daga wannan janibin ne kuma suka yi aikin haxaka da ‘yan Ali Kwara wanda suka samu nasarar fafatawa da ‘yan fashin, daga qarshe dai sun samu nasara a kansu wanda suka hallaka uku daga cikinsu.

Bayan hakan nan, ya kuma bayyana cewar sun samu

nasarar kwato muggan makamai daga hannun ‘yan fashin wanda a cewarsa da sune suke kai wa jama’a hari.

Ta bakinsa “A ranar 06/04/2018 sashin rundunar da ke bibiyar lamura na IGP da haxin guiwar ‘yan banga na sakakai wato yaran Alh. Ali Kwara sun samu bayanin sirri da ke cewa wasu ‘yan bindiga barayi ‘YAN FASHI’ daga cikin dajin Maladunba da ke qaramar hukumar Misau sun kimtsa kai wa jama’a hari waxanda basu ji ba basu gani ba,” Ya ci gaba da bayani “A lokacin da tawagar suka dumfari inda waxanda ake zargin suke, mintuna qalilan kawai suka buxe wa jami’anmu wuta, a qoqarin kariyan kai, muma mun maida musu da martani,” A cewar Shi. DSP Datti ya bayyana cewar uku daga cikin ‘yan fashin suka kashe har lahira “A sakamakon hakan, uku daga cikin ‘yan fashin sun gamu da munanan raunuka,

wanda aka garzaya da su babban asibitin qaramar hukumar Misau. Bayan nan kuma, Likita ya tabbatar da mutuwarsu,” In ji Shi. DSP Kamar Datti Abubakar ya bayyana cewar ababen da suka samu nasarar kamewa daga hannun ‘yan fashin duk da sun kashe su, sun haxa da bindiga kirar AK47 guda uku, wata bindiga qirar ribarbar guda xaya, alburusai guda xari da goma (210) masu rai samfurin 7.62mm, konson harsasai guda shida, mota qirar Golf 3 Wagon, mai lamba kamar haka: AH 471 GWA. Sauran ababen su ne adda guda xaya, kakin ‘yan sanda guda biyu, da wasu kuxaxe gami da wasu sauran makaman.

DSP Kamar ya kuma yi amfani da wannan damar wajen bayyana cewar dukkanin wani ko wasu gungun jama’a da suka kasance a cikin qungiyoyi irin su waxanda da su tabbatar da miqa yuwarsu domin kare kai daga faxawa

•DSP Kamal Datti

kumar ‘yan sanda, yana mai shaida cewar rundunarsu ba za ta tava lamuncewa da barin makamai a hannun jama’a haka nan ba; ya kuma bayyana cewar shugaban ‘yan sandan Nijeriya ya basu

umurnin kwato dukkanin makaman da suke hannun jama’a a faxin kowace jiha don haka ya buqaci jama’a da su basu haxin kai wajen dawo da makaman da suke hannunsu cikin sauqi.

JNI Ta Shirya Wa Xaliban Sakandari Horo Kan Illar Satar Jarabawa A Bauchi Daga Khalid Idris Doya, Bauchi

An ba da horo wa xaliban Sakandari a jihar Bauchi kan illar satar amsar jarabawa da kuma dabarun zavar kwasakwasan da suka dace da yadda za a karanta kwasa-kwasan a makarantun gaba da sakandari.

Horon wanda Qungiyar Jama’atu Nasirul Islam ta shirya wa xaliban Aji uku na babban ajin sakandari (SSS 3), da kuma aji uku na qaramin ajin sakandari (JSS 3 Junior) a

Bauchi.

Sakataren qungiyar Jama’atul Nasirul Islam na jihar Bauchi Injiniya Ahmad Jimba ya bayyana cewar manufar shirya taron bitar dai shi ne domin nuna wa xaliban illolin da satar jarabawa da kuma amsa ke haifarwa a cikin al’umma, haka kuma taron ya maida hankali wajen basu shawarori dangane da abun da ke akwai wajen ganin sun zavi kwasa-kwasan da suka dace a wajen neman shiga

jami’o’i ko makarantun gaba da sakandari.

Da yake gabatar da maqala a wajen taron, wani malamin jami’ar Jihar Bauchi, Malam Rabi’u Bala Ball ya bayyana cewar satar amsa jarabawa na da illa matuqa wajen illata ci gaban al’umma, don haka ne ya bayyana cewar da akwai buqatar haxin guiwar al’umma wajen yaqar xabi’ar satar amsa da kuma maguxin jarabawa a kowace mataki na karatu ne kuwa.

Shi ma dai a tasa vangaren wani malamin kwalejin kimiyya da fasaha mallakin gwamnatin tarayya da ke Bauchi Malam Usman Yusuf Dutse ya nuna damuwarsa matuqa kan yadda ba a taimaka wa xaliban wajen zabar kwasa-kwasai da za su karanta a makarantun gaba da sakandari.

A saqonsa na fatan alkairi da kuma godiya, Hakimin Cikin garin Bauchi, Alhaji Nura Adamu Jimba ya yaba sosai wa JNI a bisa shirya

wannan horon, inda kuma ya buqaci xaliban da su yi amfani da abubuwan da suka koya a lokacin bayar da horon domin dacewa da abun da ake son a koyar musu.

Jimba ya yi qira kuma ga iyaye da suke tallafa wa ‘ya’yansu wajen zavar musu da kwasa-kwasai a makarantun gaba da sakandari da kuma suke qoqarin faxakar da su illar da ke cikin satar amsar jarabawa a kowanne yanayi ne kuwa.

14

A Yau

Daga Na Gaba...

Tare da Abdurrahman Aliyu

Laraba 11 Ga Afrilu, 2018 (24 Ga Rajab, 1439)

08036954354

Nazarin Rayuwar Malam Xanjuma Katsina Hausawa na da wata karin magan da suke cewa “In kana son Nasara to bibiyi mai nasara” tabbas wannna karin maganar haka take, domin duk wanda ke son samun nasara a a rayuwarsa ya na da kyau ya riqa kallon rayuwar magabatansa waxanda suka shuxe, domin ta nan ne kawai zai yi koyi da halayen qwarai da nagarta ta mazan jiya. Dukkan wanda bai bibiyar tarihin magabatansa lallai ya na buqatar komawa ya yi karatun ta natsu.

A wannan satin wannan filin zai yi duba ne kan wani haziqin Mutum kuma jajirtacce, wanda rayuwarsa ke cike da nasara, a ko da yaushe wato shaharren marubuci kuma gogaggen Xan jarida Malam Danjuma Katsina.

Ba zan ce ban dade da sanin Malam Xanjuma Katsina ba, domin duk wani wanda ya taso da xabi’ar karance-karancen jaridu da mujallu shekara 25 baya to ko shakka babu ya san wannan xan tahaliki, tun zamanin jaridar Gaskiya da jaridar Fitila da jaridar Gwagwarmaya har kawo wa jaridar Al’mizan da jaridar Leadership Hausa da jaridar Aminiya Wakiliya da sauran mujallu da suka yi tashe irin su Mujallar Fim da Bidiyo da Marubuciya da sauransu da dama.

Na fara sanin Malam Xanjuma Katsaina ne ta dalilin wani rubutu na sa da na karanta a xakin adana littafai na Kwalejin Kimiya da Fasaha ta Hassan Usman Katsina, mai taken “Kafircewar Marubuta Soyayya” wanda aka buga a mujallar Gwagwarmaya ko kuma Fitila ban iya tuna ainahin inda aka buga rubutun saboda daxewa da abun ya yi. A cikin rubutun ya yi kakkaurar suka ne kan yadda marubuta litattafa Soyayya suka canza akalar rubutunsu suka koma wanda ya sava tunani da kuma asalin tarbiyyar Bahaushe, duk da a lokaci Ado Ahmad Gidan Dabino ya mayar mai da raddi mai taken “Ba Laifinmu Bane” in da ya nuna cewa duk abin da suke rubutawa ra’ayin masu karatu ne kawai suke bi, ba wai laifinsu bane.

Waxannan rubuce-rubuce su suka qara jawo hankali na kan wane ne Malam Xanjuma Katsina a fagen Rubutu? Ba a vangarn rubuta ba kawai duk wata qungiya da ke Katsina ta san da Zaman Malam Xanjuma Katsina domin in bai kasance uba a gareta ba to zai zama mashawarci, kuma zai bayar da gudumuwar sa xari bisa xari na ganin cigaban qungiyar, idan dai har su masu qungiyar masu

buqatar cigaba ne.

A gidan malam Xanjuma Katsina aka yankewa Qungiyar marubta ta qasa reshen Jihar Katsina cibi (ANA) ya riqe muqamai da yawa a cikin qungiyar, kuma sun shirya taruka da yawa da suka yi nasara a qarqashin wannan qungoiya ta ANA. Wani babban abu da zai sa ba za a tava mantawa da Malam Xanjuma Katsina ba shi ne cibiyar koyar da sana’o’i ta Katsina Vocational Center, wanda shi malam Xanjuma Katsina ke jagorantar ta, wannan cibiya ta yaye da sauya tunanin matasa da yawa ‘yan asalin jihar Katsina, kuma ta bayar da jari ga maza da mata, waxanda ba za iya qiga adadinsu ba a wannan jiha ta Katsina. Sannan wani abun birgewa ga wannan bawan Allah shi ne yadda ya k karvar kowa nasa ne duk yadda kuka zo zai amshe ku kuma zai yi iyakar qoqarinsa na ganin ya yi maku abin da kuke buqata, domin faranta maku.

A vanagaren gina al’umma kuwa malam Xanjuma gaba yake domin duk wani abu da kuka kawo na cigaba zai kama maku aga an yi abun yadda ya kamata.

Malam Xanjuma Katsina ya na da hannu sosai a wajen kafa wasu fitatun qungiyoyi da kuma bas dama a Jihar Katsina, daga cikin waxannan qungiyoyin akwai qungiyar marubuta ta jihar Katsina (KMK) wanda shi malam Xanjuma shi ya ba da qwarin guiwa a asasa wannan qungiya sannan kuma shi ya bata wurin da take taro na dindin, duk wani qorafi ko kuka ba inda membobin wannan qungiyar ke zuwa sai wurinasa. Haka ma akwai qungiyar Muryar Talaka da qungiyar Guragu da Kurame da sauran qungiyoyi birjik.

A vangaren aikin Jarida Malam Xanjuma Katsina ya sha gwagwarmayar rayuwa kamar yadda kowane jajirtaccen mutum ke fuskanta, an xaure shi a gidan yari an tsare shi a wajen jami’an tsaro ya fi a qirga, ta sigar rubuce-rubucensa. Ya riqe muqamai da dama a vangaren aikin jarida, sannan ya buga mujalla ta kansa wadda ba a tava samun irinta ba a qasar nan wato Mujallar Matasa wadda ke xauke da labarai na musamman saboda yadda matasa zasu cigaba kuma su dogara da kansu, wannan kujallar tad axe tana fitowa kuma anci moriyarta sosai.

Bayan ita kuma ya na da Jarida ta online mai Suna Jaridar Taskar Labarai, wadda ta zo da salo mai armashi musaman kasancewarsa gogagge a fannin ya san dukkan

•Danjuma Katsina wasu abubuwa da jaridar zata buqata domin ta inganta.

A vangaren jagorantar shirya taruka kuwa, malam Xanjuma Katsina qwararre ne wajen shirya tarukan da zasu tallafi matasa su fitar da su daga halin da suke ciki na rsahin dogaro da kai da kuma zira ido sai wani ya basu. A kwanakin baya Malam Xanjuma Qarqashin Kamfaninsa na Matasa Media Link ya shirya wani gagaramin taro na masu ruwa da tsaki kan yadda zaman lafiya zai xore a jihar Katsina.

Taron a iya cewa ba a tava samun wani mutum da ya bigi gaba ya shiraya irin wannan taro ba kuma ya kira masana daga vangarori da dama suka bada shawarwari da mafita, aka xauki shawarwarin aka damqa su ga gwamnati domin bita da kuma aiwatarwa, domin xorewar zaman lafiya da cigaban jihar Katsina.

Wani abu da zai qara tabbatar ma da halin Qwarai na wannan bawan Allah shi ne duk lokacin da kaje ofis xinsa zaka samu mutane zaune a wurin ana tattauna abubuwa masu muhimmanci.

Sannan zai yi wuya kaje wajensa har ka tafo baka ga wani yazo neman taimako ba, ko kuma shi da kansa ya kira wani mabuqaci ya taimaka masa.

Ta fusakar jajircewa Malam Danjuma Katsian Rayuwarsa makaranta ce abin xaukar darasi, Domin ko kwananan, waxanda suka halarci taron Marubuta na Duniya a Jihar Katsina sun tabbatar da haka, domin ba dan jajircewar da ya yi ba, da kuma yin ruwa da tsaki da ko shakka babu wannan taro bai yiwu ba, shi ne ya tsaya kai da fata wajen ganin cewa an yi taron cikin

nasara da kuma annashuwa.

Rayuwar Malam Xanjuma Katsina abin koyi ce ta fuskokin da dama, Domin shi mutane sun shede shi da cewa shi mutum ne mai Jajircewa, wanda wannan jajircewar ta sa, ita ke sa ya ke samun nasara a koda yaushe, Marigayi M.D Yusuf ya shede shi da haka, sannan babban Jojin Jihar Katsina Maishari’a Musa Xanladi Abubakar Shima a wani taro da aka yi kwanan baya ya faxi cewa samun jajirtaccen mutum mai qoqari irin Malam xanjuma Katsina sai an nutsa, don haka, kaima maison samun nasara a rayuwa zaka iya zama kamar malam Xanjuma Katsina ta fuskokin koyi da halayensa da kuma Xabi’unsa, zaka iya jajircewa akan duk abin da kasa gaba domin kaga ka kai ga nasara, kar ka tava ja baya, a duk wani aiki da yake gabanka, ta haka ne zaka iya cin nasara a aryuwa.

Wani abu kuma da malam Xanjuma Katsina yake da shi, shi ne bai tava yin fushi ba da abu duk yadda kuka vata mashi rai bai fushi sai dai yayi dariya kawai, wanda wannan halin nasa yasa kowa ke faram-faram das hi kuma ya kasance shi jagora ne na gari wanda ko da yaushe masu koke suke kaima kukansu, domin share masu hawaye. Kaima zaka iya zama haka idan ka lazamci haquri a cikin rayuwarka, domin duk wanda ya sa haquri a rayuwa to ko shakka babu sai yaci moriyar wannan haqurin da ya yi, kamar yadda malam Xanjuma Katsina yake cin moriyar haqurinsa. Malam Xanjuma ya samu kyautuka da karramawa masu tarin yawa daga hukumomi da qungiyoyi da dama.

A Yau

LABARAI 15

Laraba 11 Ga Afrilu, 2018 (24 Ga Rajab, 1439)

Daqile Varna: Babban Sufeto Ya Ba Rundunar ’Yan Sandan Taraba Kyautar Helikwafta Daga Khalid Idris Doya

Babban shugaban ‘yan sanda ta Nijeriya, Abubakar Idris ya bayar da tallafin Helikwaftar sintiri wa rundunar ‘yan sandan jihar Taraba domin qarfafa musu guiwa na ci gaba da yaqar dukkanin wasu aikace-aikacen ta’addanci da kuma qoqarin tabatar da zaman lafiya da kare dukiyar jama’an jihar.

Shugaban ‘yan sandan Nijeriyan, ya bayyana bayar da tallafin jirgi samfurin helikwaftar ne a lokacin da ya kai ziyara wa gwamnan jihar Taraba, Darius Ishaku a ranar Litinin xin nan a garin Jalingo babbar birnin jihar Taraba.

Babban Sufeto Idris wanda ya kasance a jihar Taraba na tsawon kwanaki uku domin gudanar da ziyarar aiki domin nazarin yadda aikin xan sanda ke tafiya a jihar da kuma tattaro bayanan matsalolinsu da buqatunsu da kuma irin gudanamawar da suke buqata domin a tabbatar da samar musu domin inganta aikin xan sanda a jihar na tabbatar da tsaro da kare lafiyar ‘yan jihar.

Ya kuma bayyana cewar himmarsu ta inganta tsaro a wannan jihar ta yawaita, domin kuwa ya bayyana cewar ko a kwanan baya ma sun kaddamar da sashin sintiri a

yankin Takum domin inganta tsaro.

Ya kuma yi amfani da wannan damar wajen qara wa jami’ansa kwarin guiwa wajen qoqarin kawo qarshen masu aikace-aikace na ta’addanci musamman masu kashekashen jama’a a cikin jihar.

Babban Sufeto Idris ya sha alwashin cewar rundunarsa ta ‘yan sanda za su ci gaba da

qoqarin kare lafiya da dukiyar jama’a a faxin qasar nan, ya kuma tabbatar da cewar nan gaba kaxan za a kawo karshen matsalolin tsaro da dama a qasar nan.

Da yake maida jawabi, Gwamnan jihar ta Taraban, Darius Ishaku ya nuna matuqar damuwarsa kan kisan gillar jama’an da basu ji ba basu kuma gani ba a

jihar, yana mai qira ga Babban Sufeto da ya tabbatar da kawo qarshen wannan mummunar lamarin na kisan jama’a a jihar.

Gwamnan ya kuma yaba sosai wa shugaban ‘yan sandan a bisa qoqarinsa na qara cibiyoyin sinitiri a jihar, ya kuma sha alwashin cewar gwamnatinsa za ta ci gaba da baiwa ‘yan sanda haxin kai

gaya domin kawo qarshen wasu matsalolin tsaro a faxin jihar.

Tun da fari ma dai, gwamnan ya fara ne da jero matsalolin tsaro da suka yi wa jihar katutu, yana mai bayyana wa shugaban ‘yan sandar su domin ya an yadda zai yi wajen qara himma domin ci gabantar da zaman lafiya da kare jama’an jihar.

Kwamitin Fulani Makiyaya Da Manoma Ya Gabatar Da Rahoton Aiki A Kebbi Daga Umar Faruk, Birnin-kebbi

Kwamitin fulani makiyay da manoma da qaramar hukumar mulkin kalgo a jihar kebbi data kafa wata xaya da ya gabata ta gabatar da rahotonsu a jiya a fadar uban qasar Diggi Alhaji Abubakar Atiku Muhammad Diggi , wanda Kwamitin an kafa shine domin binciko matsalolin da ke faruwa tsakanin fulani makiyaya da kuma manoma na qaramr hukumar ta kalgo musamman manoma da fulanin gudumar masarautar Diggi ga shugaban qaramar hukumar ta kalgo Alhaji Umar Namashaya Diggi domin sanya hannu ga shawarwarin da Kwamitin ya bayar a rubuce domin su kasance cikin dokokin qaramar hukumar ta Kalgo.

Kwamitin dai yana da mambobi takwas a karkashin jagorancin Alhaji Aliyu Bala wanda kuma suka hada da wakilin masarutar Diggi, wakilan qaramar hukumar mulki ta kalgo, wakilan manoma da wakilan fulani makiyaya.

Sauran mambobin sun hada da wakilan jami’an ‘yan sanda, wakilan jami’an tsaron

farin kaya na DSSS, wakilan jami’an NSCDC da kuma wakilan jami’an farin kaya na ‘yan sanda na CIB da kuma sauransu.

Kwamitin dai sun xauki kimanin wata xaya suna gabatar da bincike domin bada shawarwari kan abin da bincike su yagano domin a sanya cikin dokokin qaramar hukumar mulki ta kalgo .

Hakazalika a xaya daga cikin shawarwarin da Kwamitin yabayar shine cewa “Kwamitin Fulani makiyaya da manoma na qaramar hukumar mulki ta kalgo tahana kiyon dare domin ta gano cewa yana xaya daga cikin abin da kesa manoma da Fulani makiyaya na samun matsaloli tsakanin junnansu”.

Kwamitin ya ce” fulani makiyaya nada damar yin kiyo daga bakin karfe 6na safe zuwa karfe 6 na yamma, saboda haka da zarar qaramar hukumar mulki ta sanya hunnu ga waxannan shawarwarin za su zama doka wanda duk ya taka dokar za’a yimasa hukunci kan kiyon dare”.

Har ilayau Kwamitin ya kara da cewa kuma ba’a amince

•Mahalarta taron gabatar da rohoton Kwamitin Sun hada da Fulani manoma da kuma sauran masu ruwa da tsaki ga masarautar ta Diggi

ba masunta su shiga ruwan gulbi haka kawai suyi kamun kifi sai da umurnin qaramar hukumar saboda haka a gayawa ubanin qasa ko Kuma hakinmai su kuma su rubuto ma qaramar hukumar domin basu izini. Da dai sauran dokokin wanda inda qaramar hukuma ta kammala zaman ta da kansilolin ta za su bayyana dokokin da aka amince dasu a qarmar hukumar.

Da yake gabatar da jawabinsa bayan gabatar

da rahoton Kwamitin ga qaramar hukumar ta kalgo Alhaji Umar Nashaya Diggi cewa “ shuwagabanin qaramar hukumar ta kalgo zata zauna kan rahoton da Kwamitin Fulani makiyaya da manoma suka gabatar domin sanya shi cikin dokokin hukumar ta kalgo domin a samar da zaman Lafiya tsakinin manoman da kuma Fulani makiyaya na yankin masarautar Diggi”.

Daga nan shugaban ya godewa dukkan jama’ar

yankin kan irin goyun bayan da suke ba shi kan gudanar da shugancin jama’ar qaramar hukumar Kalgo. Ya kuma yabawa Kwamitin da hukumar takafa kan irn binciken da suka gudanar mai inganci ga kawo qarshe rikici tsakanin manoma da Fulani makiyaya a yankin masarautar Diggi.

Shi ma Uban qasar Diggi Alhaji Abubakar Atiku Muhammad Diggi ya bayyana cew “ amadadin masaraurtar Diggi da kuma jama’arsa sun amince da aikin da Kwamitin da qaramar hukumar mulki ta kalgo takafa domin samar da hanyoyin na zaman lafiya tsakanin manoma da makiyaya na yankin masarautar Diggi”.

Hakazalika ya yabawa Kwamitin kan rahoto mai ingance da suka gabatar ga shugaban qaramar hukumar mulki ta kalgo a ofishin fadarsa a Diggi a jiya.

Daga nan ya yi kira ga jama’ar yankinsa cewa su ci gaba da zama lafiya a tsakanin junnansu domin samun zaman lafiaya a tsakanin jama’ar Diggi da kuma qaramar hukumar kalgo da kuma jihar kebbi bakin xaya.

16

Siyasa A Yau A Yau

Laraba 11.4.2018

Ayyana Sake Fitowar Buhari Takara, Cikin Obasanjo Ya Xuri Ruwa –Dakta Bature Daga Sabo Ahmad, Abuja

A farkon wannan makon ne shugaban qasa Muhammadu Buhari ya bayyana aniyarsa ta sake tsayawa takara a zave mai zuwa, wanda za a yi a shekara ta 2019.

Bayyana wannan matsayi na sa na sake tsayawa takara ya sanya cikin waxansu tsofaffin kuraye da suka daxe suna rubda-ciki a kan dukiyar al’ummar qasa cikinsu ya xuri ruwa.

Bayanin hakan ya fito ne daga bakin dattijon xan siya kuma uba a jam’iyyar APC daga jihar Kano, Dakta Bature Abdul’aziz, shugaban haxaxxiyar qungiyar ‘yan kasuwa ta Nijeriya.

Dakta ya ce, kalaman da ke fito wa daga bakin tsohon shugaban qasa Chief Olusegun Obasanjo, kalamai ne da ke nuna tsananin qiyayyarsa ga ci gaban da ake samu a qarqashin wannan mulki da kuma tunanin makomarsa idan mulkin ya ci gaba, saboda babu mamaki nan gaba kaxan ya zama yana cikin waxanda za a shaqe wuyansu su amayar da abin da suka haxiye na dukiyar al’ummar qasa, saboda haka shi da ire-irensa ke tsoron xorewar wannan gwamnati, don’t ba su sa mai zai biyo baya ba. Tunaninsu shi ne iron waxannan kalaman na sa za su yi tasiri a zikatan al’ummar Nijeriya.

Kullum abin da Obasanjo ke so shi ne, ya zama shugaba na dindindin, bayan ya ci zamaninsa ya kuma ci na wani, yana son duk Wanda zai yi mulki ya nemi haxin kansa a kan yadda za a ci amanar qada, tun da da ma shi nan ya fi wayo. Amma da yake bai samu sa’a ba tun daga lokacin da ‘yan Arewa suka fara mulki. Shi ya yake yi wa Arewar da kuma ‘yan Arewar bi-ta-qulli.

Saboda haka, roqonmu a nan gaba shugaban qasa ya toshe kunnensa daga irin waxannan kalamai musamman ma da yake al’ ummar qasa sun san waye Obasanjo. Saboda haka wannan soki-burutsu da yake, ba zai tava karya gwiwar wannan gwamnati ba, nà ci gaba da gudanar ayyukan da ta sa a gaba na ci gaba qasa da gina rayuwar al’umma.

Abin da har yanzu Obasanjo ya kasa ganewa shi ne, irin

waxannan maganganu na vatangci da yake a kan mutanen Arewa yana qara tona asirin kansa ne. Yana qara zubarwa da Kansas mutunci ne, kodayake ma dai ai....

Batun cewa, kada Buhari ya sake tsayawa takara ai ba shi ke bayar da mulki ba, Allah ke ba da mulki ga wanda ya so, a lokacin da ya so. Saboda haka in ya so bayarwa ba by mai hana shi.

Amma dai da yana da hankali da ya game hakan domin Buhari da duk wani shugaban qasa daga Arewa ya zama shugaban ne ba tare da Obasanjo na so ba.

Kalaman da wannan tsoho ke yi zaqin muryarsa ta fara fita. Sai dai kar ya manta da cewa idan ganga ta fara zaqi to fa tana gab da fashewa. Wannan ke nuna cewa, ruwa na gab da qarewa xankada.

Dakta ya ci gaba da cewa, duk xan Nijeriya ya gode wa Allah da wannan mulki musamman samun qima da suka yi a qasashen duniya da zaman lafiya, a cikin qasa.

A lokutan baya musamman ga mutane masu hulxoxi a gasashen waje, na Shiga cikin damuwa, saboda rashin amince musu a duk inda suka samu Kansu. Amma yanzu haka, wannan qyama ta zama tarihi, duk inda xan Nijeriya zai Shiga yanzu ba ya fargaba kuma ba a fargabar hulxa da shi domin wannan gwamnati ta samarwa wannan qasa mutunci a idon duniya.

Saboda haka wannan babbar nasara ce, da aka samu a wannan mulki da ‘yan Nijeriya za su yi alfahari da shi. Don haka ya kamata mu yabawa wannan gwamnati bisa wannan qoqari da ta yi.

Ga Obasanjo kuwa ya kamata ya san al’ummar Nijeriya na da kyakkyawar fahimta da juma, tsakanin Musulmi da Kirista ko tsakanin mutanen kudu da Arewa. Saboda haka ya ma daina tunanin zai kawo rashin fahimta a tsakaninmu musamman kan qoqarin da muke na ci gaba da xorewar wannan gwamnati.

Ga ‘yan Arewa waxanda ke goyawa wannan tsoho baya muna shawartarsu da su bari, domin shi ya quna baya ysoron qauri, in kuwa ba su dawo cikin hayyacinsu ba, sun yarfar da

•Dakta Bature

wannan xan kunama ba, to nan gaba kaxan za su da-na-sani, wanda masu hikimar magana ke cewa qeya ce, Kasancewar wasu qalilan xin mutane irin su Obasanjo suna adawa da wannan gwamnati, saboda ta hana su rawar gaban hantsi, ba zai hana ci gaba da samun nasara a wannan gwamnatin ba. Don kuwa an ce hassada ga mai rabo takin ne.

Babban abin farin cikin duk wani mai kishin Nijeriya ta ci gaba shi ne, yadda ma fi yawan al’ummar Nijeriyar suka yi wa wannan gwamnati kyakkyawar fahimta. Sai dai qarin roqonmu ga al’ummar Nijeriya shi ne, su ci gaba da yi wa qasa addu’a tare da shugaban qasa Muhammadu Buhari na ci gaba da samun qarfin gwiwar gudanar da mulkin qasa.

Sannan kuma bisa wannan qudiri na ci gaban mulkin Buhari a shekara ta 2019, sai mu ce wannan babban qalubale ne musamman ga al’ummar Arewa yadda za mu haxa kanmu mu tabbatar da cewa an samu cikakkiyar nasara, domin mu ci gaba da fitar da kanmu daga halin da muka tsinci kanmu a gwamnatin baya.

Saboda haka duk Wanda ke sukar ci gaban wannan gwamnati ba mai gaskiyà ba ne, mutum

ne da ke fargabar komai na iya faruwa musamman wajen qwato dukiyar al’ummar da ya handame lokacin da yake cin duniyarsa da tsinke.

Ga qungiyar ‘yan kasuwa ta Nijeriya kuwa tuni suka sallama wajen bayar da goyon bayansu na ci gaban wannan gwamnati a zave mai zuwa, domin babban abin alfaharinsu shi ne samun zaman Lafiya da aka yi a qasa wanda kuma shi ya ba su damar ci gaba da gudanar da walwalar kasuwanci a qasa bakin xaya.

Saboda haka suke yabawa wannan gwamnati da kuma yin alqawarin ci gaba da ba ta cikakken gpyon baya bisa wannan babban lamari.

Sai duk da wannan qoqqrin da dattaijon xan siyasar ya bayyana na wannan gwamnati ya roqi shugaban qasa Muhammadu Buhari da ya sassauta a wani vangaren, ya kuma qara matsa qaimi a wani wurin.

Musamman ya kamata shugaban ya zage tamtse wajen yin maganin dukkan masu kawo wa qasa nan matsala.

Wannan su ma waxanda ke qoqarin haddasa fitina ta hanyar kalaman batunci da qoqarin haddasa fitina a qasa su ma ya kamata a yi maganinsu.

In an yi haka Sai qasa ta zauna lafiya, mahassada kuma su ji kunya.

SIYASA 17

A Yau Laraba 11 Ga Afrilu, 2018 (24 Ga Rajab, 1439)

Dalilin Da Ya Sa Na Rungumi Jam’iyyar NRM A Katsina -Abdulsalam Wannan wata tattaunawa ce wacce RABI’U SANUSI KATSINA ya yi da shugaban jam’iyyar Ceton Al’ummar Qasa N.R.M reshen qaramar hukumar Katsina, ABDULSALAM HARUNA. A hirar, shugaban ya yi bayanin dalilinsa na rungumar jam’iyyar NRM duk da yake akwai wasu jam’iyyu. ga yadda tattaunawar ta kasance: Kai ne ciyaman xin Jam’iyyar NRM a qaramar hukumar katsina wane quduri kake da shi ga al’ummar jihar katsina?

To Alhamdullah godiya ta tabbata ga Allah (s w a) kudiri na ga mutanen jihar katsina shi ne na farko bai wa matasa yan uwana dama da kuma wayantar masu da kai game da sha anin siyasa a jihar mu da kuma kasa baki daya. Idan ka lura matasan mu na jihar katsina basu cika mai da hankali ba ga sha’anin siyasa, shi ya sa na ga ya dace wannan jam’iyya ta NRM za ta jawo su a jiki ta nuna masu mene ne siyasa mene ne amfanin ta ga matasa a jihar mu ta katsina.

Na biyu kuma idan muka yi la’akari da gwamnatocin baya basu ba matasa dama ba na su fito su nuna baiwar da Allah ya basu wajen gudanar da mulki ko na qaramar hukuma , an bar su da bangar siyasa da tsaron tutocin da fastoci na wata jam’iyya ko dan siyasa wanda hakan bai dace da matashi ba shiya na a matsayina na matashi

mai kishin qaramar hukuma ta katsina za mu yi iya kokarin mu muga matasa sun shigo cikin tafiyar nan domin samun ci gaba mai dorewa.

Akwai jam’iyyu irinsu PDP, APC a qasar nan amma ba ka yi rajista da su ba sai NRM. Me ya ja hankalinka?

Alhamdullah abin da ya ja hankali na shi ne yan siyasa sun dade suna karya alkawari da nuna rashin gaskiya, gameda amanar da ake basu , abin da yasa jama a suka dawo daga rakiyar su. Jam’iyyar NRM a ko yaushe za ta yi la’akari da mutunci, gaskiya, tare da fayyace komai dalla-dalla, ba rufa-rufa, a kowane hali da kuma daukar jama’a a matsayin abokan tafiya da ya kamata su riqa samun abin da gwamnati keyi babu yaudara.

Jam’iyyar NRM za ta kula sosai da talakawa tare da kare muradun talakawan wannan shi ne ya ja hankalina.

Ko akwai wani kuduri na ci gaba da wannan jam’iyya take yi a jihar Katsina?

To akwai quduri na ci gaba

da wannan jam’iyya ta NRM take yi wanda har yanzu ba ta qarasa gama gudanar da su ba nan bada daxewa ba za ta fito da su fili. Amma ga kaxan daga ciki na farko shi ne adalci na biyu aiki tare domin cimma nasara sannan na qarshe kaucewa abubuwan dake rarraba al’umma. Wannan su ne kaxan daga cikin quduri da muke san kawo ma jihar katsina.

Wane kira gare ka ga mutanen jihar katsina Kira na ga mutanen jihar katsina shi ne lokaci ya yi da za su gane cewa qarairayi da alqawuran da ake ta yi masu saboda wasu marasa kishin qasa da suka taru a waxansu jam’iyyu ya zo qarshe da ikon Allah idan

muka anshi mulki na qaramar hukuma za muyi iya kokarin mu na cire mutanen qaramar hukuma ta katsina daga iftila’in da suka faxa ciki tare da jawo matasa a wannan tafiya da nuna ma talakawa fifiko da za su shaida a jikin su na kyakyawan shugaban ci da rukon amana.

Wane albishir gare ka ga al’ummar qaramar hukumar Katsina Albishir din dake gare ni shi ne nan ba da jima wa ba mutanen qaramar hukuma ta katsina za su ga abubuwan Alheri da wannan jam’iyya ta NRM za ta gudanar, sannan muna rokon goyon baya ga mutanen qaramar hukuma ta katsina domin samun gwamnati

Daga Muhammad Awwal Umar, Minna

hannun daman shugaban qasa Muhammadu Buhari duba da irin gudunmawar da ya bayar lokacin yana kujerar sanata daga jam’iyyar adawa ta CPC da suka qulla auren zoben da ya haifar da APC mai mulki a yanzu.

Bayan sanatan, akwai tsohon gwamnan Neja wanda kuma ambasada a yanzu wanda shi ma ya taka rawar gani wajen kafa wannan gwamnatin, Alhaji Ahmed Musa Ibeto wanda zuwa yanzu ba wani yunquri mai qarfi daga vangaren shi amma dai ana kyautata zaton shi ma zai nemi matsayin mafi daraja a jihar na kujerar ta gwamna.

A lokacin da APC ta ke siyasa cikin gida kuwa, ita ma babbar jam’iyyar adawa ta PDP na yunqurin xunke wata varaka ne da ke qoqarin kunno kai akan wanda zai gajar mata wannan kujerar ne.

Bayan bayyanar, Alhaji Umaru Ahmed tsohon ma’ajin jam’iyyar kuma tsohon xan majalisar wakilai kana tsohon shugaban qaramar hukumar

Rijau a matsayin xan takarar kujerar ta gwamnan, sai ga tsohon xan takara a 2015 kuma basarake daga masarautar Kontagora, Hannafi Sarkin Sudan duk a matsayin ‘yan takara a ita PDP xin, kwatsam sai ga wani rahoto daga tsohon xan majalisar wakilai da ya wakilci qananan hukumomin Agaie/ Lapai, Hon. Baba Shehu Agaie na cewar PDP za ta jinginar da maganar karva-karva domin baiwa waxanda suka daga ma kowani shiyya ne damar dawo wa PDP da kujerar da tayi shekaru sha shida akai. A cewar mataimakin shugaban jam’iyyar ta PDP xin a yankin Neja ta arewa, Alhaji Yahaya Ability hakan ba za ta savu ba domin dukkanin shiyyoyin Neja ta kudu da Neja ta tsakiya sun yi wa’adin shekaru takwas-takwas dan haka sai yankinsa ta kammala wa’adinta koda za a rusa tsarin ne.

Lokacin da PDP ke taxa jijiyar wuya akan karva-karva, ita kuma sabuwar jam’iyyar ADP ta

himmantu wajen kafa tubali da neman karvuwa a wajen jama’a tare da yin watsi da maganar karva-karva, Inda yanzu haka tsohon shugaban majalisar dokokin jihar, Rt. Hon. Isah Kawu daga qaramar hukumar Bida na kan gaba a maganar takarar kujerar gwamnan.

Abin da haka yake ga jam’iyyar NRM inda yanzu haka tsohon xan takarar gwamna a zaven 2015 da ya gabata a inuwar PDP, Alhaji Garba Muhammed Dukku daga qaramar hukumar Rijau na daga cikin zawarawan da ke neman kujerar gwamna xin.

Shin tarnaqin zaven shugabancin APC da ake kyautata zaton yana yin sanadin wuntsilewar wasu daga cikin shugabannin jam’iyyar na yanzu da ke qoqarin ganin gwamna ya samu tikitin karo na biyu, ko kuwa za a tabbatar an yi gamsashiyyar siyasa da za ta bai wa ‘yan jam’iyyar ake xan takarar da suke ra’ayi, ko ma mene ne lokaci ne zai bayyana kansa.

• Abdulsalam Haruna

2019: An Buga Gangar Siyasa A Neja A daidai lokacin da ake shirin buga tambarin siyasa a qasar nan, jihar Neja na xaya daga cikin jihohin da ake tsammanin guguwar za ta zo da tsauri musamman akan takarar kujerar gwamna duba yawaitan masu sha’awar tsayawa takarar kujerar daga cikin jam’iyyar APC mai mulki dama wasu daga jam’iyyun adawa a jihar.

A taruka mabanbanta da jam’iyyar ta gudanar musamman wanda ya gudanar a Kontagora, wanda ofishin mataimakin shugaban jam’iyyar a yankin Neja ta Arewa ta shirya, ta bayyana taron a matsayin taron qaddamar da mai girma gwamna, Alhaji Abubakar Sani Bello karo na biyu.

Akwai qishin-qishin xin cewa, tsohon Sanata wanda ya wakilci yankin na Neja ta arewa , Barista Ibrahim Musa na da qudurin neman kujerar a zango xaya kacal, wanda ana ganin shi ma na xaya daga ‘yan

18 RAHOTO

A Yau

Laraba 11 Ga Afrilu, 2018 (24 Ga Rajab, 1439)

Mutanen Gayi Da Diggi Sun Koka Kan Rashin Hanyar Mota A Kebbi

Daga Umar Faruk, Birnin-kebbi

Mutanen garuruwan Gayi da kuma Diggi da ke a cikin qaramar hukumar mulki ta Kalgo a jihar Kebbi sun koka kan rashin hanyar mota mai kyau da ke zuwa garuruwan na su da kuma qauyyukansu a qaramar hukumar ta kalgo.

Rashin hanyar Mota ga waxannan garuruwan ya daxe yana ci musu tuwo a qwarya domin binciken da wakilin LEADERSHIP A Yau ya gudanar a yankin garin Diggi da kuma Gayi ya nuna cewa mutanen yankunan manoman Shinkafa ne da Kankana da kuma tomka kuma ‘yan kasuwa masu cin kasuwannin wasu qananan hukumomin da ke kusa da garuruwansu.

Har ila yau binciken ya bayyana cewa tun zamanin tsohon Gwamna jihar kebbi Alhaji Muhammadu Adamu Aliero da shugaban qaramar hukumar mulkin kalgo Alhaji Aliyu Muhammadu Diggi ya yi hanyar ta zuwa garuruwan Gayi, Diggi da kuma wasu garuruwa da ke karkashin gundumar masarutar Diggi kuma san shekaru 19 da yin wannan hanyar Motar amma yau hanyar garin Diggi ta zama kamar anyi hadari babu ruwa ga gari.

Hakazalika irin yadda wannan hanyar ta lalace ta hana manoma da kuma ‘yan kasuwar yankin garuruwan iya noma mai yawan gaske da kuma zuwa cin kasuwa da kayan amfanin gona da suke nomawa kuma saboda da rashin hanya mai kyau yasa mutanen yankunan barin kayan amfanin gonansu a cikin gonakinsu saboda rashin hanyar Mota ya hana mutanen yankunan xauko kayan gonakinsu ballantana su iya xauko kayan daga gona zuwa gidajensu ko zuwa kasuwa.

Binciken bai tsaya nan ba kawai ga sanin yanayin da hanyar take cikin ba kawai , Wakilin LEADERSHIP A Yau da ke Birnin-kebbi ya samu zantawa da mutanen yankin Garin Gayi da Diggi da kuma shugaban qaramar hukumar Mulki ta kalgo domin jin irin qoqarin da mutanen suka yi zuwa ga qaramar hukumar mulkin ta kalgo da kuma Gwamnatin jihar kebbi domin ganin cewa an gyara wannan hanyar mota da ta tashi tun daga kwanar unguwar jeji zuwa Gayi, Diggi kai har ta yayi iyaka da garuruwan qaramar hukumar mulkin Bunza daga yamma da garin na Diggi.

Inda wani maisuna Mansiru Labbo wanda ke kan hanayarsa ta dawowa daga fadamar garin Diggi zuwa garinsu Gayi yana kan mashin xinsa na hawa ya goya injimin banruwan shinkafa da kuma kankana domin ya bayyana kanshi a matsayin manomin shinkafa da kuma kankana ya ce “ a gaskiya wannan hanyar ta xauki tsawon lokaci tana buqatar gyara amma har yanzu hakan bai

samu ba”.

Kuma zan iya tunawa cewa “ wannan gwamnatin Sanata Atiku Bagudu tayi mana alkawalin gyara wannan hanyar kuma baya ga alkawalin da akayi ‘yan siyasar yankin Gayi da Kuma na garin Diggi musammuman shi shugaban qaramar hukumar mulki na kalgo Alhaji Umar Namashaya Diggi da muka zava domin ya wakilce mu ya tabbatar muna cewa indon muka zava sanata Atiku Bagudu a matsayin gwamnan jihar kebbi za a gyara wannan hanyar mota da ke da haxarin gaske, amma sai gashi gwamnatin sanata Bagudu na batun cika shekaru uku bisa karagar mulki ba tare da an ciki alkawalin da akayiwa mutanen yankunan Gayi da kuma Diggi ba”.

Saboda hakan muna kira ga qaramar hukumar mulkin kalgo da kuma gwamnatin jihar kebbi a karkashin jagorancin sanata Atiku Bagudu da akawo xauke na gyara wannan mota domin rashin gyaran hanyar ba qaramin hasara mutanen yankunan keyi musamman yawan hatsarin da akeyi kan hanyar saboda da rashin kyaun hanyar da kuma irin moman da mutanen waxannan garuruwan Keyi a gonakinsu.

Ya kuma ci gaba da cewa saboda hakan ne kesa ko mun noma albarkatun gona ba mu iya zuwa da mota cikin fadama domin xaukar kayan kaga dole ne muyi amfani da jaki ko rakumi Kai har mashi mana hawa domin mukan bar kayan a cikin fadama ko gona, amma zaka tarar da cewa ko an sace ko kuma falani makiyaya sun sa shanunsu sun yimana vanna ga kayan amfanin gonar da muka noma kaga hakan yana janyo hasara mai yanwan gaske, kai wani lokacin shine kesa muna samu Matsala na rikicin tsakanin Fulani makiyaya da kuma manoman a yankin gundumar masarautar Diggi.

Daga qarshe na kira ga shuwagabanin qaramar hukumar ta kalgo da kuma gwamnatin jihar kebbi da su tuna cewa mun zave sune domin su kare hakkokin jama’ar da suke mulki.

Saboda da haka su maida himma wurin ganin cew an gyara wannan hanyar mota ta garin Gayi da Diggi har zuwa iyaka da qaramar hukumar Bunza dukkaansu a cikin jihar ta kebbi suke.

Shi ma malam Aliyu Xangara Diggi ya bayyana rashin jindaxinsu da kuma vacinransu kan basu da hanya mai kyau domin da kuma makamai a cikin wannan gwamnatin ta sanata Bagudu wanda mutanen yakin masarautar diggi da kewayenta sun taka rawar gani kan zaven gwamnatin APC ta jihar kebbi dama ta taraiya, amma har yanzu ba muda hanyar mai kyau.

Haka kuma bamu da mukaman siyasa ko gudu in ba shugaban qaramar hukuma ba wanda xan Diggi ne. Saboda haka amadadin jama’ar yankin garin Diggi da

•Bashar Aliyu Gayi kenan yayi da yake dawowa daga gona kan hanyar sa ta zuwa garinsu Gayi kuma kewayenta “muna kira ga gwamnatin jihar kebbi da ta dibi wannan koke na mutanen Diggi da kuma kauyuyukkan domin magance waxannan matsalaolin”.

Bugu da Kari ya ce “ yin wannan mota da ta tashi daga kwanar unguwar jaje zuwa Gayi da Daggi har zuwa qaramar hukumar Bunza zaya kara havaka kuxaxen haraji na qaramar hukumar mulki ta kalgo da kuma gwamnatin jihar kebbi”. Za a kara samun yawan kayan amfanin gona da mutanen yanki ke nomawa kama tun daga shinkafa, kankana tomka da kuma sauran su. Daga qarshe muna kara jadda rashin jindaxinmu kan rashin hanyar mota da kuma makamai a cikin gwamnatin jihar ta kebbi, saboda muna son gwamnatin jihar kebbi ta taimaka wurin ganin cewa ta inganta rayuwar mutanen Diggi da kewayen ta.

Shi ma wani manomi maisuna Bashar Aliyu Gayi bayan yana kan hanyarsa ta dawowa daga gona wakilin LEADERSHIP AYau ya samu zantawa dashi inda ya ce “ gwamnatin jihar kebbi tayi musu alkawalin yin wannan hanyar lokaci da suke yakin neman zave cewa dazarar an kammala zave za ayi hanyar amma har yanzu ba’a ciki wannan alkawalin ba “. Saboda haka muna kira ga gwamnatin jihar kebbi ko hukumar da keda hakkaki kan gyaran wannan hanyar ta Gayi da Diggi da kuma kewayenta da ta taimaka wurin ganin cewa an gyara musu hanyar domin Kara inganta rayuwar jama’ar Diggi da Gayi da kuma kewayenta baki xaya.

Hakazalika wakilinmu samu jin ta bakin shugaban qaramar hukumar mulki ta kalgo kan irin koken da jama’ar qaramar

hukumar keyi kan rashin Samar da hanyar mota mai kyau, shugaban hukumar Alhaji Umar Namashaya Diggi ya Fara cewa “ koken da jama’ar da muke shugabanta keyi gaskiya ne cewa basu da hanyar mota mai kyau”, na farko qaramar hukumar mulki ta kalgo bata iya yin wannan hanyar da ta tashi daga kwanar unguwar jeji zuwa Gayi da garin Diggi da kuma sauran wasu garuruwan da ke a karkashin qaramar hukumar kalgo.

Shugaban ya ci gaba da cewa qaranan hukumomin qasar nan basu cin gashin kansu shiya sa basu iya yin aikin hanyar a garuruwan da suke shugabanta.

Saboda haka a matsayina na shugaban qaramar hukumar mulki ta Kalgo zani rubuta kokensu zuwa ga gwamnatin jihar kebbi domin neman a gyara wannan hanyar da kuma korafin da su keyi kan rashin basu da wakilai a matakin jihar domin magance wannan matsalar.

Bugu da kari ya ce “ a matsayi na shugaban hukumar kalgo wannan matsalar rashin hanyar ta shafeni domin nima xan garin Diggi ne koda bana shugabacin qaramar hukumar ta Kalgo”.

Saboda haka nima na shiga cikin masu koke kan gyaran hanyar ta Diggi.

Daga qarshe shi ma shugaban na qaramar hukumar ta kalgo Alhaji Umar Namashaya Diggi shi ma yayi kira ga gwamnatin jihar kebbi a karkashin jagorancin sanata Abubakar Atiku Bagudu da a taimaka wurin ganin cewa an bada kwangilar gyaran hanyar mota da ta tashi zuwa garin Diggi da kuma sauran garuruwan da ke a cikin qaramar hukumar ta kalgo.

TATTAUNAWA 19

A Yau Laraba 11 Ga Afrilu, 2018 (24 Ga Rajab, 1439)

Mun Bada Scholarship Ga Xalibai Sama Da 500 - Wakili Boya BARISTA ALIYU WAKILI BOYA, shi ne shugaban qaramar hukumar Fufore, Sarkin matasa Adamawa kuma shugaban qungiyar shugabannin qananan hukumomin jihar (ALGON), ya gana da manema labarai a gidansa, jimkaxan bayan naxashi a matsayin Sarkin Matasan Adamawa da masarautar Lamido Barkindo Aliyu Mustafa ta yi, ranar Asabar da ta gabata, wannan fassarar ganawar ce kamar yadda SHAFI’U SALEH ya rubuto mana.

Ko zaka gabatar mana da kanka?

Sunana Barista Aliyu Wakili Boya, shugaban qaramar hukumar Fufore Sarkin Matasan Adamawa, shugaban qungiyar shugabannin qananan hukumomin jihar Adamawa ALGON. Masarautar Lamido Adamawa, ta naxa ka a matsayin sarkin matasan Adamawa ya kaji da hakan?

To, na farko dai na godewa Allah mamallakin mamallaka mai kowa mai komai, wanda shi ne yake bada sarauta a lokacin da yakeso ga wanda yakeso, na biyu kuma na yi matuqar farin ciki da xaukaka da muqamin da Allah ya bani, wanda mai martaba Lamido Adamawa ya tabbatar min dashi, kuma gashi an gudanar da buki lami-lafiya ba tare da an samu wani matsala ba, wannan ya bani farin ciki matuqa.

Bisa la’akari da yanayin da matasa ke ciki ta yaya kakejin zakayi amfani da wannan dama wajen ganin ka taimaki matasa?

To, kamar yadda na ce muku godiya ta tabbata ga Allah da ya bani wannan muqamin, kuma godi ta musamman ga Lamido Adamawa wanda ya ga cancantana da kuma ya ga kamar zan iya ya bani wannan muqamin kuma in Allah ya yardaba zan bashi kunya ba, domin tun ada ma ni kam na matasa ne kafin mai martaba ya bani wannan muqamin, so, wannan zai qara jadadda mini da kuma qarfin gwiwar in tsaya inga na taimaka na agaza wajen ganin rayuwar matasa ya canju da fanni daban daban, ta fannin karatu da aikinyi da kuma yadda za mu gyara matsalar shaye-shayen da matasa ke yi dama aikata wasu abubuwan da basu dace ba.

Guguwar siyasa ta fara kaxawa kuma ‘yan siyasa kanyi amfani da matasa a irin wanann lokaci, akwai wata rawar da zaka iya takawa kan wannan matsalar da wannan kujerar?

Eh, insha Allahu Rabbiy za mu yi qoqari, domin matasa su ne kashi saba’in bisa xari kuma yanzu lokaci ne na matasa, za mu yi qoqarin ganin matasa sunci moriyar tafiyar siyasa domin su suke wahala su suke zave su suke kamfe, su suke hana maguxin zave su hana tashin hankali a lokacin zave, to bai kamata a gama zave ace kuma su suke baya, za mu tabbatar sun amfana.

Jam’iyyar APC ta zo da taken

canji, ya zaka kwatanta canjin da gwamnatin ta yiwa rayuwar matasa cikin shekaru uku?

Eh to, a gaskiya fisabilillahi kowa yasan jam’iyyar APC da gwamnatin Janaral Muhammadu Buhari, da na gwamna Muhammadu Bindow sunyi qoqari, sun kawo abubuwa da yawa wanda ya canja rayuwar talakawa musamman matasa, kuma in ba domin abun ya daxe shekaru da dama ba’axauki matakin taimakawa talaka da matasa ba, da yanzu abubuwan da’akayishi cikin shekara uku zaka ganshi a fili, amma da yake gwamnatin ta zo ta samu akwai abubuwa da yawa, wahalhalu da rashin aiki yayi yawa ga kuma qarancin kuxin shiga, to shi yasa duk qoqarin da gwamnatin tarayya da ta jiha sukayi ba za’a ganshi a fili yanzu ba, Hausawa sunce idan Danbo ya yi yawa bayajin mai, sun samu basussuka ya yi yawa saboda haka akwai matsala, amma gwamnatin tarayya da na jiha, ba qaramin qoqari sukayi ba wajen kyautata rayuwar matasa.

Daga lokacin da ka shiga ofis a matsayin shugaban qaramar hukumar Fufore, kamar me kayi domin kyautata rayuwar matasa ko ince jama’arka?

Alhamdulillah, tun ina shiga ofis na farko na kafa kwamitin da’ake cema, Poverty Alluviation Youth and Women Empowerment Program, wanda mun samu hazikan mutanen da suka san abinda ya kamata suka riqe kuma sunyi bakin qoqarinsu akan, sun bi ward na 11 sunyi magana da matasa, sunyi kwamiti sun xauki yadda za’a taimaka ta fannin noma da yadda za’a taimakawa yaran ‘yan makaranta (Scholership) ta fannin yadda za’a baiwa wasu jari, da yadda wasu zasu samu aiki da kuma abubuwan da zai kawo ci gaba a wajen matasa, kuma Alhamdulillah, ta fannin noma mun samu mun buxe gona hectare yafi xari, matasa sama da xari biyar muka basu horo kan harkar noma, mun taimaka musu da kayan noma da iri, bayan haka kuma munyi kamar S.A program, yara matasa da yawa suna xan samun wani abu kowani wata, a yanzu haka yaran da sukaci moriyar Scholarship sunfi xari biyar, kuma za mu ci gaba yi ga ‘yan makaranta a makarantu daban daban ta yadda ‘yan Diploma da masu Degree, haka kuma ta fannin Kiwon lafiya munyi wani

• Aliyu Wakili Boya

program na free soldering wanda indai mutum yazo yana da matsala na tiyata ne za muce aje ayi mishi kyauta a asibitin Fufore, yanzu haka mutum kusan xari biyu sun amfana da shirin ana ci gaba da yinsa yanzu haka, kuma ta fannin wasanni mun shirya gasar kofin Ciyaman (Chiarman Coup), mun qira dukkan wards xinmu sunzo Fufore sun yi sama da sati biyu, sunyi wasa anyi lafiya an gama lafiya kuma Club-club na wasannin mun basu abubuwa yadda zai taimaka musu su ci gaba da wasannin domin yana kawo haxinkai na matasa, akwai abubuwa da dama wanda mukayi ko muke ci gaba da yi, wanda kuma yana taimaka musu yana agaza musu, domin wannan nauyin na mu ne ni matashi ne ba zanso ace matasa basu mori wannan tafiyar ba.

A matsayin ka na Sarkin matasan Adamawa ya ka ji da halartan taron rantsar Sakai da Sarkin Kano Sanusi Lamido Sanusi ya yi?

Na farko dai duk abinda zakayishi a rayuwa ka yi shi tsakaninka da Allah, na biyu duk abinda zakayi in kana yi da mutane akwai ranar su, don xan Adam Allah ya yi shi mai daraja ne so, duk lokacin da kake baiwa xan Adam daraja Allah zai baka daraja, ni kuma Allah yayini ina daraja mutane, shi yasa nima idan lokaci na in yazo abinda na ke so sai Allah yana bane wannan darajan, duk abinda na nema Allah zai taimakamin, don haka aran da na je gurin mai martaba Sarkin Kano na roqeshi nace ga abinda na ke ciki ga abinda kuma na ke son yamin, ya amince domin ba’atavayi a tarihi ba, amma bayan munyi hira dashi wajen sa’a guda ya fahimci manufofina da niyyana da programs da na ke dashi a Sarkin matasa, a take ya qira shugaban ma’aikatansa, na farko dai ya gayamishi masarautar Kano za ta yi sarakunan matasa diga matakin jihar zuwa qananan hukumomi harkan dagaci zasu yi, ya kuma tabbatar cewa abin yana da muhimmanci, kuma yace idan anzo taron sarakuna a Arewa House zai kawo batun cewa duk sarakuna su je suyi sarakunan matasa domin zai taimaka a yanayin da muke ciki, to da Sarkin Kano yaga muhimmancin taron yace zai

bar duk abinda yake yi ya halarci gayyatar da na yi mishi, kuma in Allah ya yarda zaizo Yola zaiyi abinda ba’atavayi ba, kuma yazo dashi akayi komai na taron saida aka gama Kilesa sannan mai martaba ya tafi, kuma daga nan ya wuce Paris, kaga saboda muhimmancin program xin ya jinkirta tafiyarsa saida ya halarta, yazo son ya nuna mana soyayya ya tabbatar mana shi yana tare da matasa, domin ya gane manufofina da soyayyan da na ke yiwa matasa shi yasa yace idan Allah ya yarda zaiyimin abinda na ke so, domin yasan ina da manufofi masu kyau wanda in an bani dama zan taimakawa matasa sosai, shi ne dalilin da yasa yazo ya karya protocol na masarauta ya kuma ce baiyi damar hakan ba, yace tun da Allah ya bashi sauratarnan baije program da yaji daxi kamar na mu na Sarkin matasan nan ba.

Daga qarshe manene saqonka ga matasa a Adamawa?

Saqona ga matasa na farko dai matasa mu nitsu domin wannan lokacin mu ne, waxanda suke makaranta su tsaya suyi karatu na gaske, masu sana’a su riqe sana’arsu, mu daina shaye-shaye da waxansu ayyukan ash sha ba namu bane, don ana cewa yara manyan gobe to goben ta zo fa, yau xinnan itace goben da’ake faxa mana bai kamata mu yarda wani abu yazo ya vata mana rayuwa ba, yanzu lokacin mu ne, saboda da haka ina roqon matasa mu nemi sana’a mu haxakai mu yi biyayya, kada mu yarda ayi amfani mu ta wasu abubuwa ko domin siyasa ko don buqatar wani ya biya ko kuma abaka kuxin da bai taka-kara ya karya ba ka ci mutunci ko ka zagi wani babban ko kaje kana zage-zage a Facebook ko a inama bai kamata ba, mashi lokaci ya yi da za mu yi abinda zai amfanemu, abinda zai amfani jiharmu da abinda zai amfani qasar mu baki xaya, yanzu ba lokaci ne da za’ayi amfani damu abamu taro ko sisi ace muyi wani abu wanda zaici zarafin wani ko wasu ba, lokaci ne da muma za mu ga mun bada gudumuwa a ci gaban jiharmu da qasarmu muga munyi abinda ya dace wanda ya kamata, amma idan munje mun shiga wahala ba zai kaimu ko’ina ba, ba za mu ci gaba ba, kuma ba zaisa mu ci moriyar gwamnati ba.

A Yau Laraba 11.4.2018

20

CINIKI

Kasuwanci MASANA’ANTU

INSHORA

HANNUN JARI

KASUWAR SHINKU

Tambayoyi Biyar Da Ya Kamata Ka Yi Wa Kanka Kafin Ka Yi Babbar Siyayya

Daga Idris Aliyu Daudawa

Yana da qyau mutum ya san ko kuxaxe nawa yakke dasu kafin ya yanke shawarar ,kayayyakin da zai saya.

Al’amarin sayen kayayyaki da yawa, mataki ne wanda kowa yake son ya yi, a duk lokacin da ya samu halin yin a rayuwar shi. Yin haka kuma yana buqatar ilmin harkar kuxaxe.

Sayen kayayyaki masu yawa shi ma yana da tashi alaqar, saboda abin da ake nufi sayen kayayyaki masu yawa, ya sha bam ban daga wannan zuwa wancan, amma babban abu shi, bari mu xauki Naira 100,000, a matsayin kuxaxe na sayen kayayyaki masu yawa.

Don haka kafin mutum ya kashe Naira 100,000 akan abu xaya, yana da qyau ya zaune ya tambayi kan shi, waxannan tambayoyin.

1. Ina kuwa da kuxin da zan iya sayen wannan abin?

Idan mutum ya sayi wani abu ba tare da tunanin yadda aljihun shi yake ba, ana iya saye amma kuma muddin akwai tsoron abin zai shafi albashin shi qarshen wata, ko kuma maganar kuxin da yake ajiya, yana da qyau mutum ya bari.

Maimakon abin ya shafi ajiyar da kake duk wata, akwai buqatar da a bari sai ana da isassun kuxaxe, lokacin a saya.

2. Shin da gaske ne kana son abin ko kuma dole ne?

Wannan tambaya tana iya taimakawa mutum ya yi tunanin ko yana son abin ne ko kuma buqata. Ko abin dole ne sai an mallake shi, ko kuwa abin yana da sha’awa ne a kasance da shi, idan mutum yana iya amsa waxannan tambayoyin, daga nan sai mutum ya xauki mataki.

Amma duk da haka idan abin ana son shi dole ne, ya kamata mutum y kwana da sanin cewar

yana son abin, amma kuma duk idan abin saboda burgewa ce aka saya, sai a tabbatar ana da kuxin da za a biya.

3. Shin abin da kake son saye kana san mallakar shi ne da sauri?

Idan da gaske ne mutum da gaske be yake son abin,amma kuma baka da kuxin a lokacin, kana iya tsayawa sai lokacin da ka samu kuxin sannan ka saya, ko kuma ka sama kanka dangana wato haquri domin ba dole bane sai ka saya ba.

Alal misali idan mutum yana son Laptop amma kuma baya da kuxin da zai saya yanzu, don haka maimakon ya samu aron kuxi ya sayi xaya, mutum ya dace ya yi tunanin ko zai iya amfani da wayar shi, domin yin wasu ayyukan, ina mutum yana da babbar waya, kana iya amfani da ita, sai ka samu kuxi ka sayi Laptop.

4. Ko kana iya amfani da

wadda aka tava anfani da ita, amma za ta iya aiki?

Sayan kayayyakin da ka yi amfani dasu, wata hanya ce wadda za a rage kashe kuxi, da kuma tattalinsu, mutum yana iya sayen wadda aka tava aiki da ita, wadda ba za ta wuce rabin kuxin sabuwar ba, hakanan kuma ana iya samun waxanda aka yi amfani dasu, a farashi mai rahusa kuma mai qyau. Don haka idan mutum baya da kuqi saboda sayen abin da kake so, kana iya sayen wanda aka tava amfani da shi amma kuma yana aiki sosai.

5. Ko ka yi bincike sosai?

Kafin ka kashe kuxika masu yawa akan wani abu, ya dace ka yi bincike dangane dashi. Ka gane ya mutane ke ganin abin me kuma suka ce dangane da shi, sai kuma ka yi nazari akan abin. Ka yi bincike masu yawa dangane da abin da kake son saye, ko ya yi darajar kuxinka da zaka yiamfani dasu wajen sayenshi.

KASUWANCI 21

A Yau Laraba 11 Ga Afrilu, 2018 (24 Ga Rajab, 1439)

Kamfanin Mai Na Shell Ya Biya Nijeriya Dala Biliyan 4.3 A 2017

Daga Bello Hamza

Kuxaxen da kamfanin mai ta Royal Dutch Shell ta biya gwamnatin tarayyar Nijeriya na harkokin da suka gudanar na hadahadar mai a Nijeriya ya kai Dala Biliyan 4.32 abin daya nuna qaruwar kashi 19 na abin da suka biya a shekarar 2016.

A wani rahoton shekarar 2017 da kamfanin Shell ta gabatar ranar Litinin ta ce, ta biya Dala Biliyan 3.197 ga kamfanin NNPC fiye da abin da aka biya su na Dala 2.172 a shekarar 2016.

Kamfanin na shell ta qara cawa, ya biya Dala Miliyan 765.526 ga hukumar tattara haraji na qasa (FIRS Ina harajin daya hau kanta a shekarar 2017 a shekarar 2016 kuwa an biya Dala Biliyan 1.18 ne ga hukumar FIRS. Ta kuma bayyana cewar, an biya Dala Miliyan 160.71 da Dala 239,189 ga hukumar DPR

kuxaxen haqqin haqan man da suka yi a shekarar 2017 a shekarar 2016 Dala Miliyan 245.769 da Naira Miliyan 34.24 aka biya hukumar.

Shell ta kuma ce, ta biya Naira Miliyan 79.675 ga hukumar bunqasa yankin Neja Delta (NDDC) a shekarar da ta wuce, a shekarar 2016 kuwa Dala Miliyan125.14 Shell ta biya.

Rahoton ya kuma nuna cewa, a cikin qasashe 29 da kamfanin Shell ke hulxa dasu Nijeriya ce ta karvi kuxi mafi tsoka daga wurin ta.

Rahoton na Shell ya qara nuna cewa, a shekarar 2017 an saci gangangar mai fiye da 9,000 daga kamfanin amma a shekarar 2016 ganga 6,000 kawai ne a ka sata.

Shell ta kuma ce, “Qaruwar gangan man da aka sace a shekarar 2017 ya faru ne saboda rufe wajen haqan mai na Forcados da ‘yan ta’adda suka yi a shekarar 2016, abin daya rage abubuwan daya

kamata a samu a shekarar” “Hakan kuma yana qara nuna amfanin sa ido da jami’an mu suka yi na fatattakar masu ta’addancin fasa bututun mai, a shekarar 2012 kawai an samu wurin da aka fasa har guda 950, an kuma gyara su domin ci gaba da aiki” Rahoton ya kuma ce, wuraren da aka samu fallatsar mai a shekarar 2016 ya kai 8 a shekarar 2016 an kuma samu 9 shekarar 2017 amma yawan man daya fallatsa ya ragu zuwa Tan 100 in aka haxa da tan 300 da aka samu a shekarar 2016. An kuma samu qaruwar matsalar zagon qasa da fallatsar man fetur a shekarar 2016 daga 62 zuwa 48 a shekarar 2017.

Shell ta kuma ce, “Sata da zagon qasa ya yi sanadiyar kashi 90 na fallatsuwar man da aka samu a na fallastar mai 100 da ka samu” “A shekarar 2017, an samu wurare 92 na inda aka fasa daga cikin 251 da aka yi

nazari a wannan aikin. An samu guda 32 a qasar Ogoni.

An kuma gano wuri 84 dake buqatar gyara a shekarar 2017, an kuma gano wasu sabbin wuraren har 84 kuma daga cikin suna qasar Ogoni.

Gaba xaya a kwai wuraren da mai ya fallatsa har 243 dake buqatar a yi musu gyara da gaggawa.

Kamfanin na Shell ta ce kusan kashi 80 na iskan gas xin dake fita ba bisa qa’ida a shekarar 2017 daga qasar Iraq da Nijeriya da Mlaysia da kuma Qatar suka fito.

“Harkar watsar da iskan gas xinmu ya qaru da kashi 10 daga tan Miliyan 7.6 a shekara 2016 zuwa Tan Miliyan 8.2 da aka yi a shekarar 2017. Wannan qaruwar ya faru ne saboda qaruwar samar da man fetur da aka samu a Nijeriya saboda komawa filin haqan man da aka kulle a shekarun baya saboda matsalolin tsaro.

Kuxaxen Ajiyan Nijeriya A Waje Sun Kai Dala Bilyan 47 Daga Umar A Hunkuyi

Asusun kuxaxen Nijeriya na waje, yana ta ci gaba da tumbatsa, lissafin baya-bayan nan da babban Bankin qasar nan ya bayar, ya nu na akwai kimanin dala bilyan 47.37 a cikin sa zuwa ranar 5 ga watan Afrilu.

A qarshen watan Maris, dala bilyan 46.2 ne a cikin asusun.

Gwamnan babban Bankin, Godwin Emelefe, ne ya bayyana wannan sabon lissafin a ranar Litinin wajen buxe taron qarawa juna sani na 25 na Editocin harkokin kasuwanci a Uyo. Mista Emefiele, wanda sabon mataimakin gwamnan babban Bankin, Edwaed Adamu, ya wakilce shi, ya ce, babban Bankin yana sa ran ya

kai burinsa na ajiye dala bilyan 50 a asusun daga nan zuwa qarshen wannan shekarar.

Yanzun asusun Nijeriyan na waje ya xarar wa na qasar Afrika ta Kudu da dala bilyan 4.

Ajiyar qasar Afrika ta kudu da ke waje, yanzun ya kai dala bilyan 43.383, daga dala bilyan 43.272 da yake a watan Fabrairu, in ji babban Banki a

ranar Litinin.

Bayanan babban Bankin na qasar Afrika ta kudu ya nu na faxuwar kuxaxen ajiyar na qasar daga dala bilyan 50.051 inda ya ruguzo qasa zuwa dala bilyan 49.979.

“Ragin dala milyan 72 da aka samu a ajiyar qasar, ya xoru ne a kan biyan bauskan canjin da qasar ta yi a madadin gwamnatin qasar.

22

A Yau

Laraba 11.4.2018

Kiwon Lafiya Yadda Mangoro Da Ayaba Su Ke Tayar Da Wasu Cututtukan –Bincike Daga Abubakar Abba

Irin nikon da ake yiwa kayan marmari ta hanyar sanya masu sanadarin (calcium carbide) yana ci gaba da carbide has jefa lafiyar masu yin amfani dasu, inda suke kamuwa da cutar cancer da qoda da sauran cututtukan zuciya.

Jaridar (Daily Trust) ta ruwaito cewar, manoma da masu sayar da kayan marmari suna ta gaggawar ganin sun samar da kayan marmarin saboda yawan buqatar da masu amfani suke dasu, musamman Mangor da Ayaba da Filanten da Lemo, inda hakan ya sanya aka raja’a a fili ake sanyawa kayan marmarin sanadarin(calcium carbide).

Sanadarin na (Calcium carbide) dai ana amfani dashi ne wajen yanka qarfe idan za ayi walda ganin cewar, nikon da ake yiwa kayan marmarin ta hanyar sanya sanadarai yana haifar da matsananciyar matsalar rashin lafiya.

Kwanan baya Hukumar (NAFDAC) ta yi gargaxi ‘yan Nijeriya dasu yi watsi da yin amfani da kayan marmarin da aka nika su da da sanadarin (calcium carbide).

Sai dai, a binciken da aka yi a xaukacin faxin qasar nan, ya nuna cewar, masu noman kayan marmari da masu sayarwa, sun duqufa wajen zauba sanadarin don matsawa kayan marmarin su nuna da qarfi da yaji.

Babbar Kasuwar sayar da kayan marmari ta Zuba dake kan babban titin Abuja zuwa Kaduna data Mararaba mai yawan alumma dake bayan garin Abuja a qarqashin jihar Nasarawa suna manyan kasuwanni da ake sayar da kayan marmari kuma sune suke samar da kayan kayan marmari a Abuja.

Waxannan kasuwannin, suna karvar kayan marmari daga sassan dake qasar nan.

Abarba da Gwanda da Ayana da Filanten ana turo su ne daga jihohin Edo da Ondo da Kwara,inda Lemo da Mangoro mafi yawanci ake turo su daga jihohin Benue da Nasarawa sai kuma Kankana da ake turo

ta daga Arewacin Nijeriya.

A babbar kasuwar Zuba: Binciken da aka gudanar a babbar kasuwar Zuba, ya nuna cewar, dilolin kayan marmarin, mafi yawanci suna sayar da Mangoro da Lemo da Ayaba ne waxanda ba ‘a sanya masu sanadarin (calcium carbide) a kasuwannin.

An matsa don a sanin kayan marmarin da basa xauke da sanadarin (calsium carbide), amma sun ce zai yi wuya a gansu, in banda ‘yan kaxan da suka girma.

Wani mai sayar da kayan marmari da baya son a ambaci sunan sa ya ce, manoma da masu sayar da kayan marmarin sune suke sanya sanadari.

Wasu masu sayar da kayan marmari da aka yi hira sun tabbatar da cewar ana sanya sanadarai a cikin kayam marmarin kuma duk ga alamu nan ana gani tare dasu.

Bugu da qari Majiyarmu ta gano cewar masu sayar da kayan marmarin da aka sanyawa kayan marmarin sanadarin (calcium carbide), sun keve kansu a wuri guda don jan ra’ayin masu saye, kuma mafi yawancin waxanda suke

sayen kayan marmarin da basu nuna ba ana shirya su ne a tura su zuwa Abuja don sayarwa.

Mutum biyu masu sayar da kayan marmarin a hirar da aka yi dasu sun bayyana cewar, mafi yawancin masu sayen a kasuwannin sune suke amfani da kayan marmarin da sukafi saurin nuna kuma suke sayar dasu a Abuja.

Wata mata mai sayar sayar da sanadaran uwargida James, a inda ake sayar da Ayaba da Filanten ta ce, “ sanadarin yana da illa ga lafiyar xan adam,domin zai iya janyo mutuwar ‘yan adam.”

Da aka tambaye ta a yaya take qoqarin kare yaran ta, ta ce, ”bana zuwa dashi gida a shago bake barin sa.”

Da take bayyana dabarun da ake yi na sanya sanadaran uwargida James ta ce, ana zubawa a jikin kayan marmarin sannan a wanke kayan marmarin ko kuma a sanya a tsakiyar kayan marmarin a rufe shi yadda ya kamata yadda kayan marmarin za su su saurin nuna.

Ta ci gaba da cewa, sanadarin anfi sanyawa Ayaba da Mangoro amma bata san ko ana sanyawa

Lemo da Gwanda ba.

A Jihar Kaduna: Malam Yunusa wanda yake sayar da kayan marmare akan babban titin Nnamdi Azikwe dake jihar Kaduna ya ce, “ mafi yawanci ana nika Ayaba da zafi ne saboda yana da wuya mu mu jira ta nuna da kanta domin idan ka tsinko rassan ta kafin kaje ka kai kasuwa za su ruve.

Zafin da yake cikin motar da aka yo jigilar Ayabar zuwa kasuwa shine yake nunar da ita.

Ya ce, wani lokacin mata sukan yi amfani da Leda ko nylon su rufe Ayabar da bata nuna har kwana uku don ta nuna.

Ya qara da cewa, ” ga Lemo kuwa, baka buqatar ka voye shi ko ka rufe shi kafin ya nuna, ya qara da cewar, Lemo mafi yawanci ana ciro shi ne kafin ya nuna gaba xaya.”

Ya qara da cewa, idan ka barshi ya nuna gaba xaya a jikin bishiyar shi, da zarar sun faxo qasa za su ruve kafin ka kai kasuwa.

Da aka tambaye shi ko yana sane da da waxanda suke sanya Lemo sanadarin(carbide) don ya nuna da sauri ya ce “ban sani ba ko akwai masu sanya

Ci gaba a shafi na

23

KIWON LAFIYA 23

A Yau Laraba 11 Ga Afrilu, 2018 (24 Ga Rajab, 1439)

“Yadda Mangoro Da Ayaba Su Ke Tayar Da Wasu Cututtukan” Ci gaba daga shafi na

22

ba ko yin amfani da wasu dabaru ba na sanya su su nuna ba domin ni a gare ni, ina amfani da wananan dabarar ce kawai.

Shima Bello Idris Dallaji, manomin Mangoro ya ce,” abinda mukafi yi shine, muna tsinko Mangoron da bai nuna ba kuma basu riga sun faxo kasa daga bishiyar su ba sai mu rufe su da ganye har zuwa kwanuka huxu ko biyar.

Ya yi nuni da cewar, “Mangoro bai son zafi mai yawa shi yasa muke ajiye shi a sarari a kusa da bishiyar sa sannan mu rufe su da ganyen na Mangoro, amma wasu mutanen suna qarawa da Toka akan ganyen don Mangoron ya nuna da sauri.”

A Babbar Kasuwar Jihar Kano: A cikin babbar kasuwar jihar Kano da ake sayar da kayan marmari dake anguwar Na’ibawa da ake kira ‘Yan Lemo binciken da aka gudanar ya nuna cewar, kwanan baya hukumomin kasuwar sun ankarar ma’aikatar kiwon lafiya ta jihar akan zargin haxarin dake tattare da yadda ake nika kayan marmarin da kuma sayar da waxanda basu basu nuna ba saboda dabarun da ake yi na nikon su.

A cewar xaya daga cikin wakilan kwamitin amintattu na kasuwar Alhaji Rabi’u Isah Yan Lemo, jami’ai a kasuwar da ake sayar da kayan marmarin, sun qirqiro da dabaru magance

illolin na yin nikon kayan marmarin, inda ya qara da cewa, a ko da yaushe suna a ankare don zaqulo masu kunnen qashi da suka rungumi waxannan dabarun.

A Jihar Legas: Wani mai yiwa motoci kwaskwarima Mista Kamoru Hassan dake anguwar Oshodi, a cikin jihar Legas ya ce, ana amfani da sanadarin(carbide) ne don samar da wuta in za a yi walda.

Ya ce,“ yana xauke da guba sosai kuma zai iya sanya lahani ga xan adam ya kuma zuwa ne a launuka da banda-ban wani lokaci fari ko ruwan alewa.”

Ya ci gaba da cewa, idan ka haxa shi da mai zai yi qarfi kamar dutse har zuwa tsawon shekara, in ba haka ba zai iya narkewa kamar hoda ba tare da vata wani lokaci ba.

Ya qara da cewa, yana sane da cewar masu sayar da kayan marmari suna sanya da sanadarin (carbide), musamman akan Filanten da Ayaba don su nuna da wuri.

Ya yi nuni da cewa, idan kayan marmarin da aka sanyawa sanadarin (carbide) kuma aka yi nikon su sun samu yanka a jikin su, duk wanda yasha irin wannan kayan marmarin, yasha wa kansa guba ne.

Rayuwar Masu Shan Kayan Marmarin Da Ka Sanyawa Sanadirin Na Cikin Haxari: Da yake mayar da martani

Mista Jimoh Abubakar, mai magana da yawun hukumar(NAFDAC) a hirar da aka yi dashi ta hanyar wayar tafi da gidanka ya ce, sanadarin (calcium carbide) da ake sanyawa kayan marmarin don su nuna da wuri, zai iya shafar qoda ko huhu, inda hakan ya sanya (NAFDAC), ta ja kunnen ‘yan Nijeriya akan illolin dake tattare da hakan.

A cewar sa, “ba wai munce yin amfani da sanadarin na (calcium carbide) bashi ne kawai yake haifar cututttuka ba, amma shima sanadarin ya shafar lafiyar xan adam.

Abubakar ya ce, “kayan marmari ana cin su a xaukacin faxin qasar nan domin akwai wasu kayan marmarin da ake amfani dasu a Arewacin qasar nan da kuma wasu sassan Kudancin qasar nan domin mutane basu da haquri don suna son su girbe su da wuri su sayar don su samu kuxi.

Ya shawarci ‘yan Nijeriya dasu dinga lura da alamomin don ban-bancewa tsakanin kayan marmarin da aka nika da waxanda suka nuna da kansu.

Alamomin Da Za a Duba: A cewar Abubakar, hanyar da tafi dace don gane kayan marmarin da aka sanyawa sanadarin(calcium carbide) don yin nikon su, sai an sanya a xakin gwaje-gwaje don tantance su, amma mutum haka kai tsaye, ba zai iya gane kayan marmarin da ba nikon su akayi ba za a ga sun yi ruwan qasa,inda ba za a ga hakan ga waxanda

aka yi niko ba.

Ya ci gaba da cewa, na biyu kuma kayan marmarin da aka yi nikon su suna iya kasancewa xauke da hodahoda saboda ba’a wanke su sasai ba sannan kuma suna za su yi kyau da jan hankalin ido.

Ya yi nuni da cewar, (NAFDAC) tana wayar da kan alummar gari akan illar yin amfani da sanadarin (calcium carbide), domin yana hallaka mutane a kaikaice, ya qara da cewa, wasu masu amfani dashi suna amfani dashi a bisa jahilci.

A cewar sa, “muna qoqari wajen ankarar da ‘yan Nijeriya, kana kallo na ina kallon ka, domin a lokacin da muka sanya ido ga muhallan mu, masu yin xabi’ar tunanin su zai gaya masu domin sun san suna yin abinda bai dace bane.

Masana sun ce Sanadarin Yana Janyo Cancer: Dakata Mustapha Bature dake aiki a matakin lafiya na farko a jihar Kebbi, ya yi gargaxi akan shan irin waxannan kayan marmarin da aka sanyawa sanadarin(Calcium Carbide), kamar Ayaba da mangoro da Gwanda da kuma Filanten domin za su iya janyi cancer.

Ya ce, kayan marmarin da aka yi nikon su da sanadarin (calcium carbide), bai dace a sha su ba domin sanadaran da aka yi amfani dasu wajen nikon su, xauke da sanadaran da za su iya haifar da cututtuka.

24 TALLA

A Yau

Laraba 11 Ga Maris, 2018 (24 Ga Rajab, 1439)

25

A Yau Laraba 11 Ga Afrilu, 2018 (24 Ga Rajab, 1439)

Kimiyya

Dala Miliyan 500

ne adadin kuxi Nijeriya ke kashewa duk shekara waurin safarar xanyen man fetur da wasu sinadaran da ake amfani da su a sashen sinadarari da magunguna

Gwamnati Za Ta Samar Da Cibiyoyin Kimiyya A Shiyyoyi Shidan Nijeriya Daga Idris Aliyu Daudawa

Gwamnatin tarayya ta bayyan cewar ta kammala shirye shiryen ta, na kafa cibiyoyin kimiyya, a sassa shida na Nijeriya, wannan kuwa saboda a qarawa matasa masu sha’awar al’amuran da suke alaqa da kimiyya.

Ministan kimiyya da fasaha Dokta Ogbonnaya Onu shi ne ya bayyana hakan, lokacin da yake qaddamar da,rumfar Chemistry, a cibiyar kimiyya ta Assumpta, cikin makon daya wuce, a Owerri hedikwatar jihar Imo. Sanarwar data fito daga

ma’aikatar ranar Laraba Dokta Onu ya ce ita cibiyar zata kasance kamar hedikwata ce, ta koyar da kimiyya a Afirka, da tauraron xan adam a wasu sassa na duniya.

Kamar yadda ya qara jaddawa ita cibiyar zata kasance wataabu mai taka muhimmiyar rawa, da yadda wasu matsaloli, kamar fatara, cuta, jahilci, rashin ci gaba a Nijeriya, da kuma wasu sassa na Afirka, za a iya yaqar su , a kuma samu nasara.

Ministan ya ce shi wannan tsarin ya nuna kulawar da gwamnatin take da shi, da kuma haxin kan Vatican domin a taimaka wajen ci gaban kimiyya da fasaha, a wata

aniya ta samar da ilimi wadda ta hanyarta ce, za a samu dabarun da zasu yaimakawa tattalin arziki. ‘’Wannan tsarin ya qara nuna maida hankalin gwamnatin tarayya, zuwa nahiyar Afirka ta kasance wani wuri da zata qarfafa aniyar ta hulxar jakadanci, musamman ma, a qoqarin da take nan a ci gaban nahiyar Afirka’’.

Shi ma a nashi jawabin shugaba kuma babban jami’i na al’umma Ofekata Mr Alex Iwuorie sun godewa gwamnatin tarayya, da kuma Vatican, ta haxa kai domin kafa ita cibiyar a garin al’ummarshi.

Amma kuma ya yi kira da gwamnatin tarayya ta qara kafa masu abubuwa na ci gaba, a garin al’umma da kuma jihar baki xaya.

Ita cibiyar kimiyya ta Assumpta an kafa ne domin ta samar da xakuna gwaje gwaje, da zasu bada taimako ga koyar da kimiyya da fasaha a makarantu da kuma jami’oi.

Ita cibiyar ana sa ran zata kasance kamar wata cibiya ce ta cimma makarantu, a karkaru wato qauyuka, ta hanyar waya, baje kayayyaki, da kuma kayayyakin xakin gwaje gwaje, saboda qwarewa, da dai sauransu.

Kutsen Da Aka Yi Wa Facebook Ya Cutar Da Turawa Sama Da Miliyan 2.7 Daga Idris Aliyu Daudawa

Mutane fiye da (2.7 million) milyan biyu ne a yammacin Turai rikicin ganin asirin masu amfani da shafin Facebook ya shafa.

An bayyana haka ranar Juma’a ne wanda ita nahiyar Turan tayi, inda take cewar zata buqaci wasu amsoshi daga jagorar abubuwan da ake amfani dasu ta, hanyar sadarwa ta zamani. ‘’Facebook ya tabbatar da cewar ana amfani da dama (data) ta amfani da hanyar sadarwa ta zamani, ta mutanen da suka fi milyan biyu, ta hanyar da bata kamata ba,an rarraba da Cambridge Analytica, wani mai magana da yawun kamfanin Christian Wigand shi ya bayyanawa kamfanin dillancin labarai na Reuters’’.

Facebook ya yarda da an aikata laifin, amma kuma ‘’Ta hanyar da bata kamata ba’’ na (data ) dama ta amfani da wata kafar sadarwa ta zamani, a yammacin Turai, an dai bada sanarwar ranar Juma’a, cewar zata buqaci amsoshin wasu tambayoyin da zasu yi.

Tarayyar Turai ta rubutawa Facebook makon daya wuce, domin ta tambayi ko Turawa yammacin Turai nawa ne, abin ya shafa, na laifukan da ake aikatawa ta satar (datar) masu amfanin da hanyoyin sadarwa na zamani, wajen rarraba ita datar, da wani kamfanin qwararru mai suna Cambridge analytica, mai bada shawara akan harkokin siysa.

Kwamishinan harkokin shari’a na nahiyar Turai Vera Jourova

shi zai magana da babban jami’in gudanarwa na Facebook, Sheryl Sanberg, farkon mako mai zuwa, domin a tattauna matakan da za a xauka, domin samun maslaha akan laifin da aka aikata.

Ya yi qarin bayani kamar haka’’ Za muyi nazarin wasiqar da muka samu daga (Facebook), dukkan abub uwan da take magana akan su, amma kuma maganar gaskiya

ita ce, wannan zai biyo bayan wasu tarurrukan, da za ayi da Facebook.’’

Shugaban kamfanin Facebook Mark Zuckerberg ranar Alhamis ya bayyana cewar akwai mutane milyan 87 aduniya waxanda, ita wannan cuwa- cuwa ko kuma badaqala ta rarraba datar mutane gawasu, wannan kuma ya sa kamfanin shiga wani rikici, wannan kuma shi yasa aka fara tababar

yadda za a iya kare data mutane nan gaba.

Ita dai nahiyar Turan tana qoqari ne ne qaddamar da yadda za ariqa kare datar masu amfani da kafofin sadarwa na zamani, za kuma a vullo da wasu dokoki, a qarqashinsu shi kuma shi kamfanin , za a iya cin tarar shi ta kashi huxu cikin xari, na kuxaxen da suka samu a shekara, saboda yadda aka karya qa’idojin.

26 RAHOTO

A Yau

Laraba 11 Ga Afrilu, 2018 (24 Ga Rajab, 1439)

Masu Aikata Muggan Laifuka Da Ake Tubarwa Suna Yi Wa Gwamnati 419 Ne -ALI KWARA Daga Sulaiman Bala Idris

Daga Muazu Hardawa, Bauchi An bayyana tubar da masu aikata manyan laifuka da gwamnati ke yi a matsayi wata babbar hanya da masu manyan laifi ke damfara gwamnati, yayin da suma wasu jami’an gwamnati ke yin amfani da wannan hanya wajen zuqe dukiyar gwamnati da sunan an tallafawa masu aikata laifukan da suka tuba don su samu kuxin da za su lura da kan su su daina aikata laifuka.

Shahararren mai fafutukar samar da taimako wajen inganta tsaro da tallafawa jami’an tsaro, Alhaji Ali Mohammed Kwara, shi ne ya bayyana haka cikin hirar sa da manema labarai a garin Azare da ke Jihar Bauchi. Inda ya bayyana cewa abin mamaki ne yadda a kullum masu aikata miyagun ayyuka madadin ace suna raguwa sai qaruwa suke yi saboda waxanda suke ci da sunan suna samar da zaman lafiya suna da yawa.

Lamarin da ya bayyana cewa matuqar ana son komai ya daidaita dole sai gwamnati ta dawo da hankalinta wajen yaqi da masu ci da sunan ‘yan ta’adda an fiskanci gaskiya ta hanyar nuna ba sani ba sabo kafin komai ya daidaita a daina salwantar da rayukan bayin Allah da ba su ji ba basu gani ba.

Alhaji Ali Kwara ya ce cikin hirarsa da wakilin mu kusan shekaru goma ya sha yin hasashen idan ba an yi maganin masu ci da sunan masu aikata laifi a kotuna da ofisoshin lauyoyi da na jami’an tsaro ba, to za a wayi gari masu aikata laifuka za su nemi fin qarfin hukuma.

Wannan hasashe ya kasance a daidai wannan lokaci inda Ali Kwara ya bayyana cewa lamarin a fili yake ga dukkan mai hankali idan ya yi karatun baya ta hanyar lura da irin gudummowar da wasu mutane ke bayarwa wajen kuvutar da masu laifi a kotuna ko ofisoshin hukumomin

tsaro a shekarun baya, yace lamarin ya sa wasu mutane qalilan da ke cikin waxancan gwamnatoci suka arzuta don haka wannan abu ya ci gaba da samun gurbi ana damfarar gwamnati saboda masu aikata laifin sun sani ko an kai su gaban hukuma akwai waxanda ke xaukar kwangilar tsara lauyoyi da tuntuvar manya har sai mutum ya kuvuta daga fuskantar hukunci.

Daga baya kuma mai laifi ya koma ruwa ya nemi kuxi ya biya irin waxannan mutane ladan da suka yi.

Yace idan irin haka ta auku waxanda aka yi wa laifi suka kai qara bayan watanni suka ga wanda ya kwashe musu dukiya ko ya kasha musu xan uwa a waje yakan zamanto suma irin waxannan mutane su qudiri aniyar xaukar fansa daga nan kuma sai suma su zamo ‘yan ta’adda inda sukan ci gaba da yin abin da suke so tare da cin zarafin mutane da haka masu aikata laifi a qasar nan suka qara yawa, saboda ganin ko sun shiga hannun hukuma akwai waxanda ke xaukar kwangilar shirya lauyoyin da za su kuvutar da su daga fuskantar hukunci, don haka har an kai wani matsayi da basa tsoron hukunci ko gwamnati.

Alhaji Ali Mohammed Kwara yace ya jima da lura da yadda aka sa gaba a qasar nan kuma yana sanar da hukuma wasu gwamnoni da kwamishinonin ‘yan sanda da manyan jami’an tsaro da suka gabata sun sani ya sha faxa za a fiskanci matsalar tsaro a Nijeriya musamman a arewa maso gabas da arewa maso yamma. Kuma dukkan masu binsa a kafafen watsa labarai da jaridu za su zama shaida saboda a duk lokacin da ya kama masu aikata laifi shekaru kusan goma baya za a taras suna da iyayen gida varayin zaune. Don haka yace ya sha jan hankalin gwamnatocin da suka gabata kan su riqa taka tsantsan da abin da ke faruwa a qasar nan domin kullum matsala qaruwa ta ke yi, uwa uba kuma aka

sake dawowa rashin aikin yi ya qaru tsakanin matasa inda suke neman rayuwa ta kowane hali.

Ya qara da cewa abin mamaki ne yadda waxanda ke cikin gwamnati a arewa maso yamma da wasu sassa na arewacin Nijeriya ke shirya tubar da masu aikata muggan laifuka da suka shafi kisan kai ko garkuwa da mutane da fashi da makami, a xauki wani xan kuxi a basu a ce su dawo cikin jama’a alhali tsuguni bata qare ba. Amma idan an yi la’akari da yawan kuxin da ake fitarwa daga aljihun gwamnatin jihar da aka shirya wannan aikin za a taras bai wuce kashi biyar ko goma cikin xari na kuxin ake rabawa waxanda aka tubar ba sauran wasu jami’an gwamnati ke kwanciya a kai su arzuta kan su. Haka kuma gobe za a sake tattaro wasu masu laifi daga gidan yari ace an tubar da su an basu tallafi amma idan an kwana biyu sai a sake kama waxannan da aka tubar cikin masu aikata laifi, lamarin ya zamo damfarar 419.

Ali Kwara ya bayyana irin wannan aiki a matsayin wata babbar hanya ta damfarar gwamnati a Nijeriya don haka ya kamata shugabanni su farga su tuba su daina karvar uzurin tubar da masu laifi, madadin haka kamata ya yi su bar hukunci ya yi aiki a kansu zu zauna a gidan yari na wani tsawon lokaci don ya kasance darasi a gare su, kuma zai taimaka wajen ganin irin waxannan mutane idan sun fito daga zaman kaxaici na hannun hukuma tare da samu horo ya kasance sun natsu. Amma daga inda aka ce sun aikata laifi an kuvutar da su an basu kuxi kwana biyu za su cinye kuxin su rasa abin yi sai su koma aikata laifuka da yin barazana wa tsaron qasa da jami’an tsaro da suka taimaka wajen kamo su daga inda suka vuya.

Don haka Alhaji Ali Kwara ya bayyana cewa an jima ana tubar da masu aikata laifi a jihohin Zamfara da Katsina da

• Ali Qwara

wasu wurare, tare kuma da xaukar nauyin biyan tara ga waxanda suka aikata laifi a fito da su amma idan sun fito sukan zamo barazana ga alkalan da suka xaure su ko jami’an tsaron da suka taimaka aka kama su ko waxanda suka yi wa laifin. Don haka ya roqi gwamnati da majalisar tarayya ta sanya doka mai tsanani kan irin abin da ke faruwa na yafewa manyan masu laifi da nufin za su daina amma kullum abin qaruwa ya ke yi.

Inda ya bayyaan cewa ko a kwanakin baya sun yi gagarumin aiki qarqashin Sifeto Janar na ‘yan sandan Nijeriya kuma sun kama masu laifi sosai har an kashe wasu a bata kashi yayin da suma sun illata jami’an tsaro, amma duk da qoqarin da hukumar ‘yan sandan Nijeriya ke yi wajen ganin an samu sauqin irin wannan matsala a kullum kotuna da lauyoyi suna sanyaya guiwar ‘yan sanda da sojojin da ke wannan aiki da kuma su da ke taimakawa gwamnati don a kawo qarshen wannan matsala ta ta’addanci a Nijeriya. Don haka ya yi fatar mutane za su taimaka a duk inda suke wajen bayyana varayin zaune ga gwamnati don a samu sauqi wajen magance irin wannan matsala da ta tunkaro Nijeriya game da zubar da jinin bayin Allah da ba su ci ba ba su sha ba, lamarin da ya ce sai mutane sun tashi tsaye wajen yin addu’a da taimakon hukuma da tona asirin masu aikata laifuka kafin a samu sauqin lamarin.

27

A Yau Laraba 11 Ga Afrilu, 2018 (24 Ga Rajab, 1439)

Tare da

Hangen Nesa

Zaven 2019: Talakawa Lokacinku Ne Watanni kaxan ne suka rage a shiga hada-hadar zaven Shekarar 2019, wanda bisa alamu yana daga cikin wanda masu hasashe ke ganin zaiyi matukar zafi musamman saboda yanda ake sa ran samun wasu jam’iyyun, wanda alamu ya nuna cewar wasu jiga-jigan jam’iyyar APC da PDP za su yi tsallen badake wajen kafa wasu jam’iyyun, domin da yawan su ba za su samu sahhalewar uwar jam’iyyar su ba, wasun su rigima ce ta cikin gida, yayin da wasun su kuma yanzu ne suke son xana hawa kujerar mulki, kota halin qaqa burinsu yanzu su nuna kansu wa duniya don ganin suma an yi dasu.

Abubuwa da dama sun faru bayan zaven 2015, wanda daga cikinsu ‘yar manuniya ce ta cewa ga abin da zai faru a zave me zuwa (2019) wasu daga cikin masu mulki kai tsaye sun san babu su babu kuma tsayawa takara, sakamakon rashin nuna wani abin kirki da zaka nuna kace sun yi wa al’ummar su, babu wani abu me mahimmanci da za a ce wai matsayin su na shugabanni ko jagororin al’umma sun yi wa talaka.

Ana zavar Shugaba ne don ya cika burikan al’ummar sa, ko ya aikata wani aiki da talakawa zasu amfana, ko kuma kawo wani quduri wanda ‘yan yankin sa zasu amfana, to amma babban abin baqin cikin shi ne yanda ba za ka iya nuna wani abin kirki ayanzu ga yawan Shugabannin qasar nan da suka aikata ba, sun buge wajen nuna tsagwaron adawa sai kuma gasar kai ‘yayansu manyan makarantu na qasashen duniya.

Lokaci ne ga talakawa daya kamata su nuna ‘yancin su, lokaci ne da ya kamata mu riqa yin yanda sauran masu mulkin dimokradiyya sukeyi, wajen tantance

‘yan takara ciki da waje, mu gane baragurbin cikin su muyi wancakali da buqatun su, lokaci ne da za mu nuna iko da gadara cewar talakawa su ne gwamnati, idan ba al’umma ba gwamnati, amma al’umma na tafiya ko ba gwamnati, lokaci ne daya kamata muyi bidirin mu don ganin duk xan takarar da zamu tsayar sai yayi alqawarin irin ayyukan da zai mana, idan kuma ya gaza, to lallai bama buqatar ko gaisuwar jana’izar sa, kuma shekarar zave me zuwa lallai ne ya nemi gurin zama, domin zamu sauke shi kuma ba za mu zauna da shi ba, domin munafuki ne wanda ya karya alqawari, wannan hanyoyi ne kaxai da zamu bi don ganin mun cimma nasara, mun nunawa ‘yan siyasa cewa lallai mune su, kuma dole buqatun mu za su bi, ba su da wani aiki ko amfani sai abin da zai amfani al’ummarsu, ba wai su hau kan lalitar mu ba su yi ta bidirin su kamar gadon gidan su.

Babban kuskure ne da za mu qara yi wajen qara tura baragurbi su jagorance mu, kuskure ne wanda ba za mu yafewa kanmu ba idan har mukabar wasu tantiran ‘yan siyasa,

makwadaita suka qara samun dama, lokaci yayi da kudi zai daina tasiri ko kadan a siyasar qasar, ko da kudinka idan baka cancanta ba, to lallai ne bakada amfani garemu, kar mu bari mu aikata kuskuren da muke aikatawa a zavukan baya, kar mu bari mubi son ranmu ko musa kwadayi wajen zavan wakilan mu, idan har muka qara aikata irin kura-kuran baya, to lallai banga ranar da qasar nan za ta canza ba, banga kuma tasirin kiran CANJIN da muke ba, madadin mu canja, sai qara dagula wa kanmu lissafi muke, madadin mu kare muradin mu, sai qara kassara muradun muke, madadin mu samarwa kanmu ‘yancin siyasa, amma sai qara danne burukan mu muke saboda son zuciya da kwadayi. Dukkanin manyan qasashen da suke birgemu a yanzu al’ummar sune suka jajirce wajen tsayawa kaifi-da-kaifi sai an samu shugabanni na kwarai, sune suka yi wahala da karfi don ganin sun samar da nagartattun wakilai waxanda sun je ne don su, ba don kwadayi ba, sun je ne don kare haqqoqin su badon iyalan suba, sun

Kwamared Sunusi Mailafiya 0803 606 4695

je ne don gaskiya badon yiwa karya kwalliya ba, sun je ne don mutanen su, ba don jagaliyan ci ba, shin meyasa mu ba za mu aikata haka ba, me zai sanya mu kasa aikata irin abin da suka aikata ba?

Bari in kuma maimaitawa tabbas zaven 2019 namu ne, zaven ‘yar manuniya ce da za ta nuna kaifin dauriyar mu akan kudaden su, zave ne da zai nuna jajircewar mu wajen sanya muradun qasar mu fiye da muradun kawunan mu, zave ne da zamu yi don tabbatar da canji na gaskiya ba wai na waqa ba, zave ne na nuna nagartattun ‘yan takara, ba wai na tallan baragurbi ba.

Ina kira da talakawa ‘yan uwana da su riqa sara, amma suna duba bakin gatari, su riqa kwatanta kyakykyawar rayuwa da manyan qasashen duniya suke ciki ayanzu, waxanda suma a baya sun tsinci kansu a irin matsayin da muke ciki yanzu, lallai wannan zai taimaka mana wajen qara jajircewa akan kyakykyawan shugabanci da muke so mu assasa tubalin sa a wannan qasa tamu.

Allah Ubangiji ya taimaki qasar mu nijeriya.

28

Tauraruwa Mai Wutsiya

A Yau

Laraba 11.4.2018 08174743902 wutsiya2019@gmail.com

Taqaddama Kan Bizne Mahaifinsu Ta Sa Ya Kashe Wansa Daga Idris Aliyu Daudawa

Wani mutum da ake kira Ejiofor Oyiogu ya dava ma wai xan’uwan shi Ekene xan shekara 47 wuqa, wadda tayi sanadiyar mutuwar shi, a Qaramar Hukumar Dunukofia ta jihar Anambra, Su dai waxannan mutnen’ya’yan wani mashahurin xan siyasa ne wanda bai daxe da mutuwa ba.

Ita dai wannan ta qaddamar da tayi sanadiyar mutuwar xaya daga cikin ‘ya’yan abin ya faru ta kai ga yi tsamari ne, saboda al’amarin daya shafi kuxaxen da zasu kashe lokacin rufe mahaifin nasu .

Ya ci gaba da cewar shi ‘’Ekene yana ta qara xorawa qanen shi Ejiofor nauyin binne mahaifin nasu Ya ce shi ,’’ Ejiofor, bama kamar maganar rufe mahaifin nasu, wadda ta kamata ayi kwana xaya kafin wannan al’amari na kashe xan’uwanshi ke damun shi ba, amma

maganar nauyin abubuwa masu yawa da aka xora ma shi.

Ita maganar dai ‘’Ta kai qaimi ranar Asabar lokacin da Ekene ya dava wa qanenshi wuqa, wanda ya kama wuqar, ya yanke shi a wurare daban daban da suka haxa da wuya, hannu cibiya, da kuma kai. Shi

dai yayan na shi yam utu lokacin da ake kan hanyar kan hanya.

Jami’ar hulxa da jama’a Nkeiruka Nwode ta bayyana cewar shi anda ya aikatab laifin ankama shi.

Ta qara da cewar an shaida ma ‘yansanda aukuwar al’amarin wanda wani daga cikin iyalan gidan, ya yi.

Jami’ar hulxa da jama’a ta rundunar ta bayyana cewar ‘’Wani daga cikin gidan, shi ne ya kai ma ‘yansanda rahoton aukuwar shi al’amarin, ita kumarundunar bata vata lokaci ba, sai ta xauki wanda aka yi ma raunukan zuwa asbiti, inda ka tabbatar da cewar ya mutu.’’

Wani Mutum Ya Faxi Ya Mutu Bayan Da Ya Cire Naira 100,200 A Banki

Daga Idris Aliyu Daudawa

Akwai maganar ruxarwa da kuma hayaniya a unguwar Ojota jihar Lagos, saboda wani mutuma da ake kira da suna Muyibi, ya faxi ya mutu a cikin motar haya.

Leadership Ayau ta samu bayanin cewar shi marigayin ya yi hayar taxi, bayan da ya ciro kuxi daga reshen United Bank for Africa, dake unguwar Ogudu.

Shi dai direban ya buqaci da mutumin da ya bashi kuxin hawar motar, lokacin mako motsi ba yayi.

Lokacin da suka isa terminus sai wani mazauninunguwar ya faxi ma wakilinmu cewar, shi direban ya fito daga motar,

ya tada Muyibi wanda yai kamar yana barci ne.

Shi dai mazaunin unguwar wanda baya son a ambaci sunan shi, ya bayyana cewar shi direban ya xauki wasu fasinja kan hanya, sun kuma biya shi koa ya sauka,inda ya kamata ya sauka. ‘’Lokacin da shi mutumin bai yi magana ba lokacin da suka isa wurin da ya kmata ya sauka, sais hi direban ya ja burki domin ya tashe shi, amma kuma sia ya ji jikin shi yayi sanyi. Hakan ce ta sa direban, ya kira wasu direbobi, da kuma jama’a masu wucewa domin su zo wurin su gani da kansu, sai suka duba shi suka kuma tabbatar da cewar ai ya mutu.’’

‘Yansanda daga ofishin

Ogudu sun samu bayanin abin ya faru sun kuma zo wurin. An dai qwace tar,ita kuma gawar an kai ta xakin ajiye gawa.

Wakilinmu bai samu damar magana da shugaban direbobin tashi ban a wannan unguwar, wanda ake kira Mukaila Bankole. Amma kuma wata majiya a tashar ta tabbatar da aukuwar shi al’amarin. ‘’Al’amarin ya auku ne wajen qarfe uku na yamma ranar Jumma’a, shi dai mutumin ya ciro kuxi ne daga UBA. Jami’in ‘yansanda na ofishin ‘yansanda na Ogudu, mai tausayi ne, ya kuma tausayawa shi direban, wanda hankalin shiya ta shi. Koda yake dai ba a tsare direban

ba, amma an amshe motarshi, har zuwa lokacin da su iyalan marigayin zasu zo.’’

Jami’in hulxa da jama’a na rundunar’yansanda ta jihar Lagos SP Chike Oti, ya qara jaddada cewar ‘yansanda sun samu Naira 100,200 a cikin jakar shi marigayin.

Ya bayyana cewar ‘’Mutumin yana kan hanyar shita zuwa Ojota lokacin daya faxi ya mutu, mun kuma samu kuxi Naira 100, 200 daga cikin jakar shi, akwai kuma wayar shi tare da sabon SIMcard, ba wasu nambobi akan wayar ba kuma wanda ya kira shi, muna da inda sa ran can yake zaune, an kuma kai gawar shi an ajiye ta a xakin ajiye gawa.

29

A Yau Laraba 11 Ga Afrilu, 2018 (24 Ga Rajab, 1439)

Qasashen Waje

Tare da Rabiu Ali Indabawa 08069824895

Shugaban Kasar Sin Ya Sanar Da Matakai 4 Na Kara Bude Kofar Kasarsa (1) A jiya Talata aka bude taron shekarar 2018 na dandalin Boao na kasashen nahiyar Asiya, a garin Boao na lardin Hainan dake kudancin kasar Sin. A wajen bikin kaddamar da taron, shugaban kasar Sin Xi Jinping ya gabatar da jawabi, inda ya sanar da matakan samar da karin damammakin shiga kasuwanni, da kyautata muhallin zuba jari, da kara kare ikon mallakar fasaha, da kara shigo da kayayyakin kasashen waje cikin kasar Sin, don taimakawa yunkurin kara bude kofa a kasar.

Kasancewar a bana ake cika shekaru 40, tun bayan fara amfani da manufar bude kofa ga kasashen waje da gyaregyare a kasar Sin. cikin jawabin da ya gabatar mai taken “Bude kofa don samun walwala tare, da kokarin kirkiro sabbin fasahohi don neman samun makoma mai haske”.Shugaba Xi Jinping ya takaita nasarori da fasahohin da kasar Sin ta samu bisa aiwatar da wannan manufa. A cewar shugaban, manufar da kasar Sin ta dauka a matsayin wani juyin-juya hali karo na 2 da ya taba abkuwa a kasar Sin, ta canza yanayin da kasar ke ciki, gami da yin tasiri ga duniya. Shugaba Xi ya ce, “Kasar Sin tana taka rawa a matsayin babbar kasa, yayin da take kokarin bude kofa ga duniya. Sa’an nan kasar ta samar da babbar gudunmowa wajen tinkarar wasu rikicerikicen hada-hadar kudi, ta matakan da kasar ta dauka na shige da fici, da shiga cikin kungiyar WTO, gami da yunkurin gudanar da shirin ‘Ziri daya da hanya daya’. Cikin shekarun baya, kasar Sin ta kan samar da gudunmuwar da ta kai kashi 30% na karuwar tattalin arziki duniya. Hakan ya zama babban dalilin da ya sa tattalin arzikin duniya ke kara samun ci gaba, lamarin da ya taimakawa wanzar da zaman lafiya da ci gaba a duniya.”

A halin yanzu, ana fuskantar babbar kwaskwarima a nan duniya, yayin da ake da tarin kalubale a gaban dukkanin bil Adama. Tabbas, sabbin fasahohi da kwaskwarima da aka yi ta fuskar masana’antu sun samar da damammaki ga kyautatuwar zaman takewar al’umma, haka kuma, sun haifar da kalubalen da ba a taba gani ba.

•Xi Jinping ya sanar da matakai 4 na kara bude kofar kasarsa a yayin taron tattaunawar hadin gwiwar kasashen Asiya na Boao na shekarar 2018

Mutane a wasu yankunan kasashe suna fama da yakeyake, wasu kuma suna fama da karanci abinci. Sauyin yanayi da kuma yaduwar cututtuka dukkansu manyan kabubaloli ne da ake fuskanta. Wadanda ke tarnaki ga hanyoyin samun ci gaba.

To me makomar bil Adama da na Asiya ke nufi?

Shugaba Xi ya amsa wadannan tambayoyi cikin jawabinsa, inda ya nuna hanyoyin samun ci gaba ga dukkanin bil Adama, wadanda suka hada da yin hadin gwiwa da kuma shimfida zaman lafiya da bude kofa ga kasashen waje da kuma yin kwaskwarima.

Shugaba Xi ya ce, “Na yi kira da hadin gwiwar al’ummomin duniya baki daya ta yadda zai dace da halin da muke ciki, wanda zai kuma tallafawa al’ummomin kasa da kasa, tare da yin mu’amala da bangarori daban daban da abin ya shafa kan wannan batun. Ya zuwa yanzu, ina farin ciki matuka domin na samu amincewa daga kasashen duniya da dama da kuma al’ummominsu, har kiran ya shiga muhimmiyar takarda ta MDD. A nan gaba kuma, ina fatan al’ummomin kasa da kasa za su yi hadin

gwiwa domin tabbatar da dunkulewar kasashen duniya baki daya, ta yadda za a shimfida zaman lafiya da kuma neman ci gaban yankin Asiya, har ma da kasashen duniya cikin hadin gwiwa.”

A sa’i daya kuma, shugaba Xi ya jaddada cewa, ya kamata kasa da kasa su bi ka’idojin girmama juna da nuna adalci da karfafa yin shawarwari da daukar nauyi cikin hadin gwiwa da fahimtar juna da cimma moriyar juna da kuma kiyaye muhalli domin gina makoma mai haske.

Babban taron wakilan ‘yan Jam’iyyar Kwaminis ta kasar Sin karo na 19 da aka kira a watan Oktoban bara ya sanar da cewa, tsarin mulki na gurguzu mai halayyar musamman ta kasar Sin ya shiga wani sabon zamani. Xi Jinping ya bayyana cewa, a wannan sabon zamanin da ake ciki, jama’ar kasar Sin za su ci gaba da dogaro bisa karfin kansu, da yi wa kansu kwaskwarima, da inganta aikin kirkire-kirkire don kara samun ci gaba. Kana Sin za ta kara bude kofa ga waje, da inganta hadin gwiwa da ketare, a kokarin samun bunkasuwa tare da duniya baki daya, da bayar da babbar gudummawa

ga ci gaban bil adama. Xi yana mai cewa, “Za mu tsaya tsayin daka wajen karfafa aikin yin kwaskwarima. Ko da mun gamu da wahalhalu, za mu kokarta don haye su, kuma manyan matsaloli ba za su tsorata mu ba. Za mu ci gaba da aikin har mu samu nasara.

Bugu da kari, za mu bi manufar bude kofa ga waje don moriyar juna da samun nasara tare, za mu dora muhammanci kan aikin shigi da fice, ta yadda za a iya kafa wani tsari bisa hadin kai a tsakanin yankunan teku da wadanda ke na tudu, da taimakawa juna a tsakanin kasashen da ke gabashi da yammacin duniya. Haka zakila, Sin za ta fitar da manufofin yin ciniki da zuba jari cikin ‘yanci, da niyyar kafa tasoshin yin ciniki maras shinge masu halayyar musamman na kasar Sin.” Shugaba Xi ya kuma nanata cewa, komin matsayin da kasar Sin za ta samu wajen ci gabanta, ba za ta yi barazana ko nuna karfin iko akan sauran kasashe ba, haka kuma ba za ta sauya tsarin kasa da kasa da ake ciki yanzu ba. A Ko da yaushe, kasar Sin kasa ce da za ta ba da gudummawa ga zaman lafiya da ci gaba da kiyaye tsarin duniya.

Wasanni A Yau

Laraba 11.4.2018

Ina Son Komawa Real Madrid, Inji Courtois Rahotanni daga qasar ingila suna cewa mai tsaron ragar qungiyar qwallon qafa ta Chelsea, Thaibaut Courtois ya sanar da qungiyar cewa su barshi yakoma qungiyar Real Madrid a qarshen kakar wannan shekarar indai Madrid din sun nuna sha’awarsu ta xaukar xan wasan.

Courtois dai yashafe shekaru biyu a qungiyar qwallon qafa ta Atletico Madrid bayan da qungiyar Chelsea tabada aronsa ga qungiyar ta garin Madrid dake qasar sipaniya.

Qungiyar qwallon qafa ta Real Madrid dai tadaxe tana zawarcin mai tsaron ragar xan asalin qasar Belgium wanda Chelsea ta siyo daga qungiyar

qwallon qafa ta Anderletch daka qasar Belgium.

An bayyana cewa tuni matar mai tsaron ragar da ‘ya’yansa guda biyu suna zaune a qasar sipaniya suna rayuwa wanda hakan yake nufin mai tsaron ragar yanada burin zaman garin Madrid dake qasar ta sipaniya.

Itama qungiyar qwallon qafa ta Real Madrid tuni ta amince za ta taya mai tsaron ragar a qarshen kakar da ake ciki inda qungiyar ta shirya rabuwa da masu tsaron ragarta guda biyu, Navas da Casilla.

Mai tsaron ragar dai yanada ragowar kwantaragin shekara xaya

da rabi kuma har yanzu Coutois yaqi amincewa da sabon tayin da qungiyar ta Chelsea tayi masa domin ci gaba da zama a qungiyar.

Real Madrid dai tana gab da kammala cinikin mai tsaron ragar qungiyar qwallon qafa ta Athletico Bilbao Kepa Arrizabala wanda ake tunanin shine zai zama na biyu a qungiyar idan tasamu siyan mai tsaron ragar na Chelsea.

Mai tsaron ragar qungiyar qwallon qafa ta Atletico Madrid dai John Oblak shine wanda ake tunanin zai maye gurbin Coutois a Chelsea idan har yakoma Real Madrid.

An Yi Fatali Da Buqatar Pistorious A Kotu Wata Babbar kotun Afrika ta kudu ta yi watsi da buqatar Oscar Pistorius na xaukaka qara kan hukuncin xaurin shekaru 13 da aka yanke masa a gidan yari.

Pistorius dai na neman Kotun ta rage wa’adin da aka sanya masa yayin shari’ar da ta gudana a watan Nuwamba.

Tsohon zakaran wasan tseren vangaren nakasassu Oscar Pistourius na buqatar kotun kundin tsarin mulkin

qasar ne ta yi duba kan hukuncin xaurin shekaru 13 da aka qara masa a watan Nuwamban bara kan kisan budurwasa Reeva Steenkamp da gan-gan a shekarar 2013.

A cewar kotun batun bai shafi kundin tsarin mulki ba kuma hukuncin yayi daidai da irin laifin daya aikata sannan kuma ta qara da cewa daman duk wanda yayi irin laifin hukuncin daya cancanta dashi kenan.

A shekarar 2012 dai Pistorius shi ne ya zo na xaya a gasar tseren da ta gudana a London kuma ya samu lambar yabo da dama sannan kuma ya lashe kyaututtuka kala-kala a duniya tun daga lokacin da yafara tsren na guragu.

Lauyan xan wasan dai yace basu yadda da hukuncin ba kuma za suje su zauna domin samun mafita sannan kuma su san irin matakin daya kamata su xauka a gaba.

30

Tare da Abba Ibrahim Wada Leadership Ayau@yahoo.com

’Yan Wasan Man United Uku Za Su Sake Sabon Kwantaragi Daga: Abba Ibrahim Wada Gwale Rahotanni sun bayyana cewa qungiyar qwallon qafa ta Manchester united za ta qarawa wasu daga cikin yan wasanta guda uku kwantaragi domin yan wasan suci gaba da zama a qungiyar.

Yan wasan da za su sake kwantaragin dai sun haxa da Antonio Valencia dan qasar Ecuardo da Ander Herrera na qasar sipaniya sai kuma Marcos Rashford xan qasar ingila.

Dukkanin yan wasan dai watanni kaxan yarage kwantaraginsu ya qare a qungiyar sai dai wataqila qungiyar za ta sake musu sabon kwantaragi domin ci gaba da zama dasu musamman Rashford da manyan qungiyoyi suke nemansa.

Rahotannin sun bayyana cewa yan wasa Valencia da Herrera za su sake shekara xai-xai ne a qungiyar wanda za ta kaisu har zuwa shekara ta 2019 sai kuma Rashford da zai qara shekara huxu a qungiyar.

Qungiyar dai tana son fara tattaunawa da yan wasan ne da wuri kafin kwantaragin nasu yaqare su fara tattaunawa da wasu qungiyoyin.

Shima xan wasan tsakiya na qungiyar, Maroune Fellaini saura shekara xaya kwantaraginsa yaqare sai dai rahotanni sunce tuni yafara tattaunawa da wasu qungiyoyin domin barin United xin.

WASANNI 31

A Yau Laraba 11 Ga Afrilu, 2018 (24 Ga Rajab, 1439)

Ina Son Ci Gaba Da Zama A Man. United Har Abada – DE GEA Daga: Abba Ibrahim Wada Gwale

Mai tsaron ragar qungiyar qwallon qafa ta Manchester United, David De Gea ya bayyana cewa yanason ci gaba da zama a qungiyarsa har zuwa qarshen rayuwarsa saboda qungiyar tayi masa duk abin da yake so a rayuwarsa.

Rahotanni daga qasar ingila sun bayyana cewa qungiyar qwallon qafa ta Manchester United ta kusa cimma yarjeejniya da mai tsaron ragar qungiyar, David De Gea akan sabon kwantaragin da mai tsaron ragar zai qara, Mai tsaron ragar yanason sake sabon kwantaragi a qungiyar kafin yatafi gasar cin kofin duniya da za’ayi a qasar Rasha wanda kuma zai zama xan wasa na biyu da zaifi xaukar albashi a qungiyar bayan Alexis Sanches.

Qungiyar qwallon qafa ta Real Madrid dai itace take ta zawarcin mai tsaron ragar sai dai sabon kwantaragin da ake tunanin mai tsaron ragar zai qara zaisa dole ta haqura da neman mai tsaron ragar domin neman wani.

Ana tunanin dai Manchester United za ta kammala yarjejeniya da mai tsaron ragar a qarshen wannan watan bayan da mai tsaron ragar ya buga wasanni 16 batare da an saka masa qwallo a raga ba.

Shima xan wasan an bayyana cewa yanason sake sabon kwantaragin ne kafin yatafi gasar cin kofin duniya saboda yanason zuwa gasar ta cin kofin duniya batare da ana maganar canja sheqa ba zuwa wata qungiyar.

Mai tsaron ragar dai yabuga wasanni 232 a qungiyar kuma ya buga wasanni 91 batare da an saka masa qwallo a raga ba.

Wataqila Rashin Zuwa Gasar Zakarun Turai Yazama Alheri Ga Chelsea –Hazard Daga Abba Ibrahim Wada Gwale Xan wasan gaba na qungiyar qwallon qafa ta Chelsea, Edin Hazard, ya bayyana cewa rashin zuwan Chelsea gasar zakarun turai wataqila ya sake zamarwa qungiyar alheri a kakar wasa ta gaba saboda za su samu qarancin wasanni.

Hazard ya bayyana hakane a wata hira da yayi da manema labara inda yace tabbas kakar wannan shekarar batazo musu da sauqi ba saboda suda suka zama

zakara a shekarar data gabata amma kuma yanzu sune suke zaune a matsayi na biyar.

Ya qara da cewa amma a kakar data gabata basu buga gasar ba ta zakarun turai amma kuma sun lashe kofin firimiya saboda haka wataqila ma wanann kakar hakan ta kasance.

Ya qara da cewa qungiyar Chelsea qungiya ce wadda koda yaushe qoqarinta shine lashe kowacce irin gasa saboda haka duk da haka akwai gasar cin kofin qalubale a gabansu kuma za suyi iya yinsu

domin ganin sun lashe gasar.

A qarshe yace har yanzu akwai dama domin saura wasanni shida a gasar kuma wadda take mataki na huxu tabasu maki 10 saboda haka za su ci gaba da lashe wasanninsu har sai sunga abin da ya turewa buzu naxi.

A wasan da Chelsea dai ta buga da qungiyar Westham Chelsea ta buga 1-1 har gida wanda wannan sakamakon wasanne ya sake tabbatarwa da qungiyar cewa abune mai wahala qungiyar ta iya zuwa gasar zakarun turai.

Herrera Baya Sane Ya Tofa Yawu Akan Bajon Manchester Daga Abba Ibrahim Wada Gwale Xan wasan tsakiyar qungiyar qwallon qafa ta Manchester United, Ander Herrera ya bayyana cewa bayasane ya tofa yawu akan babban bajon abokiyar hamayya Manchester City a wasan da suka buga a filin wasa na Ettihad.

Wani fefen bidiyo dai ya nuna lokacin da xan wasan yake tafiya bayan antafi hutun rabin lokaci inda zai tafi xakin hutawa da canja kaya kuma akaga yana tofa yawu

akan wani babban bajon Manchester City da aka shinfixa akan hanya.

Xan wasan yaci gaba da cewa ansan kowanne xan wasa da yawan zubar da yawu a lokacin da ake buga wasa ko kuma idan antafi hutun rabin lokaci ko idan an tashi daga wasa gaba xaya saboda haka wannan ba wani abu bane.

Yace yana girmama qwallon qafa sannan kuma yana girmama qungiya duk qanqartarta saboda shima daga qaramar qungiyar yafara buga wasa.

Qungiyar qwallon qafa ta Manchester United dai ta bayyana cewa ba wani abu bane kuma daman hakan takan faru a lokuta da dama a wasan qwallon qafa.

Itama qungiyar qwallon qafar da Manchester City har yanzu batace komai ba akan lamarin saboda kamar yadda Manchester United tafaxa ba wani abu bane.

Hukumar qwallon qafa ta qasar ingila har yanzu batace komai ba akan lamarin.

Alcantara Ba Na Siyarwa Bane -Bayern Munich

Daga Abba Ibrahim Wada Gwale Mai koyar da yan wasan qungiyar qwallon qafa ta Bayern Munchen Jupp Heynckes ya bayyana cewa xan wasan tsakiya na qungiyar, Thiago Alcantara bana siyarwa bane akan kowanne farashi kuma baza su saurari kowacce qungiya ba akan xan wasan, Qungiyar qwallon qafa ta Real Madrid ce dai take neman xan wasan tsakiyar xan qasar sipaniya bayan da qungiyar ta bayyana shi a matsayin xan wasan da za ta nema domin maye mata gurbin Luca Modric da girma yafara kamashi.

Heynckes ya bayyana cewa baza su saurari tayin kuxi daga kowacce qungiya ba tunda xan wasan shima yanajin daxin zama a qungiyar saboda haka babu qungiyar da za ta vata lokacinta akan xan wasan.

Shugaban gudanarwar qungiyar, Kerlz Rummenegger ya bayyana cewa Real Madrid da ragowar qungiyoyin da suke son xan wasan dole su haqura da xan wasan saboda haka su manta da neman xan wasan saboda bana siyarwa bane.

Heynckes ya qara da cewa qungiyar tanasa ran za ta siyi xan wasa James Rodriguez wanda yake zaman aro a qungiyar daga Madrid sai dai yace amma ba sauri suke ba na siyan xan wasan yazama nasu gaba xaya.

Qungiyoyin Manchester United da Chelsea ma suna zawarcin xan wasan na tsakiya wanda yakoma Bayern Munchen daga qungiyar Barcelona kuma kawo yanzu ya buga wasanni sama da 100 a qungiyar ta qasar Jamus.

LEADERSHIP 11.4.18

AyAU Laraba

Don Allah Da Kishin Qasa

JARIDAR HAUSA MAI FITOWA KULLUM TA FARKO A NIJERIYA

www.leadershipayau.com Leadership A Yau

LeadershipAyau

No: 122

Muqalar Laraba El-Zaharadeen Umar, Katsina

N150

WASANNI

’Yan Wasan Man United Uku Za Su Sake Sabon Kwantaragi > Shafi na 30

Kwamared Ruwan Godiyar Da Sani?

08062212010

M

uhammad Bashir Usman Ruwan Godiya, wannan shi ne cikakken sunansa na yanka, amma jama’a da dama suna kiransa da Ruwan Godiya saboda xan garin ne kuma yana amfani da suna garin a matsayin laqabi.

Garin Ruwan Godiya da ke cikin qaramar Hukumar Faskari a jihar Katsina nan ne mahaifarsa, wani abin burgewa shi ne, bai tava voyewa ba ko kunyar faxin cewa an haifeshi a kauye ba, yana alfahari da wannan gari na su, kuma ya bada taimako ga mutanen wannan gari, kai shi ne ya yi silar fice da sunnan wannan gari na Ruwan Godiya.

Wannan suna na Ruwan Godiya babu wanda bai san shi a cikin garin Katsina, kuma an san shi ta fannoni dabandaban, wasu sun shi a matsayin malamin makaranta wasu kuma sun san shi a gidan rediyo wasu kuma sun shi ne a fannin gwagwarmaryar qungiyoyin sa ido.

Ko ma dai ya ya, ni nasan kwamared Bashir Usman Ruwan Godiya a matsayin malamina kuma na san shi tun tuni saboda haka zan yi magana ne akan yadda na san shi, sannan in alaqanta sanayar da sabon muqamin da Gwamna Aminu Bello Masari ya naxa shi a matsayin mai baiwa gwamna shawara akan ilimi mai zurfi.

Tun daga lokacin da na san shi har zuwa yau xin nan ban ga ya canza daga yadda na san shi, duk da ikirarin da wasu ke yi cewa yanzu ya canza, duk da kasancewarsa mai shige da fice da kuma sa ido akan al’amuran da ke zuwa suna dawowa.

Kasancewata xalibinsa na tsangayar karatun aikin Jarida a kwalejin kimiya da fasaha ta Hassan Usman Katsina ya taka mahimmiyar rawa wajan ganin na samu nasara a karatuna da na yi, haka kuma duk wani xalibi da ya yi karatu a wannan fanni ya san da zaman Ruwan godiya wanda ake yi wa kirari da kaifi xaya, ya san mahimmacinsa a wannan vangare yasan irin gudunmawar da yake badawa ga xalibai da kuma aikin jarida a jihar Katsina baki xaya.

Duk malamin da ke vangaran tsangayar koyan aikin jarida da ke Hassan Usman Katsina sun san abinda suke yi, kuma har gobe wannan yasa ake ganin martabar wannan fanni a duk faxin wannan kwaleji, Malaman sun fita daban da sauran Malamai sun waye fiye da tunanin mai tunani suna da ilimin addini bakin gwargwado sannan sun yi zarra a zamanance.

To shi Kwamared Ruwan Godiyar da na sani, ya sha banban da sauran Malamai domin kuwa ya tserewa tsara, shi ne kaxai Malamin da jinina ya fi haxuwa da shi tun da na san shi, kai shi ka xai Malamin da idan xalibi ya kasa gane koyawarsa to sai dai mutun ya hakura da karatu zai fi yi masa sauki.

Allah Ya hore masa iyawa, ya zama gwani na gwanaye a tsakanin Malaman tsangayar koyan aikin jarida ta Hassan

•Kwamared Ruwan godiya da Gwamna Masari a lokacin da ya karbi rantsuwar kama aiki Usman Katsina, ya san mutunci mutane baya raina kowa, zai yi ma’amula da kai gwargwadon yadda ya fahimceka, zai baka haqqinka idan ya biyo ta hannunsa, tunda muka san shi ba mu tava jin wani abin assh game da shi ba, amma mun ji a wasu malamai.

Shi ne kaxai zai gaya maka yadda ya yi rayuwarsa ta kauye kafin ya shiga birni, amma wasu ko sunan unguwarsu ka faxa, sai su ce ka maida su ‘yan kauye, shi ne kaxai idan yana koyarwa ba a kosawa ko gajiya, shi ne kaxai xalibai suka fi san koyarwasa fiye da ta kowa.

Gaskiyar magana yana sona, kuma har gobe da shi nake tutiya da kuma inkiya idan anan buqatar takarduna a wani wuri, nine kaxai xalibin da yake wasa da shi fiye da kowa, wannan ya sa nake son haxuwa ko yin aikin ko taro tare da shi, na fi san shi fiye da sauran malamai saboda yadda jinina ya haxu da shi, amma suma sauran ba qashin yadawa bane. (an gaisheku sauran Malamai) Kamar yadda na ce, wasu sun san shi, a gidan rediyo wannan haka yake, yana daga cikin mutanen da Allah ya yi wa nasibi da faxar gaskiya wanda ta zama abu mai wahala a wannan lokaci, kar ka yi tunanin cewa kuna tare ko ya sanka ko yana rage maka wuri, idan faxan gaskiya ya zo akanka to a cikin rediyo zaka ji shi ya xaboma ita ba gyara.

Wannan ya sa ya yi fice ya kuma qara yin suna a gidanjen al’umma, duk macen da ke sauraran rediyo a cikin garin Katsina ta sa Malam Bashir Usman Ruwan Godiya kuma suna san jin ana hira da shi akan kowace irin matsala, domin suna yarda da abinda yake faxa.

Yana da qwarjini, yana xalibai da daman gaske a mafi yawan kafefen yaxa labarai wannan yasa yake da qarfin faxa aji, yasan manya a siyance duk da cewa

shi ban xan siyasa ba ne, yana ma’aumla da qungiyoyi daban-daban kasancewa shugaban gamayyar qungiyoyin sa ido, ya iya magana ga kuma iya barkwanci wanda dole ya sa ka dariya, ance wannan yana xaya daga cikin sirrin nasarar iya koyawarsa a cikin aji. Baya zalunci kuma baya goyan bayan a yi zalunci.

Ya yi tafiye-tafiya a cikin qasa da kuma qasashen waje domin gabatar da muqaloli a fanni daban-daban, anan cikin gida ma har gobe idan za a yi wani muhimmin aiki da ya shafi aikin jarida to su Ruwan godiya ne kanwa uwar gami, yana ciki tsun dum.

A bisa waxannan ‘ya kaxan daga cikin halayarsa da na ambata wanxada suka san shi sani na haqiqa za su tabbatar da cewa kwamared bai canza kuma ni da su muna da tabbacin ba zai canza daga yadda muka san shi ba. Sai dai wani iko na ubangiji.

Kwananan kamar daga sama sai jin sanarwa muka yi cewa gwamnan jihar Katsina, Alhaji Aminu Bello Masari ya ba shi muqamin mai baiwa gwamna shawara akan ilimi mai zurfi wato ya zama xaya daga cikin ‘yan majalisar zartarwa a jihar katsina Wannan sanarwa ta zo da tambayoyi da daman gaske musamman ga waxanda suka san Muhammad Bashir Usman Ruwan Godiya, wasu na ganin kamar gwamna Masari ya xauki qaya da kansa ya saka cikin gwamnatinsa domin yana da wahala a iya daidaitawa da xan gwagwarmaya a harkar gwamnati wanda take da ruxani musamman idan an zo yi rashin gaskiya.

Ni kima na ce idan dai Ruwan Godiyar da sani na ne, ba abinda zai faru sai alheri sai ma qara daidaita al’amura domin kuwa shi aikin gwamnati a fili yake, da zaran ka gane iya huruminka sai ka tsaya nan wanda kuma Ruwan godiya ya qware wajan kaucewa abinda ba ruwansa.

Wasu na ganin tunda gwamnati ta jefa

shi cikinta an rufe bakin tsanya, saboda ko ba komi yanzu yana cikin dumu-dumu saboda haka bakin da ya ci zai ji kunya yin magana, wannan tunanin wasu da ko dai ba su san ruwan godiya ba ko kuma suna yi masa kallon nesa.

Ni kuma cewa na yi, in dai Ruwan Godiyar da sani ne, haka ba zata ta tava faruwa ba, ina son jama’a su rubuta su ajiye, Ruwan godiya zai zama abin bada misali a matsayin da aka ba shi, zai yi iyakar koqarinsa wajan ganin ya sauke nauyin da ya hau kansa, zai yi koqarin ba maraxa kunya ta hanyar tsayawa akan gaskiya wanda kowa ya san shi da ita.

Akwai masu tunanin Ruwan Godiya ya matsawa gwamnatin da faxin gaskiya kuma an rasa yadda za a yi da shi, shi ne aka tsunduma shi cikin gwamnati domin dai a huta da matsalarsa har suna bada misali da yadda tsohon gwamna Edo Kwamared Adams Oshomhole ya addabi gwamnatin tarayya a wancan lokacin amma ana cewa shi ya ci zave, sai ya koma kamar anyi ruwa an xauke. (shiru kaki ji Malam ya ci shirwa) Ni kuwa kullun cewa nake indai Ruwan Godiyar da sani ne, su sa ido su yi kallo duk ranar da aka zo mashi da wani batu na rashin gaskiya to daga wannan rana jama’a za su qara gane wanene Muhammad Bashir Usman Ruwan Godiya acikin gwamnati, wannan rana za a gane yanzu akwai ‘yan kara tsaye, wato mai faxin gaskiya komin xa-cin-ta sannan ko da kuwa wani abu zai faru.

Akwai sauran maganganu da tambayoyi game da wannan muqami da aka baiwa kwamared Muhammad Usman Ruwan Godiya wanda zan yi bayaninsu a rubutu na gaba da wasu tunane-tunane da jama’a ke yi game da wasu matsaloli da ake hange tare da kwamared Ruwan Godiya. Ni kuma na dage da cewa in dai Ruwan Godiyar da na sani ne…?

Babba Da Jaka Takardun Jabu: An fara tantance digiri 40,000 da aka samo daga qasashen waje –Labarai

Ashe?

Ana shiryawa da buga LEADERSHIP A Yau a kamfanin LEADERSHIP GROUP LIMITED, lamba 27, kan Titin Ibrahim Tahir, a Gundumar Utako, Abuja. Tarho: 0703 666 6850; Fax: 09-2345360. P. O. Box 9514, Garki II, Abuja. Ofishin mu a Legas: 34/36 Titin Adegbola, Anifowose, daidai Oba Akran, Ikeja. Tarho: 01-8963459. E-mel: leadershipayau@gmail.com, Leadershipayau@yahoo.com