MAT Før du les: Ta eit BISON-overblikk over sidene 26–29.
Dei gjevmilde dyra Korleis ville du ha likt å ete insekt og marsvin eller drukke varmt blod rett frå eit dyr? I denne teksten får du vite litt om at mat kan vere mykje forskjellig. Dyra er mine venner – og eg et ikkje vennene mine. George Bernard Shaw
Forfedrane våre lærte å drepe dyr for over fem millionar år sidan, men fram til for om lag ti tusen år sidan måtte ein vere ein svært dugande jeger for å kunne ha kjøt på menyen ofte. Jegeren måtte kaste spydet slik at det trefte i bestemte delar av dyrekroppen, anten slik at dyret blei drepe med det same, eller slik at det blei svekt gjennom eit stort blodtap. Ein annan måte å fange dyr på var å jage dei utfor stup eller ned i dyregraver. Slike graver kan vi enno sjå spor etter i norske fjell. Helleristing frå Alta.
26