Kunsill News Dicembru 2021

KUNSILL NEWS Informazzjoni u Avviżi lokali - Jitqassam b’xejn

Diċembru 2021 - Numru 111

SILL LOKALI TAŻ-ŻURRIEQ

SILL LOKALI TAŻ-ŻURRIEQ

03 Kelmtejn mis-Sindku 06 Nirringrazzjaw lill-Kunsill Reġjonali tan-Nofsinhar 22 Riċetta

Ċentru tal-Komunità Joe Cassar, Triq Mons P.P. Saydon, Żurrieq ŻRQ1030 Tel: +356 2168 9111, 2164 2974/5 Email: zurrieq.lc@gov.mt www.zurrieqlocalcouncil.com

Il-Ġeneratur tax-Xemx (Portable) Brian Bugeja

D

an huwa ġeneratur maħdum minni stess, li jieħu l-enerġija mix-xemx ,u jaħżen l-enerġija f’ħażna ta' batteriji.

Il-power tiegħu massimu huwa ta 1.5KW u jista jħaddem minn għodda diversi sa apparat elektroniku sofistikat .

Jista jintuża wkoll f’każi ta emerġenza u għalekk kapaċi jħaddem apparat tal-isptarijiet bħal, ultra sound machine, ECG, il-magna li titma l-morfina u kull tip ta’ apparat sofistikat li jintuża għas-saħħa.

Huwa mibni fuq disinn oriġinali u jista faċilment jingħalaq b’sistema ta’ Hydraulic u jinġarr minn post għall-ieħor. Ħafna partijiet minnu huma magħmulin minn materjal riċiklat .

Domt naħdem fuqu kważi sena u ħafna drabi kelli nibdel xi partijiet li ma kienux għall-qalbi.

Huwa jissuplixxi 235 volts AC fil-forma ( PURE SINE WAVE ) li apparat sofistikat elektroniku għandu bżonn biex jaħdem .

Huwa 100 % carbon dioxide u carbon monoxide free u ma jagħmel ebda ħsara lill-ambjent u lanqas lill-bniedem.

Il-Kunsill Lokali jirringrazzja lis-Sur Brian Bugeja tal-kontribut volontarju tiegħu f’attivitajiet organizzati mill-Kunsill Lokali taż-Żurrieq. Din issena Brian Bugeja paxxiena bil-mużika sabiħa tiegħu imħaddma minn dan il-ġeneratur fil-park għallfamilja f’Wied Fulija kif ukoll waqt il-Fun Run talPresident. Ngħidulek grazzi mill-Qalb Brian !

KUNSILL LOKALI TAŻ-ŻURRIEQ

KUNSILL NEWS

Maħruġ mill-Kunsill Lokali taż-Żurrieq

KUNSILL LOKALI TAŻ-ŻURRIEQ

KELMTEJN MIS-SINDKU

Rita Grima

Inkarigata minn Infrastruttura, Marki u Sinjali tat-Traffiku, Finanzi, Amministrazzjoni, Anzjani u Persuni b’Diżabilità u Qasam Soċjali

Merħba!

Reġa’ wasal iż-żmien biex aħna, bħala Kunsill, naqsmu magħkom ix-xogħlijiet li għamilna fir-raħal u għar-raħal – raħal tabilħaqq mimli sfidi u mogħni b’talenti sbieħ, diversità, raħal minn ta’ quddiem f’ċerti oqsma, imma lura f’aspetti oħra. M’iniex ngħid li kollox sew, anzi għandna bżonn naħdmu flimkien għax baqa’ ħafna xi jsir.

L-akbar pjaga li nħoss hija l-indafa, ċjoè n-nuqqas tagħha. Veru li għandna żewġ kenniesa biss, imma rrid inneżżgħalhom il-kappell għax-xogħol tassew tajjeb li jagħmlu. Sfortunatament, imma, għandna nies li ma jridux jitgħallmu: jarmu karti fl-art, tazzi vojta talkafè, ashtrays ma jeżistux ... u xi ngħidu għall-ħmieġ tal-klieb! Meta se nitgħallmu? Ħafna jwaħħlu dan kollu fuq il-barranin, imma nassigurakom illi anki l-Maltin iħammġu!

Qed isir żvilupp mgħaġġel fil-bini.

Ir-residenti jridu jifhmu li l-Kunsill ma għandux kontroll fuq dan. Madankollu, il-Kunsill għandu l-għajnuna ta’ konsulent li jiċċekkja kull applikazzjoni li tinħareġ. Hekk, tal-inqas, il-Kunsill jiżgura li l-iżvilupp qed jirrispetta l-liġijiet, il-pjan lokali u l-policies eżistenti.

Hawn ħafna nies li ma jridux jimxu.

Kieku kulħadd jimxi għall-bżonnijiet ta’ ġewwa r-raħal stess kieku jkun tajjeb għal saħħitna kif ukoll għall-ambjent.

Hemm mixja sabiħa f’Wied Fulija li, minbarra l-eżerċizzju fiżiku li toffri, toffri wkoll xeni sbieħ qalb in-natura.

Saret konferenza ta’ jumejn fiż-Żurrieq. L-ewwel ġurnata kienet filKażin Santa Katarina V.M., fejn iltqajna

Waqt laqgħa mal-Ministru u Kunsilliera Ċiprijotti f'Ottubru li għadda

rappreżentanti minn 14-il pajjiż minn madwar l- Ewropa. Minbarra l-iskambju ta’ ideat li kien hemm, kien hemm ukoll żjara organizzata mill-Kunsill fil-Knisja Arċipretali ta’ Santa Katarina V.M. Ħadniehom jaraw il-Mitħna tax-Xarolla, daħlu wkoll jaraw lil Nenu tan-nagħal, u marru salĠnien tal-Ġibjun. Bħala Kunsill dejjem nippruvaw nuru r-raħal tagħna għax kburin bih.

Il-Kunsill ħadem biex biċċa art fi Sqaq San Tumas tingħata liż-żewġ soċjetajiet li wara li ffirmaw kuntratt se jieħdu ħsiebha huma bejniethom.

Il-Kunsill għandu għal qalbu l-annimali u dalwaqt ikun lest il-Cat Cafe, fejn il-feeders jistgħu jmorru jitimgħu l-qtates f’post apposta u sigur.

Ingħatajna wkoll l-inkarigu bħala Kunsill biex nieħdu ħsieb insewwu l-qtates li jkunu jiġru barra u nikkurawhom.

Nagħlaq billi ngħid li l-ħidma se tkompli għall-ġid tar-residenti kollha taż-Żurrieq.

Nawgura l-Milied u s-Sena t-Tajba lil kulħadd. U fuq kollox: saħħa, paċi u sliem!

Rita Grima

3

KUNSILL LOKALI TAŻ-ŻURRIEQ

4

KUNSILL NEWS

www.zurrieqlocalcouncil.com

KUNSILL LOKALI TAŻ-ŻURRIEQ

Waqt ċelebrazzjoni ġewwa l-laboratorju tal-paċi fl-okkażżjoni tal-anniversajru mit-twelid ta' Mahatma Gandhi

F'għeluq il-105 sena ta' Katerina Saliba

Tqegħid ta' Kuruna waqt protesta ta' solidarjeta mal-poplu ta' Morphou ġewwa Ċipru

Inawgurazzjoni tal-Park ta' Wied Fulija

KUNSILL LOKALI TAŻ-ŻURRIEQ

KUNSILL NEWS

Maħruġ mill-Kunsill Lokali taż-Żurrieq

KUNSILL LOKALI TAŻ-ŻURRIEQ

Il-Ministru tal-affarijiet barranin ta' Ċipru ġie ppreżentat b'pittura sabiħa tal-kappella ta' Ħal Millieri

Waqt laqgħa fl-Assoċjazzjoni tal-Kunsill Lokali dwar Community Policing ġo l-Irħula

Sezzjoni tat-tajr waqt attività fi Ġnien il-Ġibjun

5

KUNSILL LOKALI TAŻ-ŻURRIEQ

KUNSILL NEWS

6

www.zurrieqlocalcouncil.com

KUNSILL LOKALI TAŻ-ŻURRIEQ

Nirringrazzjaw lill-Kunsill Reġjonali tan-Nofsinhar

I

l-Kunsill Lokali jirringrazzja millqalb lill-Kunsill Reġjonali tanNofsinhar li għal dawn l-aħħar snin, iż-Żurrieq kien jifforma parti minnu.

Il-Kunsill Reġjonali tan-Nofsinhar kien strumentali sabiex diversi attivitajiet, proġetti u xogħlijiet setgħu jsiru bl-għajnuna finanzjarja taħt skemi apposta maħruġa minn dan ir-Reġjun.

Nirringrazzjaw lill-President tar-Reġjun is-Sur Jesmond Aquilina, lil sħabna Kunsilli Lokali li kienu jiffurmaw parti min dan ir-reġjun, kif ukoll lis-Sur Philip Carabott, Segretarju Eżekuttiv u l-istaff kollu. Dejjem sibna għajnuna kbira min-naħa tagħhom.

Issa l-Kunsill Lokali tagħna ser ikun qed jifforma parti mill-Kunsill Reġjonali ġdid li ser ikollu l-Isem ta’ Kunsill Reġjonali tal-Punent u li l-President tiegħu ser ikun is-Sur Sandro Azzopardi. Inħarsu ‘l quddiem għal aktar xogħol u koperazzjoni ma' dan il-Kumitat Reġjonali ġdid.

Liam Sammut L

iam Sammut huwa tfajjel ta’ 14-il sena miż-Żurrieq.

L-ispirazzjoni li jibda jiżfen ġietu permezz tal-ħbieb li kienu ħeġġewh jibda jmur jiżfen.

Il-karriera tiegħu fiż-żfin bdiet madwar tliet snin ilu. Għal din l-aħħar sena u nofs ingħaqad mal-partner tiegħu, Rihanna Scicluna, minn Ħaż-Żabbar, biex flimkien jipprattikaw iż-żfin Latin Amerikan ma’ Strictly 360 Dance Studios.

Dan it-tip ta’ żfin jinkorpora fih ħames tipi ta’ żifniet, jiġifieri ċ-Cha Cha Cha, isSamba, ir-Rumba, il-Paso Doble u l-Jive.

Peress li għadna f’nofs il-pandemija, Liam ma kellux l-opportunità li jikkompeti barra minn xtutna f’kompetizzjonijiet internazzjonali qabel Lulju li għadda. Madankollu, l-għalliema tiegħu, Laurence u Consuela, dejjem tawhom is-sostenn meħtieġ sabiex jippreparaw ruħhom ħalli meta jkun ilwaqt ikunu lesti għall-kompetizzjonijiet internazzjonali. Din l-arti tirrikjiedi ħafna sagrifiċċju u sigħat twal ta’ taħriġ kuljum, kif ukoll ħafna spejjeż li ma jaqtgħu qatt qalb Liam u Rihanna u l-ġenituri tagħhom.

Minn Lulju li għadda, Liam u Rihanna kkompetew f’diversi kompetizzjonijiet taż-żfin, fosthom f’Bari, Blackpool, Londra, Ruma u Kalamata, fil-Greċja.

Liam u Rihanna diġà bdew jiksbu suċċessi barra minn xtutna. L-ikbar sodisfazzjon li kellhom sa issa Liam

u Rihanna kien meta kkompetew f’waħda mill-aktar kompetizzjonijiet prestiġġjużi f’Winter Gardens, Blackpool, fejn irnexxielhom jitilgħu fil-final u jikklassifikaw fir-raba’ post fost 64 kompetitur minn madwar id-dinja.

Jekk Alla jrid is-sena d-dieħla Liam u Rihanna, b’umiltà u serenità, se jerġgħu jibdew bl-impenji tagħhom f’Jannar fil-kompetizzjoni Champions of Tomorrow, li se ssir fi Blackpool, l-Ingilterra.

KUNSILL LOKALI TAŻ-ŻURRIEQ

KUNSILL NEWS

Maħruġ mill-Kunsill Lokali taż-Żurrieq

KUNSILL LOKALI TAŻ-ŻURRIEQ

KELMTEJN MILL-VIĊI SINDKU

Ignatius Farrugia Inkarigat minn Innovazzjoni, Integrazzjoni Soċjali u Ġemellaġġi

Iż-Żurrieq u Niesu K

emm nieħu gost niltaqa’ maż-Żrieraq, b’mod speċjali mal-anzjani tagħna. Dan ir-raħal hu mogħni b’nies li sawru ġo fija l-imħabba għan-nies tul ħajti.

Nistqarr li l-għaxqa tiegħi hi li nieqaf nitkellem u nisma’ r-rakkonti fil-fond tagħhom. Minn tfuliti għext man-nies u minn dejjem kont inkun min tal-ewwel biex nagħti daqqa ta’ id lil min ikun fil-bżonn. Nemmen fil-volontarjat u fil-karità mal-proxxmu. Huma dawn li jagħmluni li jien illum il-ġurnata. Ħdimt u għadni naħdem għal kwalità ta’ ħajja aħjar għar-residenti tagħna.

Insostni li l-Kunsill mhuwiex tat-triq, tal-bozza u tal-bankina biss; huwa ferm aktar minn hekk. Il-komunikazzjoni marresidenti tfisser li tisma’, tagħder, tifhem u taqsam il-ferħ u n-niket magħhom.

Erġajna wasalna għall-festi sbieħ tal-Milied u l-ewwel tas-sena. Din is-sena l-Kunsill se jżanżan armar ġdid bid-dawl tal-Milied fi Triq Pietru Pawl Saydon. Ħdimt biex nara dan il-proġett jitwettaq.

Minn din il-paġna nawguralkom festi mill-aqwa, saħħa u paċi fil-qalb.

Tesielle Saliba li ser tirrapreżenta liż-Żurrieq f'Miss Malta 2021

Anġlu Bugeja

Giovanna Zahra

Maria Saliba

Dejjem tagħkom, Natius

7

KUNSILL LOKALI TAŻ-ŻURRIEQ

KUNSILL NEWS

8

www.zurrieqlocalcouncil.com

KUNSILL LOKALI TAŻ-ŻURRIEQ

KELMTEJN MILL-KUNSILLIER

Marisa D’Amato Inkarigata millĦarsien tal-Annimali, Turiżmu, Media u Attivitajiet Prinċipali

G

ħeżież Residenti Żrieraq, Wasalna biex intemmu s-sena 2021, sena li kienet mimlija ħidma min-naħa tal-Kunsill, sena li ġabet magħha diversi restrizzjonijiet minħabba il-pandemija.

Bħala Kunsilliera inkarigata mill-attivitajiet prinċipali, xtaqt li organizzajt ħafna aktar.

Konna ppreparati sabiex norganizzaw Festa Hut, li għat-tieni sena f’din illeġislatura ma seħħietx. Barra minn hekk, kellna ħafna aktar attivitajiet ippreparati.

Madankollu, inħares ’il quddiem sabiex issena d-dieħla terġa’ tittella’ edizzjoni oħra ta’ Festa Hut akbar minn qatt qabel.

Fis-7 ta’Novembru tellajna attività ħelwa għat-tfal fi Ġnien il-Ġibjun, bl-isem “Ejja ilgħab u aqra magħna!” Nixtieq nirringrazzja lil Sandra Mallia u l-animation team tagħha, Cheeramigos, li ferrħu ħafna lit-tfal bil-logħob animat. Grazzi wkoll lil Michael Calleja, Victor Galea, Veronica Farrugia, Lorrie Collins, Lippu D’Amato u Raymond Schembri li taw sehemhom f’din l-attività.

Is-sena d-dieħla se nkomplu bilLaqgħat Agrarji. L-ewwel waħda se ssir f’Marzu. Nagħtukom id-data aktar ’il quddiem.

Proġett li wkoll jagħmel parti middekasteru li jiena inkarigata minnu huwa l-Cat Café, proġett li wasal fit-tieni fażi tiegħu u li fi ftit xhur oħra jibda jiffunzjona.

Tlesta l-qafas ta’ barra li hu kompletament magħluq, kif ukoll ir-recovery room, li se tintuza sabiex qtates li jissewwew ikollhom fejn ifiqu.

Ninsabu fil-viċin sabiex inkomplu bit-tielet u l-aħħar fażi ta’ dan il-proġett, fejn ser jitħawlu xtieli u pjanti mal-qafas li se jsebbħu l-ambjent billi jiksu l-istruttura kollha. Għaddejjin ukoll bix-xogħol tad-djar tal-qtates u għamara oħra li se titpogga filproġett. Staqsejtuni ħafna jekk il-pubbliku hux se jkollu aċċess għal dan il-villaġġ tal-qtates.

Iva, se jkun miftuħ f’ċerti ġranet u ħinijiet indikati ’l quddiem. Irridu nifhmu li s-sigurtà tagħhom trid tiġi l-ewwel, u dan ma jistax jitħalla miftuħ u mingħajr superviżjoni. Fl-istess ħin nifhem li ħafna minnkom urew ix-xewqa li tqattgħu ftit ħin magħhom, u għalhekk tajjeb li dan il-proġett iservi għal żewġ funzjonijiet: protezzjoni u kenn għall-qtates, u rikreazzjoni u ħin ta’ kwalità mal-annimali.

Infakkar ukoll fl-iskema tan-neutering li l-Kunsill joffri lill-feeders. Nappella lil dawk li jitimgħu l-kolonji tal-qtates sabiex javviċinaw lili jew lill-Kunsill sabiex jirreġistraw, u b’hekk ikunu jistgħu jingħataw l-għajnuniet meħtieġa. Tajjeb inżid li l-fondi min-naħa tal-Ministeru għall-Ħarsien u l-Kura tal-Annimali se jiżdiedu fil-budget tal-2022. Xtaqt ukoll niċċara l-punt li bħala Kunsill aħna

ningħataw l-għażla jekk il-fondi rridux nużawhom għan-neutering jew għallikel. Bħala Kunsill aħna dejjem nagħżlu l-vouchers tan-neutering sabiex biex ma nħallux il-problema ta’ kolonji kbar tkompli tiżdied. Barra minn hekk, hemm mard u infezzjonijiet li jkomplu jiggravaw is-sitwazzjoni. Jekk nagħtu l-ikel ma nkunu qegħdin insolvu xejn. Barra minn hekk, dawk il-qtates li se jinġabru, li jiġu msewwija u jitqiegħdu fil-Cat Café se jkollhom l-ikel ipprovdut mill-Kunsill stess. Għalhekk inkompli nisħaq fuq l-importanza li l-qtates jissewwew.

Nieħu din l-okkażjoni sabiex nirringrazzja lis-Sinjura Sindku u lillKunsilliera sħabi li b’kollaborazzjoni sħiħa bejnietna qegħdin naħdmu f’kull dekasteru sabiex naraw li kull proġett li varajna jitwettaq b’suċċess. Nirringrazzja wkoll lis-Segretarju Eżekuttiv u lillħaddiema tal-Kunsill għax-xogħol tant apprezzat tagħhom. Infakkar lir-residenti sabiex tagħmlu kuntatt miegħi f’każ li jkollkom bżonn ta’ għajnuna, jew ikollkom mistoqsijiet u suġġerimenti. Huwa dover tiegħi li nkun ta’ għajnuna għalikom.

Tislijiet.

Marisa D’Amato 99405805 marisadamato.lc@gmail.com

KUNSILL LOKALI TAŻ-ŻURRIEQ

KUNSILL NEWS

Maħruġ mill-Kunsill Lokali taż-Żurrieq

KUNSILL LOKALI TAŻ-ŻURRIEQ

KELMTEJN MILL-KUNSILLIER

Kaydem Schembri Inkarigat minn Edukazzjoni, Fondi tal-UE u Gal Xlokk

G

ħeżież Residenti, L-ewwel nett nittama li tinsabu tajbin! Għaddiet sena oħra li matulha, sfortunatament, kellna nibqgħu nħabbtu wiċċna malpandemija. Madankollu, minkejja l-ostakoli li ħolqot il-pandemija, xogħli fil-Kunsill Lokali baqa’ għaddej ġmielu.

Proġetti Erasmus+

F’Settembru li għadda, fuq medda ta’ jumejn organizzajt żewġ konferenzi dwar il-Proġetti Erasmus+. Kienu preżenti 28 delegat minn 14-il pajjiż Ewropew differenti.

L-għan wara dan kollu kien li tinbena relazzjoni konketa ma’ kunsilli lokali differenti minn madwar l-Ewropa biex inlibbsu l-Kunsill Lokali tagħna b’libsa kosmopolitana u hekk inkunu nistgħu naħdmu flimkien fuq proġetti tal-Unjoni Ewropea.

Minbarra dan, konferenzi bħal dawn iħallu impatt pożittiv anki finanzjarju fuq l-organizzazzjonijiet Żrieraq. Minn hawn nixtieq nirringrazzja lis-Soċjetà Mużikali Santa Katerina u l-Għaqda Karmelitana Banda Queen Victoria li ospitaw dawn iżżewġ konferenzi b’entużjażmu kbir.

Sa xahar biss wara, diġà konna rajna l-frott ta’ dawn il-konferenzi fejn l-ewwel grupp ta’ erba’ żgħażagħ Żrieraq kellhom l-opportunità li jmorru Mongiuffi Melia, fi Sqallija, sabiex jipparteċipaw f’dawn it-tipi ta’ proġetti, b’fondi mill-Unjoni Ewropea.

F’dan il-progett il-parteċipanti Żrieraq kellhom l-opportunità jaraw il-kulturi li joffru pajjiżi oħra, filwaqt li ddjalogaw dwar kif nistgħu ntejbu r-relazzjonijiet bejn il-pajjiżi Ewropej.

Fil-ġejjieni se nkun qed inħabbar proġetti oħra li bħalissa qed naħdem fuqhom ma’ Kunsilli Lokali ta’ pajjiżi Ewropej oħra sabiex inkompli noffri aktar opportunitajiet lir-residenti Żrieraq.

Nappella sabiex iktar nies jipparteċipaw fi programmi li se nkunu qed inħabbru ’l quddiem.

Mobile App

Meta kont għadni membru fil-Kunsill tażŻgħażagħ Żurrieq, u bdejt niffrekwenta l-Kunsill Lokali ta’ spiss, kont nistaqsi għaliex ir-resident biex jinqeda fuq affarijiet żgħar bħal permess jew jiġbor formoli jew biex jagħmel rapport ikollu jiġi l-Kunsill Lokali u ma jistax jagħmel hekk mill-kumdità ta’ daru. Ħdimt biex akkwistajt il-fondi neċessarji sabiex inkunu nistgħu noħolqu mobile app. B’din il-faċilità dawk irresidenti li ma jkunux jistgħu jiġu l-Kunsill Lokali xorta waħda jkunu jistgħu jinqdew, ikunu fejn ikunu. Bħala kontenut il-mobile app hija lesta; għad fadal l-aħħar ftit irqaqat sakemm ix-xogħol ikun wieħed professjonali.

Fuq din il-mobile app se jkun hemm: • l-avviżi kollha li joħroġ il-Kunsill Lokali; • formoli tal-permessi u applikazzjonijiet oħra; • taqsima għar-rapporti; • sezzjoni Wirt Kulturali.

Il-Kunsill Lokali se jkun qed javża meta din il-mobile app tkun lesta minn kollox u tkun tista’ tibda tintuża. Persważ li se tkun qed tħaffef il-proċedura tar-residenti biex jinqdew mill-Kunsill Lokali.

Librerija Miftuħa

F’Ottubru li għadda, quddiem il-Kunsill Lokali inawgurajna librerija miftuħa oħra – it-tieni waħda. L-istess bħal dik ta’ Ġnien il-Ġibjun, din il-librerija miftuħa se tkun mgħammra b’kotba li intom tgħadduli jew li tħallu fiha sabiex ħaddieħor ikun jista’ jagħmel użu minnhom.

Apparti dawn iż-żewġ libreriji miftuħa, wara xhur ta’ komunikazzjoni mal-

kumpanija GO wasalna fi qbil sabiex inkunu nistgħu ndawru t-telephone box f’librerija miftuħa oħra. Bħala post se tkun qed ħdejn iż-żewġ grawnds tal-futbol li hemm fl-akkwati ta’ Tal-Bebbux.

Nieħu din l-opportunità sabiex għal darba oħra nappella lil min għandu kotba li ma għadhomx ta’ użu għalih biex jgħaddihom lili jew lill-Kunsill Lokali ħalli jkun jista’ jagħmel użu minnhom ħaddieħor.

Kull ktieb hemm qarrej lest għalih.

Librerija Pubblika

Sena ilu kienu fetħu l-applikazzjonijiet għall-fondi sabiex il-Kunsill Lokali jattrezzaw il-libreriji pubbliċi b’apparat għal persuni b’abbilitajiet differenti. Bħala Kunsill Lokali konna applikajna għall-fondi sabiex nixtru żewġ tablets attrezzati apposta għal nies neqsin mid-dawl u b’kundizzjonijiet oħra.

Il-fondi ġew allokati u dawn it-tablets inxtraw u jinsabu fil-librerija pubblika għaddispożizzjoni tagħkom ir-residenti.

Reġgħu nfetħu l-applikazzjonijiet talistess tip ta’ fondi u bħala Kunsill ergajna applikajna għalihom. Din id-darba ressaqna t-talba tagħna sabiex nixtru kotba apposta għal kundizzjonijiet differenti.

Aħna nemmnu fl-inklużjoni u għalhekk se nkomplu naħdmu sabiex il-librerija pubblika tkun tista’ tintuża minn kulħadd.

Konklużjoni

Dawk kollha li jkunu jixtiequ jagħmlu kuntatt miegħi jistgħu jagħmlu hekk fuq 79683911 jew permezz ta’ email fuq kaydem.schembri@gmail.com jew permezz ta’ Facebook.

Minn hawn nixtieq nawgura l-Festi t-Tajba lil kulħadd, u jalla s-sena d-dieħla jkollna sena aħjar minn din.

Tislijiet.

Kaydem Schembri

9

KUNSILL LOKALI TAŻ-ŻURRIEQ

10

KUNSILL NEWS

www.zurrieqlocalcouncil.com

KUNSILL LOKALI TAŻ-ŻURRIEQ

Iż-Żurrieq ikkwalifika fit-tieni post fl-Animal Honours Awards 2021

Ftehim mas-Soċjetajiet tal-Lokal dwar l-art li ser tintuża biex jinħaraq in-nar minnha

Waqt protesta ta' solidarjetà f'Morphou - Ċipru

Smiling Project - Erasmus + fil-Każin tal-Għaqda Karmelitana u Banda Quenn Victoria

Smiling Project - Erasmus + fil-Każin tas-Soċjetà Mużikali Santa Katarina V.M.

Inawgurazzjoni tal-Librerija li ngħatat liż-Żrieraq mil-Onorevoli Ministru Julia Farrugia Portelli

Orkestra Żurrieq waqt kunċert li jfakkar il-50 sena mil-mewt tal-Profs Pietru Pawl Saydon

KUNSILL LOKALI TAŻ-ŻURRIEQ

KUNSILL NEWS

KUNSILL LOKALI TAŻ-ŻURRIEQ Pink October

Attività għat-tfal fil-Ġnien tal-Ġibjun fl-Okkażżjoni ta' San Martin

Fun Run tal-President fiż-Żurrieq

Maħruġ mill-Kunsill Lokali taż-Żurrieq

11

KUNSILL LOKALI TAŻ-ŻURRIEQ

12

KUNSILL NEWS

www.zurrieqlocalcouncil.com

KUNSILL LOKALI TAŻ-ŻURRIEQ

Torri tal-Wardija

Tindif taħt il-Ġibjun

Tindif fejn il-Berġa

Tiswija ta' tarmak

KUNSILL LOKALI TAŻ-ŻURRIEQ

KUNSILL NEWS

Maħruġ mill-Kunsill Lokali taż-Żurrieq

KUNSILL LOKALI TAŻ-ŻURRIEQ

Day Centre

Outdoor gym il-Ġibjun

Qtuħ ta' ħaxix

Start your business

E-Car Charging

Xogħlijiet f'Dar Mattia Preti

Tindif minn Parks Malta

13

KUNSILL LOKALI TAŻ-ŻURRIEQ

KUNSILL NEWS

14

www.zurrieqlocalcouncil.com

KUNSILL LOKALI TAŻ-ŻURRIEQ

Jessica Borg Ghigo

J

essica Borg Ghigo hija atleta Żurriqija ta’ 37 sena li għadha kif kisbet suċċess f’kompetizzjoni tal-CrossFit fil-Ġermanja. IlGerman Throwdown Classic hija kompetizzjoni ta’ livell internazzjonali li biex wieħed jikkompeti fiha jkun irid l-ewwel jgħaddi mill-fażi talkwalifikazzjoni.

Wara li għamlet il-workouts mitluba għall-kwalifikazzjoni, Jessica kkwalifikat flewwel post fil-kategorija tagħha Masters 35-39, u għalhekk ġiet mistiedna biex tieħu sehem fil-finali fil-Ġermanja.

Dawn it-tipi ta’ kompetizzjonijiet jinvolvu workouts varji li jsiru kontra l-ħin. Dawn jinkludu l-weightlifting, il-gymnastics, il-qdif u tip ta’ movimenti strongman. Il-kompetizzjoni kienet mifruxa fuq jumejn. B’kollox kien hemm ħames workouts. Wara dawn, imbagħad, kien hemm il-workout finali.

Kien hemm atleti minn diversi pajjiżi, fosthom il-Ġermanja, id-Danimarka, l-Iżvizzera, l-Italja u Franza. Jessica ġiet l-ewwel f’wieħed mill-ħames avvenimenti u t-tielet f’avveniment ieħor. Għalhekk, Jessica ġiet fl-ewwel post fil-kategorija Masters. Jessica ilha tipprattika dan it-tip ta’ sport għal dawn l-aħħar 10 snin u ppartecipat f’diversi kompetizzjonijiet kemm lokali kif ukoll internazzjonali, fosthom il-CrossFit Games fl-Amerika. Ħafna forsi jistaqsu dwar x’tip ta’ dieta ssegwi Jessica. Hija qaltilna li ssegwi dieta vegana, li tinkludi ikel b’bażi ta’ pjanti, bħall-ħaxix, il-frott, il-legumi u l-prodotti tagħhom, lewż, għaġin, patata u ross. Fuq din id-dieta hija ħassitha ħafna aħjar, kemm f’dik li hi saħħa kif ukoll għar-recovery wara t-training – apparti li ħassitha b’kuxjenza aktar kwieta wkoll minħabba inqas moħqrija tal-annimali kif ukoll l-ambjent!

Jessica tħeġġeġ lil kulħadd biex jibda jagħmel xi tip ta’ attività fiżika. Min jixtieq jibda Crossfit irid ikun żgur li jitgħallem il-bażi tajjeb, imbagħad ikompli jibni fuq dan. Huwa sport għal kull età u għal kull livell ta’ fitness, u jista’ jkun ta’ għajnuna supplementari tajba ħafna għal min ikun jixtieq itejjeb il- performance tiegħu f’xi sport partikolari li jkun qed jitħarreġ fih.

KUNSILL LOKALI TAŻ-ŻURRIEQ

KUNSILL NEWS

Maħruġ mill-Kunsill Lokali taż-Żurrieq

KUNSILL LOKALI TAŻ-ŻURRIEQ

KELMTEJN MILL-KUNSILLIER

Dr Tiffany Ann Attard Inkarigata millKomunitajiet (Bubaqra) u Planning Authority

GF

ħeżież Żrieraq, tit tal-jiem ilu, proprju bejn id-19 u t-22 ta’ Ottubru, bħala rappreżentanta tal-Kunsill Lokali taż-Żurrieq, ingħaqadt ma’ membri oħra ġejjin minn pajjiżi barranin, fosthom l-Amerika, il-Kanada, u pajjiżi oħra Ewropej, f’konferenza organizzata millEuropean Forum for Urban Security. Permezz tagħha, il-pajjiżi parteċipanti setgħu jifhmu l-importanza tas-sigurtà u d-demokrazija f’kull pajjiz.

Fl-istess ħin, wieħed seta’ jieħu eżempji minn pajjiżi oħra sabiex itejjeb dawn iż-żewġ prinċipji fundamentali.

Din il-konferenza saret f’Nizza, fi Franza, il-belt li fl-2016 kienet milquta minn attakk terroristiku devastanti. Kif ingħad mis-Sindku ta’ Nizza fl-introduzzjoni talKonferenza, il-belt ta’ Nizza damet biex reġgħet qamet fuq saqajha wara l-attakk.

Kellu jiġi implimentat dak kollu possibbli sabiex tissaħħaħ is-sigurtà ta’ din il-belt, anke minħabba l-fatt li t-turiżmu kien mar lura ħafna. It-turiżmu, bħal fil-każ ta’ pajjiżna, huwa pilastru fl-ekonomija tal-pajjiż, u mingħajru, l-ekonomija tieħu daqqa kbira. Ma stennewx bidla mil-lum għal għada, iżda l-proċess ħa fit-tul.

Finalment ġiet implimentata miżura li permezz tagħha l-promenad, tant popolari u famuż għax-xeni impekkabbli tar-Riviera Franċiża, ingħalaq b’bollards b’saħħithom b’mod li kwalunkwe vettura li tipprova ssuq għal fuq in-nies ikollha tieqaf ħesrem meta tiġi fuqhom.

Barra minn hekk, ġie installat apparat ma’ numru ta’ arbli f’diversi żoni madwar Nizza li permezz tagħhom persuna li tkun tinsab f’periklu tista’ sempliċement tagħfas buttuna b’kulur isfar, u din immedjatament tagħmel kuntatt mal-Pulizija ta’ Nizza, li faċilment ikunu jistgħu jassistu lil dik il-persuna fil-bżonn. Din tal-aħħar kienet idea interessanti mhux ftit. Ħassejt, bħala Kunsilliera, li għandi nipproponiha lillKunsill Lokali sabiex, jekk ikun hemm qbil, jiġi installat dan l-apparat f’diversi żoni fiżŻurrieq għas-sigurtà tar-residenti Żrieraq.

Kienu diskussi diversi temi oħra, bħall-vjolenza diskriminatorja, drogi, innovazzjoni u teknoloġija, il-pulizija u l-ġustizzja.

Filwaqt li stajt inpoġġi numru ta’ eżempji fil-kuntest lokali, stajt ninnota li f’xi aspetti s-sitwazzjoni f’pajjiżna hija pożittiva. Pereżempju, mill-aspett ta’ drogi pajjiżna avvanza mhux ftit, speċjalment meta nqabblu ma’ pajjiżi oħra, fosthom l-Amerika. Imma meta nqisu l-ġustizzja, il-vjolenza diskrimantorja u l-vjolenza kontra n-nisa, pajjiżna għadu lura ħafna, partikolarment meta tisma’ bl-avvanzi kbar li pajjiżi oħra għamlu f’dawn l-oqsma.

Insomma, konklużjoni waħda: irridu naqdfu iktar! Imma bil-koperazzjoni ta’ kulħadd, xi darba naslu.

Biex nikkonkludi dan il-messaġġ tiegħi, kif dejjem sostnejt fil-messaġġi preċedenti tiegħi, aħna r-residenti nistgħu nagħmlu ġid daqskemm nistgħu nagħmlu ħsara!

Nerġa’ ntenni fuq il-bżonn li nibżgħu għall-ambjent ta’ madwarna, li kulma jmur dejjem qed jitnaqqar u jitlef l-importanza tiegħu. Bħala raħal għandna, illum iktar minn qabel, napprezzaw x’ġawhra għandna, pass ’il bogħod mill-baħar u millwidien. Nista’ ngħid li aħna l-għira ta’ rħula u bliet oħrajn. Minn qalbi nirringrazzja lilkom li qed tkunu spalla ma’ spalla magħna. Kif dejjem insostni, l-għan aħħari dejjem ikun għal Żurrieq aħjar.

Tislijiet, Tiffany

Kulħadd mistieden għal Laqgħa Annwali tal-Kunsill Lokali nhar il-Erbgħa 15 ta’ Diċembru fil-5:00pm, fl-Uffiċċju tal-Kunsill Lokali

15

KUNSILL LOKALI TAŻ-ŻURRIEQ

KUNSILL NEWS

16

www.zurrieqlocalcouncil.com

KUNSILL LOKALI TAŻ-ŻURRIEQ

KELMTEJN MILL-KUNSILLIER

Joseph D’Amato Inkarigat mill-Proġetti, Toroq Ġodda u Kultura

M

erħba lil kulħadd! Bħas soltu, se nagħti ftit informazzjoni fuq ix-xogħol li sar f’dawn l-aħħar ftit xhur, naturalment apparti x-xogħol ta’ kuljum, u li jaqa’ taħt id-dekasteru tiegħi.

TOROQ

Baqa’ għaddej ix-xogħol fit-toroq tagħna.

Tlesta x-xogħol fi Triq Antonia Farrugia (l-eks sindku), filwaqt li wasal lejn it-tmiem tiegħu x-xogħol fi Triq il-Wardija, Triq Wied Fulija u Sqaq il-Waħx. Tħawlu wkoll ammont ta’ siġar fi Triq il-Qortin biex jissebbaħ l-ambjent f’dik it-triq. Għaddejjin il-preparamenti min-naħa ta’ Infatructure Malta biex jingħata wiċċ lil Triq is-Sienja.

F’dawn l-aħħar snin sar ħafna xogħol fittoroq tagħna, imma se nkompli naħdem biex il-ftit toroq urbani li fadal jitlestew kollha u nisħqu ma’ Infrastructure Malta biex isiru wkoll ċerti toroq urbani li huma fi stat ħażin.

IQ N SA

CC15

GE

RA

DA

Int.

Dia.

C Pi

PV

Pipe PVC

IC05

pe

m

800m

TR

PV

IQ

IQ

TR

CC08

TA

'C

IA

NT

AR

IQ

pe

800m

Dia.

TR

JA

ON

BR

C Pi

PV

CC02

CC17

Pipe

MBRI

Dia. PVC

SCHE

CC09

Int.

TR

CC1 CC18

IQ

SA

CC03

NT

'A

ND

Int.

Dia.

A

CC19

pe

m

800m

IQ

RIJ

800mm Int.

CC10

TR

NA

Int. 500mm

m

BA

LO

EL

RC

CC16 CC1

CP04

CP05

C Pi

PV

JA

ON

BR

IC01 CC04

CC20

500mm

IC06 IC0

Int. Dia.

CP02 CP0

TRIQ

SAN

TR

IQ

PVC Pipe

B

800mm Int.Ø

A

N

TR

C Pi

PV

CC01

N

A

Dia.

MA

Int. Dia.

Int.

IQ

800mm

m

0m

80 IC07

TR

RJA

C Pi

PV

ROLL

IA

t. Di

In

0m

IX-XA

Dia.

pe C Pi

UG

DO

IQ

peCC14

RR

CC07

pe

a.

m

800mmØ

80

NZ VINCE TRIQ

800m

Int.

FA

TT

LO

BR

TR

500mm Int.Ø

m

U

In

G I IN

NN

VA

GIO

IL -1.75

VJAL

IPP

DE

800mmØ

D

C

JA

ON

IQ

TRIQ SAN MIKIEL

FIL

LO

R CA

B RU TRIQ ALESSAND

IQ

CP02 CP0

Dia. PVC Pipe

800mm Int.Ø

IEL

MIK

m

0m

80

CC12

CC13

TR

500mm Int.Ø

Minn ħafna snin ilu bdejna niġbdu l-attenzjoni tal-Gvern rigward din ilproblema. Dan minħabba li proġett bħal dan irid somma sostanzjali ta’ flus li l-Kunsill żgur ma jiflaħx għaliha. Minn ftit tas-snin ilu ’l hawn beda jidher xaqq ta’ dawl meta bdew jitħejjew il-pjanti ta’ dan

pe

C Pi

PV

a. t. Di

IC06 IC0

CC11

LLUS

(2) l-art agrikola li kienet tixrob ħafna mill-ilmijiet issa dejjem qed tonqos bilkonsegwenza li l-ilma qed imur fit-toroq tagħna.

CP01

CP03 CP0

CA TTEW G.MA TRIQ

Min isegwi dan il-fuljett jaf li ilni snin nikteb u nirsisti fuq din il-problema, imma nixtieq nerġa’ nispjega u nagħti rendikont ta’ dak li jkun għaddej. Din il-problema ilha magħna għal dawn l-aħħar snin u li sfortunatament dejjem tikber, l-aktar minħabba żewġ fatturi: (1) fil-passat ħadd ma ħaseb dwar din il- problema;

TR

ILMA TAX-XITA FIT-TOROQ TAGĦNA

MAR

TIN

IC08

IC03

TRIQ SAN MARTIN

IC02

IT

-T

AH

HA

N

CP06 CP0

CC05

C

pe

Pi

. PV

Proposed Layout of Culvert

t.

m

Scale 1:500

In

Dia

0m

80

CC06

MINISTRY FOR TRANSPORT, INFRASTRUCTURE & CAPITAL PROJECTS FRANCESCO BUONAMICI STREET, FLORIANA, MALTA

C

C

. PV

t.

m

0m

80

In

Dia

IQ

TR

pe

Pi

JA

BR

ON

Proposed Layout of Culvert Scale 1:500

KUNSILL LOKALI TAŻ-ŻURRIEQ

KUNSILL NEWS

Maħruġ mill-Kunsill Lokali taż-Żurrieq

KUNSILL LOKALI TAŻ-ŻURRIEQ

il-proġett. Wara li saru l-istudji neċessarji, tlestew il-pjanti, u allura ridna niffaċċjaw l-akbar problema, li kienet dik finanzjarja.

U hawn ukoll, wara diversi laqgħat, intlaħaq ftehim mal-Gvern f’dan ir-rigward.

Hawnhekk nixtieq nirringrazzja lillIstormwater Unit fid-dipartiment tal-MTIPCSU u tal-MTIP-PWD għall-koperazzjoni li dejjem sibna mingħandhom.

Fejn wasalna sa issa? Bi pjaċir inħabbar li l-aħħar informazzjoni li għandna hi li ħarġet it-tender biex isir dan il-proġett.

Wieħed irid jifhem li din il-problema qiegħda madwar Malta kollha u żgur ma nkunux waħedna li niġru wara dawn in-nies. Żgur li b’dan il-proġett mhux se jsiru xi mirakli u lanqas m’aħna se nsolvu l-problemi kollha, imma żgur li se jitnaqqas l-ammont ta’ ilma minn ċerti toroq, fosthom Triq San Mikiel (il-parti ta’ isfel), il-pjazza, il-parti l-qadima tax-Xarolla, u Triq Bronja.

PROFESSUR P.P. SAYDON

Biex infakkru l-ħamsin sena mill-mewt tal-Professur P.P. Saydon, is-Sottokumitat Kultura organizza serata mużikoletterarja f’ġieħ dan il-personaġġ li tant għamlilna ġieħ bħala Maltin, b’mod speċjali lilna ż-Żrieraq. Nixtieq nirringrazzja lill-kelliema, is-Sur Carmel Bezzina, lis-Sinjura Joyce Mifsud Saydon u lill-Orkestra Żurrieq taħt id-direzzjoni tas-Surmast Dott. Chris Rolè.

Grazzi lil dawk kollha li taw l-għajnuna tagħhom, fosthom sħabi s-Sindku u l-Kunsilliera, il-ħaddiema tal-Kunsill, b’mod speċjali l-membri tas-Sottokumitat li mingħajr l-għajnuna tagħhom ma nistax inwettaq dak li nagħmel. GRAZZI.

RESTAWR TA’ PITTURA TA’ MATTIA PRETI

Ħadt pjaċir meta qrajt l-aħbar li l-kwadru, kif nafuh, “ta’ Santu Rokku”, xogħol l-artist famuż Mattia Preti, se jiġi rrestawrat. Dan se jinvolvi ħafna xogħol minħabba l-istat pjuttost ħażin li l-kwadru jinsab fih. Dan ix-xogħol mistenni jitlesta lejn l-aħħar

tas-sena d-dieħla. Ħajr speċjali lill-Malta Airport Foundation li se tiffinanzja dan il-proġett li se jgħin biex inkomplu nieħdu ħsieb il-wirt artistiku tar-raħal tagħna.

Peress li resqin lejn il-festi tal-Milied, nagħlaq billi f’ismi u f’isem il-familja nawgura Milied u Sena Ġdida mimlija hena, paċi u saħħa għal kulħadd.

17

KUNSILL LOKALI TAŻ-ŻURRIEQ

KUNSILL NEWS

18

www.zurrieqlocalcouncil.com

KUNSILL LOKALI TAŻ-ŻURRIEQ

KELMTEJN MILL-KUNSILLIER

Kenneth Farrugia Inkarigat mill- Indafa, Ambjent u Ġonna Pubbliċi

K

if intom, residenti Żrieraq? Nispera li tinsabu tajbin u ppreparati għall-festi sbieħ tal-Milied.

Nibda biex nikteb fuq l-indafa tar-raħal tagħna.

X’taħsbu intom? Hawn indafa ? Jien nghid li le, u se ngħid għaliex.

Hawn nies irresponsabli li ma jimpurtahomx minn ħaddieħor għaliex jarmu fejn jidhrilom huma u jaħsbu li ma jista’ għalihom ħadd.

Bħalissa qed ikollna wardens pajżana li l-ħidma tagħhom qed tħalli l-frott . Iva, b’wiċċi minn quddiem ngħid li dawn qabdu

fil-fatt diversi persuni li kienu qed jabbużaw mir-regolamenti dwar l-indafa.

Hemm imbagħad nies oħra irresponsabbli li jagħmlu vendikazzjonijiet filġonna b’detriment tar-residenti kollha.

Fejn jidħlu l-kuntratturi hemm ħafna affarijiet li hemm bżonn li nindirizzawhom u “naqbdu l-barri minn qrunu”. M’iniex qed ngħid li mhux qed jagħmlu xogħolhom, imma nuqqasijiet għad hemm ħafna fejn nistgħu nibdlu u nirranġaw.

Grazzi lil Parks Malta u l-Cleansing Department li dejjem sibniehom kull meta jkollna bżonn tindif u mitt ħaġa oħra li tinqala’ minn żmien għal ieħor.

Rigward l-ambjent hemm diversi pjanijiet li ħafna minnhom ġa ġew imwettqa, bħal taħwil ta’ siġar (mijiet) flakkwati ta’ Wied Fulija.

U la qed insemmi Wied Fulija, ma nistax ma nirringrazzjax lil dawk kollha involuti fir-rijabilitazzjoni tal-akkwati.

Nagħlaq dan il-mesaġġ billi nagħti l-festi t-tajba lil kulħadd.

Kenneth Farrugia, Kunsillier inkarigat mill-Indafa u l-Ġonna Pubbliċi Kenneth Farrugia Kuntatt: kennethzrq@gmail.com; Mobile/WhatsApp: 7960 4141

KUNSILL LOKALI TAŻ-ŻURRIEQ

KUNSILL NEWS

Maħruġ mill-Kunsill Lokali taż-Żurrieq

KUNSILL LOKALI TAŻ-ŻURRIEQ

KELMTEJN MILL-KUNSILLIER

Kyle Mifsud

Inkarigat minn Żgħażagħ u Tfal, Attivitajiet Prinċipali

I

nsellmilkom, għeżież residenti!

Fl-aħħar xhur irnexxielna nsibu aktar okkażjoni biex niltaqgħu. Ngħid għalija, dan kien l-isbaħ żmien għaliex kelli l-opportunità norganizza numru ta’ attivitatijiet li tant inħobb nagħmel b’mod speċjali ma’ sħabi tas-Sottokumitat Żgħażgħ u Tfal.

Wara s-suċċess tan-Night Hike li għamilna fid-19 ta’ Novembru li għadda, wieħed jifhem aħjar kemm huwa sabiħ li ningħaqdu u niltaqgħu flimkien. Waqt din il-mixja, li għamilna miż-Żurrieq sal-Imdina flimkien maż-Żurrieq Scouts Group, konna aktar minn 100 ruħ.

Inġabret is-somma sabiħa ta’ €525 biex biha ngħinu lis-Sorijiet f’Dar Santa Tereża, fin-Nigret, sabiex ikomplu bilħidma fejjieda tagħhom fil-komunità tagħna.

Attività oħra li organizzajna kienet waħda li għamilt flimkien mal-kollegi Marisa Damato u Rita Grima, is-Sindku,

fis-7 ta’ Novembru. L-okkażjoni kienet il-festa ta’ San Martin Night. Din kienet organizzata fil-Ġnien tal-Ġibjun u kienet ferm divertenti għal dawk it-tfal kollha li attendew.

Wara li ferraħna kemm lit-tfal kif ukoll lill-kbar, jien, flimkien ma sħabi tas-Sotto Kumitat, ħassejna l-ħtieġa li Santa Klaws għal darba oħra jerġa’ jiġi jdur mat-toroq taż-Żurrieq fit-12 ta’ Diċembru 2021.

Issa li nistgħu nerġgħu ningħaqdu flimkien, bi pjaċir ninfurmakom li l-Festin Tradizzjonali tal-Milied għat-Tfal se jerġa’ jsir nhar it-22 ta’ Diċembru 2021 fis-Sala taż-Żurrieq Wolves.

Fil-ħidma tiegħi fil-Kunsill nibqa’ nħeġġiġkom iżżommu kuntatt miegħi u tersqu lejja biex nirrappreżentakom bl-aqwa mod. Jiena dejjem nara li nitkellem fil-laqgħat tal-Kunsill, b’mod speċjali fejn nara inġustizzji, tkażbir ambjentali u abbużi. Irrid nibqa’ nara li l-wirt storiku, kulturali u ambjentali tallokalità tagħna jkun ippriżervat.

Jalla f’dawn il-festi tal-Milied insibu l-ħin li nkunu ta’ spalla għal xulxin, għal dawk vulnerabbli u emarġinati. Nittama li nkunu f’pożizzjoni li nawguraw lil xulxin u nagħtu tgħanniqa ta’ awguri, bħalma konna nagħmlu qabel.

Nawguralkom minn qalbi Milied Hieni u Sena Ġdida mill-aħjar.

19

KUNSILL LOKALI TAŻ-ŻURRIEQ

KUNSILL NEWS

20

www.zurrieqlocalcouncil.com

KUNSILL LOKALI TAŻ-ŻURRIEQ

KELMTEJN MILL-KUNSILLIER

Dino Bonnici Inkarigat minn Sports u Attivitajiet Fiżiċi

G

ħeżież Residenti, Bħal kull sena f’dan iż-żmien niltaqgħu hawn għal kelmtejn sabiex inżommkom aġġornati bilħidma tiegħi għal Żurrieq aħjar.

L-involviment tiegħi fl-oqsma sportivi, speċjalment fil-futbol, iżommni għaddej il-ħin kollu biex nara li nkompli ntejjeb fuq dak li sibt. Diġà saru passi tajbin ’il quddiem, speċjalment fejn tidħol kontinwità għall-futur tat-tim ewlieni tal-futbol tagħna, Żurrieq F.C. Dan grazzi għall-akkademja, Żurrieq Wolves Football Club Youth Nursery. ’Il quddiem qed tiġi mfassla akkademja oħra li se tkun marbuta mal-basketball. Aktar informazzjoni se toħroġ fix-xhur li ġejjin.

Infakkar li fil-lokalità tagħna hemm diversi timijiet f’diversi dixxiplini sportivi oħra u li lkoll jirrappreżentaw liż-Żurrieq.

Dawn kollha dejjem jixirqilhom kliem ta’ inkoraġġiment u ringrazzjament għallimpenn tagħhom. Nistedinkom ukoll biex tkunu ta’ għajnuna għalihom b’xi donazzjoni għax l-isfidi huma kbar u kontinwi.

Però ħidmieti ma kenitx u mhux se tkun biss fl-isports. Hemm realtajiet oħra fil-lokalità tagħna li għandhom bżonn attenzjoni kontinwa. Nisħaq li fit-teħid taddeċiżjonijiet għandu jkun hemm serjetà u dixxiplina sħiħa fit-twettiq ta’ dmirijietna.

Irridu niftakru lkoll li dmirna hu li nħallu lil ta’ warajna Żurrieq aħjar.

U la qed insemmu t-twettiq taddoveri b’serjetà, ma nistax ma naqsamx id-diżappunt tiegħi għall-mod kif żvolġiet il-kwistjoni tal-bollards fi Triq Bronja.

Le, dak mhux il-mod kif il-Kunsill Lokali tagħna kellu jiġi ttrattat! Nammira l-fatt li l-Kunsilliera kollha flimkien tfajna fil-ġenb l-argumenti politiċi partiġġjani u poġġejna fuq quddiem l-interess tal-lokalità. Hekk għandu jkun dejjem.

Hemm sitwazzjoniiet li jevolvu kontinwament li huma marbuta malħemel ta’ applikazzjonijiet għall-bini li għaddej fiż-Żurrieq. Qed jagħmel sew il-Kunsill li jidħol f’kull waħda minn dawn u jara li l-applikazzjoni ma tkunx se xxekkel mis-sbuħija tar-raħal tagħna. Din hi sfida kbira li ġġib magħha ċertu ħsieb u li quddiemha trid tkun sod u tħaddan il-prinċipju li twettaq dmirek dejjem “bla biża’ jew favuri”, kif wara kollox ħlifna meta lkoll ħadna ġurament.

Irridu naraw ukoll kif nistgħu ngħinu lilkom, ir-residenti, biex ikollkom aċċessibilità aħjar mingħajr il-bżonn li tużaw il-karozza, speċjalment fiċ-ċentru tar-raħal. Hemm bżonn aktar minn qabel li l-użu tal-karrozzi fil-lokalità jkompli jonqos.

Hemm pjan biex dan jibda jsir bil-mod, u d-dettalji tiegħu għandhom joħorġu aktar ’il quddiem.

Iż-Żurrieq hu raħal mill-isbaħ, antik u mimli tradizzjonijiet. Ir-realtajiet tal-lum ma għadhomx bħalma kienu qabel, u għad li tipprova żżomm ċertu stil ta’ ħajja, ikollok inevitabbilment tinbidel u tiġġedded mażżmenijiet. Għalhekk, bħala Kunsill għandna naraw li jinżammu dawk il-karatteristiċi li jagħmlu ż-Żurrieq ir-raħal partikolari li hu.

Dawn qatt ma għandhom jintilfu sabiex hekk inżommu dak li minn dejjem kien jiddistingwina: is-sbuħija naturali ta’ raħal qadim bi tradizzjonijiet antiki Maltin.

Qed joqorbu sew il-festi tal-Milied u talewwel tas-sena. Il-pandemija tellfitna millfesti tar-raħal li tant huma għal qalbna, u ma stajniex niltaqgħu bħal kull sena fil-pjazza tagħna – ħaġa li lili personalment dejqitni wisq. Qed nittama li nkunu nistgħu almenu ngawdu l-familjari tagħna f’dawn il-festi.

Mal-bidu ta’ sena ġdida (2022) ejjew nittamaw li ma ndumux ma nerġgħu nibdew ngħixu kif nixtiequ kompletament.

Dan jista’ jseħħ biss bil-koperazzjoni tagħna lkoll u bil-kollaborazzjoni malawtoritajiet ċentrali.

F’dan l-ispirtu, għalhekk, huma l-awguri tiegħi lilkom għal Milied hieni u bidu ta’ sena ġdida b’aktar saħħa u paċi fil-familji Żrieraq kollha.

Sliem.

Dino Bonnici

Is-Sindku, Viċi Sindku, Kunsilliera u Staff tal-Kunsill Lokali taż-Żurrieq jawguraw il-Milied u s-Sena t-tajba liż-Żrieraq kollha

KUNSILL LOKALI TAŻ-ŻURRIEQ

KUNSILL NEWS

Maħruġ mill-Kunsill Lokali taż-Żurrieq

Il-Professur Keith Sacco

KUNSILL LOKALI TAŻ-ŻURRIEQ

(intervista meħuda mill-portal tvm.com.mt)

K

eith Sacco, Professur Malti u Żurrieqi, li hu bbażat flIstati Uniti, wettaq riċerka dwar kundizzjoni rari li taffettwa lil tfal pożittivi għall-Covid-19.

F’intervista ma’ TVM News+, il-Professur Keith Sacco qal li minkejja li dan il-virus ma jiżviluppax sintomi severi fit-tfal daqskemm fl-adulti, hemm każi fejn riċerkaturi u tobba osservaw infjammazzjoni.

Ir-riċerka qed isservi biex jippruvaw isibu kura iżjed effettiva għal dawn issintomi fost it-tfal.

Il-Professur Keith Sacco huwa speċjalizzat fl-immunoloġija fl-Istitut Nazzjonali tal-Allerġiji u l-Mard Infettiv (NIH), fl-Istati Uniti, fejn ilu bbażat għal dawn l-aħħar sitt snin.

Huwa ħadem mat-Tabib Amerikan Anthony Fauci, li huwa l-iktar persuna awtorevoli fl-Amerika bħalissa dwar ilCovid-19. Matul dawn l-aħħar 18-il xahar, il-Professur Malti mexxa l-ikbar studju li qatt sar dwar il-Covid-19 fit-tfal, li kien mifrux f’pajjiżi fl-Ewropa, fil-Lvant Nofsani, fl-Amerika ta’ Fuq u fl-Amerika ta’ Isfel.

“Dan il-proġett bdejnieh, tista’ tgħid, fi Frar 2020, meta kien hawn il-virus talCovid-19. Innotajna fil-bidu li t-tfal kien qed ikollhom sintomi inqas severi mill-adulti

u għalhekk xtaqna nistudjaw għaliex kien hemm din id-differenza. Dan huwa l-ikbar studju li qatt sar fuq it-tfal dwar il-Covid-19. Ħadna kampjuni minn madwar id-dinja u minn ħafna sptarijiet differenti, u wasalna biex nifhmu l-mekkaniżmi għaliex il-Covid-19 fit-tfal iġġib ruħha kif iġġib ruħha.”

Il-Professur Sacco spjega li mir-riċerka nstab li xi tfal jiżviluppaw infjammazzjoni serja li tissejjaħ “multisystem inflammatory syndrome”. F’dan l-istudju t-tim ta’ Keith Sacco wera għall-ewwel darba kif jaħdmu l-mediċini li huma effettivi f’din il-kundizzjoni.

“Maż-żmien tgħallimna wkoll li għalkemm il-Covid-19 fost it-tfal ma tantx hija severa, u dawn ikollhom is-sintomi klassiċi bħas-sogħla u n-nuqqas ta’ nifs, hemm kundizzjoni li tissejjaħ ‘multiinflammatory symptom’ li tista’ tikkawża infjamazzjoni kbira madwar il-ġisem tattfal. Bħala medja l-aktar li taffettwa lit-tfal bejn is-sitt u t-tmien snin. Jista’ jkollhom konsegwenzi serji, u għalhekk xtaqna nistudjaw it-tip ta’ trattament u pronjożi għal dawn it-tfal.”

Dott. Sacco, li speċjalizza flimmunoloġija klinika u l-allergiji fil-Mayo Clinic u n-National Institute of Health, huwa l-ewwel Malti speċjalizzat f’dan

il-qasam. Huwa qal li bħalissa qed jaħdem fuq proġett ma’ riċerkaturi oħrajn biex flimkien jiskopru mard ġdid u rari li jaffettwa s-sistema immunitarja.

“Issa ppubblikajna dan ix-xogħol u għandna ġurnal b’din ir-riċerka, u fl-istess ħin għandna xi mard rari tas-sistema immunitarja. Il-qasam tar-riċerka tiegħi hu s-sistema immunitarja u qegħdin niskopru mard ġdid. Sa issa ma kienx hemm mard ġdid x’nirrappurtaw lill-komunità xjentifika medika.”

Il-konklużjonijiet tar-riċerka ta’ Dott.

Sacco kienu ppubblikati f’ġurnal mediku prestiġjuż tax-xjenza u kienu rikonoxxuti mill-komunità xjentifika internazzjonali.

Inħarsu lejn l-abbiltà Doris Schembri, miż-Żurrieq, hija għalliema flIskola Primarja Mariam Al Batool, Raħal Ġdid.

Hija ggradwat fl-2014 u kitbet diversi kotba mmirati speċjalment lejn it-tfal ta’ età bikrija.

B’sodisfazzjon kbira hija tgħid li wħud minn dawn il-kotba huma rikonoxxuti mill-Aġenzija Nazzjonali tal-Litteriżmu.

It-tfal jafu jesprimu ruħhom b’diversi modi. Waħda mill-espressjonijiet kreattivi hija l-arti. Fil-kors tal-B.Ed, tat-Tfulija Bikrija fl-Università kienu wrewna kif nistgħu nesponu lit-tfal għal artisti famużi permezz ta’ stejjer. Barra minn hekk, lili jaffaxxinawni artisti li minkejja d-diżabbiltà li kellhom, jew għad għandhom, xorta kapaċi jesprimu ruħhom permezz tal-arti.

Fost dawn hemm Vincent van Gogh, li kellu kundizzjoni ta’ saħħa mentali, kif ukoll Henri Matisse, li kellu kundizzjoni fiżika u kien ikollu juża s-siġġu tar-roti. Artist ieħor, din id-darba Malti u hu wkoll b’kundizzjoni fiżika, huwa Salvu Camilleri, li hu Żurrieqi, u li minkejja li ma għandux swaba’ xorta waħda ma qatax qalbu u baqa’ jpitter.

L-ewwel ktieb li ktibt li jindirizza din it-tema huwa Ċensinu u Van Gogh (2017), ippubblikat minn Faraxa Publishers u ffinanzjat mill-Aġenzija Nazzjonali talLitteriżmu. Ċensinu huwa tifel b’Down

Syndrome li jivvjaġġa u jtir ma’ van Gogh fil-pitturi tiegħu.

Fil-ktieb Inpinġi bl-Imqass ma’ Henri Matisse (2021), li wkoll huwa ppubblikat minn Faraxa Publishers u ffinanzjat millAġenzija Nazzjonali tal-Litteriżmu, niskopru kif Matisse kien juża l-imqass biex joħloq collages, peress li fl-aħħar ma setax ikompli jpitter bil-pinzell minħabba l-mard. Joanne Micallef, il-pubblikatriċi, ħarġet bl-idea li dan il-ktieb iseħħ kollu bit-talent li joffru l-edukaturi li jaħdmu fl-Iskola Mariam Al Batool. Għaqqadna tim u ħdimna flimkien: Elaine Saliba ħadet ħsieb l-illustazzjoni, Etienne Cini ħa ħsieb jipprepara l-ktieb għall-pubblikazzjoni, filwaqt li Joanne Micallef ippubblikatu.

Barra artisti famużi barranin, inħobb insegwi wkoll arti Maltija bil-kuntest Malti.

Għalhekk, fuq idea tal-pubblikatur Joseph Mizzi (Midsea Publishers u Klabb Kotba Maltin), għażilt li niffoka fuq pittur Malti li hu wkoll huwa diżabbli. Fil-ktieb Salvu ta’ Manini (2019), ippubblikat minn Klabb Kotba Maltin, niltaqgħu ma’ Salvu Camilleri li baqa’ jpitter minkejja d-diżabbiltà fiżika tiegħu. Salvu illustra l-ktieb huwa stess. Ilmessaġġ li jwassal huwa li qatt ma għandek taqta’ qalbek.

Sa issa dejjem ktibt l-istorja f’forma ta’ poeżija, għax nemmen li r-rima tgħin ħafna biex it-tfal jiżviluppaw il-lingwa.

Il-messaġġ li xtaqt ngħaddi huwa wieħed ta’ inkoraġġiment għat-tfal biex joħolqu arti espressiva mingħajr wisq restrizzjoni.

Ma noqogħdux ngħidulhom ipinġu bilfors b’mod li ma jaqbżux il-linji iżda nħalluhom jimirħu fil-kreattività tagħhom. Ix-xemx mhux bilfors tkun safra u l-baħar mhux bilfors ikun blu. Inħalluhom jesprimu ruħhom permezz tal-arti kif jixtiequ u jħossu huma għax l-arti hija wkoll terapija u mezz san ta’ komunikazzjoni.

21

KUNSILL LOKALI TAŻ-ŻURRIEQ

KUNSILL NEWS

22

www.zurrieqlocalcouncil.com

KUNSILL LOKALI TAŻ-ŻURRIEQ

Pulpetti tal-pastard u r-ross Riċetta vegana u bla gluten Ingredjenti: • Nofs pastarda (jew pastarda żgħira) • 200g ross mgħolli • Dqiq kwalunkwe, gluten-free (jien użajt dqiq tar-ross) • Basla • Qarabagħlija • Ħwawar bħall-kosbor, bżar u melħ.

Metodu: Għalli separatament ir-ross u l-pastard.

Sakemm isiru, qatta’ l-basla u l-qarabagħlija f’biċċiet irqaq.

Kif ir-ross u l-pastard mgħolli jsiru, għaffiġhom sakemm jiffurmaw taħlita ta’ għaġina, u żid id-dqiq, il-basla u l-qarabagħlija mqattgħin. Żid ftit kosbor, bżar u melħ. Agħġinhom sakemm ikollok impast.

Ifforma f’biċċiet bħal pulpetti, u wara ixwihom jew aqlihom skont kif tiggosta.

minn Clare Ghigo

KUNSILL LOKALI TAŻ-ŻURRIEQ

KUNSILL NEWS

KUNSILL LOKALI TAŻ-ŻURRIEQ

Maħruġ mill-Kunsill Lokali taż-Żurrieq

Avviżi mportanti

Ġbir ta’ Skart

L-iskart għandu jinħareġ u jitħalla quddiem ir-residenza tagħkom fil-ġranet meta jinġabar dak l-iskart partikolari.

Siġar

Mhux permess li jinħarġu boroż mil-lejl ta’ qabel.

Skeda tal-ġbir ta’ skart tinsab f’paġna 18

Ħmieġ tal-klieb

Kull min joħroġ bil-klieb għandu jġorr miegħu l-boroż neċessarji sabiex jinġabar il-ħmieġ tal-klieb. Min ma jiġborx il-ħmieġ tal-kelb tiegħu ikun qed jikser il-liġi u

Siġar ħerġin 'l barra millpropjeta tagħkom, għandhom jinqatgħu u jinżabru ħalli ma jkunux ta’ ostaklu u periklu fuq il-bankini u fit-toroq.

Għalf għal qtates

jiġi mħarrek. Il-boroż bil-ħmieġ tal-klieb għandhom jintremew jew fir-reċipjenti apposta għalħmieġ tal-klieb jew jittieħed lura d-dar u mhux jintefa malart jew fil-ħitan tas-sejjiegħ.

Importanti li kull min jagħlef il-qtates ta’ barra, jagħlef f’reċipjenti u mhux direttament mal-art. Importanti wkoll li r-reċipjenti jinġabru lura hekk kif jitbattlu u ma jitħallewx vojta fuq il-post.

Ġbir ta’ skart mediċinali Skart Mediċinali jinġabar fl-ispizeriji talraħal f’kontenituri apposta. Siringi użati tistgħu tibqgħu ġġibuhom fil-Kunsill Lokali magħluqin ġo kontenituri.

23