Setguul

Байгууллага үүсч, хөгжсөний 12 жилийн ойг тохиолдуулан нийт ажилтан болон тэднийхээ эрхэм нандин гэр бүлд зориулан эрхлэн гаргав.

ТУСГАЙ ДУГААР

02

TIMES 2020 он 08 сар

ТЭЭВЭР ЛОГИСТИК?

МЭНДЧИЛГЭЭ Тээвэр логистик гэдэг нь нийлүүлэлтийн гинжин хэлхээний үе шат бүхэнд шаардагдах тээвэр, гааль, хадгалалт болон түгээлтийг оролцуулсан өргөн цар хүрээтэй үйл ажиллагааг хамарсан зохион байгуулалтын шийдлүүд юм. Тээвэр логистикийн шийдлүүд таны бараа бүтээгдэхүүнийг зах зээлд аюулгүй, хурдан, хямд өртгөөр байршуулан бизнесийг тань амжилттай явуулах боломжийг олгож байдаг. Бусад бизнесийн салбаруудтай эн зэрэгцэн хөгжиж буй энэ салбарын мэдлэг мэдээллийг бүрэн дүүрэн авч, шаардлагатай нөөцийг бүрдүүлэн, амжилттай ажиллахад цаг хугацаа болон хөрөнгө хүч ихээхэн шаарддаг. Улс хоорондын тээвэр зуучлалын Ландбридж компанийг 2008 оноос хойш сонгон үйлчлүүлсэн олон мянган харилцагч та бүхэн - биднийг ДОТООДЫН МЭДЛЭГ ЧАДВАРТАЙ БОЛОВСОН ХҮЧИН, ДЭЛХИЙН БҮХ УЛСЫГ ХАМАРСАН ТЭЭВЭР ЛОГИСТИКИЙН БАЙГУУЛЛАГУУДЫН ӨРГӨН СҮЛЖЭЭ, ТЕХНИК ТЕХНОЛОГИЙН БААЗ СУУРЬ бий болгох нөхцөл бололцоогоор хангасан билээ.

Тээвэр логистик гэдэг нь нийлүүлэлтийн гинжин хэлхээний үе шат бүхэнд шаардагдах тээвэр, гааль, хадгалалт болон түгээлтийг оролцуулсан өргөн цар хүрээтэй үйл ажиллагааг хамарсан зохион байгуулалтын шийдлүүд юм.

Тээвэр логистикийн шийдлүүд бараа бүтээгдэхүүнийг зах зээлд аюулгүй, хурдан, хямд өртгөөр байршуулан бизнесийг тань амжилттай явуулах боломжийг олгож байдаг. Бусад бизнесийн салбаруудтай эн зэрэгцэн хөгжиж буй энэ салбарын мэдлэг мэдээллийг бүрэн дүүрэн авч, шаардлагатай нөөцийг бүрдүүлэн, амжилттай ажиллахад цаг хугацаа болон хөрөнгө хүч ихээхэн шаарддаг.

Улс хоорондын тээвэр зуучлалын Ландбридж компанийг 2008 оноос хойш сонгон үйлчлүүлсэн олон мянган харилцагчид биднийг ДОТООДЫН МЭДЛЭГ ЧАДВАРТАЙ БОЛОВСОН ХҮЧИН, ДЭЛХИЙН БҮХ УЛСЫГ ХАМАРСАН ТЭЭВЭР ЛОГИСТИКИЙН БАЙГУУЛЛАГУУДЫН ӨРГӨН СҮЛЖЭЭ, ТЕХНИК ТЕХНОЛОГИЙН БААЗ СУУРЬ бий болгох нөхцөл бололцоогоор хангасан билээ.

Бидний санал болгодог ачаа тээвэрлэлт нь нэгж бүрийн үр дүнг үр ашигтай байлгахад зориулагдсан байгууллагын ӨВӨРМӨЦ БҮТЭЦ, тээвэр логистикийн үйлдэл бүрээр дагнан МЭРГЭШИЖ ТУРШЛАГАЖСАН АЖИЛЛАХ ХҮЧИН, өөрийн хүлээх хариуцлагын болон үйлчлүүлэгчдийн бүх ачааг хамруулсан ачаа тээврийн ДААТГАЛ, ачаа ачигдах цэгээс бичиг баримтын хяналт хийдэг үнэ төлбөргүй ГААЛИЙН БҮРДҮҮЛЭЛТИЙН ҮЙЛЧИЛГЭЭ, нэг цэгээс олгох АГААР, ДАЛАЙ, ТӨМӨР ЗАМ, АВТО БОЛОН ХОЛИМОГ ТЭЭВРИЙН ЗАМНАЛУУД, МЭДЭЭЛЛИЙН ТЕХНОЛОГИЙН АВТОМАТЖУУЛСАН НЭГДСЭН СИСТЕМ, ЧАНАРЫН БОЛОН ХӨДӨЛМӨР АЮУЛГҮЙ БАЙДЛЫН УДИРДЛАГА зэрэг нь бүхэлдээ үйлчлүүлэгчдийн ачаа барааг аюулгүй, түргэн шуурхай, өртөг багатай тээвэрлэхэд зориулагдсан төдийгүй Монгол улсын логистикийн зардлыг бууруулах, тээвэр логистикийн үйл ажиллагааг ХҮРТЭЭМЖТЭЙ, АМАР ХЯЛБАР болгоход чиглэгддэг.

Үйлчлүүлэгчид, харилцагчдын бизнесийн амжилт ололт, хөгжил цэцэглэлт бидний хувьд өсөн нэмэгдэх тээвэрлэлтийн хэмжээ, ашиг орлогын эх үүсвэр билээ. Ихэнх бизнесийн үнэ цэнэ, бүтээгдэхүүний өөрийн өртөг болон худалдан авагчид өгч буй үнэ цэнийн зөрүүгээр тодорхойлогддог бол тээвэр логистикийн салбарт үнэ цэнэ бараа бүтээгдэхүүний шилжилт хөдөлгөөнийг аюулгүй, шуурхай, бага өртгөөр зохион байгуулснаас үйлчлүүлэгчийн олж байгаа олз буюу эрсдэлгүй найдвартай байдал гэж бид баттай ойлгодог.

БИДНИЙ ТУХАЙ

Ландбридж ХХК нь 2008 оноос үйл ажиллагаагаа эхэлж өнөөдөр дэлхийн 5 тивд байрлах 90 гаруй орны 2000 гаруй агентийн сүлжээгээ ашиглан төмөр зам, агаар, далай болон авто зам зэрэг тээврийн бүх төрлөөр улс хоорондын болон орон нутгийн тээвэр логистикийн иж бүрэн үйлчилгээг үзүүлж байна.

Тээвэр зуучлалын чиглэлээр салбартаа 20 хүртэл жил ажилласан туршлага бүхий манай хамт олон харилцагчдынхаа ачаа бүрийг товлосон хугацаанд нь эрсдэлгүй найдвартай тээвэрлэхийн чухалыг мэднэ.

ХАМГИЙН ЧУХАЛ НЬ ЧАНАР, АЮУЛГҮЙ БАЙДАЛ

Бэлтгэн нийлүүлэлтийн сүлжээ тасралтгүй, зөв зохион байгуулалттай ажиллахад бараа бүтээгдэхүүн төлөвлөсөн цаг хугацаандаа бүрэн бүтэн, эрсдэлгүй тээвэрлэгдэж байх маш чухал. Үйлчлүүлэгчид болон харилцагчид тээвэр логистикийн үйлчилгээний чанар болон компанийн үйл ажиллагааны тогтвортой аюулгүй байдалд бүрэн итгэлтэй байх ёстой.

Ландбридж компани, үйлчлүүлэгчдийнхээ бизнесийн нэг хэсэг байж, урт удаан хугацаанд найдвартай логистик үйлчилгээгээр хангахын тулд ажлаа хариуцлагатай, чанартай гүйцэтгэлтэй хийх, осол эндэгдлийг урьдчилан таних, сэргийлэх ухамсарт хандлагыг ажилтан нэг бүртээ сургалт, мэдээллээр хангах замаар хөгжүүлж, тасралтгүй сайжруулах тогтолцоог бий болгон ажилладаг

БИДНИЙ ЗОРИЛГО Эдийн засаг болон нийгэмд үр ашигтай БИЗНЕС ЗАГВАР -ыг хөгжүүлэх Улс хоорондын тээвэр логистикийн үйлчилгээг ЧАНАРТАЙ, ОЙЛГОМЖТОЙ, ХЯЛБАР болгох Тээвэр логистикийн ШИЛДЭГ ШИЙДЭЛ, САНАА, АРГА ТЕХНОЛОГИ -г хэрэгжүүлэх чадамжийг бий болгох Хамтын хөдөлмөр, БҮТЭЭЛЧ ОЮУН УХААН -ыг урамшуулж, ажиллаж сурч хөгжих таатай орчинг бүрдүүлж, салбарын МАНЛАЙЛАГЧИД -ыг бэлдэх

ҮНЭТ ЗҮЙЛС ТҮНШИЙН ХАРИЛЦАА - Итгэл дааж, хүлээн зөвшөөрөгдөх харилцаа МЭРГЭЖЛИЙН ЧАДВАР - Энгийн, ойлгомжтой, цогц үйлчилгээ ХАМТ ОЛОН - Ажил мэргэжилдээ дур сонирхолтой, чадварлаг баг БИЗНЕС ЗАГВАР - Өсөлттэй, үр ашигтай, үргэлж сайжрах загвар

АЛСЫН ХАРАА УЛС ХООРОНДЫН ТЭЭВЭР ЛОГИСТИКИЙН ҮЙЛЧИЛГЭЭНИЙ ХАМГИЙН ШИЛДЭГ СОНГОЛТ БАЙХ.

ISO ОЛОН УЛСЫН ЧАНАРЫН УДИРДЛАГЫН ТОГТОЛЦОО

OHSAS ХӨДӨЛМӨРИЙН ЭРҮҮЛ МЭНД, АЮУЛГҮЙ БАЙДЛЫН УДИРДЛАГЫН ТОГТОЛЦОО

Улс хоорондын тээвэр зуучлал болон тээвэр логистикийн үйл ажиллагаандаа нийт ажилтнуудын оролцоотойгоор Чанарын удирдлагын тогтолцоо - шаардлага ISO 9001:2015 стандартыг нэвтрүүлж, олон улсын аудитын “IRCLASS system and solutions private limited“ байгууллагаар амжилттай баталгаажуулан хийлгэсэн.

Хөдөлмөрийн эрүүл мэнд, Аюулгүй байдлын Удирдлагын тогтолцоог байгууллагадаа бий болгон, олон улсын аудитын “IRCLASS systems and solutions private limited“ байгууллагаар баталгаажууллаа.

ЛАНДБРИДЖ КОМПАНИД ТАВТАЙ МОРИЛ

ХООЛНЫ ГАЗАР Өдрийн цайны цаг хүсэн хүлээдэг цаг 13:00 - 14:00. Өвлийн хүйтэн, зуны халуун, салхи, шуурга, бороо, цас алинд нь ч гадагш гарах шаардлагагүйгээр оффисынхоо гал тогооноос шинэхэн, халуун, амттай хоолыг ажил дээрээ зооглоно гэдэг эрүүл мэндийн хувьд ч, цаг хугацааны хэмнэлтийн хувьд ч талархууштай шийдэл билээ. Амттай, сайхан хоолоор үйлчилдэг хоёр тогооч эгчийгээ энд онцолж байна.

Амьдралын хамгийн чухал хэсэг болсон ажлын байрны интерьер, тав тух, бүтээлч байдлыг нэгтгэсэн цогц орчин бидэнд бий. Цаг үеэсээ хоцролгүй бүтээмжээ байнга ахиулах эсэх нь хүрээлэн буй орчноос нэн хамааралтай бөгөөд маш чухалд тооцогддог. Шинэ эриний залуусын ажиллах арга барилд шаардлагагатай орчинг манай удирдлагууд тун ч нарийн мэдэрч тохижуулсан байгаа. /UNREAD TODAY сайтаас УБ хотын хамгийн шиддэг оффисууд шалгаруулалтын 2018 оны шилдэг 10 оффисын нэг болсон/

УНАДАГ ДУГУЙ

ЦЭЦЭГЖҮҮЛЭЛТ

ТУРНИК

Бид унадаг дугуйг дараахи нөхцөл байдлуудыг бодолцож оффис дээрээ байрлуулсан: 1. Хөдөлгөөн хязгаарлагдмал оффисын ажилчдаа чөлөөт цагаараа дугуй унаж хөдөлгөөний дутагдал болон түүнээс үүдэх аливаа эрсдлээс сэргийлэх гэж 2. Ойр зуурын гадуур ажлаа замын түгжрэлд оролгүй хурдан түргэн амжуулаасай гэж 3. Амралтын өдөр гэрлүүгээ авч яваад амралтаа сайхан өнгөрөөгөөсэй гэж 4. Дугуй унаж чаддаггүй ажиллагсдаа дугуй унаж сураасай гэж

Олуулаа суудаг оффисын агаараа бид дан ганц агааржуулагчид даатгалгүй, ногоон орчинг бүрдүүлж, мэргэжлийн хүнээс зөвлөгөө аван арчилгаа, усалгааг хийсээр байна

Тэр жилийн цэргийн баяраар нийт эрэгтэй ажилчиддаа зориулж эмэгтэй ажилчид нь энэ турникийг авч өгч байсан. Олон цаг сууж ажиллаад энэ турникээс зүүгдэхэд нуруу сайхан амардаг шүү. Өдөр болгон энэ турник дээр дасгал хийдэг жолооч Батхишигийг онцолж байна.

ТӨГӨЛДӨР ХУУР

НОМЫН САН

Хүний баруун, зүүн тархи харилцан адилгүйгээр ажилладаг ба хүн ажиллаж байхдаа зүүн тархиараа тооцоолон бодож, тоо баримтуудыг нэгтгэн боловсруулдаг байна. Тэгвэл уран зөгнөл, төсөөлөн бодох чадварыг орхигдуулахгүйгээр чөлөөт цагаа уран бүтээлч байдлаар өнгөрүүлэхэд зориулж “Хаан Хуур” хөгжмийг оффисынхоо хамгийн хүндтэй хэсэг буюу зүүн жигүүрийн тайзанд байрлуулсан билээ. Манай ажилтнуудаас өөрийн хичээл зүтгэлээр төгөлдөр хуур хөгжмийг бие даан суралцаж байгаа дотоод борлуулалтын мэргэжилтэн М. Хуланг онцолж байна.

Одоогийн байлаар манай номын санд 500 гаруй ном бүртгэгдсэн байна. Бэстселлер, дэлхийн сонгодог, ажил мэргэжилтэй холбоотой сурах бичиг, гарын авлага энд бий. Тухлаг буйдан дээр ном уншиж суухад цаг хичнээн хурдан өнгөрдөг гээч.

ШИРЭЭНИЙ ТЕННИС

LOCKER

ШИРЭЭНИЙ ХӨЛ БӨМБӨГ

Ширээний теннис тоглох нь нүдний харааг сайжруулдаг. Ажлынхаа ихэнхи цагийг компьютерийн дэлгэц ширтэж өнгөрүүлдэг хэн бүхэнд хамгийн шилдэг нүдний дасгал. Мөн биеийн бүх булчинг жигд ажиллуулж жингээ барих, жин хасахад ч үр дүнтэй. Оффис дээр ширээний теннис байрлуулснаас хойш бараг бүгд тоглож сурсан ба байгууллагын спорт арга хэмжээнд хамгийн өрсөлдөөнтэй, олон оролцогчтой спортын төрөлд багтдаг.

Эмээгийн бор авдарт Элдэв бүхэн байдаг шиг Энэ цэнхэр локерт Ээ дээ ... Юу юу л байгаа бол?

Ширээний хөл бөмбөг буюу foosball. Оффисын ихэнхи ажилтнууд энэ спортод орсон. Бид дээд, доод лийгийн тоглолт явуулж ширүүн өрсөлдөөнтэй аваргаа тодруулдаг болоод удаж байгаа билээ.

ХУРЛЫН ӨРӨӨ

УУЛЗАЛТЫН КАБИН

Байгууллагынхаа өнгөрсөн, одоо, ирээдүйг дүгнэн ярилцаж хэтийн чиг зорилго, салбараа түүчээлэх олон олон шинэ санаа энэ өрөөнөөс л урган гардаг. Цэлгэр саруулхан цонх, агааржуулалт, хана дүүрэн самбар, дэлгэц, гэрэлтүүлэг, дуу тусгаарлалт гээд хурал, уулзалт хийх бүх нөхцөл энд бүрдсэн.

Бид ажил мэргэжлийнхээ онцлогийг оффисынхоо дотоод засал чимэглэлд шингээж барилга дотор чингэлэг байрлуулсан нь жинхэнэ галзуу санаа байв. Тус чингэлгийг 3 хэсэгт хувааж хурал, уулзалтын өрөөний зориулалтаар ашигладаг. Нийт оффисын интерьерийн зураг шийдлийг гаргаж бодит ажил болгосон захирлын туслах Намуунцэцэгийг онцолж байна.

ГААЛЬ, ТАЛБАЙН АЖИЛТНУУДЫН НЭГ ӨДӨР...

Улсын урд, хойд хил болон Улаанбаатар хотын Буянт-Ухаа, Монгол Транс, АБТЭМА, Техник импорт, Хотын гааль, Амгалан, Эрин Транс зэрэг гаалийн терминал дээр манай 40 гаруй ажилтан тээврийн процессын төгсгөл, дараагийн тээврийн эхлэлийг хийн ажиллаж байна.

Мэргэжил нэгтнүүдээ манлайлж, байгууллагын нүүр царай болон ажлаа шажигнуулдаг мунлаг бүсгүйчүүд бол манай Гаалийн Бүртгэгдсэн мэргэжилтнүүд юм. Дашрамд хэлэхэд Гаалийн бүртгэгдсэн мэргэжилтэн гэдэг ажил мэргэжил үүсээд 30 жил болжээ. Та бүхэндээ ойн баярын мэнд хүргэе.

УЛАМЖЛАЛ БОЛГОН ЗОХИОГДДОГ ИВЭДХИЖҮҮЛЭЛТИЙН АЖЛУУД

ШИНЭ ЖИЛ - МОНИТА ЦАГААН САРЫН ЗОЛГОЛТ ЦАСНЫ БАЯР МАРТА-8, ЦЭРГИЙН БАЯР СПОРТ АРГА ХЭМЖЭЭ ХҮҮХДИЙН БАЯР ЯВГАН АЯЛАЛ НААДАМ BACK TO SCHOOL ГЭР БҮЛИЙН ӨДӨРЛӨГ КОМПАНИЙ ОЙ АХМАДЫН БАЯР ХОЛБООНЫ ТЭМЦЭЭН ЖИНХЭЛСЭН АЖИЛТНЫ БЭЛЭГ

Сайн байна уу? Таньд энэ өдрийн мэндийг хүргэе. Өөрийгөө товчхон танилцуулна уу? Сайн байна уу? Намайг Билгүүн гэдэг. Би энэ жил 6 сард саяхан Хятадад их дээд сургуулиа “Олон улсын харилцаа эдийн засаг” мэргэжлээр сурч төгсөөд хүмүүсийн хэлдгээр амьдралд дөнгөж хөл тавьсан нэгэн. Би багаасаа л нэг юмыг хийхгүй үлдээвэл сэтгэл амардаггүй бас тал талын юм оролдож үздэг их идэвхтэй хүүхэд байсан. Дунд ангидаа Дарханд байхдаа нэг дор 3 өөр хэлний дамжаанд явж өглөө гэрээсээ гараад аав ээжтэйгээ зэрэгцээд орой ирдэг байсан ( гэхдээ одоо 3 хэлээ бүгдийг нь мартсан л даа ). Ахлах ангидаа Улаанбаатарт ирээд 12-р ангид сурдаг бүтэн жил англи хэлний дамжаанд сурч өвөл ч хамаагүй podcast сонсоод дамжааруугаа алхдагсан. Энэ бүхний ачаар Хятадруу явж сурахад ч сурсан хэл маань тус болсон юм. Хятадад очоод бүүр англи хэлний багш хүртэл хийгээд авсан гээч. Тэгэхээр хүн хичээвэл бас бүтэхгүй зүйл гэж байхгүй байгааз. Би мэргэжлээ сонгохдоо Тээврийн салбарт хүч үзнэ гэж бодоогүй ч миний өдөр болгон боддог байсан зүйл бол оффист ажилдаг, шинэ хүмүүстэй уулзаж, уулзалт хийж буй хүн бүрийнхээ туршлагийг сонсож өдөр бүр зогсолтгүй суралцдаг хүн болно гэж боддог байсан.

бүхий л ойлголтыг надад хэлж, зааж өгсөн ментор Мягмарсүрэн ахдаа болон Жагварал захирал, Байгалмаа захирал 3 даа баярлалаа. Одоо энэхүү байгууллагад ажиллаад 2 сар шахуу хугацаа өнгөрч байна. 10 гаруй жил Тээврийн салбарт ажилласан хүн надад одоо ч мэдэхгүй зүйлүүд өдөр бүр гарч ирдэг, мэдэхгүй байх нь асуудал биш гэж зоригжуулж хэлж билээ. Энэхүү ажилд орсон анхны сэтгэгдлээ хуваалцаач? Энэ их өвчин дэгдсэний дөнгөж дараахан 2 сард Монголд ирээд, уйгагүй гэхчин дипломын ажилаа хийсэн. Тэр хоорондоо компаниудруу CV –гээ явуулж, хэд хэдэн газар очиж ярилцлаганд орсон бөгөөд тэр дундаас хамгийн орохыг хүсэж байсан, миний сонирхлыг бүрэн татсан газар бол Ландбридж ХХК байсан юм. Дөнгөж орж ирэхэд хүмүүсийн хоорондоо харьцаж буй байдал, халуун дулаан уур амьсгал, хүн бүрийн инээмсэглэх төрх гээд л цаанаа л ая тухыг, ажлын эрч хүчийг мэдрүүлсэн газар байв. 3-р курсдээ Логистик-н талаар суурь хичээл үзэж байсан ч дөнгөж орж ирээд би энэ хүмүүсийн юу ярьж байгааг эхний хэдэн хоног юу ч ойлгоогүй өнгөрөөсөн юм. Энэхүү байгууллагад ороод шантрах үе гарч байсан уу? Анх орж ирэхэд дөнгөж орж ирсэн хүмүүс ихэнх нь шантраад буцдаг гэсэн үгээр намайг угтсан ч, хүн бүрийн мэдлэг чадвар намайг би хичээгээд сурах ёстойн байна гэсэн хүсэл эрмэлзлэлийг төрүүлсэн юм. Бүгд л дор хаяж 2 өөр орны хэлээр ярьдаг, мэдлэг чадвар өндөртэй залуучуудын дунд ороод энэ хүмүүс шиг л болох хэрэгтэй гэсэн хүсэл эрмэлзэлтэй болчихсон байсан. Хоорондоо ярьж буй зүйлийг нь ойлгох гэж хичээсэн ч ойлгоход хэцүү санагдаж байсан үе байгаа. Анх юу ярих, хийхээ мэдэхгүй сууж байхад нааш ир гээд хажуудаа суулгаж байгаад Тээврийн талаар

Цаашдаа юу хийж бүтээе гэж бодож байна? Тээврийн салбарт орсон маань өөрийнхөө сонирхдог багахан ч гэсэн зүйлийг олж авсан гэж бодож байгаа. Цаашдаа үүгээрээ мэргэших бодолтой байгаа тийм болохоор байгууллага, хамт олондоо сайн албан хүчин болж боловсорч өөрийн хувь нэмрээ оруулахаас гадна, тээврийн салбарт үргэлж тэргүүлэгчдийн нэг нь байлгах их ажилд хувь нэмрээ оруулна гэдэгтээ итгэлтэй байна. Энэхүү богино хугацаанд ч зүйлийг ментороосоо болон хамт олноосоо сурсан бөгөөд цаашдаа ч илүү их зүйлийг энэ мундаг хамт олноосоо болон байгууллагаасаа сурна гэдэгтээ итгэл дүүрэн байна. Энэ дашрамд аав ээж дүүдээ болон намайг үргэлж дэмжиж тусалдаг хүмүүсдээ хандаад та бүхэнд үргэлж талархаж явдаг шүү гэж хэлмээр байна.

СУРГАЛТ ЧИГЛҮҮЛЭХ СУРГАЛТ

Чиглүүлэх сургалтыг ажилтныг ажлын байранд томилсноос хойш 1 сарын дотор хүний тооноос хамааран зохион байгуулна.Чиглүүлэх сургалтын агуулгад байгууллагын эрхэм зорилго, зорилт, дотоод журам, ёс зүйн асуудлууд, хэлтсүүдийн товч танилцуулга, ашиглах программ, албан харилцааны анхан шатны ойлголт багтана.

МЭРГЭЖЛИЙН СУРГАЛТ

Мэргэжлийн сургалтад ажилтнуудыг мэргэшүүлэх, мэргэжлийн мэдлэг, ур чадварыг хөгжүүлэхэд чиглэсэн сургалтууд, мөн байгууллагын хүний нөөцийн бодлогод нийцсэн, сургалтын хэрэгцээ шаардлагаар тодорхойлогдсон төлөвлөгөөт болон төлөвлөгөөт бус сургалтууд хамаарах ба зайлшгүй шаардлагаар ажлын цагаар явуулах тохиолдолд ажилласан цагт тооцогдоно.

ЕРӨНХИЙ УР ЧАДВАРЫН СУРГАЛТ

Ажилтнуудын мэргэжлийн ур чадварыг дэмжих, бусад ур чадварыг албан тушаалд нь тохируулан жигд хөгжүүлэх, карьер төлөвлөлттэй уялдуулах зорилгоор ерөнхий ур чадварын сургалтыг төлөвлөсний дагуу зохион байгуулж ажлын шаардлага, сургалтын хэрэгцээгээр тодорхойлогдсон ажилтнуудыг хамруулах эсвэл бие дааж суралцах боломжийг олгох ба сургалтыг ажлын бус цагаар зохион байгуулдаг

НИЙТИЙГ ХАМАРСАН СУРГАЛТ

Байгууллагын соёлыг болон бүтээмжийг дээшлүүлэхтэй холбоотой ажилтнуудын мэдвэл зохих бүтээмж, чанар, ХАБЭА, эрүүл мэндийн сургалтууд хамаарна. Энэ нь бүх ажилтнуудад зориулсан танхимын болон танхимын бус сургалт байна

ОНЛАЙН СУРГАЛТ

Шинэ ажилтныг чиглүүлэх болон мэргэжлийн сургалтуудыг ажилтнууд маань хэдийд ч хаанаас ч үзэх боломжийг бүрдүүлэн онлайнаар хийгддэг сургалт бөгөөд талбайн ажилтнуудынхаа цаг завыг хэмнэх үүднээс оффис дээр хийгддэг зарим сургалтуудаа бид Лайв-аар хүргэдэг.

АЖЛЫН БАЙРАН ДЭЭРХ СУРГАЛТ

Ажлынхаа гүнд орон ажиллах ажилтан, мэргэжилтэнг бэлдэх үүднээс бид аль ч хэлтэс нэгжид шинээр орсон ажилтнуудаа бүх хэлтэс нэгжүүд болон гааль, талбайн ажлын байран дээр дагалдуулан, танилцуулан ажлын байран дээрх сургалт зохион байгуулдаг. Энэ нь ажилтан бүр байгууллагын нийт ажлын процесс хэрхэн явагддагийг бодитоор мэдэх, байгууллагын соёлд хурдан дасан зохицох, богино хугацаанд ажлаа гартаа оруулахад дөхөм болдог.

ӨГЛӨӨНИЙ СУРГАЛТ

Залуучууддаа байнга хөгжих боломж олгох үүднээс тэдний сонирхсон сэдвээр, сонирхсон зочинг урин Өглөөний чөлөөт сургалтууд зохион байгуулдаг нь ажилтнуудын маань хамгийн дуртай сургалтуудын нэг юм.

ТЭТГЭМЖ ХӨНГӨЛӨЛТҮҮД

ЭРҮҮЛ МЭНДИЙН ҮЗЛЭГ

ЧИЙРЭГЖҮҮЛЭЛТИЙН ХӨТӨЛБӨР

ГЭР БҮЛ, ХУРИМЫН БЭЛЭГ

Жилд нэг удаа эмнэлгийн үзлэг, шинжилгээнд хамруулна

Чийрэгжүүлэх хөтөлбөр

5 хоногийн цалинтай чөлөө Хосоороо бал сарын аяллын эрх

ШИНЭ ХҮҮХДИЙН ТЭТГЭМЖ

Шинэ хүн мэндэх, 0-3 насны хүүхэд үрчлэхэд 300,000₮ + Аав нарт 5 хоногийн цалинтай чөлөө

ЭМЧИЛГЭЭНИЙ ТЭТГЭМЖ

3-аас дээш сарын хугацаагаар эмнэлэгь хэвтсэн бол 300,000₮

БУЯНЫ АЖЛЫН ТЭТГЭМЖ

3-5 хоногийн цалинтай чөлөө, Буяны ажлын зардалд хандив

ӨНДӨР НАСТНЫ ТЭТГЭМЖ

5 хүртэл жил ажилласан бол 1 сарын үндсэн цалинтай тэнцэх хэмжээний 6-10 жил 2 сар 11-с дээш бол 3 сар + Цагаан сарын гарын бэлэг

ОЮУТНЫ ТЭТГЭМЖ

ХИЧЭЭЛИЙН ХЭРЭГСЛИЙН ТЭТГЭМЖ

ХООЛ УНААНЫ ХӨНГӨЛӨЛТ

Сурлагын голч 3,2-оос дээш суралцсан оюутанд 1 сая төгрөг хүртэлх хөнгөлөлт 6 сарын 1-нд 0-16 насны хүүхдүүдэд гарын бэлэг 9 сарын 1-нд 1-18 насны хүүхдүүдэд хичээлийн хэрэгсэл авахад зориулсан хөнгөлөлт Хоол унааны хөнгөлөлт

ЭНЭ ЖИЛ БИД ЮУ ХИЙВ?

ХҮҮХДИЙН ШҮЛГИЙН ТЭМЦЭЭН

НИЙТЛЭЛИЙН УРАЛДААН

АЛТАН КОНТЕЙНЕРИЙН ЭЗЭН

КОВИД АРГА ХЭМЖЭЭ

ИХ ЦЭВЭРЛЭГЭЭ

ЧӨЛӨӨТ ЦАГААРАА НЭГДДЭГ

ХУРИМУУД

ТӨРСӨН ӨДРҮҮД

ДАДЛАГЫН ОЮУТАН

ГҮЙЛТИЙН ЧЕЛЛЕНЖ

1. АРИУТГАЛ, ХАЛДВАРГҮЙЖҮҮЛЭЛТИЙН ТАЛААР:

КОВИД-19 ЦАР ТАХЛЫН ҮЕД

БИДНИЙ ХЭРЭГЖҮҮЛСЭН АРГА ХЭМЖЭЭ

1. Оффист болон талбайн өрөөнүүдэд Улаанбаатар ариутгал ХХК-иар ариутгал, халдваргүйжүүлэлтийг тогтмол хийлгэж байна.

• Төв оффисыг Батпалас ХХК-ийн зүгээс 14 хоногт 1 удаа түрээслэгч байгууллагуудад үнэ төлбөргүй хийж байгаа ба цаашид 7 хоног бүрийн Мягмар болон Пүрэв гаригуудад тогтмол хийхээр болсон.

• АбТЕМАнгийн өрөөг АБТЕМАнгиас 10 хоногт 1 удаа ариутгал хийж байгаа болно.

• Монгол трансын өрөөг сард 1 удаа Монгол трансаас ариутгал хийж байгаа ба манай компани 5 сараас эхлэн Улаанбаатар ариутгал ХХК-иар 14 хоногт 1 удаа хийлгэж байгаа болно.

• Нисэхийн өрөөг 7 хоногт 1 удаа Нисэхээс ариутгал хийж байгаа ба манай давтамж нь цөөн байгаа тул манай компани 6 сараас эхлэн 7 хоногт 1 удаа хийлгэхээр болсон.

• Техник импортын өрөөнүүдэд 14 хоногт 1 удаа ариутгал хийлгэж байна.

2. Оффисыг хлормин, жевалины уусмалтай усаар өдөр бүр цэвэрлэгээг тогтмол хийлгэж байна.

3. Талбай, Замын-Үүд, Алтанбулагт байрлах ажилтнуудыг цэвэрлэгээ, ариутгалын материалаар хангасан.

4. Талбай болон оффисын тодорхой цэгүүдэд гар ариутгагчийг байрлуулсан.

2. ХАМГААЛАХ ХЭРЭГСЛИЙН ТАЛААР:

- Талбай, оффис, орон нутгийн ажилтнуудад өдөр бүр 2 ширхэг маскыг олгож байна.

- Гаалийн зуучлалын болон гаалийн бүртгэгдсэн мэргэжилтэн, пүүлэгч нарыг нэг удаагийн резинен бээлийгээр өдөр бүр хангаж байна.

- Оффисын болон талбай, орон нутгийн ажилтнуудыг гар ариутгагч санитолоор хангасан. /2,3 сард/

- Ачаа олголттой холбоотой ажиллаж байгаа ажилтнуудыг халдвар хамгааллын комбинзон, нүдний шил, нүүрний хаалтаар ханган ажиллаж байна.

3. ДАРХЛААГ ДЭМЖИХ ЧИГЛЭЛЭЭР:

- Оффисын болон талбайн ажилтнуудад өглөө бүр халуун аарц өгч байна.

- Ажилтнуудын зайнаас ажиллах үеийн цалингийн зөрүүнээс үүссэн эх үүсвэрээр ажилтнуудад өдрийн 2 хоол өгч байгаад оффисоос бүгд хэвийн цагийн хуваариар ажиллаж эхэлсэн буюу 04 сарын 01-ний өдрөөс эхлэн өдрийн 1 сэт хоол гарч байна.

- Талбайн ажилтнуудын хоолны мөнгийг мөн хугацаанд 1500 төгрөгөөр нэмэгдүүлэн олгосон.

- Компанийн ажилтнуудын гэр бүлд нь “Амин дэмийн багц”-ыг хүргүүлэн ажилласан./2 сард/ 4. УРЬДЧИЛАН СЭРГИЙЛЭХ МЭДЭЭЛЛЭЭР ХАНГАХ ТАЛААР:

- Оффис болон талбайнуудад тус ханиаднаас урьдчилан сэргийлэх зурагт хуудаснуудыг байршуулсан.

- Хамтран ажилладаг гаалийн байцаагч нарт “Халдваргүйжүүлэлтийн багц”-ыг бэлэглэсэн.

5. БУСАД

- Траффик, тарифын мэргэжилтнүүд болон бусад хэлтсүүдийн ажилтнуудыг зайнаас ажиллуулан, ээлжийн амралтыг тодорхой хүмүүст олгон ажиллаж байна.

хүлээлгэн өгч, нийтийн үйлчилгээнд нэвтэрсэн байгаа нь онцгой нөхцөл байдалд ч мэргэжлийн үйл ажиллагааг явуулж, чанартай үйлчилгээ үзүүлдэгийн баталгаа болж байгаа юм.

Ландбридж – Бидний бахархал 1. Ачаа бүхэн зорилго тээдэг. Тээвэр зуучлалын байгууллага Монгол улсад 1991 онд бүртгэгдэн үйл ажиллагаагаа явуулж эхэлсэн боловч өдийг хүртэл нийт хүн ам тээвэр зуучийн үйл ажиллагааны талаар ойлголт дутмаг, мэдээлэл багатай байдгаас үйлчилгээ авч байгаа харилцагчид ачааг илгээгч талд тушаасан мөнгө, бичиг баримтын буруу, дутуу бүрдэлт, тээвэрлэлтийн явцын гэнэтийн осол, түр зуурын саатал, тээврийн хэрэгсэлээс шалтгаалсан хугацаа хойшлолт, мэргэжлийн хяналт, гаалийн бичиг баримт зэргийн асуудлуудыг тээвэр зуучийн буруутай үйлдэл гэж авч үздэг. Эдгээр нь харилцагчдын мэдээлэл дутмагийн улмаас гардаг асуудал, бэрхшээлүүд юм. Ландбридж компани улс хоорондын тээвэр зуучлал болон тээвэр логистикийн үйл ажиллагаандаа “Чанарын удирдлагын тогтолцоошаардлага /ISO 9001:2015/ стандартыг нэвтрүүлж, олон улсын аудитын /”IRClass systems and solutions private limited”/ байгууллагаар баталгаажуулж тээвэрлэлтийг найдвартай болгон, харилцагчдын ачааг даатгалтай, зохион байгуулалттай, ачааны талаарх тодорхой мэдээлэлтэйгээр, өрсөлдөхүйц үнээр тээвэрлэхээс гадна “Харилцагчийн үйлчилгээний стандарт”-ыг баримтлан харилцагчидтай холбоотой асуудалд туслах, дэмжлэг үзүүлэх, найрсаг байх, санал гомдолыг сонсон барагдуулах зэргээр харилцагчдын сэтгэл ханамжыг өндөр байлгах тал дээр анхаарч ажиллан уг асуудлыг бүрэн шийдвэрлэсэн.

2. Мэргэжлийн түвшний тээвэрлэлт. Хэцүү ачаа гэж үгүй харин тусгай нөхцөл шаардагддаг ачаа гэж бий. Хүний хэрэгцээг даган өдөр тутам шинэчлэгдэн өөрчлөгдөж буй техник технологийн эрин зууны энэ үед тээвэрлэх ачаа ч түүнийгээ даган шинэчлэгдэж байна. Тээвэрлэгдэж буй ачаа бүрт тусгай нөхцөл, хяналт тавьж харилцагчдад сэтгэл ханамжийн өндөр баталгаатай үйлчилгээ үзүүлэхийн тулд мэргэжлийн үйлчилгээ үзүүлж ажилладаг. 70 гаруй хувь нь тээврийн зуучлал, логистикийн мэргэжлийн ажилчид дижитал эрин зуунд хөл нийлүүлэн алхаж, нийтийн хэрэгцээ шаардлагаа хангахын тулд Монгол улсын тээвэрлэж болох ачааны өндрийн дээд хэмжээнээс давсан өндөртэй 2 давхар нийтийн тээврийн автобусыг амжилттай тээвэрлэн харилцагчид

3. Ландбридж бол тасралтгүй эргэх хөдөлгөөн. Зохион байгуулсан тээвэр бүрийнхээ цаана харилцагчийнхаа амжилтыг бүтээлцэж байдаг учраас тээврийн үйл ажиллагааг дэмжин ажиллаж, зохион байгуулж, гардан гүйцэтгэдэг бүх ажилчид тээвэр логистикийн мэргэжлийн шийдлийг санал болгон гаалийн зуучлал, талбайн үйлчилгээ, тээвэр хосолсон цогц үйлчилгээг нэвтрүүлэн ажилладаг. Хүн ямар оргилыг харна түүндээ л хүрдэг. Үр дүн, ур чадварын төлөө тэмүүлж хүрэх оргилоо өөрөө сонгон, хүртэх өгөөжөө өөрөө бүтээдэг.

4. Бизнесийн алтан тойрог буюу байгууллагын алтан буйр. Хуулийн дагуу, ямар аргаар ажилтнууддаа очих өгөөжийг нэмэгдүүлэх вэ гэж толгой гашилган ярьж явах эзний үгийг хэд хэдэн удаа сонссон. Аливаа бизнесийн үндсэн зорилго нь ашигтай ажиллах. Харин бялуугаа хэрхэн хүртээмжтэй хуваах тухай боддог хэдэн удирдагч байдаг бол. . . Байгууллагын үнэт зүйл, хүртэх өгөөж дундын байх тусмаа эзний сэтгэлээр хандах ажилтан, ажилтны амьдралд санаа тавих удирдлага бий болж, байгууллагын оршин тогтнол үргэлжлэх юм.

5. 7 ширхэг ширээнээс 1000м2 хүртэл.

2008 онд үйл ажиллагаагаа эхлүүлж байсан компани одоогийн байдлаар дэлхийн 90 гаруй орны 2000 гаруй агентийн сүлжээгээ ашиглан энгийн, аюултай, төслийн, агаарын, түүвэр ачаа, тээврийн хэрэгслийн, экспорт, дамжин өнгөрөх болон дотоодын ачаа тээврийн үйлчилгээ мөн гаалийн зуучлал, тээврийн зөвлөгөө, замын мэдээ, терминал, хадгалалт, хүргэлт, даатгал, баглаа боодол, бэхэлгээний үйлчилгээнүүдийг давхар үзүүлж байна. Үйл ажиллагаагаа явуулсан 12 жилийн хугацаандаа экспорт, импорт болон дотоод тээврийн чиглэлээр, агаараар, далайгаар, төмөр замаар, авто замаар гэсэн холимог тээврийн төрлөөр нийт 700,000 орчим тн ачаа тээвэрлэсэн бөгөөд үүнээс дийлэнх нь буюу 83%ийг төмөр замаар, 90%-ийн импортын ачааг тээвэрлэсэн байдаг юм. Мөн уг хугацаанд олон зүйлийн анхдагч болсон бөгөөд тэдгээр нь дижитал шилжилтийг Монголдоо хамгийн түрүүнд хийсэн, гар утсаараа, интернетээр хаанаас ч захиалга өгөх, хянах боломжтой болгосон, хүний туслалцаагүйгээр гар утасны аппликэйшнаар тээврийн захиалгаа өгөх бололцоог анх удаа нэвтрүүлсэн, өөрсдийнхөө зуучлан тээвэрлэж байгаа ачааг бүхэлд нь үнэлээд тээврийн даатгалыг нь үйлчлүүлэгч нарынхаа өмнөөс хийгээд, эрсдэлийг нь үүрдэг, өөрсдийн зуучилж байгаа ачааны гаалийн бүрдүүлэлтийг

үнэгүй хийж өгдөг, 100 хүртэл нэр төрлийн ачааны гаалийн мэдүүлгийг үнэгүй шивж өгдөг, өөрийн зуучилж тээвэрлэсэн түүвэр ачааны хот доторх хүргэлтийг мөн л үнэгүй хүргэж өгдөг үйчилгээний анхдагч нь Ландбридж байлаа.

6. Харилцагчийн сэтгэл ханамж, бидний сэтгэл ханамж. Тээвэр зуучлалын үйлчилгээ авах, ачааг тээвэрлүүлэхэд шаардагдах бичиг баримт, мэдээлэл, гэрээ хэлэлцээр гэх мэтийн олон асуудал тулгардаг. Анх удаа тээвэр зуучлалын үйлчилгээ авч байгаа, өмнө нь өөр тээвэр зуучлалын компаниас үйлчилгээ авч байсан ч тээвэрлэлтэнд асуудал үүссэн, сэтгэлд хүрээгүй зэрэг шалтгаантай хэрэглэгчидэд ачааг тээвэрлүүлэх нөхцөл,захиалга өгөх, тээвэрлэгдэх хугацаа, тээвэрлэлтийн үйл явцын талаар, тээвэрлэгдэж ирсний дараагаар төлөгдөх татвар, ачааг авахад шаардагдах бичиг баримт, замд яваа ачааг хэрхэн гар утсаараа дамжуулан харах зэргийн мэдээллийг дэлгэрэнгүйгээр өгөн, тулгарсан асуудлыг түргэн хугацаанд шийдвэрлэх гарцыг олох, харилцагчийн сэтгэл ханамж өндөр байлгах тал дээр төвлөрөн ажилладаг. Хэзээ ч аль ч түвшний ажилтанд өөрт тулгарч буй асуудлыг учирлахад шийдвэрлэх арга замыг хайн, туслалцаа үзүүлж чадах хамт олон.

7. 3 литрийн битоноор ус гуйхад 300 литрийн пошикоор мэдлэгийг асгадаг газар. Жижиг байгууллагыг дарга нь, дунд байгууллагыг удирдлагын баг нь, том байгууллагыг байгууллагын соёл нь авч явдаг гэж практикаар нотлогдсон үг байдаг. Ардын аман зохиол шиг буцах хаяггүй ч оршин тогтнох хугацаанд нь аажмаар бүрэлдсээр, байгууллагыг тодорхойлогч хүчин зүйл, нэрийн хуудас болсон, байгууллагад уусан нэгдэж, үйл ажиллагааны ерөнхий чиг үүргийг ойлгосон ажилчдын хандлага, хамт олны уур амьсгалаар тодорхойлогдож байдаг зүйл нь байгууллагын соёл. Ландбридж гэх хаягт харъяалагдаж, нэгэн дээвэр дор хөдөлмөрлөж буй ажилтан бүрийн мэддэг нэрийн хуудас бол мэдлэг, найрсаг байдал. Хором тутам шинэ асуудал, шинэ дэвшил, шинэ шийдэл гаргахыг шаардаж байдаг тээврийн салбарт ажиллаж буй боловсон хүчин цаг үетэйгээ нийцүүлэн ажиллаж, харилцагч түншүүддээ сайн чанарын үйлчилгээ үзүүлэн, хамтран ажиллаж чадварлаг гүүр болохын тулд хуримтлуулсан мэдлэг, боловсрол, туршлагадаа суурилан өнөөдрөөс илүү маргаашийн Би-г бүрдүүлэн мөч тутам өөрийгөө сайжруулж, жижиг зүйлээс ч мэдлэгийг олж авдаг, туршлага хуримтлуулдаг байх нь нэн чухал юм. Би-г бүрдүүлэхийн хамтаар БИД зарчимыг баримтлан мэдлэг, хуримтлуулсан туршлагаасаа бусадтайгаа хуваалцан бусдын дөлд гэрэл нэмж, мэдлэг санааг нь

хайрцаглахгүйгээр мэдээлэл олгож түүнийгээ мэдлэг болгох аргыг хуваалцан чадваржихад туслалцаа үзүүлэх нь байгууллагын соёлыг өөрөөрөө зогсоолгүй, алгуураар дараагийн үедээ өвлүүлж байгаа чухал хэрэг юм. Өгөх нь авахаасаа илүү өлзийтэй зарчим хэрэгжиж явдаг Ландбридж компанид бусдын гэрлийг асааж, чиглүүлэх тусам өөрийн гэрэл тодорч байдаг. Ланд гэх айлд тээвэр логистикийн салбарын ирээдүйн түүчээ болох бүтээгдэхүүнүүдийг бэлдэж, Ландын хүмүүжилтэй залуусыг зах зээлд нүүр бардам бэлтгэн гаргаж байгаа юм.

8. Боломжгүйг боломж болгож хардаг. БИД-ийн хүчээр боломжгүйг боломж болгож хардаг хамт олон. Амьдралынхаа 10 жилийг өнгөрүүлдэг ажлын газраа эерэг уур амьсгалтай хамт олонтой, эрсдэлгүй найдвартай, тав тухтай орчинтой, үнэ цэнэтэй бизнесээ итгэж хариуцуулдаг түншлэгчидтэй, бүтээлч чанарыг урамшуулж чаддаг бизнесийн манлайлалтай, урагшлуулж дэвшүүлдэг удирдлагатай газрыг эндээс олж харсан. Аливаа ажлын ард би биш бид хичээдэг. 80 хувийн ажлыг хамтдаа 20 хувийн олгогдсон цаг хугацаанд хийх үү, 20 хувийн ажлыг 80 хувийн олгогдсон цаг хугацаанд хийж гүйцэтгэх үү гэдэг нь би-гийн шийдэл үү, бид-ийн шийдэл үү гэдгээс бүрэн хамаарна. Мэргэжил өөрийг тань бүрэн илэрхийлэхгүй харин таны нэг хэсэг. Бүтээлч сэтгэлгээ, хамтран ажиллах чадвар, нөхцөл байдал, өөрчлөлтөнд дасан зохицох чадвар, ижил олгогдсон цаг хугацааг хэрхэн үр ашигтай хуваарилан зарцуулах, өндөр бүтээмж зэргийг хэсэг бүрээр нь нэг нэгээр нь цуглуулан өөрийгөө бүрэн болгон ур чадвараар чимсэн мэргэжилтэн болохын төлөө хөдөлмөрлөж хамтын хүчээр урагшилдаг байгууллага. Дурладаг зүйлээ хий үгүй бол хийж байгаа зүйлдээ дурла.

9. Тогтвортой ажлын байр. 2019 оны 12 сарын байдлаар гэрчилгээтэй үйл ажиллагаагаа явуулж байгаа 71951 ХХК байгаа бөгөөд тэдгээрийн 76% нь 1-9, 4.1% нь 10-19, 2.82% нь 20-49, 1.4% нь 50 болон түүнээс дээш ажилтантай байгаа юм. Ландбридж ХХК нь 120 гаруй ажилтантай үйл ажиллагаагаа явуулдаг ба нийт гэрчилгээтэй үйл ажиллагаагаа явуулж байгаа ХХК-ууд дунд ажилтны тоогоороо 1.4%-д багтан улсын төсөвт тодорхой хэмжээний татварын орлогыг бүрдүүлж байна. 2020 он гарснаас хойш дэлхий дахинд онцгой нөхцөл байдал үүсэж аюулт цар тахал өвчин дэгдсэнтэй холбоотойгоор бөмбөрцөгийн улсууд хөл хорио тогтоон, олон нийтийн үйл ажиллагааг хязгаарласантай холбоотойгоор олон аж ахуй нэгж байгууллага, компаниудын үйл ажиллагаа тасалдан зогсож, Монголд оны эхний 6 сарын байдлаар 10000 хүн ажилгүй болж, түүний ард 20000 хүүхдийн нийгмийн амьдралын

баталгаа алдагдаж, энэ тоо сар бүр 30 хувиар өсөх үзүүлэлттэй байгаа энэ үед нэг ч хүний цомхотгол хийгээгүй, нэг ч төгрөгийн цалин хасаагүй, цалингаа өгөх цагаасаа хоцроогоогүй ажилтнуудын болон нийгмийн өмнө хариуцлагатай хандаж, хүлээсэн үүргээ нэр төртэйгөөр биелүүлж байгаа компани.

10. Эцгийн хайраар тэтгэж, эхийн хайраар өсгөнө. Ландбридж нэр дор харъяалагдаж буй ажилтан бүр байгууллагын соёлыг өөртөө шингээн, өөрийн сэтгэл ханамж, харилцаа хандлагаар дамжуулан ар гэрийн 3 хүнд шууд бусаар нөлөөлж нийгэмд зөв хандлагатай хүмүүсийг бэлтгэж, Ланд соёлтой хүмүүсийг бий болгож буй нь зах зээлд өрсөлдөгчидөөсөө ялгарах нэг онцлог болж буй юм. Мөн ажилчидын ажиллах нөхцөлийг сайжруулсан албан тасалгаа, амралтын цагаар хөгжилдөх ширээний хөлбөмбөг, төгөлдөр хуур, ширээний теннис, цайны цагаар халуун хоолны үнэр цоргисон гал тогоо, тухтай амрах амралтын хэсэг,номын сан бүхий орчинтой ажлын байр бүрдүүлсэн давуу талтай. Энэ нь Unread сайтаас гаргасан Улаанбаатар хотын хамгийн тухтай, таатай оффис жагсаалтанд багтсанаас, ажилтнуудын инээмсэглэн мэндчилэхээс, хоорондын харилцаанаас тодхон харагдана. Цалин урамшууллыг цаг тухай бүрт нь олгодог, тогтсон өдрөөс нэг ч өдрөөр хоцроож байгаагүй, ажлын гүйцэтгэлийн хувиас шалтгаалан олгодог урамшуулал, өдрийн хоол унааны мөнгө, улирал тутмын аялал зугаалга, байгууллага болон салбар доторх тэмцээн уралдаан, гэр бүлийн өдөрлөг, цаг тухай бүрийн чадваржуулах сургалт зэргийг зохион байгуулж идэвхижүүлэлтийг тогтмол хийж чаддаг байгууллага. Ажилчдын эрүүл мэндийг давхар бодолцон жил тутам эрүүл мэндийн үзлэгт хамрагдуулж, фитнесс зэрэг спортын төрлөөр хичээллэх бололцоог нь хангаж өгөхийн зэрэгцээ шинээр гэр бүл болж буй залуу хосуудад гэр бүлээрээ гадаадад бал сарын амралтаа тэмдэглэх бололцоог бүрдүүлж өгдөг онцлогтой. Байгууллагыг зөвхөн ажлын байр гэдгээр биш гэр бүл гэдгээр хардаг, гэр бүлийн эрүүл мэнд, аз жаргал, тав тухтай байдлыг ханган өсөх бололцоог тэргүүнд тавьдаг дотоод гоо үзэсгэлэнгээрээ гэрэлтэж байдаг байгууллага Ландбридж.

11. Нүүр бардам амжилт. Тээвэр зуучлалын, логистикийн салбар Монголд харьцангуй хожуу нэвтэрсэн ч хурдацтай хөгжиж буй. 12 жилийн хугацаанд алдаа дутагдал, ололт амжилт бүхэнтэй тулгарч,даван туулсаар өдийг хүрч зах зээлд өөрийн гэсэн байр сууриа олсоны илрэл нь салбарт эзэлж буй хувь, үзүүлэлтүүд юм. Тэдгээр үр дүн нь: - Монголдоо чингэлэг тээвэр болон гаалийн мэдүүлэг шивэлтээр тэргүүлэгчийн байршилд очсон

- Монголдоо анхдагч буюу цор ганц цогц тээвэр, логистикийн системийг хөгжүүлсэн - Дижитал шилжилтийг хийснээр гүйцэтгэлд тулгуурласан цалин үнэлгээний системтэй, шийдвэр гаргалтуудыг мэдээлэл, судалгаан дээр үндэслэн гаргах менежментийн бүтэцтэй болсон - Цогц тээвэр буюу гаалийн үйлчилгээ, дотоод хүргэлтийн үйлчилгээ, цахим үйлчилгээ, төлбөр төлөлтөд суурилсан санхүүгийн үйлчилгээ, хариуцлагын болон ачаа тээврийн даатгалын үйлчилгээг цогцоор нь анхлан зах зээлд нэвтрүүлж, нэмэлт зардалгүйгээр авах боломжийг харилцагч, үйлчлүүлэгчиддээ олгосон - Төгс өрсөлдөөнт зах зээлийн шаардлагаар ялгарал үүсгэх сорилт тулгардаг ба үүний хүрээнд Чанарын удирдлагын стандарт, ХАБЭА-н стандарт, Харилцагчийн үйлчилгээний стандартуудыг нэвтрүүлсэн - Найдвартай агентийн сүлжээг бүрдүүлж, дэлхийн ТОП 10-т багтах тээвэр, логистикийн 2 том компани болох Ceva, DSV-ийн Монгол дахь түншээр ажиллаж байгаа нь бидэнд эдгээр компаниудын дэлхий даяар өргөн тархсан найдвартай сүлжээг ашиглах давуу талыг өгч байгаа юм.