INFO 017 - DHJETOR 2021

Nurmi i regjistrimit: NV000867

Dhjetor 2021

KAMBERI NË KUVEND: JEPINI FËMIJËVE ARSIM KUALITATIV NË SHKOLLA, E JO “BOŽJE PRAVDE”

Revistë e vetme në gjuhën shqipe dhe serbe!

Jedini casopis na Albanskom i Srpskom jeziku!

Republika e Serbisë MINISTRIA E KULTURËS DHE INFORMIMIT Republika Srbija MINISTARSTVO KULTURE I INFORMISANJA

Ky numër i revistës "INFO 017", bashkëfinancohet me Ministria për kulturës dhe informimim të Republikës së Serbisë, në kuadër të projektit “Martesat e përziera”.

Ovaj broj časopisa "INFO 017", sunfinansira se sa Ministarstvom kulture i informisanje, Republike Srbije, u ovkviru projekta „Mešoviti brakovi“.

Komenti: Urimi për Vitin e Ri 2022 Ngjarjet në Wuhanin kinez ishin një ogur i keq për vitin 2020, i cili ishte i ngulfatur nga Pandemia Covid – 19. Popuj e shtete të tëra u detyruan të mbyllen me javë e muaj duke u ballafaquar ne pasoja të pariparueshme në shëndetësi, ekonomi dhe mbi vetë konceptin e lirisë. Në vitin 2021 kishim hyrë me një shpresë të rrejshme se me gjetjen e vaksinave virusi Covid – 19 do të merrte goditjet e fundit, mirëpo varianti delta i këtij virusi ishte edhe më vdekjeprurës dhe më virulent, gjë që ishte vendimtar për suksesin e shënuar në vaksinimin e popullatës gjithandej globit.

Tani që ky vit po numëron orët e fundit, janë në rritje shpresat se virusi Covid -19 do të shënohet vetëm si një histori e hidhur e njerëzimit, në përpëlitjet e tij për t'u përballur me sa më pakë pasoja me hiret dhe nevojat e tij, gjatë “pushtimit” të çdo skute të natyrës. Në njëfarë mënyre varianti “Omikron” i këtij virusi është bërë më “miqësor” për nga përhapja e shpejt, por më i përballueshëm për nga pasojat që po i shkakton.

Madje mjekët po i ndajnë edhe “mirënjohje” duke e mirëpritur atë si një pararojë e një rikthimi të njerëzimit në normalitetin e shumëpritur.

Sipas statistikave zyrtare të Entit për mbrojtjen e shëndetit publik në Vranjë, ka arsye të besohet se në horizont është duke u parë fitorja në luftën kundër virusit Covid – 19, meqë ka një javë që nuk është shënuar asnjë rast pozitiv. Duke e mundur këtë virus ia vlenë që urimi për Vitin e Ri 2022 të ketë kuptim, që mesazhet të përshkohen me më shumë dashuri e besim ndërsa ato pak suksese të përmenden me më shumë dinjitet.

Andaj Gëzuar pa frikë, me një kujdesë që do të na shpërblej me një vit të shëndetshëm e të frytshëm!

Revista “INFO 017” Časopis “INFO 017” Publikohet në gjuhën shqipe dhe serbe Objevljuje se na albanskom i srpskom jeziku Nurmi i regjistrimit: NV000867 Registarski broj: NV000867 Boton: Shoqata qytetare “Qendra për Demokraci dhe Edukim – Lugina”, sheshi Karagjorgje Petroviq 3/3, 17520 Bujanoc, Republika e Serbisë Izdavač: Udruženje građana “Centar za Demokratiju i Edukaciju – Dolina”, trg Karađorđe Petrovića 3/3, 17520 Bujanovac, Republika Srbija Kryetar: Elvina Islami Predsednik: Eljvina Islami

dhjetor 2021

3

RAGMI MUSTAFI: GJYKATA E APELIT NË BEOGRAD LEGALIZOI TERMIN FYES “ŠIPTARI” INFO 017 - DHJETOR, 2021 Gjykata e Apelit në Serbia ka refuzuar ankesën e Kryetarit të Këshillit Kombëtar Shqiptar, Ragmi Mustafi ndaj ndaj vendimit të Gjykatës së Lartë në Beograd, në padinë ndaj Ministrit të Brendshëmeksander Vulin për gjuhë të urrejtjes dhe përdorimin e termit fyes për shqiptarët. Këtë vendim të Gjykatës së Apelit në Beograd e ka bërë të ditur vet Mustafi duke thënë se vendimi shpërfaq më së miri drejtësinë e sotme në Serbi, raporton Gazeta Express.

Ai ka shkruar se Gjykata e Apelit e legalizoi termin fyes për shqiptarët dhe betejën do ta vazhdojë edhe në Gjykatën Kushtetuese.

“Edhe Gjykata e Apelit legalizon termin fyes “šiptari” dhe institucionalizon gjuhën e urrejtjes. vazhdojmë në Gjykatën kushtetuese! Gjykata e Apelit ka “refuzuar ankesën si të pabazuar të paditësit dhe vërteton aktgjykimin e Gjykatës së Lartë në Beograd”, në padinë ndaj Ministrit të Punëve të Brendshme të Republikës së Serbisë, z.Aleksandër Vullin, për vërtetimin e qasjes diskriminuese dhe përdorimin e gjuhës së urrejtjes ndaj shqiptarëve”, ka shkruar Mustafi.

Ai u ka bërë thirrje BE-së, OSBE-së dhe ShBA-së që të reagojnë ndaj Beogradit zyrtar.

“Kujtoj se të gjitha raportet relevante ndërkombëtare nënvizuan gjuhën e tij ksenofobe dhe raciste. I bëj thirrje BE-së, 4

OSBE-së dhe SHBA-së të reagojnë ndaj Beogradit zyrtar dhe ta parandalojnë gjuhën e urrejtjes kundër minoriteteve në Serbi, sepse lirimi i Ministrit Vullin nga akuzat e gjuhës së urrejtjes, intolerancës dhe diskriminimit, “legalizon”, diskriminimin, ksenofobinë dhe racizmin ndaj shqiptarëve që jetojnë në Republikën e Serbisë e gjetkë”, ka thënë Mustafi.

dhjetor 2021

NË BUJANOC NUK KA VALË TË KATËRT TË COVID -19 INFO 017 - DHJETOR, 2021 Pjesa më e madhe e Europës është duke u ballafaquar me valën e katër të Pandemisë, të shkaktuar nga virusi Covid – 19, ndërkaq Franca këtyre ditëve me 100.000 raste, shënoi numër rekord të infeksioneve brenda 24 orëve, që nga fillimi i përhapjes së këtij virusi. Në Serbi numrat e të infektuarëve po biejnë vazhdimisht, përfshirë edhe Komunën e Bujanocit, ku ditëve të fundit nuk ka pasur raste të të prekurve me këtë virus. Kjo ka bërë që Serbia të hiqet nga lista e vendeve me rrezikshmëri të lartë, andaj edhe shtetet përkatëse i kanë lehtësuar kushtet e udhëtimit për shtetasit e Serbisë.

Deri më 26 dhjetor në Bujanoc janë shënuar gjithsej 43 raste të personave të prekur me virusin Covid - 19. Sipas të dhënave të publikuara nga Enti për mbrojtjen e shëndetit publik në Vranjë, për trajtim spitalor në Spitalet Covid të QSH Vranjë janë shtruar 26 pacientë, të gjithë pozitivë me koronavirus dhe me pneumoni, ndërsa 19 pacientë janë duke u trajtuar me oksigjen.

Ndër faktorët që kanë ndikuar në uljen e numrit të rasteve është

vaksinimi në masë të kënaqshme i qytetarëve të kësaj komune, me dy doza të vaksinës, ngritja e vetëdijes së qytetarëve dhe ndërmarrja e masave nga institucionet përkatëse si dhe zbatimi i tyre në masë të kënaqshme.

Ndërkohë që procesi i vaksinimit është duke ecur pa asnjë problem teknik, ndërkaq në Pikën e vaksinimit në Bujanoc ka sasi të mjaftueshme të vaksinave, me ç'rast qytetarët mund të zgjedhin se me cilën vaksinë duan të vaksinohen.

Ajo që po i shqetëson mjekët dhe punonjësit shëndetësor, të

institucioneve për mbrojtjen e shëndetit publik, është përgjigja e dobët e vaksinimit të fëmijëve me vaksinë kundër fruthit (boginja) dhe e të moshuarve me vaksinë kundër gripit sezonal.

Përndryshe pandemia Covid – 19 ka çrregulluar sistemin e mbrojtjes shëndetësore, ngase ka vështirësuar, e në disa raste ka pamundësuar ofrimin e shërbimeve të caktuara të mbrojtjes shëndetësore, për shkak të masave mbrojtëse e parandaluese ndaj përhapje së virusit Covid – 19.

AMBASADORËT E BASHKIMIT EUROPIAN VIZITUAN BUJANOCIN INFO 017 - DHJETOR, 2021 Një delegacion i zgjeruar i Bashkimit Europian i kryesuar nga Ambasadori i BE-së Shkëlqesia e Tij Emanuele Giaufret, i shoqëruar nga ambasadori i Belgjikës Shkëlqesia e Tij Koen Adam, ambasadorja e dhjetor 2021

Portugalisë Shkëlqesia e Saj Maria Virginia Mendes de Silva Pina, ambasadori i Austrisë Shkëlqesia e Tij Nikolaus Lutteroti, amasadorja e Sllovakisë Shkëlqesia e Saj Monika Podsklanova Suhajdova, sekretari i parë i Ambasadës së Hungarisë z.

Zsolt Istvan, znj. Leoneta Pajer dhe

znj. Gordana Arackovic nga delegacioni i BE-së, z. Marko Vujaçiq - menaxher i Programit UNOPS dhe znj. Olivera Kostiq menaxhere e Programit EU PRO Plus, kanë qëndruar në Bujanoc ku fillimisht kanë takuar kryetarin e komunës së Bujanocit z. NagipArifi.

5

Qëllimi i këtij takimi ishte që ambasadorët të njihen për së afërmi me situatën politike, sociale dhe ekonomike në regjion, si dhe të njihen me aktivitetet dhe programet që janë financuar nga fondet e Bashkimit Europian.

Nikoqiri i këtij takimi, kryetari i komunës së Bujanocit z. Nagip Arifi para ambasadorëve paraqiti gjendjen faktike në teren, duke u nisur nga problemet e pasivizimit të adresave të shqiptarëve, mosnjohja e diplomave të fituara në Univerzitetet e Kosovës, mos integrimi i shqiptarëve në organet shtetërore, mungesa e vullnetit të qeverisë së Serbisë që të ndihmojë në zhvillimin ekonomik të Bujanocit, si dhe pika tjera të parealizuara nga plani 7 pikësh i aprovuar në vitin 2013.

Gjithashtu, kryetari Arifi elaboroi edhe projektet e realizuara që janë mbështetur financiarisht nga fondet e Bashkimit Europian, përmes programeve të ndryshme të saj, të cilat kanë ndikuar në përmirësimin e jetës së qytetarëve.

Ai shprehu dëshirën, vullnetin dhe gatishmërinë për vazhdimin e këtij bashkëpunimi me Bashkimin Europian, tashmë në kuadër të programit të ri EU PRO Plus, për 6

realizimin e projekteve infrastrukturore.

Nga ana e Delegacionit të BEsë u bë e qartë se ata dëshirojnë të jenë edhe më tej aktiv në këtë regjion, që të kontribuojnë në zhvillimin socio - ekonomik të vendit, por gjithashtu edhe të japin mbështetjen e tyre në iniciativat për promovimin e dialogut dhe kontributin për zgjidhjen e problemeve politike.

Takimi u mbajtë në ambientet e Fakultetin ekonomik të Suboticës në Bujanoc, pa praninë e gazetarëve.

Delegacioni i Bashkimit europian u takua edhe me kryetarine Këshillit kombëtar shqiptar, ragmi Mustafën, i cili përmes një postimi në profilin e tij në facebook, tha se “Bashkimi europian është faktor shumë i rëndësishëm dhe i çmueshëm për realizimin e drejtave kolektive të shqiptarëve në Luginë të Preshevës”.

“Kërkuam mbështetje më intensive në implementimin marrëveshjeve të përfaqësuesve shqiptar me Qeverinë e Serbisë në kuadër të procesit të integrimeve evropiane”, thuhet në fund të publikimit të kryetarit të KKSH, Ragmi Mustafa.

Përndryshe, komunat në jug të Serbisë nuk do të dukeshin me pamjen që kanë sot pa ndihmën e gjithanshme të Bashkimit europian, që nga viti 2002, duke ndihmuar si në zhvillimin e infrastrukturës po ashtu edhe të shoqërisë civile dhe mediave.

dhjetor 2021

DEPARTAMENTI I SHTETIT: VESELINOVIQI DHE GRUPI I TIJ NDIHMONTE LISTËN SERBE T'I FITONTE ZGJEDHJET NË KOSOVË INFO 017 – DHJETOR, 2021

SHBA-ja sot ka bërë të ditur se ka vendosur sanksione për serbin nga Kosova, Zvonko Veselinoviq dhe grupit të tij të krimit të organizuar si përgjegjës për trafikimin e mallrave, parave, narkotikëve dhe armëve mes Kosovës dhe Serbisë.

Në raportin nga Departamenti Amerikan i Thesarit, Veselinoviqi dhe grupi i tij famëkeq, u kishte ndihmuar partisë Lista Serbe, që të fitonte zgjedhjet e vitit 2017, ndërsa në këmbim të saj ata dhe bizneset e tyre të kryenin aktivitetet e tyre të paligjshme të pa ndërhyrjen e

dhjetor 2021

autoriteteve serbe, raporton Zeri.info.

“Nga fundi i vitit 2017, Veselinoviqi dhe vëllai i tij Zharko Jovan Veselinoviq, kishin marrëveshje me politikanët për të ndihmuar partinë e tyre të fitojë zgjedhjet, të sigurojë fitore politike për kandidatët e tyre dhe të kontribuojë me shuma të mëdha parash për kandidatët.

Në këmbim, këta politikanë do t'u jepnin vëllezërve kontrollin e zonave të caktuara për bizneset e tyre dhe ku ata mund të kryenin aktivitetet e tyre të paligjshme të biznesit pa ndërhyrjen e autoriteteve serbe, dhe gjithashtu do të ofronin informacion të pronarit të

biznesit për të mbështetur investimet e biznesit të vëllezërve”, thuhet në raport.

Po ashtu duke ndihmuar Listën Serbe, Veselinoviq dhe grupi i tij do të shpërbleheshin me kontrata në rregullimin e infrastrukturës.

"Politikanët gjithashtu do t'i shpërblenin vëllezërit Veselinoviç duke punuar për t'u dhënë vëllezërve kontratat më të mira të infrastrukturës.

Nga fundi i vitit 2017, Veselinoviqi dhe Zharko bënë donacione si metodë për pastrimin e parave që buronin nga sipërmarrja e tyre kriminale”, thuhet në raportin e Departamentit amerikan të Thesarit. /Zëri.info

7

KAMBERI NË KUVEND: JEPINI FËMIJËVE ARSIM KUALITATIV NË SHKOLLA, E JO “BOŽJE PRAVDE” INFO 017 - DHJETOR, 2021 Shefi i grupit parlamentar “Lugina e Bashkuar – PAD Sanxhak”, Shaip Kamberi, është kundër vendosjes së intonimit të detyrueshëm të himnit kombëtar në shkolla në fillim të vitit shkollor.

Deputeti nga Bujanoci në Kuvendin e Serbisë ka thënë se himnin ““Božje pravde”” nuk e ndjejnë shumë serb, e lëre më shqiptarët apo ndonjë komb tjetër nga 22 sish që jetojnë në Serbi.

- Në himnin e Serbisë, në një shtet ku jetojnë 22 nacionalitete, më së shumti nga të gjitha vendet e rajonit, serbët dhe "serebizmi" përmenden 15 herë, ndërsa dhjetë herë Zoti është thirrur për të shpëtuar, ushqyer dhe bashkuar ekskluzivisht botën serbe dhe shtetet serbe. Pra, himni "“Božje pravde”" u krijua në një model të pastër etnik. Prandaj është logjike që këtë himn të mos e ndiejnë joserbët, por jo edhe shumë serbë përparimtarë – tha Kamberi në seancën e Kuvendit të martën.

Ndryshimet në Ligjin për bazat e sistemit arsimor janë në agjendën e Kuvendit këtë javë, duke përfshirë futjen e intonimit të detyrueshëm të himnit në shkolla.

Kamberi vlerësoi se pushteti shtetëror deri më tani ka dështuar t'u sigurojë qytetarëve të Republikës së Serbisë ekonomi, prosperitet, drejtësi, shëndetësi, 8

arsim, të drejta, perspektivë andaj për këtë ai flet për "botën serbe", për krenarinë dhe për dinjitetin e popullit serb dhe për lavdinë e tij historike.

– Po fshiheni pas nacionalizmit në emër të patriotizmit. Është më e lehtë për ju të indoktrinoni nxënësit me nacionalizmin tuaj sesa të realizoni ëndrrat e tyre për arsim cilësor dhe perspektivë jete. Një gjë është e sigurt, çdo vit do të ketë gjithnjë e më pak nxënës që do ta këndojnë himnin, jo vetëm se nuk e ndjejnë, por edhe se çdo ditë e më shumë po largohen nga Serbia – thotë Kamberi.

Ai shtoi se kjo është një politikë që mbron "asimilimin e joserbëve në një Serbi mono-etnike dhe mosintegrimin e serbëve në vendet e tjera joetnike".

Në vend që të nisin një iniciativë për të përshtatur himnin e Jova Gjorgjeviqit, të shkruar në 1872, me Republikën moderne dhe për ta bërë atë të pranueshëm për numrin më të madh të qytetarëve dhe subjekteve, shtoi ai, nxënësit tani janë të detyruar ligjërisht për një himn kaq përjashtues.

Në fund ai tha se “ne nuk kemi nxënës për “Božje pravde”, e akoma më pak shqiptarë për këtë”.

- Ju bëj thirrje që të votoni kundër ligjit. Për shkak të nxënësve. Për shkak të demokracisë. Për shkak të nevojës për modernitet. Shpëtoni nxënësit nga himnet. Shpëtoni shkollat nga nacionalizmi. Ofroni arsim cilësor për punësim të denjë.

Ky është himni që u duhet”, ka përfunduar Kamberi.

dhjetor 2021

VUÇIQ: RAPORTET MË TË MIRA ME SHQIPTARËT, TË DOMOSDOSHME INFO 017 - DHJETOR, 2021 Do të duhet të ndërtojmë marrëdhënie shumë më të mira me shqiptarët në të ardhmen dhe se për këtë duhet ndërtuar infrastrukturën, tha presidenti i Serbisë, Aleksandar Vuçiq, në fillim të ndërtimit të autostradës Nish - Merdarë.

Vuçiq shtoi se produktet serbe do të jenë një treg i shkëlqyer në Prishtinë dhe Tiranë, dhe se autostrada e re do të "është shpëtim për popullin tonë në Graçanicë".

Përmes kësaj autostrade në masë të madhe do të përshpejtohet arritja e tyre në Serbinë qendrore, tha Vuçiq.

Seksioni i të ashtuquajturës "Autostrada e Paqes" deri në Merdarë është 77 kilometra i gjatë dhe është pjesë e një projekti rrugor që lidh Nishin me portin e Durrësit, në bregdetin shqiptar tëAdriatikut.

Ndaj kësaj deklarate të Presidentit serb reagoi Deputeti i Bujanocit, Shaip Kamberi, i cili tha se presidenti i Serbisë, Aleksandar Vuçiq, “më në fund e kuptoi se Serbisë i duhen marrëdhënie shumë më të mira me shqiptarët”. Kamberi, megjithatë,

dhjetor 2021

Foto: www.euronews.rs thotë se për diçka të tillë është e nevojshme që Serbia ta pranojë realitetin për çështjen e Kosovës, por edhe përgjegjësinë për gjithçka që ka bërë atje.

- Po, zoti President, Serbia ka nevojë për marrëdhënie shumë më të mira me shqiptarët. A nuk ju thashë të njëjtën gjë në Kuvend, gjatë diskutimit për dialogun me Kosovën?

Tani po ju them sërish se duhet të hiqni dorë nga “ëndrrat për Kosovën” dhe të pranoni jo vetëm realitetin, por edhe përgjegjësinë për atë që ka bërë shteti serb në Kosovë. Vetëm atëherë mund të flasim për miqësi me shqiptarët – thotë Kamberi.

Kamberi po ashtu tha se tashmë i kishte thënë Vuçiqit se me gjuhën e urrejtjes dhe duke ricikluar terminologjinë e viteve 80-ta dhe 90ta nuk ka vend në dialogun për pajtim, që përfshin përballjen me të kaluarën dhe se duhet një qasje e re.

- A nuk ju thashë me atë rast se si p j e s ë t a r i p o p u l l i t s h q i p t a r, perspektivën e popullit tim e shoh në anëtarësimin në BE, por në të njëjtën kohë në bashkëpunim të ndërsjellë me popujt e Ballkanit Perëndimor, përfshirë popullin serb . E citova edhe intelektualin serb Bogdan Bogdanoviq, i cili në një rast kishte

thënë se Serbia sigurisht duhet ta shikojë veten me sy tjetër dhe në fund të kuptojë se është më e rëndësishme të ndërtosh miqësi sesa të pushtosh territore – theksoi Kamberi.

Siç theksoi ai, Vuçiq më pas me inat refuzoi të hiqte dorë nga politika e tij e kriminelëve të luftës dhe këtë e pa i gjithë publiku.

“Duhet të kuptoni faktin e pamohueshëm që rruga juaj drejt Shqipërisë kalon përmes Kosovës”, përfundoi ai.

Mendim të ngjajshëm rreth raporteve Kosovë – Serbi kanë edhe disa zyrtar ndërkombëtar, veçmas kur është fjala për nismën e Serbisë, Shqipërisë dhe Maqedonisë së Veriut për procesin integrues brendaballkanik të emërtuar së fundmi si “Ballkani i Hapur”, ngase për arsyet e tyre specifike që kanë tre vende të rajonit: Kosova, Bosnja dhe Hercegovina e Mali i Zi, po hezitojnë t'i bashkohen, dhe si të tillë e shohin jo të plotë kundrejt Procesit të Berlinit, një nismë diplomatike e inicuar në vitin 2015, qëllimi i të cilës është përshpejtimi i integrimit të vendeve të Ballkanit Perëndimor në Bashkimin europian.

9

VIZITA E DONIKA GERVALLES NE BUJANOC DHE PRESHEVË, PREMTON MBËSHTETJE TË INSTITUCIONEVE KOSOVARE PËR QYTETARËT E LUGINËS SË PRESHEVËS INFO 017 - DHJETOR, 2021 Vizita e paralajmëruar për 15 dhjetor e Ministres së Kosovës për punët ë jashtme, për të cilën fillimisht u tha se u anulua, megjithatë u realizua ditën e nesërme, më 16 dhjetor . Në media pati raportime të ndryshme për shkaqet e anulimit të kësaj vizite, mirëpo sipas informacioneve jozyrtare, nuk pati ndonjë pengesë nga organet Qeveritare serbe dhe se ministrja e Punëve të jashtme ka pasur lejen e autoriteteve serbe për ta vizituar Bujanocin.

- Nuk e di vërtet se cila është arsyeja e anulimit të vizitës, apo nëse ministrja ka marrë leje, këtë e dëgjoj tani nga ju. Ajo që mund të them me siguri është se nuk do të ketë vizitë në ditën e sotme, ndërsa ishin planifikuar takime në Komunë dhe në Këshillin Kombëtar, si dhe një vizitë në Preshevë – kishte deklaruar për Bujanovaçke, kryetari i Këshillit kombëtar shqiptar Ragmi Mustafa.

Duke komentuar, siç tha ai, vizitën e anuluar të zyrtarëve kosovarë, Mustafa thotë se është e qartë se Qeverinë e Serbisë e shqetësojnë vetëm vizitat në Bujanoc, Preshevë dhe Medvegjë.

10

- Nuk është problem për Qeverinë serbe që ministrat e Qeverisë së Republikës së Kosovës po qëndrojnë në Beograd, në kuadër të nismave rajonale. Nuk

Se vizita e Gërvallës në Bujanoc nuk u pengua nga institucionet serbe u konfirmua edhe përmes një komunikate të Zyrës për Kosovë të Qeverisë së Serbisë.

Foto: titulli.com

është problem as kur ministrat e Kosovës janë serbë dhe mund të shkojnë kudo në Serbi, por është problem kur anëtarët e Qeverisë së K o s o v ë s d u h e t t' i v i z i t o j n ë shqiptarët në Bujanoc, Preshevë dhe Medvegjë - thotë Mustafa.

Në të njëjtën ditë institucionet e Kosovës sërish, për të gjashtën herë, ia ndaluan hyrjen në Kosovë të drejtorit të Zyrës për Kosovë në Qeverinë e Serbisë, Petar Petkoviq, transmeton Tanjug.

Ndërkaq në fillimt ë dhjetorit, rreth problemeve lidhur me realizimin e vizitave të ndërsjellta në relacionin Prishtinë – Beograd, kishte reaguar edhe Bashkimi europian, përmes zëdhënësit Petar Stano.

- Vizitat e paralajmëruara në përputhje me marrëveshjen nuk ka arsye që të mos lejohet. Ne i bëjmë thirrje Serbisë që të marrë parasysh vendimin e saj dhe të lejojë vizitat që janë raportuar në mënyrën e dhjetor 2021

duhur – kishte deklaruar për Tanjug-un, zëdhënësi i BE-së Petar Stano.

Sidoqoftë, kjo vizitë u realizua të nesërmen më 16 dhjetor, gjë e cila ishte bërë publike edhe përmes një postimi e Ministres kosovare,Donika Gërvallës në profiline saj në Facewbook .

“Me një ditë vonesë, pas pak do të filloj vizitën time të parë në Luginën e Preshevës. Ndihem shumë e privilegjuar që në emër të Qeverisë së Republikës së Kosovës të vizitoj përfaqësuesit institucionalë dhe qytetarët e komunave në Luginë dhe të flas e të shoh nga afër se si mund të thellojmë bashkëpunimin tonë”, ka shkruar ajo në një postim në Facebook, raporton zëri.info.

Gjatë vizitës në Bujanoc ajo u prit nga kryetari i Komunës së Bujanocit, Nagip Arifi, i cili e konfirmoi këtë takim përmes një postimi në profiline tij në Facebook.

“Ministren Gërvalla e njoftova me gjendjen politike, sociale e ekonomike të qytetarëve tanë, si dhe diskriminimin e vazhdueshëm nga Qeveria qendrore në arsim, zhvillim ekonomik, shëndetësi, me theks të veçantë pasivizimin e adresave të shqiptarëve, si dhe mosnjohjen e diplomave të fituara në universitetet e Republikës së Kosovës”, duke shtuar se me ministren Gërvalla janë dakorduar që bashkëpunimi të vazhdojë edhe në të ardhmen, deri në gjetjen e dhjetor 2021

Foto: titulli.com

zgjidhjes së problemeve.

Ministrja Gërvalla u takua edhe deputetin shqiptar në Kuvendin e Serbisë, Shaip Kamberin, njëherit edhe lider i Partisë për veprim Demokratik, i cili në një deklaratë të shkurtër tha se kanë diskutuar për çështjet politike në Luginë të Preshevës dhe domosdoshmërinë e bashkëpunimit të mëtejmë, transmeton Zeri.info.

“Në takim me ministren e Qeverisë së Republikës së Kosovës, Donika GrvallaSchwarz, biseduam për çështjet aktuale politike dhe domosdoshmërinë bashkërendimit të mëtejmë, rreth nevojave të Luginës së Preshevës”, ka shkruar Kamberi.

Në vazhdën e takimeve me përfaqësues të institucioneve të,partive pëolitike dhe qytetarë të Luginës së Preshevës, ministrja ePunëve të jashtme dhe e diaporës në Qeverinëe Kosovës, Donika

Gërvalla, u prit në takim ede nga kryetari i Kuvendit komunal të Bujanocit, Enver Ramadani, thuhet në komunikatën e kësaj ministrie.

“Gjatë këtij takimi Ramadani ka prezentuar shifrat diskriminuese në fushën e punësimit të shqiptarëve të Luginës, qoftë në ndërmarrje a kompani publike, në institucione të drejtësisë, të shëndetit primar, apo në raport me gjendjen civile, me ç'rast ministrja Gërvalla ngriti edhe çështjen e identifikimit të formave dhe instrumenteve të përkrahjes për këto komuna. Ajo premtoi edhe se institucionet e Qeverisë së republikës së Kosovës janë të përkushtuara që të ofrojnë përkrahje të vazhdueshme financiare, ekonomike dhe në drejtim të lehtësimit të shërbimeve për qytetarët e Luginës që jetojnë në Kosovë” – thuhet në Kumtesën e kësaj Ministrie, raporton kosovapress.com.

11

VUÇIQ: DO TË HETOHET NËSE KA AKUZA SERIOZE NDAJ VESELLINOVIQIT DHE RADOIÇIQIT INFO 017 - DHJETOR, 2021 Presidenti serb, Aleksandar Vuçiq ka reaguar pasi Millan Radoiçiq, Zvonko Vesellinoviq dhe 11 persona të tjerë - të gjithë serbë nga Kosova - janë vënë në listën e sanksioneve të Departamentit të Thesarit të SHBA-së më 8 dhjetor.

Presidenti i Serbisë ka thënë se organet përkatëse serbe do të hetojnë gjithçka, në rast se ekzistojnë “akuza serioze kundër tyre”. Në një konferencë për media, Vuçiq tha se ka pranuar një raport joformal nga Ambasada amerikane rreth këtij vendimi.

“Ata i akuzuan fillimisht për tregti ilegale. Në fund do t'i akuzojnë që nuk po e respektojnë kufirin në mes të Kosovës dhe Serbisë, por kjo nuk është asgjë e re. Nëse ekzistojnë akuza serioze, organet tona shtetërore do t'i hetojnë”, tha Vuçiq.

Presidenti serb shtoi se druan “që një dokument të këtillë do të mund të pranojë edhe për disa njerëz në funksione shumë më të larta në rajon”.

“Atëherë a do të reagojmë ashtu? Gjithçka që pranojmë me çfarëdo treguesi se dikush ka kryer ndonjë vepër penale, organet tona përgjegjëse do të jenë të gatshme që në po atë moment të verifikojnë gjithçka” tha Vuçiq.

12

Vuçiq njëkohësisht mohoi që Partia Përparimtare Serbe (SNS), në krye të së cilës është, ka marrë para nga, Zvonko Vesellinoviq.

“Asnjë dinarë nuk na ka dhënë, sa më përket mua për të tjerët nuk e di. Partia të cilën e udhëheqi ka më shumë se mjaftueshëm para falë mjeteve shtetërore dhe anëtarësimit. Këto janë burimet tona kryesore.

Kurrfarë nevoje nuk kemi për çfarëdo para tjera”, përfundoi Vuçiq.

Departamenti i Thesarit i SHBA-së ka vënë në listën e sanksioneve, nënkryetarin e Listës Serbe, ndryshe partisë kryesore serbë në Kosovë, MIllan Radoiçiq,

biznesmenin nga veriu i Kosovës, Zvonko Veselinoviq, vëllain e tij, Zharkon dhe 10 persona të tjerë të lidhur me ta.

Me futjen e tyre në listë të sanksioneve, prona e tyre kryesisht bllokohet dhe qytetarëve amerikanë u ndalohet të bashkëpunojnë me ta.

Sekretari amerikan i Shtetit, Antony Blinken, tha se “këto sanksione shënjestrojnë autorët e korrupsionit, në përputhje me Urdhrin Ekzekutiv 13818”, i cili bazohet në Aktin Global të Përgjegjshmërisë për të Drejtat e Njeriut, i njohur si Akti Magnitsky. /REL

dhjetor 2021

KAMBERI: SERBIA PO SILLET SI NË VITET 90-ta TË SHEKULLIT TË KALUAR INFO 017 - DHJETOR, 2021 Serbia është në fazën e "luftës propagandistike" kundër rajonit, si në vitet e 90-ta, tha deputeti popullor nga Bujanoci Shaip Kamberi në Forumin e 14-të për Drejtësi Tranzicionale që po mbahet në Beograd.

Sipas agjencisë Beta, ai vlerësoi se është e pasinqertë që Serbia kinse mbështet nismën “Ballkani i Hapur” dhe se në të njëjtën kohë ministri i Policisë Aleksandar Vulin mbron idenë e një “Serbie të Madhe”, gjegjësisht ” Botës serbe”.

“Kjo është shumë e dëmshme për stabilitetin dhe demokracinë në rajon, na sjell në situata të reja konflikti.

Thelbi i ngërçit në procesin e pajtimit është në Serbi”, tha Kamberi, raporton

Bujanovaçke.

Sipas tij, Serbia ka një problem me Kroacinë, "duke mos dashur të pranojë krimet e luftës sepse ndoshta ka frikë nga dëmshpërblimet e luftës".

Ai gjithashtu deklaroi se Serbia "nuk dëshiron të pranojë krimet në BdheH", ngase, siç vlerësoi ai, "dëshiron të rrëmbejë Republikën Srpska".

Sipas tij, Serbia as që dëshiron t'i njohë krimet e luftës të kryera në Kosovë "sepse mendon se do të ruajë një pozicion më të mirë negociues në procesin aktual".

Ai vlerësoi se në Serbi është në skenë “revizionizmi historik”, i cili, siç tha, “barazon lëvizjen çetnike, madje edhe Lotiqin me antifashistët e Luftës së Dytë Botërore”.

Sipas tij, problem shtesë është se Bashkimi Evropian po e humb fuqinë lëvizëse sepse “nuk ka potencial për zgjerim të mëtejshëm”.

SINANI: VUÇIQI PO BËN "SPASTRIM MODERN ETNIK" NDAJ SHQIPTARËVE NË LUGINËN E PRESHEVËS INFO 017 - DHJETOR, 2021 Kryetarja e Bashkisë së Preshevës, Ardita Sinani shprehet se Serbia po ndjek një plan shkombëtarizues ndaj shqiptarëve në Luginën e Preshevës.

Ndaj kërkon që qeveritë e Tiranës dhe Prishtinës të koordinohen për të mbrojtur të drejtat e shqiptarëve.

Gjatë një interviste për “Balkan Talks”, Sinani tha se pushtet i Aleksandër Vuçiç është politikisht pushtet “nacionalist”, kulturalisht është “neokonservator” kurse ekonomikisht “neoliberal”.

“Vuçiç fshihet pas imazhit pro evropian por realisht ushqen krijimin e një Serbie autoritare që shkel të drejtat e njeriut. Fatkeqësisht po përkëdhelet dhjetor 2021

nga Perëndimi për arsye gjeopolitike dhe gjeostrategjike”, deklaroi Sinani.

Për procesin e pasivisimit të adresave të shqiptarëve në Luginën e Preshevës ajo thotë se Komiteti i Helsinkit e ka cilësuar si “spastrim modern etnik me metoda administrative”.

Ajo nënvizoi se Serbia nuk po respekton marrëveshjen e vitit 2001 pas luftës për rikthimin e shqiptarëve dhe jo vetëm kaq por po nxit largimin e tyre të mëtejshëm.

Bëhet fjalë për rreth 6 mijë shqiptarë që nuk rezultojnë më në regjistrat e Serbisë. Ardita Sinani thotë se ky proces është më dinamik në Medvegjë, tashmë në Bujanovç por po rriten rastet dhe në Preshevë”.

13

KURTI: PO LUFTOJ PËR NJOHJE NGA SERBIA E JO PËR AKS INFO 017 - DHJETOR, 2021 Formimi i Asociacioit të Komunave Serbe (AKS) është në interes të Serbisë dhe zyrtarët e Kosovës nuk kanë nevojë të merren me të, thotë kryeministri i Kosovës, Albin Kurti, për të cilin “njohja reciproke është kyçe, jo Asociacioni i komunave me shumicë serbe”.

Sipas Kurtit, çështjen e AKS-ës më shumë e shtrojnë faktorët e brendshëm se sa ndërkombëtarët dhe synimi i tije është që të merret me tema që janë në interes të Kosovës dhe jo të Serbisë.

- Pse të merremi ditë e natë me interesat e Serbisë. Unë ia shpjegoj qëndrimin tonë opinionit ndërkombëtar, por edhe se nuk është në interes të serbëve të Kosovës.

Askush nuk ka ardhur të më thotë se kjo është marrëveshja jonë më e rëndësishme – tha Kurti, transmeton Koha.

Ai theksoi se të gjithë duhet të kuptojnë se njohja reciproke është çelësi, dhe jo Asociacioni i komunave me shumicë serbe.

- Nëse nuk e pranojmë këtë, ne po biem në lojën e Serbisë. Unë përdora një qasje të ndryshme në takimet në Bruksel. Këtë presidenti i Serbisë po mundohet ta arsyetojë me të drejtat e serbëve. Dhe sa i përket të drejtave, ne po i zbatojmë ato këshilla kombëtare si në Serbi - thotë ai.

Ai shtoi se Serbia po përpiqet të negociojë statusin e Kosovës me ndihmën e Asociacionit të komunave serbe dhe se dialogu me Serbinë e ka vështirësuar shumë 14

Foto: slobodnaevropa.org

procesin e njohjeve, sepse shumë vende presin epilogun e tij.

Ndërkohë që kohë në fund të shtatorit Bashkimi Evropian ka sqaruar se qëndrimi i saj mbetet se të gjitha marrëveshjet e arritura në dialogun mes Kosovës dhe Serbisë duhet të zbatohet dhe se në zbatimin e Marrëveshjes për krijimin e Asociacionit të komunave me shumicë serbe duhet të merret parasysh edhe mendimi i Gjykatës Kushtetuese të Kosovës.

“I takon Kosovës që të propozojë si të ecet përpara, me

zbatimin e marrëveshjeve të vitit 2013 dhe 2015, duke marrë parasysh mendimin e Gjykatës Kushtetuese”, tha zëdhënësi i BE-së, Peter Stano kur u pyet se “a duhet të zbatohet Marrëveshja për krijimin e Asociacionit të komunave me shumicë serbe në bazë të vendimit të Gjykatës Kushtetuese të Kosovës”.

Më herët, Stano kishte thënë edhe se Kosova me këto marrëveshje ka marrë obligime me vullnet të mirë dhe duhet t'u përmbahet atyre obligimeve.

Foto: euronews.rs

dhjetor 2021

“Në vitin 2013, Kosova ka hyrë në Marrëveshje për të themeluar Asociacionin e komunave serbe. Kjo marrëveshje është bërë me vullnet në mirëbesim nga të gjitha palët e përfshira. Nuk është anuluar apo tërhequr asnjëherë. Në fakt, Marrëveshja e vitit 2013 është ratifikuar në Kuvendin e Kosovës me shumicën e 2/3 të votave. Duke bërë këtë, Kosova ka marrë obligime ndërkombëtare për të zbatuar këtë marrëveshje”, ka thënë zëdhënësi i BE-së, raporton evropaelire.org.

Kohëve të fundit edhe liderët politikë dhe institucional të shqiptarëve në Luginë të Preshevës por dhe disa nga zyrtarët kosovarë janë gjithnjë e më të zëshëm në qëndrimet e tyre për reciprocitet sa i përket të drejtave të shqiptarëve në Serbi dhe serbëve në Kosovë, duke dhënë edhe ide e propozime në gjetjen e një mënyre të përfshirjes së drejtëpërdrejtë apo të tërthortë të shqiptarëve të kësaj ane në dialogun e Brukselit.

Këtë e konfirmoi edhe Ministrja e Punëve të Jashtme dhe Diasporës në Qeverinë e Kosovës, Donika Gërvalla, pas vizitës në Bujanoc dhe Preshevë, duke thënë se kë rkes at e p ërfa qësuesve politikë shqiptarë nga kjo zonë do të jenë “pjesë e dialogut ndërmjet Kosovës dhe Serbisë”.

dhjetor 2021

RAGMI MUSTAFA I VETMI LIDER SHQIPTAR I CILI DËNOI DJEGIEN E FLAMURIT SERB NË TIRANË

Foto: bujanovacke.co.rs

INFO 017 - DHJETOR, 2021 Nga përfaqësuesit politikë të shqiptarëve në jug të Serbisë ishte vetëm kryetari i Këshillit Kombëtar të Shqiptarëve, Ragmi Mustafa, që ka dënuar djegien e flamurit shtetëror të Serbisë mbrëmë në Tiranë.

Duke postuar në Facebook një fotografi të flamurit serb në flakë, Mustafa ka shkruar se “veprime të tilla janë të papranueshme, pavarësisht frustrimeve për shkak të politikave shtetërore në rajon”.

Djegia e flamurit serb u bë mbrëmjen e së hënës në kryeqytetin e Shqipërisë, në protestën kundër nismës “Ballkani i Hapur” dhe arritjes në samit të presidentit të Serbisë, Aleksandar Vuçiq,.

Mirëpo, Mustafa shtoi se “shqiptarët e Luginës së Preshevës çdo ditë përballen me këtë qasje, e cila gjithashtu është e dënueshme”.

«Ne jemi i vetmi komunitet në Ballkan që me ligj e kemi të ndaluar të përdorim flamurin kombëtar", tha Mustafa.

Përndryshe samiti i liderëve të nismës rajonale “Ballkanit i Hapur”mbajtur në Tiranë më 21 dhjetor, edhe kësaj here zgjoi një interesim të shtuar si në qarqet politike – diplomatike po ashtu edhe për nga rëndësia që i kushtuan mediat, jo vetëm të rajonit.

15

PROVINCA ENDE JETON MES LAJTHITJES DHE HIPOKRIZISË INFO 017 - DHJETOR, 2021 Mbase njeriu vështirë do t'ia dalë që brenda vetes ta luftoj në masën e duhur hipokrizinë, shtirjen dhe mangësitë e tjera, për t'u pjekur në një njeri të formuar qoftë për nga empatia, intelekti dhe toleranca, veti këto shumë të nevojshme për t'u bërë një burim i pashtershëm dashurie dhe modestie.

Asnjëherë nuk mund ta shpjegosh deri në fund dëshirën e njeriut për të vizituar çdo skutë të globit tokësor, ndërkohë që me fanatizëm kundërshton ta ndaj mjedisin jetësor me një të “huaj” i cili sakaq bëhet kërcënues për ekzistencën biologjike dhe kulturore. Ose duke jetuar në një provincë ballkanike, ku secili shehë tjetrin si një dragua me shtatë kokë duke nxjerrë për goje zjarrin e nacionalizmit primitiv dhe se të jetuarit për kohë të gjatë me këto ndjesi, fitohet përshtypja se vetitë e sipërpërmendura duket që janë shëndrruar në kod dhe standard vështirë të ndryshueshëm sjelljesh dhe qëndrimesh.

Se gjërat nuk janë vendosur në binarë të duhur as pas luftërave e tmerreve të përjetuara në fundin e shekullit të kaluar më së miri e kuptojmë kur bëhet fjalë për martesat e përziera mes përkatësive të ndryshme kombëtare e fetare.

Shumica e këtyre çifteve në vend se të ndjehen si çdo çift tjetër bashkëshortor, në të shumtëne rasteve i ikin bisedave që kanë për temë martesat e përziera, duke e trashëguar këtë mendësi, mjerisht, edhe te fëmijët e tyre.

Rasti i parë ...

Gjatë vizitës që pata në shtëpinë e dy bashkëshortëve të moshuar, burri shqiptar e gruaja boshnjake, refuzuan bisedën, që do të ishte edhe temë e reportazhit të revistës sonë, me arsyetimin banal të gruas se nuk është e gatshme ta “hapte zemrën” për këtë temë, aq më pak para një gazetari.

Edhe përkundër garancive të ofruara se teksti do të publikohet vetëm nëse merr bekimin e tyre, madje se do të redaktohej në prezencën e tyre, nuk mjaftoi për ta marrë “izën” e një bisede të tillë.

U përcaktova për këtë çift ngase ka disa specifika të veçanta: së pari se për burrin kjo ishte martesa e dytë, ndërsa gruaja është ndër të paktat gra e cila kur kishte ardhur këtu përcillte tërë dinamikën e zhvillimeve shoqërore – politike, diçka pikante për një grua në një mjedis rural dhe në një familje tradicionale shqiptare, gati rreth dyzet vite më parë. Madje, për habinë e të gjithëve, sa herë që ishte prezente në ndejat e zakonshme pasdarkeve, me të përfunduar të lajmeve, burrat e pranishëm i drejtoheshin asaj për t'i “tumaçit” (interpretuar) lajmet e ditarit të mbrëmjes. Ndërsa burri, një njeri i urtë dhe shumë dashamirës ishte viktimë e dredhirave politkaneske e punonjësve të entit ku punonte, i cili humbi vendin e punës duke qenë i akuzuar se kishte shpërndarë një përmbledhje të poezive satirike të botuara nga një spekulant lokal.

Ndërsa botimi i këtij libri atëbotë nuk ishte ndaluar.

Rasti i dytë ...

Nuk e kisha ditur se një miku im është “produkt” i një martese me

16

prindër të nacionaliteteve të ndryshme. Këtë e zbulova rastësisht gjatë një bisede të zakonshme për “dajt e tezet” me ç'rast përmendi edhe vendin e tyre të origjinës. Më erdhi shumë mirë që për dajt fliste me shumë dashuri e krenari, ndërkohë që për bukuri e flet gjuhën e të atit dhe gjuhën e nënës. Ishte interesante për të se në fëmijëri duhej t'i mësonte të dy gjuhët paralelisht: shqipen në vendlindje, gjuhën tjetër në familjen e nënës. Duke e dëgjuar me shumë vëmendje dhe mirëkuptim, me vete mendova: meqë ky çift janë intelektualisht më të ngritur, veçmas fëmijët e tyre, besoja se biseda me ta do të jetë më lehtë e realizueshme.

Në fund kërkesa ime rezultoi me një përgjigje negative, madje duke mos shfaqur as edhe interesimin më minimal për këtë temë.

Në fund kisha idenë që bisedën në këtë temë ta zhvilloja me fëmijët e lindur nga martesat e përziera. Me këtë rast përjetova një zhgënjim edhe më të madhë. Humba të gjitha betejat edhe përkundër se isha pozitivisht i motivuar dhe me qëllim krejtësisht fisnik. Andaj janë hipokrite dhe përfaqësojnë shtirje të sofistikuar qëndrimet që dalin nga takimet e tryezat e orrganizuara nga OJQ-ët e këtushme, se stereotipet dhe paragjykimet tashmë thuaja se i takojnë së shkuarës.

dhjetor 2021

PESË MARRËVESHJET QË U NËNSHKRUAN NË SAMITIN E BALLKANIT TË HAPUR INFO 017 - DHJETOR, 2021 Finalizohen marrëveshjet mes Shqipërisë, Serbisë dhe Maqedonisë së Veriut në kuadër të nismës “Open Balkan”. Në pallatin e Brigadave në Tiranë marrëveshjet janë firmosur nga Kryeministri Edi Rama, ai i Maqedonisë së Veriut Zoran Zaev dhe Presidenti i SerbisëAleksandër Vuçiç.

5 marrëveshje lidhen me lëvizjen e lirë të punëtorëve mes tyre, lehtësira kufitare për identifikimin e udhëtarëve, sigurinë ushqimore të mallrave që shkëmbejnë mes tyre.

Një tjetër marrëveshje që pritet të nënshkruhet është për ndërlidhjen e skemave të identifikimit elektronik të qytetarëve të Ballkanit Perëndimor.

Marrëveshja e tretë që do të nënshkruhet, është ndërmjet Këshillit të Ministrave të Republikës së Shqipërisë dhe Qeverisë së Republikës së Serbisë dhe Qeverisë së Republikës së Maqedonisë së Veriut për bashkëpunim në fushën e

dhjetor 2021

veterinarisë, sigurisë ushqimore dhe ushqimore për kafshë dhe fitosanitare në Ballkanin Perëndimor.

Tjetër marrëveshje që do të nënshkruhet është, ndërmjet Qeverisë së Republikës së Serbisë dhe Këshillit të Ministrave të Republikës së Shqipërisë për njohjen reciproke të autorizimeve të operatorit ekonomik të autorizuar – siguri dhe siguri (AEOS).

Dhe marrëveshja e pestë është ndërmjet Qeverisë së Republikës së Maqedonisë së Veriut dhe Këshillit të Ministrave të Republikës së Shqipërisë për njohjen reciproke të autorizimeve të operatorit ekonomik të autorizuar – siguri dhe siguri (AEOS).

Këtë të martë Rama, Zaev dhe Vuçiç u mblodhën në Pallatin e Brigadave në Tiranë, bashkë me delegacionet e tyre. Në një konferencë të përbashkët të tre liderët folën për risitë dhe benefitet e “Open Balkan” duke e konsideruar një proces gjithëpërfshirës dhe do të sjellë të mira

për qytetarët e vendeve pjesëmarrëse në të.

Kryeministri Rama pati një ftesë për Kosovën, Malin e Zi dhe Bosnje Hercegovinën që të bëhen pjesë e nismës, ndërsa theksoi se me marrëveshjet e nënshkruara mesazhi që përçohet është se viti 2022 do të jetë një epokë e re. “Ballkani i Hapur” sipas Ramës po përgatit rajonin për integrimin europian dhe tregun e përbashkët në BE. Kryeministri i Maqedonisë së Veriut, tha se kjo ishte pjesëmarrja e tij e fundit në mënyrë të drejtpërdrejtë në një samit të tillë dhe piukërisht për këtë fakt bëri thirrje që të ruhet dhe zhvillohet “Ballkani i Hapur”.

Nga ana tjetër Vuçiç tha se i kishte ardhur në majë të hundës që duhet t'u kërkonin falje për këtë iniciative vendeve të rajonit që nuk duan të bëhen pjesë e saj. I pranishëm në takim, Komisioneri për Zgjerimin, Oliver Varhelyi mbështeti nismën ndërkohë që ftoi edhe 3 vendet e tjera të rajonit që t'i bashkohen. /abcnews.al

17

KAMBERI NË KUVEND: PËR SHQIPTARËT NUK KA VEND AS NË GJYKATAT NË PRESHEVË DHE BUJANOC INFO 017 – DHJETOR, 2021 Deputeti nga Bujanoci, Shaip Kamberi, thotë se shqiptarëve po u mohohet e drejta e punësimit në sistemin gjyqësor serb.

Në seancën e Kuvendit të Serbisë të mbajtur të martën, Kamberi pyeti ministren e drejtësisë, Maja Popoviq, se kur do të mund të punojnë shqiptarët në Gjykatën për Kundërvajtje të Preshevës, në Gjykatën Themelore të Bujanocit dhe në Prokurorinë Themelore të Vranjës, e cila mbulon edhe territorin e Gjykatës Themelore të Bujanocit, duke u thirrur në nenin 77 paragrafi 2 i Kushtetutës së Republikës së Serbisë.

- Më 14 tetor Këshilli i Lartë Gjyqësor dha pëlqimin për propozimin e kandidatit që për herë të parë zgjidhet gjyqtar në Gjykatën për Kundërvajtje në Preshevë. Me këtë vendim për gjyqtar është propozuar kandidati Igor Nikoliq, bashkëpunëtor i pavarur i Shërbimit të Kadastrit nga Vranja. Nuk do të kishte asgjë të pazakontë në këtë vendim nëse në mesin e kandidatëve që aplikuan për të njëjtin pozicion nuk do të kishte kandidatë të përkatësisë shqiptare të

cilët kanë dhënë provimin e jurisprudencës apo të diplomuar në Akademinë e Gjyqësorit dhe po të mos ishte fakti se kjo Gjykata për Kundërvajtje ka të bëjë me komunën me mbi 90 për qind popullsi shqiptare – tha Kamberi.

Ai përkujtoi se Kushtetuta e Republikës së Serbisë, paragrafi 2 i nenit 77, garanton të drejtën e pakicave për "përfaqësim adekuat në institucionet shtetërore dhe publike".

“Një politikë e tillë e punësimit në sistemin gjyqësor, e cila ua mohon

shqiptarëve të drejtën për integrim, nuk është as në frymën e nenit 77 të Kushtetutës së Serbisë dhe as në frymën e rekomandimeve të Komisionerit të Lartë të OSBE-së”, tha Kamberi.

Ai përfundoi se besueshmëria e institucioneve varet nga besimi që qytetarët kanë në ato institucione, ndërsa besimi i qytetarëve në institucionet shtetërore në mjediset multietnike, mbi të gjitha varet nga angazhimi i përfaqësuesve të pakicave kombëtare në ato institucione.

MINISTRJA ÇOMIQ: KOSOVËS DUHET LIBERALIZUAR VIZAT INFO 017 – DHJETOR, 2021 Bashkimi Evropian duhet të miratojë liberalizimin e vizave për Kosovën, ka thënë ministrja për të drejtat e njeriut dhe të pakicave dhe dialogun social në Qeverinë e Serbisë, Gordana Çomiq.

Brukseli duhet të miratojë liberalizimin e vizave për Kosovën 18

dhe të hapë bisedimet e pranimit me Maqedoninë e Veriut dhe Shqipërinë, tha q duke shtuar se "kjo nuk kushton asgjë", por se dërgon një mesazh që BE-ja kujton se projekti i paqes është ideja bazë mbi të cilën është ndërtuar Bashkimi europian.»

Qytetarët me pasaportë të Kosovës janë të vetmit në Ballkanin Perëndimor që nuk gëzojnë të drejtën

e lëvizjes së lirë në zonën Shengen.

- Lëreni Serbinë dhe Malin e Zi të bëjnë detyrat e shtëpisë. Kjo është ajo që ne po bëjmë - shtoi Comic për EURACTIV. Me këtë, tha ajo, Bashkimi evropian do t'i përmbushë premtimet për zgjerim.

dhjetor 2021