Glosario XORDOS AAGG final GAL.qxp:Maquetación 1
23/6/09
12:36
Página 37
Cuadriconomía / Cursiva 37 Cuadriconomía Método de impresión dun amplo espectro de cores mediante a mestura de combinacións das catro cores básicas: cian, maxenta, amarelo e negro. A separación de imaxes en catro fotólitos, canles ou pranchas. Por extensión, calquera método de impresión baseado no uso de catro cores.
Cuberta Nun impreso formado por varias follas unidas, as follas ou partes externas e as súas respectivas zonas interiores. Mesmo cando son de papel, as cubertas adoitan estar feitas dun material un pouco máis resistente que as follas interiores para protexer o impreso do desgaste derivado do uso.
Cursiva Tipo de letra que se representa lixeiramente inclinada cara á dereita. Normalmente, mediante esta disposición inténtase imitar a escritura manual e, polo tanto, estes tipos adoitan posuír unhas esquinas máis redondeadas e con máis remates que os tipos de letra de pau seco ou romana.