QËNDRIM UNIK PËR VERSIONIN E DYTË TË LIGJIT PËR MEDIA
Nuk janë pranuar vëre
O 12
rganizatat e gazetarëve dhe të medias në Maqedoni me 18 qershor ndërtuan qëndrim të përbashkët për versionin e dytë të Propozim ligjit të medias dhe për shërbime audiovizive, i cili iu shpërnda autoriteteve vendore dhe përfaqësive diplomatike në Maqedoni. Shoqata e gazetarëve të Maqedonisë, Sindikata e pavarur e gazetarëve dhe punëtorëve të medias, Instituti maqedon i medias dhe Qendra për zhvillimin e medias shprehën pakënaqësi që Ministria për shoqëri informative dhe administratë nuk ka pranuar asnjë nga vërejtjet kryesore e tyre për propozim ligjin e medias. «Vlerësojmë se versioni i ri i Propozim ligjit ka vetëm ndryshime kozmetike, të cilat në esencë nuk përmirësojnë përmbajtjen e tesktit të ligjit», thuhet në dokumentin e këtyre organizatave. Sipas tyre, versioni i ri i ligjit nuk është në harmoni me Kushtetutën e RM-së dhe standardet evropiane, të cilat garantojnë lirinë e shprehjes. «Shqetëson fakti që Ministria për shoqëri infor-
mative dhe administratë injoron rekomandimet e ekspertëve të vendit dhe të huaj, të cilët insistojnë të mos ketë një sistem unik rregullator për të gjitha mediat, të sigurohet pavarësia e Agjenccisë së medias dhe Këshillit programor të Radiotelevizonit maqedon. Në tre elementet kryesior siç janë: përbërja, pavarësia dhe transparenca dhe autorizimet e rregullatorit, korniza e ligjit dhe insistimi që nën një regjim rregullimi të vihen edhe mediat e shtypura dhe të internetit, si dhe pavarësia dhe funksionet e servisit publik nuk janë bërë kurrëfarë ndryshimesh», vërejnë këto organizata. Ato pohojnë se nuk do të pranojnë asnjë tekst ligji për media, ku nuk do të implementohen rekomandimet e ekspertëve të këshillit të Evropës dhe të OSBE-së. «Ne nuk do të bëjmë asnjë kompromis për standardet evropiane të vendosura nga Këshill i Evropës. Maqedonia, si anëtare fuqiplotë në Këshillin e Evropës, duhet t’i plotësojë detyrimet dhe pritjet e organizatës më të vjetër në Evropë, e cila i kultivon parimet demokratike dhe promo-