bizikletentzako ibilbide argirik gabeak eta gehiegizko neurriak dituzten trafiko-etorbide handiak.
Gure ustez, genero-ikuspegia ez da behar bezala kontuan hartu, honako alderdi hauek direla eta: • Puntu beltzez osatutako eremuak daude, hala nola 3, 4, 5 eta 6-7 blokeetako ataripeak, kontrola zaila duten eremu pribatiboetatik sartzeko aukera dutenak eta segurtasun falta handiko eremuak sortzen dituztenak. • Lehen aipatutako ataripeetarako sarbidea emango luketen blokeen arteko eremu pribatiboak ez dira ibilbide argi eta publikoak, eta, beraz, oinezkoen balizko erabilera publikoa murrizten dute. • Blokeen artean oinezkoentzako pasabide publikorik ez egoteak eremu arriskutsuak sor ditzake. • Hain bloke luzeak osatzeak oinezkoentzako pasabide oso luzeak eskatzen ditu, eta horiek mozteko zeharkako pasabidea proposatzen bada ere, askoz ere izaera publikoagoa izan beharko lukete, jende/bizikleta gehiago sar dadin sustatzeko eta proposatzen den merkataritza-erabilerari balio handiagoa emateko. • Eremu pribatuetako argiztapena jabeen esku geratzen da, baina horrek ez du bermatzen pasabideak behar bezala diseinatzea eta mantentzea. Horregatik, honako hau eskatzen da: • Bloke guztien artean eta sektore osoan zehar oinezkoentzako bide publiko bat sortzea, eremu osoan joan-etorriak hobetzea ahalbidetuko duena, segurtasun handiagoz. (Ikus 1. planoa) 2. Ibilgailuen bideei buruz. 2.1.
Aurreikusitako bideen azterketa ez dator bat trafikoaren errealitatearekin, honako alderdi hauek direla eta:
• Trafiko-azterlanak 2015, 2017 eta 2018 urteetakoak dira, eta, beraz, Urdulizko ospitalearen eragina (2017ko abenduan inauguratu zen) ez dago sartuta, 2018ko azaroko azterlanean izan ezik, bertan Iberreko biribilguneari soilik egiten baitzaio erreferentzia. • Urdulizko ospitalerako sarbidea Enrike Urrutikoetxea kaletik egitea aurreikusi da; beraz, trafiko horren eragina zenbatetsi behar da, bereziki Iberreko biribilgunean eta Gatzarriñe eta Enrike Urrutikoetxea kaleen arteko bidegurutzean. • Aurreikusitako bidea ez da nahikoa, eta zirkulazioa urbanizazioak Enrike Urrutikoetxea kalearekin duen lotunearen mende dago ia soilik; izan ere, blokeo egoera batean, auzoa ia isolatuta geratuko litzateke. Beraz, honako hau eskatzen da: • Gobelondo kalea eta sektorearen iparraldean dagoen kale berria lotzea, oinezkoentzat ez ezik, ibilgailuen zirkulaziorako ere; izan ere, Enrike Urrutikoetxea kalearekiko lotura bakarrarekin aurreikusitako soluzioak (irteerarik gabeko bidea) auzo berriaren gainerakoarekin duen lotura mugatzen du. Planoa ikusi.
Abaro sektoreko Plan Partzialari alegazioak/Alegaciones Plan Parcial Sector de Abaro. Pg. 2 orr.