Дуучин Ч.Цэлмүүн:
БИ ОРГАНИК
АРЬС АРЧИЛГААГ
ЭРХЭМЛЭДЭГ
Чинзоригийн Цэлмүүн. Хэн хүнд баймгүй өвөрмөц хоолойтой түүнийг бид уран бүтээлээр нь андахгүй мэднэ. Урлагийн гал тогоонд хөл тавиад удаагүй ч чадал чансаатай уран бүтээл хийдэг гэдгээрээ хэдийнээ рок попын ертөнцнөө танигдсан залуу уран бүтээлч. Тэгвэл энэ удаагийн дугаарын зочноор залуу дуучин Ч.Цэлмүүнийг урьж, түүний гоо сайхных нь ертөнцөд нэвтэрсэн юм. Эрч хүчтэй, дайчин эмэгтэй гэвэл түүнийг л хэлэх байх. Залуу хүн хэрнээ хэрсүү ухаантай, ажил бол ажил гэдгийг үйлдлээрээ харуулж, товлосон цагаа яг таг барьдаг түүнтэй хамтарч ажилласандаа бидний хувьд сайхан байлаа. Бидэндтэй ярилцахаар товлосон яг цагтаа тэрээр 7 сартай А.Оргил хүүгээ тэврэсээр студийн хаалгаар орж ирлээ...
- Бидний урилгыг хүлээн авсан танд баярлалаа. Юуны өмнө, төрөөд удаагүй байгаа ч олон ажлыг давхар амжуулж яваа Цэлмүүний сүүлийн үеийн сонин сайхнаар яриагаа эхлэе? Цэлмүүн: Миний хувьд хувийнхаа бизнесийг явуулж, ЭМШИУС-ын нийгмийн эрүүл мэндийн удирдлагадаа явахын хажуугаар урлагаа орхигдуулахгүйг хичээн давхар амжуулсаар явна. Мэдээж бонусд нь энэ бүх ажлынхаа хажуугаар хүүгээ харна. Урлагийн хувьд, шинэ цомгийн ажил төлөвлөгөөний шатанд яригдаад явж байна. Сонирхуулж хэлэхэд, надтай цуг “Universe Best Songs-2009” наадамд оролцож, шилдэг
25-д орж байсан Б.Нацагдорж буюу Нацагаа шинэ цомогт минь хамтран ажиллахаар болсон. Нацагаа өөрийнхөө уран бүтээлийг хийхийн хажуугаар миний цомог дахь дуунууд дээр давхар ажиллах юм. Мөн “AIM4R” бүжгийн хамтлагтай хамтарч байна. Энэ сарын эхээр УГЗ, хөгжмийн зохиолч Л.Балхжав ахын зохиосон дууны клип цацагдаж эхэлнэ. - Энэ олон ажлынхаа хажуугаар хүүдээ хангалттай цаг зав гаргаж чадаж байна уу? Цэлмүүн: Өглөө эрт гараад, оройхон гэртээ ирдэг л дээ. Тэгэхээр ажлын өдрүүдэд өглөө, оройг, харин амралтын хоёр өдрийг хүүдээ зориулдаг. Ажлын өдрүүдэд хүүдээ
зарцуулах цаг барагтаа л бол гардаггүй учир хааяа хүүгээ аваад ажлаа амжуулах тохиолдол бий. Мэдээж энэ бүхнээс хамгийн чухал зүйл нь миний хүү шүү дээ. - Эмэгтэй хүний хувьд бурхнаас өгсөн хамгийн том бэлэг бол эх хүн болох тэр мэдрэмж байдаг гэдэг. Энэ гайхалтай мэдрэмжийг хэдхэн сарын өмнө биеэр мэдэрсэн таны сэтгэгдлийг энд сонсохгүй байж чадахгүй нь... Цэлмүүн: Өмнө нь би хүүхэдтэй болохыг маш их хүсдэг байсан. Энэ хэрээрээ хүүхдэд би дэндүү их хайртай. Гэхдээ ээж болоод өмнө нь хэзээ ч төсөөлж байгаагүй тийм сайхан мэдрэмжийг мэдэрсэн гэж
хэлж болно. Ганцхан зан чанар биш, бүх талаараа өөрчлөлтийг мэдэрсэн. Миний хоосон бүх зүйлийг хүү минь нөхсөн гэж боддог. Иймээс би у р ь д урьдынхаас ч илүү эрч хүчтэй болж, дайчин, шаргуу з а н минь нэмэгдэж, маш их зориг тэвчээртэй болсон юм шиг өөрт минь санагдаж байгаа. Урьд нь хүн өөрөө өөрийгөө болгоод я в д а г байсан бол одоо давхар Mongolian Makeup Magazine
57