FRÉTTIR
NÓVEMBER 2024
Bókin fjallar um tónlistarmennina Róbert Abraham, Heinz Edelstein og Victor Urbancic sem mótuðu íslenskt menningarlíf eftir flótta frá heimalöndum sínum undan klóm nasismans. Hér tókst þeim að lyfta tónlistarmenningu þjóðarinnar á nýtt stig af elju og smitandi ákafa. Tímamótaverk um mikilvægan þátt í íslenskri menningarsögu. Höf. Árni Heimir Ingólfsson.
LISTDANS Á ÍSLANDI
Ingibjörg Björnsdóttir
332 bls.
Verð: 8.900,-
Félagsverð: 8.018,-
Listdans á Íslandi á sér langa sögu sem hér er sögð í fyrsta sinn á bók, allt frá því að fyrstu leikkonur Leikfélags Reykjavíkur leituðu sér menntunar í dansi til Kaupmannahafnar og þar til Íslenski dansflokkurinn náði að sanna mikilvægi sitt og listrænan styrk.
FRUMHERJAR
Tíu húsameistarar fæddir fyrir aldamótin 1900
Björn G. Björnsson
272 bls.
Verð: 9.900,-
Félagsverð: 7.920,-
Bókin fjallar um frumherja í íslenskri húsagerð sem eru fæddir fyrir aldamótin 1900, fimm í Reykjavík og fimm úti á landi. Þeir lærðu fyrstu handtökin í smiðjunni heima, fóru í Iðnskólann eða í smíðanám hjá góðum meisturum, kláruðu sveinsstykkin sín — jafnvel tvö — og tóku stefnu á teikniskóla í Kaupmannahöfn, Noregi eða í Þýskalandi.
SVIPUR BROTANNA
Líf og list Bjarna
Thorarensen
Þórir Óskarsson
486 bls.
Verð: 5.900,-
Félagsverð: 4.720,-
Bjarni Thorarensen (1786–1841) er jafnan talinn til höfuðskálda Íslendinga.
Einkum er hans minnst sem frumkvöðuls innlendrar rómantíkur, skálds sem orti jafnt kraftmikil ættjarðar- og orustukvæði, eldheit ástarljóð, lofsöngva til norræns vetrar og minningarljóð um fólk sem átti ekki samleið með fjöldanum.
SJÁVARÚTVEGUR
OG ELDI
Ásta Dís Óladóttir og Ágúst Einarsson
649 bls.
Verð: 12.900,-
Félagsverð: 10.320,-
Í bókinni er fjallað um alla þætti sjávarútvegs, allt frá veiðum til sölu auk grunnþátta fiskeldis og áhrifum þessara atvinnugreina á samfélagið og framleiðslu. Umhverfis- og þróunarmál eru skoðuð auk þess sem stjórnun fiskveiða hérlendis og erlendis er lýst. Þá er einnig fjallað um alþjóðavæðingu, nýsköpun og tækifæri.
SÖNGUR LJÓÐSTAFANNA
Ragnar Ingi Aðalsteinsson
239 bls.
Verð: 5.900,-
Félagsverð: 4.720,-
Í bókinni er safn greina um bragfræði, einkum stuðlasetningu. Rýnt er í ástæðurnar fyrir því að sérhljóðin stuðla hvert við annað, fjallað um ljóðstafinn s og flækjurnar kringum hann, gerð grein fyrir því hvernig stuðlunin skiptist niður á orð eftir því hvaða orðflokki þau tilheyra, sýnt fram á að stundum er hægt að aldursgreina ljóð.
AUSTUR, VESTUR OG
AFTUR HEIM
Jóhann Páll Árnason
438 bls.
Verð: 5.900,-
Félagsverð: 4.720,-
Greinarnar níu eru þverskurður af rannsóknum á sviði félagsfræði, siðmenningargreiningu og heimspeki sem Jóhann Páll Árnason hefur lagt stund á. Auk greinanna ritar Jóhann endurminningakafla þar sem hann gerir litríku lífshlaupi sínu skil, fjallar jafnt um áhrifavalda sína sem stjórnmálaskoðanir og setur í sögulegt samhengi.
TÍMANNA SAFN
Kjörgripabók
Ritstjórar: Halldóra Kristinsdóttir og Hildur Ploder
Vigfúsdóttir
220 bls.
Verð: 8.900,-
Félagsverð: 7.120,-
Fjallað er í máli og myndum um kjörgripi sem varðveittir eru í Landsbókasafni Íslands – Háskólabókasafni. Þeir endurspegla fjölbreytta safneign og er t.a.m. fjallað um bækur, handrit, einkaskjöl, tímarit og hljómplötur. Bókin er gefin út í tilefni af 30 ára afmæli Þjóðarbókhlöðu en 1994 sameinuðust Landsbókasafn og Háskólabókasafn undir einu þaki.
Íslensk heimspeki
FINGRAFÖR SPEKINNAR
Kaflar úr sögu íslenskrar heimspeki á miðöldum
Gunnar Harðarson
154 bls.
Verð: 4.900,-
Félagsverð: 3.920,-
Í bókinni er gerð tilraun til að nálgast þá hugmynd um heimspeki sem íslenskir lærdómsmenn kynnu að hafa aðhyllst á miðöldum. Einnig er athyglinni beint að heimspekilegum rökfærslum og siðfræðilegum hugtökum. Í lokin er gefið yfirlit um rannsóknir á siðfræði Íslendingasagna.
JÖTNAR HUNDVÍSIR
Norrænar goðsagnir í nýju ljósi
Ingunn Ásdísardóttir
260 bls.
Verð: 7.900,-
Félagsverð: 6.320,-
Jötnar hundvísir er í senn tímamótaverk í alþjóðlegum rannsóknum á norrænni goðafræði og áhugavekjandi íslenskt fræðirit, lifandi og alþýðlega fram sett. Með rannsókn sinni sýnir höfundur fram á að jötnar goðheimsins eru mun flóknari en talið hefur verið; þeir tengjast sköpun heimsins og búa yfir þekkingu um upphaf hans og örlög.
Lærdómsrit Bókmenntafélagsins
UM UPPELDISFRÆÐI
Immanuel Kant
Þýðandi: Páll Skúlason
150 bls.
Verð: 4.900,-
Félagsverð: 3.920,-
Ritið er aðgengilegt og sýnir hvernig Kant beitti siðfræði sinni í hversdagslegum aðstæðum og sem hjálp við að hugsa um uppeldi og menntun barna, samskipti foreldra og kennara við börn og andrúmsloft á heimili. Í þessu stutta verki hittir Kant iðulega naglann á höfuðið um álitamál sem allir standa frammi fyrir einhverntímann á lífsleiðinni.
FYRIR EILÍFUM FRIÐI
Immanuel Kant
Þýðandi: Egill Arnarson
Höfundur inngangs er Emma Björg
Eyjólfsdóttir
190 bls.
Verð: 4.900,-
Félagsverð: 3.920,-
Þetta rit Kants dregur heimspeki hans saman í beittri greiningu á stríðshneigð nútímans sem grefur undan framþróun og öryggi. Enn í dag eiga hugleiðingar hans við: Um frið sem er ekki annað en undanfari stríðs, um samninga sem leiða aðeins til frekari átaka og um þá sóun mannslífa og verðmæta sem engum stjórnvöldum ætti að leyfast að véla um.
SKÍRNIR
Tímarit Hins íslenska bókmenntafélags
Ritstjóri: Sigrún Margrét Guðmundsdóttir
Aðalfundur
Hins íslenska
bókmenntafélags 2024
verður haldinn á Sögu, 2. hæð, laugardaginn 16. nóvember kl. 15.
Dagskrá:
1. Venjuleg aðalfundarstörf, sbr. 18.–20. gr. félagslaga.
Erindi:
Að loknum aðalfundarstörfum flytur
Ingibjörg Björnsdóttir erindi um sögu listdans á Íslandi í tengslum við nýútkomna bók sína.
Ingibjörg segir þessa sögu af innsæi og þekkingu, enda hefur hún sjálf verið þátttakandi í sögu danslistar á Íslandi í sjötíu ár.
Félagsmenn eru hvattir til að mæta og þiggja kaffiveitingar í boði félagsins.
Stjórn og fulltrúaráð.
HIÐ ÍSLENSKA BÓKMENNTAFÉLAG
Hagatorgi, 107 Reykjavík
Sími: 588-9060 • Netfang: hib@hib.is
Heimasíða: hib.is • Fréttir frá Bókmenntafélaginu, nóvember 2024
