232 Ikastola Aldizkaria

ZUZENDARI GUZTIEN BILGUNEA. Aurten dagoeneko bi aldiz elkartu dira Euskal Herriko ikastoletako zuzendariak, Zumin Nazionalean.

ATZERRITAR JATORRIKO IKASLEEN ESKOLATZEA

Ongi etorriak!

IIragan ikasturte amaieran esan genuen, eta baita joan den urrian atzerritar jatorriko ikasleen eskolatzeari buruz egin genuen agerraldian: gaur egun jatorri horretako ikasleen eskolatzean dagoen desorekaren arrazoi nagusia izan da Eskolatze Batzordeek (Eusko Jaurlaritzako teknikariek osatutakoak dira) matrikulazio arazoak zituzten ikastetxeetara bideratzen zituztela. Aurtengo ikasturtean ikusi dugu Bizkaian eta Gipuzkoan jokabidea aldatu dutela, eta lurralde horietan ikasle horien eskolatzea modu orekatuagoan gertatzen ari dela, eta ikastoletara antzeman egin dela, iaz baino jatorri atzerritarreko ikasle gehiago, askoz gehiago, iritsi direlako.

Ongi etorriak! Hori eskatu genuen, eta bidea hori dela uste dugu. Ezin dezakegu gauza bera esan Arabako Lurralde Batzordeez, eta are gutxiago Gasteizen gertatzen ari denaz, aurreko urteetan bezala, ia ikasle gehienak ikastetxe publikoetara, jakin batzuetara, bideratu dituztelako. Gero eta urgentzia handiagoa du, beraz, batzorde horietan edota batzorde horien lana kontrolatzeko berme batzorde batean hezkuntza eragile guztiok egoteak, hartara, ikasle horiek modu orekatuan bideratuko liratekeelako eta eskola segregazioari ateak itxiko litzaizkiokeelako.

03

08

J

OAN DEN IKASTURTEAN ATZERRITAR JA TORRIKO 250 IKASLE INGURU IRITSI ZIREN MATRIKULAZIO GARAIZ KANPO IKASTO LETARA. Aurten, azaroaren amaierarako dagoeneko bostehun ziren, eta urtarril amaierarako seiehun. Proiekzio horrek jarraituz gero, ikasturtea amaitzerakoan 800-900 ikasle berri izango dira, iaz baino %300 gehiago.

Datuok Ikastolen Elkarteak eman zituen iragan otsailaren 7an egindako prentsaurrekoan. Hain zuzen ere iragan urrian ikastolek gai honen inguruan aurkeztutako proposamenaren ondotik egindako lehen agerraldia izan zen, eta hain justu, agerraldi hartatik hona ikastolek beren plana ezagutarazteko egin dituzten urratsak jakitera emateko eta atzerritar jatorriko ikasleen eskolatzen datuen lehen balantzea egiteko deitu zuten prentsa.

•

ERREPORTAJEA

ATZERRITAR JATORRIKO IKASLEEN ESKOLATZEA Irizpide aldaketa eskolatze batzordeetan.

IKASTOLEN JARDUNALDI PEDAGOGIKOAK

Hezkuntzan elkar eragin beharra, denon arrakasta bilatzeko.

10

ZUMIN NAZIONALA

11

ELKARMAKER EGITASMOA

Maketak eginda, prototipoak lantzen.

12 IKADIG EGITASMOA Teknologia digitalak integratu eta modu eraginkorrean erabiltzeko marko berria diseinatzen hasi dira ikastolak.

16

IKASTOLEN LAN AKORDIOA

18

MAHAI INGURUA

19

UDAKO AISIALDI ESKAINTZA

22

IKASTOLAK BANAKA

Hezkuntzaren erronkak aztergai, Ibilaldiaren baitan.

2019

aldizkaria.ikastola.eus @ikastola_aldizk IKASTOLA 232 / 2019ko OTSAILA EUSKAL HERRIKO KASTOLAK

IKASTOLA 232

Akordiorik onena hitzartu dutela uste dute ikastolek.

Datuok ikusita, ikastolek hiru ondorio nagusi atera dituzte: — Azarorako iazko ikasturte osoan baino atzerritar jatorriko ikasle gehiago bideratu dituzte Eskolatze Batzordeek. Horrek esan nahi du ikasturte amaierarako

Otsailaren 7an aurtengo datuak plazaratu zituen Ikastolen Elkarteak

“Datuok eskuartean, gure ikastoletako argazkia aldatzen ari dela ikusten dugu, eta poztu egiten gaitu, oraindik legozkigukeen kopuruetara iritsi ez garen arren, aurten salto garrantzitsu bat ematera goazelako, gure ikastolak gure gizartearen aniztasunaren isla izan daitezen nahi dugulako”, adierazi zuen Ikastolen Elkarteko lehendakari Koldo Tellituk, agerraldian. Datu orokor zenbait ere eman zituen. Hala, azaroaren amaierako datuen arabera, Eskolatze Batzordeek 4.500 ikasle eskolatu zituzten, iazko ikasturte osoan 4.300 inguru izan ziren. Lurraldeka, berriz, Bizkaian eta Gipuzkoan itunpeko sarera, hurrenez hurren, ikasle horien %36 eta %32 inguru igorri zituzten bitartean, Araban %10 inguru igorri zituzten.

Jokabide aldaketa eskolatze batzordeetan > Ikastolak iaz baino atzerritar jatorriko ikasle gehiago, askoz gehiago, jasotzen ari dira aurten Atzerritar jatorriko ikasleen eskolatzea orekatuagoa izaten ari da aurtengo ikasturtean, ikastoletan bildu ditugun datuen arabera. Joan den ikasturtean Ikastolen Elkarteak salatu zuen jatorri horretako ikasleen banaketaren desoreka larria Eskolatze Batzordeek haiek eskolatzeko erabiltzen dituzten irizpideengatik zela nagusiki. Aurten, irizpide aldaketa nabaria da, oraindik desorekak dauden herri eta eskualdea egon badauden arren.

askoz gehiago izan daitezkeela, eta heldu den ikasturterako oraindik gehiago espero direla. “Herri ikuspegitik, denok azterketa sakona egitera behartzen gaitu honek, herri kohesionatu bat eraiki nahi badugu politika espezifikoak egitera eraman behar gaitu”, adierazi zuten ikastoletako ordezkariek.

— Eskolatze Batzordeen jokabidea aldatzen ari dela ikusi dute ikastolek, eta aurreko urteetan ez bezala, gaur egun

Gipuzkoan eta Bizkaian Eskolatze Batzordeek atzerritar jatorriko ikasleen banaketa orekatuagoa egiten ari diren arren, Araban, eta bereziki Gasteizen, oraindik desoreka handia dago.

ikasle gehiago bideratzen ari dira itunpeko sarera, nahiz eta oraindik desoreka egon badagoen.

— Arabako egoera oso bestelakoa da. Eskolatze Batzordeek ikasleen %91 sare publikora bideratu dituzte, eta horietatik gehienak oso ikastetxe gutxi batzuetara.

“Zergatik? Guk ez daukagu erantzunik, bakoitzak atera ditzala ondorioak”, esan dute Ikastolen Elkarteko ordezkariek. “Guk ere galdera ikur asko ditugu. Gasteizen, adibi-

3

ATZERRITAR JATORRIKO IKASLEEN ESKOLATZEA

aldizkaria.ikastola.eus @ikastola_aldizk •

bada eta batzorde hori hilero biltzen bada, uste dugu zenbait herri edo eskualdetan ikasleen banaketan gerta daitezkeen desorekak konpontzeko aukera izango duela”.

I KASTOLETAN, ZER?

Atzerritar jatorriko gero eta ikasle gehiago jasotzen ari direla ikusita, orain ikastolen erronka da, alde batetik, ikastoletara heldu diren eta heltzen ari diren ikasle horiei erantzun egokia ematea, eta, bestetik, haiek hurrengo ikasturteetan ere ikastoletan geratzea. Horretarako, bi lanketa egiten ari dira: lehena harrera eta hizkuntza planak garatzea da; eta bigarrena, beka sistema propio bat eratzea. dez, azaroaren 30eko datuen arabera, zergatik bideratu dituzte bi ikasle soilik Armentia ikastolara? Zergatik, berriz, 408 ikasle sare publikora? Zergatik lau ikastetxe publikotara 230 ikasle bideratu dituzte, eta horietako batek, irizpiderik aldatzen ez bada, ikasturte amaierarako ehun ikasle edo gehiago jasoko ditu? Zergatik izan da posible irizpide aldaketa beste lurralde batzuetan, eta Gasteizen ez?”.

Eskolatze Batzordeak Eusko Jaurlaritzako Hezkuntza Saileko teknikariek osatzen dituzte, eta beraiek erabakitzen dute matrikulazio garaitik kanpo heldutako ikasleak zein ikastetxetan eskolatu. Azken urteetan ikasle horiek matrikulazio arazoak zituzten ikastetxeetara bideratu dituzte nagusiki, eta irizpide hori dela-eta ikastoletara oso ikasle gutxi bideratu dituzte. Aurten, irizpide aldaketa eman da, ikastolei dagokienean.

“Askok ez zioten neurri honi, Eskolatze Batzordeek irizpideak aldatzeari, behar zuen garrantzia eman, baina datuak oso zehatzak dira, aldaketa sakona ematen ari da eguneroko argazkian, eta bidea hori dela uste dugu”, azaldu zuen Koldo Tellituk.

Bestalde, behin baino gehiagotan leporatu diete ikastolei gelak betetzen dituztela atzerriko jatorria duten ikasleak ez onartzeko. “Datuek berriro ere ezeztatu egiten dute baieztapen hori”, esan zuen Tellituk, “gure sarean garaiz kanpo matrikulatutako 4

ikasle kopururik handiena ikasturte hasieratik gelak beteta zituen ikastola batek jaso baitu; Bilbokoa da, eta 40 ikasle jaso ditu, eta tokia egin die, gainerako ikastetxe guztiak bezala behartuta dagoelako jasotzera, eta jaso egin nahi dituelako”.

Eskolatze Batzordeetan hezkuntza eragileen parte-hartzea eskatu zuen Ikastolen Elkarteak duela lau hilabete egindako proposamenean. Orain, irizpide aldaketa hau nagusitzen ari dela ikusita, helburuari eutsiz proposamena berregin dute: “Eusko Jaurlaritzak Berme Batzorde bat osatzea aurreikusi du; espero dugu bere asmoa izango dela hezkuntza eragile guztien parte hartzearekin martxan jartzea. Hala

Joan den ikasturtean atzerritar jatorriko 250 ikasle inguru iritsi ziren matrikulazio garaiz kanpo ikastoletara.

Aurten, azaroaren amaierarako dagoeneko bostehun ziren, eta urtarril amaierarako seiehun. Proiekzio horrek jarraituz gero, ikasturtea amaitzerakoan 800-900 ikasle berri izango dira.

“Duela urte batzuk garatu genituen gure ikastoletako harrera planak. Plan horiek, ordea, beste testuinguru batean garatu genituen eta horiek errealitate berrira doitzeko lanetan ari gara”, azaldu zuten. “Garbi izan behar dugu epez kanpo matrikulatzen diren ikasleen gelaratzeko prozesuak zein urrats eskatzen dituen, eta horiek horrela betetzen direla ziurtatzea dagokigu. Horretarako birlantzen ari garen Harrera Plan Integralak bost ardatz ditu: Ikaslearen hasierako harrera, aurre-ebaluazio integrala, kokapena eta hizkuntza trataera, familiarekin harremanak eta, bukatzeko, eskolatze prozesuaren ebaluazioa. Hauen artean kezka berezia hizkuntzen trataerarekin dugu”.

Honekin guztiarekin batera ikasle guztiekin inklusibitatea lantzeko unitate didaktiko bat egiten ari da Ikastolen Elkartea, material guztiari zabaldu nahi diotena.

“Era honetara, aniztasuna lantzeko behar den tresna izango dugu”.

Ekonomia alorrean, behar ekonomiko berezia duten ikasle guztientzako beka proiektu bat garatzen ari dira “ikastola guzti eta bakoitzarentzat” erreferentzia izan dadin.

“Urrian esan genuen bezala, ikastola gehienek dituzte euren beka sistemak, berariazkoak edo gordeagoak, baina uste dugu beharrezkoa dela talde koherentzia ematea sistema horiei guztiei, eta zenbait kasutan garai berriotara egokitzea, premia duten familientzako ezagunago egitea, arinagoak, eskuragarriagoak… hori bai, betiko izpirituari eutsiz, hau IKASTOLA 232

da, kuotak ordaintzerik ez duten familiek ikastoletan jarraituko dute gainerakoen elkartasunari esker”, azaldu zuten.

Udalen harrera planak ere aintzat hartzen ari dira ikastolak. “Zenbait udaletako harrera planak aztertu ditugu, Bermeokoa bereziki, eta gero eta argiago daukagu, herrietatik, batez ere herri txiki eta ertainetatik, ikasle hauen harrera integral eta orekaturako ekimen eredugarriak atera daitezkeela. Horregatik, udalerri guztiei dei egiten diegu bide horretan jarrita dauden udalen urratsei jarrai diezaieten, behar beharrezkoa delako guztien inplikazioa”.

Azkenik, herri apustu honek ildo zuzenetik pausoak aurrera emateko neurriez eta hezkuntza eragileen eta erakundeetako ordezkarien konpromisoaz gain, baliabide ekonomiko handiagoak behar ditu hezkuntza sistema osoarentzako, Ikastolen Elkarteak azpimarratu zuenez. “Eusko Jaurlaritzako Hezkuntza Sailak atzerritar jatorriko ikasleen eskolatzearen gaineko diagnostikoa eta gaiari heltzeko neurri berriak aurkeztu zituenean, adierazi genuen proposamen hartan biltzen ziren neurri guztiak aurrera ateratzeko baliabide ekonomiko gehiago behar zirela. Gaur berretsi egiten dugu hori, are gehiago ikasturte honetan ikusten ari garenean (eta dirudienez hurrengoan ere hala gertatuko da) atzerritar jatorriko ikasleen kopurua esponentzialki hazten ari dela”.

Atzerritar jatorriko gero eta ikasle gehiago jasotzen ari direla ikusita, ikastoletan bi lanketa egiten ari dira: lehena harrera eta hizkuntza planak garatzea da; eta bigarrena, beka sistema propio bat eratzea. letako ordezkariak. “Hilabete hauetan buru belarri aritu gara gai honekin. Alde batetik gure proposamena aurkezten aritu gara eragile ezberdinei (alderdiak, sindikatuak, udaletxeak, Eusko Legebiltzarra, Hezkuntza Saila, hedabideak …). Oraindik ez dugu amaitu aurkezpen fase hau, eta sindikatu eta eragile gehiagorekin biltzea aurreikusten dugu, etorkinen elkarteak barne. Esan dezakegu, orokorrean, gure

proposamena ezagutarazi dugula gizartean. Eta aurkezpen guztietan adierazi dugu gurea proposamen bat dela, ez dela errezeta hutsezin bat, apaltasunetik egindako ekarpen bat dela eta irekita gaudela besteren batek egindako proposamenak aztertzeko”, azaldu zuen Ikastolen Elkarteko lehendakariorde Nekane Artolak.

Hitzaldiak ere ematen hasi dira. Otsailaren 4ean, esaterako, Oiartzunen izan ziren, Haurtzaro ikastolak eskatuta. Tellituk azaldu duenez, oso esperientzia aberasgarria izan da Haurtzaro ikastolarekin proposamen hau partekatzea, eta zalantza ugari argitzeko lagungarri izan dela uste du. Era berean, irekia dago beste ikastola batzuetara ere joateko, proposamena aurkeztera.•

P ROPOSAMENA EZAGUTARAZTEN

Proposamena aurkeztu eta lau hilabeteotan hura ezagutarazten aritu dira ikasto-

Bermeoko Udalaren harrera plana lehen eskutik aztertu zuten ikastolen ordezkariek.

ESCOLARIZACIÓN DEL ALUMNADO INMIGRANTE En todo el curso pasado el número de alumnado de origen extranjero que llegó a las ikastolas desde las comisiones de escolarización ascendió a 250; en este curso, y a día de hoy podemos afirmar que ya es superior a 600. Si continúa esta progresión, en este curso, rondaría en torno a 900 el alumnado de origen extranjero que llegaría a nuestras ikastolas, un %300 superior al del curso anterior. Viendo estos datos, comprobamos con alegría que está cambiando el paisaje de nuestras ikastolas, y que aún y cuando todavía no hemos llegado a las cifras que por nuestro peso nos corresponderían, este curso vamos a dar un salto importante para que nuestras ikastolas sean reflejo de la diversidad de nuestra sociedad, que es uno de nuestros objetivos principales. De todas formas existe aún una descompensación en Araba, donde las comisiones han escolarizado al 90% del este alumnado en unos contados centros públicos.

SCOLARISATION DES ÉLÈVES MIGRANTS L'année dernière, le nombre d'élèves d'origine étrangère scolarisés en ikastola via les commissions scolarisation s'élevait à 250. Pour cette année, nous pouvons dores et déjà affirmer qu'il dépasse les 600. Si cette progression se poursuit, la fin de l'année pourrait voir un chiffre avoisinnant les 900 élèves, soit une hausse de 300% par rapport à l'an dernier. Cette donnée participe au changement du paysage de nos ikastola, reflétant plus encore la diversité de notre société, ce qui demeure un objectif majeur pour nous, ikastola. Mais on observe encore un déséquilibre en Araba où les commissions ont scolarisé 90% de ces elèves dans un nombre limité d'établissements publics.

5

PUBLIERREPORTAJEA

Informazio gehiago: http://bit.ly/elkar-lehiaketa

11. ELKAR ILUSTRAZIO ETA IPUIN LEHIAKETAK BUELTAN DA elkar Ilustrazio eta Ipuin Lehiaketa! Hamarkadaren muga gainditu ondoren, aurten berriro ere parte hartzeko deialdia zabaldu berri da. Urtero bezala, hiru dira haur eta gazteek egin beharko dituzten ariketak. Txikienek, enpatiaren gaia jorratzen duen Jon Martinek idatzitako ‘Lepaluzearen bihotza’ ipuina irakurri eta ilustrazio bihurtu beharko dute. Koxkorragoek ariketa bera alderantziz egin beharko dute, Alex Machoren ilustraziotik ipuina sortu behar dute, gehienez orrialde bakarreko luzaera izan behar duen ipuina. Amaitzeko, berriz, gaztetxoek komiki ala bineta bat egin beharko dute: emakumeek historian zehar kulturan izan duten garrantzia adieraziko lukeen komiki ala bineta.

Lehiaketaren oinarriak www.elkar.eus web orrian kontsultatu litezke eta apirilaren 12ra arte zabalik izango da lanak bidaltzeko epea.

Urtero bezala, sari zoragarriak izango dira bai parte hartzaileentzat eta baita eskolentzat ere. Jolas hezitzaileak, tabletak eta opari txartelak haurrentzat eta eskolentzat berriz, Basque Culinary Center-era txangoak edo Irrien Lagunen ikuskizuna.

Zeren zain zaute? Ez galdu aukera eta parte hartu 11. elkar Ilustrazio eta Ipuin Lehiaketan!

IKASTOLEN JARDUNALDI PEDAGOGIKOAK aldizkaria.ikastola.eus @ikastola_aldizk

Hezkuntzan

elkar eragin beharra, denon arrakasta bilatzeko > martxoaren 29an eta apirilaren 5ean Ikastolen iazko Jardunaldi Pedagogikoen 25. ekitaldian egindako “loraldatzeak” aurtengoen lorea ekarri digu. Bat gehiago eta hogeita bosti gehituta, hogeita seigarrena: 25+1=26JP. Nondik gatozen ahaztu gabe, erronka berriei begira jarrita datoz aurtengo jardunaldiak.

AURRERA BEGIRA HORRETAN, BI ASPEKTU ELKARTU NAHI DIRA: ERAGINA ETA ARRAKASTA. ELKARREKIN DO AZELAKO EZINBESTEAN. “HEZKUNTZAN ELKAR ERAGI TEN” LELOTZAT HARTUTA, NORBERAREN, BESTEAREN ETA GUZTION ARRAKASTA BILATU NAHI DA. Arrakasta, lorpen ikuspegitik eta progresio bat bezala ulertuta, eta, bide horretan, elkar eraginak duen garrantzia azpimarratuta.

Erronka berrietan arrakasta izateko, hobetzeko, berritzeko, eraldatzeko… aurrera begiratzeko pedagogia 3.0ren bidetik.

Testuinguru horretan datoz aurtengo jardunaldiak. Bi ostiraletan zehar, gelaren kudeaketa arrakastatsua eta norberaren eta bestearen arrakastaren garapenaren arteko loturak izango ditugu hizpide.

Martxoaren 29ko jarduna Bilboko Bizkaia aretoan izango da, eta gelako kudeaketan zentratuko da. Bost puntu nagusi izango ditu lanketarako: 8

Hezkuntzan elkar eragiten Arrakastaren kudeaketa

1. Gelaren kudeaketa: nola errealitate bilakatu guztien ekarpena, bakoitzaren eta guztien ikas-arrakastaren (progresioaren) zerbitzura.

2. Pedagogia 3.0-k zer ekarpen egiten dion Ikasteetan hobekuntzari.

3. Gelaren kudeaketa emankorrerako irakaslearentzat (irakasleentzat) kontseiluak eta egikera zehatzen azalpenak.

4. Nola aurre egin gelaren kudeaketan agertzen diren hiru zailtasun nagusiei.

5. Irakasleek egiten duten feedback-a (akonpainamendua) nola burutu arrakastaz (efikaziaz) ikasleen praktikara.

P EDAGOGIA 3.0

Horretarako, Stéphane Côtè pedagogia 3.0-n irakasle, ikertzaile eta aditu quebectarra izango dugu gure artean. Bere ekarpenetatik garatuko dira jardunaldiotan gelako kudeaketaren IKASTOLA 232

Apirilaren 29ko jardunaldian StÊphane CòtÊ irakasle, ikertzaile eta aditu quebectarrak pedagogia 3.0-ren ekarpenak azalduko ditu.

David Duran izango dugu hizlari eta gogoetan bidelagun. Hasteko, ikaste kooperatiboak onurak soilik laguntza jasotzen dutenei ekartzen dizkiela eta ez laguntza ematen dutenei kontsideratzen duen ikuspegi okerra gainditzeko ebidentzia zientifikoen errebisioa egingo du. Azken finean, guztion progresiorako eta onurarako berdinen arteko ikasleen ikastea geletan nola indartu sakon pentsatzen jardungo dugu, berdinen artean hezkuntzan elkarERAGITEN jardunaldietako leloaren erritmoan gure ikastea eta espertotasuna indartuz eta sendotuz.

garapen arrakastatsuari lotutako jakite, egiten jakite eta izaten jakiteak.

Martxoaren 29ari dagokion jardunaldietako ekitaldiei osaera emateko, geure arteko ikastolen berri jasoko dugu: gelaren kudeaketaren hobetze lanetan burututako esperientzia biren berri emango digute, elkarrekin osatutako lan bat partekatuz.

Bigarren ostirala, apirilaren 5ekoa, bestearen eta norberaren arrakastan nola eragin sakontzen jarraitzeko erabiliko dugu.

Horretarako, gaur egungo ikuspegiek aholkatzen duten eran, kognitiboaren eta afektiboaren artean bereizketak egitea alboratuz.

Bigarren zatian, jardun praktikoa ildo beretik burutuko dugu, ikasleek elkarri lagunduz nola sakonago ikasten duten adibide praktiko zehatzak ezagutuz eta partekatuz.

Guztia, bestearen eta norberaren arrakasta ardatz hartuta eta horretara elkar eraginaren garrantzian azpimarra jarriz. Norberaren arrakastaren esparru honek trataera berezi bat ere izango du tarte honetan.

Egunaren azken zatian ikastolak izango ditugu protagonista.

Bi esperientzia ezberdin plazaratuko dira egunean ikusitako elkar-eraginaren isla. Bestearen eta norberaren arrakasta eraginaren eredu.

Azkenik, bi egunen laburpenak eta jardunaldien itxierak aurtengo jardunaren amaiera ekarriko du.• 9

ZUMIN NAZIONALA

aldizkaria.ikastola.eus @ikastola_aldizk

Ikastola guztietako zuzendariak, elkarrekin, elkarlanean >

Elkarrekin, hezkuntza eraldatzen. Ez da lelo soil bat. Aitzitik, gero eta nabariagoa den errealitatetik sortu den leloa da. Ikastoletan ematen ari den hezkuntza eraldaketa ez da ikastola bakan batzuetan gauzatzen ari; erritmoak ez dira berdinak izango, baina guztietan ari da eraldaketa garatzen. Horren seinaleetako bat Ikastolen Zuzendarien Mintegi Nazionalak hartu duen indarra.

I

KASTOLEN ELKARTEKO ARTEZKARITZA KONTSEILUAN LURRALDE GUZTIETAKO ORDEZKARIAK BILTZEN DIRA; zuzendaritza taldean ere lurralde guztietako arduradunek hartzen dute parte. Zuzendarien Mintegi Nazionala, berriz, Euskal Herriko ikastoletako zuzendariak elkartzeko gunea da. Ikastola guztiei eragiten dieten gai nagusiak, pedagogikoak, estrategikoak eta kudeaketakoak, elkarrekin jorratu, errealitate desberdinak bizi dituzten ikastolen arteko ezagutza sendotu

eta harremanetarako eta elkarlanerako sareak estutzeko sortu zen Zuzendarien Mintegi Nazionala.

Ez da zuzendarien biltoki bakarra.

Kasik hilero elkartzen dira ikastoletako zuzendariak, baina ez lurralde guztietakoak. Zuzendarien mintegia dute Araba, Bizkai eta Gipuzkoakoek, zuzendarien bilerak dituzte Nafarroakoek, eta baita Seaskakoek ere. Zuzendarien Mintegi Nazionala, berriz, epe eta maiztasun jakinik gabe biltzen da, esku artean dituzten gaien arabera. Aur-

Ikastolen Digitalizazio Egitasmoaren gaineko azterketa eta egin den inkestaren emaitzak, ikastolen mugimenduaren komunikazio ildoen azterketa, Lehen Hezkuntzako egitasmoaren ikuspegiaren azalpenak ‌ izan ziren zuzendarien mintegian jorratutako gaietako batzuk

tengo ikasturtean, ordea,dagoeneko bi aldiz elkartu dira, biak Altsasun, ikastola guztiei eragiten dieten gaiak ere gero eta gehiago direlako, eta elkar ezagutzatik elkar eragiteko esparruak ere zabaltzen ari direlako.

Aurtengo ikasturtean bi aldiz elkartu dira Euskal Herriko ikastoletako zuzendariak. Urriaren 19an izan zen lehenbiziko mintegi nazionala, eta iragan urtarrilaren 25ean bildu ziren azkenekoz. Azken mintegiaren hasieran Ikastolen Elkarteko zuzendari nagusi Jose Luis Sukiak azpimarratu zuen bezala, gero eta gai gehiago dituzte ikastolek nazio mailan jorratzeko, eta horrek Zuzendarien Mintegi Nazional gehiago egitera bultzatu dituzte.

Ikastolen Digitalizazio Egitasmoaren gaineko azterketa eta egin den inkestaren emaitzak, ikastolen mugimenduaren komunikazio ildoen azterketa, Lehen Hezkuntzako egitasmoaren ikuspegiaren azalpenak ‌ izan ziren zuzendarien mintegian jorratutako gaietako batzuk.

Aurkezpenak izan ziren batzuk, taldean lanketa egiteko gaiak izan ziren beste batzuk, eta ikastola eta errealitate desberdinetatik etorritako zuzendariek euren iritziak partekatu zituzten eta aurkeztutako proposamenen gainean ekarpenak egin zituzten.•

Gaiak aurkeztu eta ondoren taldeka landu zituzten zuzendariek, Altsasun, iragan urtarrilaren 25ean.

10

IKASTOLA 232

ELKARMAKER EGITASMOA

Maketak eginda, prototipoak lantzen >

TXANKLETA BAT ETA LABE BAT, BAINA EZ NOLANAHIKOAK. Ur gainen ibiltzeko oinetako gurpildun bat da Arin Arin txankleta, eta mugitu daitekeen labe bat da Ornade labea. Haurtzaro ikastolako LH3ko ikasleek irailean landutako egitasmoak, maketetara eraman dituzte DBH3ko ikasleek, eta Mondragon Unibertsitateko Ingeniaritzako ikasleen esku utzi dute horietako bat, Arin Arin txankleta, prototipo bat egin dezaten.

Guztia, Elkarmaker proiektuaren baitan kokatzen da. Eta ez da Oiartzungoa egitasmoan sartuta dagoen ikastola bakarra. Azpeitiko Ikasberri Ikastola, Elorrioko Txintxirri, Orioko Herri Ikastola, Durangoko Kurutziaga, Santurtziko Bihotz Gaztea eta Altsa-

EROSKI ARRASATE Musakola auzoa / 20500 ARRASATE-MONDRAGON

943 711 030

suko IĂąigo Aritza dira Elkarmaker egitasmoan parte hartzen ari diren ikastolak.

Ekimen honen sustatzaileak Ikastolen Elkartea, Mondragon Goi Eskola Politeknikoa eta Gipuzkoako Foru Aldundia dira. Ekimenaren ardatza heziketa maila ezberdinen arteko (LH, DBH eta Ingeniaritza) elkarlana da, izaera teknologikoko proiektuen esparruan. Elkarmaker-ek STEM arloetan (ingeleseko siglak dira Zientziak, Teknologia, Ingeniaritza eta Matematika adierazteko) izaera ekintzaileko jarrerak indartzea du helburu.Ikastola guztietan egin dituzte maketak, eta orain Ingeniaritza ikasleen egitekoa da maketa horiek prototipo bihurtzea. •

EROSKI GARBERA / Garbera Merkatal zentroa Altza auzoa / 20015 DONOSTIA

943 394 875

11

IKADIG EGITASMOA

aldizkaria.ikastola.eus @ikastola_aldizk

Teknologia digitalak integratu eta modu eraginkorrean erabiltzeko marko berria diseinatzen hasi dira ikastolak >

Ikastolen eskaeretatik abiatuta eta gaiaren inguruan administrazio desberdinetatik (tokikoak zein estatu edo europar mailakoak) ezarritako zuzentarau eta norabideak kontuan izanik, Ikastolen Elkarteak Ikastola bakoitzari, bere Hezkuntza Proiektuarekin bat datorren eta bere kudeaketan lagunduko dion digitalizazio plan propioa egiten laguntzeko IkaDig (Ikastolen Digitalizazioa) egitasmoa abiarazi du. Urrian aurkeztu zuten egitasmoa, eta lehen urratsak egin dira.

IKASTOLEN DIGITALIZAZIOA LEHENďšş TASUNEN ARTEAN KOKATU DU IKASďšş TOLEN ELKARTEAK. Horregatik, ikasturte honetan ikastolen digitalizazioa Hezkuntza egitasmoetako lan ildo nagusien artean kokatzea erabaki zuen eta beronen arduraduna Josune Gereka izendatu zuen. Ikastolen Elkarteko IKT taldekide guztiak dira egitasmoaren partaide, dagozkien ardurekin. Ikastolentzat, hezkuntza-erakundea diren heinean, beren konpetentzia digitala garatzen laguntzeko eta teknologia digitalak integratu eta modu eraginkorrean erabiltzeko markoa diseinatzea da IkaDig egitasmoaren xedea, eta markoaren definizioan, hasieratik, ikastolekin lan egingo da eta beren beharretara egokituko da.

12

IkaDig egitasmoa aurkezten, Altsasun egin zen Zumin Nazionalean.

IKASTOLA 232

Ikastolen Elkartearen helburua da ikastolen Digitalizazio Marko berria Euskal Herriko ikastola guztietara hedatzea. Horregatik, egitasmoa aurkezteko Zuzendarien Mintegi Nazionala egin zen iragan urriaren 19an. Bertan, ikastola guztietako zuzendariez gain, ikastoletako IKT dinamizatzaileek ere parte hartu zuten. Altsasun batzartu ziren diagnostikorako eta markoaren edukiak zehazteko lan saioan.

Azken urteetan ikasmaterialen digitalizazio prozesuan eta hainbat aplikazioren garapenean jarri ditu indarrak Ikastolen Elkarteak. Bide horretan hainbat lan egin da eta dagoeneko ikasleen konpetentzia digitala garatzeko jarduerak txertatu dira EKI materialetan eta ikastoletako geletan erabiltzen ari dira. Emaitza dagoeneko ikastoletako geletan ikusten bada ere, bidea ez da laburra izan, aurretik, besteak beste, eta Euskal Curriculumaren bitartez proposatutako hezkuntza eredu berriaren baitan, ikasleen konpetentzia digitalerako markoa sortu eta beronen garapen sekuentziatua diseinatu baitziren.

Lau dimentsio hartuko ditu egitasmoak: dimentsio pedagogikoa, teknologikoa, prestakuntzarena eta antolaketa/ kudeaketarena.

Alor pedagogikoko gaiez gain, ikastolekin beste egoera batzuk ere landu dira: heldutasun teknologikoa eta hobekuntzaren inguruko lanketa, dispositibo egokien aukeraketa eta erosketa bateratua, azpiegituren azterketa eta aholkularitza‌ Horri esker zerbitzua eman zaie behar horiek zituzten eta laguntza eskatu zuten ikastolei.

Horrekin batera, ikastolek beste behar batzuk ere badituztela adierazi zuten, eta horien artean lehentasun gisa zegoen digitalizazio markoa berritzea.

L AU DIME NTSIO

Plano horiek guztiak aintzat hartuz eta ikastoletako eskakizunei erantzunez jarri da martxan IkaDig egitasmoa. Lau dimentsio hartuko ditu egitasmoak: dimentsio

pedagogikoa, teknologikoa, prestakuntzarena eta antolaketa/kudeaketarena.

Ikastolen artean egoera desberdin ugari dago alor honetan, baina guztiei erantzun nahi zaie. Horregatik, egingo den markoa moldagarria izango da, ikastola bakoitzaren Hezkuntza Proiektuarekin bat datorrena eta martxan dituen egitasmoetan ongi integratuko dena. Lehenbizi, ordea, ikastola bakoitza zein puntutan dagoen jakin nahi da, eta horretarako hainbat inkesta zabal bat egiten ari dira hilabeteotan. Lehenbizikoa alor pedagogikoari zegokiona izan zen, eta iragan urtarrilean egin zen Zuzendari Mintegi Nazionalean aurkeztu ziren emaitzak. Bigarren inkesta ireki dute orain, alor teknologikoan ikastolek darabilten hardware eta softwareak ezagutzeko, alegia zein dispositibo eta programa edo aplikazio erabiltzen dituzten jakin nahi da.

IKASTOLA BAKOITZARENTZAT MOLDAGARRIA

Markoan jasotzen dena ikastola bakoitzarentzat moldagarria izateaz gainera, Europar Batasunak konpetentzia digitalaren inguruan argitaratu duen markoa aintzat hartuko du, eta horrekin batera, 13

IKADIG EGITASMOA

Ikastolen artean egoera desberdin ugari dago alor honetan, baina guztiei erantzun nahi zaie.

Horregatik, egingo den markoa moldagarria izango da, ikastola bakoitzaren Hezkuntza Proiektuarekin bat datorrena eta martxan dituen egitasmoetan ongi integratuko dena.

IkaDig EGITASMOA ZER HELBURU DAUKA? Ikastolentzat, hezkuntza-erakundea diren heinean, beren konpetentzia digitala garatzen laguntzeko eta teknologia digitalak integratu eta modu eraginkorrean erabiltzeko markoa diseinatzea.

NOLA EGINGO DA? kontuan izango dira: ikastola bakoitzaren beharrak eta egoera,ingurune hurbilean (Hezkuntza Sailan, Nafarroako Gobernuan) nahiz estatuetan eta Europan plazaratutako egitasmo eta marko desberdinak.

ZERTARAKO EGINGO DA? Ikastola bakoitzari, bere Hezkuntza Proiektuarekin bat datorren eta bere kudeaketan lagunduko dion digitalizazio plan propioa egiten laguntzeko eta Ikastolen Elkarteari begira, bere plan estrategikoan eta urtez urteko planean, ikastolen digitalizazioan laguntzeko zein jarduera eta garapen egin behar dituen zehazten laguntzeko.

ZEIN EPETAN EGINGO DA? Urrian aurkeztu zen egitasmoa eta ikasturte amaierarako osatu nahi da marko adostua. Eta horretatik abiatuta, marko horren baitan ikastola bakoitzak 2019-20rako bere digitalizazio plana diseinatzeko aukera izango du, Ikastolen elkarteak bere IKT egitasmoen doikuntza bideratuko du eta 2019-20 ikasturterako lan plangintzaren abiapuntua izango da.•

Josune Gereka, IkaDig egitasmoaren arduraduna, eta Zigor Ibarzabal, Ikastolen Elkarteko Hezkuntza arduraduna.

Eusko Jaurlaritzaren heldutasun teknologikoaren edota Nafarroako Gobernuaren digitalizazioaren inguruko planak integratzeko balioko du.

Prestakuntzaren atalari ere garrantzia emango dio egitasmoak, eta horretarako, IKT mintegia izateaz gain, IkaDig Egitasmorako Elkargunea ere sortu da gaiaren inguruko ikastaroak, dokumentazioa eta foroa edukitzeko, eta digitalizazio gaiari dagokionez ikastola desberdinen arteko esperientziak trukatzeko eta sarea sendotzeko.

Urratsez urrats joango dira digitalizazio markoa egiten, eta aldioro ikastolekin kontrastatuko da foro desberdinetan (IKT mintegia, zuzendarien mintegia, administrariena‌). Marko adostua ikasturte amaierarako osatu nahi da. Hartara, ikastolek aukera izango dute hurrengo ikasturterako beren digitalizazio planak diseinatzeko eta Ikastolen elkarteak bere IKT egitasmoen doikuntza bideratzeko.• 14

IKASTOLA 232

ELKARTASUN IKASTOLAK IKASTOLEN LAN AKORDIOA

aldizkaria.ikastola.eus @ikastola_aldizk

Akordiorik onena hitzartu dutela uste dute ikastolek >

Abendu hasieran sinatu zuten Ikastolek eta gehiengo sindikalak (LAB) Araba, Bizkai eta Gipuzkoako Ikastoletarako Lan Akordioa, zeinaren bitartez hobekuntza esanguratsuak lortu diren 2018 eta 2019 urteetarako ikastoletako langileen lan baldintzetan eta soldatetan. Akordioak Ikastolen Elkarteko 59 ikastoletan du eragina, 3.500 langileren lan baldintzetan. Guztira, 46.603 ikasle biltzen dituzte ikastolok.

I

KASTOLEN ELKARTETIK BALIOAN JARRI NAHI DUTE AKORDIOA, NEGOZIAZIOAK URTEBETE IRAUN DUEN ARREN, “beti egon delako sinatzaileen aldetik adostasuna aurkitzeko borondatea, eta borondate horren bitartez erdietsi ahal izan delako izenpetutako akordioa”. Akordioa Hezkuntza Sailak jarritako baldintzetatik haratago lortu dela esan du Ikastolen Elkarteak, eta borondateaz gain, esfortzua ere aipatu dute, “aldeek gatazka saihestu, eta irtenbideak elkarrekin aurkitzeko lana egin dugulako. Azken aldian hezkuntzan dugun testuingurua kontutan izanda, lortu zitekeen akordiorik onena izan zen eta izaten jarraitzen du, gure ustez” azpimarratu du.

“Askotan esan dugu, baina askotan esateak ez dio baliorik kentzen, ikastolen helburua dela gure langileek ahalik eta lan baldintza onenak izatea, muga ikastolen bideragarritasuna izanik. Muga horretan jardun dugu oraingoan ere”, azaldu du Ikastolen Elkarteak.

Azken urteetan lortu den bezala, aurrerantzean ere langileen egonkortasuna eta lan-

16

postuei eusteko konpromisoa berretsi dute aldeek Akordio honetan.

“Akordioa ona da”, dio Ikastolen Elkarteak, eta puntu hauek azpimarratu ditu: hainbat hezkuntza ataletan diagnostiko partekatua jasotzeaz gain, langileentzat hobekuntzak ditu, bereziki 0-3 zikloko langileentzat, zerbitzuetako langileentzat eta Hezkuntza Laguntza Espezialistentzat; soldata altxaketak jasotzen ditu lan hitzarmeneko lan kategoria guztietan, baita DBHko 1. zikloko soldata homologazioa ere; eta lanpostuak mantentzeko tresna egokia da.

Lan Akordioaren balorazioa egitearekin batera, Eusko Jaurlaritzako Hezkuntza Saila ere aipatu du Ikastolen Elkarteak. “Ez diogu eskatzen, ezta nahi ere, negoziazio horietan parte zuzena hartzeko, baina itunpeko sarean izan diren lan negoziazioei buruz Hezkuntza Sailak egin dituen adierazpenak mingarriak izan dira”, adierazi dute. “Esan du berak ez duela zer ikusirik negoziazio hauetan, arazoak hitz eginez konpontzen direla beraiek sare publikoan egin zuten bezala (adierazi gabe sare publikoaren lan akordioak 40 milioiko gain esfortzua suposatu diola EAEko hezkuntza sistema osoari)”. Horrez gain, ikastolei mingarri egin zaie 2019ko aurrekontuen proposamenean, nahiz eta bertan behera geratu den, hau ikusi dutenean:

• 0-3 zikloan, itundutako sarearentzat (13.000 ikaslerekin) 29 milioiko partida izendatu dutela, iaz baino milioi bat gutxiago; eta Partzuergoarentzat, berriz, (5.000 ikasle) 47 milioikoa, iaz baino lau milioi gehiago.

• Atzerritar jatorriko ikasleak eskolatzeko sare itunduan %20ko jaitsiera dagoen bitartean, sare publikoan 126 irakasle gehiago jarriko direla (bost milioi euro).

• Hezkuntzako langile guztien soldatak %2,25 igotzeaz gain, sare publikoko langileen pentsio-plan pribaturako (Itzarri) %1eko igoera adosten den bitartean, alegia, 11 milioi euro guztira, ikastoletako langileentzat bigarren partida hori ez dela azaltzen.

• Hezkuntza Laguntza espezialisten kasuan, espresuki ukatzen zaiela ordu osagarriak ezartzea (are gehiago debekatu egiten dietela).

Euskadiko Eskola Kontseiluak berak azpimarratu du 2015-17 txostenean, Eusko Jaurlaritzako Hezkuntza Sailak itunpeko sarearen

IKASTOLA 232

Diru laguntzen eskaerak aztertzeko Elkartasun Ikastolen batzorde teknikoko kideak, azaroaren 29ko Batzar Nagusian.

Abenduan sinatu zuten lan akordioa Ikastoeln Elkarteak, EIBk eta LAB sindikatuak.

finantzaketaren %66a baino ez duela betetzen; eta, aldiz, gurasoen ekarpenak %21era iristen direla, Europako batez bestekoaren oso gainetik (%6,8).

“Jarraituko dugu esfortzuak egiten ikastoletan dihardugun eragile guztiok, baina ordua da Hezkuntza Sailak bere erantzukizunari heltzeko”, adierazi dute ikastolek. “Helburua bada hezkuntza sistema propio bat eratzea, helburua bada hezkuntza sare guztiak, titulartasuna gorabehera, partekatu behar dituzten zerbitzu publikoaren elementu komunak nabarmentzea, ezin dira mantendu gaur egun sareen artean finantziazio publikoaren ikuspegitik dauden desberdintasun nabariak, bereziki hezkuntza sistemako langileei eragiten dietenak”, gaineratu dute.

Hala, Hezkuntza Sailari adierazi diote jabetu behar duela hezkuntza sistemako langile guztien lan baldintzetan erantzukizuna duela, ez bere titularitatepeko ikastetxeetako langileena bakarrik, “guztiek osatzen dute-eta hezkuntza zerbitzu publikoa, eta guztiek lan bera egiten dutenez, guztiek dituztelako eskubide eta betebehar berak, ez erdiek bakarrik”.

Hezkuntza, ondasun eta zerbitzu publiko gisa, pertsonen oinarrizko eskubidea izateaz gainera, hezkuntza hori gure gizartearen oinarrizko balioekin bat etorriz egiten dela bermatzeko betebeharra ere badute erakunde publikoek, diote ikastolek, eta balio horien ar-

tean tratu-berdintasuna bultzatzea dagoela.

“Ez da garai txarra, Hezkuntza Akordioaz behin eta berriro hitz egiten ari gara, eta bertan Hezkuntza Sistema osoa arautu nahi bada, eta bertan gure hezkuntza sistema ondasun publiko kontzeptuaren inguruan oinarritu nahi bada, adostu beharko dira ikastetxe guztiek, titulartasuna gorabehera, bete behar dituzten baldintzak eta egokituko zaizkien baliabideak”, gaineratu dute.

Ikastoletan erronka handiak dituzte aurrerantzean ere, Ikastolen Elkarteak adierazi duenez: “Besteak beste, Hezkuntza Sailari bere esku bakarrik dauden hainbat gaietan interpelatzea (errelebo kontratuak, heziketa berezirako laguntzak, soldaten homologazioa…), ikastoletako langileek lan baldintza hobeagoak merezi dituzte eta”.

Hezkuntza Sailaren ardura euskal hezkuntza sistema osoa dela gogorarazi dute, “ez soilik bere menpeko ikastetxeak”.•

ACCORD PROFESSIONNEL AU SEIN DES IKASTOLA En décembre dernier, les ikastola et le syndicat majoritaire LAB ont signé un accord professionnel pour les ikastola d'Araba, Bizkaia et Gipuzkoa qui permet d'améliorer substantiellement les conditions de travail et les salaires du personnel pour les années 2018 et 2019. Cet accord concerne 59 ikastola de Ikastolen Elkartea et quelque 3.500 salarié-e-s. Le nombre d'élèves des ikastola concernées s'élève à 46.603.

MAHAI INGURUA

aldizkaria.ikastola.eus @ikastola_aldizk •

Hezkuntzaren erronkak aztergai, Ibilaldiaren baitan >

I

IBILALDIAREN BAITAN, hezkuntza gaiak jorratzeko bi eguneko topaketa egin zen Lekeition. Hain zuzen ere, urtarrilaren 25ean eta 26an egin zen topaketa hori.Lehen egunean mahai inguru bat egin zen hezkuntza eragileekin, hezkuntzak egun dituen erronkak aztertzeko. Mahai inguru interesgarria izan zen, ikuspegi desberdinak eduki arren erronketan bat egin zutelako eta horiei aurre egiteko eragile guztien parte hartzea ezinbestekotzat jo zutelako.

Ikastolen Elkarteko lehendakari Koldo Tellituk, LAB sindikatuko ordezkari Nora Salbotxek eta Gonzalo Larruzea adituak hartu zuten parte mahai inguruan. Hasiera batean eragile gehiagotako ordezkariek ere hartu behar zuten parte, baina arrazoi bat edo beste medio, azkenean ez zuten egin.

Baina parte hartu zutenak badira nor. Koldo Tellituk ikastolen mugimendua ordezkatzen du, Euskal Herri osoan 110 ikastola eta 56.000 ikasle eta 5.000 irakasle eta langile ez irakasle biltzen dituen Euskal Herriko Ikastolak Europar Kooperatibako lehendakaria da. LAB sindikatua, berriz, Araba, Bizkai eta Gipuzkoako sindikatu nagusia da irakaskuntzan. Eta Gonzalo Larruzeak urteak daramatza hezkuntza ikuskari lanetan, eta bera da Segregazioaren aurkako Herritar Ekimen Legegilea aurrera eraman duen ordezkari eta bozeramaileetako bat.

Ibilaldia Kultur Elkarteak eta Azkue ikastolak antolatutako mahai inguru honetan, esan bezala, hezkuntzaren egungo erronka nagusiak jorratu zituzten hizlariek, Irati Elizalde kazetariaren gidaritzapean. Jorratu zituzten gaien artean, honakoak: ikastetxeen autonomia; familiek

18

ikastetxea aukeratzeko duten eskubidea eta segregazio arriskua; hizkuntza ereduak eta murgiltze eredua; eta nola ulertu behar den publikotasuna.

Azkue kultur etxeko aretoan egin zen ekitaldia eta jendez mukuru egon zen, hezkuntza gaiek daukaten interesa handia baita. Hizlariek sakon aztertu zituzten gaiak, eta jendeak eskertu zuen euren ikuspuntua azaltzeaz gainera, hiruek gai horiei erantzuteko orduan guztien parte hartzea beharko dela azpimarratu izana.

Izan ere, azken aldian hezkuntza gaiek interesa pizteaz gainera, eztabaida ere pizten dute, eta zenbait eragileren jarrera hertsiak hezkuntza gaiei konponbidea emateko edo euskal hezkuntza sistema eraikitzen joateko urratsak egitea zailtzen dute. Ez zen horrelakorik izan mahai inguru honetan. Aitzitik, hiru ordezkariek bat egin zuten Lekeition egin bezalako mahai inguru gehiago behar direla adierazteko orduan, eta baita, jendaurrean bezala, elkarren arteko bilera itxiak ere behar direla esateko orduan ere.

Urtarrilaren 25ean Lekeition egindako mahai ingurua, osorik dago ikusgai, gaika sailkatuta, ikastola.eus webgunean.•

IKASTOLA 232

3-5 URTE

• UDALEKU IREKIAK • ENJOY ENGLISH

UDAKO AISIALDI

ESKAINTZA

2019

• • • • • • • • • •

• • • • • •

5-12 URTE UDALEKU IREKIAK ENJOY ENGLISH MENDIA ETA PILOTA UDALEKUA EUSK(H)ARA MUGARA UDALEKUA ITSASOA ETA KULTURA UDALEKUAK INGELES UDALEKUAK: BERMEO SURF UDALEKUAK GAZTE EGONALDIAK IPARRALDE ETA HEGOALDEKO TOPAKETAK ROBOTIKA

12-17 URTE INGELES UDALEKUAK: ONDARROA INGELES UDALEKUAK: SOPELA SURF UDALEKUAK GAZTE EGONALDIAK ATZERRIKO EGONALDIAK IRLANDAN UDALEKU IBILTARIA

www.aisialdia.eus • www.ikastola.eus (0034) 943 369 637

19

PUBLIERREPORTAJEA

ZENTRO AURRERATUA OPTOMETRIA ETA IKASKUNTZA PROZESUTAN

Ikaskuntza eta Terapia Bisuala

TERAPIA BISUALAK KONPONTZEN DITU IKASKETA ARAZO UGARI IRAKURKETA-IDAZKETA LANTZEN HASI AURRETIK, UME GUZTIEK IKUSMEN, LATERALITATE, KOORDINAZIO… AZTERKETAK EGIN BEHARKO LITUZKETE

IKASKETA PROZESUA EGOKIA IZAN DADIN VISUALITY-N OINARRIZKO AZTERKETA EGITEN DA, IKASLEEK IKASTEKO LITUZKETEN ZAILTASUNAK DETEKTATZEKO, ETA KASUAN-KASUAN, ZEREGIN JAKIN BATZUEN BIDEZ, BALIZKO ZAILTASUN HORIEK GAINDI DITZATEN. Ikerketa ugari egin dira eskola-porrotaren inguruan, eta jakin badakigu, ikasketa garaian 4 kasutik 3k ikusmen, lateralitate gurutzatu, koordinaketa… arazoekin dutela lotura. Badugu zertan eraiki. Horregatik hurbildu gara GENTZANE GARCIArengana informazio bila, doktorea baita Ikaskuntza eta Terapia Bisualean. Getxon eta Azkoitian kontsulta zentro aurreratuak dauzka ikasketa arazoei aurre egiteko; 20 urte baino gehiago daramatza lan horretan. Hainbat ikastolarekin harremanetan dagoenez, informazio interesgarri asko dauka eskuartean, eta horren berri jakiteko eta familiekin ere partekatzeko, beragana jotzea erabaki dugu.

Zeintzuk dira kontuan izan beharreko sintoma orokorrak?

Irakurtzeko eta ulertzeko arazoak daudenean, arreta zein interesa galtzen direnean, lanak egiterako orduan moteltasuna nabari denean, edo ikasteko gogorik ez dagoenean, ulermenean arazoak egon daitezke. Badaude ikaslearengan agerikoak diren, eta arazoen iturburu izan daitezkeen seinaleak, hala nola, argi ez ikustea, irakurtzeko unean burua idatziari hurbiltzea, begi bat ixten duenean irakurtzen ari den horretan galtzea, lerroari jarraitzeko behatza behar izatea, nabarmen nekatzea, begiak igurtzea, hitzak eta lerroak saltatzea, ongi ez ulertzea, ardura eta jarraipena galtzea, lanak astiro egitea, kirolean koordinazio arazoak izatea, eta urduritasuna adieraztea.

Ondorioz, zer gertatzen zaio?

Sufritu egiten du, izan ere, oso maiz entzungo du alferra dela, orokorrean interesik ez duela, errebeldea dela, ez oso argia, eskolan zailtasunak dituela, kirolean ere bai…

Zer ikusmen azterketa egiten dituzue?

Azterketak urrats ezberdinak ditu. Batetik,

“EZ DU IKASI NAHI ZAILTASUNAK TOPATZEN DITUELAKO; BEHIN HORIEK GAINDITUTA, JARRERA ALDATU EGITEN DU”

bistaren eraginkortasun ezarekin loturarik ba ote duen; edo begien mugimenduetan zailtasunak ba ote dauden. Bestetik, lateralitateak eta dominantziak aztertzen ditugu. Hitz arrotzak diren arren, espazioan eta denboran kodigo idatziak, hots, letrak eta zenbakiak ulertzeko zailtasunarekin, eta horrek irakurketan eta kalkuluan dituen ondorioekin dute zerikusia. Horrekin batera, ikusmen edota entzumenarekin pertzepzioaren lotura egokia den ere aztertzea. Argiena izaten da azterketaren emaitza jasotzea, zeinetan oinarrizko zailtasuna ageri den. Horixe da ondorengo urratsak emateko giltza.

Nork bisitatu beharko luke Ikaskuntza eta Terapia Bisualeko profesionala?

Perfil bat baino gehiagoko ikasleek: ikaskuntza prozesuan zailtasunak dituztenek,

portaera zailak dituztenek, mugitzeko edo kirolean koordinazio zailtasunak dituztenek, irakurketa-idazketan adin bereko umeak baino motelago doazenek, irakurtzeko unean buruko minaz kexu direnek, begiak igurtziz aritu eta lauso ikusten dutenek (azken hauei epe laburrean miopia handitzen zaie), askotan arreta edo interes falta dutenek, edota lanak zein jarduerak egiteko motel dabiltzanek.

Gainetik aipatu dituzu ondorioak Bai, halaxe da. Eguneroko frustrazioak ondorio makalak ditu: interes falta handitu egiten da, alfertu egiten da, errebelde bihurtu, garuna ez du behar bezainbat ernetzen, eta kiroletan mugak sortzen zaizkio.

GURE ZENTRUAK BIZKAIAN ETA GIPUZKOAN >

Zein da irtenbidea?

Garaiz ibiltzea, errotik arazoari aurre egitea, ariketak bideratzea. Zailtasun bakoitzari bere irtenbidea topatzea, haur bakoitza ezberdina baita. Eskola eta familia ar-

teko erronka eta enpatia beharrezkoak dira. Umeak eskertu egingo ditu, eta aurrera eginen du. Autoestimua handitu egiten zaio eta bere kideekin ondo moldatzen da; bera izatea lortzen du, konfiantzaz.

“GERTATZEN ZAIGU AURRETIK AIPATURIKO ZAILTASUNEN BAT GAINDITUTA, ADIMEN NORMALA EDO ALTUAGOA DUTEN NESKA-MUTIKOEKIN LAN EGITEA”

Zeintzuk dira Terapia Bisualaren garapena eta emaitzak?

Terapia Bisuala oso eraginkorra da. Orokorrean garapena azkarra da. Egia aitortzeko, gogobeteko emaitza da ikustea neska-mutikoek nola ikasten duten irakurtzen, ulertzen, euren gaitasunak lantzen, autoestimua igotzen. Koordinazio zailtasunak dituztenek aurrera egiten dute kirolean. 20 urte baino gehiago daramat lorpenak ikusten. Esan dezaket ziurtasuna garatzen dutela euren gaitasunak lantzen.

Visualityn ehundaka kasu ezberdinekin egin dugu lan, emaitza baikorrak lortuz.•

“TERAPIA BISUALA OSO ERAGINKORRA DA. OROKORREAN GARAPENA AZKARRA DA”

ZENTRO AURRERATUA OPTOMETRIA ETA IKASKUNTZA PROZESUTAN

Reina Maria Cristina 10 , 2º C. Las Arenas, BIZKAIA / Tel: 618 186 722 E-mail: info@centrovisuality.com

www.centrovisuality.com

Julio Urkijo Hiribidea, 8, 20720 Azkoitia, GIPUZKOA Tel: 943 85 25 11

www.izpioptika.com

IKASTOLAK ESTITXU ROBLES KOLEGIOA

ABESLARIAREN IZEN BERRIA DU LEHEN ETXEPARE KOLEGIOA ZENAK Izena aldatzea prozesu luze baten ondorioa izan da.

Egin behar zen, eta izenarekin asmatu nahi ere.

Euskal Herriko eta Baionako pertsona ezagunen zerrenda luzetik abiatu ginen; ikasleek gela bakoitza eta kolegioa izendatzen hasi ziren. Izen guztien bozketa etorri zen ondoren; bi itzuli, gurasoen partehartzearekin batera. Estitxu Robles izan zen hautatua. Pozik dira emazte baten izena badelako.

Obrak eginen dituzte, behar handia du eraikinak.

Jean Jacques Rousseau zen eskola hura, Seaskak eskuratu zuen 1994ean. Planoak osatzen ari dira, 2019-2020ean berritzeko. 166 ikasle ditu une honetan; handitzeko asmotan.•

Proiektu guztiek, derrigorrez, gaiarekiko sentsibilizazioa sustatu behar dute, eta, ahal den neurrian, itsas hondakinak gutxitzeko soluzioak proposatu.

PASAIA-LEZO LIZEOA

ITSAS HONDAKINAK MURRIZTEA HELBURU Pasaia-Lezo Lizeoko DBH 3ko ikasleak Itsas hondakinen erronka proiektuan parte hartzen ari dira estreinakoz. Itsas hondakinak gutxitzea du xede, eta, horretarako, gazteak ahaldundu eta protagonista bihurtu ditu.

Lehen urrats gisa, urtarrilean Pasai Donibaneko Alabortza kala garbitzen aritu ziren ikasleak. Orain, berriz, edukiak lantzen ari dira geletan. Eta aurrera begira, hainbat eratako proiektuak diseinatu eta garatu beharko dituzte, ingurumen arazo larri honi soluzioak emate aldera.•

22

Baionatik datozte ikasleak, baita ere Miarritze, Angelu, Basusarri, Bidarte, Arrangoitze, Arbonna, Hiriburu, Tarnose, Urkoitik... Garraio zerbitzuak hobetzen ari direnez Baionan, etorkizun motzean ikasle gehiago jasoko dituzte.

IKASTOLA 232

“aldizkaria.ikastola.eus” web gunean duzu, irakurle; bertan informazioa osatuagoa aurkituko duzu paperean argitaratutakoa baino. >>

aldizkaria.ikastola.eus @ikastola_aldizk •

NAFARROAKO IKASTOLEN ELKARTEA

JOSE ANTONIO SISTIAGA MOSSO ARTISTAK JASO DU 2018 – NIE SARIA Aitormena izan da “euskal kultura mundu osoan barna zabaltzeagatik, sorkuntza eta artearen pedagogiaren espaziorik korapilatsuenetan ikertuz, 60 urtez aritu izana”.

Sistiagak Elorrioko Eskola Esperimentalean hartu zuen parte (1964) planteamendu pedagogiko berritzaileekin, Parisen Arno Stern eta Freineten metodologietara hurbilduz, GAUR taldekide aktiboa izanik, sortzaile, abangoardiaren ikur, ausarta…; ikastolekin erakutsitako eskuzabaltasunagatik ere izan da omendua. Faustino Aizkorbe artistaren eskultura eman zioten Mikel Asiain lehendakariak eta Josu Reparaz zuzendariak.•

2012an sortu zen NIE Saria, kultura eta arteari lotutako profesionalei merezimenduz aitortua, egindako lanagatik esker onez, errespetuz eta mirespenez eskainia.

Hizlariok izan dira lagun: MARTA MACHO-STADLER Matematika doktorea, EHU. NATALIA OJEDA, Deustuko Neuropsikologiako irakasle eta ikertzailea. VÍCTOR MORENO, Idazlea, literatur-kritikoa. PELLO AÑORGA Ipuin-kontalaria, idazlea, ahozkotasunean aditua.

PELLO BIAIN, Filosofia eta Hezkuntza Zientziak.

ARESKETA IKASTOLA

IRAKURKETAREN INGURUKO HAUSNARKETA PROPOSATU DUTE XIX. HEZKUNTZA JARDUNALDI IREKIETAN Oinarrizko konpetentzia sustatzeko gogoeta partekatua izan da. Urtero lez emaitza arrakastatsua lortu dugu, hizlari eta komunikatzaile bikainak medio. Zientziaren oinarrian, irakurketa erreflexiboaren garrantzia izan dugu hizpide; baita garunaren plastikotasunaren inguruko azken ikerketen berri ere. Nola eman motiboak irakurzaletasuna sustatzeko? Irakurzaletasuna pizten, liburuekin emozionatzen… Pertsona kritikoak eta autokritikoak izatera laguntzen, adimen kognitiboa eta emozionala lantzen. Bost eguneko hezkuntza topagune bihurtu dira gure jardunaldiak.•

23

IKASTOLAK

aldizkaria.ikastola.eus @ikastola_aldizk

ORERETA IKASTOLA

LEHEN SOROSPENERAKO ARRETA ESKOLACURRICULUMEAN TXERTATZEN AITZINDARIA

Ibilbidea amaituta, txokolate eta pasta gozoekin batera, ekimenean parte hartu duten guztiek haien inpresioak partekatzeko aukera dute.

KIRIKIÑO IKASTOLA

WORLD KIRI-KAFEA Kirikiño ikastolan, world-kafe dinamika erabiliz, lanbide eta ikasketa desberdinak modu zuzen batez ezagutzeko aukera ematen diegu DBH4ko ikasleei, ikastolako orientazio-planaren barruan. Ekimena antolatzeko, deialdi zabala egiten zaie ikastolako ikasle ohi eta gurasoei, euren ikasketa edota lanbideetako esperientziak partekatzeko. Mahaiak jakintza-arloen arabera antolatu, eta ikasleak talde txikitan banatzen dira. Bakoitzean elkarrizketa laburra (20 minutu) egiteko aukera daukate. Balorazio ezin hobea egin dute.•

Emergentziak Osakidetza erakundeak, EHUko Donostiako Medikuntza eta Erizaintza Fakultateak, eta Orereta Ikastolak elkarlanean landu dute egitasmoa, baita martxan jarri ere.

Profesionalen aholkularitzari esker, prozesua idatzita utziko dute, nahi duen ororen esku uzteko. Orereta Ikastola Euskal Herriko lehen ikastetxea izango da lehen sorospenerako arreta curriculumean txertatzen. Hasteko, talde-eragile bat osatu dute Ikastolako osasun munduko hainbat guraso eta zenbait langilerekin. Lehen sorospenerako formazio sakona jaso dute Emergentziak Osakidetzako profesionalen eskutik.•

Talde-eragilea arduratuko da orain Ikastolako langile guztiak eta DBHko ikasleak formatzeaz. Ikasturtero egingo da hori, formazioa jarraia, iraunkorra eta eguneratua izan dadin.

AZPEITIKO IKASTOLA

“ELKARREKIN ERAIKITZEN” PROIEKTUAN, DBH 3KO IKASLEEKIN

Kongresuaren helburua izan da irakaskuntzan erabilgarriak izan daitezkeen tresna eta metodologia digitalak ezagutaraztea, bai gela barruan zein kanpoan, ideiak, esperientziak eta praktika onak bideratzeko.

NAFARROAKO IKASTOLAK

Ikasleak eskualdeko eragile sozioekonomikoekin harremanetan jarri eta euren inguruneko errealitatea ezagutzea ahalbideratzen du. Ikaslea bere ikasketa prozesuko protagonista bihurtuta, gaitasunak landuko ditu, prozesuak berak duen garrantziaz jabetuta. Horrekin batera, erronketatik abiatuta, gaur egun eskualdeko eragile nahiz herritar ezberdinek dituzten kasuistika zehatzak jasoko ditu, bai eta prozesuak zehaztu eta landu ere.

Amaitzeko, ezagutza zein bizipenak aurkeztuko dizkie egitasmoan parte hartutako ikastetxe, enpresa eta erakunde guztietako ordezkariei.• Ikasleek kanpo errealitatea ezagutzeko lehen hurbilketak egitea da asmoa. Horretarako, kasu errealak planteatzen zaizkie, bakoitza bere erronkarekin eta dagokien enpresa edo elkartearekin lotuta.

“IKTAK ETA IRAKASKUNTZA III. KONGRESUA”-N PARTE-HARTZE ZUZENA BALUARTEN Hiru ikastolek aurkeztutako hitzaldietan, irakaskuntza prozesuetan lanabes digitalek duten balioa azpimarratu zen. Zangozakoaren kasuan, Idoia Legarreta irakasleak, DBH 3ko ikasleekin gauzatzen ari den esperientzia aurkeztu zuen; berau, STEAM parametroetan Maker irakaskuntza aktiboan dago oinarrituta. Arangoitikoaren aldetik, berriz, Garazi Larrañagak eta JM Goñik LH 3ko ikasleekin Google-eko apps-en bidez geometria dinamikoa lantzeko aukerak aurkeztu zituzten; eta Lizarrakoari dagokionez, azkenik, Josu Sueskunek eta Cesar Etxeberriak ikastolan ezarritako azpiegituren berri eman zuten. Txalotuak izan ziren hirurak.•

24

IKASTOLA 232

IKASTOLAK

aldizkaria.ikastola.eus @ikastola_aldizk

SEBER ALTUBE IKASTOLA

BIZKAIA TALENT-EK IRAKASKUNTZA ENPRESA LEZ AUKERATU GAITU

Bost gai baloratu dizkigute, auditoria gaindituta: Hondakinen kudeaketa, Ura eta bere erabilpena ikastolan, Elikadura, Energia, Elikadura zirkularra eta birziklapena zentzurik zabalenean eta praktikoenean arituta.

SAN BIZENTE IKASTOLA

ESKOLA JASANGARRIA BIHURTU GARA Agenda 21eko emaitzari esker jaso dugu izendapen berria, hain zuzen, azken 5 urteotan ikastolan egindako lanaren ondorioa izan baita. LH6 eta DBHko ikasleak “patrulla berde” bihurtu dira informazio eta kontzientziazio lanak egiteko.

Oion eta udala ere inplikatu ditugunez, konposta industriala herrira ekartzea ere lortu dugu; eta abenduaren 14an, ekitaldi ofizialean, aintzat hartu gaituzte.•

Talentuak aurkitzen arduratzen den erakundea da Bizkaia Talent, ikasle onenak berton gelditzeko helburuarekin. Unibertsitate ezberdinetako espediente onenak dituzten ikasleei erronka bat jartzen diete. Ikasle talde horrek proposamen bat bideratu behar du, urtebetez munduan zehar dauden unibertsitateetara joanda, eta ikerketa ezberdinak eginda. Gure erronka, ikastola bere osotasunean ikusirik eta ordutegien antolaketa integralaren bitartez, eredu berritzaile, jasangarri eta gure komunitateko kide guztiek onartzeko modukoa lortzea da.

Enbidoa egina dugu.• Aurten, eta lehenengoz, irakaskuntza enpresa bat aukeratu dute partaide izateko: Gu geu. Urtero bost enpresa aukeratzen dituzte. Aurtengoak Apnabi, Faes Farma, ITP Aero, Tecuni eta Seber Altube Ikastola dira. 35 gaztek hartuko dute parte 5 erronka berritan.

ANDRAMENDI IKASTOLA

BEASAINGO IKASTOLAN ESKOLA KIROLA PAREKIDEA IZATEAREN AUKERA BERRESTEN DUGU

AXULAR LIZEOA

Kantak hala dio: Gogoratzen dugu Aiete auzoa… euskaraz bizi nahi dugu Aieten, ez dadila haria eten. Iker eta Haritz Lauroba, Asier Iriondo eta Isabel Ezeiza. 50. urteurreneko liburua Udaletxean aurkeztu zuten, ekitaldi xume bezain hunkigarrian.

50. URTEURRENA: ETXEKO PRODUKTUA, ETXEAN EGINA; EMAITZA, AUZOARI ETA DONOSTIARI ESKAINIA 2019 urte osoa ekitaldiz bete dute, urterokoak diren asko laxo berezi batekin apainduta. Hilabete bakoitzari gai bat lotu diote: danborrada, zientzia, euskara, kultura, Axular, kirola, gastronomia, bio-dibertsitatea, pedagogia…, eta horiek ari dira lantzen hainbat ekintzaren bidez. Ikastola komunitatea bildu da horiek antolatzeko.

Langile eta familien partaidetza handia izanik, ikasle-ohien ekarpena azpimarratu dute, kanta eta bideokliparekin, adibidez; edo-eta MAR 1ean Victoria Eugenia antzokian sorpresaz beteriko ikuskizun izango dena. Bada gehiago ere…•

26

IKASTOLA 232

Hainbat taldetan neskak zein mutilak bereizi egiten zirela ikusita, eta gure ikastolako hezkuntza erabat genero berdintasunean oinarrituta elkarlanean garatua dela jakinik, talde parekideak sortzeko konpromisoa hartu genuen 2008an. 2018-2019 ikasturtean liga parekide batzea lortu dugu Goierrin, eskualdeko Zaldibia, Legorreta edo Olaberrikoekin batera. Denek, baldintza eta modu berdinean, inolako bereizketarik gabe, jolastu eta praktikatu behar baitute kirola euren artean, elkarrekin eta elkarrengandik ikasiz; JOLASA lehenetsiz, eta kirolaren bidez ere, gure ikasleak elkarrekin hazi eta heztea nahi dugulako.• Eskola kirola ezin da ulertu neskak eta mutilak bereiziko dituen ekintza bezala; akats handia zela iruditzen zitzaigun gure ikasleak euren sexuaren arabera sailkatzea.

Leire Legarreta

“Enpresetan dagoen datuen zientzialarien beharrari erantzuteko, Business Data Analytics gradu berria sortu dugu”

Datuak, Big Data… guztion ahotan dabiltzan gaiak dira. Zertan datza iraultza berri hau?

Une oro konektaturik bizi garenez, gure gailu elektronikoek, gure enpresek eta gure etxeek egunero datu pila bat sortzen dituzte. Gauzak horrela, enpresak, datu horiek ondo kudeatuz gero, balioa eman dezaketela konturatu dira. Izan ere, datuez ari garenean, informazioaz eta ezagueraz ari gara. Informazio horri esker, enpresek orainaldia hobeto ezagutuko dute eta, are gehiago, etorkizuna iragartzeko gai izango dira.

Bai, baina ez horretaz bakarrik. Adimen artifiziala esatean makina bati “pentsatzen” erakusten dioten teknikez ere ari gara.

Esparru honetan aritzeko datuen zientzialaria izan behar duzu, ezta?

Bai, hala da. Datuen zientzialariok makinei zenbait prozesu modu eraginkorrago batean egiten irakasten diegu. Baina esparru honetan beste lanbide berri gehiago ere sortzen ari dira: datuen analista, datuen ingeniari eta arkitektoak, bisualizazio-adituak, eta abar.

Benetan? Datuei esker etorkizuna iragarriko dugu?

Hau esatean zera esan nahi dut: datu hauek enpresetan zein gizartean ematen diren kausaefektu erlazioak ezagutzen lagunduko diguten lehengaiak dira.

Sillicon Valley-n egongo bagina bezala?

Amazon, Google edo Facebook bezalako enpresetan horrelako profilek arrakasta handia dutela oso agerikoa da; baina ez da hain urrutira joan beharrik, hemen ere, Durangon bertan, baditugu datuen zientzialariak, kar, kar kar! Euskadiko enpresa askotan sartzen ari dira horrelako profesionalak, nahiz eta ez dugun jaso horretarako formazio espezifikorik. Gehienetan, matematika, ingeniaritza eta enpresa mundutik gatoz.

Hutsune hau betetzeko asmoz, hain zuzen, Mondragon Unibertsitatean Business Data Analytics gradu berria sortu dugu.

Adibideren bat?

Osasun sektorean oso argi ikusten da. Denok jabetzen gara oso garrantzitsua dela gaitza jakin bat hartzeko joera izateko eragiten dizkiguten faktoreak zeintzuk diren jakitea. Ezagutza hori gaitza horri aurre egiteko erabiliz, gure osasuna hobeto zainduko dugu. Baina hau adibide bat baino ez da: marketinean, industrian, energiaedo finantza-sektorean datuen analisiek gure bezeroen edo industria-prozesuen joerak identifikatzen lagunduko digute. Politikariek, elitezko kirolariek edota modako enpresek ere, esaterako, datuen analisia erabiltzen dute.

Eta zeintzuk dira erabiltzen diren erremintak analisiak burutzeko?

Informazio hori jaso eta maneiatzeko erreminta teknologikoak behar ditugu; batetik, programazioko erreminta teknologikoak eta Datu Baseak eta, bestetik, erreminta matematikoak joera horiek modelizatu ahal izateko, estatistikako teknikak eta adimen artifiziala erabiliz.

Adimen artifiziala entzutean roboten munduan datorkigu gogora.

Horretaz ari zara?

“Ikasleek learning from reality metodologiarekin ikasiko dute”.

Interesgarria dirudi.

Bai ikasle izan ginen garaian, bai lanean hasi berri, gutako askok horrelako ikasketaren bat egon izana eskertuko genukeen. Baina, ezagutza-arloak berak suposatzen duen berritasunetik harago, esan beharra dago Business Data Analytics graduko ikasleek modu berritzaile batean ikasteko aukera ere izango dutela. Lau urtetan zehar, learning from reality metodologiarekin arituko dira; hau da, lehen-lehen egunetik, talde-lanean eta sektoreko profesionalen laguntzarekin, enpresen arazo errealak ebatzi beharko dituzte.

‘Ikasten ikasi’ kontzeptuari ere garrantzi handia ematen diogu. Eta ahaztu barik gaur egunean unibertsitatean ikasten dena ez dela nahikoa, profesionalok egunero-egunero prestatzen jarraitu beharra daukagu, mundua etengabe aldatzen ari da-eta.•