44
viðtal
Helgin 13.-15. desember 2013
Við skjótum vonina niður Stjörnuspekingurinn Gunnlaugur Guðmundsson er þekktastur sem slíkur enda hefur hann í áratugi dregið upp og rýnt í stjörnukort fólks. Hann sýnir nú á sér nýja hlið í sjálfshjálparbókinni Leiðin til sigurs þar sem hann segist taka á öllum grunnþáttum sem fólk þurfi að sinna til þess að ná raunverulegum árangri. Hann hefur viðað að sér efni í bókina í tuttugu ár og byggir hana ekki síst á eigin sigrum og ósigrum í lífinu.
G
unnlaugur Guðmundsson, Gulli stjarna, er sjálfsagt þekktasti stjörnuspekingur landsins enda hefur hann starfað sem slíkur í áratugi. Hann hefur sent frá sér sjálfshjálparbókina Leiðin til sigurs en í henni horfir hann inn á við og leiðbeinir fólki um hvernig það geti náð árangri í lífinu án þess að gangur himintunglanna komi þar við sögu. „Ég hélt námskeið í sjálfsrækt árin 1993 til 1995 og bjó í kringum þau til kennslugögn sem ganga út frá því að maðurinn sé samsettur úr sálarlífi, líkama og andlegum eiginleikum,“ segir Gulli. „Þarna bjó ég til aðferðafræðina sem ég kalla leiðina til sigurs en til þess að ná árangri þarf að gera alla þessa grunnþætti upp. „Þú ferð í gegnum sálarlífið og gerir það upp. Ferð í gegnum þetta líkamlega og þetta andlega og gerir allt upp. Málið er að það er svo mikið af bókum sem fjalla bara um eitthvað eitt af þessu. Bara um mataræði, til dæmis, en ég er að reyna að gera heildarkerfi. Þú verður að fara í gegnum þig allan ef þú ætlar að ná raunverulegum árangri. Þetta er lífsstíll og ef allt er í steik í sálarlífinu þá nærðu ekki árangri.“
Von og Ósk
Framan á bókinni eru tvær dúfur. Merkingarbærar að sjálfsögðu. „Ég kalla þær Von og Ósk. Það sem við gerum í rauninni í lífinu er að við senda vonir og óskir út í loftið. Og af hverju rætast svo ekki þessar vonir og óskir? Vegna þess að þú skýtur þær í rauninni niður sjálfur. Þú sendir efa og ótta strax á eftir þeim. Ég nota dæmi um flugvélamóðurskip í bókinni. Flugvélarnar á skipinu bera ýmis nöfn. Ein vélin heitir Von og önnur Ósk. Prófum að senda þessar vélar út í loftið með von í brjósti um að þær snúi til baka stútfullar af peningum. Þetta er eitthvað sem við gerum gjarnan. Við sendum vonir og óskir út í loftið. En oft á tíðum gerist ekkert og það er einkum tvennt sem kemur í veg fyrir árangur. Í fyrsta lagi er athygli okkar er ekki vakandi. Við sendum ósk út í loftið en svo gleymum við bara óskinni. Í öðru lagi er vilji okkar ekki hreinn. Við sendum vélarnar Ósk og Von af stað en skömmu síðar sendum við herþoturnar, Efa og Ótta, á loft og skjótum Óskina og Vonina niður. Þess vegna náum við ekki árangri,“ segir Gulli og spyr í framhaldinu: „Hvernig kemur þú í veg fyrir það? Þú verður að taka til í sálar-
Gunnlaugur Guðmundsson er þekktur stjörnuspekingur en horfir ekki til himins í sjálfshjálparbók sinni Leiðin til sigurs þar sem hann fer yfir alla grunnþætti sem þurfa að vera í lagi hjá fólki þannig að það geti náð árangri. Ljósmynd/Hari
Ég er að reyna að kenna, í þessari bók, hvernig maður byggir upp hreinan vilja.
lífinu. Þú verður að losa þig við ótta og hræðslu. Flótti er frumorsök allra vandamála þannig að ég fer í gegnum hvernig maður tekur á flótta í sálarlífinu. Hann er orsök vandamálanna og það er verkefni að takast á við hann.“
Sigrar og ósigrar
Gulli segir að vissulega taki á að glíma við flóttatilhneiginguna. „Þetta er spurning um hvað þú vilt. Ég segi frá því í bókinni að ég hef oft sigrað í lífinu en ég hef líka oft beðið ósigur. „Ég hef oft klúðrað málunum og þegar ég horfi til baka þá sé ég að þegar mér gengur illa þá er oft ákveðin hegðun undanfari þess. Ég nenni ekki í ræktina. Ég borða ekki góðan mat og hugsa neikvætt. Og þá fara hlutirnir að ganga illa. En þegar ég tek mig á, fer að hugsa jákvætt og jafnvel að hugleiða. Fer í ræktina og borða góðan mat þá fer að ganga vel. Þannig að þú getur gengið leiðina til sigurs eða þú getur gengið leiðina til helvítis. Ég er að reyna að kortleggja þetta. Hvað þarf ég að gera til að ná árangri? Til að sigra í eigin lífi? Ég hélt þessi námskeið í tvö ár og ég hef gert þetta sjálfur. Í bókinni fer ég í gegnum hvernig á að vinna með sálarlífið, ég fer í gegnum líkamann, mataræðið og líka í gegnum markmiðasetningu.“ Gulli kynnir einnig hugleiðsluaðferðina sem kennd er við vakandi athygli, eða „mindfullness“. „Ég tek þetta allt fyrir. Ég tek fyrir sálarlíf mannsins, líkamlega sviðið og hið huglæga og andlega. Spóla bara í gegnum þetta með ráðleggingum og greiningu.“
Allur pakkinn
„Það sem gerir þessa bók öðruvísi en aðrar bækur er að ég er að reyna að skoða heildina,“
segir Gulli. „Það er æðislega fínt að þú borðir góðan mat og farir í ræktina en ef þú ert með höfnunarkennd og reiði þá lemurðu konuna þína hvort sem þú hefur verið í ræktinni eða ekki. Af því að þú ert ekki búinn að taka sálarlífið í gegn. Ef þú ferð í gegnum líkamsrækt og mataræði en hefur ekki skýr markmið þá nærðu heldur ekki árangri. Vegna þess að þú ert óttasleginn, fullur af efa og reiði og þá verða markmiðin ekki skýr.“ Gulli segir galdurinn liggja í hreinum vilja. „Ég er að reyna að kenna, í þessari bók, hvernig maður byggir upp hreinan vilja. Til þess að ná árangri. Þetta er í raun leiðin til sigurs í eigin lífi. Ég segi frá mínu eigin lífi, mínum eigin ósigrum, hvernig ég klúðraði málunum og svona. Þeim erfiðleikum sem ég lenti í hér áður fyrr. Þetta er mjög flott bók, skal ég segja þér, og þetta er svona tuttugu ára meðganga að baki henni. Ég skrifaði grunninn 1993 til 1995 en hef svo tekið þetta upp aftur og yfirfarið. Og af hverju er ég, stjörnuspekingurinn, að gera þetta? Ég fæ mjög margt fólk til mín í einkatíma þar sem ég er að lesa út úr stjörnukortum og er þá oft að vinna með sjálfsþekkingu. Ég nýti í raun allt það besta sem ég hef rakið mig á í þessum efnum á síðustu tuttugu árum.“ Gulli líkir manninum við hús í bókinni og þannig byrjar hann að taka til í kjallaranum, með tilheyrandi æfingum, og svo fikrar hann sig áfram upp og endar á tiltekt uppi í risi. „Þetta eru praktísk ráð, mjög yfirgripsmikið en ekkert hátíðlegt eða flókið,“ segir Gulli um leið sína til sigurs. Þórarinn Þórarinsson toti@frettatiminn.is
www.lyfja.is - Lifi› heil
Gleðilegar gjafir í alla pakka
Mundu eftir jólahandbók Lyfju
Lyfja hefur að bjóða gjafavöru í úrvali fyrir alla fjölskylduna. Hjá okkur færðu fallegar gjafir sem koma sér ávallt vel. Hver sem árstíðin er þá höfum við alltaf sama takmark: Við stefnum að vellíðan.
Lágmúla Laugavegi Nýbýlavegi
Smáralind Smáratorgi Borgarnesi
Grundarfirði Stykkishólmi Búðardal
Patreksfirði Ísafirði Blönduósi
Hvammstanga Skagaströnd Sauðárkróki
Húsavík Þórshöfn Egilsstöðum
Seyðisfirði Neskaupstað Eskifirði
Reyðarfirði Höfn Laugarási
Selfossi Grindavík Keflavík