Kunsill News 110 - Mejju 2021

KUNSILL NEWS Informazzjoni u AvviŻi lokali - Jitqassam b’xejn

May 2021 - Numru 110

SILL LOKALI TAŻ-ŻURRIEQ

SILL LOKALI TAŻ-ŻURRIEQ

Fil-Paġni ta’ ġewwa 03 Kelmtejn mis-Sindku 06 Intervista ma’ Ricky Caruana 10 Ġrajja fittizja u immaġinata miktuba minn Joe Farrugia (id-Dulli)

Ċentru tal-Komunità Joe Cassar, Triq Mons P.P. Saydon, Żurrieq ŻRQ1030 Tel: +356 2168 9111, 2164 2974/5 Email: zurrieq.lc@gov.mt www.zurrieqlocalcouncil.com

KUNSILL LOKALI TAŻ-ŻURRIEQ

KUNSILL NEWS

Maħruġ mill-Kunsill Lokali taż-Żurrieq

KUNSILL LOKALI TAŻ-ŻURRIEQ

KELMTEJN MIS-SINDKU

Rita Grima

Inkarigata minn Infrastruttura, Marki u Sinjali tat-Traffiku, Finanzi, Amministrazzjoni, Anzjani u Persuni b’Diżabilità u Qasam Soċjali

K

if jaf kulħadd, diġà għalaqna sena minn mindu tfaċċa l-ewwel każ tal-Covid-19 f’Malta! Kienet sena mimlija qtigħ il-qalb, beżgħat u restrizzjioniet. Kważi kulħadd kellu jbiddel l-istil ta’ ħajja li kien qiegħed jgħix.

Madankollu, il-ħidma tal-Kunsill baqgħet sejra bla ma qatgħet xejn. Bħala xogħol filKunsill, is-Segretarju Eżekuttiv u l-iskrivani baqgħu għaddejjin bil-ħidma bħas-soltu.

Ir-residenti baqgħu ġejjin il-Kunsill u baqgħu jiġu moqdija. Il-boroż baqgħu jitqassmu, il-ħlasijiet taċ-ċitazzjonijiet baqgħu jsiru, kif ukoll il-permessi u mitt ħaġa oħra.

Nista’ ngħid li r-residenti kkoperaw ħafna skont il-miżuri billi dejjem daħlu fl-uffiċċji tagħna wieħed wieħed, kollha lebsin il-maskra u użaw il-hand sanitizer.

Kien hemm min ibbukkja il-makkinarju tat-triq online, li kienet sistema li ntlaqgħet tajjeb ħafna u ffrankat ħafna skariġġ.

Grazzi lill-istaff amministrattiv kollu għax dan kollu sar bil-ħila tagħom. GRAZZI! U dan kollu minkejja li ħafna mill-attivitajiet kellhom jitħassru jew isiru b’mod ristrett.

Fil-Milied tnediet kompetizzjoni sponsorjata mill-Kunsill Reġjonali tanNofsinhar għall-isbaħ faċċata u gallerija jew tieqa. Kien hemm konkorrenza tajba għaliha. Grazzi wkoll għall-Kunsill Reġjonali tan-Nofsinhar xtrajna żewġ ipads sabiex jintużaw minn persuni b’nuqqas ta’ vista u żidna wkoll il-kotba fil-librerija.

Il-Kunsill kompla jinvesti l-parti l-kbira tal-fondi disponibbli fuq tindif u manutenzjoni ta’ ġonna pubbliċi, manutenzjoni ta’ bankini, u manutenzjoni ta’ tabelli, marki u sinjali fit-toroq. Saret manutenzjoni tat-toroq madwar iż-Żurrieq.

Sar wiċċ ġdid fi Vjal il-Blue Grotto, Triq il-Qortin, Sqaq Barċellona, Sqaq ta’ B’Xejn u Triq il-Miżieb, u issa se jitlesta wkoll

il-proġett ta’ Wied Fulija. Sar xogħol ta’ restawr fil-Kappella ta’ Sant’ Andrija billi tranġa l-ġebel tal-kappella u nżebagħ ukoll il-ħadid tal-madwar.

Insemmi wkoll diversi manutenzjonijiet meħtieġa f’Ħal Millieri. Kellna ħafna laqgħat mal-awtoritajiet, u issa beda r-restawr fuq it-Torri tal-Wardija. Flimkien mal-Assoċjazzjoni tal-Kunsilli Lokali qegħdin naħdmu wkoll fuq il-proġett “Slow Streets” fejn se nsibu postijiet pubbliċi u miftuħa li n-nies ikunu jistgħu jgawdu bla karozzi f’ċerti ġranet, bħal pereżempju Pjazza Repubblika.

Bdejna naħdmu fuq il-proġett tal-Cats’ Café, fejn il-qtates isibu kenn u l-feeders jistgħu jmorru jitimgħuhom. B’hekk forsi nnaqqsu l-inkonvenjent għan-nies talmadwar.

L-Awtoritajiet tas-Saħħa użaw il-berġa fil-Community Centre għall-għoti tal-vaċċin kontra l-Covid-19, li għalih ikkonkorrew

ħafna nies minn kull raħal ta’ Malta.

Din is-sena jaħbat il-50 anniversarju mill-mewt ta’ Żurrieqi prominenti: il-Professur Dun Pietru Pawl Saydon.

Il-Kunsill kellu pjanijiet biex ifakkar dan lavveniment imma minħabba l-pandemija ma stajniex inwettquhom. Il-Kunsill qiegħed kuruna tar-rand quddiem l-istatwa tal-Professur Pietru Pawl Saydon li tinstab fi Ġnien Adrian Borg.

Fl-1 ta’ Ġunju niċċelebraw Jum iżŻurrieq, iżda għat-tieni sena konsekuttiva, minħabba r-restrizzjonijiet, ma nistgħux niċċelebrawh b’mod normali imma fuq skala ristretta ħafna. Madankollu, se nkunu qed ninfurmawkom b’xi attivitajiet li se nkunu nistgħu qed norganizzaw.

Sadattant inħeġġiġkom sabiex nhar l-1 ta’ Ġunju kull min għandu arblu jtella’ l-bandiera ħalli jkollna raħal sabiħ u kkulurit fil-Jum tiegħu. Nawgura liż-Żrieraq kollha Jum mill-isbaħ u mill-aqwa.

Art 4 all - Kors tal-arti organizzat mir-Reġjun ta' Nofsinhar.

Twittija ta' Triq is-Sienja.

3

KUNSILL LOKALI TAŻ-ŻURRIEQ

4

KUNSILL NEWS

www.zurrieqlocalcouncil.com

KUNSILL LOKALI TAŻ-ŻURRIEQ

Mal-Onor. Miriam Dalli waqt it-tqassim tal-kits tal-ilma.

Attività għat tfal organizzate mill-LEAP fil-Milied 2020 - Ittra lil Santa.

Mal-Onor. Owen Bonnici waqt laqgħa bejnietna.

Xogħol agrikolu fil-ġnien tal-iskola.

Xogħlijiet fi Triq il-Miżieb

Site meeting waqt ix-xogħlijiet fi triq il-Qortin.

KUNSILL LOKALI TAŻ-ŻURRIEQ

KUNSILL NEWS

Maħruġ mill-Kunsill Lokali taż-Żurrieq

KUNSILL LOKALI TAŻ-ŻURRIEQ

Laqgħa virtwali mal-Kunsill Nazzjonali taż-Żagħżagħ.

Tisbieħ fil-belveder grazzi għal PARKS Malta.

Mal-Onor. Stefan Zrinzo Azzopardi fl-inawgurazzjoni tal-Proġett ta' Triq il-Barrieri.

Xogħol ta' żebgħa fi vjal il-Blue Grotto.

Jien ukoll imlaqqma kontra l-Covid 19.

Laqgħa virtwali mal-istudenti tal-Iskola Primarja.

Laqgħa mal-Onor. Julia Farrugia Portelli dwar tisbiħ fil-ġonna tagħna.

5

KUNSILL LOKALI TAŻ-ŻURRIEQ

6

KUNSILL NEWS

www.zurrieqlocalcouncil.com

KUNSILL LOKALI TAŻ-ŻURRIEQ

Donazzjoni ta’ Siġra taż-Żebbuġ Il-Kunsill Lokali taż-Żurrieq jirringrazza lil Dr. Naged Megally li għogbu jagħti b’donazzjoni lil Kunsill siġra taż-żebbuġ li tħawwlet f’Ħal-Millier sabiex titgawda u tkompli ssebbaħ l-ambjent.

Intervista ma’ Ricky Caruana

dwar il-ktieb tiegħu “Riżonanza.

Daqqa t’għajn lejn l-infinità” INTERVISTA MIN

Patrick J Sammut

X’kienu l-istudji tiegħek?

Liema huma l-aktar kotba u kittieba għal qalbek?

Jien mort l-Iskola Primarja tal-Gvern, imbagħad dik Sekondarja. Kont ġibt xi għaxar O Levels u mort Paolino Vassallo Upper Lyceum biex inkompli l-A levels.

Wara l-ewwel sena qabżitli u tlaqt naħdem, għalkemm ta’ 13-il sena kont diġà naħdem summer jobs ma’ sprayers, mechanics u oħrajn. Jien m’iniex xi wieħed li qrajt ħafna kotba. Però m’għandix kotba u lanqas kittieba favoriti – fis-sens li naqra l-kotba u nfittex l-awturi li jkunu jagħmlu sens għalija fl-istadju li nkun f’ħajti. Però kotba li jibqgħu eternament jagħmlu sens għalija huma Tao Te Ching, miktub minn Lau-Tzu, kif ukoll The Prophet, ta’ Kahlil Gibran. Ma’ dawn nista’ nżid ukoll lill-astronomu Carl Sagan.

Il-kitba ta’ ktieb bħal dan tirrikjedi qari wiesa’ u anki vjaġġi mhux komuni lil hinn minn artna u anki millkultura Kristjana-Ewropea.

Kemm hu veru dan?

Jien fuqi nista’ nitkellem; ma nafx ħaddieħor xi bżonnijiet ikollu. Ħajti għextha bħal kull bniedem ieħor u qatt ma qbiżt l-Ewropa fis-safar tiegħi. Kotba, kif ġa għedtlek, ma qrajtx ħafna. Jien nemmen li l-consciousness ta’ bniedem

mhijiex limitata għal post jew ħin imma taqbeż il-konfini umani. Għalhekk sta għal kull individwu kemm ikun lest biex b’passjoni u rieda ħielsa jirċievi din il-konoxxenza ġewwa fih. Dan hu suġġett kumpless ferm biex infiehmu fi ftit sentenzi. Kont imbierek li ltqajt ma’ nies li kellhom l-istess interessi bħal tiegħi f’oqsma ta’ għerf u tagħlim, allura diskussjonijiet frekwenti fuq dawn issuġġetti kont nixrobhom peress li għandi memorja fotografika.

Naf li għadek kemm ippubblikajt it-tieni ktieb tiegħek, The Strings of Faith. Kif ivarja dan il-ktieb mill-ewwel wieħed? Hu ppjanat li taqilbu wkoll għall-Malti?

Għaliex għażilt li ssemmih “Riżonanza”?

Xi jmiss wara dawn?

Riżonanza għax minn meta faqqa’ l-big bang sa issa, dak kollu li naraw u nesperjenzaw f’ħajjitna sakemm jibqa’ jeżisti dan l-univers ma huwa xejn għajr riżonanza ta’ dak il-famuż big bang – jew il-mument li Alla fetaħ għajnejh. L-univers jgħix u jaħdem propju għax jibqa’ bħal qisu eku tar-riżonanza ta’ qablu u jibqa’ sejjer hekk għall-infinit. Meta nkunu wiċċ imb wiċċ dan nispjegah ferm aħjar.

Kif qed jintlaqa’ ktieb bħal dan hawn Malta u lil hinn minn xtutna?

B’sorpriża għalija, intlaqa’ verament tajjeb.

Fil-fatt fl-2021 se jsir reprint tal-edizzjoni bl-Ingliż. Kemm Malta kif ukoll barra minn xtutna, il-feedback kien prattikament l-istess.

Iva, fil-fatt ġa kellimt lis-Sur Palma għattraduzzjoni. Kif ivarja? Dan huwa iktar ktieb ta’ lezzjonijiet tal-ħajja u jgħin biex jiftaħlek għajnejk. Hu dwar kif bniedem jasal biex jikseb l-għerf u l-illuminazzjoni.

Wara dawn imissni l-itqal biċċa. Resonance u The Strings of Fate ħriġthom propju biex inwitti t-triq għat-tielet ktieb. Kien propju l-ktieb li se joħroġ wara dawn li oriġinarjament xtaqt li nikteb. Imma ma stajtx nikteb dan it-tielet ktieb mingħajr ma nibni l-pedament għalih, li fil-fatt huma ż-żewġ kotba Resonance u The Strings of Fate. Għaliex? Għax it-tielet ktieb tiegħi ħa jkun jismu The Book of Death. Immaġinak trid tikteb ktieb dwar minn xħin persuna tieħu l-aħħar nifs ’il quddiem!... Kif se nkun kredibbli? Allura dik hija l-ikbar biċċa xogħol li ġejja. Imma jekk l-univers u l-consciousness iridu, niktbu wkoll!...

Awgurali!

Min jixtieq ikun jaf aktar dwar dawn il-kotba u l-awtur Ricky Caruana jista’ jidħol fuq ilpaġna tiegħu ta’ fb: Resonance: A Glimpse Of Infinity

KUNSILL LOKALI TAŻ-ŻURRIEQ

KUNSILL NEWS

Maħruġ mill-Kunsill Lokali taż-Żurrieq

KUNSILL LOKALI TAŻ-ŻURRIEQ

KELMTEJN MILL-VIĊI SINDKU

Ignatius Farrugia Inkarigat minn Innovazzjoni, Integrazzjoni Soċjali u Ġemellaġġi

Ta’ din id-dinja jgħaddi kollox!

W

ara diversi xhur ta’ toqol żejjed li l-pandemija Covid-19 ġabet magħha fil-ħajja tagħna, bil-mod il-mod bdejna nissetiljaw u niġġildulha bil-vaċċin. Naf li ħafna minnkom diġà tlaqqamtu. Dan ikompli jagħmilna poplu matur.

Minn hawn nixtieq nuri s-solidarjetà mal-familji ta’ dawk li ħallewna minħabba din il-pandemija, fosthom anke ħutna Żrieraq.

Qegħdin fl-istaġun tant sabiħ tarrebbiegħa, fejn in-natura ġġegħelna nħossuna aħjar u ġġib magħha diversi attivitajiet, fosthom “Jum iżŻurrieq” fl-ewwel ta’ Ġunju. Għat-tieni sena konsekuttiva rġajna ma nistgħu norganizzaw xejn biex niċċelebraw dan il-jum tant għal qalbna ż-Żrieraq. Moħħi jmur lura lejn is-snin preċedenti meta l-poplu kien jiġi bi ħġaru għal bosta attivitajiet li norganizzaw, fosthom “Jum iż-Żurrieq” u “Festa Ħut”, li kienu jeħduli ħafna enerġija.

Kienet tkun l-akbar sodisfazzjon għalija personalment li nara dawn l-attivitajiet jirnexxu. Ir-raħal tagħna kien ikun fil-glorja tiegħu. Xorta waħda nawgura “Jum iżŻurrieq” mill-aqwa liż-Żrieraq kollha, huma fejn huma, kemm dawk li jgħixu fir-raħal, kemm dawk li qed jgħixu f’xi raħal ieħor, kif ukoll l-emigranti li ħallew pajjiżna imma xorta għadhom iħossuhom Żrieraq.

B’tama kbira nħares ’il quddiem li fiż-żmien li ġej bħala Kunsill nerġgħu lura għal dawn l-attivitajiet!

Kienet ilha tinħass il-ħtieġa li jiġu rrestawrati t-torrijiet li hemm fir-

roundabout tal-Bebbux, fi Triq il-Qrendi, li kienu nħadmu mill-mibki Joe Farrugia, “Iz-Ziqqa”. Wara li fil-Kunsill ressaqt it-talba ta’ diversi Żrieraq sabiex jiġu rrestawrati dawn it-torrijiet, din it-talba ntlaqgħet u bħalissa dawn it-torrijiet qed jiġu rrestawrati mill-kumpanija Alka Ceramics f’Ta’ Qali. Inħoss ċertu eċċitament sakemm dan ix-xogħol jitlesta u jerġa’ jibda jitgawda minn kulħadd.

Filwaqt li nħarsu ’l quddiem għal żminijiet aħjar, nawguralkom is-saħħa!

Natius

7

KUNSILL LOKALI TAŻ-ŻURRIEQ

KUNSILL NEWS

8

www.zurrieqlocalcouncil.com

KUNSILL LOKALI TAŻ-ŻURRIEQ

KELMTEJN MILL-KUNSILLIER

Marisa D’Amato Inkarigata millĦarsien tal-Annimali, Turiżmu, Media u Attivitajiet Prinċipali

G

ħeżież residenti Żrieraq, Għaddiet sena oħra mimlija sfidi u qtigħ il-qalb. Madankollu, il-Kunsill xorta waħda baqa’ għaddej bil-ħidma tiegħu.

Bħala Kunsilliera inkarigata mill-attivitajiet prinċipali, xtaqt li l-kalendarju annwali għas-sena 2021 ikun wieħed imżewwaq b’diversi attivitajiet. Iżda minħabba l-miżuri tal-COVID-19 nista’ ngħid li ma stajt nippjana xejn. Fil-ftit ġranet appena wara li ġew rilaxxati l-miżuri s-sajf li għadda, organizzajt serata ta’ għana tradizzjonali ħdejn il-Mitħna tax-Xarolla. Kull min attenda apprezza l-mużika u l-ambjent mill-isbaħ li kien hemm.

Kellna attivitajiet oħra ppjanati għallkumplament tas-sena li għaddiet kif ukoll għal din is-sena. Qed nittamaw li fil-ġimghat li ġejjin ikollna riżultati tajbin li jwasslu għal aktar tnaqqis fil-miżuri sabiex għal dan is-sajf inkunu nistgħu nerġgħu nibdew bl-attivitajiet, dejjem fuq skala

żgħira u nimxu paripassu mad-direttivi li jagħtuna l-awtoritajiet tas-saħħa pubblika.

Għandna l-ħsieb ukoll li nkomplu billaqgħat agrarji mas-Sur Mario Salerno.

Rigward dan ninfurmawkom aktar ’il quddiem.

Proġett li jiena komplejt għaddejja fuqu kien il-Cat Café. Domna aktar milli mistenni u xtaqna sakemm wasalna sabiex nibdew ix-xogħol fil-bini tiegħu. Wasalna appik li dan il-progett jittella’ fi Triq il-Belt Valletta. X’aktarx li sakemm jaslilkom dan il-magazin ix-xogħol ikun diġà beda. F’dawn l-aħħar xhur irċevejt ħafna suġġerimenti mingħandkom li apprezzajt ħafna. Għalkemm diġà ġbart informazzjoni fejn hemm qtates abbandunati u li hemm bżonn li jinġabru, napprezza jekk tgħinuni u tindikawli t-toroq jew l-inħawi fejn ikunu jinsabu.

Infakkar ukoll fl-iskema tan-neutering li l-Kunsill joffri lill-feeders. Nappella lil dawk li jitimgħu l-kolonji tal-qtates biex javviċinaw lili jew lill-Kunsill u jirreġistraw.

Hekk ikunu jistgħu jingħataw l-għajnuniet meħtieġa.

Nieħu l-okkazjoni sabiex nirringrazzja lil Lawrence Camilleri (id-Didi) kif ukoll lil Xmun Caterers għad-donazzjonijiet li tawna fl-Għid li għadda sabiex qassamna l-figolli u l-muffins lil tfal Żrieraq fil-bżonn.

Nirringrazzja wkoll lis-Sinjura Sindku u lill-Kunsilliera sħabi, lis-Sinjura Segretarju Eżekuttiv Josianne Cilia Mumford u lillħaddiema tal-Kunsill għax-xogħol tant apprezzat tagħhom.

Infakkar lilkom, ir-residenti, sabiex tagħmlu kuntatt miegħi f’każ ta’ bżonn ta’ għajnuna, jew jekk għandkom mistoqsijiet u suġġerimenti. Huwa dover tiegħi li nkun ta’ għajnuna għalikom.

Tislijiet.

Marisa D’Amato 99405805 marisadamato.lc@gmail.com

KUNSILL LOKALI TAŻ-ŻURRIEQ

KUNSILL NEWS

Maħruġ mill-Kunsill Lokali taż-Żurrieq

KUNSILL LOKALI TAŻ-ŻURRIEQ

KELMTEJN MILL-KUNSILLIER

Kaydem Schembri Inkarigat minn Edukazzjoni, Fondi tal-UE u Gal Xlokk

G

ħeżież Żrieraq, L-ewwel nett nispera li tinsabu tajbin. Bħalissa ninsabu għaddejjin minn żminijiet li ma huma faċli għal ħadd, imma jekk Alla jrid bil-mod il-mod nirkupraw.

Minkejja kull ostaklu li ġabet magħha din il-pandemija, ixxogħol tal-Kunsill xorta waħda baqa’ għaddej ġmielu.

Il-Mobile App

Novembru li għadda, il-Kunsill Lokali ffirma l-kuntratt għall-fondi Ewropej li ksibt sabiex noħolqu mobile app. Ix-xogħol beda ġmielu u jinsab fl-aħħar fażijiet. Dan kollu qed isir sabiex nimmodernizzaw il-komunikazzjoni bejn il-Kunsill Lokali u intom ir-residenti. Permezz ta’ din il-mobile app jistgħu jitressqu ħafna mit-talbiet li jkollkom, bħallapplikazzjoni għall-permessi, applikazzjoni għall-appuntament għal skart bulky, u rapporti.

Barra minn hekk, il-mobile app se jkollha taqsima dwar il-wirt kulturali taż-Żurrieq, kalendarju dwar meta għandu jinġabar l-iskart, u sezzjoni dwar notifiki u informazzjoni millKunsill Lokali.

Il-mobile app se tkun disponibbli kemm bil-Malti kif ukoll bl-Ingliż.

Il-Librerija

Il-librerija kontemporanja ma tikkonsistix biss f’kotba. L-użu tagħha nfirex għal iktar interazzjoni u aċċessibilità. Kif għedtilkom l-aħħar darba, fil-librerija għamilna kompjuter sabiex ikun aċċessibbli minn kulħadd. Imma x-xogħol biex inkomplu nimmordernizzaw illibrerija ma waqafx hemm.

Wieħed mill-valuri li verament ngħożż hi l-edukazzjoni. B’hekk qed nagħmel mezz li l-librerija tkun aċċessibbli minn kulħadd u niżgura l-użu effettiv tagħha. Fil-ġimgħat li ġejjin fil-librerija se jkollna żewġ tablets speċjalizzati apposta għall-persuni neqsin mid-dawl.

Apparti l-librerija prinċipali, qed isir xogħol sabiex inżidu librerija miftuħa oħra bħal dik ta’ Ġnien il-Ġibjun. Dan qed isir għaliex fl-aħħar mill-aħħar l-edukazzjoni hija ċ-ċavetta għassuċċess.

Minn hawn nixtieq nappella lil kull min għandu xi idea jew opinjoni dwar kif nistgħu nkomplu nsaħħu din il-librerija. Napprezza jekk tagħmlu kuntatt dirett miegħi.

L-Ilsien Malti

Matul din is-sena se jibdew jitwaħħlu plakek żgħar bi qwiel Maltin u tifsira qasira tagħhom. Dan il-proġett se jkun qed isir madwar il-ġonna ta’ raħalna ħalli filwaqt li nkunu qed ingawdu l-ambjent trankwill inkomplu nirfinaw l-għarfien tal-ilsien tagħna.

Il-Proġett Ewropew

Minkejja li l-pandemija waqqfet il-proġett Ewropew, xorta waħda bqajt f’kuntatt mal-20 pajjiż u organizzazzjoni differenti ħalli meta ngħaddu minn dawn iż-żminijiet xejn pjaċevoli nkunu nistgħu nibdew dan il-proġett. Dan hu wieħed mill-ħafna proġetti li qed naħdem fuqu sabiex raħalna jkun wieħed kosmopolita filwaqt li jibni relazzjonijiet ma’ rħula minn pajjiżi differenti.

Permezz ta’ dawn il-proġetti, il-Kunsill Lokali se jkun qed jibgħat residenti Żrieraq f’pajjiżi differenti sabiex jipparteċipaw f’attivitajiet

organizzati, b’kull pajjiż b’attivititajiet differenti. Filwaqt li dawn ir-residenti jkunu qed jipparteċipaw f’attivitajiet differenti nkunu qed nagħmlu riklam għal raħalna u għal dak li għandu x’joffri.

Għeluq

Sabiex nagħlaq, nappella lil kulħadd biex jimxi fuq il-pariri tal-awtoritajiet tas-saħħa ħalli ma ndumux ma’ noħorġu minn din il-pandemija.

Jekk nista’ nkun ta’ għajnuna b’xi mod jew ieħor, tistgħu tagħmlu kuntatt miegħi permezz tal-mowbajl (79683911) jew bl-email: kaydem.schembri@gmail.com

9

KUNSILL LOKALI TAŻ-ŻURRIEQ

10

KUNSILL NEWS

www.zurrieqlocalcouncil.com

KUNSILL LOKALI TAŻ-ŻURRIEQ

Il-Laqgħa

Ġrajja fittizja u immaġinata miktuba minn Joe Farrugia, id-Dulli Narratur: F’wieħed mill-isbaħ

postijiet ta’ attrazzjoni turistika li għandna fiż-Żurrieq, li hija l-Mitħna tax-Xarolla, kien qegħed jinstema’ għajjat mhux tas-soltu. Għajjat ta’ ferħ liema bħalu. Kien bir-raġun, għax wara bosta snin kienu ltaqgħu għal darba oħra tlett iħbieb antiki: Żeża, Nina u Wiġa.

Żeża: Isma’, qed tgħid hekk int, jien kont ilni mitfugħa fuq raff ma nafx għal kemm, qalb id-damiġġjani tal-inbid mimlija għanqbut. Damu ġurnata jfarfru u jneħħu l-ħmieġ minn fuqi.

Nina: Le, jien kieku minn daqshekk

m’għandix x’ingerger għax sibt wieħed dilettant iħobb l-antikità u tgħidx kif iżommni fuq wiċċ l-idejn!

Isma’, u veru jħobb l-antikità għax bejnietna kien iżżewweġ waħda tmintax-il sena akbar minnu!

Kollha jidħku: ĦA! ĦA! ĦA!

Nina: Ara fejn kellna niltaqgħu wara daż-żmien kollu!

Wiġa: Dnub li ma nistgħux

nitgħannqu waħda sew minħabba din is-sitwazzjoni li ninsabu fiha!

Żeża: U mnalla, għax li kieku min jaf kif insiru għoqda b’dan is-suf li għandna fuqna!

Nina: Kos, hux, ma kinitx gwerra li firditna! Żeża: Anzi nirringrazzjaw lill-Ħallieq li wara dan iż-żmien kollu rġajna ltqajna qawwijin u sħaħ.

Wiġa: Qawwijin u sħaħ qed tgħid int, għax lili mnalla ġabruni u tawni l-ħajja mill-ġdid! Kont ilni snin sħaħ mormija fuq xkora, lesta għall-ħruq.

Anzi skappajtha! Tgħidx x’biċċa xogħol ħadu fuqi! Għamluli operazzjoni nobis!

Żeża: Mela veru sibtu regettier!

Kos, ara naqra, ta! Mela skappajna l-pesta, il-gwerra dinjija, il-gwerra l-oħra tal-1942, u kellna niltaqgħu f’din il-misħuta pandemija Covid Dsatax!

Nina: Tassew kemm għaddew snin minn fuqna u kemm qoton u suf għadda minna. Ħdimna wisq f’għomorna.

Wiġa: Kieku jien ma kellix għalfejn ingerger mill-imgħallmin tiegħi. Isimgħu, la qegħdin ngħidu dan kollu, fuq l-istatus tagħna ma għedna xejn.

Nina: Ajma l-oħra ġejja bl-istatus!

Fuq kollox jien ma għedtilkomx, hux, li kelli tarbija? Araw fejn hi! Propja jien meta kont żgħira!

Wiġa: Ara l-oħra! Dan kif ma għedtilna xejn? Ir-raġel x’jismu?

Nina: Qiegħda ngħidilkom issa għax dak iż-żmien ħoll xagħrek u ġib iż-żejt. Illum xejn mhu xejn. Irraġel kienu ressquhuli u, kif jgħidu ż-żagħżagħ tal-lum, kellna one night stand u wikkihieli għax ħallieni single mother, dabbar rasu u ma rajtux aktar b’għajnejja! Żeża: Tiegħek dabbar rasu u telaq ... iżda tiegħi dabbru rashom u telqu ... għax lil tiegħi ħallewhieli bl-unknown father. Ma jiddispjaċinix, imma, għax trabbiet ukoll. Ara xi ġmiel għandi!

Wiġa: Għid lili kemm ħdimt! Ġranet u ljieli sħaħ għaddejt bla waqfien taħt id-dawl tal-imsiebaħ u l-lampi tal-pitrolju.

Nina: Kemm ħdimt b’xejn jien!

L-imgħallma kienet tgħidli “Din il-biċċa xogħol għat-tabib! Din għall-avukat, għall-ispiżjar, għallKappillan....” Żeża: Sewwa, mela min kien jista’ ma jħallas b’xejn, u ħaddieħor bilflus – apparti l-Kappillan!

Nina: U jien il-fidila kont nieħu pjaċir għax kont qed naħdem għallirjus kbar tar-raħal! Żeża: Ċiss, xi pjaċir dak! Lili ma

tantx daħqitli xortija għax ma’ min kont naħdem kienet sakranazza aktar minn Bakkus, ir-re tassakranazzi. X’ma tkissirnix biex iddawwarni! Kienet issawwatni bla ħniena. Dejjem bil-fliexken tal-inbid ġo saqajja u kien ikolli nissaporti dawk l-intejjen kollha.

Wiġa: Le jien qatt ma ridt irbit...lirġiel dejjem bżajt minnhom, imsomma kollox jista’ jseħħ fleħħa ta’ berqa u jitwieled l-antikrist minni, f’dak il-każ narafkom bil-mobile phone...tinsewx ngħatu in0numru lil xulxin.

Nina: X’affarijiet dawn, illum bilmobile phone....mur għidilhom min xiex kellna ngħaddu. Dak iż-żmien lanqas il-ħin ma konna inkunu nafu għax kollox max-xemx u l-qamar.

Wiġa: Jew mal-ħoss tal-bronja. U ajma kemm ser irrednu, veru tlett irdejjen aħna għax hemm isib...

KUNSILL LOKALI TAŻ-ŻURRIEQ

KUNSILL NEWS

Maħruġ mill-Kunsill Lokali taż-Żurrieq

KUNSILL LOKALI TAŻ-ŻURRIEQ

Narratur: Iżda ma laħqitx spiċċat

dak li kienet ser tgħid għax il-par idejn tar-restawratur tellaha biex inewillha lil sidha li dan ħadha f’daru biex tibqa’ tidgawda mill-familja tiegħu. Żeża li kienet l-imqarba fosthom, bagħqet hemm fejn kienet, iġifieri fil-Mitħna tax-Xarolla. B’hekk kull min imur jagħmel żjara lil din il-meravilja ta’ mitħna jagħti daqqa t’għajn lil Żeża tagħna.

Nina sabet ruħha għand irrestawratur li żgur kien se jibqa’ jieħu

ħsiebha. B’hekk intemmet il-laqgħa qasira ta’ dawn it-tlett irdejjen ħbieb li fi ftit ħin sirna nafu ftit minn xiex għaddew dan iżżmien kollu. Qegħed ngħid ftit għax kieku kellhom jirrakuntaw minn xiex għaddew tassew kieku minjaf kemm il-volum iridu...u kotba fuq dawn iż-żminijiet inkitbu biżżejjed.

Nena, Żeża u Wiġa għall darba oħra sabu ruħhom mifrudin minn xulxin iżda il-proverbju malti jgħid. Min jaf?

It-Torri tal-Wardija fiż-Żurrieq Jeremy Cachia

It-Torri tal-Wardija, fl-antik magħruf bħala Torre della Guardia di Giorno, kien inbena fl-1659 fi żmien l-Ordni ta’ San Ġwann millGranmastru Fra Martin De Redin (16571660) fil-limiti tar-raħal tagħna taż-Żurrieq, eżattament bejn iż-Żurrieq u Ħal Far. Dan it-torri kien l-aħħar wieħed li nbena mit-13-il torri li nbnew minn dan il-Granmastru. Apparti dawn it-13-il torri ta’ żmien De Redin, insibu aktar torrijiet li nbnew madwar il-kosta ta’ Malta. Sitta minnhom inbnew fi żmien il-Granmastru Alof de Wignacourt (1601-1622) u sitta oħra fi żmien il-Granmastru Giovanni Paolo Lascaris (1636-1657). Dawn it-torrijiet kienu jinbnew bħala għassa madwar ix-xtut talgżejjer Maltin mill-attakki tal-għadu.

It-Torri tal-Wardija għandu pjanta kwadra u huwa l-iżgħar wieħed li nbena fi żmien il-Granmastru De Redin. Madankollu kien armat tant tajjeb li kellu żewġ kanuni u żewġ murtari. Dawn il-murtari kienu kanuni li jisparaw il-balal f’angolu għoli.

Kien intervent f’waqtu mill-Kunsill Lokali taż-Żurrieq meta għamel talba lid-Direttorat tar-Restawr biex dan it-torri ta’ raħalna jiġi rrestawrat. Kien ta’ pjaċir għalija, bħala ħaddiem f’dan id-Direttorat, li ġejt assenjat biex nieħu ħsieb il-pjanti neċessarji tiegħu, dejjem taħt id-direzzjoni tal-periti u s-superjuri tiegħi, ħalli eventwalment jibda l-proċess tar-restawr.

L-ewwel li sar kien is-survey tal-erba’ faċċati tat-torri minn tim ta’ surveyors.

Kellna l-għajnuna ta’ software apposta li għandu d-Direttorat u li jintuża sabiex neliminaw u nikkoreġu l-perspettiva tarritratti u b’hekk ikunu jistgħu jsiru l-pjanti skalati bil-qisien preċiżi. Fuq dawn il-pjanti ssir id-dokumentazzjoni tal-ħsara ġebla ġebla u tal-aperturi wkoll, filwaqt li jiġu identifikati t-tipi ta’ interventi meħtieġa li jsir fuqhom.

Tim ta’ ħaddiema oħra tad-direttorat bdew ix-xogħol fuq il-post, jiġifieri r-restawr propju fuq il-ġebla skont kif indikat lilhom fuq il-pjanti. Hekk kif, jekk Alla jrid, il-proġett ikun lest, dan it-torri jerġa’ jikseb is-sbuħija u l-glorja kollha tiegħu.

Il-post fejn hu mibni dan it-torri hu verament sabiħ. Min iżuru jkun jista’ jinnota l-ambjent naturali li jsaħħrek fejn il-veduti tal-baħar u tal-pajsaġġ Malti huma indeskrivibbli. Inħarsu ’l quddiem biex aħna ż-Żrieraq inkunu nistgħu ngawdu dan il-wirt nazzjonali li ħallewlna l-Kavallieri ta’ San Ġwann. Nixtieq nagħti prosit mill-ġdid lis-Sindku u l-Kunsill Lokali ta’ raħalna li ħa l-inizjattiva sabiex nippreservaw dan il-ġojjell li għaddewlna missirijietna u li aħna daqshekk ieħor fid-dmir li ngħadduh fi stat tajjeb lill-ġenerazzjoni ta’ warajna.

Referenzi: Hughes, Quentin (2001), Fortresses of the Knights, Valletta: Said International.

Spiteri, Stephen C. (1989), The Knights’ Fortifications, Valletta: Book Distributors Ltd.

11

KUNSILL LOKALI TAŻ-ŻURRIEQ

12

KUNSILL NEWS

www.zurrieqlocalcouncil.com

KUNSILL LOKALI TAŻ-ŻURRIEQ

U x-Xogħol Ikompli...

KUNSILL LOKALI TAŻ-ŻURRIEQ

KUNSILL NEWS

KUNSILL LOKALI TAŻ-ŻURRIEQ

Maħruġ mill-Kunsill Lokali taż-Żurrieq

13

KUNSILL LOKALI TAŻ-ŻURRIEQ

14

KUNSILL NEWS

KUNSILL LOKALI TAŻ-ŻURRIEQ

www.zurrieqlocalcouncil.com

KUNSILL LOKALI TAŻ-ŻURRIEQ

KUNSILL NEWS

Maħruġ mill-Kunsill Lokali taż-Żurrieq

KUNSILL LOKALI TAŻ-ŻURRIEQ

KELMTEJN MILL-KUNSILLIER

Dr Tiffany Ann Attard Inkarigata millKomunitajiet (Bubaqra) u Planning Authority

Għeżież Żrieraq, F’din ir-rivista l-messaġġ tiegħi huwa wieħed ta’ ftit kliem. Permezz tiegħu se ntenni kemm għandna nkunu grati għax-xogħol kontinwu li qed isir fir-raħal tagħna. Minkejja kull ostakolu, il-Kunsill Lokali xorta waħda baqa’ jaħdem spalla ma’ spalla mal-awtoritajiet konċernati sabiex ikollna Żurrieq aħjar. Kif dejjem sostnejt fil-messaġġi preċedenti tiegħi, għal darba oħra nerġa’ ntenni fuq il-bżonn li nibżgħu għall-ambjent ta’ madwarna,

li kulma jmur dejjem qed inaqqas flimportanza tiegħu. Bħala raħal, illum iktar minn qabel, irridu napprezzaw x’ġawhra għandna, li aħna pass ’il bogħod millbaħar u mill-widien, tant li nista’ ngħid li aħna l-għira ta’ rħulha u bliet oħrajn.

Fl-istess nifs, intenni wkoll il-bżonn li nkomplu nibżgħu għal saħħitna. Ilpandemija għadha magħna u baqgħalha.

Ejja ma ninsewx lil ħutna l-anzjani li qegħdin imsakkrin f’darhom. Ma ninsewx lill-front liners li baqgħu jiffaċċjaw din il-

marda qerrieda ta’ kuljum. Fil-fatt, filwaqt li ħafna minna ħadmu mill-kumdità ta’ djarna, oħrajn kellhom jibqgħu joħorġu għax-xogħol kuljum sabiex ikomplu jkunu ta’ għajnuna għalina.

Minn qalbi nirringrazzja lilkom li qed tkunu spalla ma’ spalla magħna. Kif dejjem insostni, l-għan aħħari f’dak kollu li nagħmlu dejjem ikun għal Żurrieq aħjar.

Tislijiet, Tiffany

PRIVAT ACCOUNTS (“O” Level) Fi Vjal l-Indipendenza - Żurrieq

(Faċċata tal-AZ Stationery ftit l-isfel mill-Convenience Shop il-ġdid) Kors li jibda’ mill-bidu nett f’ Settembru 2021 bi tħejjija għall-eżamijiet tas-SEC (Mejju 2022).

• • • •

Attenzjoni ndividwali lil kull student /a; Klassi mgħammra bil-faċilitajiet kollha; Numru limitat ta’ studenti sabiex tinżamm id-distanza soċjali; Ambjent sigur bil-miżuri kollha ta’ mitigazzjoni meħuda sabiex nieħdu ħsieb xulxin.

Għal aktar tagħrif ċempel lil l-Għalliem Michael Ghigo 2168 9618 - 9946 3468 Il-kors huwa ntenzjonat għal dawk l-istudenti li ser jitilgħu Form V f’Settembru 2021 Dan il-kors huwa addattat ukoll għall-adulti li jixtiequ jibdew l-Accounts mill-BIDU NETT u jagħmlu l-eżami f’Mejju 2022.

15

KUNSILL LOKALI TAŻ-ŻURRIEQ

KUNSILL NEWS

16

www.zurrieqlocalcouncil.com

KUNSILL LOKALI TAŻ-ŻURRIEQ

KELMTEJN MILL-KUNSILLIER

Joseph D’Amato Inkarigat mill-Proġetti, Toroq Ġodda u Kultura

Toroq Ġodda M

ill-aħħar ħarġa tal-Kunsill News ’l hawn il-ħidma tagħna biex ikollna toroq aħjar kompliet.

Fil-fatt tlestew tliet toroq oħra: Vjal il-Blue Grotto, Triq il-Qortin u Sqaq Barċellona. Bħalissa għaddej ukoll ix-xogħol fuq Triq il-Wardija.

Intefa’ wkoll materjal fi Triq isSienja biex għall-anqas jitnaqqas l-inkonvenjent għar-residenti ta’ din it-triq. Naturalment se nkomplu ninsistu biex din it-triq tingħata wiċċ kif suppost.

Saret ukoll bankina ġdida fi Triq il-Wied.

Din saret biex dawk in-nies li jmorru jimxu jkunu jistgħu jagħmlu dan b’mod aktar sigur. Barra minn hekk reġgħu saru millġdid diversi rampi fl-istess triq minflok dawk li kien hemm peress li dawn kienu fi stat ħażin u perikoluż speċjalment għallanzjani jew għal min ikun bil-pushchair.

Qabel

Bankina ġdida fi Triq il-Wied

Wara

KUNSILL LOKALI TAŻ-ŻURRIEQ

KUNSILL NEWS

Maħruġ mill-Kunsill Lokali taż-Żurrieq

KUNSILL LOKALI TAŻ-ŻURRIEQ

Il-Kappella ta’ Sant’ Andrija Tlesta x-xogħol ta’ restawr fuq il-Kappella ta’ Sant’ Andrija.

L-aktar xogħol impenjattiv sar fuq is-saqaf, fuq in-naħa ta’ wara tal-kappella, il-miżieb, il-ħadid ta’ madwar il-Kappella, kif ukoll fuq il-bieb ta’ barra. Ingħalqu wkoll il-fili tal-ħitan biex ma tkomplix issir ħsara mill-ilma tax-xita.

Dan ix-xogħol sar minn fondi Ewropej. Kieku ma jkunux fondi bħal dawn żgur li l-Kunsill ma jkunx jista’ jwettaq proġetti bħal dawn. Hawn nixtieq nirringrazzja lill-Ministeru tal-Fondi Ewropej li joħroġ dawn il-miżuri, lill-Gal Xlokk, lill-Mons. Arċipriet Dun Karm Mercieca u lill-perit u l-kuntrattur li għamel ix-xogħol.

Imma apparti aħna, li nidhru fir-ritratti u nissemmew, ikun hemm għadd kbir ta’ nies li jaħdmu minn wara l-kwinti u li huma essenzjali biex jitwettaq il-proġett. Proġetti bħal dawn, għalkemm żgħar jew medji, xorta jinvolvu għadd kbir ta’ xogħol klerikali u finanzjarju, kemm qabel kif ukoll wara li jitlestew.

Hawn ma nistax ma nsemmix lis-Segretarja u lill-impjegati klerikali tal-Kunsill u nirringrazzjahom tax-xogħol kbir li jwettqu biex isiru l-applikazzjonijiet u mitt ħaġa oħra li jkun hemm bżonn.

Fl-aħħar, imma żgur mhux l-anqas, grazzi lill-membri tal-Kumitat tiegħi li mingħajr l-għajnuna tagħhom b’mod volontarju żgur ma nkunx nista’ nagħmel dan ix-xogħol. Nixtieq li nsemmihom b’isimhom għax ħaqqhom prosit ukoll. Grazzi mill-qalb: Kevin Sam Farrugia, John Tonna u Sandro Bonanno!

Mons. Profs. Pietru Pawl Saydon (24 ta’ Lulju 1895 - 22 ta’ Marzu 1971) Din is-sena jaħbat għeluq il-50 sena mill-mewt tal-Profs. Saydon.

Bħala kunsillier responsabbli mill-kultura flimkien mal-kumitat tiegħi ħsibna biex infakkru dan l-avveniment b’mod xieraq, kif jixraq lil dan il-persunaġġ, imma bħalma jaf kulħadd dan ma kienx possibbli minħabba l-pandemija. Madankollu, il-kumitat iddedika l-kalendarju ta’ din is-sena għall-Mons. Profs. Pietru Pawl Saydon. Barra minn hekk, tqiegħdet kuruna tar-rand quddiem il-monument tiegħu.

Hemm il-ħsieb li meta s-sitwazzjoni tal-pandemija tippermetti ssir xi attività aktar denja għal dan il-persunaġġ tant importanti għar-raħal tagħna u għall-poplu Malti kollu.

Qabel

Wara

Qabel

Wara

17

KUNSILL LOKALI TAŻ-ŻURRIEQ

18

KUNSILL NEWS

www.zurrieqlocalcouncil.com

KUNSILL LOKALI TAŻ-ŻURRIEQ

KELMTEJN MILL-KUNSILLIER

Kenneth Farrugia Inkarigat mill- Indafa, Ambjent u Ġonna Pubbliċi Kif aħna ħbieb?

Qiegħed nikteb dan il-messaġġ tiegħi dwar il-ħidma tiegħi fir-raħal sabiħ tagħna taż-Żurrieq.

Nibda billi nirringrazzja lill-ħaddiema tal-Cleansing Department li ta’ kull darba li jkun hemm bżonn mill-ewwel jiġu jagħtu l-għajnuna tagħhom, sew jekk ikun hemm bżonn li jinġabar xi skart goff, żebgħa f’diversi ġonna u mitt ħaġa oħra. Hawn ma nistax ma ngħidx Grazzi mill-qalb lil Ramon Deguara li huwa wkoll resident f’dan ir-raħal u li għandu biċċa xogħol iebsa sabiex imexxi dan id-Dipartiment tant utli mhux għal raħalna biss imma għal Malta u Għawdex kollha.

Minn żmien għal żmien ukoll ħawwilna diversi siġar madwar iż-Żurrieq. Grazzi għall-ħidma bla waqfien mill-ħabib kbir tiegħi Simon Stafrace u l-familja tiegħu li huma residenti wkoll fir-raħal tagħna u li

flimkien miegħi dejjem naraw fejn hemm wisa’ sabiex isir tħawwil tas-siġar.

Sar xogħol kbir ukoll mill-ħaddiema tal-Kunsill fejn tnaddfu diversi toroq millħaxix selvaġġ li fih jinġabar ammont kbir ta’ ħmieġ.

Kellna diversi laqgħat mal-awtoritajiet rilevanti f’dak li għandu x’jaqsam maliskart. Dalwaqt inħabbru post adegkwat fejn nistgħu mmorru narmu oġġetti bħall-ħġieġ u xi skart ieħor. Dawn se jkunu mgħassa b’kameras apposta biex min jikser il-liġi jkollu jħallas.

Sar ukoll żbir ta’ siġar f’diversi postijiet, fosthom fil-ġnien fil-limiti tal-Bebbux, kif ukoll taħwil ta’ pjanti fil-belveder tat-triq li tieħdok lejn Wied iż-Żurrieq minn Parks Malta. Grazzi mill-qalb!

Qegħdin ukoll naħsbu sabiex f’kull ġnien ikollna mains tal-ilma sabiex tkun aktar faċli sabiex siġar u pjanti jissaqqew

b’mod aktar frekwenti. Din l-inizjattiva se tkun ukoll għal cats café li se jsir fil-bidu taż-Żurrieq wara ħidma mill-kollega Marisa D’Amato.

Qabel nagħlaq din il-kitba nixtieq nistieden lilek li qed taqra din il-kitba biex jekk għandek xi suġġeriment dwar l-ambjent f’raħalna tkellimni fuq kennethzrq@gmail.com Grazzi minn qalbi lil dawk li qed jikkoperaw magħna rigward il-ħruġ taliskart fil-ġurnata li suppost joħroġ.

Min qalbi nawgura saħħa lil kulħadd u ngawdu kif nistgħu għalkemm ilpandemija ma tantx tħallina nagħmlu dan.

Kulmin jixtieq jagħmel kuntatt miegħi jista jagħmel dan fuq Mob 79604141 Email kennethzrq@gmail.com Kenneth Farrugia Dejjem hemm għalik.

KUNSILL LOKALI TAŻ-ŻURRIEQ

KUNSILL NEWS

Maħruġ mill-Kunsill Lokali taż-Żurrieq

KUNSILL LOKALI TAŻ-ŻURRIEQ

KELMTEJN MILL-KUNSILLIER

Kyle Mifsud

Inkarigat minn Żgħażagħ u Tfal, Attivitajiet Prinċipali

M

atul dawn l-aħħar xhur ilpandemija baqgħet iżżommna bogħod minn xulxin u żammitna wkoll lura milli bħala Kunsill norganizzaw dawk l-attivitajiet li kellna ħsieb li ntellgħu. Madankollu, xorta waħda ħadna diversi inizjattivi biex noħolqu atmosfera sabiħa fejn u kemm stajna.

Fil-jiem tal-Milied, flimkien ma’ sħabi tasSottokumitat Tfal u Żgħażagħ u l-Kunsill Lokali, organizzajna attività mmirata lejn it-tfal tal-komunità tagħna. Is-Sibt 19 ta’ Diċembru organizzajna “drive around” ma’ Santa Klaws fit-toroq kollha taż-Żurrieq.

Bosta kienu dawk li ttawlu mit-twieqi u l-galleriji ta’ djarhom biex igawdu din l-attività fl-okkażjoni tal-festa tal-Milied.

Fi żmien ir-Randan, imbagħad, fuq inizjattiva tiegħi, kif ukoll bi qbil mal-

Kunsilliera kollha, it-triq ta’ quddiem il-Kunsill ġiet imżejna b’numru ta’ slaleb biex ilkoll kemm aħna nidħlu fl-ispirtu talĠimgħa Mqaddsa.

F’Marzu, flimkien mas-Sindku, konna mistiedna fuq NET TV fejn saritilna intervista dwar il-ħidma tal-Kunsill Lokali tagħna.

Il-ħidma tal-Kunsill baqgħet għaddejja bl-aħjar mod possibbli, grazzi għallimpenn tas-Segretarja Eżekuttiva tagħna, is-Sinjura Josianne Mumford, li ħadet ħsieb biex, kemm kien possibbli u bil-miżuri kollha meħtieġa, jitkompla l-operat talKunsill, b’mod speċjali fejn jidħlu s-servizzi lir-residenti. Nirringrazzja minn qalbi lillħaddiema kollha tal-Kunsill Lokali tagħna li raw li jkunu proattivi u jaqdu dmirhom anki lil hinn minn dak mistenni minnhom.

Il-laqgħat tal-Kunsill baqgħu jsiru anke jekk b’mod remot, u jiena, flimkien mal-

kollega tiegħi Dino Bonnici, dejjem rajna li nirrappreżentawkom bl-aħjar mod possibbli.

Irrid nirringrazzja lill-Kunsilliera sħabi kollha għas-sens ta’ kolleġġjalità li hemm bejnietna u tal-mod ta’ kif qed jirnexxilna naħdmu flimkien biex nassiguraw li nkomplu mmexxu l-lokalità tagħna ’l quddiem. Hemm numru ta’ inizjattivi li qegħdin naħdmu fuqhom.

Qegħdin ukoll, aktar ma jgħaddi ż-żmien, nassiguraw li nosservaw kull applikazzjoni għall-iżvilupp biex nissalvagwardjaw dak li huwa wirt kulturali u ambjent tar-raħal tagħna. Irrid nara li din tibqa’ prijorità u li kull ilment jew suġġeriment jiġi indirizzat.

Bħal dejjem, tafu li tistgħu ssibuni biex, fejn ma nkunx diġà tkellimt, inkun hemm biex inressaq il-ħsibijiet tagħkom f’isimkom.

19

KUNSILL LOKALI TAŻ-ŻURRIEQ

20

KUNSILL NEWS

www.zurrieqlocalcouncil.com

KUNSILL LOKALI TAŻ-ŻURRIEQ

KELMTEJN MILL-KUNSILLIER

Dino Bonniċi Inkarigat minn Sports u Attivitajiet Fiżiċi Ħbieb, Insellmilkom.

Reġa’ wasal dak iż-żmien meta naqsam ftit ħsibijiet magħkom dwar il-ħidma tiegħi fil-Kunsill Lokali.

Il-pandemija ġabet magħha ħafna weġgħat, ħafna telf, ħafna waqfien. U dan ġara mhux l-inqas fl-isports li fih jien involut direttament mhux biss bħala Kunsillier responsabbli.

Xejn mhu l-istess, għalkemm trid tagħmel kuraġġ u tibqa’ tippjana.

Hekk qed nagħmlu.

Il-ħidma tiegħi fis-settur sportiv mhijiex biss fil-futbol. Ta’ spiss nitkellem ma’ organizzazzjonijiet sportivi oħra u nisma’ mingħandhom it-talbiet tagħhom.

Għaddejjin bi pjan biex anki fiż-Żurrieq ikollna akkademja tal-basketball. Fuq din

qed naħdem ma’ tim ta’ nies kompetenti ħafna fil-qasam u li qed jagħtuna l-aħjar pariri sabiex ikollna pedament sod. Se nimxu bl-istess mod bħalma dejjem għamilna fil-passat meta waqqafna diversi akkademji u dixxiplini sportivi ġodda u saħħaħna dawk diġà eżistenti.

Il-Kunsill Lokali diġà kkonferma l-assistenza tiegħu f’dan ir-rigward.

Imma l-isfida inġenerali tal-Kunsill Lokali quddiem il-pandemija mhijiex biss fl-isports. Hemm diversi temi li għalkemm ma jaqgħux direttament taħt il-Kunsill Lokali xorta għandhom jingħataw attenzjoni min-naħa tagħna, li għandna ftit poter biex nagħmlu l-ħajja tan-nies aħjar.

L-anzjani tagħna, dawk vulnerabbli u dawk li għal xi raġuni ma jistgħux joħorġu minn djarhom għandhom iħossu wkoll il-

viċinanza tagħna u aħna rridu nkunu aktar disponibbli għalihom f’dawn iż-żminijiet.

Iweġġagħna l-fatt li l-attivitajiet kulturali ewlenin f’raħalna kellhom jieqfu.

Għalhekk nixtiequ nwasslu messaġġ ta’ solidarjetà mal-għaqdiet, fosthom tal-festi.

In-nuqqas tagħhom qed jinħass sew.

Messaġġ ta’ kuraġġ ukoll lill-familji Żrieraq kollha għal dak kollu li ġarrbu minħabba l-pandemija tal-COVID-19.

Nittama li fil-kitba li jmiss inkun nista’ nikkummenta aktar fuq xogħlijiet, proġetti, azzjonijiet ta’ fejda u riżultati sportivi ta’ suċċess minn timijiet Żrieraq.

Fi kliem sempliċi, xewqa għal ħajja normali kif konna mdorrijin biha.

SAĦĦA U KURAĠĠ!

Dino Bonnici

Donazzjoni ta' tablets mill-Kunsill Reġjonali tan-Nofsinhar fil-librerija taż-Żurrieq

Il-Kunsill Lokali taż-Żurrieq b’fondi mill-Kunsill Reġjonali tan-Nofsinhar investa f’żewġ tablets sabiex ikunu użati fil-librerija pubblika taż-Żurrieq minn persuni neqsin mid-dawl.

Dawn it-tablets huma issettjati apposta għal dawn il-persuni sabiex jgħinuhom jaqraw iktar faċilment kotba adattati għalihom.

KUNSILL LOKALI TAŻ-ŻURRIEQ

KUNSILL NEWS

Maħruġ mill-Kunsill Lokali taż-Żurrieq

KUNSILL LOKALI TAŻ-ŻURRIEQ

Kompetizzjoni Tiżjin tal-Milied 2020 Kompetizzjoni tal-Isbaħ Faċċata / Gallarija / Tieqa Mżejjna għall-Milied.

Il-Kunsill Lokali taż-Żurrieq u l-Kunsill Reġjonali tan-Nofsinhar jixtiequ jifirħu lil dawn is-sinjuri li kwalifikaw fil-kompetizzjoni tal-Milied għal din is-sena :

L-Isbaħ Faċċata:

L-Ewwel Post : Is-Sur John Farrugia - Triq San Pawl It-Tieni Post: Is-Sur Kevin Cachia - Triq it-Torri It-Tielet Post : Is-Sur Carmel Spiteri - Triq it-Tunnara

L-Isbaħ Gallarija / Tieqa:

L-Ewwel Post: Is-Sur Albino Tonna - Triq Dun Ġużepp Żammit It-Tieni Post : Is-Sinjorina Carmen Mifsud - Sqaq il-Bizzilla It-Tielet Post : Is-Sur Anthony Sciberras - Triq Vince Dimech L-aggudikaturi ta' din il-kompetizzjoni kienu impressjonati billivell ta' tiżjin li għandna madwar it-toroq taż-Żurrieq. Ngħidu prosit lil kull min ha sehem f'din il-kompetizzjoni.

Fl-aħħar nett nixtiequ nirringrazzjaw lil-Kunsill Reġjonali tan-Nofsinhar għal fondi sabiex setgħet issir din ilkompetizzjoni.

21

KUNSILL LOKALI TAŻ-ŻURRIEQ

KUNSILL NEWS

22

www.zurrieqlocalcouncil.com

KUNSILL LOKALI TAŻ-ŻURRIEQ

Ħobż bil-buckwheat u l-pastard Riċetta Gluten Free u Veganjana

minn Clare Ghigo

Ingredjenti: • 200g buckwheat (tip ta’ xgħir) • 200g pastard mgħolli • Patata żgħira • Melħ u bżar

Metodu: Għalli l-patata u l-pastard.

Itfa’ l-buckwheat (tip ta’ xgħir mingħajr gluten) f’food processor u ibda itħnu bil-mod. Kif il-pastard u l-patata jsiru, itfagħhom flimkien ma’ ftit melħ u bżar fil-food processor u itħan kollox flimkien sakemm jiġu forma ta’ patata maxx. Kemm jista’ jkun iżżidx ilma ma’ din it-taħlita inkella ma tagħqadx sew. Kif tifforma t-taħlita, itfagħha f’landa talħobż jew tal-kejk u sajjarha fil-forn 200 grad Celsius għal 35 minuta, sakemm it-taħlita tagħqad.

Dan it-tip ta’ ħobz mhux se jogħla għax ma fihx ħmira. Huwa sostitut tajjeb u faċli għal min irid isegwi dieti veganjani, gluten free, egg-free u bla prodotti tal-ħalib.

Wied Fulija

W

ied Fulija beda jintuża’ bħala miżbla lura fl-1979 fejn fiha kien jintrema skart ta’ kull tip.

Din ma baqgħatx taċċetta skart fl-1996.

Is-sit ikopri madwar 95,000 metri kwadri, fejn sar re-profiling bil-materjal li kien ġa eżistenti fis-sit sabiex titnaqqas il-carbon footprint. Hekk kif tqiegħdet il-ħamrija fuq iż-żewġ għoljiet magħmula minn żewġ miljun tunellata ta’ skart, sar it-tħawwil ta’ arbuxelli mal-parametri, kif ukoll siġar ta’ kull tip fil-kumplament tas-sit, biex dawk li kienu għoljiet ta’ radam issa jisfumaw maż-

IBins għal-ħġieġ fi triq E.Grech, Bubaqra żona tal-madwar. Saret ukoll mogħdija pavimentata li twassal sat-tarf tal-irdum fejn wieħed jista’ jgawdi veduta mill-isbaħ ta’ Filfla u tal-irdumijiet taż-Żurrieq.

Il-proġett intenzjonat li jiffunzjona b’manutenzjoni minima u jinkludi wkoll sistema ta’ immaniġjar ta’ ilma li se tnaqqas l-infiltrazzjoni tax-xita u li se tgħin sabiex l-ilma tax-xita jiskula f’sistemi apposta u jinġema’ f’ġibjun.

Dan il-proġett huwa parzjalment iffinanzjat mill-Fond ta’ Koeżjoni talUnjoni Ewropea u l-għan tiegħu kien li jittrasforma miżbla f’żona ħadra li tingħata lura lin-natura. Dan il-proġett wasal flaħħar fażi tax-xogħlijiet u għandu jinfetaħ għall-pubbliku fil-ġimgħat li ġejjin.

Inkunu responsabbli u nużawhom tajjeb

Avviżi mportanti Ġbir ta’ Skart

L-iskart għandu jinħareġ u jitħalla quddiem ir-residenza tagħkom fil-ġranet meta jinġabar dak l-iskart partikolari.

Siġar

Mhux permess li jinħarġu boroż mil-lejl ta’ qabel.

Skeda tal-ġbir ta’ skart tinsab f’paġna 17

Ħmieġ tal-klieb

Kull min joħroġ bil-klieb għandu jġorr miegħu l-boroż neċessarji sabiex jinġabar il-ħmieġ tal-klieb. Min ma jiġborx il-ħmieġ tal-kelb tiegħu ikun qed jikser il-liġi u

Siġar ħerġin il-barra millpropjeta tagħkom għandom jinqatgħu u jinżabru ħalli ma jkunux ta’ ostaklu u periklu fuq il-bankini u fit-toroq.

Għalf għal qtates

jiġi mħarrek. Il-boroż bil-ħmieġ tal-klieb għandhom jintremew jew fir-reċipjenti apposta għalħmieġ tal-klieb jew jittieħed lura d-dar u mhux jintefa malart jew fil-ħitan tas-sejjiegħ.

Importanti li kull min jagħlef il-qtates ta’ barra, jagħlef f’reċipjenti u mhux direttament mal-art. Importanti wkoll li r-reċipjenti jinġabru lura hekk kif jitbattlu u ma jitħallewx vojta fuq il-post.

Ġbir ta’ skart mediċinali Skart Mediċinali jinġabar fl-ispizeriji talraħal f’kontenituri apposta. Siringi użati tistgħu tibqgħu ġġibuhom il-Kunsill Lokali magħluqin ġo kontenituri.