BARRIKA Aldizkaria 12

ALDIZ KARIA

/BarrikaUdala

688 750 740

12. ALDIZKARIA

@BarrikaUdala

www.barrika.eu

2023ko URTARRILA

@BarrikaUdala

#Barrika #BarrikaUdala

MAGIA IKUSKIZUNA ETA TAILERRAK Bizkaiko magorik onenetako hiru izan ziren Barrikan, Daniel Ross, Altrius eta David, eta magiako emanaldi artistiko ikusgarriekin harri eta zur utzi zituzten txiki zein heldu frontoi berrituan. Bertaratu ziren 200 ikusle inguruk azaldu ezinezko gertaera sorta ikusi ahal izan zuten: mentalismo-saioak, eskapismoa, agertzeak, desagertzeak, ezinbesteko osagai moduan umorea erabilita.

GABONETAKO LEHEN AZOKAREN ARRAKASTA

3.000 lagun inguruk bisitatu zuten Barrikako Gabonetako Azoka, irauteko asmoz sortutako Gabonetako hitzordua.

rrakasta itzela izan zuen Barrikako Gabonetako lehen Azokak. Euskadin berria den formula baliatuta, magia ikuskizuna eta tailerrak, antzerkia, Gabon Parkea, eta tokiko gastronomia zein artisautza postuak konbinatu zituzten.

aurreikusi baino jende gehiago izan zen Gabonetako Azokan. Taloak, euskal pastelak eta abar eskuratzeko ere ilarak izan ziren.

A

“Barrikan lehenengo, San Tomas hurrengo” goiburuagaz, Gabonetako Azoka antolatu zuen kostaldeko herriak lehenengo aldiz, hamabost postu eta hainbat gune gastronomiko bilduta. Han izan ziren tokiko izen handiko

ekoizleak, hala nola urdaitegipostuak, kontserbak, euskal pastelak, mariskoa, taloak, zurezko jostailuak...

Harrera bikaina izan zuten aldi berean eskainitako jarduerek ere. Antolatzaileek esan zutenez, jendea gainezka izan zen magia tailerretan, ia 200 lagunekin, espero zituztenak baino askoz gehiago. Magia ikuskizunetan ere 200 per­ tsona inguru bertaratu ziren, frontoiaren edukiera guztiz hartuz, leporaino beteta.

Horrenbestez, antolatzaileek

IRAUTEKO GABONETAKO HITZORDUA Eguraldia lagun, giro bikaina izan zen Barrikan, asteburu bakarrean ia 3.000 lagun elkartu baitziren bertan. Udaleko arduradunek adierazi dutenez, Gabonetako hitzordua irauteko eta “hurrengo urteetan errepikatzeko” asmoz eratu dute.

Gainera, Daniel Ross magoak eta haren laguntzaileak umeentzako magia tailerrak ere egin zituzten frontoian, arrakasta borobil-borobilez.

IPUINKONTALARIA “Amalurra ipuin kontalaria” izan zen Barrikan, liburutegiarekin eta Ai­ txor liburu magikoarekin, amets eta hegan egiteko ipuinez beteta. Eulali Moreno Carrillo izan zen protagonista azoka inguruan eta frontoian eskainitako 8 emanaldi antzeztuetan.

GABON PARKEA Era berean, ohiko Gabon Parkea ere Barrikan izan genuen, haurrentzako atrakzioak doan eskainiz, hasieran udaletxeko plazaren eta frontoiaren arteko zelaian, eta, ondoren, udaletxeko plazako karpan. Umeek bapo gozatu zuten 8 ohe elastikoekin eta wipe-outarekin.

2

Barrikako Udalaren Aldizkaria

EDITORIALA

ERRONKA BERRIEI BEGIRA HASIKO DUGU URTEA 2023ari ekin diogu, atzean utzita pandemiaren osteko urtea, Errusiaren eta Ukrainaren arteko gerra bizi izan duena, egoera sozioekonomiko zailekoa, baina pozik gaude ondo egin dugun lanagatik eta bete ditugun erronkengatik, hori guztia lortzeko gure alde izanda, zalantzarik gabe, Barrikako Udala osatzen duten pertsona guztiguztien lana, babesa eta laguntza, eta gure udalerriko elkarte-sare osoa.

Eskerrik asko guztioi!

2023a aldaketa-urtea da, legealdia amaituko da, eta etapa berri bat hasiko da, gure ikuspuntua eta jomuga barrikoztarren ongizatean finkatuta.

Gure herritar bakoitzaren aldeko lanean jarraituko dugu guk, bizi-kalitate hobea izan dezazuen, eta ahaleginduz sor daitezkeen arazoak konpon­ tzen eta horietan laguntza ematen.

“

Ikerketa soziologiko bat egin dugu gure herrikide zaretenon eskaerak ezagutzeko” Horregatik, azterketa soziologiko bat egin dugu gure herrikide zaretenon beharrak eta eskaerak ezagutzeko, zuek baitzarete gure lehentasuna, Barrika osatzen duten pertsonak, eta beharrik handiena dutenak, batik bat.

Horretarako, prestakuntza-ikastaroak eta tailerrak antolatzen jarraituko dugu, zuek daukazuen enplegurako gaitasuna hobetzeko, eta desberdintasuna zein gizarte-bazterketa saihesteko. Aintzat hartuko dugu gure natura ingurunea ere, “Barrika Batu” kanpainaren bitartez, gure udalerria leku gero eta jasangarriagoa bihur dezagun, ingurumena errespetatuko duena.

Zorionak eta urte berri on! Jai oso zoriontsuak opa dizkizuet, familia eta lagunekin indarberrituta, 2023. urteari kementsu eta ilusioz ekiteko.

Roberto Muñoz García BARRIKAKO ALKATEA

BARRIKA BATU AMAITU DA

Lau hilabetez, Barrika Batuk birziklatzeari buruzko dibulgazio-jarduerak eskaini ditu.

B

arrika Batu proiektua amaitu egin da, birziklatzeko edukiontziak egoki erabiltzeari buruz lau hilabetez erakusten eta kontzientziatzen egindako lanaren ondoren.

zelako, eta, bereziki, hondarrekoena eta organikoena. Kanpaina horren ardatz nagusia webgunea da (www.barrikabatu.com), eta, hor, barrikoztarrek hainbat dibulgazio-eduki eskura ditzakete.

Barrikako Udalak birziklatzearen aldeko apustuari ekin zion 2021ean, udalerrian hondakin organikoentzako edukiontzi marroia ezartzearekin batera. Aldi berean, irekiera pertsonalizatuko hondarrekoen edukiontzia ezarri zen; edukiontzi horrek, edukiontzi organikoak bezalaxe, txartel elektronikoa dauka, Barrikako etxe bakoitzarekin lotuta dagoena.

SENTSIBILIZATZEKO HITZALDIAK

2022ko irailean, Udalak, Tantak elkartearen laguntzarekin, Barrika Batu proiektua abiarazi zuen, birziklatzeko edukiontzi guztien erabilera egokia indartu behar

Adierazitakoaz gain, proiektuak orobat eskaini ditu helduentzako sentsibilizazio-hitzaldiak, dibulgazio-tailerrak, itsas fauna eta floraren heziketari buruzko tailerrekin osatutako hondartza-jardunaldiak eta garbiketak Muriolan. Barrika Baturen azken erremate moduan, proiektuaren webgunean ikusgai dago ekimenaren filosofiari eta barrikoztarren inplikazioari buruzko bideo-erreportaje interesgarri bat.

OLENTZERO ETA MARI DOMINGI BERRIRO BARRIKA BISITATZEN Joan den abenduaren 23an, Olentzerok eta Mari Domingik Barrikako haurrak bisitatu zituzten, Euskal Dantzetako taldea lagun zutela.

Barrikoztarrek familia arloko an­ tzerkiaz ere gozatu ahal izan zuten, “Azken eguzkilorea” lanarekin, eta txokolatada eta gaztaina-banaketa ere izan ziren, udaletxeko plazan.

Barrikako Udalaren Aldizkaria

HERRITARREN BEHARREI ETA ESKARIEI BURUZKO AZTERKETA SOZIOLOGIKOA BARRIKAN Ekimen honekin, herritarren asebetetze orokorrari buruzko informazioa biltzea izan da helburua.

B

arrikako Udalak behar eta eskarien azterketa soziologikoa egin du, udalerrian bizi diren pertsonek zuzenean parte har dezaten.

Horretarako, telefono-inkesta bat egin du adin nagusiko barrikoztarren artean.

Ekimenaren helburua informazioa bil­ tzea izan da, honako gai hauei buruz: herritarren asebetetze orokorra, udalerriaren bilakaera, herritarren ikuspun-

tua, herritarren arazoak, beharrak eta eskaerak, gabeziak eta gizarte-lehentasunak; udal mailako proiektuei eta jarduerei, udal-zerbitzuei, Udalari eta kudeaketaren arduradunei buruzko balorazioa ezagutzea; gobernu-taldeak herritarren ikuspegiaren arabera lehentasuneko zer ekintza izan beharko lituzkeen jakitea, eta Udalaren ustez gertagarriak diren beste alderdi batzuk ezagutzea.

BARRIKA, INDARKERIA MATXISTAREN AURKA Azaroaren 25ean, Emakumeenganako Indarkeriaren aurkako Nazioarteko Egunean, Barrika partaide duen Uribe Kostako Mankomunitateak bideo bat argitaratu zuen, indarkeria matxistaren inguruan sentsibilizatzeko asmoz. Era berean, Emakumeen Hitza elkarteak deitutako elkarretaratzean bertaratu zen Barrikako Udala, zeinetan manifestua irakurri eta aurreskua dantzatu zuten.

3

BARRIKA, EUSKARALDIAREKIN BAT Udalak hainbat jarduera antolatu zituen futbolzelaian eta frontoian.

Barrikak Euskaraldiarekin bat egin zuen, hainbat jardueraren bitartez, hala nola “Zer lortu nahi duzu Euskaraldian” hasiera-ekitaldia edo futbol zelaian penaltien jaurtiketa irekia, Ahobizi eta Belarripresten parte-hartzearekin.

Horrez gain, taldeko argazki bat eta Euskaraldiko produktuen zozketa egin zuten frontoian. Dantza-plaza eta talo-banaketa ere izan ziren.

“Hitzez ekiteko garaia” lelopean, Barrikak ekinean hartu zuen parte euskararen aldeko ekimen horretan.

Eta abenduaren 3an, Euskararen Eguna zela-eta, Barrikako Euskal Dantza taldeak frontoian egin zuen dantza, eta txikiek Kaleak Bizirik haurrentzako ikuskizuna eta txokolate-jana gozatu ahal izan zituzten.

4

Barrikako Udalaren Aldizkaria

ELKARRIZKETA

“

Orain munduko txapelduna naizela pentsatzea ez sinestekoa iruditzen zait”

MARINA ARTERO, BARRIKAKO TXAPELDUNA Marina Artero baloi bati lotuta bizi izan da gogoan daukan bizi osoan.

Hiru urte zituela, futbola gogoko zuela erakusten hasi zen, eta lau urte beteta sartu zen Barrika Futbol Elkartean; hor hasi zen kirol ibilbidea garatzen, harik eta Athleticera iritsi zen arte, lehenago Bizkerretik igarota. Gaur egun filialean jokatzen du, 2 mailatan. Kapitaina izan da bai 17 urtez azpiko Emakumezkoen Euskadiko Selekzioan, bai eta Espainiakoan ere; harekin lortu du munduko txapeldun izatea.

Zer sentitzen da munduko txapeldun izanda?

Egia bihurtutako ametsa da. Txikia nintzenean, lortu ezinekoa iruditzen zi­ tzaidan, eta orain munduko txapelduna naizela pentsatzea ez sinestekoa irudi­ tzen zait.

Beti argi izan al duzu futbola zela zure kirola?

Bai, betidanik. Anaiak eraginda hasi nintzen jokatzen. Ni baino bi urte zaharragoa da, eta Barrikan jokatzen zuen.

Etxean, entrenamenduko arropa har­ tzen nion, eta harekin jolasean hasten nintzen.

Gogoan al dituzu Barrikan futbolean egindako lehen pausoak?

Gurasoek kontatu didatenez, anaiaren

taldearekin entrenatu nahi nuen, baina adinagatik ez zidaten uzten. Azkenean, lehen urte horretan entrenatzen utzi zidaten, baina ezin nuen jokatu. Barrikako etapa horretaz oroitzen naizenean, beti gogoratzen naiz nola jokatzen nuen zelaian lokatzarekin, putzuekin eta haizearekin. Hala eta guztiz ere, horrelako eguraldia zegoen egunetan gozatzen nuen gehien nik.

PEOI LANETARAKO LANGILE BATEN KONTRATAZIOA Barrikako Udalak, Uribe Kostako Behargintzaren bitartez, Lanbide-Euskal Enplegu Zerbitzuaren 2022ko Enplegua Sustatzeko Tokiko Ekintzen programa abiarazi zuen, eta peoi bat kontratatu du.

Programa horren barruan kontratatu diren herri lanetako 27 langileetako 1 Barrikakoa da, eta udalerrian erroldatuta dago. Kontratazioa 5 hilabeterako eta lanaldi osorako izango da.

17 urterekin, palmares garrantzitsua daukazu. Eta etorkizuneko helburuak?

Egunez egun bizi, eta denetik ikasi.

Athleticekin lehen taldera iristea nahiko nuke, eta nazioarteko txapelketetara joateko aukera izatea.

Nola ikusten duzu zeure burua 10 urte barru?

Futbolean lehen mailan jokatzen ikusten dut neure burua.

Futbolaz gain, zer beste zaletasun dituzu?

Txikitatik aritu izan naiz surfean, eta 6 urtetik 11 urtera bitartean tenisean ere jokatzen nuen, Barrikako Klubean.

Orain­dik ez daukat argi zer ikasiko dudan, baina nahiko nuke fisioterapia, erizain­tza edo psikologia ikasi.

SAN ANDRES OSPATU ZEN BARRIKAN Joan den azaroaren 30ean, Barrikako herriak San Andres ospatu zuen; jaieguna Goierriko ermitan hasi zen mezarekin, Aita Gotzon Abesbatzaren kontzertuarekin jarraitu zuen, eta hamaiketakoa eta lunch herrikoia eginda izan zuen bukaera.

Dozenaka barrikoztarrek gozatu zuten jai egun horretaz.