Asili ya
ya madhehebu katika Uislamu final Lubumba.qxd
Asili ya Madhehebu
7/1/2011
12:21 PM
Page 143
katika Uislamu
Imam Ali (a.s.) alitamani kushiriki jeshi hilo lakini Mtume (s.a.w.w.) alimwambia kuwa abakie Madina na kuongeza: “Huridhiki wewe kuwa ndugu yangu na kushika wadhifa kama ule wa Harun kwa Musa, isipokuwa kwamba hakuna Mtume baada yangu?” Kwa mara nyingine tunaona kuwa Imam Ali Ibn Abi Talib (a.s.) alikuwa tayari ametajwa kuwa mrithi wa Mtume (s.a.w.w.) iwapo utazingatia uhusiano wa Harun na Musa ulivyokuwa kama nilivyouelezea huko nyuma. Katika tukio hilo la Tabuk vita havikupigwa kwa sababu Mtume (s.a.w.w.) na jeshi lake walipofika huko wakakuta Warumi wamekwisharejea kwao kwa woga wa jeshi la Waislamu. Ndipo Mtume (s.a.w.w.) aliamua kutoingia kwao na hivyo kurejea Madina. Hapo ndipo iliposhuka Sura atTawbah. Na ndipo Mtume (s.a.w.w.) alipochoma moto msikiti wa Dhirar uliokuwa umejengwa na wanafiki wakiutumia kama kichaka cha kuficha njama zao za uovu. Kikundi kilichoutumia msikiti huo kilikuwa cha hao wanafiki waliokuwa na lengo la kudhoofisha Taifa la kiislamu.
Jeshi la Usamah bin Zayd: Baada ya Mtume (s.a.w.w.) kutoa hotuba (wasia) yake ndefu pale Ghadiir Khum alirejea Madina na kukaa hapo hadi mwaka wa 10 A.H (631 A.D) ukaisha. Mwaka wa 11 A.H Mtume (s.a.w.w.) aliugua na ikawa wake zake wamemruhusu akae kwa mama Aisha. (Haya tunayapata katika Tarikh Abu al-Fida). Wakati Mtume (s.a.w.w.) anaendelea kuugua, aliamrisha liundwe jeshi likiongozwa na bwana Usamah Ibn Zayd; na kwamba jeshi hilo liende kupigana kuanzia Ubna kulipiza kisasi cha kuuawa pale kwa bwana Zayd Ibn Harithah katika vita vya Mau’tah. Aliamuru jeshi liondoke upesi na kushambulia kwanza watu wa Ubna kwa kuwasili pale mapema asubuhi kuliko ilivyotegemewa. Lakini baadhi ya masahaba hawakutii amri ya Mtume (s.a.w.w.) ya kuwataka kujiunga na jeshi chini ya bwana Usamah; kama walivyowahi 143