Info: Rechter vun der Locatairen

LU

#brauchengWunneng

#brauchengWunneng

#brauchengWunneng

#brauchengWunneng

#brauchengWunneng

#brauchengWunneng

#brauchengWunneng

#brauchengWunneng

#brauchengWunneng

Dir sicht eng Wunneng fir ze lounen?

Dir sidd Locataire an dir wëllt gären Är Rechter a Flichte kennen?

Dann ass dës Broschür richteg fir Iech, well si liwwert Iech Äntwerten op 13 wesentlech Froen.

1

Wat muss een iwwert de Locatiounskontrakt wëssen ?

2

Ass gesetzlech eng Limite definéiert wat de Montant vum Loyer ubelaangt ?

3

Wat sinn d‘Prozeduren fir kënnen de Loyer unzefechten ?

4

Wéi eng Reegele muss den Bailleur respektéiere wat d’Chargen ugeet?

5

Ginn et och Aschränkunge betreffend d’Erhéijung vun engem Loyer?

6

Wéi eng Méiglechkeete ginn et par rapport zu der Kautioun?

7

Ënnert wéi enge Konditioune kann de Contrat de Bail gekënnegt ginn?

8

Wéi eng Instanz kann en Déguerpissement/eng Expulsioun decidéieren?

9

Wat bedeit d‘Recht op eng jouissance paisible – eng ongestéiert Notzung – vun der Wunneng?

10

Ginn et Critéren, déi bei der Auswiel vun engem Locataire net erlaabt sinn?

11

Ech si Locataire an ech brauch e Rot: U wien kann ech mech riichten?

12

Ech kréie mäi Loyer net bezuelt, wou kréien ech eng finanziell Ënnerstëtzung?

13

Ech kann mir kee Loyer um Privatmarché leeschten: Ginn et méi gënschteg Alternativen?

1

Wat muss een iwwert de Locatiounskontrakt wëssen ?

Beim Locatiounskontrakt (Contrat de Bail) handelt et sech em e Kontrakt, deen de Bailleur dozou engagéiert, dem Locataire déi gewënschte Wunneng ze iwwerloossen, an als Géigeleeschtung bezilt dësen him e Loyer. An engem Locatiounskontrakt muss op mannst definéiert ginn, wéi een Objet verlount gëtt (em wéi eng Wunneng et sech handelt), d‘Dauer vun der Locatioun, de Montant vum Loyer a wéi vill Niewekäschten ze bezuele sinn.

E Locationskontrakt kann zwou Formen unhuelen an zwar als: •

•

schrëftlechen a privatrechtleche Kontrakt, deen am meeschte benotzt gëtt. Normalerweis ass dëse Kontrakt op bestëmmten oder onbestëmmten Zäit definéiert. verbale Kontrakt: dësen ass ëmmer op onbestëmmten Zäit definéiert.

De schrëftleche Kontrakt ass ëmmer déi beschten Optioun. Wann dir awer keen hutt, da sammelt a versuergt d’Extraiten déi beweisen, dass dir all Kéiers de Loyer bezuelt hutt.

E Modell vun engem gesetzkonforme Locationskontrakt fannt dir op eisem Site.

De Moment wou dir de Kontrakt ënnerschreift, behaapt iech och drop dass en État des lieux gemaach gëtt, zemools wann dir eng Wunneng lount déi schonns virdrunner verlount gouf.

Och zu dësem Dokument fannt dir e Modell op eiser Séit.

Egal em wéi eng Wunneng et sech handelt, et ass ëmmer wichteg, de Kontrakt grëndlech ze liesen an alles ze verstoe wat dra steet. Wann Onkloerheeten optauchen, da loosst iech se vum Bailleur erklären, ier dir eppes ënnerschreift an duerno gebonne sidd.

2

Ass gesetzlech eng Limite definéiert wat de Montant vum Loyer ubelaangt ?

An der Reegel däerf de Joresloyer net méi héich sinn ewéi 5% vum Wäert vun der Wunneng. Wann d’Wunneng miwweléiert ass, däerf dësen net iwwer 10% klammen.

NB : Dobäi muss ee berécksiichtegen dass eng Wunneng mat enger equipéierter Kichen net als miwweléiert gëllt.

UMIERKUNG: Déi nei Mietgesetzreform gesäit beim Loyer vun enger miwweléierter Wunneng eng Ännerung vir. An zwar däerf de Joresloyer vun enger miwweléierter Wunneng net méi héich sinn ewéi déi 5% vum Wäert vun der Wunneng.

Mee de Bailleur huet d’Recht, dem Locataire en zousätzleche Betrag ze verrechnen, an zwaar wéinst der Notzung vun de Miwwelen. Dëse Betrag dierf awer net méi héich sinn ewéi 1,5% vum Wäert vun deene Miwwelen. Dëst kennt awer och just a Fro wann d’Miwwele manner ewéi 10 Joer hunn, an wann de Bailleur d’Rechnunge vum Kaf vun de Miwwele ka virweisen.

Hei e Rechebeispill vun engem Maximalloyer betreffend eng net miwweléiert Wunneng: De Bailleur huet am Joer 2020 folgend Kapital investéiert: 300.000 € Kafwäert Maximal toleréierte Loyer: 300.000*0,05 / 12 =1250,00 € am Mount.

Dës Rechnung ass valabel fir all Wunneng déi verlount gëtt, an och fir den Total un Sous-Locatiouen, déi engem Bewunner als Haaptwunnsëtz déngen: Haus, Appartement, Studio, miwweléiert Zëmmer asw.

Als Locataire hu Dir d’Recht, de Loyer unzefechten, wann Dir der Opfaassung sidd, dass de Montant deen Dir bezuelt vill ze héich ass.

3

Wat sinn d‘Prozeduren fir kënnen de Loyer unzefechten ?

A. Notifikatioun

B. Ufro (Requête)

Mat Hëllef vun engem ageschriwwene Bréif muss de Locataire de Bailleur schrëftlech a Kenntnis setzen dass hien eng Reduktioun vu sengem Loyer wëll ufroen, an dass dee Betrag soll nei berechent ginn.

Wann de Bailleur op dës Notifikatioun net innerhalb vun den nächsten 30 Deeg reagéiert, oder wann et net zu engem Accord tëschent béide Parteie kënnt, da kann de Locataire iwwert d‘Mietkommissioun (Commission des Loyers) fueren. Fir d’éischt muss awer eng Ufro (Requête) un de Buergermeeschter oder de Schäfferot vun der Gemeng wou sech d’Wunneng befënnt, gemaach ginn. Déi leeden dann d’Requête weider un déi zoustänneg Mietkommissioun, déi dann als Aufgab huet, en Accord tëschent Bailleur a Locataire ze fannen.

Dës Notifikatioun ka 6 Méint nom Ofschloss vum Locatiounskontrat agereecht ginn.

D‘Requête dierf fréistens 6 Méint nom Akraafttrieden vum Locationskontrakt gemaach ginn. Dee neie Loyer gëtt op Grondlag vum Gesetz oder engem Schiedsverfare festgeluecht. De Locataire soll ëmmer selwer e neie Montant vum Loyer proposéieren.

Formulaire fir eng Ufro (Requête)

Mietkommissioun - Commission des Loyers.

Hei handelt et sech em e Schlichtungsorgan, wat als Missioun huet, Konflikter tëschent Locataire a Bailleur friddlech a gerecht ze reegelen, an dat am Kader vun engem Desaccord betreffend dem Loyer. D‘Mietkommissioun kann de Loyer nei berechnen an dat op Basis vum Gesetz oder durch e Schiedsverfahren. D‘Mietkommissioun kann och de Montant vun den Niewekäschte bestëmmen. All Gemeng mat 6.000 Awunner huet eng eege Mietkommissioun. Doriwwer eraus ginn et och territorial Mietkommissiounen, déi da fir méi Gemengen zoustänneg sinn, wann dës manner ewéi 6.000 Awunner hunn.

C. Recours

D. Definitiv Entscheedung

Béid Parteien (Bailleur a Locataire) kënnen d‘Entscheedung vun der Mietkommissioun ofleenen, a beim betreffende Friddensgeriicht a Recours goen. De Recours muss innerhalb vun 30 Deeg, nom Empfank vun der schrëftlecher Decisioun (ageschriwwene Bréif) vun der Mietkommissioun, agereecht ginn.

No der definitiver Entscheedung betreffend d’Reduzéierung vum Loyer, sief et duerch d’Mietkommissioun oder duerch d’Geriicht, muss de Bailleur dem Locataire d’Differenz vum deene Loyer’en zeréckbezuelen, déi hien zanter dem Areeche vun der Requête ze vill bezuelt huet.

Géint d‘Decisioun vum Friddensgeriicht kann een innerhalb vu 40 Deeg nom Urteel an Appell goen. Wärend dëser gesamter Prozedur bis hin zur definitiver Entscheedung muss de Locataire weiderhin de Loyer an d‘Käschte vum aktuelle Mietvertrag bezuelen.

Als Locataire ass et besser, et léisst een sech vun engem Affekot vertrieden, och wann dëst zousätzlech Käschte bréngt.

4

Wéi eng Reegele muss den Bailleur respektéiere wat d’Chargen ugeet?

De Locataire muss Avancen op d‘Charge bezuelen. Dobäi kann nëmmen dee Betrag berécksiichtegt ginn, deen de Bailleur tatsächlech fir de Locataire virstreckt.

Dëse Betrag kann zum Beispill d‘Botze vun de Gemeinschaftsraim, den Ënnerhalt vum Lift oder d‘Chargë fir de Stroum an d‘Hëtzen vun de Gemeinschaftsraim beinhalten.

D‘Käschte fir d‘Verwaltung vun der Locatioun oder fir d‘Ofliese vun der Zentralheizung mussen integral vum Bailleur bezuelt ginn.

5

De Bailleur muss dem Locataire all Joer eng Ofrechnung vun de Chargen zoustellen.

Des Ofrechnung weist d‘Avancen aus, déi de Locataire all Mount un de Bailleur bezilt souwéi och d‘Käschten, déi tatsächlech och ugefall sinn.

De Bailleur muss och eng Gesamtofrechnung um Enn vum Kontrakt virweisen. Wann de Bailleur d‘Chargen erhéije wëll, da muss hien dem Locataire beleeën, dass d‘Käschten tatsächlech eropgaange sinn.

Ginn et och Aschränkunge betreffend d’Erhéijung vun engem Loyer?

De Bailleur huet d‘Recht de Loyer all zwee Joer z‘erhéijen, ouni dobäi awer 5% vum – no enger spezieller Formel - reevaluéierten, investéierte Kapital (op d‘Joer gekuckt) z‘iwwerschreiden (c.f. Fro 2).

E Bailleur dee wärend zwee Joer näischt a säi Logement investéiert, dierf de Loyer just minimal no uewen upassen.

De Bailleur muss de Locataire ëmmer benoriichtegen (per ageschriwwene Bréif), wann hien de Loyer eropsetze wëll. Wann de Locataire dat refuséiert, da muss de Bailleur bei déi kommunal Mietkommissioun (c.f. Fro 3) goen, fir d‘Erhéijung ze begrënnen.

6

Wéi eng Méiglechkeete ginn et par rapport zu der Kautioun?

De Bailleur kann dem Locataire eng Locatiounsgarantie froen, woubäi dëse Betrag awer net méi héich ewéi 3 Mol de Loyer dierf sinn. De Locataire huet ëmmer besser, dem Bailleur no engem État des lieux eng Bankgarantie (solidaresch oder netsolidaresch) ze proposéieren. De Bailleur dierf eng Bankgarantie no der Ënnerschrëft vum Kontrakt net refuséieren.

7

Eng Virlag vun engem Formulaire fir en État des lieux z‘erstelle fannt Dir op eisem Site (c.f. Fro 1).

UMIERKUNG:

déi nei Reform vum Mietgesetz gesäit hei eng Ännerung vir. Zukünfteg soll de Bailleur just nach eng Locatiounsgarantie an Héicht vu maximal 2 Méint Loyer dierfe froen.

Ënnert wéi enge Konditioune kann de Contrat de Bail gekënnegt ginn?

All befriste Locatiounskontrakt leeft no Oflaf vun der Frist op onbefristen Dauer weider, ausser et ass am Kontrakt anescht virgesinn, respektiv de Kontrakt gouf am richtegen Delai vum Bailleur oder vum Locataire gekënnegt. De Bailleur huet d‘Recht, aus engem vun de folgende Grënn e Kontrakt ze kënnegen : • •

•

Fir den Eegebedarf vum Bailleur oder engem Familljemember vum Bailleur.

Aus schwéierweienden oder berechtegte Grënn (z.B. grouss Renovatiounsaarbechten) Beim Verstouss duerch de Bailleur géint de Locatiounskontrakt (woubäi een eenzegen ze spéit bezuelte Loyer kee berechtegte Grond fir eng Kënnegung ass)

De Verkaf oder de Wiessel vum Besëtzer vun der Wunneng ännert näischt um Locatiounskontrakt.

8

Wéi eng Instanz kann en Déguerpissement/eng Expulsioun decidéieren?

Nëmmen e Friddensriichter dierf eng Expulsioun aus enger Wunneng ordonéieren. Weder de Bailleur, nach de Besëtzer, nach d‘Police (ausser an puer Ausnamefäll) dierfen e Locataire aus der Wunneng erausgeheien.

9

Wat bedeit d‘Recht op eng jouissance paisible - eng ongestéiert Notzung - vun der Wunneng?

De Bailleur muss dem Locataire et erméiglechen, d‘Wunneng ouni Hindernisser iwwer déi komplett Dauer vum Kontrakt ze notzen. De Bailleur muss dem Locataire eng Wunneng a guddem Zoustand zur Verfügung stellen an dat direkt wann de Kontrakt ënnerschriwwen ass. Dowéinst ass et och esou wichteg, dass de Locataire virum Eraplënneren en État des lieux mécht. De Bailleur ass verantwortlech fir den Ënnerhalt vun dem gros oeuvre wéi z.B. d‘Reparatur vum Daach oder den Ënnerhalt vun der Isolatioun a vun der Zentralheizung.

De Locataire muss dogéint fir den Ënnerhalt bannen an der Wunneng suergen, z.B. d‘Reparatioun vun den Haushaltsapparater, den Dieren an de Schlässer an den Ënnerhalt vun

den Heizkierperen. Wann déi Geräter awer ganz al an ausgeleiert sinn, muss de Besëtzer vun der Wunneng se op eege Käschten ersetzen. Am Fall wou de Bailleur Reparature maache muss, ass et um Locataire, hien doriwwer per ageschriwwene Bréif z‘informéieren. Wann de Bailleur refuséiert, da kann de Locataire eng Geneemegung vum Friddensriichter kréie fir des dréngend Aarbechten op Käschte vum Bailleur duerchzeféieren.

Wann sech de Locataire an de Bailleur a punkto jouissance paisible net eens ginn, da kann den zoustännege Friddensriichter eng Decisioun huelen. De Friddensriichter dierf dat och maachen, wann et zu enger onrechtméisseger Kënnegung vum Kontrakt oder zu enger Expulsioun kënnt.

10

Ginn et Critéren, déi bei der Auswiel vun engem Locataire net erlaabt sinn?

Verschidde Bailleure refuséieren, hir Wunneng u bestëmmte Persounen ze verlounen, dat opgrond vun der Hautfaarf, dem Geschlecht oder opgrond vun aneren diskriminatoresche Critèren.

Des Diskriminatiounen si total illegal.

Folgend Auswielcritèrë fir Locataire si gesetzlech verbueden: • Relioun oder aner Iwwerzeegungen • Handicap • Alter • Sexuell Orientéierung • Ethnesch Hierkonft • Geschlecht/Gender Wann Dir mat Diskriminatioune konfrontéiert gitt, da musst Dir reagéieren: A. Sammelt Beweiser fir d‘Diskriminatioun.

Wann Dir Angscht hutt, diskriminéiert ze ginn oder wann Dir schonn Affer vun enger Diskriminatioun waart, da loosst Iech vun enger anerer Persoun begleeden, wann Dir bei d‘Immobilienagence oder op eng Visitt vun enger Wunneng gitt.

B. Wa néideg, kënnt Dir d‘Agence drun erënneren, dass verschidden Auswielcritèrë verbuede sinn an dass d‘Agence verantwortlech ass, wann si esou Critèren op Demande vum Besëtzer vun der Wunneng applizéiert.

C. Mellt Iech beim Centre pour l‘égalité de traitement fir Hëllef ze kréie wann Dir Iech géint eng Diskriminatioun wiere wëllt.

11

Ech si Locataire an ech brauch e Rot: U wien kann ech mech riichten?

D’asbl « Mieterschutz » engagéiert sech fir d’Rechter vun de Locatairen. Hei fannt Dir Äntwerten op Froen a krit Hëllef bei Ären Demarchen. Beim Mieterschutz kënnt Dir och aner Locataire fir en Austausch begéinen an Iech mat hinnen engagéieren. Dir musst awer Member si beim Mieterschutz. wann Dir vun de Servicer vun dëser asbl profitéiere wëllt. www.mieterschutz.lu

D’Union Luxembourgeoise des Consommateurs (ULC) – de Konsumenteschutz – kann Iech iwwer Är Rechter als Locataire beroden a verëffentlecht och reegelméisseg Informatiounsmaterial, op dat Dir als Member beim ULC zréckgräife kënnt. www.ulc.lu

Bei déi Lénk: Mir maachen eist Bescht fir Iech Äntwerten op Är Froen a punkto Locatioun ze ginn. Zéckt net, eis ze schreiwen, entweder per Email op info-locataire@dei-lenk.lu oder op der Facebook-Säit: Ech brauch eng Wunneng. www.dei-lenk.lu

12

Ech kréie mäi Loyer net bezuelt, wou kréien ech eng finanziell Ënnerstëtzung?

De Logementsministère proposéiert zwou Direkthëllefen. A ville Fäll ass dat bei wäitem net genuch, mee et ass besser ewéi näischt.

Subvention loyer: Jee nodeem wéi vill Akommes Dir hutt, wéi héich de Loyer ass an zu wéi vill Dir am Stot lieft, hu Dir Urecht op dës Hëllef, déi all Mount ausbezuelt gëtt.

Locatiounsgarantie: No de selwechte Konditioune kënnt Dir vum Logementsministère och eng Hëllefsstellung kréie fir d’Garantie bei enger Locatioun opzebréngen. An deem Fall biergt de Logementsministère fir Iech beim Bailleur. Mee opgepasst: Dir musst d’Garantie awer un de Ministère zréckbezuelen, wann de Bailleur se zu Recht afuerdert. www.logement.lu

De Fonds National de Solidarité (FNS) proposéiert och eng Hëllef d’Allocation de vie chère: Jee no der Héicht vun Ärem Revenu an der Zesummesetzung vun Ärem Stot kënnt Dir eng Demande fir eng allocation de vie chère – eng Deierungszoulag – beim FNS maachen.

Op dëser Hëllef musst Dir keng Steiere bezuelen a si gëtt ee Mol am Joer komplett iwwerwisen. www.fns.lu An Ärer Gemeng kënnt Dir och beim Office Social eng Hëllef ufroen : Hëllef bei den Energiekäschten: Am Fall wou Är Heizkäschten oder d’Ausgaben fir de Stroum ongewéinlech héich sinn, kënnt Dir eng gratis Energieberodung an och finanziell Hëllef fir d’Ersetze vun Apparater kréien, déi vill Energie verbrauchen. Den Office social kann Iech och bei anere Käschtepunkte ronderëm d’Locatioun punktuell hëllefen. Opgepasst awer, des Hëllefe sinn deelweis zréckzebezuelen !

Allocation de solidarité: verschidde Gemenge bezuelen zousätzlech zu der allocation de vie chère nach eng Solidaritéitszoulag aus.

13

Ech ka mir kee Loyer um Privatmarché leeschten: Ginn et méi gënschteg Alternativen?

Jo där ginn et, mee natierlech bei wäitem net genuch. Hei trotzdeem eng Lëscht mat Adressen, un déi Dir Iech wende kënnt: Fonds du Logement

Gestion locative sociale

De Fonds du Logement baut a verwalt ëffentlech Wunnengen, déi deelweis mat abordabele Loyer’en u Stéit verlount ginn.

Wann Dir Interessi hutt, da kënnt Dir Iech op d’Waardelëscht aschreiwen an hoffen dass Är Gedold belount gëtt.

Zu Lëtzebuerg proposéieren eng Rei Organisatioune Mietwunnenge fir Leit a Famillje mat geréngem Akommes. Des Organisatiounen si mam Logementsministère konventionéiert.

Allerdéngs sinn d’Locatiounskontrakter an dësem Kader oft op 3 Joer limitéiert.

SNHMB

Office social an Ärer Gemeng

Wéi och de Fonds du Logement baut d’Société nationale des habitations à bon marché méi gënschteg Wunnengen, déi awer meeschtens an de Verkaf ginn.

En Deel vun de Wunnenge gëtt awer och mat abordabele Loyer’en verlount.

Mee och bei der SNHBM musst Dir vill Gedold matbréngen, wëll d’Waardelëschten si laang.

Den Office social kann Iech a verschiddene Fäll hëllefe fir eng abordabel Wunneng ze fannen. Dëst kann eng Gemengewunneng sinn, eng Wunneng vun engem ëffentleche Promoteur wéi dem Fonds du Logement oder eng Wunneng an der Gestion locative sociale. Mee och an dësem Fall muss een oft laang waarden.

#brauch eng Wunneng

Schonns säit Jore kämpfen déi Lénk fir e Recht op Wunnen hei am Land.

Eng éischt wichteg Etapp ass, d’Locatairen iwwert hir Rechter opzeklären, wat och Ziel vun dëser Broschür ass.

Mee dëst geet awer nach laang net duer.

Mir hätte gären eng verstänneg Wunnengspolitik, déi kapabel ass op Bedürfnisser vun der Populatioun anzegoen, an den néidege gënschtege Wunnraum schaaft.

Fir méi iwwert eis Virschléi an eis Campagne gewuer ze ginn, gitt op eise Site

www.dei-lenk.lu #brauch eng Wunneng

Imprimé au Luxembourg sur papier 100% recyclé.

Impression climatiquement neutre.