#brauchengWunneng - D'Leit brauchen eng Wunneng.

LU

#brauchengWunneng

#brauchengWunneng

#brauchengWunneng

#brauchengWunneng

#brauchengWunneng

#brauchengWunneng

Zu Lëtzebuerg gëtt d‘Wunnproblematik zu enger ëmmer méi grousser Belaaschtung, an do dogéint muss dringend eppes ënnerholl ginn.

Dofir hunn déi Lenk eng Campagne zum Thema Wunnrecht lancéiert.

Zil vun dëser Broschür ass et, där Problematik op de Grond ze goen, a gläichzäiteg Léisungen ze proposéiere fir aus dëser Kris eraus ze kommen.

Fir dat kënnen ëmzesetzen, musse mir all zesummen aktiv ginn an Drock op d‘Regirung maachen, fir dass nees mënschewierdeg Wunnkonditioune geschafe ginn.

2

Wunnen ass kee Business !

Jidderee brauch eng Plaz wou e sech kann zeréckzéien, fir nees kënne Kraaft ze tanken an agreabel Momenter mat der Famill oder de Frënn ze verbréngen. Eng Wunneng ze hunn ass noutwenneg fir e gutt a glécklecht Liewen ze féieren. Dofir muss all Mënsch Zougank op eng bezuelbar Wunneng hunn.

D‘Recht op Wunnraum fënnt een a wichtege Gesetzestexter erëm, wéi zum Beispill an der Deklaratioun vun den internationale Menscherechter. Mee dës Gesetzer hëllefe näischt, wann eis Regierung kee Gebrauch dovu mécht a net bereet ass se ëmzesetzen, obwuel si d’Mëttelen dofir hätt!

Zu Lëtzebuerg, engem vun deene räichste Länner op der Welt, ass d’Recht op eng bezuelbar Wunneng net méi garantéiert.

D’Wunnengspräisser sinn esou geklommen, dass mat engem normale Loun eng gëeegent Wunneng net méi ka finanzéiert ginn.

3

Den Dram vun engem nach esou bescheidenen Haus ass mat den ëmmer méi héijen Immobiliëpräisser séier ausgedreemt.

Vill Leit hu keng aner Wiel wéi fir deier Suen eng vill ze kleng Wunneng ze lounen. Anerer verschëlde sech bis un hiert Liewensenn fir Proprietär vun enger eegener Wunneng ze ginn.

Eng Rei Leit ginn esou wäit a verloossen d’Land, andeems si iwwert Grenz plënneren, well et do méi bëlleg ass. Vun do aus mussen se dann all Dag e laangen Aarbechtswee a Kaf huelen.

Eng Majoritéit vun Leit sinn haut vun der Wunnengsproblematik betraff, sief et als Locatairen oder als Proprietäre vun engem klengem Eegenheem.

D‘Locatairen hunn et natierlech am schwéiersten, well se oft vun onbezuelbare Loyeren an onbaarmhäerzege Proprietäre belaascht sinn.Oft musse Leit hiert ganzt d’Liewen laang loune goen, well se net genuch Suen hunn fir eppes ze kafen.

Mee och fir déi Leit, déi aus fräie Stécker loune ginn, well se sech se net banne wëllen, gëtt alles gemaach fir se ze benodeelegen.

4

D’Recht op Wunnen an der Verfassung verankeren.

D’Romaine schafft fir eng Associatioun, déi Fraen an Nout hëlleft, déi oft Affer vu Gewalt am Stot sinn. Si ass ëmmer méi mat Situatioune konfrontéiert wou esou Frae quasi op der Strooss sëtzen, well si keng Platz an engem Foyer kréien an d’Fraenhaiser iwwerfëllt sinn.

D‘Romaine selwer muss 1/3 vun hirer Pai fir de Loyer vun enger 2-Zëmmer Wunneng bezuelen.

D’Gréisst vum Appartement wäert iergendwann och net méi duergoen, well hir Kanner mam Alter och ëmmer méi Plaz brauchen.

D’Fraen déi d’Romaine betreit, hunn dës Chance emol net, well déi aktuell Wunnengspräisser schonns hir finanziell Kapazitéite sprengen.

Wärend hirer Fräizäit engagéiert d’Romaine sech fir e Recht op Wunnen. All Mënsch soll e Recht op eng abordabel Wunneng hunn, sou steet et an der europäescher Sozialcharta vum Europarot aus dem Joer 1996. Lëtzebuerg huet dës Charta am Joer 1998 ënnerschriwwen. Zesumme mat déi Lenk setzt d’Romaine sech dofir an, dass dëse Gesetzestext ëmgesat gëtt, a fuerdert dass d‘Recht op Wunnen an d‘Verfassung ageschriwwe gëtt.

5

Fir déi Lénk bedeit d’Recht op Wunnen, dass jidderee sech kann eng gëeegent a confortabel Wunneng leeschten, an dëst zu engem Präis, deen net méi héich ass wéi 25% vu sengem Akommes.

Dëst Objektiv ass wuel héich ugesat, trotzdeem kann et erreecht ginn, wann de politesche Wëllen dofir do ass. Et geet net duer, vereenzelt Reformen ofzestëmmen, mee et muss e «Gesamtpackage» hir. An dëser Broschür erkläre mir wat mir mat Gesamtpackage mengem: Amplaz vu grousse Rieden an eidele Versprieche brauche mir eng konsequent Ëmsetzung vum Recht op Wunnen, andeems Schrëtt fir Schrëtt déi Mossnamen ëmgesat ginn, déi sech direkt ubidden.

6

The rent is too damn high!

1600€ Duerchschnëttleche Loyer zu Lëtzebuerg.

7

Als Locataire hei zu Lëtzebuerg muss een e breede Bockel hunn. Oft iwwerschrëtt de Loyer vun enger neier Wunneng pro Mount 1600€1, an d’Präisser klamme weider.

All zweete Locataire huet et schwéier fir zum Schluss vum Mount iwwert d‘Ronnen ze kommen.

D‘Passivitéit vun der Regierung an d‘Ineffikassitéit vun den aktuelle Gesetzer si Schold un dëser onméiglecher Entwécklung.

Déi déck Proprietären an d‘ImmobilienGiganten zécken net, massiv vun dëser Situatioun ze profitéieren an d’Locatairë widder d’Mauer ze drécken.

Den Immobiliebusiness hei am Land ass e lukrativt Geschäft - kuerz gesot eng « Machine à fric ». Dëst muss geännert ginn! Fir déi Lénk ass eng abordabel Wunneng déi éischt Konditioun fir kënnen en erfëllt Liewen ze féieren.

1. http://observatoire.liser.lu/pdfs/Logement_chiffres_2019T2.pdf

8

EI IR SV H SC

•

D‘Héicht vum Loyer muss d‘Entwécklung vun den Liewenskäschten berécksiichtegen, an net op Basis vun enger spekulativer Plus-Value gerechent ginn (sou wéi dat aktuell de Fall ass);

•

D’Käschte vun den Agencë musse vun deem iwwerholl ginn, deen dëse Service an Optrag gëtt, wat normalerweis de Bailleur ass.

D’Kautioun soll net méi héich sinn wéi ee Loyer;

•

All déi Bailleur‘en, déi e Loyer froen dee méi héich ass wéi de gesetzlech definéierte Plaffong, solle verflicht ginn, dëse Surplus nees un déi betreffend Locatairen zeréck ze bezuelen.

De Locatairen hëllefen, nees zu hire Rechter ze kommen a sech kënnen ze verdeedegen.

•

Eng ëffentlech juristesch Hëllef fir d’Locatairë schafen;

•

D‘Organisatiounen ënnerstëtzen, déi sech fir d’Rechter vun de Locatairen asëtzen: www.mieterschutz.lu

•

Loyerskommissiounen um regionalen Niveau professionaliséieren an si esou stäerken, dass si kënnen e Maximum un Hëllefsufroe vu Säite vun de Locatairen traitéieren.

9

I LÉ

Finanzlaaschte vun de Locatairë minimiséieren, fir dass all Stot sech kann eng passend Wunneng leeschten, an dëst fir e Loyer, deen net méi wéi 25% vum Akommes vum Stot däerf ausmaachen.

D’Loyer’en mussen nees abordabel ginn, an dat fir jiddereen.

D’Romaine bezilt all Mount 1800 € Loyer fir hiert Appartement vu 70m2 an der Stad. Mat den 2 Kanner ass d’Wunneng e bëssi ze enk, mee d’Romaine huet net Méiglechkeet fir eppes méi Grousses ze lounen. De Carlo wunnt am nämmlechte Gebai. Säin Appartement ass genau esou grouss wéi der Romaine hiert, mee hie bezilt just 1000 € Loyer. Wéi kann dat sinn?

Dëst ass méiglech op Grond vun dem aktuelle Loyersgesetz. Wann een Appartement verkaaft gëtt, entsprécht déi nei Valeur vun der Wunneng dem Verkafspräis, och wann näischt um Objet geännert gouf. D’Hausse vun de Präisser um Wunnengsmaart maachen, dass d’Loyer‘en onkontrolléiert an d’Luucht ginn.

Dat erkläert, firwat Immobilien e lukratiivt Geschäft gi sinn. déi Lénk hunn eng Gesetzpropositioun agereecht, fir déi Zort vu Business ze stoppen, an d’Loyer‘en nees abordabel ze maachen.

10

Abordabel Wunnenge falen net vum Himmel.

2%

vun de Mietwunnengen sinn abordabel verlount.

11

Dierf eng Wunneng iwwerhaapt eng reng Handelswuer sinn, déi just dozou déngt, sech ze beräicheren ?

Nee! Wunnen ass eng Noutwendegkeet, sou wéi den Accès zu Drénkwaasser. Vill Stied am Ausland hunn dee Besoin scho laang erkannt, an dofir hunn si op eegen Initiativ vill Wunnenge gebaut, déi si dann och verwalten. Hei zu Lëtzebuerg ass dat awer just ausnamsweis de Fall. D‘Gemengen an de Staat hunn an där Hisiicht ganz wéineg gemaach.

Manner wéi 2% vun de Wunnengen hei am Land sinn an ëffentlecher Hand, a ginn zu engem abordabele Präis verlount. Gläichzäiteg hu mir dausende vu private Wunnengen déi eidel stinn, ouni dass d‘Regierung do eppes ennerhëllt an intervenéiert.

Dëst muss geännert ginn!

D‘Gemengen an de Staat mussen d’Kreatioun vun abordabelem Wunnraum endlech selwer an d’Hand huelen. Et dierf och net méi sinn, dass Logementer op laang Dauer ouni plausible Grond onbenotzt bleiwen!

12

EI Gemenge musse verflicht ginn, bis d’Joer 2030 den Undeel un abordabel Mietwunnenge bis op 10 % ze erhéijen, wat bedeit, dass 2.500 abordabel Wunnenge pro Joer musse gebaut ginn;

•

Bei deenen neien Deelbebauungspläng mat méi ewéi 10 Wunnenge muss den Undeel un abordabele Mietwunnengen op minimum 30 % festgeluecht sinn;

•

All Gemenge mussen déi néideg Zuel un Wunnenge fir Noutfäll zur Verfügung stellen.

Déi bestoend Logementer bewunnbar maachen an Investitiounen an nohalteg Wunnengen staark ënnerstëtzen: •

Déi eidel Wunnenge mussen taxéiert ginn, sou dass et méi interessant ass, se nees bewunnbar ze maachen.

•

Proprietären déi een Deel vun hirer Wunneng wëllen ëmgestallte fir ze verlounen, well hinnen hir Raimlechkeeten ze grouss gi sinn, musse gehollef kréien;

•

d‘energetesch Sanéierung vun de Wunnenge musse finanziell vum Staat ënnerstëtzt ginn, ënnert der Berécksichtegung vu soziale Krittären;

•

Gesellschaften oder Associatiounen, déi wëllen abordabele Wunnraum fir een net-lukrativen Zweck schafen, musse kënne vum niddregen TVA-Taux vun 3% profitéieren; 13

I LÉ

H SC

•

IR SV

Déi ëffentlech Instanzen mussen d‘Missioun kréien, méi abordabele Wunnraum ze schafen:

De Logement, e Placement ?

Zanter Joerzéngte gëtt zu Lëtzebuerg alles arrangéiert fir dass Investitiounen an Immobilien ëmmer méi lukrativ ginn, an dat fir Leit mat vill Kapital – wéi zum Beispill de Jean-Marie.

An der Stad huet hien 30 Appartementer opkaf, déi hien da weider verlount. Hien kann ouni Limite all déi Zënsen, déi vun de Krediter stamen, mat deenen hien déi 30 Wunnenge kaaft huet, vun de Steieren ofsetzen. Dëst bewierkt dass d’Käschte vu sengem Investissement méi kleng ginn, a mat de Suen déi hie vun de Locataire kritt, bezilt hien seng Scholden of.

Wann awer eng jonk Famill en Haus keeft fir selwer dran ze wunnen, gëllt dës Reegel net. An dësem Fall ass e Plaffong festgeluecht, dee bestëmmt wéi vill si maximal un Zënsen däerf vun de Steieren ofsetzen.

Wat Locatairen ubelaangt, déi kenne weder dat eent, nach dat anert a si bleiwen op hire Käschte sëtzen. Als Fazit kann ee soen dass eng Persoun hei zu Lëtzebuerg méi finanziell Ënnerstëtzung kritt wann se hiert Kapital an e Logement investéiert fir ze verlounen, wéi wann si eng Wunneng keeft fir selwer dran ze wunnen.

14

Bauterrain’en sinn e raren Artikel.

89% vun den Terrain’en a Privatbesëtz.

15

Net nëmme Wunnengen, mee och Terrain’en si rare an deier ginn. 89% vun de Bauterrain’en sinn a privater Hand2, Gemengen an de Staat hu just 11 % dovunner. D’Präisser vun den Terrain’en sinn esou héich, well si benotzt gi fir lukrativ Geschäfter ze maachen, an dëst mat Hëllef vun der Spekulatioun.

Vill grouss Proprietäre loossen hir Terrain’en bewosst onbebaut stoen, fir se iergendwann kennen zu engem „gudde Moment“ deier ze verkafen. Dëst bewierkt, dass Bauterrain’en zur enger Raritéit gi sinn, a mécht se dofir ëmsou méi wäertvoll.

Hei mussen d‘Gemengen aktiv ginn andeems si Bauterrain‘en ënnert hir Verantwortung huelen: esou kënnen se da Wunnengen an aner Infrastruktur drop setzen, déi am Interêt vun der Allgemengheet sinn.

Klenge Rappel: zu Wien an zu Frankfurt ass et d‘Stad déi entscheet, zu wéi engen Zwecker en Terrain benotzt gëtt, a wéi en Typ vu Logement drop gebaut däerf ginn.

Zu Lëtzebuerg notzen d‘Gemenge des Méiglechkeete ganz wéineg, fir ze plangen an si loossen oft souguer op deene puer Terrain‘en, déi hinne gehéieren, privat Promoteure bauen.

2. données LISER 2016

16

EI H SC

De Gemenge mat Hëllef vun engem richtege Baulandvertrag méi Méiglechkeete ginn fir op dat anzewierken, wat Privatpromoteure kënne bauen. Sou kéinten d‘Gemengen bei all Deelbebauungsplang folgend Elementer bestëmmen: • e Minimum vun 30% un abordabele Locatiounswunnengen; • Fläche reservéiere fir de Bau vu Wunnengen zu net lukrativen Zwecker, wéi zum Beispill fir Wunnbaugenossenschaften oder intergenerationell Wunngemeinschaften; • déi néideg Infrastrukture garantéieren, déi all Quartier brauch fir adequat ze funktionéieren;

•

de Gemenge méi Recette verschafen duerch eng Erhéijung vun der Grondsteier vun der zweeter Wunneng un, déi ee besëtzt.

Bauland notzen, wat ouni Grond eidel steet.

•

D‘Gemenge musse Proprietären taxéieren, déi hirt Bauland bewosst eidel stoe lossen.

Nëmme ganz wéineg Gemengen notzen des Méiglechkeet schonn haut;

•

Um nationalen Niveau muss all Terrain, dee brooch läit, erfaasst a seng verstoppte Plusvalue besteiert ginn.

•

D‘Gemenge sollen d’Recht kréien, géint Proprietären, déi mat Bauterrain‘e spekuléieren, en Enteegnungsverfaren anzeleeden. Theoretesch hunn d‘Gemengen elo schon déi Méiglechkeet, mee fir déi praktesch Ëmsetzung ass d‘ Gesetzgebung onpräzis an inkoherent.

17

I LÉ

•

IR SV

De Gemenge méi Muecht ginn.

Ween decidéiert wéi a wat gebaut gëtt ?

Hei de klasseschen Zenario zu Lëtzebuerg: De Promoteur BeKuhnGio ass Proprietär vun engem Terrain um Kierchbierg. Dësen Terrain gëtt als Bauland ëmklasséiert, wat säi Wäert verzéngfacht. BeKuhnGio wëllt hei drop e Wunnquartier bauen.

Den Ufuerderungskatalog (cahier de charges) deen hien imposéiert kritt, gesäit just 10 % Wunnengen „à coût modéré“ vir. An däitsche Stied wéi Frankfurt oder München wier dat ganz aanescht. Wann hei e Promoteur e Projet op engem reklasséierten Terrain realiséiere wëllt, da muss hien 2/3 vum Wäertzouwuess un d‘Stad ofginn. Dat gesäit dann esou aus, dass en 30 % Sozialwunnengen, 15 % kooperativ Wunnengen an 25 % abordabel Wunnenge muss virgesinn. Souguer an de bestoende Quartier’en muss en 30 % vun der Wunnfläch fir Sozialwunnenge reservéieren. Et gesäit een, dass do ganz aner Mëttelen agesat gi fir géint d’Präisexplosioun virzegoe ewéi zu Lëtzebuerg.

18

Eng Handvoll Profiteuren beräicheren sech op eis Käschten.

159 Eenzelpersounen.

19

Hei zu Lëtzebuerg sinn Steiergesetzer definitiv méi favorabel fir d‘Proprietären wéi fir d’Locatairen. Mat Hëllef vun der steierlecher Ofsetzung vun den Zënsen op engem Immobiliëkredit an dem Amortissement accéléré iwwer 5 Joer, wann en déi Immobilie da verlount, brauch e Proprietär ganz oft ganz wéineg Steieren ze bezuelen.

Mee wien sinn déi grouss Propritären deenen alles um Logementsmaart erlaabt ass?

159 Leit deene 25,1% vun der gesamten Valeur vum Immobilie Verméige vu Privatpersoune gehéieren. Dobäi kommen nach déi grouss Promoteuren, déi Milliounen akasséieren duerch hire Besëtz un Terrain’en an Immobilien.

Där steierlecher Schlupflächer, déi dat lëtzebuergescht Gesetz erlaabt, ginn et vill. Mat Hëllef vun de „FIS“ -Spezialfongen (FIS=Fonds d’investissement spécialisé) sinn iwwer Jore räich Profiteure vun de Steiere verschount ginn. Op Drock vun der ëffentlecher Meenung huet Regierung vu Januar 2021 un eng Besteierung vun de FIS‘en agefouert: op d‘Immobilienakommes, dat am Kader vun engem FIS realiséiert gëtt, ginn elo 21 % Steiere bezuelt.

20

Dëst huet bewierkt dass Promoteuren hir Appartementer an Terrain’en aus de FIS‘en erausgeholl, a se op Societéiten iwwerschriwwen hunn, déi extra dofir geschafe goufen.

Si wëllen esou weiderhi steierfräi bleiwen, a sech der FIS-Steier vun 21% entzéien.

All dës Leit wëlle net, dass d‘Logementskris ophält wëll si duerch d‘Kris e schéint Liewe kënne féieren, op Käschten vun de Locatairen an de klenge Proprietären, déi mat Scholden iwwerlaascht sinn.

EI IR SV

•

D’Steiervergënschtegung duerch den Amortissement accéleré op verlounte neie Wunnengen an energetesche Renovatiounen ofschafen;

•

D’Grondsteier reforméieren fir d’Spekulatioun um Bauland ze bekämpfen;

•

D‘Verméigenssteier nees aféieren, an dat bei engem Taux vun 0,5%. Vun esou enger Steier wären 200.000€ um Spuerkont an d’Wunneng an där ee wunnt, net betraff.

21

I LÉ

Eng Plus-Value, déi beim Verkaf oder der Gratisiwwerschreiwung vun engem Haus oder engem Terrain realiséiert gëtt, zu deem normalen Akommessteiersaz besteieren (an net zu deem halwen wéi elo);

H SC

•

Den Amortissement accéleré: nach e Steier-Kaddo fir d’Multi-Proprietären.

Den Amortissement gëtt an der Comptabilitéit benotzt fir kënne Käschten vun engem Investissement op laang Dauer ofzeschreiwen.

Fir ze verstoen, wéi en Impakt dëst op eis Logement’s Politik huet, komme mer nees zeréck bei de Jean-Marie (Säit 14).

Hie ka jo all déi Zënsen, déi vum Kredit stame mat deenen hien déi 30 Wunnenge kaaft huet (a weider verlount) vun de Steieren ofsetzen.

Duerch den Amortissement accéleré kënnt nach dobäi, dass en och nach wärend 5 Joer 5% vum gesamten Akafspräis vun all den Appartementer steierlech ofsetze kann.

Schlussendlech bezilt de Jean-Marie quasi keng Akommessteier op de Loyer‘en déi hien akasséiert. An zanter dem Januar 2021 ass et souguer méiglech, wärend 10 Joer 6 % vun der gesamter Valeur vun enger Energiesanéiereng vun de Steieren ofzesetzen. Dëst ass e weidere SteierKaddo fir déi räich Leit, déi schonns vill Kapital hunn, an e grousse Verloscht fir d’Staatskeess.

22

Energie-Effizienz fir jiddereen.

D’Finanzéierung vun den energetesche Sanéierunge vu Wunnengen esou wéi d’Regierung se haut mécht, hëlleft just de Leit, déi genuch Suen hunn fir an hiert Haus kënnen z’investéieren. Fir Leit, déi wierklech op Ënnerstëtzung ugewise wieren an oft a besonnesch schlecht isoléierten Haiser wunnen, bleiwen des staatlech Hëllefen awer onerreechbar. déi Lénk hunn en eegent Konzept ausgeschafft, dat soll bewierken, dass all Proprietär – ob kleng oder grouss an onofhängeg vum Revenu motivéiert gëtt, fir seng Wunneng energiegerecht ze renovéieren. Mat eisem Modell kéint all Stot eng Energie-Sanéierung op Mooss kréien, an dat mat Hëllef vun engem Expert. Staatlech Hëllefe géife mat eisem Modell méi staark u sozial Krittäre geknäppt ginn. Donieft soll et e staatleche Kredit ginn, wou de Remboursement vum Stot par rapport zu der finanzieller Situatioun an den erspuerten Energiekäschten (bedéngt duerch d’Renovatioun) gerechent géif ginn.

23

Wunnbaugenossenschaften Wunngemeinschaften zu engem solidaresche Präis.

Wéi mir schonn erwäänt hunn, ass haut de Bauterrain e raren Artikel ginn, dofir si Wunnbaugenossenschaften eng gutt Alternativ fir d’Zukunft. Verschidde Leit si schonn am gaangen esou Projet’en ëmzesetzen, andeems si zesummen de Bau vun enger oder e puer Wunnenge plangen, a spéiderhin och wäerten déi jeeweileg Wunnkäschten a Responsabilitéiten ënnert sech opdeelen.

Dës Aart a Weis fir ze baue kann dozou verhëllefen, dass méi Leit sech kënnen eng Wunneng leeschten, oder dass aner Forme vu Wunnen zum Droe kommen (intergenerationell Wunngemeinschaften oder WG’s wou déi verschiddenst sozial Klassen zesumme kommen).

Leider huet dëse Modell vun de Wunngenossenschafte Problemer fir unzekommen, besonnesch well et un Terrain’e feelt. D‘Gemenge kéinten hei eng wichteg Roll spille fir esou Projet’e virunzebréngen an ze encadréieren.

24

Wéi kann ech mech engagéieren?

Dir fannt d‘Logementspräisser hei am Land komplett onsënneg? Dir sidd och der Meenung, dass sech dréngend eppes muss ännere fir méi gënschteg Wunnengen ze schafen? Dir bedeelegt iech selwer vläicht schonn un enger Initiativ fir d’Locatairen z‘ënnerstëtzen?

Da soll iech näischt dovun ofhalen, mat eis Iddien auszeschaffen an Aktiounen ze starten. Et ass héich Zäit dass mir eis all zesummen dofir asetze fir d‘Recht op Wunne geltend ze maachen.

25

Wat sinn déi Lénk? déi Lénk sinn eng Beweegung vu Leit, déi sech fir eng méi gläich, fräi a gerecht Gesellschaft asetzen.

Mir sti fir gerecht Léin an anstänneg Aarbechtskonditiounen. Mir setzen eis a fir méi bezuelbar an agreabel Wunnméiglechkeeten.

Fir eis gi Klimaschutz a sozial Gerechtegkeet Hand an Hand.

Mir wëllen, dass déi Räich méi besteiert an d’Suen do kënnen agesat ginn, wou se gebraucht ginn. Mir wëllen, dass d’Aarbecht, déi vun de Fraen an eiser Gesellschaft geleescht gëtt, grad esou respektéiert a wäertgeschat gëtt wéi déi vun de Männer. Mir wëlle rassisteschen Iddie keng Chance ginn.

www.dei-lenk.lu

Member ginn

déi Lénk – mouvement politique B.P. 817 L-2018 Luxembourg Telefon : 26 20 20 72 Fax : 26 20 20 73 Email : info@dei-lenk.lu CCPLLULL: IBAN LU41 1111 1549 7465 0000 BCEELULL: IBAN LU24 0019 1300 4344 5000 26

#brauch eng Wunneng 27

#brauchengWunneng

#brauchengWunneng

#brauchengWunneng

#brauchengWunneng

#brauchengWunneng

#brauchengWunneng

#brauch eng Wunneng

Imprimé au Luxembourg sur papier 100% recyclé.

Impression climatiquement neutre.

www.dei-lenk.lu