სტუდენტური ჟურნალი, სეუ, მესამე თაობა

მესამე თაობა სეუს სტუდენტური ჟურნალი

დიდება უკრაინას!

2022 წელი

მესამე თაობა როგორ აშუქებს აქციაპერფორმანსებს ქართული მედია 21-ე საუკუნეში თანამედროვე ტექნოლოგიების განვითარებამ მსოფლიოში მიმდინარე მოვლენების პარალელურად ცხადყო, რომ პროტესტის გამოხატვის უკიდურესი ფორმა ბევრად უფრო პოპულარულია, ვიდრე პერფორმანსების როლი. დღეს მედიასა და საზოგადოებაში საკუთარი პროტესტის ახალი ფორმა - „აქცია-პერფორმანსი“ დამკვიდრდა პერფორმანსების დამკვიდრებაში დიდი წვლილი სოციალურ აქტივისტებსა და არტისტებს მიუძღვით, რომლემბმაც ერთი შეხედვით რადიკალური და უკიდურესი საპროტესტო აქციები, მშვიდ, უწყინარ და სანახაობრივ ფორმად აქციეს. როგორც ნებისმიერი სოციალურკულტურული აქტივობა, პერფორმანსების დადგმაც კრეატიულ აზროვნებასა და შემოქმედებითობას მოითხოვს. სწორედ, ეს აღმოჩნდა სოციალური აქტივისტებისა და არტისტებისთვის ტრამპლინი შეექმნათ რაღაც ახალი და განსხვავებული, რათა მიმდინარე მოვლენების მანკიერებების გამოსახატად საკუთარი პოზიცია დაეფიქსირებინათ. ჩვენს საზოგადოებაში აქცია-პერფორმანსების როლი და გავლენა ნაკლებად ცნობილია, მიუხედავად იმისა, რომ მედია მსგავს ფორმებს აქტიურად აშუქებს. იმისათვის, რომ უკეთ გაგვეგო რა საფეხურზეა პროტესტის კულტურა ჩვენს ქვეყანაში და არის თუ არა საერთოდ განვითარებული ეს ფორმა, ასევე, როგორია საზოგადოების და ხელისფულების დამოკიდებულება შემოქმედებითი პროტესტის მიმართ, ამ თემაზე მეტი დეტალის გასაგებად არტისტს და მწერალს მარიამ ნატროშვილს გავესაუბრე: _როგორია საქართველოში პროტესტ-

2022 წელი ის კულტურა? _ზოგადად, ჩვენს ქვეყანაში წინააღმდეგობის დაფიქსირება საკმაოდ ახალგაზრდაა, რადგან ჩვენი ისტორია საბჭოთა ტყვეობის 70 წლიან პერიოდს მოიცავს, როდესაც ყველანაირი პროტესტის ფორმა ძალადობრივი მეთოდებით იხშობოდა. თუმცა საბჭოთა კავშირშიც კი პროტესტის განსხვავებული ფორმები არსებობდა საქართველოს სახელოვნებო წრეებში. ძირითადად ყურადღება უნდა გავამახვილოთ სამოქალაქო-საზოგადოებრივ მოძრაობებზე პარლამენტის წინ, რომელიც თანამედროვე რეალობაშიც აქტუალურია. ბოლო 10 წლის განმავლობაში გაჩნდა უკვე არა პარტიული საპროტესტო აქციები, არამედ უკვე ამან პოლიტიკური ფორმა მიიღო, რასაც ვეძახით სამოქალაქო პროტესტს.

_რა არის აქტივიზმსა და ხელოვნებშორის პრინციპული სხვაობა? _ხელოვნება თავის თავში მოიცავს პროტესტსა და წინააღმდეგობას. ჩვენს წარსულს, რომ დავუბრუნდეთ, თუ ხელოვნება მოგვითხრობს ბედნიერ მომავალსა ან აწმყოზე, ეს უფრო პროპაგანდის კატეგორიაში გადის. პროტესტის გამოხატვა შეიძლება საგამოფენო სივრცეებში და არა მაინც და მაინც ქუჩაში. რა თქმა უნდა, ნამუშევრები ვერ იმეტყველებენ პირდაპირი ლოზუნგების ენით, არამედ ეს იქნება სხვადასხვა სოციალური პრობლემატიკის ღია პროტესტის გამოხატულება. _თქვენი აზრით, პერფორმანსია მნიშვნელოვანი თუ თავად მისი შინაარსი? _ამის მოკლე განმარტება არსებობს: „პროტესტი ხელოვნებაში და ხელოვნება პროტესტში.“ თუმცა სხვადასხვა სამოქალაქო მოძრაობა თუ ორგანიზაცია იყენებს ხელოვნების ენას, ამას შეიძლება ჩვენ ვერ დავარქვათ ნამუშევრები, მაგრამ ეს არის შემოქმედებითი მიდგომა პროტესტის მიმართ. _საინტერესოა, რამდენად მოაქვს პროტესტის ამ ფორმას შედეგი? ას

2

_შედეგებზე ძალიან რთულია საუბარი, რადგან წინააღმდეგობა არ არის ერთჯერადი, ეს არის მუდმივი პროცესი. ადამიანების ჯგუფი ან სამოქალაქო მოძრაობა ჯაჭვური რეაქციის პრინციპით მოქმედებს, რომლის დროსაც სულ რაღაც ახალს მოითხოვენ. _რამდენად მისაღებია პროტესტის გამოხატვის დროს არტისტმა რადიკალურ ქმედებებს მიმართოს? _ეს თავად არტისტის გადასაწყვეტია მიმართავს თუ არა უკიდურეს ფორმებს, იმიტომ, რომ გამოხატვის თავისუფლება აქვს. თუმცა შესაძლებელია ბევრად უფრო შთამბეჭდავი იყოს მისი მარტოობა, ვიდრე 1000 კაციანი აქცია. საზოგადოების ტრანსფორმაციის ერთ-ერთი ყველაზე ძლიერი გზა არის პროტესტი და მისი კულტურა. ეს არის მოქმედება სასურველი ცვლილებებისთვის. ინდივიდუალური ცნობებიდან დაწყებული, მასობრივი დემონსტრაციებით დამთავრებული პროტესტის გამოხატვას უამრავი ფორმა გააჩნია. მათ შორის ერთერთი ყველაზე გავრცელებული პრაქტიკაა „აქცია-პერფორმანსი“, რომელიც საქართველოსა და მსოფლიოში ფეხს აქტიურად იკიდებს. თანამედროვე მსოფლიოში პროტესტის კულტურა ახალ საფეხურზე ავიდა და მასში განსაკუთრებული ფუნქცია კრეატივიზმს დაეკისრა. თუკი ათწლეულების წინ საპროტესტო აქციას ძირითადად სპონტანური ხასიათი გააჩნდა, წარმატების საზომად მისი ხალხმრავლობა ითვლებოდა, რითაც ძალადობრივი მეთოდებით ცდილობდა საზოგადოებისთვის სასურველი მესიჯის გაგზავნას, დროთა განმავლობაში პროტესტი სოციალური ბრძოლის ისეთ მეთოდად ჩამოყალიბდა, რომელიც ნაკლებ აგრესიას და მეტ შემოქმედებითობას ითვალისწინებს.

ავტორი: ნიკა ხოსიტაშვილი

2022 წელი

რუბრიკა პრობლემა

გენდერული თანასწორობა კერძო სექტორში 21-ე საუკუნე განვითარებისა და წინსვლის ხანაა, რომელიც ადამიანებს თავისუფლებას ანიჭებს. „სქესობრივი თანასწორობა ან სქესთა თანასწორობა, წარმოადგენს სქესის მიუხედავად რესურსებისა და შესაძლებლობების თანაბარ განაწილებას, მათ შორის ეკონომიკურ ჩართულობასა და გადაწყვეტილების მიღების პროცესში, განსხვავებული ქცევის, მისწრაფებების და საჭიროებების თანაბრად დაფასებას“. მიუხედავად ამ კანონისა, დღეს საქართველოში ეს დებულება სრულიად დარღვეულია, რაც იწვევს პრობლემებს. მდგრადი განვითარების დღის წესრიგში გენდერული თანასწორობა და ქალთა გაძლიერება, ერთ-ერთი მნიშვნელოვანი საკითხია. ერთი შე-ხედვით თითქოს პრიორიტეტულია, თუმცა თუ ჩავუღრმავდებით, დავინახავთ, რომ ამ მხრივ საქართველოში, ყველაფერი რიგზე არ არის. ბიზნესსექტორში გენდერულ ბალანსს დიდ ყურადღებას არავინ ანიჭებს, მათ შორის, არც ქალები. ამის მიზეზი ის არის, რომ ქვეყანაში არსებულ მდგომარეობასა და უსამართლობას შეგუებულნი არიან. ამასთან დაკავშირებით იურისტთა ასოციაციის ერთ-ერთ წარმომადგენელს, ქეთევან ჭულუხაძეს ვესაუბრე, რომელიც განმარტავს თუ რა სიტუაციაა დღეს საქართველოში ამ მიმართულებით: _რა მდგომარეობაა დღეს საქართველოში გენდერული თანასწორობის თვალსაზრისით? _ ბოლო 10 წლის განმავლობაში კანონმდებლობა უფრო გაუმჯობესდა, გატარდა ღონისძიებები, რომლებიც

გენდერული ბალანსის დაცვას ხელს უწყობს. ამაზე არასამთავრობო სექტორში აქტიურად მუშაობენ. ვფიქრობ, რომ მეტ-ნაკლებად დაცულია ეს დებულება, რადგან ადამიანებმა არ იციან საკუთარი უფლებების შესახებ. ვერ ვიტყვი, რომ კერძო სექტორში გენდერული თანასწორობა დაცულია. მაგალითად, ერთსა და იმავე პოზიციაზე გენდერული შეხედულებებიდან გამომდინარე, ქალსა და კაცს სხვადასხვა ანაზღაურება აქვს. ამის მიზეზი კი ის არის, რომ მამაკაცი დამსაქმებლისთვის დომინანტია. მარკეტინგულმა ქსელებმა ბოლო წლებში გენდერულ ბანლანსზე მუშაობა აქტიურად დაიწყეს. 4-5 წლის წინ ეს პრობლემა უფრო მწვავე იყო. მთელი ჩემი ცხოვრება, რაც თავი მახსოვს და ვმუშაობ, სულ ჩართული ვარ ამ საკითხში. ყოველი საფეხური მაგალითია იმისა, რომ გენდერულ თანასწორობას დიდ მნიშვნელობას

არ ანიჭებენ საქართველოში. კერძოდ, 2018 წელს ერთ-ერთ შეხვედრაზე ვიყავით, სადაც კერძო სექტორის რაობას განვიხილავდით. რატომღაც ყველა ბიზნესწარმომადგენელს მამაკაცის პოზიცია ერჩივნა ჩაეშვა სავაკანსიო სისტემაში, ვიდრე _ ქალბატონების. რამაც ჩემში დიდი უსამართლობის გრძნობა დაბადა. მე ეს შეხვედრაზეც აღვნიშნე, სადაც პასუხი ასეთი მივიღე: მამაკაცი მეტად ორიენტირებული და მიზანდასახულია კონკრეტულ საკითხებზეო. _რა არის საჭირო ამ პრობლემის აღმოსაფხვრელად? _ ევროპაში ეს საკითხი პრიორიტეტულია. დამსაქმებელი სქესს კი არ ანიჭებს უპირატესობას, არამედ იმას, ვინც დამსახურებულად გაართვა თავი დასახულ ამოცანას. ცნობიერების ასამაღლებელი შეხვედრები უნდა ჩატარდეს, სადაც ადამიანებს გააცნობენ საკუთარ უფლებებს. _ რას ურჩევთ ამ პრობლემის წინაშე მდგომ ადამიანებს? _ ხმამაღლა უნდა ვისაუბროთ და გავაპროტესტოთ. თუ ხმა არ მიაწვდინეს ქვეყანას და საზოგადოებას, ეს ისევ პრობლემად დარჩება. ადამიანმა უკან არ უნდა დაიხიოს და დაბრკოლებას არ შეუშინდეს, რადგან დღეს არავის ინდობენ და მხოლოდ საკუთარ თავებზე ფიქრობენ.

ავტორი: მარიამ ქორჩილავა

3

მესამე თაობა

2022 წელი

ქრონიკული დაღლილობა ქრონიკული დაღლილობის სინდრომი/ მიალგიური ენცეფალომიელიტი (CFS/ ME) განირჩევა სხვა ორგანული და ფსიქიატრიული მდგომარეო-ბებისგან შემდეგი თვისებებით: მძიმე, უნარშემზღუდველი დაღლილობა, რომელიც 6 თვეზე მეტხანს გრძელდება, კოგნიტური დისფუნქცია, მთელი სხეულის ტკივილი, როცა ზედაპირული ძილის კომბინაცია ხელს უშლის ორგანიზმის ნორმალურ ფუნქციონირებას, შეუძლოდ ყოფნა დაღლის შემდეგ. არ არსებობს ქრონიკული დაღლილობის სინდრომის/მიალგიური ენცეფალომიელიტის ობიექტური დიაგნოსტიკური ტესტები, დადასტურებული ბიომარკერები, სამკურნალო მედიკამენტები ან მკურნალობა. თერაპიის მიზანია სიმპტომების მართვა და ფუნქციური შესაძლებლობების გაუმჯობესება. თავდაპირველი მკურნალობა ინდივიდუალურია და ემყარება ყველაზე მძიმე ჩივილებს. ქრონიკული, თუმცა ცვალებადი შეზღუდვა საჭიროებს ცხოვრების სტილის ცვლილებას, რათა დაიგეგმოს დღის აქტივობები, დაიზოგოს ენერგიული რესურსები ყველაზე მნიშვნელოვანი ამოცანებისათვის, გაიწეროს დასვენების დრო, რათა პაციენტი არ გადაიღალოს და გაუმჯობესდეს ძილის ხარისხი. სტრესის მართვის და მენტალური ჯანმრთელობის ცენტრის დამფუძნებელი ფსიქიატრი გუგა სიხარულიძე: _ რას გულისხმობს დაღლილობის სინდრომი? _ ეს დაავადება არ არის. ჩემი სპე-

ციალობიდან გამომდინარე, როგორც ფსიქიატრი, შევეცდები ვისაუბრო ფსიქოლოგიურ გადაღლილობაზე და მისგან გამოწვეულ პრობლემებზე, რომელიც ალბათ ყველაზე ხშირია. პრობლემის 8090% მოდის ფსიქოლოგიური გადაღლისგან. ყოველდღიური პატარ-პატარა სტრესები ნელ-ნელა გროვდება ჩვენში და როდესაც წითელ ზღვარს აღწევს, ვეღარ ვუძღვებით და ვეღარ ვძლებთ. მოდის დეკომპენსაციის ფაზა. ამ დროს პირველი ნიშნები დაღლილობის შეგრძნებაა. _ რა სიმპტომები აქვს დაღლილობას? _ ენერგიის ნაკლებობა, ძილის ფუნქციის დარღვევა (ჩვენი ორგანიზმი გვთხოვს იმაზე მეტ ძილს, ვიდრე ჩვენ რეალურად გვჭირდება). ერთ-ერთი სიმპტომი საწყის სტადიაზე, შეიძლება დილის უხასიათობა იყოს, ვიდრე მკვეთრად ჩამოყალიბდება დე-

პრესიული სიმპტომატიკა: როგორიც არის უიმედობა, ძლიერი სევდა, წარსულის ნეგატიური შეგრძნებების გახსენება. _ როგორ ვებრძოლოთ ამ მდგომარეობას? _ ეს არის ჯანსაღი ცხოვრების წესი, ინტერესების მრავალფეროვნება. მაგალითად სპორტი და ნებისმიერი რამ, რაც ჩვენ გვაინტერესებს. თუნდაც მანქანით სეირნობა, წიგნების კითხვა, რაღაც ხელსაქმე. _ ვისთან უფრო ხშირად ვლინდება ქრონიკული დაღლილობის სინდრომი, ვინც გონებრივად მუშაობს თუ ვინც ფიზიკურად იტვირთება? _ ასე ვერ განვასხვავებთ, ემართებათ მათ, ვინც არის სტრესულ გარემოში. არის განსაკუთრებული პროფესიები, რომელიც მაღალი რისკის ჯგუფებს მიეკუთვნება: მაშველები, მეხანძრეები, მაღაროელები, სტომატოლოგები, (სუიციდის მხრივ სტომატოლოგობა ერთერთ ათეულში შედის). _ როგორ დავიცვათ თავი ქრონიკული დაღლილობისგან ? _ მთავარი არის ხარისხიანი ძილი, მრავალფეროვანი ცხოვრება, სადაც ჩვენ შეგვიძლია თვითრეალიზება მოვახდინოთ სახვადასხვა სფეროში, დავკავდეთ სასურველი საქმიანობით, გავატაროთ დრო მეგობრებთან ერთად, ვაკეთოთ ის საქმე, რაც გვაბედნიერებს.

ავტორი: ქრისტინე გაზდელიანი

4

2022 წელი

მესამე თაობა

ბავშვები ომში ომი სამყაროსთვის ერთ-ერთი ყველაზე საშინელი მოვლენაა, რომელიც ადამიანის ფსიქიკაზე უარყოფით გავლენას ახდენს. ბავშვები ამ ყველაფერს უფრო მძაფრად აღიქვამენ. მათზე ტრავმა ხანგრძლივად მოქმედებს. ომის დროს დიდი მნიშვნელობა აქვს, როგორ მოიქცევიან და აუხსნიან მოვლენებს მშობლები ან მათთან ახლოს მყოფი სხვა ადამიანები. არასრულწლოვნები განვითარების რთულ და ემოციურ ეტაპებს გადიან. ბავშვების ფსიქიკა ჯერ კიდევ ჩამოუყალიბებელია, ამიტომ ზიანის მიყენება და მათზე უარყოფითი ზეგავლენის მოხდენა ძალიან მარტივია.

2022 წლის 24 თებერვალს რუსეთმა გამოუცხადა უკრაინას ომი, რომელიც ახლაც გრძელდება. უკრაინის მოქალაქეების მიმართ წამებისა და ძალადობის ამსახველმა ფაქტებმა მთელი მსოფლიო შეძრა. დაზარალდნენ ბავშვები, ბევრი მათგანი ფსიქოლოგიური და ფიზიკური ძალადობის მსხვერპლი გახდა. ასეთ რთულ დროს მშობლებს ძალიან უჭირთ თავის ხელში აყვანა , ბავშვებზე ზრუნვა, მათი დამშვიდება და ყურადღების გადატანა. ფსიქოლოგიის დოქტორი ლია ქურხული გვიზიარებს რჩევებს, როგორ უნდა დაეხმარონ მშობლები ბავშვებს ომის დროს მღელვარების დაძლევაში

რჩევები: 1. მშობელი მაქსიმალურად უნდა ეცადოს, მოარიდოს ბავშვები ომის შესახებ მედიასაშუალებებით გავრცელებულ დამთრგუნველ ინფორმაციას.

2. მშობელს უნდა ახსოვდეს, რომ მისი ემოციური გამომეტყველება პირდაპირ აირეკლება თავისი შვილის ფსიქიკურ მდგომარეობაზე. თუ იგი სისტემატურად შფოთავს, ღელავს, ხშირად გამოხატავს

ნეგატიურ ემოციებს, ანალოგიური გუნება-განწყობილება ექმნება ბავშვსაც. მეცნიერების მიერ დადასტურებულია, რომ განსაკუთრებით ბავშვობის პერიოდში, თუ ადამიანმა შიში და სტრესი ერთხელ მაინც განიცადა და დროულად არ მოხდა მისი განეიტრალება, ის ინახება მის ქვეცნობიერში, რაც მომავალში შესაძლოა სხვადასხვა დაავადების მიზეზი გახდეს.

3. მშობელი უნდა ეცადოს, წაიკითხოს ბავშვის გრძნობები - მათთვის გასაგებ ენაზე ესაუბროს, შევიდეს დიალოგში, როგორც ტოლი-ტოლთან. აგრძნობინოს, რომ ძალიან კარგად ესმის მისი.

4. შესაძლოა, ბავშვი შეგეკითხოთ: რა ხდება სიკვდილის შემდეგ? მათთვის გასაგებ ენაზე უთხარით, რომ ადამიანები რომლებიც კვდებიან, ზეცაში იწყებენ ცხოვრებას და იქიდან გვეხმარებიან.

5. სტრესის ფონზე შესაძლებელია ბავშვმა შეწყვიტოს ჭამა, დაერღვეს ძილის რეჟიმი და ახასიათებდეს წამოხტომა ან ტირილით გაღვიძება. დაეწყოს შარდის შეუკავებლობა. ეცადეთ ერთსა და იმავე დროს დააძინოთ. თუ ძალიან უჭირს ჩაძინება, დაიწვინეთ თქვენს საწოლში და ჩაიხუტეთ. მოუყევით ან გაახსენეთ მათთვის საინტერესო, სახალისო ეპიზოდები. წაუკითხეთ ზღაპარი ან საბავშვო მოთხრობა, რომელშიც გადმოცემულია გაბედულობის, სხვების დახმარების, თანაგრძნობის მაგალითები.

6. ბავშვები საკუთარ ემოციებს თამაშით გამოხატავენ. შეუქმენით შესაბამისი გარემო-პირობები ამისთვის. თუ თქვენ გთხოვთ თამაშს , არ უთხრათ უარი - აუცილებლად ეთამაშეთ.

7. გარემოს გამოცვლა და თქვენთან ერთად სუფთა ჰაერზე სეირნობა მნიშვნელოვანია. ასევე თანატოლებთან ურთიერთობა, რადგან მათთვის ეს

5

თანდაყოლილი, შინაგანი მოთხოვნილებაა. ერთად გართობა და თამაში, ეს მათი განტვირთვის და დადებითი ემოციებით შევსების არაჩვეულებრივი პირობაა.

8. ხატვა ბავშვის მეტყველების ენაა. რასაც ის ვერ გადმოგვცემს ვერბალური ფორმით, ნახატების საშუალებით გვესაუბრება. შეუქმენით ამისათვის პირობები. ეცადეთ მასთან ერთად ამოიკითხოთ

ნახატები, რამდენადაა გამოხატული შფოთვის ნიშნები მათში, ჩანს თუ არა დაძაბულობა. ხშირი შავთეთრი ნახატები, გამოკვეთილად დიდი თვალები, გაშავებული ღრუბლების დახატვა, ხშირად გავლებული უჩვეულოდ გრძელი ხაზები, არარსებული ფან-ტასტიკური არსებები, შესაძლოა გამო-ხატავდეს მეტისმეტ წუხილს და შფოთვას. ასევე, დაწოლილი, ჰორიზონტალურ მდგომარეობაში დახატული ადამიანის ფიგურები - ეს გარდაცვალების შიშის მაჩვენებელია, რომელიც შესაძლოა სწორედ არსებულ სიტუაციას უკავშირდება.

ავტორი: მარიკა ღომიძე

ხელოვნება

2022 წელი

საწერი კალმით შექმნილი ნახატები ნინი ცარციძე თვითნასწავლი მხატვარია, რომლის შემოქმედება ინდივიდუალიზმით გამოირჩევა. როგორც თავად აღნიშნავს, ხატვის მიმართ განსაკუთრებული სიყვარული, ღრმა ბავშვობიდან მოჰყვება. ეს პროცესი სიამოვნებას ანიჭებს. ნახატებს „ტუში“ კალმებით ქმნის, ეს კი მის ნამუშევრებს კიდევ უფრო საინტერესოს ხდის. მხატვრისთვის ქალის სხეული შთაგონების წყაროა. თავისი ნახატებით ონკოპაციენტების გამხნევებას ცდილობს. ნინი ცარციძის შემოქმედებაში ხშირად შენიშნავთ ქალს ცალი მკერდით, შეხვეული თავით, ჯაჭვებითა და სხვა მრავალი სამკაულით. ხატვის განსხვავებული მიმდინარეობის უკეთ გასაცნობად, თავად მხატვარს გავესაუბრე.

ლოდ ტუშითაა შესაძლებელი. ნახატი ტუშის საშუალებით ნაბეჭდს, ემსგავსება რაც ხშირად მნახველის აღფრთოვანებას იწვევს. _რატომ ჭარბობს თქვენს შემოქმედებაში ქალის ფიგურა? _მიუხედავად იმისა, რომ 21-ე საუკუნეა ქალის როლი დღეს სათანადოდ არ არის დაფასებული. ეს გამოიხატება ფემიციდისა და ქალთა ჩაგვრის გახშირებული შემთხვევებით ჩვენს საზოგადოებაში. _რომელ მიმდინარეობას წარმოადგენს თქვენი ნამუშევრები? _ჩემი ნახატები სრული იმპროვიზაციის შედეგია, რაც გულისხმობს თვითმყოფადობას და ორიგინალურობას. თუმცა არსებობს მსგავსი მიმდევრობაფოლკ არტი, მაგრამ მაინც დიდი განსხვავებაა ჩემი ხატვის სტილსა და ფოლკ არტს შორის. _თქვენი ნახატები უამრავი დეტალისგან შედგება დაახლოებით რა დროს უთმობთ მათ შექმნას? _საკმაოდ დიდი დრო და ძალისხმევაა საჭირო ამ პატარა დეტალებისა და ორნამენტების დასახატად. თუმცა მთავარია კომფორტული გარემო და განწყობა. ყოფილა შემთხვევა, ერთი კვირა მიხატავს ან პირიქით, ორი განსხვავებული ნახატი ერთ დღეში შემიქნმია.

_რას ნიშნავს შენთვის ხატვა ? _როდესაც ვხატავ შინაგანი თავისუფლების განცდა მეუფლება, რაც მეხმარება სხვადასხვა სირთულის დაძლევაში. ეს პროცესი ჩემთვის უარყოფითი ენერგიებისგან განთავისუფლების საუკეთესო საშუალებაა. _ კონკრეტული ნახატის შექმნისას წარმოგიდგენიათ თუ არა მისი საბოლოო ვარიანტი ? _წინასწარ არასოდეს ვგეგმავ რას დავხატავ, ძირითადად ინტუიტიურად იქმნება ჩემი ნაშრომები, რომლებიც ჩემს შინაგან სამყაროს გამოხატავს. _სახატავად ამ საშუალებას რატომ იყენებთ? _ამ მიმდინარეობის სპეციფიკა დეტალებზე მაქსიმალურ ორიენტირებას ითვალისწინებს, რისი მიღწევაც მხო-

_რა არის ის რაც გიბიძგებთ შექმნათ მსგავსი ნახატები? _შინაგანად დაგროვილი ემოციები პირველი ბიძგია შევქმნა რაღაც ახალი. მეორე არის ირგვლივ მყოფი ადამიანების დადებითი დამოკიდებულება მათი აღფრთოვანება მაძლევს სტიმულს განვითარების და რაღაც ახლის შექმნის. _რომელია ის სახასიათო ელემენტები რაც ქმნის შენი მხატვრობის ინდივიდუალობას? _ჩემს ნახატებს ვინც ხშირად ადევნებს თვალს, ის აუცილებლად ამოიცნობს ჩემს ნამუშევარს და ხელწერას მსგავს ნახატებში. პირველი თვალში საცემი დეტალია ქალი, ხშირად ვხატავ ნამუშევრებში ბორჯღალს, წრეებს. გამოარჩევს ისიც, რომ ვხატავ მხოლოდ 4 ფერში. _თქვენი

ნახატები

6

საქართველოს

ფარგლებს გარეთ არაერთხელ გაგზავნილა. რომელია ეს ქვეყნები და რამ გამოიწვია ამ ადამიანების დაინტერესება? _ნამუშევრების რეალიზაცია ხდება როგორც საქართველოში, ისე მის საზღვრებს გარეთ. მათ შორის ამერიკაში, საფრანგეთში... მყიდველის პირველ ინტერესს ნახატის ორიგინალურობა და შესრულების სუფთა ტექნიკა იწვევს. _რას ფიქრობთ საზოგადოებაზე, როგორ უყურებენ ქვეყნის სახელოვნებო სივრცეს? _დღეს ხალხს იმდენი პრობლემის წინაშე უწევს ცხოვრება, იმდენად უკან დახია ცხოვრების რიტმი პანდემიამ, რომ ადამიანებს განწყობა აღარ აქვთ ხელოვნებას დაუთმონ დრო. სულ რაღაც 3 წლის წინ ხშირად მპატიჟებდნენ გამოფენებზე, ახლა ეს ყველაფერი თითქოს აღარ ითვლება საჭიროდ. ეს ძალიან ცუდია, მოტივაციას გიკარგავს თითქოს. დიდი იმედი მაქვს რომ მალე დავუბრუნდებით უწინდელი ცხოვრების რიტმს. _სამომავლო გეგმები... _სამომავლო გეგმებს რაც შეეხება, ვაპირებ ახალი ნამუშევრების შექმნას და პერსონალური გამოფენის მოწყობას.

ავტორი: მარიამ ცარციძე

2022 წელი

ხელოვნება

ნინი ცარციძის ნახატების ფოტო გალერეა

7

ხელოვნება

2022 წელი

8

2022 წელი

სპორტი

„ჩვენ ვაჩვენეთ მაგალითი, რომ ქალებს ყველაფრის გაკეთება შეუძლიათ“ ქალთა საფეხბურთო კლუბი „ლანჩხუთი“ პირველია, რომელმაც „უეფას“ საკლუბო ტურნირის მეორე საკვალიფიკაციო ეტაპი მოიგო. 25 წლის ია ალეიშვილი _ კაპიტანია. 28 წლის თეონა თოდაძე კი ნახევარმცველის პოზიციას

უკვე სამი წელია იკავებს. ია ქალთა კლუბ „ლანჩხუთში“ 11 წელია თამაშობს. მიუხედავად სქესისა, მშობლები მის საფეხბურთო კარიერას ყოველთვის მხარს უჭერდნენ. ოჯახისგან განსხვავებით, საზოგადოების სტერეოტიპული აზროვნების მსხვერპლი არაერთხელ გამხდარა: „მე ვერ დავუჯერებ იმ გოგოს, რომელიც იტყვის, რომ ასეთი შემთხვევა არ ჰქონია. სამწუხაროა, მაგრამ ასეა. მინდა ხაზგასმით აღვნიშნო, რომ ასეთი დამოკიდებულება ადრე განსაკუთრებით იგრძნობოდა. “ იამ საუბრისას აღნიშნა, რომ მისთვის მთავარი ყოველთვის ფეხბურთი და მასთან დაკავშირებული სამომავლო გეგმების სისრულეში მოყვანა იყო. ამიტომ საზოგადოების უარყოფითი დამოკიდებულებას ყურადღებას არ აქცევდა. იას დადებითად ახსენდება მისი პირველი მწვრთნელი, ავთო ორმოცაძე,

რომელიც სკოლებში დადიოდა და ეძებდა გოგოებს, ვისაც ფეხბურთის თამაშის სურვილი ექნებოდათ. „შეკრიბა გოგონები, შემდეგ გააკეთა პატარა გუნდი, რომელიც მონაწილეობას იღებდა მინიტურნირებზე. ძალიან დაბალი დონის ტურნირებზე. მაშინ საქართველოში არც იყო განვითარებული ქალთა ფეხბურთი. სულ რაღაც ხუთი წელია,რაც საქართველოს ქალთა ეროვნული ჩემპიონატი ტარდება.“ როგორც ია იხსენებს, ამ მიღწევების უკან ბევრი პრობლემა და სირთულე არსებობდა, რაც საბედნიეროდ, დღეს მათთვის პრობლემას აღარ წარმოადგენს. ფეხბურთელებს არ ჰქონდათ გასახდელები, საშხაპეები, ფორმები და ის აუცილებელი რესურსი, რაც მათ სჭირდებოდათ. ამ ყველაფრის არ ქონა მათ მოტივაციაზეც ახდენდა გავლენას, რადგან არ ჰქონდათ შესაძლებლობა თამაშზე მომზადებულები წასულიყვნენ. გოგონები სავარჯიშოდ სოფლებიდან ფეხით დადიოდნენ, რადგან ტრანსპორტი არ ფუნქციონირებდა ეს იმ პრობლემების მცირედი ჩამონათვალია, რაც მათ ერთად გამოიარეს. „გასახდელიც კი არ გვქონია,სადაც ვვარჯიშობდით იმ მოედანზე .მეზობელს ვთხოვდით, რომ მასთან გამოგვეცვალა, რაც დიდ დისკომფორტს გვიქმნიდა, ამის გამო გუნდი არაერთმა ფეხბურთელმა დატოვა.“ ია იხსენებს,რომ ლანჩხუთში ბოლო გამარჯვებამდეც ცნობდნენ და ყოველთვის გულშემატკივრობდნენ „თამაშებზე ყოველთვის ბევრი ადამიანი გვესწრებოდა, მათ სჯეროდათ ჩვენი.“ გამარჯვებამ გურიის ამ პატარა ქალაქში განსაკუთრებული არაფერი შეცვალა, მაგრამ, მისი თქმით დამოკიდებულება მათ მიმართ დადებითი გახდა. „ლაჩხუთის გარეთ საზოგადოებას შეეცვალა დამოკიდებულება და წარმოდგენები, ამას ვკითხულობთ სოციალურ ქსელებში. ვფიქრობ, ამ გამარჯვებამ საზოგადოებას კიდევ ერთხელ დაანახა, რომ ქალებს ყველაფრის გაკეთება შეგვიძლია, სპორტი იქნება ეს, თუ განათლება. ჩემთვის ყველაზე მნიშვნელოვანი არის ის რომ საქართველოში დაიწერა ისტორია.“ ქალთა ფეხბურთის ბოლო წლების ყველაზე დიდი წარმატება უკავშირდება ახალგაზრდა მწვრთნელის, გიორგი ჩხაიძის სახელს, რომელიც ამ პოზი-

9

ციას 2018 წლიდან იკავებს. მისი ხელმძღვანელობის პერიოდში, ქალთა საფეხბურთო კლუბი, „ლანჩხუთი“ პირველი ქართული კლუბი გახდა, რომელმაც „უეფა“-ს 2020-2021 წლის სეზონის ქალთა ჩემპიონთა ლიგის ფინალურ ეტაპზე იასპარეზა. საკვალიფიკაციო ეტაპზე წარმატებული თამაშის შემდეგ, მისი ხელმძღვანელობით „ლანჩხუთი“ ევროპის საუკეთესო 32 კლუბს შორის მოხვდა. გიორგი ჩხაიძესთან ერთად, ქალთა საფეხბურთო კლუბი საქართველოს ჩემპიონატში ორჯერ დაეუფლა ვერცხლის მედალს. კორონავირუსის ფონზე გუნდი მაინც ახერხებდა ვარჯიშების ჩატარებას ყველა რეგულაციის დაცვით სპორტის ფედერაციამ საჭირო პირობები გუნდს მას შემდეგ შეუქმნა, რაც საერთაშორისო მაშტაბებით აღიარებული გახდა. 2018

წელს, ჯერ კიდეევ მაშინ, როდესაც მწვრთნელის პოზიციაზე იყო ბატონი გიორგი ჩხაიძე, ნაკრები სრულად მოკლებული იყო საჭირო რესურსს. „პრობლემები იქმნებოდა ყოველდღიური ვარჯიშის დროს. საკლუბო უნიფორმების არ არსებობის გამო გუნდი ვერ ასპარეზობდა.“ ქალთა საფეხბურთო კლუბი „ლაჩხუთი“ საქართველოს ჩემპიონი 2019 წელს გახდა. 2020 წლის ქალთა ლიგის გათამაშება კი, „ლანჩხუთმა“ 34 ქულით მეორე ადგილზე დაასრულა. ქალთა ფეხბურთის გუნდმა, საქართველოს სპორტის ისტორიაში წარუშლელი კვალი დატოვა.

ავტორი: მარი ცინცაძე

სპორტი

2022 წელი

საუკეთესო 10 კალათბურთელი ნაციონალურ საკალათბურთო ასოციაციაში NBA. 10) ალენ აივერსონი ალენ აივერსონი ერთ-ერთი საუკეთესო „დაბალი“ კალათბურთელია ლიგის ისტორიაში. „ფილადელფიას“ ლეგენდა 75 კგ-ს იწონიდა და სიმაღლეში 1.83 სანტიმეტრი იყო, თუმცა ამას ხელი არ შეუშლია მისთვის NBA-ს ისტორიაში შესულიყო. აივერსონი საშუალოდ მატჩში მოპოვებული ქულების რაოდენობით მეექვსე ადგილზე იმყოფება (26.6 ქულა), ხოლო მატჩებში პარკეტზე გატარებული დროით მეოთხეა. (41.1წუთი შეხვედრაში). ალენი ლიგის საუკეთსო მოთამაშედ 2001 წელს დასახელდა. „ფილადელფიამ“ კი ფინალი საოცარ ფორმაში მყოფ „ლოს-ანჯელეს ლეიკერსთან“ 4-1 დათმო. აივერსონი თერთმეტგზის ყველა ვარსკლავის მატჩის მონაწილეა და ერთადერთი კალათბურთელია, რომელმაც პირველივე წელს ზედიზედ 4 შეხვედრაში 40 ქულიანი ბარიერი გადალახა.

9) ალექს ენგლიში ალექს ენგლიშის კარიერა ნაკლები სათამაშო დროის გამო „მილოუკისა“ და „ინდიანაში“ არასტაბილურად დაიწყო, თუმცა „დენვერში“ მან თავისი ადგილი იპოვა კალათბურთში და „ნაგეთსის“ ერთპიროვნულ ლიდერად იქცა. კოლორადოელთა რიგებში ალექსმა 11 წელი გაატარა და ზედიზედ 8 სეზონში მოახერხა მინიმუმ 2000 ქულის მოპოვება. 80-იანი წლების „დენვერის“ მთავარი პრობლემა დაცვის სისუსტე იყო, რის გამოც „ნაგეთსი“ პლეიოფში მუდამ მარცხდებოდა „ლეიკერსთან“ „ჰიუსტონთან“ ან „სან ანტონიოსთან“. საბოლოოდ ენგლიშმა კარიერა

„დალასში“ 1991 წლის სეზონის შემდეგ დაასრულა. ალექსმა საკალათბურთო ასოციაციაში გატარებულ 15 წლიან პერიოდში 25613 ქულა ჩააგდო და საშუალოდ 21.5 ქულასა და 5.5 მოხსნას აგროვებდა.

8) პიტ მარავიჩი პიტ მარავიჩი NBA-ს ისტორიაში ერთერთი საუკეთესო მსროლელია, კოლეჯში ყოფნის პერიოდში „პისტოლ პიტი“ საშუალოდ 44.2 ქულას აგროვებდა, ლიგაში კი მისი მაჩვენებელი საშუალოდ 24.2 ქულა იყო. საინტერესოა, რომ მარავიჩის პერიოდში NBA-ში სამქულიანი ხაზი არ არსებობდა, პიტი კი ძირითადად შორეული სროლებით აგროვებდა ქულებს. მარავიჩს მუხლის ტრავმამ საკალათბურთო კარიერის გაგრძელების საშუალება არ მისცა.

10

ლიგაში გატარებული 10 წლის შემდეგ „პისტოლი“ იძულებული გახდა კარიერა დაესრულებინა. 1988 წელს პიტი 40 წლის ასაკში, გულის შეტევით, კალათბურთის თამაშის დროს გარდაიცვალა.

7) რეჯი მილერი რეჯი მილერი იმ იშვიათ კალათბურთელთა რიცხვს მიეკუთნება, რომლებმაც მთელი კარიერა ერთ გუნდში გაატარეს. „პეისერსის“ შემადგენლობაში რეჯიმ კონფერენციის ფინალში 5-ჯერ, ხოლო ლიგის ფინალში ერთხელ მოახერხა გასვლა. კარიერის მანძილზე მილერმა 25279 ქულა და 2560 სამქულიანი ჩააგდო. ერთადერთ ფინალურ შეხვედრაში კი „ინდიანა“ „ლეიკერსთან“ 4-2 დამარცხდა. მილერმა ყველა ვარსკლავის მატჩში მონაწილეობა 5-ჯერ მიიღო. კარიერის მანძილზე რეჯი საშუალოდ 18.2 ქულას და 3 გადაცემას აგროვებდა.

6) დომინიკ ვილკინსი დომინიკ ვილკინსი 1982 წელს „იუტა ჯაზმა“ აირჩია და „ატლანტაში“ გაცვალა, პირველივე წელს ვილკინსი საკმაოდ სოლიდურად გამოიყურებოდა და საშუალოდ 17.5 ქულას აგროვებდა. დომინიკმა ორჯერ მოახერხა ჩატენვების კონკურსის მოგება. 1988 წელს კი მისი და ჯორდანის დაპირისპირება ამ ტიპის ყველა დროის საუკეთესო კონკურსადაა მიჩნეული. დომინიკმა ლიგაში 16 სეზონი გაატარა და საშუალოდ 24.8 ქულას და 6.7 მოხსნას აგროვებდა.

5) პატრიკ იუინგი იუინგი 1985 წლის დრაფტზე „ნიუ იორკ ნიქსმა“ პირველ ნომრად აირჩია, პატრიკი ერთ-ერთი საუკეთესო ცენტრალური

2022 წელი

სპორტი ბურთელია, 41 წლის ასაკში მელოუნი ბეჭდის გამო „ლოს-ანჯელეს ლეიკერსში“ გადავიდა. გუნდში, რომელსაც ზედიზედ სამჯერ ჰქონდა ჩემპიონობა მოპოვებული, მაგრამ 2004 წელს „დეტროიტთან“ ფინალში უშანსოდ დამარცხდა. კარლი NBA-ში მეორე ადგილზე იმყოფება მოპოვებული ქულების რაოდენობით - 36928. მელოუნი ლიგის ორგზის საუკეთესო მოთამაშე, თოთხმეტგზის ყველა ვარსკლავის მატჩის მონაწილე და ორგზის ოლიმპიური ჩემპიონია. მელოუნმა კარიერა 25 ქულითა და 10.1 საშუალო მაჩვენებლით დაასრულა.

თავდამსხმელი იყო ლიგის ისტორიაში, თუმცა ჯორდანის დომინაციის გამო იუინგი ამჟამად იმ კალათბურთელთა რიგში შედის რომლებსაც სხვა ეპოქაში რომ ეთამაშათ, ჩემპიონობას აუცილებლად მოიპოვებდნენ. იუინგი ორგზის ოლიმპიური ჩემპიონი და თერთმეტგზის ყველა ვარსკლავის მონაწილეა. კარიერის განმავლობაში პატრიკმა 24815 ქულის და 11617 მოხსნის მოგროვება მოახერხა. კარიერა იუინგმა 2001-2002 წლების სეზონში „ორლანდო“ მეჯიქში დაასრულა და ლიგაში გატარებული 18 წლის განმავლობაში საშუალოდ 21 ქულას და 9.8 მოხსნას აგროვებდა.

4) ჯონ სტოკტონი ჯონ სტოკტონი ალბათ ყველა დროის საუკეთესო გამთამაშებელია, მისი საკალათბურთო აზროვნება დღემდე ერთ-ერთი საუკეთესოა. სტოკტონისა და მელოუნის დუეტმა 1997 და 1998 წელს ზედიზედ ორჯერ მოახერხა ლიგის ფინალში გასვლა, თუმცა ვერაფერი გააწყვეს მაიკლ ჯორდანის „ჩიკაგო ბულსის“ წინააღმდეგ და ორივე სერიაში ერთნაირი ანგარიშით 4-2 დამარცხდნენ. მიუხედავად საჩემპიონო შანსების არქონისა სტოკტონმა თამაში 2003 წლამდე განაგრძო და კარიერა 15,806 გადაცემითა და 3265 ჩაჭრით დაასრულა. აღსანიშნავია, რომ ლიგაში გატარებული 19 წლიდან 10-ში სტოკტონი საშუალოდ 10-ზე მეტ გადაცემას ასრულებდა.

წყურვილია. ბარკლი სიმაღლეში 1.98 იყო (ზოგიერთი მონაცემებით 1.93) და, მიუხედავად ამისა, მძიმე ფორვარდის პოზიციაზე თამაშობდა. ბარკლის კარიერა „ფილადელფიაში“ დაიწყო, თუმცა საკალათბურთო სიძლიერის ზენიტს ჩარლზმა „ფენიქს სანში“ მიაღწია. 199293 წლების სეზონში არიზონელებმა ფინალში მოახერხეს გასვლა, თუმცა იქ მაიკლ ჯორდანის „ჩიკაგო ბულსს“ დაუპირისპირდნენ და სერია 4-2 წააგეს. ბარკლი ორგზის ოლიმპიური ჩემპიონი, თერთმეტგზის ყველა ვარსკლავის მატჩის მონაწილე და ერთგზის ლიგის საუკეთესო მოთამაშეა. კარიერის მანძილზე ჩარლზი საშუალოდ 22.1 ქულას და 11.7 მოხსნას აგროვებდა.

2) კარლ მელოუნი კარლ მელოუნი ლიგის ისტორიაში ერთ-ერთი ყველაზე უიღბლო კალათ-

3) ჩარლზ ბარკლი ჩარლზ ბარკლი ნათელი მაგალითია იმისა, რომ კალათბურთში ფიზიკურ მონაცემებზე მნიშვნელოვანი ფსიქოლოგიური სიძლიერე და გამარჯვების

11

1) ელჯინ ბეილორი ელჯინ ბეილორი უნიკალური მოვლენაა საკალათბურთო სამყაროში, მოთამაშე, რომელიც სიმაღლეში მხოლოდ 1.98 იყო 1960-61 წლების სეზონში საშუალოდ 34.8 ქულას და 19.8 მოხსნას აგროვებდა. მიუხედავად მისი ვარსკლავური სტატუსისა, „ლეიკერსმა“ ვერცერთხელ შეძლო ბილ რასელის „ბოსტონ სელტიკსის“ დინასტიის დამ-ხობა. ბეილორმა კარიერა 197172 წლების სეზონამდე დაასრულა, აღნიშნულ პერიოდში კი „ლეიკერსმა“ თავისი ლიდერის გარეშე ზედიზედ 33 შეხვედრა მოიგო, სეზონი 69 გამარჯვებით დაასრულა და საჩემპიონო ბეჭდებიც მოიპოვა. ბეილორი კარიერის განმავლობაში საშუალოდ 27.4 ქულას და 13.5 მოხსნას აგროვებდა.

ავტორი: ნიკო კალანდია

სპორტი

2022 წელი

კობი ბრაიანტიკალათბურთის ვარსკვლავი შტატში, შვეულმფრენის ჩამოვარდნის შედეგად დაიღუპა ყველა დროის ერთერთი უდიდესი კალათბურთელი, კობი ბრაიანტი. ავიაკატასტროფაში დაიღუპა 9 ადამიანი, მათ შორის ერთ-ერთი ბრაიანტის 13 წლის ქალიშვილი ჯიანა ბრაიანტი. შევეცდებით შემოგთავაზოთ 8 მომენტი, რომელმაც განსაზღვრა კობის კარიერა და მისი “მამბას მენტალიტეტი” 1. ახალგაზრდა მამბა კალათბურთის ღმერთის წინააღმდეგ. ლებრონისა და ჯორდანისგან განსხვავებით, კობისგან კარიერის დასაწყისში დიდ ამბებს არავინ მოელოდა. ის დრაფტზე არა პირველ, არამედ მე-13 ნომრად აიყვანეს. ახალწვეული გუნდის ძირითად წევრადაც არ მოიზრდებოდა. თუმცა კობის მთელი კარიერა ერთი დაუსრულებელი ბრძოლა იყო - მას მოუწია სამყაროსთვის დაემტკიცებინა, რომ ის რაღაცას ნიშნავდა. პირველივე სეზონში, როდესაც ლეიკერსი უძლიერეს გუნდს და ლიგის ჩემპიონ ჩიკაგო ბულზს დაუპირისპირდა, კობიმ კალათბურთის მეფე, მაიკლ ჯორდანი გამოიწვია. მიუხედავად იმისა, რომ ჩიკაგომ ლეიკერსი დაამარცხა, ხოლო ჯორდანმა 36 ქულა ჩააგდო, სკამიდან შემოსულმა კობიმ მას ღირსეული დუელი შესთავაზა და ყველა დროის უდიდეს კალათბურთელს 33 ქულა ჩაუგდო. საკალათბურთო სამყარომ შავი მამბას მესიჯი მიიღო. ბევრისთვის სწორედ აქ დაიბადა კობის ლეგენდა - ბიჭის, რომელსაც არავის ეშინოდა!

2. პირველი საჩემპიონო გაბრწყინება. კობიმ ლეიკერსთან ერთად ჩემპიონობა 5-ჯერ მოიგო. თუმცა პირველ საჩემპიონო სეზონში, ის შაკილ ო’ნილის, იმ პერიოდის (და არამარტო) ყველაზე დომინანტ მოთამაშის ჩრდილში იმყო-ფებოდა. 2000 წლის მაისში, ლეიკერსი სუპერფინალში ინდიანას უპირისპირდებოდა.

მე-4 მატჩი განსაკუთრებით დაძაბული გამოდგა და თამაში ოვერტაიმში გადავიდა. გუნდის ლიდერმა და მთავარმა ვარსკვლავმა, შაკილ ო’ნილმა მე-6 პერსონალური ჯარიმა მიიღო და პარკეტის დატოვება მოუხდა. სწორედ აქ იგრძნო კობიმ, რომ ეს მისი დიდების დრო იყო. მან ლიდერობა საკუთარ თავზე აიღო და ოვერტაიმში გადამწყვეტი ბურთიც ჩააგდო. თუ წინა სეზონში კობიმ NBA-ს საკუთარი თავი გააცნო, ამ მატჩში ნამდვილი სუპერვარსკვლავი, და რაც მთავარია - ლეიკერსის მეფე დაიბადა.

3. 81 ქულა ერთ თამაშში! თუ კობის კარიერაში ერთ რომელიმე თამაშის გამორჩევას მოგვთხოვენ, ეს აუცილებლად 2006 წელს ტორონტო რეპტორსის წინააღმდეგ გამართული

12

მატჩი იქნება. შავმა მამბამ ამ მატჩში 81 ქულა ჩააგდო და თამაში ფაქტობრივად პირადად მოიგო. ერთ მატჩში ჩაგდებული ქულების რაოდენობით ეს ისტორიაში მეორე შედეგია და ის მხოლოდ ლეგენდარულ უილტ ჩემბერლენის 100 ქულიან პერფორმანსს ჩამორჩება.

4. მოწინააღმდეგე გუნდზე მეტი ქულა მხოლოდ კობის!

2005 წელს, დალასის წინააღმდეგ გამართული მატჩის 3 მეოთხედის შემდეგ ტაბლოზე ტეხასელების გრაფაში 61 ქულა ეწერა. ხოლო კობი ბრაიანტის ანგარიშზე 62 ჩაგდებული ქულა იყო. საბოლოოდ, ლეიკერსმა დალასი ისე გაანადგურა, რომ კობის ბოლო მეოთხედში პარკეტზე გასვლაც არ დასჭირვებია.

2022 წელი

5. კობის ოსკარი აქვს!

2018 წელს კობის გადაღებულმა ანიმაციურმა ფილმმა “ძვირფასი კალათბურთი”საუკეთესო მოკლემეტრაჟიანი ანიმა-ციური ფილმის ნომინაციაში გაიმარჯვა. ფილმი დაფუძნებულია კობის გამოსამშვიდობებელ წერილზე, რომლი-თაც მან 2015 წელს ნაციონალურ საკალათბურთო ასოციაცის კარიერის დამთავრების შესახებ აცნობა.. ამ პრიზით კობი გახდა ერთადერთი პროფესიონალი სპორტსმენი, რომელსაც

სპორტი

უმაღლესი სპორტული ჩემპიონატიც და ამერიკის კინოხელოვნების აკადემიის უმაღლესი ჯილდოც მოგებული აქვს.

6. ალბათ არაფერი არ აჩვენებს კობის ხასიათს ისე, როგორც ეს მომენტი.

2013 წელს, გოლდენ სტეიტ ვორიორსთან მატჩისას, კობიმ უმძიმესი ტრავმა მიიღო - მოთამაშემ აქილევსის მყესი გაიწყვი-ტა. ყველა პროფესიონალი მოთამაშე დაგვეთანხმება, თუ ვიტყვით, რომ სპორტსმენისთვის ამაზე საშინელი ტრავმა არ არსებობს. თუმცა კობიმ

თავისი მენტალიტეტი კიდევ ერთხელ გამოაჩინა და პარკეტი მანამ არ დატოვა, სანამ 2 საჯარიმო არ შეასრულა - თან ორივე ზუსტად.

7. რკინის ნერვები. კობი ნამდვილი მებრძოლი იყო. მას პარკეტზე არაფრის და არავის ეშინოდა. როდესაც ლიგის საუკეთესო მოთამაშე ხარ, მოწინააღმდეგეები ყოველთვის ეცდებიან შენს წყობიდან გამოყვანას. თუმცა კობის ტყუილად არ ეძახდნენ ცივსისხლიან ასასინსს.

8. Mamba out კალათბურთის ისტორიაში არავის ჰქონია იმაზე დიდი გამოსამშვიდობებელი მატჩი, ვიდრე კობის. ლეიკერსის ლეგენდის მთელი საკალათბურთო სამყარო სუნ-თქვაშეკრული ელოდა. თუმცა მატჩმა ყველას მოლოდინს გადააჭარბა და იუტა ჯაზის წინააღმდეგ ნამდვილი შოუ დაიდგა. 37 წლის ვეტერანმა უკანასკნელ მატჩში 60 ქულა ჩააგდო.

ავტორი: ნიკო კალანდია

13

სპორტი

2022 წელი

საქართველოს ოქროს ჩემპიონი კრივში ლაშა გურგენიძე ლაშა გურგენიძე 18 წლის ოქროს ჩემპიონია კრივში. მონაწილეობა მიღებული აქვს სხვადასხვა ჩემპიონატებში სადაც ბევრჯერ პირველი ადგილი აიღო. _რატომ გადაწყვიტეთ კრივზე შესვლა და როგორია შენი დღის წესრიგი? თავდაპირველად ჩემი დაინტერესება გამოიწვია სხვადასხვა ტიპის შეჯიბრებების ყურებამ, მამის სურვილმა და დაუშრეტელმა ენერგიამ. პირველ კლასში 6 წლის ასაკში შევედი ბოქსზე , ამის შემდეგ კი სულ ვცდილობ მივაღწიო სხვადასხვა წარმატებებს. რაც შეეხება დღის წესრიგს, ვიღვიძებ დილით ადრე და ვიწყებ პირველ ვარჯიშს, დავრბივარ 4 კილომეტრამდე მანძილს გახურებისთვის. შემდეგ მაქვს შესვენება და 3 საათის შემდეგ, კვლავ ვუბრუნდები ვარჯიშს გაორმაგებული ძალებით. _როდის გახვედი პირველად ჩემპიონატზე პირველად 7 წლის ასაკში გავედი ჩემპიონატზე, სადაც ავიღე მეორე ადგილი. თავდაპირველად ვბაძავდი როი ჯონსს, მისი თავისუფალი ჩხუბის სტილით შეპყრობილი ვიყავი და, შესაბამისად, ვცდილობდი, გადმომეტანა მისი ილეთები ჩემს ბრძოლებში. _როდესაც რინგზე გადიხართ, ნერვიულობთ თუ არა? _როგორც ყველა მოკრივე, რასაკვირველია, თავიდან მეც ვნერვიულობ, თუმცა რინგზე გასვლისთანავე ეს სტრესი იფანტება და ვერთვები ორთაბრძოლაში. ყველაზე კარგი მომენტია, როცა იმარჯვებ და გამარჯვების ნიშნად შენს ხელს ზემოთ წევენ.

-ვიცი, რომ საქართველოს ნა-კრებში

ხართ, როგორია იყოთ საქარ-თველოს ნაკრების წევრი? _რასაკვირველია, ძალიან მნიშვნელოვანია ეს ჩემთვის და ჩემი კარიერული განვითარებისთვის. ნაკრების ჩემპიონატებიდან ნამყოფი ვარ კუიბიშოში, რუმინეთში, მონტენეგროში და ასშ. სწორედ მონტენეგროში ბუდვაში დამთავრდა ახალგაზრდა მოკრივეთა (18-წლამდელები) ევროპის ჩემპიონატი, სადაც გავიმარჯვე. 2021 წლის 21 ოქტომბერს ნახევარფინალში რუმინელ ანდრეი მუშტეტს შევერკინე და ფინალში ბელარუსი მაცვეი დავიდაუ დავამარცხე. სწორედ ამ ჩემპიონატზე კვარცხლბეკის უმაღლეს საფეხურზე ავედი. _რას იტყვი სხვა ჩემპიონატებზე? _ბევრ ჩემპიონატში მაქვს მონაწილეობა მიღებული, თუმცა გამოვარჩევდი ევროპის ჩემპიონატებს. 18 წლამდელებს შორის ევროპის ჩემპიონატზე 2021 წელს მოვიპოვე პირველი ადგილი, ხოლო 22 წლამდელებს შორის ევროპის ჩემპიო-

14

ნატზე 2022 წელს ავიღე მესამე ადგილი. _საბოლოოდ 10-15 წლის შემდეგ როგორ ხედავ შენს თავს? _ალბათ, ნოკაუტერი ვიქნები, ჩემი სტილიდან გამომდინარე, სულ შეტევები მიწევს და, შესაბამისად, ეს ყველაზე სწორი იქნება. 63-იდან 70კგ ვიქნები და ვიასპარეზებ საშუალო წონაში.

-როგორი გარემოა მწვრთნე-ლებსა და გუნდელებს შორის? _ძალიან ჯანსაღი გარემოა, მომზადების დროს ყველა ერთმანეთს ეხმარება, ჩემპიონაზე რომ მიდის, მაგალითად, 7 დანარჩენი გუნდის წევრებიც მოდიან შეკრებაზე, გიდგებიან წყვილებში და მიუხედავად იმისა, რომ არ იღებენ შეჯიბრებაში მონაწილეობას, არ დუნდებიან და თავადაც ვარჯიშობენ, შენც გეხმარებიან ვარჯიშში და აშ.

ავტორი: თამარ წერეთელი