B A L I T A A N
S A
B A R A N G A Y
Page 4
Inagurasyon at Ribbon Cutting sa Bagong Tayo na ROTC Office Building Ginanap sa PUP Commonwealth Quezon City. Nagkaroon ng ribbon cutting sa PUP Commonwealth para sa inagurasyon ng bagong tayo na ROTC Office Building. Ang proyektong ito ay magkasamang binuo nina Dir. Pascualito B Gatan, director ng PUP Commonwealth at ni Col. Buenaventura C Pascual INF (MNSA) PA, Commanding Officer, Civil Military Operations Bn (CMOBn), Philippine Army. Ang dalawang ginoo ay naniniwalang malaki ang maitutulong ng ROTC program sa paghubog sa mga estudyante na may potensyal na maging lider. Sila ay maaring makapagbigay ng malaking benepisyo sa gobyerno at sa pamayanang Pilipino upang maisulong ang katatagan at kapayapaan ng ating bansa. Ang ROTC building na ito ay sama-samang itinayo ng mga sundalo na nagmula sa Headquarters and Headquarters service Company, CMOBn. Sinumulan ang nasabing pagpapatayo noong ika-28 Agosto hanggang ika-09 Oktubre 2009 sa pamumuno ni Cpt Germelo A Calma (QMS) PA, Headquearters Commandant. Ang inagurasyon ng nasabing gusali ay ginanap noong ika -13 Pebro 2009. Nagkaroon ng maikling programa sa seremonyang ito na nagsimula ganap alas-dyes ng umaga. Si Cadet 1LT Rizzalyn V Velasco ang nanguna sa pagkanta sa pambansang awit at si Col. Pascual naman ang nagbigay ng opening remarks. Pagkatapos nito ay ginanap na ang ribbon cutting na pinangunahan nina Col Pascual at Director Pascualito B Gatan. Sumunod dito ang pagpirma ng deed of donation nina Dir. Gatan at ng CMOBn. Bago natapos ang selesbrasyon ay nagkaroon muna ng konting salo-salo na inihandog ni Col Pascual para sa mga bisitang dumalo.
ALAY LAKAD “WALK FOR LIFE” SA ARAW NG MGA PUSO Ang mga sundalo ng CMOBn, Philippine Army, ay sumali sa alay lakad na pinamagatang HERO (Health, Education, Reform, Order) noong ika-14 ng Pebrero 2009. Ang alay lakad sa temang “Walk for Life 09” ay isang aktibidad na pinamumunuan nina Manila City Mayor Alfredo Lim at Vice Mayor Francisco Domagoso. Dumalo din sa nasabing okasyon ang mga miyembro ng Philippine National Police (PNP), mga LGU’s at NGO’s, at mga estudyante ng ibat-ibang paaralan sa lungsod ng Maynila. Ang alay lakad ay nagsimula sa Rizal Monumento sa Luneta hanggang sa Rajah Solaiman Plaza, Ermita, Manila. Ang nasabing alay lakad ay Masaya at mapayapang idinaos at walang masamang insidenteng nangyari sa mga dumalo bagkus ay sila’y nabiyayaan ng magandang ehersisyo na lubos na makakatulong sa kanilang kalusugan at katawan. Ang Alay Lakad ‘09 ay nagbunga ng malakas at magandang samahan at pagkakaunawaan ng mga kasundaluhan, mga LGU’s ng lungsod ng Maynila at ng mga ibat-ibang organisasyon na nagsuporta sa nasabing programa.
TAWA NAMAN DIYAN!!!
Because laughter is the best medicine!
O N E
C O U N T R Y . . . O N E
P E O P L E . . . O N E
A R M Y !