E shtunë, 26 janar 2013
9
www.mapo.al
Detyrimet
Konsumatori për çdo ankesë që ka të bëjë me mosrespektimin e kontratës do të marrë përgjigje nga strukturat e kompanisë. Përmirësimi i këtyre marrëdhënieve nuk do të thotë që nuk do të ndjekim të gjitha detyrimet për veprimet operacionale që kanë të bëjnë me ndërprerjen e energjisë elektrike ndaj të gjithë debitorëve. Dua të theksoj se nuk do të ketë asnjë falje të debisë dhe detyrimeve.
masat
Tolerancë zero ndaj informalitetit. Për këtë qëllim kam marrë takim me strukturat e shtetit, si prokuroria, policia e shtetit dhe jam në pritje të hartimit të një akt marrëveshje për të mbështetur punonjësit e CEZ shpërndarje në ushtrimin e funksioneve të saj. Mund të them se, kur kam drejtuar kompaninë katër vjet më parë, i kam ndërprerë dritat ARMOS që kishte 400 milionë lekë detyrime, Albpetrolit, madje edhe zyrave të Partisë Demokratike në rrethe.
Është ngritur një strukturë dhe unë kam informacion ditor në lidhje me mungesën e energjisë elektrike në disa zona, që vijnë kryesisht si rezultat i mungesës së bazës materiale. Rregullat e përcaktuara nga Enti Rregullator i Energjisë Elektrike përcaktojnë qartë që të gjitha planet financiare të kompanisë duhet të raportohen dhe të miratohen nga ERE. Unë këto ditë kam mbledhur të gjitha informacionet e nevojshme dhe kam një vlerësim paraprak mbi gjendjen dhe do t’i drejtohem ERE-s si i vetmi ins t it u c i o n mb i k ë q y r ë s p ë r C E Z Shpërndarje dhe do të vendosim zgjidhjen më emergjente për këto zona. Në shërbim të përmirësimit të situatës, do të rivëmë në punë sektorin e riparimit të transformatorëve dhe besoj se deri në fund të muajit shkurt do të kemi një stabilizim të situatës së furnizimit me energji elektrike. Në fund të muajit të ardhshëm do t’i kthehem standardit të datës 29 maj 2009, kur unë jam larguar nga drejtimi i kësaj kompanie, ku Shqipëria kishte 24 orë drita dhe ankesa më serioze ishte kur një qytetar ankohej se nuk kishte 20 minuta drita. Do të jetë synimi ynë emergjent që të kthejmë besimin e qytetarëve te kompania. Sa të vështirë do ta keni ju drejtimin, pasi në kompani ka një Bord Mbikëqyrës me përfaqësi çeke, të cilët janë të regjistruar si të tillë dhe njihen ligjërisht edhe në QKR? I vetmi institucion që njoh është Enti Rregullator i Energjisë. Të gjitha strukturat e tjera, ku përfshihet edhe një kompani CEZ Albania, që ka një pjesë të shërbimeve, për të cilat kam kërkuar të transf e r o h e n u rg j e nt i sht p r a n ë C E Z Shpërndarje, me qëllim që ne të ecim paralelisht edhe me krijimin e strukturës dhe me përmirësimin e situatës. Besoj se edhe për një kohë jo shumë të gjatë kompania nuk do ta ketë të vështirë të ndjekë operimin, faturimin dhe shpërndarjen. Struktura që po ndërtohet do të jetë shumë funksionale. Kjo strukturë është drejt një detajimi, ku prioritar është terreni, çka do të thotë se 70-80 për qind e stafit të kësaj kompanie prej 4500 punonjësish do të jetë në terren, duke pasur për detyrë përmirësimin e situatës financiare të kompanisë dhe shërbimin ndaj konsumatorëve. Unë mendoj se një kompani do të jetë e suksesshme kur të jetë e shëndoshë financiarisht. Dhe ky do të
jetë objektivi im personal, përmirësimi financiar i kompanisë. Çka do të thotë se, çdo konsumator, çdo abonent privat, familjar, buxhetor, të trajtohet si konsumator i energjisë elektrike dhe në rast të moszbatimit të ligjit, ai do të gjejë vetëm një përgjigje tek unë, ndërprerjen e energjisë elektrike. Edhe ndaj ndërmarrjeve të ujësjellësit? Absolutisht për çdo institucion. Ujësjellësit kanë zyra, kanë administratë. Fillimisht do të ndërpritet energjia elektrike për administratën, zyrave dhe ambienteve dhe shkallë-shkallë do të shkojë deri sa ndërpritet energjia edhe për institucionet e varësisë. Kompania kryen një shërbim, ky shërbim ka një kosto dhe kjo kosto do të paguhet. A do të ndryshojnë kushtet e kontratës? Ligji për energjinë elektrike dhe ERE kanë miratuar kodet e matjes dhe kushtet e kontratave me konsumatorët, të cilat do të jenë në fuqi. Një gjë dua të them se, me ndryshimin e administratorit, nuk do të ketë as falje të detyrimeve dhe as zvogëlim të tyre. Ju vë në dijeni se kam dhënë urdhër për dy çështje kryesore. Njëra është pezullimi i aktivitetit të një strukture gjobëvënëse. Kjo strukturë, duke mos qenë e kontrolluar, nuk ka arritur të ketë rezultate reale dhe nisur nga ankesat e qytetarëve e kam pezulluar për të shmangur abuzimet dhe spekulimet me gjobat. Kam pezulluar edhe strukturën tjetër që merrej me vendosjen dhe vulosjen e matësve, e cila me informacionet që kam marrë nuk ka qenë shumë korrekte. Ndërsa përsa i përket faturimeve abuzive, do të ngrihet një strukturë që do të verifikojë të gjitha ankesat e qytetarëve, të cilët janë ankuar për faturime abuzive. I ftoj të gjithë këta qytetarë që të nisin të paguajnë energjinë e konsumuar, pa u kushtëzuar nga detyrimi, deri në verifikimin e plotë të tij. Në lidhje me marrëdhëniet me konsumatorët do të krijohet një strukturë që do të mundësoje që brenda një afati 15-ditor, ose më shpejt, qytetarit do t’i jap një përgjigje me shkrim në lidhje me ankesat me natyrë mbifaturimi, mungesë energjie dhe të tjera. Gjithashtu, do të rishikohen të gjitha marrëdhëniet me kontraktorët, qoftë për vjeljen e debisë ose të tjera, pasi nuk kanë rezultuar efektive. Objektivat afatshkurtër janë furnizimi
Fillimisht do të ndërpritet energjia elektrike për administratën, zyrave dhe ambienteve dhe shkallëshkallë do të shkojë deri sa të ndërpritet energjia edhe për institucionet e varësisë. Kompania kryen një shërbim, ky shërbim ka një kosto dhe kjo kosto do të paguhet
me energji i konsumatorëve, përmirësimi i marrëdhënieve me konsumatorin dhe krijimi një strukturë funksionale. I garantoj se korrektësia, ndershmëria, profesionalizmi, do të sundojnë me një tolerancë zero ndaj informalitetit. Për këtë qëllim kam marrë takim me strukturat e shtetit, si prokuroria, policia e shtetit dhe jam në pritje të hartimit të një akt marrëveshje për të mbështetur punonjësit e CEZ shpërndarje në ushtrimin e funksioneve të saj. Mund të them se, kur kam drejtuar kompaninë katër vjet më parë i kam ndërprerë dritat ARMOS që kishte 400 milionë lekë detyrime, Albpetrolit, madje edhe zyrave të Partisë Demokratike në rrethe. KESH pretendon ndaj CEZ-it 32 miliardë lekë, OST mbi 5 miliardë lekë dhe Ministria e Energjetikës llogarit dëme deri në 1 miliardë USD. Po shifra e juaj e detyrimeve cila është? Nuk kam ende një shifër për ju. Por dua të them se pas datës 21janar asnjë lek nuk do të shpenzohet pa ditur destinacionin. Të gjitha llogaritë e CEZ janë të bllokuara nga KESH, OST, komunat dhe bashkitë. Dua të theksoj se këto të fundit kanë abuzuar ndjeshëm me taksat dhe tarifat, duke e ngarkuar CEZ me vlera të fryra dhe jo reale, gjë për të cilën do t’u drejtohem institucioneve dhe Këshillit të Ministrave për të mos paguar asnjë qindarkë deri në sqarimin e këtyre tarifave. A keni një plan qoftë afatshkurtër apo afatg jatë për zerimin e këtij borxhi? Me të përfunduar miratimin e strukturës së re me të cilën unë do të punoj, gjithçka tjetër do të jetë operacionale. Brenda një muaji do të paraqesim në ERE një plan të detajuar mbi të ardhurat, mbi shpenzimet, duke u nisur nga gjendja e rëndë financiare që është sot. Ne nuk pretendojmë të përmirësojmë treguesit për 6 muaj, kur kompania është keqadministruar për vite të tëra. Kryetari i Bordit të Grupit CEZ në Pragë ka thënë për mediat atje se garancia e Bankës Botërore 60 mln euro nga privatizimi tashmë është në kompetencën tuaj, për shkak të pushtetit që juve ju ka dhënë ERE të drejtoni këtë kompani. A do të aplikoni ju për garancinë e BB? Të gjitha këto lajme për mua nuk ekzistojnë. Unë kam vetëm një institu-
cion që jap llogari, që është ERE dhe kam vetëm një objektiv, të kthej kompaninë në parametrat normalë financiarë. Përsa i përket garancisë 60 milionë euro, e kam firmosur unë para katër vitesh dhe tani prapë është në dorën time dhe kjo garanci nuk ka për të lëvizur. Cila do të jetë politika juaj e komunikimit me median? Me mediat do të funksionojnë dy gjera. E para, do të jem transparent për çdo lloj transaksioni dhe sidomos për shpenzimet që do të kryejë kompania. E dyta, mediat do të kenë derën e hapur për të marrë çdo lloj informacioni. Parimi im është çdo informacion i fshehur është kosto. A do aplikoni për rritje çmimi të energjisë ndaj konsumatorëve këtë vit? Pas analizës që do të bëj besoj se rezervat e kompanisë janë të mjaftueshme për të kthyer parametrat. E para ka të bëjë me rritjen e arkëtimeve me mbledhjen e debisë. E dyta ka të bëjë me uljen e humbjeve. Çdo kërkesë të parakohshme unë do ta quaja një abuzim timin, s’mund t’ju kërkoj qytetarëve shqiptarë që të paguajnë energjinë elektrike edhe për ata që nuk paguajnë. Pasi të kemi plotësuar detyrimet në lidhje me humbjet dhe arkëtimet, ne mund t’i drejtohemi ERE për rritje çmimi. CEZ ju ka akuzuar ju se keni falsifikuar treguesit e humbjeve në momentin e privatizimit, gjë të cilën ata e kanë vërtetuar më vonë. Cili është versioni juaj për këtë akuzë? Unë e nisa dhe mbarova intervistën duke mos dhënë asnjë shifër abuzive për CEZ Shpërndarje në këto katër vite. Kështu do të ishte dinjitoze edhe për ata, që të tregoheshin me korrekt me shifrat. Në momentin që kam ikur nga drejtimi më 2009, humbjet ishin 31,7 për qind dhe arkëtimet 87%. Sot unë nuk kam shifra të sakta, pasi nuk punohet me një plan, pasi kompania nuk kishte plan se sa duhej të ishte niveli i humbjeve këtë vit apo vitin tjetër. Pas shumë auditimesh që ka bërë CEZ për treguesin e humbjeve që lashë unë më 2009, humbjet kanë dalë 32% dhe arkëtimet nuk kanë lëvizur farë. Po t’u kishte ardhur e keq ja nga ajo shifër, CEZ nuk do të kishte humbjet sot gati 50%. Ndërkohë që sipas kontratës së privatizimit humbjet nuk duhet të ishin më shumë se 20% këtë vit