Hagai
BAB 1
1 Ri tanggala se're bulang annang ri taung makarua ammarentana Karaeng Darius, a'bicarai Batara tete ri Na'bi Hagai mae ri Zerubabel ana'na Sealtiel, guburnur Yehuda, siagang Yosua ana'na Yosedek, imanglompoa, angkana, 2 Nakana Batara Kaminang Koasaya, “Anne bansaya nakana tenapa narapiki wattunna untu' ambangung poleang Balla'Na Batara.
3Nampa a'bicara Batara tete ri Na'bi Hagai.
4 Maka iami antu wattunnu, o, untu' ammantang ri balla'nu, nampa anne balla'nuancuru'?
5 Lanri kammana anjo, kamma-kamma anne iNakke, Batara KaminangKoasaya; Parhatikangi batenu.
6 Jai bine nulamungi, mingka sike'de'ji wassele'nu; angnganreko, mingka tena ganna'nu; angnginungko, mingka tena nasa'ring; nu pakei pakeang, mingka tena nu angnginrang; siagang tau angngalle gaji anggappai gaji untu antama ri kantong niaka kali'bongna.
7Nakana Batara Kaminang Koasaya; Parhatikangi batenu.
8 Nai' mako ri monconga angngalle kayu tunuang, nampa nubangung balla'nu; siagang lasannangi nyawaKu lanri anjo kammaya, siagang laKupakala’biriki, kammaminjo kananNa Batara.
9 Manrannuangko jai, mingka sike'de'ji wassele'nu; siagang ri wattu nu angngerang mange ri balla, inakke antunrungi. Ngapai? Nakana Batara Kaminang Koasaya. Passabakkang ballakku ancuru, siagang massing lari ngasengko mange riballa'nu.
10 Lanri kammana anjo, langika siagang buttaya tenamo rapporappoanna.
11 Nampa kupala'mo kacipuranga ri buttaya, ri buluka, ri gandunga, anggoro' berua, minynya'-minynya'a, siagang wassele'na buttaya, siagang mae ri rupataua, mae ri olo'-oloka, siagang mae ri kacipuranga.ri sikontu jama-jamang limanna.
12 Zerubabel ana'na Sealtiel, siagang Yosua ana'na Yosedekh imang lompoa, kammayatompa sikontu tau niaka tassesa, mannuruki ri Batara, Allata'alana ke'nanga, siagang Na'bi Hagai, sangkamma le'baka Napau Karaeng Allata'alana ke'nanga nasuroi, siagang a’jari malla’mi ra’yaka ri dallekanNa Batara.
13 Nampa Hagai, anjo tunisuroNa Batara, a'bicarai mae ri ra'yaka, angkana, "INakke anrurungangko."
14 Napagio'mi Batara nyawana Zerubabel ana'na Sealtiel, guburnur Yehuda, siagang Yosua ana'na Yosedekh, imang lompoa, kammayatompa sikontu ra'yaka niaka tassesa. nampa battu ke’nanga anjama ri Balla’Na Batara Kaminang Koasaya, Allata’alana ke’nanga.
15 Tanggala' ruampulo angngappa' bulang annang ri taung makarua ammarentana Karaeng Darius.
BAB 2
1 Ri tanggala' ruampulo asse're bulang tuju lalang anjo bulanga, a'bicarai Batara tete ri Na'bi Hagai.
2 Kamma-kamma anne a'bicara mako mae ri Zerubabel ana'na Sealtiel, guburnur Yehuda, siagang mae ri Imang Lompoa Yosua ana'na Yosedekh, kammayatompa mae ri ra'yaka maraengannaya.
3 Inai tassesa ri kau anciniki anne Balla'Na Batara ri wattu ga'gana riolo? siagang antekamma batenu anciniki kamma kammayya anne? maka tena anjo ri matannu punna nipasibandingangi siagang tena apa-apa?
4 Mingka kamma-kamma anne gassing mako, he Zerubabel, Nakana Batara; siagang gassingko, he Yosua ana'na Josedekh, imang lompoa; siagang gassing mako, he sikontu bansa niaka ri anne pa’rasanganga, Nakana Batara, siagang anjama mako,
nasaba’ iNakke anrurungangko, Nakana Batara Kaminang Koasaya.
5 Sangkamma janji le'baka Kupa'janjiang ri kau ri wattunnu assulu' battu ri Mesir, nyawaKu lammantangko ri tangngatangnganu.
6 Nasaba' iaminne kananNa Batara Kaminang Koasaya; Sikaliji bawang, sinampe'ji bawang, naKupa'goccang langika, buttaya, tamparanga siagang butta kalotoroka;
7 LaKugoccangi sikontu bansaya, siagang sikontu apa nakaerokia sikontu bansaya laKupa'jari rassi anne ballaka siagang kala'birang.
8 Anjo peraka iNakke ngaseng pata, siagang bulaenga iNakke pata, Nakana Batara Kaminang Koasaya.
9 Kala'biranna anne balla' ri bokoang alloa la'bi lompoangangi kala'biranna na rioloa, kammami anjo kananNa Batara Kaminang Koasaya.
10 Ri tanggala' ruampulo angngappa' bulang salapang ri taung makarua ammarentana Darius, a'bicarai Batara tete ri Na'bi Hagai.
11 Nakana Batara Kaminang Koasaya; Kamma-kamma anne akkuta’nang mako mae ri imang-imanga ri passala’na anjo hukkungagama Yahudia;
12 Punna nia' tau angngerang dageng matangkasa' ri sa'rinna jubana, nampa nasero roti, kanrejawa, anggoro', minynya' zaitun, yareka dageng maraengannaya, maka akkullei anjo kanrekanreanga nisa'la'? Appialimi sikamma imanga angkana, "Tena."
13 Akkuta'nammi Hagai angkana, "Punna nia' tau ra'masa' lanri nataba maya', na nasero kalase'renna anjo kanre-kanreanga, maka a'jari ra'masaki anjo kanrea?" Appialimi sikamma imanga angkana, "Anjokanrea ra’masaki."
14 Appialimi Hagai angkana, “Kammami anjo bansaya siagang anjo bansaya ri dallekanKu. kamma tomminjo sikontu panggaukanna limanna ke’nanga; siagang anjo apa napassareanga ke’nanga anjoreng ra’masaki.
15 Kamma-kamma anne parallui nuparhatikang baji'-baji' anne alloa sa'genna kamma-kamma anne ri tenanapa nipadongko' se're batu irate ri se'rea batu lalang ri Balla'Na Batara.
16 Riolo, punna nia' tau anrapi' ri se'reang pa'goppongang ruampulo ukkuru',nia' sampuloji bawang.
17 Kupa'risi ngasengko siagang pepe', a'ba siagang bosi es lalang sikontu jama-jamannu; manna nakamma tena todong nuero’ ammotere’ mae ri Nakke,Nakana Batara.
18 Parhatikangi kamma-kamma anne appakkaramula ri tanggala' ruampulo angngappa' bulang salapang, appakkaramula ri allo nipadongko'na pondasina Balla'Na Batara.
19 Maka nia' iji anjo binea lalang ri pammolikanga? kamma tomminjo, poko' anggoroka, poko' araya, poko' delimaya siagang poko' zaitunga tenapa na'rappo. Appakkaramula anne alloa laKubarakkakiko.
20 Ri tanggala' ruampulo angngappa' anjo bulanga, a'bicarami pole Batara mae ri Hagai.
21 Pabattui mae ri Zerubabel guburnur Yehuda angkana, "LaKupata'bangkai langika siagang buttaya;
22 LaKuancuruki empoang kala'biranna sikamma kakaraenganga, siagang laKuancuruki kakoasanna kakaraenganna bansa-bansaya; siagang laKuancuruki kareta-kareta pa’bundukanga siagang sikamma padongko’na; siagang sikamma jaranga siagang pabaena lanaung ngasengi, massing nibuno ri pa’dang sari’battanna.
23 Nakana Batara Kaminang Koasaya, "Ri anjo alloa laKualleko, he Zerubabel, atangKu, ana'na Sealtiel, siagang laKupa'jariko sanrapang pammatei, nasaba' le'ba' mako Kupile, Nakana Batara KaminangKoasaya .