NRD
Stresi dhe ndryshimi i menjëhershëm i temeraturave, shkaku kryesor i ngordhjes masive të peshqve në Liqenin e Fierzës Në Shkodër u adoptuan 360 qen endacakë brenda 5 viteve Vazhdon Nërgjegjësimi Publik për Zonat e Mbrojtura në Shkodër “Duaje Natyrën për vetë, për të gjithë
Four Paws Project Coordinator
Mali i Munellës: Shtëpia e fundit e rrëqebullit në Shqipëri mbetet e pambrojtur dhe në mëshirë të fatit
Saimir Shehu
Nr. 7, 2017
Progresi moral i shqiptarëve shihet në mënyrën si i trajtojnë kafshët*
Natural Resources in Development
Ndodh jo rrallë, edhe sot, në vitin 2017që në Shqipëri të të krijohet përshtypja që mjedisi të jetë një problem vetëm i të tjerëve…. Sot, kur në botë aksioni në mbrojtje të mjedisit ka marrë një qasje shumë-dimensionale dhe ka mbështetjen e shumë qeverive të vendeve të botës, organizatave ndërqeveritare, shoqërisë civile, mediave, etj. Një shije e hidhur më mbeti ndërsa hyja në një nga restorantet gjasme bio të momentit, diku fare afër Tiranës. Në mbërritje u përballa me një pamje pothuaj mesjetare që në hyrje të restorantit: një ari i balsamosur. Pak më tej një lëkurë ariu e varur në mur. Ndërkohë rreth e rrotull plot familjarë, fëmijë e të rritur, që hanë, flasin apo lozin... Të pashqetësuar nga ky përdhunim i natyrës. Të pamerakosur mbi moralitetin apo edukatën që i transmetonin fëmijëve të tyre. Të pandjeshëm ndaj mjedisit dhe padrejtësisë që i bëhet atij... E njëjta pamje, jo me arinj këtë rradhë, por me shqiponja, kunadhe e pelikanë mu shfaq në një restorant tjetër, “me emër”. Rreth e rrotull po e njëjta indiferencë… Mahatma Gandhi, një pacifist si rrallëkush, një illuminist dhe filozof i paqes, dikur thoshte: “progresi moral i një kombi mund të vlerësohet me mënyrën si trajtohen kafshët në atë vend...” Shoqëria shqiptare, për arsye të shumta objektive dhe subjektive, e ka parë gjithnjë trajtimin e kafshëve si një çështje të dorës së dytë e madje edhe të tretë apo të katërt. Shumëkush mund të ketë ende në mendje skenat e filmit “Koncert në vitin 36” se si trajtohej me tallje e ironi një dekret i Mbretit Zog kundër trajtimit çnjerëzor të kafshëve. Po ashtu janë ende të gjalla pamjet e shkatërrimit të pyjeve për të hapur brezare dhe për të mbjellë më kot grurë e misër në emër të injorancës së sigurimit të bukës në vend… Në vitin 2017 duket se jo shumë ka ndryshuar në botëkuptimin social mbi trajtimin e çështjes. Vazhdojmë të ndërtojmë ku të na pëlqejë, të presim pyje të tërë e të ndërtojmë hidrocentrale, të hedhim mbeturina urbane e kimike lart e poshtë… Po kështu, kafshët vazhdojnë të trajtohen nga shumica dërrmuese si objekte pa asnjë të drejtë. vijon në faqen 3