188
Književna Rijeka
Spamećuje se Ni pozabil: z nonićen je prvi put lovit ribu šal. Ta dan je bil jako srećan, zajno j’ šparića ćapal. Udicu j’ nonić odmolal, špar počel z repon mlatit. “Hitite me nazad va more!” z otprten okon prosit. Na svojo mesto j’ nono sel, a on je ribu za rep popal. Frknul ju j’ nazad va more, i špar je veselo ća pasal. Doma kad su se vrnuli, još vavek ni špara pozabil. Odonput, od onega jutra nikada više ni ribu jil. Danas su nonota va zemju na cimitere molali. Od tamo da se va nebo gre, su mu lepo špjegali. Bit će mu tamo lepo, Ono je vela modrina! Finalmente će moć ćapat velega, velega brancina.