"Ensin orde nin conciertu"

12,00€

Carlos González Espina

Hai munches persones que son fanátiques del orde. Esi nun ye’l casu de la protagonista d’esti cuentu. Ella ye más de dexar a les coses tranquiles. Nun-y gusta apurales nin estresales y da-yos llibertá y espaciu pa qu’atopen el so sitiu natural elles soles.

Carlos González Espina

María Perera

IBIC: YFU - YXA

ISBN 978-84-947759-8-7

9

788494

775987

IMPR ONTA

Testu

Carlos González Espina Carlos González Espina Ilustraciones

Ilustraciones María Perera

María Díaz Perera

IM P R O N TA

IM P R O N TA

En mio casa son toos unos fanรกticos del orde.

Toos menos yo.

Yo soi mĂĄs de dexar les coses tranquiles.

Nun me gusta apurales nin estresales.

Doi-yos llibertå y espaciu pa qu’atopen el so sitiu natural elles soles.

Porque, a ver, ¿quién soi yo pa dici-y a naide ónde se tien que poner? ¿Con qué autoridá?

Seguro que si-y mando a la maestra sentase na siella o si-y digo al fruteru que se ponga pal otru llau del mostrador, nun-yos diba paecer bien.

Diríenme ellos, con razón: —¡Ah, neña, ¿vas saber tu meyor que yo ónde me tengo que poner?

A min tantu rixu col orde tampoco me paez nin medio bien.

Pa eso mio på y mio ma son tolo contrario: —Los tenedores pónense siempre a la manzorga y les cuyares y los cuchiellos a la mandrecha.

—Nel armariu, los platos fondos tienen que dir colos platos fondos, los llanos colos llanos, los vasos colos vasos, les taces tamién xuntes y los pocíos colos pocíos…

—El pan guárdase siempre na panera.

—La fruta nel fruteru, los güevos na güevera.

—El llápiz nel llapiceru.

—El paragües nel paragüeru.

—Les llaves en llaveru.

—L’abrigu, colgáu del percheru.

Tantu orde y tantu conciertu repĂşnenme bastante.

Ta bueno nun axuntar les fabes colos garbanzos, nin el sal col azucre‌

Non poner una chancleta nun pie y una catiusca nel otru.

Non meter la pastia de dientes en frigorĂ­ficu, nin les macetes en roperu.

Pero, en quitando los calcetos, ¿qué mal fai a naide que quede ún dientro de la bota y l’otru tiráu pel suelu? ¡Allá ellos!

Igual que lu hai pa les persones o pa les naciones, tenía qu’haber tamién un organismu internacional pa la defensa de los Derechos Universales de les Coses.

Ofrecíame yo mui guapamente pa presidilu.

Lo primero que diba facer yera publicar la Carta de los Derechos Fundamentales de les Coses. El primer puntu téngolu mui claru: «Toles coses tienen derechu a que les dexen en paz.»

Nel segundu puntu había dicise: «El sitiu de cada cosa decídelu ella mesma y naide nun tien derechu a decidir empara d’ella.»

Pero, pa mi idea, esta corriente de pensamientu nun tien siguidores bastantes.

Nin munchos nin pocos: naide fai casu de min.

En tolos llaos veo xente envizcada en nun dexar tranquiles a les coses.

Too ye iguar, ordenar, colocar, clasificar, empaquetar o apetiguĂąar coses y mĂĄs coses.

Igual voi contra corriente, pero sigo pensando que yera meyor dexar que les coses alcontraren elles soles el sitiu.

Tengo comprobao ademรกs que se-yos da mui bien.

Cuando marcho pal colexu a la carrera dexo munches veces el mio cuartu como una lleonera. Bueno, pues ye raru’l día que, en tornando pa casa, nun lo atopo too bien colocadino.

Rescampla asina que nun hai nada como dexar tranquiles a les coses.

Elles soles acaben sabiendo ónde ponese.

Esta ye la mio filosofía.

Cola ayuda de la Conseyería d’Educación y Cultura del Principáu d’Asturies © Impronta La Merced, 29-3.u 33201 Xixón © Testu: Carlos González Espina © Ilustraciones: María Díaz Perera ISBN 978-84-947759-8-7 DL AS 00969-2018 Impresión: Gráficas Rigel

Carlos González Espina

Hai munches persones que son fanátiques del orde. Esi nun ye’l casu de la protagonista d’esti cuentu. Ella ye más de dexar a les coses tranquiles. Nun-y gusta apurales nin estresales y da-yos llibertá y espaciu pa qu’atopen el so sitiu natural elles soles.

Carlos González Espina

María Perera

IBIC: YFU - YXA

ISBN 978-84-947759-8-7

9

788494

775987

IMPR ONTA