Inforex Weekly#152

ANALİZ +

PROQNOZ +

STRATEGİYALAR +

FİKİRLƏR +

ANALİTİKA +

XƏBƏRLƏR +

N°152 MART 2016

1

INFOREX PROQNOZ

4

TEXNİKİ ANALİZ

9

DALGA ANALİZI

01

TEXNIKI ANALİZ INFOREX WEEKLY

SƏBİNƏ MƏMMƏDQIZI ekspert - analitik

Salamlayıram. Avro trenddən və diapazondan çıxmayıb. 1.0867 səviyyəsi indiki dəstək, 1.1374 müqavimət səviyyəsidir. Həftə ərzində əsasən Amerika xəbərləri üstünlük təşkil edəcək. FOMC-un açıqlamaları dolların digər valyutalar qarşısında tendensiyasını müəyyən edəcək.

INFOREX WEEKLY TEXNIKI ANALİZ

02

MAVLET BAGIYEV ekspert - analitik

Xoş gördük. Ötən həftə 1,4020 səviyyəsinə qayıdış ola biləcəyini demişdik. Nəticə kimi 1,4400 səviyyəsindən yuxarı qalxış gördük. Amma diqqətlə baxaq. Həftə 1,4370 səviyyəsindən yuxarıda başa çatdı. Bu həftə 1,4020 (+-40 punkt) səviyyəsindən yuxarı qalxış görə bilərik. Ötən həftə “avro ötən həftə impulsuv hərəkətlərsiz qeyri-müəyyənlikdə qalacaq“ yazmışdıq. Amma impulsiv hərəkətlər avronu qeyri-müəyyənlikdən çıxardı. Fikrimcə, bu qeyri-müəyyənlikdən çıxış deyil, sadəcə diapazon kanalı genişlənib. Hamıya Yaz əhval-ruhiyyəsi və uğurlu ticarətlər arzulayırazm. Risklərə nəzarət etməyi unutmayın.

03

TEXNIKI ANALİZ INFOREX WEEKLY

14-18 mart həftəlik gözləmələr - BRENT Neft son 4 ticarət həftəsini qalxış ilə davam etdirib və bu da treyderlərdə məntiqli bir sual yaradıb: nə vaxt korreksiya başlayacaq? Yəqin ki, neftin güclü enişinə ümid etmək lazım deyil ,əksinə investorlar hər enişdə alışları gücləndirməyə meylli olacaqlar. Goldman Sachs bankı isə od üzərinə yağ tökməklə məşğuldur. Hələ bir ay əvvələ kimi bank 20$-a qədər eniş gözləyirdi, indi isə proqnoz yenilənib və bildirilir ki, neft dib formalaşdırır. Bu fonda Buy orderini 39.00/37.00 səviyyəsində yerləşdirmək və 41.00 səviyyəsində gəliri fiksasiya etmək olar.

INFOREX WEEKLY TEXNIKI ANALİZ

BANKLARIN

04

ortamüddətli perspektiv üçün proqnozlar

AMB artıq keçmişdədir. İndi diqqətlər FRS-ə yönəlib Bildiyimiz kimi bu həftə FOMC iclası keçiriləcək (16 mart). Bank of America ekspertləri tarixi hesabat hazırlayıblar və bu hesabata əsasən görünür ki, 1994-cü ildən indiyə qədərki müddətdə, iclasdan əvvəlki günə qədər faiz dərəcəsinin qaldırılma ehtimalı 60%-dən az olurdusa qaldırmayıb. Fyuçers bazarı faiz dərəcələrinin qaldırılma ehtimalını 4%, dekabrda qaldırılacağı ehtimalını 77.8% qiymətləndirir. FRS hər kəsi təəccübləndirmək istəyəcəkmi? Çətin ki. Amma FRS yəqin ki, dekabrdakı faiz artımının zamanında atılmış adım olduğunu nəzərə çatdıracaq və bildirəcək ki, Amerika iqtisadiyyatının gələcəyinə optimist mövqeyindən baxır.

Morgan Stanley həftəlik gözləmələr ABŞ dolları qalxışa davam edə bilər FRS-in bu həftə faiz dərəcələrini dəyişməyəcəyini , amma infliyasiya proqnozunun aşağı düşəcəyini gözəlyirik. FRS iqtisadi statistikaya uyğun işləyir.

Ona görə də əgər iqtisadi göstəricilər yaxşılaşmağa davam edərsə,AMB və Yaponiya Bankları isə zəiflətmə tədbirlərinə davam edərlərsə, FRS sərtləşdirməni davam etdirə bilər ki, bu da dolların xeyrinə işləyəcək.

Avro. Satışlar güclənə bilər.

Avronun satışlarını davam etdirməyin məqsədəuyğun olduğunu hesab edirik. Faiz dərəcələri arasında differensial avronun zəifləməsini sürətləndirə biləcək faktordur. İena buğa trendi daxilindədir Yaponiya Bankı milli pulunu zəiflətmək üçün daha az alətlərə malikdir. Hesab edirik ki, faiz dərəcələrinin enişə davam etməsi və ya QE-nin genişləndirilməsi ienanın zəifləməsi üçün kifayət deyil. Ona görə də fikrimizcə, buğa trendinin davamı daha real görünür.

Funtda satışlar üstünlük təşkil edəcək Biz funtun möhkəmlənməsindən satışları genişləndirmək üçün istifadə etməyi məqsədəuyğun hesab edirik. Brexit .riskləri funta sərbəst hərəkət etməyə mane olur.

Danske heç nəyə baxmayaraq avronun yüksələcəyini gözləyir Danske analitikləri eyd edirlər ki, AMB-nin qəbul etdiyi qərar riskli aktivlərin dinamikasında müsbət əks tapacaq. Başqa sözlə, AMB-nin son qərarı borc bazarı və öz kapitalı üçün növbəti inyeksiyadır. Bank hesab edir ki,avro iena, dollar və funt qarşısında möhkəmlənəcək.

Danske hesab edir ki, avro/dollar 1.05-1.15 diapazonunda konsolidasiya edəcək, eyni zamanda bu həftə FRS-in qətiyyətli əhvalı qalxış dinamikasını məhdudlaşdıracaq.Uzunmüddətli perspektivdə bank 1.15 səviyyəsinin vurulacağını gözləyir.

05

TEXNIKI ANALİZ INFOREX WEEKLY Barclays: gözləniıən istiqamətlər barədə Avro/dollar: Qalxış və həftənin 1.1045 səviyyəsindən yuxarıda bağlanması ayı proqnozlarımızı dəyişməyə vadar edib.İndiki vəziyyətdə 1.1260 və 1.1380 səviyyəsinə qalxış ehtimalı real ola bilər.

Dollar/iena: Ayı proqnozunu saxlayırıq , eyni zamanda 114.90 səviyyəsində satış açmağın cəlbedici oldu\unu hesab edirik. 112.15 dəstəyinin aşağı qırılması 110.95 -110.5/05 səviyyəsinə yol açacaq.

Kivi/dollar: Hesab edirik ki, nzd/usd 0.6890 səviyyəsindən dönəcək və 0.6545 səviyyəsinə istiqamətlənəcək.

Mərkəzi bankların hansı “bərk gedir”?

Belə bir təsəvvür yaranır ki, dünyanın aparıcı Mərkəzi Bankları hansısa yazılmamış yarışa çıxıblar və kimin daha çox gözlənilməz qərar verəcəyini yoxlamaq istəyirlər. Elə bu yaxında Yaponiya Bankı mənfi faiz dərəcələri barədə qərarı ilə silkələdi. Ondan əvvəl İsveçrə requlyatoru iki dəfə elə bir qərar verdi ki, bütün birjalar sarsıntı yaşadı. Son qərarını açıqlayan Draqi də o birilərdən geri qalmır. Mahiyyətcə bankın sonuncu iclasını ən məhsuldar kimi qəbul etmək olar.AMB faiz dərəcəsini sıfırladı, depozit faiz dərəcəsi isə daha dərin mənfiyə getdi, aylıq aktiv alışları isə 80 mlrd avroya qaldırıldı. Bunun kifayət etmədiyini düşünən AMB öz QE-sinə korporativ istiqrazlarını daxil etdi, eyni zamanda LTRO-nin yeni raundu barədə anons verdi. Elə görünə bilər ki, ayılar bu qədər uğur qazanacaqlarını yuxuda da görə bilməzdilər.

Təbii ki, AMB-nin deflyasiyadan qorxduğu barədə söhbət gəzirdi, amma Draqinin bu cür qətiyyət göstərməsi hamı üçün gözlənilməz oldu.

Avro/dolların Draqinin sözlərinə reaksiya olaraq aşağı yuvarlanması tam yerində idi, amma onun tək bir sözü ayıları dayandırmağa bəs etdi. Draqi bildirdi ki, ola bilsin ki, bu eniş son enişdir-avro bunu eşidən kimi düşdüyü sürətlə də geri-yuxarı qayıtdı.Draqinin bu sözünü yalan hesab etmək olmaz, bu tamamilə real ola biləcək ehtimaldır. Ona görə ki, depozit faiz dərəcəsinin daha da aşağı salınması bank sektorunda geriyə dönüşü olmayan problematik vəziyyət formalaşdıra bilər. Buna oxşar siyasət axtarmaq üçün uzağa getmək lazım deyil-FRS uzun zaman faiz dərəcələrini aşağı səviyyədə saxladı, hamı başa düşürdü ki,onu daha da aşağı salmaq düzgün olmaz. Zamanla AMB iclası planlaşdırılanda maaliyyə aləminin verəcəyi əsas sual bu olacaq- nə vaxt AMB faiz dərəcəsini qaldıracaq? -necə ki, indi FRS barədə müvafiq sual verilir. Buna görə də avro/dolların son isterik alxışı yəqin ki, yaxın zamanda enişlə əvəz olacaq. Bundan başqa FRS-in də faiz dərəcəsini nə vaxt qaldıracağı bəlli deyil. Hər bir halda AMB və FRS monetar siyasəti arasında fərq qalır, bu dəyişməyənə qədər trenddə ciddi dəyişiklik olacağını gözləmək nəsə çətindir...

Treyder bazara deyil, özünə nəzarət etməlidir Uğurlu treyderin əsas xüsusiyyətlərindən biri suda batanın saman çöpündən yapışdığı kimi istənilən potensial imkandan yapışmaqdan uzaq olmasıdır.

O hadisələri qabaqlamağa cəhd etmir, bazara bazara imkan verir ki, ona qazanmaq üçün yol göstərsin. Professional olmaq- ticarət strategiyasını tam təmin edən uyğun imkan gözləmək və bu imkan yarandıqda ondan istifadə etmək bacarığıdır. Professional özünə nə lazım olduğunu dəqiq bilir, çünki o öz strategiyasının verdiyi praktikanı daim izləyir. Əməliyyat açmaq üçün səbirlə gözləmək , ticarətin planlaşdırılması - treyderin təcrübəsini müəyyən edir.Ticarətdə müəyyən uğur qazanmış treyder artıq ona nə lazım olduğunu bilir və ona doğru gedir. Ticarətə bu bucaqdan baxdıqda öz addımlarınızda daha əmin olacaqsınız. Özünüzə lazım olan siqnal yarandıqda hər zaman iş başında olacaqsınız, siqnal olmadıqda isə qrafiki izləyə biləcəksiniz.

INFOREX WEEKLY TEXNIKI ANALİZ

06

EUR/USD və USD/JPY üçün 14-18.03.2016 həftəlik Yapon şamları analizi Həftəlik qrafikdə avro/dollar ayı trendində yan korreksiyasında ticarət aparır. Buğa udulması qalxış korreksiyasının davamına işarə edir. 3-xətli qırılma qrafiki və Heiken Ashi buğa indikasiyası nümayiş etdirir.

Dollar/iena qrafikində Harami və Çəkic modeli korreksiyaya işarə edir və bu Pəncərə səviyyəsinin üzərində inkişaf edir. 3-xətli qırılma qrafiki ayı tendensiyasının, Heiken Ashi şamları isə qalxış korreksiyasının inkişaf edə biləcəyini göstərir.

07

TEXNIKI ANALİZ INFOREX WEEKLY

“Чувак “ kimdir ? Onun alqoritmik ticarət tərzi barədə

Bloomberg xəbər verir ki, “Чувак” təxəllüslü naməlum treyder İstanbul fond bazarında xaos yaradaraq investorları qorxudur.

Bu treyder birjada il yarım əvvəl peyda olub və özünü bir günə 450 mln dollarlıq əməliyyat apararaq bazarda təlatüm yaratmaqla tanıdıb. “Чувак“ İstanbul fond bazarında (Borsa Istanbul) gündəlik ticarət həcmini 8% -ə qədər qaldırıb, hansı ki, eyni müddətdə Varşava və Moskva birjaları 15 və 27 azalmaya məruz qalıblar. Həmçinin Bloomberg bildirir ki, əsas İstanbul indeksi Borsa Istanbul 100 Index bu periodda 13 % qaldış nümayiş etdirib.

Hazırda Tükr bazarında ən iri iştirakçı yerli bank Yatirim Finansman-dır. 22 fevral məlumatına görə, Yatirim Finansman broker kampaniyası 486 mln lirə (167 mln. dollar.) həcmində orderlər həyata keçirib ki, bu da Merrill Lynch bankın eyni gündə apardığı ticarətin həcmindən 15 dəfə böyükdür. İnkişaf etməkdə olan bazarlar üçün bu hal (bir treyder bazarla manipulyasiya edir) birinci dəfə deyil, amma İstanbul birjasında birinci dəfə belə bir hadisə yaşanır. Ak Portfoy rəhbəri Kərəm Baykal bu hadisəni belə şərh edir: O qab-qacaq dükanında fil kimidir, onun pulu hamıdan çoxdur və bazarı istənilən istiqamətdə hərəkət etdirə bilər. Yatirim Finansman bu müştərinin məlumatlarını açıqlamır.

Bazar hansı əhvalla həftəyə başlayıb? Ötən həftə AMB iclası bazarda fırtına qoparsa da, Qorxu və Tamah indeksi dinamikası əhvalın normallaşmağa meylli olduğunu göstərir. Beləliklə,həftə treydinq üçün əlverişli görünür.

INFOREX WEEKLY TEXNIKI ANALİZ

InForex

Azərbaycanda ilk və tək treyderlər üçün online jurnal

WWW.INFOREX.AZ

08

Redaktorlar

Layihənin rəhbəri

Məmmədqızı Səbinə

Vəliyev İlqar Dizayner Moos Vitaliy

09

DALGA ANALİZI INFOREX WEEKLY

Dalğa analizi EUR/USD, GBP/USD EUR/USD Ehtimala görə, ötən həftə avro/dollarda qalxış korreksiyası başlayıb. [ii] dalğasının ziqzaq forması alması və onun daxilində (a) dalğasının başa çatması ehtimal olunur. Lokal korreksiyadan sonra (c) of [ii] qalxışı davam edə bilər.

GBP/USD Funt da korreksiya edir. Ehtimala görə, 4 dalası ziqza şəklini alır və onun daxilində [a] qalxış formalaşır.

Qısamüddətli korreksiyadan sonra qalxış şansı yüksələ bilər.