Stefna Landbúnaðarháskóla Íslands – LBHÍ – 2024-2028 by Landbúnaðarháskóli_Íslands

Stefna Landbúnaðarháskóla Íslands – LBHÍ – 2024-2028

STEFNA LBHÍ 2024 - 2028

Markmið ríkisstjórnarinnar Ríkisstjórn Íslands leggur samkvæmt stjórnarsáttmála frá árinu 2021 áherslu á aðgerðir til að þróa lífhagkerfið enn frekar, styðja við grænar lausnir og aðferðir til að draga úr umhverfisáhrifum matvælaframleiðslu með hvötum og stuðningi sem miða meðal annars að kolefnisjöfnun landbúnaðar. Landbúnaður á Íslandi á að vera sjálfbær og leiðandi í framleiðslu á heilnæmum afurðum þar sem lögð er áhersla á nýsköpun og vöruþróun, byggðafestu og aukna verðmætasköpun. Stefnt er að því að styðja bændur við að byggja upp nýjar verðmætar búgreinar og nýta tækifæri sem byggjast á áhuga á matarmenningu með sjálfbærni og gæði að leiðarljósi. Loftslagsmál eru í forgangi og Ísland á að vera í fararbroddi í umhverfismálum á alþjóðavísu. Lögð er áhersla á markvissar og metnaðarfullar aðgerðir til að draga úr losun vegna landnotkunar með kolefnisbindingu og endurheimt vistkerfa. Ríkisstjórnin vill gera betur en Parísarsamkomulagið gerir ráð fyrir og stefnir að kolefnishlutlausu Íslandi í síðasta lagi árið 2040. Menntun og rannsóknir fá aukinn stuðning enda talin gegna lykilhlutverki til þess að ná árangri ekki síst á sviði nýtingar náttúruauðlinda til matvælaframleiðslu, loftslagsmála og umhverfisverndar. Tæknibreytingar eru sífellt hraðari og mikilvægt að menntastofnanir geti boðið upp á góða aðstöðu til að viðhalda samkeppnishæfni í alþjóðlegu umhverfi. Þá mun þáttur sí- og endurmenntunar gegna mikilvægara hlutverki til framtíðar. Nýframkomnar þingsályktanir hafa lagt enn frekari áherslu á viðfangsefni sem snúa að kjarnastefnu háskólans. Má þar nefna þingsályktun um matvælastefnu til ársins 2040 sem var samþykkt í maí 2023. Þar er m.a. lögð áhersla á sjálfbærni matvælaframleiðslu, fullnýtingu afurða, kolefnishlutleysi og að vísindi vistkerfisnálgunar og varúðar verði höfð að leiðarljósi. Í þingsályktun um landbúnaðarstefnu til ársins 2040 frá júní 2023 kemur fram að meginmarkmið landbúnaðarstefnunnar sé að efla íslenskan landbúnað og styrkja stoðir hans til framtíðar með sjálfbæra þróun að leiðarljósi þannig að Ísland verði í fremstu röð ríkja í framleiðslu heilnæmra landbúnaðarafurða. Undirstrikað er að til þess að ná árangri þurfi að styðja við menntun, tækniframfarir, rannsóknir og nýsköpun.

Landbúnaðarháskóli Íslands gegnir lykilhlutverki við að framfylgja þessum markmiðum. 4

STEFNA LBHÍ 2024 - 2028