Fengu vilyrði fyrir 22 lóðum undir kvikmyndaver á nýju iðnaðarsvæði

Nýstofnað fyrirtæki stefnir á að reisa gríðarstórt kvikmyndaver

Hafnarfjarðarbær hefur veitt fyrirtækinu Rec Studio ehf., sem stofnað var í október á síðasta ári, vilyrði fyrir nær helmingi af öllum lóðum í nýju iðnaðarhverfi sem er verið að hanna vestan við Hellnahraun 2 og sunnan við kvartmílubrautina og skotæfingarsvæði SÍH.

Í almennri kynningu sem lögð var fram í bæjarráði kemur fram að myndverið verði hannað frá grunni með þarfir markaðarins eins og hann er að þróast, horft til framtíðar.

Þar segir að staðsetning og nánasta umhverfi skipti verulegu máli og gera verði verður ráð fyrir umtalsverðu rými á lóð myndversins fyrir ýmiskonar búnað leigutaka hverju sinni.

Þar sem starfsemin sé næm fyrir utanaðkomandi hljóði er kostur að staðsetningin taki mið af því, sé til að mynda ekki ekki ofan í þungri umferð eða háværri framleiðslu. Svæðið er rétt við skotæfingasvæði Skotíþróttafélags

Kvartmílubraut

Gerðisstígur(þjóðleið)

Hafnarfjarðar og greinilegt að sú starfsemi eigi að víkja ef verða á við þessum þörfum Rec Studio.

Ekki kemur skýrt fram hvers stórt kvikmyndaverið á að vera en skv. kynningunni má ætla að það verði um

7.000 m² og að framkvæmdin verði áfangaskipt.

Segir í kynningunni að tryggt hafi verið samstarf við helstu framleiðslufyrirtæki landsins sem og erlenda sérfræðinga og framleiðendur.

Hellnahraun3

Í kynningunni er nefndur ávinningur fyrir Hafnarfjörð, hálaunastörf og að jafnaði skapist um 110 störf í tengslum við hvert sérútbúið kvikmyndaver, myndver leiði af sér margs konar nálæga starfsemi, Hafnarfjörður komist enn betur á alþjóðlega kortið og að starfsemin muni leiða af sér verulega aukningu viðskipta og starfsemi sem fyrir eru í sveitarfélaginu.

Tunguhella

REC Studio ehf. fékk vilyrði fyrir 22 lóðum í nýju hverfi sem mun teygja sig vestur í Gráhelluhraunið og fara yfir Gerðisstíg sem er skilgreint sem fornminjar. Er hann teiknaður með gulu inn á myndina. Grænu deplarnir eru skráðar fornmingjar á svæðinu.

DEILISKIPULAGIÐ HEFUR EKKI VERIÐ KYNNT

Ekki kom fram í fundargerð bæjarráðs eða bæjarstjórnar hvar þessar umbeðnar lóðir væru en eftir nokkrar eftirfylgni fengu Fjarðarfréttir að sjá deiliskipulagstillögu sem var í vinnslu fyrir Hellnahraun 4 en sú tillaga hafði hvergi verið kynnt opinberlega.

Það vekur athygli að svæðið sker forna þjóðleið, Gerðisstíginn en nokkuð er um fornminjar en þó engar skráðar á sjálfu deiliskipulagssvæðinu.

Verið velkomin!

Verið velkomin Verið velkomin á RIF, í hjarta á RIF, í hjarta Hafnarfjarðar! Hafnarfjarðar! í hjarta Hafnarfjarðar

Alla virka daga kl. 11.30 - 14

Val á milli tveggja rétta

Verð: 2.290 kr.