Mikrobiologji - shkenca e cila i studion mikroorganizmat. Mikrometër (μm) - e njëmijta pjesë (1/1000) e milimetrit; mikron. Mikroorganizëm - organizëm i vogël mikroskopik Mineral - materie joorganike; pjesë e ushqimit, e nevojshme për shëndet të mirë në sasi të vogla. Miozinë - një prej dy proteinave kontraktile në qelizat muskulore. Miokard - shtresa e brendshme e zemrës; muskuli i zemrës. Miopi – dritëshkurtësia. Mitozë - ndarja qelizore, gjatë së cilës krijohen dy qeliza bija, të cilat janë identike me qelizën mëmë. Mitokondri - organele qelizore në të cilën krijohet energji. Monocit - lloj i qelizës së bardhë të gjakut. Mushkëri - organ për frymëmarrje. Mutagjen - shkakton mutacion. Mutacion - ndryshim i gjenit ose i kromozomit.
N Nefron - njësi funksionale e veshkës. Nekrozë - vdekje e indit. Neuralgji - dhembje në nerv. Neurilemë - mbështjellës i hollë që e mbulon aksonin. Neuron - qelizë e sistemit nervor. Nerv - tufë e fijeve nervore, jashtë prej sistemit nervor qendror. Neutrofil - lloj i qelizës së bardhë të gjakut. Nukleotid - pjesë përbërëse e ADN-it ose e ARN-it. Ngacmim nervor (impuls) - mbushje elektrike e cila përhapet nëpër membranën e qelizës nervore; potencial i veprimit. Ngacmim (stimul) - ndryshim i mjedisit të jashtëm apo të brendshëm që jep një reagim përkatës. Nyje - regjion i lidhjes së dy apo më tepër eshtrave. Nyje limfatike - lëndë e indit limfatik e cila e filtron limfën.
O Organ - pjesë e trupit e cila përmban dy ose më tepër inde, të cilat funksionojnë bashkë për të kryer një punë të caktuar. Organele - pjesë në qelizë, e specializuar për realizimin e një funksioni të caktuar. Organizëm - gjallesë bimore apo shtazore. Organik - materie që gjenden në krijesat e gjalla (bimë, shtazë dhe mikroorganizma) të cilat në përbërjen e tyre molekulare përmbajnë atome të karbonit, hidrogjenit dhe oksigjenit. Osmozë - lëvizje nëpër membranën gjysmëlëshuese. Osteoporozë - dëmtimi i indit ashtëror e cila sjell thyerjen e lehtë të eshtrave. 191