SULIFFEQARFISSUARMUT TUNNGASUT
NIUERNERMI INGERLATAT Suliffeqarfissuaq sisamanik niuernermik ingerlataqarpoq taakkulu aqqutigalugit ulluinnarni nioqqutissanik, atuinermi iluaqutissanik ikummatissanillu Kalaallit Nunaat tamakkerlugu pilersorpaa Polaroil katillugit 70-inik ikummatissaasiveqarpoq, taakkunannga 16-it illoqarfinniipput 52-illu nunaqarfinni inissisimallutik, kiisalu peqqumaasivik ataaseq avataaniillu ikummatissanik tikisinneqartunut ataatsimik ikummatissaasiveqarluni.
Pilersuisoq
Kalaallit Nunaat tamakkerlugu Pilersuisoq pisiniarfinnik 64-inik ingerlatsivoq. Pisiniarfitsinni avannarlerpaamiit kujallerpaamut isorartussuseq 2.000 km-iuvoq. Kangerlussuarmi mittarfimmi pisiniarfik akitsuuteqanngitsunik nioqquteqartoq, duty-free, aamma ingerlapparput
Kalaallit Nunaat tamakkerlugu sullivinnut suliffeqarfinnullu KNI Engros tuniniaallunilu ingerlatitseqqiisarpoq. Niuernikkut ingerlatsivik immiaaqqanik imeruersaatinillu kulsyretalinnik nuna tamakkerlugu ingerlatitseqqittarnissamik isumaqatigiissuteqarpoq
Neqi A/S-ip tunitsiveqartitsinermigut, toqoraaveqarnermigut, kiisalu savaaqqanik, savanik, nersutaatinik tuttunillu tuniniagassanik tunisassiareqqiisarnermigut nunatta kujataani nunaateqarnermik inuussutissarsiuteqarneq tapersersorpaa. Sulifffeqarfik kujataani naatsiianik naatitsisartut aamma naatitaannik tunitsiveqartitsivoq
Ukiumoortumik nalunaarut 2021/22
15
