EAEko MAHAI OROKORRA Dekretu eta enplegu suntsiketarik ez! 2013ko maiatza
Zerbitzu publikoen defentsan HEMEN ERABAKI!
PNVk Urkulluren eskutik gobernu berria osatu duenetik bere aurrekoaren, Patxi Lopezen bide berdina jarraitu du sektore publikoko langileen lan baldintzei dagokienean. Biek ala biek Zapaterok hasieran eta Rajoy geroago dekretatutako murrizketak bata bestearen atzetik ezarri dituzte. Bata zein bestea autogobernuaz mintzo baina zerbitzu publikoen garapena eta langile publikoen lan baldintzak mugatzen zuten neurriak aplikatzen joan dira: bajak zigortzea, pribatizazioei bide ematea, jai egunak mugatzea, soldatak jaistea... Inposizio hauei “aurre egiteko” Auzitegi Konstituzionalaren aurreko erreklamazioen bide antzu jorratuz, benetan eredu honen aurrean planto egiteko baino itxurazko kontrakotasun jarrera bat agertu nahian. Bide honen azken atala Erkorekak zuzentzen duen sailaren eskutik etorri zaigu, Eusko Jaurlaritzaren menpeko langile publikoen lan astearen luzapenarekin . Horretarako sektore publikoko Mahai Orokorreko bi bilera deitzea baino ez du behar izan sindikatuokin itxurazko elkarrizketa bat
saldu eta azkenean neurri hori dekretu bidez aplikatzeko. Eta orain Mahai Sektorialak baliatu nahi ditu hori nola
gauzatuko duen zehazteko. Bere momentuan LAB sindikatutik salatu genuen bezala neurri honek langileen lan baldintzetan izango duen eraginaz gain
enplegu publikoaren suntsiketan jauzi berri bat suposatuko du, herri honek azken urte luzeetako langabezi tasa altuenak bizi dituen unean, hain zuzen ere. PNVren gobernuak langileen eta Administrazioaren artean existitzen zen azkenetariko adostasun gaia aldebakarrez apurtu du. Zentzu horretan argi erakusten ari dira Madriletik inposatu nahi izango dituzten murrizketa berriak ere aplikatu dituztela. Hori ikusi dugu beste behin ere maiatzaren 2an bildu den Mahai Orokorrean. Oraingoan bigarren mailako gaiak planteatuta “goxoki pozoindu” bat eman nahi izango digu sindikatuoi, lan astearen luzapena bezalako neurriekin
milaka lanpostu publiko suntsitzen dituzten bitartean, elkarrizketa sozial bat irudikatu nahi izan duenean. Lan astearen luzapenak Sektore Publiko-ko eremurik ahulenean eragiten du, behin-behineko langileak. Eta langile finkoen lan baldintzak okertzeaz gain, zerbitzu publikoaren eskaintza ere okertzen du. LAB sindikatuak dekretua honetan atzera egiteko exijitu dio Eusko