"Pallabres pa Martín", de Cristian David López

Cristian David López

Cristian David López Begmont

El pá de Martín cuénta-y histories de cuando él yera neñu, allá nel Paraguay, formigueru, el puma, el tucán, el páxaru campana…

Conoz tamién toles pallabres guaraníes coles que nomen ellí a los animales, les coses y los xuegos, sabe esguilar a los árboles más altos de la viesca y saltar ente les piedres del ríu pa garrar el pexe d’oru que vive nel fondu de los pielgos.

Pallabres pa Martín

un país de ríos grandísimos y viesques onde viven l’armadillu, el cuati, l’osu

IBIC: YFU - YXA

ISBN 978-84-947759-7-0

9

788494

775970

IMPR ONTA

Pallabres pa MartĂ­n Cristian David LĂłpez Ilustraciones

Begmont

IM P R O N TA

MartĂ­n, fĂ­u, como ta lloviendo y nun podemos salir a pasiar, voi contate una historia.

Igual te choca, pero non tolos neños y neñes nacen nel HUCA o n’otru hospital, como tu, nin van en carricoche pela ciudá y los parques.

To madre y yo, por exemplu, entamamos a correr el mundu a gates, como les tortugues que nacen a la oriella del mar.

De pequeñu yo vivía nun país que-y llamen Paraguay, nel corazón d’América. Mira nesti mapa: dibúxenlu tres ríos inmensos: Paraná, Pilcomayo y Paraguay.

Ellí lo que nun hai ye mar, nin montes, como los d’Asturies, pero tenemos unes viesques grandísimes onde viven l’armadillu, el cuati, l’osu formigueru o’l puma. Y aves como’l tucán, el páxaru campana, el papagayu… Y ríos onde xugar.

L’idioma qu’ellí se fala ye’l guaraní, que val, como cualquier otru, pa contar histories. Tu y yo tenemos la suerte de ser trillingües y de poder falar asturianu, guaraní y español.

Cuando vayas a escuela, ayudarásme a meyorar el mio asturianu y yo voi aprendete pallabres guaranís. ¿Paezte bien? ¿A que nun sabes cómo se diz «ta tronando»?

—Osununú ¿Y «cuidáu»?

—Sháke

Nel Paraguay, pela nueche, cuando nun te venía’l sueñu, contábennos histories baxo les estrelles.

Equí les estrelles nun somos a veles por cuenta de toles lluces de la ciudá. Ellí averávase dacuando una lluciérnaga y lleu marchaba esnalando a baillar nel so maizal.

Les histories nun nos les contaben les güeles o los güelos, sinón otros neños poco mayores que nosotros. Y yeren siempre de pantasmes, d’ayalgues enterraes o del Pomberu, un trasgu grandón, peludu y gorrumbu que sal toles nueches pa llevar a los neños que se porten mal. Pero podíes facete amigu d’él si-y dexabes na ventana un cigarru, un frascu de ron y una taza de miel negro y tebio, con un cachín de quesu tienro.

El Pomberu metía unos chiflíos mui finos pela nueche y yera capaz de camudase n’utre. Pol chiflíu sabíase cuándo andaba cerca. Téngolu yo sentío munches veces pero nunca-y tuvi mieu. Yo yera un neñu bien bonu y amás, por si acasu, siempre-y dexaba un cigarru y del ron.

Los neños, como nun teníemos el sable de la playa, xugábamos en regatos d’agua tresparente, onde podíes ver l’arena blanco del fondu. Y como nun había parque tampoco, esguilábamos a los árboles y saltábamos de caña en caña, pañando les frutes más duces que teníen.

Delles veces topábamos con monos o con dalgún loru de picu mariellu. Col so cantu asonsañaben los soníos de la viesca y hasta los nomes de los neños que sabíen esguilar a los árboles más altos.

Tuvi tamién una mascota que, más que mascota, yera un amigu.

Nun yera perru, nin yera gatu, nin tortuga, nin hámster. Yera un xatu blancu, tan blancu que nun tenía una pinta en pelo. Llamába-y Roger y yera tan mansu que tolos neños lu queríen tocar y afalagalu.

Roger agolifaba dende lloñe a los neños revoltosos y entós sacudía la tiesta, como diciéndo-yos: nun vos ariméis a min.

Dalgunos neños facíen trastaes colos animales y maltratábenlos.

Sabíalo bien Roger y por eso namás qu’a los que yeren bonos los dexaba xubíse-y al llombu pa llevalos a dar una vuelta pel monte.

—¡Maoa, mua, ma! —llamábame él cuando me vía pasar.

Taba siempre llocu por saltar y saltar ente’l verde o por dir al ríu a bañase cola reciella.

—¿Sabes, Martín, fíu? Dalgún día vas dir a Paraguay a conocer esi mundu que yera’l mio mundu de neñu.

Mentanto, diré alcordándome de más histories que contate.

En Paraguay voi aprendete tamién a esguilar a los árboles más altos de la viesca, y a saltar ente les piedres del ríu pa garrar el pexe d’oru que vive nel fondu de los pielgos.

Cola ayuda de la Conseyería d’Educación y Cultura del Principáu d’Asturies © Impronta La Merced, 29-3.u 33201 Xixón © Testu: Cristian David López © Ilustraciones: Begmont ISBN 978-84-947759-7-0 DL AS 00968-2018 Impresión: Gráficas Rigel

Cristian David López

Cristian David López Begmont

El pá de Martín cuénta-y histories de cuando él yera neñu, allá nel Paraguay, formigueru, el puma, el tucán, el páxaru campana…

Conoz tamién toles pallabres guaraníes coles que nomen ellí a los animales, les coses y los xuegos, sabe esguilar a los árboles más altos de la viesca y saltar ente les piedres del ríu pa garrar el pexe d’oru que vive nel fondu de los pielgos.

Pallabres pa Martín

un país de ríos grandísimos y viesques onde viven l’armadillu, el cuati, l’osu

IBIC: YFU - YXA

ISBN 978-84-947759-7-0

9

788494

775970

IMPR ONTA