Boletín xun 17

BOLETÍN INFORMATIVO PARA AS FAMILIAS NOVAS DO CENTRO

Xuño 2017

EXAMES DE SETEMBRO: 1, 4 e 5 de dito mes.

O calendario de exames estará exposto no taboleiro de entrada e na páxina web do IES. Deberá presentarse todo o alumnado que teña materias suspensas en xuño.

CONFIRMACIÓN DE MATRÍCULA Todo o alumnado de 3º, 4º e Bach que tralos exames de setembro teña que repetir curso deberá facer unha confirmación de matrícula na secretaría do centro do 7 ao 12 de setembro. Para poder garantir a oferta das optativas é imprescindible confirmar a matrícula o máis pronto posible, en canto se saiban as notas.

SOLICITUDE DE TRANSPORTE O alumnado de 1º Bach, 2º Bach e Ciclos Formativos que necesite transporte escolar para o curso 2017-2018 deberá facer una solicitude de transporte na secretaría do centro dende o 11 de setembro.

LIBROS DE TEXTO O alumnado que vaia cursar ESO e solicitara o Banco de libros debe esperar a que se inicie o curso e lle sexan adxudicados os libros para mercar os que lle falten.

CICLOS FORMATIVOS Se queres cursar ciclos formativos infórmate na secretaría do IES ou na páxina web da CCEOU edu.xunta.es/fp. (É imprescindible facer a solicitude vía web agora ao finalizar o curso).

DINAMIZACIÓN LINGÜÍSTICA Natureza e poesía poesía:: Visita á casa de Rosalía e Castro Baroña O 25 de Abril viaxamos para visitar o noso patrimonio. Non fai falla saír da nosa terra para gozar de actividades culturais de primeira liña e contemplar paraxes impresionantes. Na casa de Rosalía coñecemos o entorno no que se xestou a nosa grande; logo visitamos A Pobra do Caramiñal e por último o Castro de Baroña abraiounos coa súa fermosura natural. Un día completo.

Intercambio Os días 5 e 12 de xuño de 2017 o alumnado de 1.º ESO do IES Celanova xunto co alumnado do IES Lauro Olmo do Barco de Valdeorras coñecéronse fisicamente despois de manter unha correspondencia postal durante o curso 2016/2017. Nesta actividade os/as nenos/as deixaron de lado as pantallas dos móbiles e fomentaron as relacións sociais. Visitaron as dúas vilas e resultaron xornadas de convivencia moi productivas.

A ollada de Manal Entroncando coa campaña de exotismos da biblio tivemos a sorte, da man do Equipo de Dinamización, disfrutamos dun interesantísimo encontro con Manal, unha libanesa de nacemento que creceu nunha familia de refuxiados en Siria e que de novo tivo que marchar do seu país por mor do conflito que aínda continúa.

Está claro que para loitar contra os prexuízos e mellorar a convivencia, a ferramenta máis poderosa é a educación.

Máis información sobre tódalas actividades na revista O Poleiro e en http: http://edlgblog. //edlgblog.blogspot. blogspot.com. com.es/

VIAXE A CATALUÑA O alumnado de 4ºESO viaxou a Cataluña. Así nolo conta Aida da Mota.

A suma de amigos máis viaxe sempre vai dar diversión segura, e esta excursión non foi de menos!

Todo comezou con un viaxe en autobús de 12 horas! 12!

Pero a verdade e que se pasou rápido o tempo. E por fin chegamos a Salou. Como non podía ser de outra forma o primeiro que fixen foi deixar as maletas e inspeccionar o lugar, tanto que unha amiga e eu nos acabamos perdendo.

Que divertido. Custounos máis de unha hora volver ao hotel. Incluso con Google Maps.

Ao día seguinte fomos a Barcelona, vimos varias partes da cidade e o máis bonito de toda a viaxe, para min, foi a Sagrada Familia. Podería botar días, semanas e incluso meses vendo cada detalle que sempre encontraría algún novo. Era impresionante.

Durante toda a excursión visitamos sitios preciosos, como o Delta do Ebro no que puidemos ver varias aves. Grazas ao noso guía aprendemos un montón de curiosidades e historias sobre certos lugares.

Nun dos últimos días fomos ao Paint Ball e solo hai unha palabra para describir iso... Dolor! Cheguei a casa con moratóns que duraron 3 semanas! Pero claro, iso é o que pasa cando te usan de cebo para coller a bandeira. Que por certo, adiviñade que... Esa vez non a collemos... Todo o meu sacrificio en vano.

CICLOS FORMATIVOS Visita de FPB I ao Congreso de FP Innova no Gaiás de Santiago de Compostela, Estupendas vacacións para os nosos alumnos e alumnas!!!

Ese mesmo día algúns fomos a unha discoteca. Pasámolo moi, moi ben. Bailamos todo o que puidemos e máis.

E como non había descanso, pola mañá seguinte fomos Portaventura. O máis esgotador foron as colas. Unha hora e media para subir a unha atracción de tres minutos. Baixo o sol. Jajaja! Que divertido. Pero en realidade paseino ben.

A excursión en si foi xenial e a compañía insuperable.

Grazas a Losada e Lamas por aguantarnos.

E non deixes de visitar os nosos Blogs!!!

EDLG: http://edlgblog.blogspot.com.es/ Biblioteca: http://bibliotecapoleiro.blogspot.com.es/.

Meteoescolas: http://escarabana.blogspot.com.es/

ACTIVIDADES DO CENTRO

Celanova, 2 de Xuño do 2017.

Querida Manu: A todos os que formabamos parte da túa vida énchenos hoxe unha profunda dor, e non podemos evitar a tristeza pola túa partida. A túa marcha deixa un enorme baleiro tanto no instituto como en cada un de nós. Porque creo que non son a única que non se fai á idea de entrar ao departamento de Francés e que non esteas preparada co teu rotulador para copiar pizarras de vocabulario sen que nós che sigamos o ritmo. Porque creo que non son a única que non vai soportar non escoitar os teus taconazos polo Poleiro, e que non nos sorprendas ao final da clase agasallándonos con un Carambar que nos trouxeras da túa última viaxe a Francia. Simplemente, porque creo que non son a única que non quere facerse á idea de que non vaias estar aí.

Hai profesores que che ensinan moitas cousas academicamente, pero hai persoas que van moito máis alá, que chegan ata o fondo dos corazóns de todas e cada unha das persoas que as coñecen. E esa eras ti.

Porque nos deixaches moito máis que un B1 de francés, deixáchesnos moreas de valores persoais: afouteza, valor, bondade, xenerosidade,alegría, amor… Podería citar milleiros. Fuches para todos nós moitísimo máis que una mestra,fuches exemplo de superación, un exemplo de loita, un exemplo de naturalidade e, sobre todo, un exemplo de gañas de vivir. Como alumnos, estamos na idade de formar non só o noso coñecemento, senón tamén a nosa personalidade, e eu podo dicir alto e forte que algún día gustaríame ser coma ti.

A vida dános moitos momentos bos, pero tamén malos. É una carreira de obstáculos que ás veces é demasiado inxusta e, como ti nos ensinaches, temos que levantarnos cada día plantándolle o mellor dos nosos sorrisos, loitar ata que non nos queden folgos e non rendernos nunca.

Houbérache dito mil cousas, pero non tiven a posibilidade de despedirme, e agora que xa non estás, só podo darche as miñas máis sinceras grazas.

Grazas por ir moito máis alá do labor dun mestre. Grazas por querernos como o facías. Grazas por transmitirnos a túa paixón e alegría cada día e por apoiarnos sempre que estábamos mal, aínda sabendo que posiblemente estiveras peor ca nós. Grazas por loitar por nós sempre e por permitirnos desfrutar ao teu carón esa viaxe a Francia, o país que tanto amabas. Grazas polas moitas anécdotas e bos momentos contigo que nunca seremos capaces de esquecer. Grazas por deixar unha pegada imborrable en cada un dos nosos corazóns. Grazas polo teu eterno sorriso.

Esta carta non é un adeus, é un ata sempre. Prométoche que enfrontaremos os momentos difíciles como ti o facías, sorrindo, e poderás estar orgullosa de nós, alá onde esteas.

Merci pour tout, Mademoiselle Manú.

Tu seras tou joursdans nos coeurs.

No nome dos teus alumnos e de todos os que te querían.

Lucía Fernández González. 1º BACH A

DATA Abril 2-8 7 24 24

25

ACTIVIDADE

ALUMNADO

DEPTO.

ViceExcursión fin de curso a 4ºESO dirección Cataluña Xeografía Visita didáctica Oseira2ºBACH e Hª Santiago Convivencia Diocesá (Lugo 3º-4ºESO Relixión Eq. 2ºBACH Charlas USC Directivo Excursión EDLG: Padrón 3ºESOEDLG (Casa de Rosalía) e Castro 1ºBAC de Baroña

Maio 8 8 12

EXCURSIÓN RELIXIÓN – LUGO EXCURSIÓN GALIPARKPADRÓN FEIRA FP INNOVA

1º E 2º ESO 1º E 2º ESO 1ºFP BÁSICA

Relixión Valores éticos Administrativo

Xuño 5 12 16 22 22 22

INTERCAMBIO IES LAURO OLMO (CELANOVA) INTERCAMBIO IES LAURO OLMO (BARCO) VISITA Á RÍA DE AROUSA EXCURSIÓN A ILLA DE ONS VISITA Á RIA DE AROUSA INTERCAMBIO CLUB DE LECTURA

1ºESO 1ºESO

Lingua Galega Lingua Galega Bioloxía Bioloxía Bioloxía

2ºESO 3ºESO 1ºESO 2º E 4º Biblioteca ESO

Benvido Verán!!!

DEPARTAMENTO DE ORIENTACIÓN Coma todos os anos, o departamento realizou numerosas actividades para poder ofrecer ó alumnado toda a axuda necesaria, valorando a súa situación individual, familiar, asesorándoo no seu futuro profesional e atendendo a aspectos tan de actualidade e importantes como o acoso escolar ou a violencia de xénero. Algunhas das actividades foron: valoración do alumnado, proposta e organización de medidas de atención a diversidade, Participación en Plans de Acollida, PAT ( Plan de Acción Titorial ), Plan prevención bullying, Orientación Profesional, Colaboración coa mancomunidade, Muevete Sin (FPB) prevención de drogodependencias e condución- , Atención alumnado con problemas de comportamento, etc.

Ilustración de Andrea Kamila

Neste curso viaxamos a mundos exóticos. Foron viaxes de ida e volta: a que nós proxectamos sobre o mundo converténdoo en estraño e as que o mundo nos devolve. Como di a canción de Caetano Veloso, os humanos temos a tendencia a considerar que é feo o que non nos é familiar. O mellor remedio para evitalo é aproximarnos a eses mundos distantes, coñecelos e entendelos. Como? Nas alas da lectura, coas que podemos situarnos por riba dos prexuízos e fronteiras. E, daquela, por que non voar? Por que non visitar a afastada xungla? Coidado, Mowly! Baila, Baloo! Por que non entrar no corazón torturado de Irán da man dunha nena que vive nunha banda deseñada en branco e negro? Se cadra, os seus ollos sorprendidos hannos permitir solidarizarnos coas traxedias dos pobos asolados polas guerras e a barbarie. Por que non viaxar ao Congo con Hergé e Tintín? Ao mellor somos quen de deixar pegada no continente africano, tal como fixo Milú, gabado coma heroe por todos os cans da selva! Pero hai que recoñecer que as viaxes ao imaxinario país dos galos non hai quen as iguale. Son perfectas, non sendo polo pequeno detalle de que o ceo pode derrubarse sobre nós e porque nunca poderemos evitar que eses romanos estean como cabras.

Con todo, para aqueles que preferides aventuras intensas sen abandonar o achego das quentes areas da praia, o máis acaído é decantarnos por Stevenson ou Daföe, coas súas illas misteriosas e desertas, por Verne e o seu correo extraviado polas estepas rusas. Non estaría mal tampouco seguir a Marilar Aleixandre na súa Expedición ao Pacífico, tan decimonónica e romántica, tan na onda da película Master and Comander. Bendito sexa Charles Darwin pola moda das viaxes científicas! Como nos gusta ler a Javier Reverte, que nos ensina a navegar en Mares salvajes!

Vós, mozos e mozas divinos, amantes do requinte, que vos parecería dar unha voltiña polo sofisticado e luxosísimo oriente? Vinde a este bazar de historias magníficas, cheas de ensoñación e delicada sorpresa que son as Mil e unha noites! Sentimentos sutís, crueldades elaboradas, sensualidade… Nos días de calor extenuante, no abafo da sesta ourensá temos de primeiro uns Contos do Islam servidos cun fondo de Rapto do serrallo de Mozart ou excelentemente maridados coa Sheherazade de Rimsky-Korsakov.

E a vós, esforzados pais e nais do noso alumnado, gardámosvos unha delicia de exotismo histórico, presente no Baudolino de Eco, nas olladas que lle bota ao mundo talibán Khaled Hosseini en Papaventos no ceo e, naturalmente, nas Historias de emigrantes de Neira Vilas. Estas, se cadra, non son tan exóticas, porque, quen non ten un emigrante na familia ou quen non escoitou o relato estrañado dos indianos que retornan da Arxentina, de Venezuela, de Alemaña? En fin, sigamos a Arseniev polas estepas de Dersu Uzala, viaxemos con Karen Blixen polas Memorias de África, á España de Mérimée, á India de Mistri, ou Á procura do unicornio. E por que non brindar, como Meryl Streep, pola cándida adolescencia? Bo verán e boas lecturas.