Diarazon Februari 7
15
Miembronan di Algemene Rekenkamer a haci entrega di su rapport BO ARUBA na presidente di parlamento, mr. Juan Ady Thijsen
Recientemente Corte di Auditoria (Algemene Rekenkamer) a haci entrega di su rapport di BO Aruba na e presidente di Parlamento, Señor mr. Juan Thijsen. E rapport aki ta duna un bista ariba e aspectonan financiero y di e mane-
ho relaciona cu e programa di inversion ‘BO Aruba’. Ademas di e presidente di Parlamento, tambe tabata presente Señor mr. drs. Herman Hek, griffier di Parlamento. Di parti di Corte di Auditoria tabata presente
Señor mr. Frederick Nuboer, vice-presidente di Corte di Auditoria, señora Melissa Thijsen-Rasmijn y señora Jairmin Lopez-Tromp. E rapport aki ta obtenibel ariba e website di Corte di Auditoria, www.rekenkamer.aw.
Alan Howell, parlamentario di POR:
Pabien grandi na tur instancia cu a mantene ordo durante Carnaval!
Un peticion ta bay na henter comunidad pa celebra Carnaval na un manera trankilo Alan Howell, Parlamentario di POR, a felicita y gradici tur departamento di Gobierno cu a traha incansablemente, specialmente fin di siman pasa durante tur actividad di Carnaval. Enfocando riba e parti di Cuerpo Policial, Howell, como un polis cu 23 aña den servicio, por mira cu cada aña ta bira mas dificil pa mantene orden publico Pa tal motibo mes, como fraccion di POR kier a manda palabranan di pabien na Cuerpo Policial y otro departamentonan cu a logra mantene orden y cu a brinda asistencia na cualkier herido.
Igualmente el’a menciona cu por a mira cu e detencionnan a bira casi 3 biaha mas hopi y cu esaki ta duna un indicacion di cuanto alcohol y violencia ta subiendo den Carnaval. Alan Howell a haci un yamada na e mayornan cu si nan sa cu nan yiu ta frecuenta e gangnan pa papia cu nan yiu y si por hasta convence pa keda cas, asina e no ta hinca su mes den problema. Por a compronde cu tin gangnan cu kier enfrenta otro e fin di siman cu ta bin y pesey e ta enfatiza pa mayornan papia cu nan yiu y evita alcohol y
droga, evitando asina hinca nan mes den problema. E fin di siman n acaminda ta un di esunnan di mas druk den temporada di Carnaval cu Parada di Luz na San Nicolas, Parada Grandi na San Nicolas y Parada Grandi na Playa. “Mi ta haci un apelacion na pueblo henter pa ban celebra Carnaval trankilo, manera hende netjes, hende responsabel. Esunnan cu tinyiu menor, cuida boso yiunan, zorg pa bo yiu por ta den bo cercania caminda abo por tin control riba dje”, Alan Howell a finaliza bisando.